Mark 15:42–47

Marcos 15:42-47

Review…

• Marcos – ang Maayong Balita sa mga Gentil – nagapakita nga si Jesus naga-alagad sa tanan – Marcos 10:45
• Chapters 14:1-72 – Ang Paskua/ Ang Hardin / Ang pag-traidor / Ang bista
• Chapters 15:1-14 – Ang ‘paghinulsol’ ni Judas /Bista sa atubang ni Pilato
  • Ang Mataas nga Saserdote nag himo sang tatlo ka panumbongon kay Jesus sa atubang ni Pilato – Gobernador sang mga Romano sa Judea
    • Nag tanyag siya nga mag pahilway sang isa ka priso – Jesus (inocente) ukon si Barabas (napamatbatan na)
    • Ang kadam-an gin pili si Barabas – kag nag singgit sila nga ilansang si Jesus sa krus!
    • Chapters 15:15-32 – Ang Pasyon ni Jesus …
    • Ginkondenar ni Pilato – Gin dala si Jesus sa guha kag gin latigo/yaguta/bunal
    • Gin dala si Jesus sa Golgota – kon diin siya gin lansang…
    • Chapters 15:33-41 – Tapos na…
    • Ang kadulom nag likop sa bilog nga duta sang 3 ka oras (12pm-3pm)
      • Ang Suga sang Kalibutan – Juan 8:12 – nadula
      • Si Jesus nagsinggit – ‘Eli, Eli, lama sabachthani’ – Ginkuha niya ang tanan nga sala sang Katawhan
    • Ang pagkapatay ni Jesus…
      • Nahibal-an niya nga natigayon na ang tanan – naghambal si Jesus – Tapos na!
      • Nag yaub ang iya ulo kag nabugtuan siya sang ginhawa – Juan 10:18
      • Ginbuno ang iya kilid – dugo kag tubig nag-guha – gin silyohan ang Bag-o nga kasugtanan sang Bugay!
    • Ang resulta sang pagkapatay ni Jesus…
      • May dako nga Linog –Ang Kurtina sang templo nagisi halin sa babaw pakadto sa dalum
      • Ang alagyan sa presensya sang Dios iya nga gin buksan paagi kay Jesus!
      • Ang matarong nga mga napatay sang una, nabanhaw! Ang paglaum sang bag-o nga lawas sa langit!

Ang Paglubong kay Jesus… vs. 42-43, 46-47

• Maisog nga Nagdesisyon… vs. 42-43
  • Wala naton makilala gid si Jose nga taga Arimatea – gin sambit siya sa apat ka Libro sang Maayong Balita…
    • Halin siya sa banwa sang Arimatea (bakulod) sa Judea (indi mapat-od nga lokasyon subong)
    • Miyembro siya sang mga Sanhedrin – nagagahom nga konsilyo sang Israel (congress) – maimpluwensia
    • Manggaranon siya nga tawo – nagapanagiya siya sang lulubngan nga tinigiban sa bato – manggaran
    • Disipulo siya ni Jesus (indi hayag tungod nahadlok siya sa mga pangulo sang mga Judio) – Juan 19:38
    • Wala siya nagpasugot sang kamatayon ni Jesus – Lucas 23:51…
      • Naga-tuo siya kay Jesus – pero madamo ang iya pagkabutang – nahadlok siya nga may madula sa iya…
      • Wala siya nag kondinar kay Jesus – apang wala man siya nag tindog para kay Jesus…
      • Kon naga tindog lang sa higad kag naga tanaw lang nga gina atake ka na – isa ka bala ka abyan…
      • Kon mag hambal siya nga wala man siya nag atake sa imo – indi naga kahulugan nga ara siya sa imo nagaapin…
      • Indi pwde nga matulok ka lang – ang tuod nga abyan ma tindog gid para sa imo…
      • Indi tuman na nga indi kita mamatok kay Jesus – dapat magtindog gid kita para kay Jesus
    • Kon mag tindog kita para kay Jesus – ang kalibutan matindog sa pagpamatok sa aton…
      • Gin lansang nila si Jesus – indi sila mag latag sang red carpet para sa aton…
      • Juan 15:18 – " Nagsiling pa gid si Jesus, “Kon ginadumtan kamo sang mga tawo sang kalibutan, indi kamo dapat matingala tungod kay nahibaluan ninyo nga ako amo ang una nila nga ginadumtan.”
