Mark 4:21–41

Marcos 4:21-41

Review…

• Marcos – Ang Maayong Balita para sa mga Gentil – nagapakita nga si Jesus nagapangalagad sa tanan – Marcos 10:45
• Marcos 1:1-13 – Ang Pagsugod sang Ministeryo ni Jesus
• Marcos 1:14-45 – Ang ministeryo sa Galilea ni Jesus
  • Ang mensahe sa ministeryo ni Jesus… maghinolsol kag magpati sa Maayong Balita
  • Ang gahum sang ministeryo ni Jesus… ang gahum niya labaw sa spiritwal / pisikal /kag sala
  • Marcos 2:1-22 – Ang pag Panghangkat sang mga Escriba kag Fariseo…
  • Marcos 2:1-23 – 3:6… Padayon sa pag atake – ang Sabado
  • Paglapas sang Sabado – Ang mga Disipulo nag ani sang mais para kaonon…
  • Pag pang Ayo sa adlaw nga Sabado – ang tawo nga may naitus nga kamot…
  • Marcos 3:7-35… Ang 12
  • Si Jesus nag pangamuyo bilog nga gabi – kag nag pili sang 12 ka tawo nga mangin iya Apostoles
  • Ang mga Escriba ga rason sila nga ang pag pang ayo ni Jesus gahom ni satanas – pagpasipala sang Balaan nga Espiritu
  • Marcos 4:1-20… Parabola sang Binhi kag ang Manugsab-ug – 4 ka sahi sang duta
  • Ang binhi amo ang Pulong sang Diyos – perfecto – ang pamangkot ano nga sahi sang duta ang natup-an
  • 1^st – Tig-a nga duta – ang persona nga wala naka intiendi nga kinahanglanon nila si Jesus / ang Kaluwasan
  • 2^nd – Batohon nga Duta – ang persona nga wala ka intiende sang rason sang kabudlayan
  • 3^rd – Tonokon nga duta – ang persona nga nawili sa butang diri sa kalibutan –indi kontento
  • 4^th – Maayo nga duta – ang persona nga naka intiendi nga ang kabuhi parte lang Gid kay Jesus – nagalakat kay Jesus!
  • Parabola – review… vs. 33-34
  • Wala nagahambal si Jesus nga indi Parabola…
  • Naga tudlo si Jesus paagi sa Parabola… estorya nga parte sa kabuhi nga nagatudlo sang madalum nga kamatuuran…
  • Ang Parabola wala naga tuyp nga mahaposon ang paghangop sang mga espiritwal nga mga kamatuuran…
    • Gin hungod para ma lipdan ukon matago ini!
    • Wala mahangpan sang kadam-an ang parabola – Bug-os nga nawasi ang mga espiritwal nga kamatuuran
    • Ang Kadam-an gusto lang nila makita si Jesus – basi gusto lang nila makita kon ano ang makuha nila sa Iya
  • Ang mga gintoton-an lang ang nakahangop sang matuod nga kahulugan sa Likod sang parabola…
    • Ngaa man – Tungod nga gin paathag ni Jesus ang Kahulugan sang mga ini!
    • Tungod ang mga disipulo naga pamangkot kon ano ang kahulugan – ginpili nila nga magsunod kay Jesus
  • Kabudlay sang interpretasyon…
    • Ang Parabola perti ka budlay sang sibu nga pag interpretar luwas kon ihatag sa aton ni Jesus
    • Sa masami ang isa ka parabola may duha ka lain-lain nga interpretasyon nga naga sigu
    • Mahatag kita sang madamo nga interpretasyon kag mag pili sang mas eksakto
  • 4 parabola sang Ginharian… vs. 21-34
• 1^st – Parabola sang Kandelero… vs. 21-22
  • Gina butang bala ang suga sa dalum sang higdaan…
    • Kon mag sindi ka sang suga sa dulum nga kwarto – wala mo siya ginatago sa basket – ukon sa dalum sang higdaan
    • Kon himoon mo indi magsanag imo kwarto – dilikado pa kay basi masunog pa balay mo…
    • Angb katuyuan sang suga para masanagan ang kwarto – gani itungtung mo siya sa taas nga makita mo ang gusto mo makita
  • Wala sang matago nga indi mabutang sa hayag – secreto nga indi ma bulgar …
    • Si Jesus nagtudlo sang mga parabola – mga kamatuuran nga ang mga disipulo lang ang naka intiende
    • Pero indi mag pabilin nga sekreto – ini tanan kamatuuran/kasanag nga kinanglan nga mabatian sang tanan
    • Kon ano ang ginhatag nga sekreto – nakatago nga parabola – ginhayag para tanan maka kita!
