Making Bible Study Easy for everyoneEnglish • Hiligaynon
Back to Mark
Verse-by-Verse Bible Study

Mark 4:1–20

Parable ~ The seed and the sower… vs. 3-9, 14-20

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Marcos 4:1-20

Review…

  • Marcos – Ang Gospel para sa mga Gentil – ginapakita nga si Jesus alagad sang tanan – Marcos 10:45
  • Marcos 1:1-13 – Ang pagsugod sang Ministeryo ni Jesus
  • Marcos 1:14-45 – minsiteryo ni Jesus sa Galilea
    • Ang mensahe sang ministeryo ni Jesus… maghinulsol kag magpati sa Maayong Balita
    • Ang gahum sang ministeryo ni Jesus… gahum nga nagapangibabaw sa espiritwal / pisikal / kag sala
    • Marco 2:1-22 – Pang-hangkat sang mga Escriba kag mga Fariseo…
    • 1st nga panghangkat – Napatawad na ang mga sala mo – ang pag-ayo sa paraletiko…
    • 2nd nga panghangkat – Pagkaon upod sa mga makasasala – kun nagamasakit ka, kadto ka sa doktor…
    • 3rd nga panghangkat – Puasa? – Indi sa tion sang kasal! – Indi kita matarong tungod sang aton kaugalingon nga obra
    • Marcos 2:1-23 – 3:6… Sige gihapon pang-atake – Ang Sabado
    • Paglapas sang Sabbath – ang mga disipulo mamudyot “mais”para kaunon…
    • Pag-ayo sa Sabado – ang tawo nga may nalitos nga kamot…
    • Marcos 4:1-20… Ang 12
    • Nangamuyo si Jesus bilog nga gab-i – kag ginpili niya ang 12 ka tawo nga nangin mga Apostoles
      • Ginpili niya sila para ipadala (mga misyon) kag magtudlo sang mensahe sang Gospel
      • Indi sila ang grupo nga gina-expektar mo – simple/ordinaryo – pero gintawag sang Dios!
    • Pagpasipala sa Balaan nga Espirito…
      • Pagkatapos sang Sermon sa Bukid – Nag-ayo si Jesus sang bulag kag sang apa…
      • Ang mga escriba nagainsister nga ‘Naka-ayo” si Jesus gamit ang gahum ni satanas – kag indi sa gahum sang Dios
      • Ang kaharian nga natunga (may gyera sibil) indi makatindog – Si Jesus nagkari para kawatan ang makusog nga tawo(satanas)
      • Tanan nga sala may kapatawaran – luwas na lang sa sala nga kilala mo na si Jesus pero ginsikway mo Siya
    • Mga Parabola… vs. 1-2
    • Gintudloan sila ni Jesus paagi sa mga Parabola…
    • Matapos lang gid nga makasumalang ni Jesus ang mga lideres sang relehiyon, nagpa-dagat siya
      • Tungod sa pwerte kadamo nga tawo nga nag tipon-tipon, nagsaka si Jesus sa isa ka baroto kag nagtudlo sa ila…
      • Ang rason kun ngaa baroto kay ang tubig natural nga nagapatunog sang tingog kag madamo makabati…
    • Nagtudlo siya paagi sa mga parbola… Simple nga mga istorya parte sa kabuhi nga nagapa-alinton sang mas madalom nga kamatuuran espiritwal…
      • Malab-ot 57 ka parabola ni Jesus ang ara sa Maayong Balita…
      • 4 ka parabola sa Marcos 4 – Ang Manugsab-ug / Kapawa sang Kristohanon / Nagatubo nga binhi / Binhi sang mustasa
      • 1 – ang parabola sang “nagatubo nga binhi” – makit-an diri lang sa Marcos
    • Ngaa mga parabola… vs. 10-13
    • Nahatag na sa inyo…
    • Wala ginatuyo nga paathagon sang mga parabola ang mga kamatuuran espiritwal…
      • Sa baylo, ang mga parabola magatago sini!
      • Indi maintindihan sang kadam-an ang parabola sang Binhi kag sang Manugsab-ug
      • Sa pagkaintiende nila, ginatudluan sila ni Jesus nga mangin mas maayo nga mga mangunguma…
      • Nalisahan gid nila ang espiritwal nga kahulugan sang parabola…
    • Ang mga dicipulo lang ang naka-intiende sang tuod nga kahulugan sang parabola…
      • Ngaa – kay ginpaathag ni Jesus sa ila!