      • Ang kalibutan nainit kay Jesus tungod gina konbiktar niya ang kalibutan sang kasal-anan kag sang pagpakamatarong…
      • Kon indi kay Jesus ang tawo mahimo lang sang butang nga gusto nila nga wala sang alatubangon nga konsekwensya…
      • * Juan 3:19-20 – "Silutan sila tungod kay nag-abot siya diri sa kalibutan bilang suga pero mas gusto pa sang mga tawo nga magpabilin sa kadulom kaysa magpalapit sa iya nga nagahatag sang kasanag, kay malain ang ila mga ginahimo. Ang tawo nga malain ang iya ginahimo wala naluyag sa kasanag. Nagalikaw pa gani siya sa kasanag kay basi kon mahibaluan ang iya ginahimo nga malain.”
      • Pareho sang kapawa naga silak sa kadulom – gina hayag ni Jesus ang sala sang tawo…
      • Tungod ang tawo nagahigugma sang sala akig sila sa kapawa nga naga pahayag sang ila kalautan…
      • Ara si Jesus sa aton – ang kalibutan akig sa kapawa – Jesus – akig man sila sa aton!
  • Nagpakaisog – si Jose nag kadto kay Pilato kag nag ayo nga kuhaon niya ang lawas ni Jesus…
    • Kadako sang resgo ni Jose kon mabal-an sang publiko nga ga tindog siya para kay Jesus…
    • Delikado ang iya posisyon – iya manggad – bisan iya kabuhi…
      • Indi pa ulihi ang tanan, makapili pa nga magtindog para kay Jesus – may ara pirme sang ikaduha nga kahigayunan!
      • Si Jose wala man nag tindog para kay Jesus sa pag Bista – apang nag panindugan siya sa pag lubong kay Jesus…
      • Kon ari ka sini nga aga –kag nakabalo ka nga wala ka gatindog para kay Jesus…
      • Basi sa imo mga Abyan/pamilya –nagakadlaw ka sa lahog nga nabal-an mo nga sala
      • Ukon naglakat ka sa isa ka lugar nga nakabalo ka nga indi ka dapat magkadto…
      • Ukon may namangkot sa imo parte sa simbahan – ukon kay Jesus –nagbalibad ka –hipos ka lang…
      • Indi pa ulihi ang magpili nga mag tindog – may kaduha nga kahigayunan permi kay Cristo
      • Indi ka mag hipos lang da sa higad – siguraduha nga nakabalo ang tanan – nga nagasunod ka kay Jesus!
  • Si Jose kag Nicodemus – Juan 19:39 – ginputos nila ang lawas ni Jesus…
    • Tungod nga si Jose nag tindug para kay Jesus – amo man si Nicodemus…
      • Ang halimbawa ni Jose wala na natago – nag hatag man kay Nicodemus sang kaisog…
      • Si Nicodemus isa sa manugdumala sang mga Judio – manggaranon man – nga nag-tuo kay Jesus – Juan 3
      • Nagkadto kay Jesus sa kagab-ihon – agod nga indi makita – nagpamangkot kon paano maluwas…
      • Si Jesus nag hatag sang isa kabantog nga tinaga – Juan 3:16!
    • Subong – Tungod sang kaisog ni Jose – si Nicodemus nag tindog man kay para kay Cristo!
      • Kon magtindog kita para kay Jesus – sa masami makita ta nga indi kita nagaisahanon…
      • Makahatag sang kaisog sa iban – nga nagahipos lang sa higad – nga magtindog para kay Jesus!