    • Sa mga naka intiendi – nakabalo sang tuod – may opportunidad – kag obligasyon nga magsugid sini
    • Nakahibalo kita nga si Jesus amo ang kinanglan agod kita maluwas – kag nakabalo kita sang rason sang mga kabudlayan nga gaabot sa aton kabuhi
    • Nakabalo man kita nga ang tuod nga manggad ara sa pagka kontento – kag ang kabuhi para sa pag kilala kay Jesus
    • Kabalo kita kun ngaa ang kalabanan ara sa kadulman – gin tawag kita para isugid naton sa ila!
• 2^nd – Parabola sang Talaksan… vs. 23-25
  • Kon sin-o may dulunggan nga makabati…
    • Ang pamangkot indi kun sin-o may dalunggan – tanan kita may dalunggan…
    • Ang pamangkot kon gusto mo gamiton imo dalunggan sa pagpamati – naga hatag ka bala sang igtalupangod mo…
    • Permi man abri aton dalunggan – sa mga sala nga butang – kag sarado sa insakto nga mga butang
  • Si Jesus nagapaandam… ‘mag halong sa aton nga ginapamatian’…
    • Mag halong sa gina tugutan sang dalunggan nga mabatian – diin mo ginahinguyang ang imo tion sa ginapamatian mo…
    • Filipos 4:8 – “Luwas sina, mga utod, hunahunaa ninyo permi ang mga butang nga maayo kag dalayawon: ang mga butang nga husto, talahuron, matarong, putli, matahom, kag halangdon.”
    • Nagapili kita adlaw-adlaw kon ano ang ginabutang naton sa aton hunahuna – paagi sa pag pili sang ginapamatian…
    • Gina puno ta bala ang aton ulo kag tagiposoon sang kalibutan – ukon ang Pulong sang Diyos
  • Tungod kon ano ang ginagamit mo nga talaksan – amo man nga talaksan ang ibalik sa imo…
    • Ini nga ideya sang ‘talaksan’ interesante – nagadala sang idea sang ‘timbangan’…
    • Pareho nga timbangan ang gina gamit mag tratar kita sa iban – kon ano ka mag tratar amo man nga pag tratar ibalik sa imo…
    • Sa Mateo gin gamit tuhoy sa pag hukom sa iban…
      • Mateo 7:2 “Kay kon paano ang paghukom ninyo sa iban pareho man sina ang paghukom sang Dios sa inyo. Ang basihan ninyo sa paghukom sa iban amo man ang basihan sang Dios sa paghukom sa inyo.”
      • Paano ta mag tratar sa iban –maghukom ukon magpatawad – amo man ang ibalik sa imo – ‘balanse’
    • Sa Lucas gingamit tuhoy sa pag hatag sa iban…
      • Lucas 6:38 – “Maghatag kamo agod pagahatagan man kamo sang Dios. Kon maghatag ang Dios sa inyo, ginasukob gid niya sing maayo, ginauyog, ginadasok, kag nagaawas pa antes ibubo sa inyo suludlan. Kay kon paano ang inyo paghatag sa iban amo man ina ang paghatag sang Dios sa inyo.”
      • Paano kita mag hatag – ukon wala naga hatag – sa iban amo man ibalik sa aton – ‘balanse’
    • Pero diri sa Marcos gingamit tuhoy sa aton relasyon sa Diyos…
      • Marcos 4:24 – “Nagsiling pa gid siya, “Pamatii ninyo ako sing maayo! Magahatag ang Dios sa inyo sing pag-intiendi suno sa inyo pagpamati, kag iya pa gani ini dugangan.”
      • Kon gapamati ka permi sa Pulong sang Diyos – madamo man nga paghangop ang ang ginahatag
      • Sa paghatag sang tion sa pag basa sang Biblia – pagkadto sa Bible Studies – naga tuon kita parte kay Jesus
      • Wala kita naga tuon advanced mathematics ukon chemistry sa aton 1^st year sa pag eskwela
      • Sa amo nga bagay indi man naton matun-an kag mabal-an tanan nahanungod kay Jesus /sang iya Pulong sa isa ka adlaw
      • Kon damo ang natun-an – gadamo aton mabal-an – kag maintiendihan naton ang Diyos!
    • Pero ang wala nagapamati – bisan ang iya nga ginapinsar nga may ara siya – paga kuhaon sa iya…
      • Lucas 8:18 – “Gani pamatii ninyo ako sing maayo, kay ang tawo nga nagatuman sang iya nabatian nga kamatuoran pagahatagan pa gid sang pag-intiendi. Pero ang tawo nga wala nagatuman sa kamatuoran, bisan ang ginahunahuna niya nga iya naintiendihan, kuhaon pa sa iya.”