      • Ang kadam-an nagkari para makita si Jesus – ayhan basi para makita nila kun ano ang makuha nila sa Iya
      • Pero ang mga dicipulo nagpili nga magsunod kay Jesus…
      • Naghatag gid si Jesus sang tiempo para nga ipaathag sa mga tawo nga desidido nga magpamati kag magsunod
    • Ngaa gintago ang kamatuuran sa mga kadam-an…
    • Nagatulok pero indi makakita – nagapamati pero indi makabati – kag indi man maka-intiende…
    • Indi man nga indi gusto ni Jesus nga makabati sang kamatuuran ang kadam-an…
    • Indi gid ya nila gusto – kunol ang ila tagipusoon – kag ginsira na nila ang ila mga mata kag dulunggan!
    • Indi sila maka-intiende kay indi nila gusto maghatag sang tion nga makatuon!
    • Nabudlayan bala kita nga mag-intiende sang Pulong sang Dios
    • Kun pilion ta nga ihatag ta ang aton kabuhi kay Jesus – mangabuhi para kay Jesus
    • Ginamuklat niya ang aton mga mata para makakita kita kag ginabuksan niya ang aton dulunggan para makabati…
    • Mahatag siya sang tion para ipaathag ang Pulong para aton nga maintindihan
    • Ang yabe para sa iban nga mga parabola… vs. 13
    • Ining una nga parabola nga ginhatag ni Jesus amo ang yabe para maintindihan naton ang iban nga mga parabola
    • Wala nasulat sa Bibliya ang pagpaathag sang kada parabola – pero ining isa, ginpaathag ni Jesus
    • Mausar naton ang pagpaathag ni Jesus sang sini nga parabola sa aton paghangop sang iban nga parabola…
    • 1st Parabola ~ Ang Binhi kag ang Manugsab-ug… vs. 3-9, 14-20
    • Ang Binhi…
    • Ang Binhi amo ang Pulong sang Dios – ang binhi wala nagabaylo – Perfekto ini
    • Ang duta amo ang mga tagipusuon sang mga tawo nga gintup-an (Makabati sang Gospel) sang binhi (Pulong sang Dios)
    • Roma 1:16 – “ Wala ko ginakahuya ang pagwali sang Maayong Balita. Kay amo ini ang gahom sang Dios sa pagluwas sa tanan nga nagatuo, una sa mga Judio, kag dason sa mga indi Judio. ”
    • Kun mamunga man gid ang binhi nagadepende sa duta nga iya matup-an…
    • Ginasugiran kita ni Jesus nga may ara 4 ka klase sang duta…
  • 1st Duta – Sa kilid-kilid– inang mga wala nagpati…
    • Ang duta / tagipusoon nagtig-a na nga indi na magpati… kay indi makaintiende…
    • Ang krus – kun ngaa ara sa kabubuton ni Jesus nga mapatay para sa aton…
    • Ang tawo may problema… ang Dios nagasugo nga mangin balaan… perfekto
      • Kalabanan sang mga tawo nagapati nga sila “Maayo nga tawo” – apang sa kay sin-o nga talaksan ang ginabasehan sang ila pagka-maayo…
      • Sa ila nga talaksan… Ang talaksan lang gid sang Dios ang makadala sa aton sa langit…
    • Ang talaksan sang Dios perfekto gid – Pagkabalaan! – Leviticus 19:1-4
      • Ano ang kahulugan sang Balaan – perfecto… wala sing bisan isa ka sala!
      • Mateo 5:48 – “Gani dapat wala kamo sing kasawayan sa inyo pagtratar sa inyo isigkatawo pareho sang inyo Amay sa langit.”
      • Ang problema indi kita perfecto…
      • Romans 3:23 – “Kay ang tanan nga tawo nagpakasala kag indi takos sa panulok sang Dios.”