      • Kon naluyagan mo magkadto sa Bible studies – makit-an mo man ang iban nga masunod…
      • Kon mag tindog ka para kay Jesus sa palibot sang imo pamilya kag abyan – nagahatag man sang kaisog sa iban!
      • Ang Hardin nga Lulubngan… vs. 46-47
  • Suno sa kustombre sang Judio – ang lawas ni Jesus’dapat ilubong sa adlaw sang iya pagkapatay…
  • Ginsamburan sang linen ang lawas niya – kag 50 ka kilo nga pahumot nga especia (makakuha sang baho)
  • Tapos gin butang nila si Jesus sa lulubngan nga ang tag-iya si Jose – sa hardin – malapit sa Golgota…
  • Gin paligid ang dako nga bato sa guhab sang lulubngan…
    • Isa ka bag-o nga lulubngan – wala pa gid sang lawas nga nabutang dira – iya sang manggaranon nga lulubngan…
    • Sa Jerusalem – sa aminhan nga bahin sang siudad – may ara nga bungyod nga kon tulokon mo daw pareho sa bagol – ang Golgota…
    • Sa guha sang pader sang daan nga siudad – 777 ka metro sa ibabaw sang bukid sang Moriah – ara sa tupad sang mayor nga dalan…
    • Sa tuo sang bakulod ara dira ang daan nga Hardin halin sa tion ni Jesus – Juan 19:41
    • Sa hardin may ara nga isa ka lulubngan nga gin kuykoy sa Bato…
  • Ginpatihan sang madamo nga dira si Jesus gin Lubong – sa lulubngan sang manggaranon…
    • * Isaias 53:9 – “ginlubong siya nga daw isa ka kriminal; ginlubong siya upod sa mga manggaranon.”
    • Kun lantawon ang mga hitabo, daw permanente na gid – daw katapusan na gid…
    • Sa tanan nga naga tan-aw daw katapusan na ni Jesus – tapos na ang estorya…
    • Pero ang kamatuuran nagsugod pa lang – may Domingo pa nga maabot…
  • Duha ka babayi nag pungko sa lulubngan…
    • Si Mary Magdalene (Si Jesus nag tabog sang 7 ka yawa halin sa iya)
    • Si Maria nga iloy ni Santiago kag Jose (ayhan utod ni Maria – Juan 19:25)
    • Mga Babayi nga ara sa tion sang pagpangalagdan ni Jesus – Lucas 8:2-3
    • Mga babayi nga ara sa pag lansang – Marcos 15:40
    • Pareho nga mga babayi – sila lang nga mga babayi – nagapungko sa lulubngan ni Jesus…
    • Ngaa matutum sila – ngaa mainunungon – kabalo sila nga kon halin sa ano sila gin luwas…
    • * Lucas 7:47 – “ Gani sugiran ko ikaw, nga ang dako nga gugma nga ginpakita niya sa akon nagapamatuod nga ang iya madamo nga sala ginpatawad na; pero sa tawo nga diutay lang ang sala nga ginpatawad, diutay lang ang paghigugma nga iya ginapakita.”
    • Sa mga labingdaku nga mga tomuluo – sila sang una ang may mga pinakamalaut nga makasasala!