      • Sa mga wala naga tuon parte sa Diyos – wala naga hatag tion sa pag pamati sa Pulong
      • Bisan ang mga bagay nga gina hunahuna nga iya – kuhaon sa ila…
      • Ano ang gina pinsar mo nga mas importante sa pag pamati sa Ginoo – ang Iya Pulong
      • Ang aton lang gid nga relasyon kay Jesus ang may eternidad – tanan nga butang sa kalibutan umalagi lang
      • Manggad / pagkabutang /bantog ka – gina pinsar mo nga ara tanan sa imo pero indi mag dugay
• 3^rd – Parabola sang Pagtubo sang Uyas… vs. 26-29
  • Ang tawo nga nag sab-og sang binhi sa duta…
  • Daw kaanggid sa paglaragway sang parabola sang Binhi kag manugsab-ug
    • Kabalo kita nga ang binhi – amo ang Pulong sang Diyos / ang duta – amo ang tagiposoon sang tawo…
    • Ang binhi gin sab-og – ginatugda nga sa tanan nga klase sang dutal…
    • Ang tawo (bisan sino nga nag sugid parte kay Jesus) – nag lakat para sa pag bantala sang Maayong Balita!
  • Ang tawo wala kabalo kon paano ang binhi nag tubo…
    • Gatulog siya kon Gab-i – bugtaw sa adlaw ~ sa pag lipas sang panahon…
    • Ang tawo wala siya parte sa pag tubo sang binhi – ang pag tubo isa ka misteryo sa iya
    • Paano ang gamay nga binhi – paglipas sang tion –naging tubo / mais / buko – wala ta kabalo
    • Ang punto nga ang binhi nag tubo bilang isa ka tanom –tungod nga gin disenyo sang Diyos nga mag amo sina
    • Indi importante kun sin-o ang nagsab-og sang binhi – ang tanan nga pagkilala iya sang Diyos!
    • I Corinto 3:7 – “ Indi importante ang nagatanom kag ang nagabunyag. Ang Dios lang gid ang importante kay siya ang nagapatubo!”
  • Ang binhi matubo na ya dayon…
    • Matubo lang na ya – automatos – gingamit lang 2 ka beses sa Bag-o nga Katipan – Binuhatan 12:10
    • Halin sa dahon – tapos ang uhay – kag sa ulihi ang matinggas nga bunga – handa na nga anihon
    • Estorya ka sa 10 ka tawo kay tagaan ka nila 10 ka naglain-lain nga tips para magpatubo sang tanom…
    • Ang tuod ang tanan nga tanom kinanglan adlaw/duta/kag tubig – hatag ka sina kay matubo imo tanom…
    • Pareho sang tanom sa masami nagakadala kita sa edea sang tawo kon pano mag tubo sa Ginoo
    • Kon mag hatag kita damo nga kwarta gapangamuyo permi ukon magsunod sa isa ka pagsulundan…
    • Tanan nga tumulo-o (duta) gakinanglan sang Pulong (binhi) ni Jesus (adlaw) may Espirito (tubig).
    • Kon ang isa ka tumolo-o kumpleto sini – manglambo gid siya para sa Gino-o!
• 4^th – Parabola sang Mustasa nga binhi… vs. 30-32
  • Ang mustasa amo ang may pinaka gamay nga binhi – apang nagalambo ini (indi kahoy)
  • Si Jesus ginpaangid ang ginharian sang langit sa binhi sang mustasa…
  • Una nga pagtanan-aw…
    • Ang Simbahan (Ginharian sang Langit) nagsugod sa gamay…
    • Pero ma tubo siya sa pagka kahoy – mas dako sa gina paabot
    • Sa pagdako niya makahatag siya kasulhayan kag mapasilongan kon sino man ang ga kinanglan sini (pispis sang kahanginan)
  • Ika duha nga panan-aw…
    • Ang Simbahan (Ginharian sang Langit) nagsugod sa pinaka gamay…
    • Pero matubo indi natural nga pag daku – damo sang tawo nga indi tumulo-o
    • Si Satanas (ang pispis sa kahanginan) nga pwede makapanago sa mga sanga…
  • Duha ka lain-lain nga pag tamod – ano ang insakto…
    • Sa Mateo 13 – si Jesus nag hatag sang parabola sang trigo kag hilamon…
    • Ang mga tuod nga tumolo-o (trigo) ang naga pakuno-kuno (hilamon)
    • Daw nahimo nga ang simbahan indi natural nga daku tungod sa mga hilamon – nagapakuno-kuno
    • Ang mga pispis naga representar kay satanas halin sa parabola sang binhi kag manugsab-og”
    • Ang kasaysayan sang simbahan nagadamu bisan napadalum sa paghingabot sa una nga 3 ka siglo ang nakaligad
      • Sang ang simbahan nabaton bilang isa ka relihiyon ang mga bagay nag tiko
      • Bisan ang numero nagtubo – sa mga tuod nga nag tuo kay Jesus nag luya
      • Si satanas nakakita sang paagi sa pag perdi sang Simbahan – para mag intra!