      • Kag ang kabayaran kay indi kita perfecto amo ang kamatayon…. Romans 6:23
    • Indi kita makapalangit paagi lang sa pagpangabuhi nga Maayo…
      • Indi ta malab-ot ang talaksan sang Dios nga perfecto – Iya Kasuguan – bisan maninguha pa ta tudotudo
      • Indi kita makatuman sang 613 ka sugo sang Dios, kada adlaw sang aton kabuhi – nga indi makasala
      • Kaangay sang yardahan nga makatakos kun ano ikaw kataas – pero indi makadugang sa kataas mo
      • Gihatagan kita sang Dios sang mga pagsulundan indi para mangin perfecto kita – kundi para mahibaluan naton nga makasasala kita
      • Galacia 3:24 – “Ang halimbawa sang Kasuguan pareho sang isa ka yaya nga nag-atipan sa aton hasta sa pag-abot ni Cristo, agod paagi sa aton pagtuo sa iya pakamatarungon niya kita.”
    • Kun maintindihan ta na nga makasasala kita – mahangpan ta nga kinahanglan ta si Jesus bilang aton manluluwas!
      • Nagbayad siya sang utang nga indi iya – tungod may utang kita nga indi naton masarangan bayaran
      • Ang kaluwasan makamtan naton paagi sa pagtuo sa nakumpleto na nga obra ni Jesus – Roma 10:9-10
      • Ini libre nga regalo… nagakahulugan nga wala gid kita sang mahimo para ganaron ini – Efeso 2:8-9
    • Kun nagapensar ka nga indi mo kinahanglan si Jesus…
      • Ang malauton – satanas – nang-agaw – harpazo – gindakop kag pwersahan nga gindala
      • Nagapati gid bala kita nga mahigko kag malain nga makasasala kita…
      • Wala gapadala ang Dios sang maayo nga tawo sa impyerno – galing wala man sang bisan isa nga maayo
      • Makatilingala nga nagapadala ang Dios sang mahigko kag malain nga makasasala sa langit – isa ka regalo sang bugay
      • Nagalain bala aton buot – nagtig-a bala aton tagipusoon
      • Ukon nagakalipay kita – sa paghibalo sang higugma kag paglaum sang kaluwasan kay Jesus
  • 2nd Duta – Ang Ma-bato nga Duta – Ang mga nagapati – pero wala sang pagbatas…
    • Mabatuhon nga lugar – ang tawo nga nagabaton sang Pulong nga may kalipay… apang…
      • Mga kapipit-an naga-abot – thlipsis – ang linasan sang ubas (kabudlayan / pagtilaw)
      • Ang Maayong Balita indi mensahe sang mahapos nga kabuhi – ini nagatuhoy sa pagtamod naton sa kabuhi
      • II Corinto 4:17 – “Ang mga kabudlayan nga amon ginaantos diri sa kalibutan umalagi lang kag indi gid mabug-at. Kag tungod sang amon mga pag-antos, may ginatigana ang Dios nga balos para sa amon nga wala sing katapusan kag indi gid makatupong sa amon pag-antos.”
      • Ano ang importante sa aton… ang kabuhi nga ini, ukon ang kabuhi nga wala katapusan
      • Kun nagatulok kita sa kabuhi nga ini – indi naton maintindihan kun ngaa may pagtilaw…
    • Ang Katuyuan sang pagtilaw kag kabudlayan (3 ka rason)…
    1. Kinahanglan naton sang bulig para para mahibaloan ta nga indi kita dapat magsalig sa aton nga kaugalingon…
      • II Corinto 1:8-10 – “Mga utod kay Cristo, gusto namon nga mahibaluan ninyo ang amon naagihan nga kalisod sa probinsya sang Asia. Kay sa sadto nga tiyempo daw indi na gid kami makaantos, kag ang hunahuna namon mapatay na gid kami. 9 Abi gani namon amo na ato ang amon katapusan. Pero natabo gali ato agod makatuon kami nga indi magsalig sa amon kaugalingon, kundi sa Dios nga amo ang nagabanhaw sang mga patay.  Ginluwas niya kami sa kamatayon, kag pagaluwason pa gid niya kami liwat. Siya lang gid ang amon ginasaligan nga magapadayon sa pagluwas sa amon”
      • PARA– makahibalo kita nga indi magsalig sa aton kaugalingon, sa baylo magsalig kita sa Dios
    • 2. Tungod makakita kita sang kusog sa aton kaluyahon…
      • II Corinto 12:9-10 – “Pero wala niya pagkuhaa. Sa baylo nagsiling siya, “Ang akon bulig amo lang ang imo kinahanglan. Kay makita gid ang akon gahom kon maluya ka.” Gani malipayon gid ako sa pagpabugal parte sa akon mga kaluyahon, agod mabatyagan ko permi ang gahom ni Cristo sa akon. 10 Gani malipayon ako subong sa akon mga kaluyahon, sa mga pagpasipala sa akon, sa mga kabudlayan, sa mga paghingabot, kag sa mga kapiutan tungod sang akon pagsunod kay Cristo. Kay kon maluya ako, ginapabaskog ako sang Dios."