    • Sino ang mas mapasalamaton…ang gin patawad nga tawo nga nag pangawat piso…
    • Ukon ang tawo nga ginpatawad kay nangawat sang 1,000,000 pesos…
    • Ang isa nga gin patawad sang damo – nagahigugma sang daku…
    • Kon ginapinsar mo nga maayo ka nga tawo sa atubang ni Jesus – ginpatawad sang gamay – maghigugma man gamay
      • Kon nabatyagan mo nga si Jesus gamay lang ang parte sa imo kabuhi…
      • Kon naga tingala ka nga wala ka nagapati sang Bug-os sa Ginoo…
      • Tungod nagapinsar ka nga indi mo Siya kinahanglanon sa imo kabuhi…
      • Kay gina pinsar mo nga maayo ka –bisan nga wala Siya
    • Kon na realisar mo nga ikaw makasasala / desperado nga kinanglan mo si Jesus – napatawad sang daku – naga higugma man sang daku
      • May ara sa aton ng may masalimoot nga nagligad nga nagadula sang duda nga kita makasasala…
      • Apang ang kamatuuran tanan kita walay paglaum nga nadula sa sala –tanan kita tuman gid nga nagakinahanglan kay Cristo…
      • Kon aton ina mahangpan/kag mabaton – mas higugmaon naton / kag sundon si Jesus

Guardiyado ang Lulubngan… vs. 44-45 / Mateo 27:62-66

• pag kadason nga adlaw – ang mataas nga saserdote nagkadto kay Pilato…
  • Nagdemanda sila kay Pilato nga silyohan ang ang lulubngan ni Jesus… vs. 44-45
    • Natingala si Pilato sang pagkabati niya nga dasig lang napatay si Jesus – ang pag lansang mahinay ang kamatayon…
    • Si pilato nagpasigurado sa mga soldado – wala na sang duda – si Jesus napatay na
  • Ang rason kon ngaa ang mga pari nag ayo nga dapat may guardiya – ang ginbungat nga tinaga ni Jesus – ‘pagkatapos sang tatlo ka adlaw mabanhaw siya’
    • Ang mga lider sang pari nakadumdum kon ano ang daw nalimtan sang mga disipulo…
    • Ang Mataas nga Saserdote nakadumdum – nga si Jesus ginapatuhuyan…
      • Mateo 12:40 – sang gin pamangkot Siya sang tanda – si Jesus naghatag sang tanda kay Jona
      • 3-adlaw kag 3-ka gab-i sa duta –naga tuhoy sa iya kamatayon kag pagkabanhaw…
      • Ayhan wala ninyo ni mahibalu-an – indi nila pag ihambal sa imo bisan mamangkot ka –
      • Apang ang kalibutan nakulbaan sang sa gahum ni Jesus – nagakurog sila sa Iya Pulong…
      • Ang rason – paagi sa pagkamatarong ni Jesus nagaka konsienya sila sa ila sala…
      • Kag kabalo sila nga maabot ang adlaw nga pagahukman ang sala – pagahukman sila!
      • Juan 16:8 – “ Ipakita niya sa mga tawo nga sila mga makasasala kag kon ano ang matarong. Kag ipakita man niya nga ang Dios magasentensya sa ila.”
    • Nalisahan gid sang mga disipulo ang mga pranka nga panghambal ni Jesus…
      • Marcos 9:31 – “Nagsiling siya sa ila, “Ako nga Anak sang Tawo itugyan sa mga tawo nga magapatay sa akon. Pero pagkatapos sang tatlo ka adlaw mabanhaw ako.”
      • Marcos 10:34 – “Yagutaon nila ako,[Jesus] duplaan, hanuton, kag dayon patyon. Pero pagkaligad sang tatlo ka adlaw mabanhaw ako."
      • Ginpaathag gid sang maayo ni Jesus nga siya ilansang – kag sa ika- 3 nga adlaw mabanhaw liwat!
      • Apang ang mga disipulo nalunod sila sa ila kahimtangan – nalimtan na nila…
      • Ka hapos mangin kritikal sa mga disipulo – apang wala man kita sang kinalain sa ila…
      • Kadali man sa aton malipat sa gahom sang Pulong ni Jesus…
      • Permi lang kita naga kasiod sa mga sirkumstansya – kag nagakalipat sang ginhambal ni Jesus…
      • Makita ta lang – wala kuarta – wala obra – masakit – wala patugsiling – budlay nga pag-asawahay …
      • Bug-os nga nagakalipat kon sin-o ang mas dako sang sa aton kahimtangan…
      • Ginatan-aw lang naton ang paglansang – kag nalimtan ang saad ni Jesus – ang Iya pagkabanhaw!