    • Ang pamangkot nga nabilin amo ang pamangkuton ta aton kaugalingon – seryoso ka bala sa imo pag tuo…
    • II Corinto 13:5 – “ Usisaa ninyo ang inyo kaugalingon kon bala may pagtuo gid kamo kay Cristo. Indi bala nahibaluan na ninyo nga si Cristo Jesus ara sa inyo?—luwas kon indi kamo matuod nga mga tumuluo.”
    • Kon bunayag ang aton pagtulutimbang sa aton kabuhi – siguruha nga maayo ka nga duta kag may maayo nga bunga
  • Gahum labaw sa hangin kag dagat… vs. 35-41
  • Nag sakay si Jesus sa sakayan – kag nag sunod man sa iya ang mga dicipulo…
  • Gin hambalan sila ni Jesus nga mag tabok sa pihak nga bahin…
    • Masako sila sa sina nga adlaw – nag tudlo /nagpang ayo /saway sa mga lider / parabola…
    • Gusto ni Jesus mag halin sa katundan sang Galilea kag mag kadto sa nasidlangan…
    • May ara nga damo nga gagmay nga sakayan nga nag upod – sa Marcos lang ini gin sambit
  • Nag abot ang isa ka Daku nga unos ang nag abot – ang balud ginahampas (Imperfect) ang sakayan – nasudlan tubig ang sakayan!
    • Ang dagat sang Galilea may 207 metro ubos sa katupungan sang Dagat
    • Ang Bukid sang Hermon sa Aminhan may labaw 2,814 metro sa ibabaw sang katupungan sang dagat
    • Ang epekto nga Daku gid nga Unos ang mag abot sa Galilea
    • Indi gamay nga bagyo – ang Bagyo – sigurado nga may mapatay kon gamay imo sakayan ~ 26’ x 7’…
  • Apang si Jesus mahamuok ang tulog – sa ulunan…
    • Wala ka bala nagakabalaka – mapatay kita…
    • Ang mga Disipulo nag pamangkot kon may kabalaka si Jesus para sa ila – gapinsar na sila nga katapusan na nila
    • Pero kabalo sila kon diin sila matulok sa tunga sang Bagyo – nag kadto sila kay Jesus!
    • Sa aton kabudlayan sa kabuhi naga himo bala kita paagi –nagapanikasog – tulok sa aton kaugalingon…
    • Ukon naga luhod kita kag mag tulok kay Jesus – siya ang sabat naton!
  • Ngaa nahadlok kamo? Ngaa ka gamay sang inyo nga pag to-o…
    • Si Jesus nag hambal sa ila nga matabok sila sa pihak nga lugar…
      • Kon tanawon ta ang unos ma lunod kita – nahadlok indi sigurado
      • Kon gapamati kita kay Jesus – may ara kita nga kalinong sa tunga sang bagyo!
    • Ginsabdong ni Jesus ang hangin kag balud – kag may DAKUNG kalinaw
      • Bisan sa tunga sang daku nga unos – bagyo – sa kabuhi…
      • Sa pag tulok naton kay Jesus may ara kita nga kalinong!
      • Filipos 4:7 – “Kag kon himuon ninyo ini, magahatag ang Dios sing kalinong sa inyo tagipusuon kag hunahuna tungod nga kamo ara kay Cristo Jesus, kag ang kalinong nga halin sa iya indi gid matungkad sang aton pag-intiendi.”
  • Sino bala ini – bisan ang hangin kag ang dagat naga tuman sa iya…
    • Sa masami nagakalipat kita kon sino ang nag tuga sang hangin kag Balud – bagyo
    • Ang aton circumstansiya – pagtilaw – kabudlayan – bagyo – indi makibot ang Diyos
    • Indi sila mas dako sa aton nga Diyos – kag Iya gid nga malampasan ini tanan
    • Sa masami gina tugotan niya ang mga kabudlayan agod nga mag tuon kita sa pag panawag sa iya