      • Masami nagasalig kita sa aton nga kusog – ano gid ang aton kusog kon ikumpara sa Dios
      • Sa tuodtuod lang, maluya kita – galing sa aton nga kaluyahan makakita kita sang kakusog
      • Kon marealisar naton nga maluya kita, nagatuon kita nga magdepende sa kusog sang Dios
    • 3. Sa aton pagkaintiende sang mga rason sang mga pagtilaw – nagadalom ang aton gamot
      • Colosas 2:7 – “Magpanggamot kamo sa iya kag magtubo. Magpakalig-on kamo sa pagtuo nga gintudlo sa inyo, kag magpasalamat man kamo permi sa Dios.”
      • Kaangay sang isa ka kahoy nga nagtubo sa mahangin nga bahin sang bakulod
      • Mangin malig-on / indi mauyog / nakatanum kag nakapanggamot kay Jesus
    • Ano ang matabo kun wala kita nakapanggamot nga madalum kay Jesu…
      • Nagakasandad – skandalizo – di magsalig kag magbiya sa isa nga dapat naton saligan / tumanon
      • Tungod wala kita nakatutok sa eternal, indi naton maintindihan ang aton mga pagtilaw
      • Nagaduda kita kag wala nagasalig kay Jesus – nga siya naghatag sang iya kabuhi para may paglaum kita
      • “Gintilawan ko si Jesus, wala man gihapon” – kasubo…
    • Ang matunokon nga duta – ang mga nagpati – pero wala namunga…
    • Ang mga nanamian sa mensahe sang Gospel – pero mas ginahigugma nila ang kalibutan…
      • Nagapangita sang sabat sa tanan na lang nga lugar… nakuga na sang kalibutan
      • Mga ginapaligban – merimna – ginamo / kabalaka
    • Ang pagkamalimbongon sang manggad – ang kaluyag sang mga kagamitan…
      • Namian kita maminsar nga ang sabat sa kabuhi kwarta – kun kumpleto ta sa kagamitan – sadya gid!
        • Kaangay ni Haring Solomon – abi ta ang hilamon mas berde didto sa pihak…
        • Si Solomon nga gintilawan gid ang tanan – pangita sang kalipay – Manugwali 2:1-11
        • Na realisar ni Solomon nga tanan wala pulos – daw nagalagas sa hangin…
        • Pagpangita sang kalipayan – sabat sa kabuhi sa sini nga kalibutan – nagalagas lang sa hangin
        • Indi nga nagalagas kita sang butang nga budlay dakpon – wala gid ya sang dalakpon!
      • Paghigugma sa kwarta – kaluyag sa kagamitan – magadala lang sang problema…
        • I Timoteo 6:9-10 – “Pero ang mga tawo nga gusto magmanggaranon indi mahimo nga indi mahulog sa mga pagsulay. Masiod sila sa mga wala sing pulos kag malain nga mga handom nga amo ang nagaguba kag nagadala sa mga tawo sa kalaglagan. 10 Kay kon kuwarta na gani ang aton palabihon, amo ina ang halinan sang tanan nga klase sang kalainan. Ang iban nga mga tawo, sa sobra nga handom sang kuwarta, nagtalang na sa pagtuo kag napuno sang kalisod ang ila tagipusuon.”