      • Pareho kay Pedro – naglakat sa tubig – gin tanaw ang hangin kag ang balod – kag nalunod
      • Nalipat kita nga isa lang kamitlang ni Jesus mahimo Niya – mag pauntat sang hangin kag balod!
      • Ipabilin si Jesus sa Lulubngan…
  • Ang mga lideres sang relihiyon determinado nga si Jesus magpabilin sa lulubngan…
    • Indi tungod nga naga pati sila nga si Jesus mabanhaw sa minatay…
    • Nahadlok sila nga ang mga disipulo mag kadto kag kawaton ang lawas ni Jesus…
      • Kon matabo – ‘ang katapusan mas malain pa sa nahauna’…
      • Nakita nila ang katalagman sa lawas ni Jesus nga madula’ – ang mga tawo mapati…
      • Apang kon si Jesus ara lang lulubngan – isa lang siya ka tawo – indi manluluwas – INDI Dios
    • Ginsigurado gid nila – literal nga gin aspalto – agod ang lulubngan indi maabrihan…
      • 1^st – Ginbutangan nila sang Silyo sang Roma ang Lulubngan mahibaluan kon ibuksan
      • 2^nd – Ginbutangan nila sang Guardia nga Romanhon – ara sa 4-16 ka mga soldado nga Romano
      • Ginhimo nila ang tanan nga maka garantiya nga si Jesus indi maka guha…
    • Ang mesahe sang Maayong Balita – kaluwasan – nasandig sa kamatayon Kag sang pagkabanhaw ni Jesus
      • Ang Maayong Balita amo nga ang Dios nagahigugma sa kalibutan – nga Siya – si Jesus/Dios – nag hatag sang iya kabuhi…
      • Apang ang Maayong balita indi nga si Jesus napatay – ang tanan nagakapatay – kundi ang pagkabanhaw!
      • Paagi sa pagpati kay Jesus – kag sa Pagtoo kay Jesus – napatawad kita – kag maluwas!
      • Ang Maayong Balita amo nga makadto kita sa Langit tungod sang pagkapatay kag pagkabanhaw ni Jesus!
    • Ang Simbahan natukod sa sini nga mensahe – sa kay Jesu-Cristo! – Mateo 16:18
      • Nagapati kita nga ang Dios nag pakatawo -para ma patay – agod kita may kabuhi – sa langit!
        • Mateo 1:23 – “Magabusong ang isa ka birhen kag magabata sing lalaki. Kag pagatawgon ang ini nga bata nga Emmanuel” (nga kon sayuron, “Ang Dios kaupod naton.”
        • Juan 1:1,14 – “Sang una pa nga daan, ara na ang ginatawag nga Pulong. Ang Pulong kaupod na sang Dios, kag ang Pulong mismo Dios. Ang Pulong nagpakatawo kag nagpakig-upod diri sa aton.”
      • Nagapati kita nga si Jesus nagbangon sa minatay!
        • I Corinto 15:4 – “ Gin lubong siya, kag nabanhaw sa ika tatlo nga adlaw,suno sa Kasulatan.”
        • Si Jesus – Dios nga Makagagahom – napatay kag lawasnon nga Nabanhaw…
        • Ang lulubngan indi maka kapot sa iya – indi siya mahawiran sang mga soldado…
        • Ang Bato indi maka pugong sa iya – nagapati kita nga Nabanhaw ang DIOS!
      • Naga pati kita nga ang kaluwasan nag abot paagi sa Pagtoo – kay Cristo!
        • Efeso 2:8-9 – “Kay tungod sa bugay sang Dios naluwas kamo paagi sa inyo pagtuo kay Jesu-Cristo. Ini regalo sang Dios kag wala nabasi sa inyo maayo nga mga binuhatan, gani wala gid sing may makapabugal.”
        • Makalakat kita sa langit – simple lang, paagi sa Pagtoo sa natapos na nga obra ni Jesus!