        • Ang mga gahandum sang mas madamo pa nga kwarta – nalisa sa pinakamaayo nga manggad sa tanan – si Jesus
        • Indi nila madedikar ang ila kabuhi sa kwarta kag sa kagamitan – kag maghigugma kay Jesus
        • Ginauyangan nila ang ila kabuhi sa mga gamit nga indi man magdugay – baylo sa padya sa eternidad
      • Ang solusyon – mangin kontento…
        • Pagkaon kag panapton – I Timoteo 6:8 / imo sweldo – Luke 3:14 / kun ano may ara ka
        • Hebreo 13:5 – “Likawi ninyo ang paghigugma sa kuwarta. Magkontento kamo sa mga butang nga ara sa inyo, tungod kay nagsiling ang Dios, “Indi ko gid kamo pagbayaan ukon pagpabay-an.”
        • Ang pinakamanggaranon nga tawo sa kalibutan – amo ang tawo nga kontento na sa kun ano may ara siya!
        • Indi gid kita makontento – bisan ano pa kadamo sang kagamitan ta – kun pirme lang ta nagahandom sang mas madamo pa gid
    • Kun masiod kita sa mga palaligban sining kalibutan… indi na kita mabinungahon
      • Ang pagkamabinungahon nagahalin sa aton nga pag-angot kay Jesus – Juan 15:4-5
      • Kun mag-angot kita sa kalibutan– wala kita bunga
      • Sa pagtinguha ta nga dakpon ang hangin (manggad) – malisahan ta ang kabuhi kay Kristo !
      • Nagakalisod ka sa kwarta – nabudlayan ka nga mangin mabinungahon…
      • Nagapalibog ka sang mga palaligban sang kalibutan – sundi siya nga nagtuga sang kalibutan
      • Wala siya ginakulang – tatapon niya ikaw sa imo mga kinanglanon – kag himoon niya ikaw nga mabinungahon!
    • Maayo nga Duta– Ang mga nagpati – kag nangin mabinungahon…
    • Ang tawo nga nagbaton sang Pulong kag nakaintiende amo ang maayo nga duta…
      • intiende – gingamit 25 ka beses sa Bag-ong Testamento – "matapik-tapik" okon "mahangpan mo"
      • Intiendehon ~ nga ini tanan nagatuhoy sa kay Jesus~ nga nagatuhoy sa eternidad…
      • Nalipat magdala tinapay ang mga disipulo – Ginpa-andaman sila ni Jesus nahanungod sa ‘lebadura’ sang mga Fariseo
      • Marcos 8:17-18 – “Nahibaluan ni Jesus kon ano ang ginabaisan nila. Gani nagsiling siya sa ila, “Ngaa ginabaisan ninyo nga wala kamo tinapay? Indi pa gid bala kamo makaintiendi? Mabudlay bala gihapon kamo paintiendihon? May mga mata kamo, pero indi kamo makakita. May mga dulunggan kamo, pero indi kamo makabati. Wala gid bala ninyo madumdumi ang pagpamihak-pihak ko sang lima ka tinapay para sa 5,000 ka tawo? ”
      • Wala nagkabalaka si Jesus parte sa tinapay – Kinuha niya ang 5 ka tinapay kag ginpakaon ang 5000
      • Nagahambal siya tuhoy sa espiritwal – wala maintindihan sang mga disipulo – ang natural lang ang ila naintindihan
      • Ang maayo nga duta nakaintiende nga kinahanglan nila ang manluluwas –kinahanglan nila si Jesus
      • Ang maayo nga duta nakaintiende kun ngaa may pagtilaw – ginapalapit kita kay Jesus
      • Ang maayo nga duta nakaintiende nga bugana ang pagtatap sang Dios sa iya mga anak
      • Ang maayo nga duta nakaintiende nga indi para sa kabuhi diri sa kalibutan -kundi para sa kabuhi nga wala katapusan!
    • Tanan kita gusto mangin maayo nga duta – paano kita makaintiende – paano kita mangin mabinungahon
      • Lucas 24:45 – “Dayon ginbuksan ni Jesus ang ila mga hunahuna agod maintiendihan nila ang Kasulatan.”
      • Ginbuksan ni Jesus ang panghunahuna sang mga disipulo para makaintiende sila
      • Ginbuksan ni Jesus ang ila paghangop – kay nagaupod sila kay Jesus…
      • Samtang nagalakat kita upod kay Jesus – pagpakig-upod – gina-abrihan niya ang aton pagkaintiende
      • Ginahimo niya maayo nga duta ang aton tagipusuon – para mamunga ang Iya Pulong…