Making Bible Study Easy for everyoneEnglish • Hiligaynon
Back to Acts
Verse-by-Verse Bible Study

Acts 10:1–20

God of the Impossible

These are the original teaching notes from this passage.

Binuhatan 10:1-20

Maayo ang tanan sa Ginoo… (3 ka butang)

  • 1st – May isa ka tawo ngalan niya si Cornelius … vs. 1-2
    • 1st – Si Cornelius Romanhon nga soldado- responsable sa 100ka tawo… vs. 1
      • Bahin siya sang Batalyon Italyano-Isa siya sa mga grupo sang 600 ka mga tawo nga na destino sa Caesarea…
      • Ang mga Roma ang nasyon nga nagapangsakop- kontra sang mga Judio ang ‘wala Dios nga mga Romanhon…
      • Ang mga military naga representar sang mga layi-gani ang mga Judio naakig sa mga Centurion!
      • Ang Bibliya ginadayaw ang mga Centurion…
      • Mateo 27:54 – “Ang kapitan kag ang mga soldado nagsiling…Matuod gid nga siya amo ang Anak sang Dios!”
      • Lucas 7:2-9 – “May kapitan didto sang mga soldado nga Romanhon nga may ulipon nga nagamasakit kag daw mapatay na…. Pagkabati sadto ni Jesus natingala gid siya. Nag-atubang siya sa mga tawo nga nagaupod sa iya kag nagsiling, “Wala pa gid ako nakakita sang tawo sa Israel nga may pagtuo nga pareho sini.” 
      • Pero indi tanan nga Centurions maayo nga mga tawo…
      • Kun maluwas ang Centurion nga ginakaugtan sang mga Judio-tanan posible maluwas…
      • May isa ka pagtilipon sang mga Pastor nagligad nga mga tuig- damo nagtambong…
      • Mga drug addict sang una/mga kawatan/criminal/kulto…
      • Mga tawo nga daw indi na puwede maluwas-pero subong mga pastor na!
      • Kun may kilala ka nga daw indi na gid magtuo kay Jesus…
      • Abyan ukon pamilya nga nagapakasala kag ara sa kadulom..
      • Indi mag untan-ang obra sang Ginoo nagaluwas sang mga tawo nga kaangay sina!
    • 2nd – Si Cornelius isa ka tawo nga may kahadlok sa Dios… vs. 2
      • Pero indi lang si Cornelius-ang iya bilog nga panimalay nagsunod sa iya ihimplo!
      • Mga Tatay ginatudluan ang mga bata sang parti sa pangabuhi…
      • Natudluan kun paano magamit sang martilyo, maglangoy…
      • Responsibilidad man sang mga Tatay magtudlo parti kay Jesus – Efeso 6:4
      • Nagakalipat ang mga Tatay nga sila ang Espirituhanon nga leader sa ila balay…
      • Maghatag tion sa pagbasa sang Bibliya/mangamuyo upod sa ila…
      • Kun ang mga Tatay indi magtudlo nga magsunod kay Jesus…
      • Ang kalibutan ang matudlo sa ila sa pagsunod sa sala!
      • Ang mga bata naga kuha sang ila pamatasan halin sa TV, eskwelahan kag sa palibot nila…
      • Imbis magtuon sang kamatuoran ni Jesus sang Pulong sang Dios halin sa ila Tatay…
      • Maghatag tion sa mga bata sa pagtudlo sa ila parti kay Jesus!
      • Indi pagkalimtan ang importante nga pag-alagad sa Ginoo-amo ang imo pamilya!
    • 3rd – Maalwan Siya sa mga pigado…
      • Si Cornelius maayo nga tawo-nagpakita sa iya buhat-kun paano siya nagkabuhi…
      • May ara nga makasasala nga nagabulig sa iban kag may ara man tumuluo pero sigurista!
      • Kasubo nga ang indi tumuluo ang mas alwan sang sa ka kilala kay Jesus…
      • Gintawag kita nga mga tumuluo nga mga palangga kag magbulig sa iban…
      • Kun may gutom kag maghambal kita ‘God bless you’-ano ang mabulig sina- Santiago 2:16
      • Paano kita maka representar kay Jesus
    • 4th – Permi nagapangamuyo si Cornelius sa Ginoo…
      • Si Conelius nakabati parti sa Ginoo pero wala pa niya nakilala ang Ginoo!
      • Maayo nga klase nga tawo si Cornelius-nagahatag sa pigado/nagapangamuyo sa Ginoo…
      • Pero si Cornelius indi tumuluo-indi siya luwas/indi siya makapalangit…
      • Madamo nga mga tawo nga abi nila pasudlon sila sang Ginoo sa langit…
      • Kun pamangkoton sila kun ngaa-ang ila sabat kay ‘buot sila nga tawo’…
      • Indi ka lang makapabuot- ang paghatag sa pigado indi makadala sa imo langit…
      • Ang importante may relasyon kay Jesus!
  • 2nd –Ang Ginoo nagpadala sang Anghel sa kay Cornelius … vs. 3-6
    • 1st – Mga alas 3 sang hapon ang anghel nagtawag kay Cornelius… vs. 3
      • Importante nga alas 3 kay indi pa makasiling nga basi naka inom siya…
      • Indi man aga pa kay basi masiling nga naga damgo lang…
      • Ang anghel nag-abot sang hapon- nasiguro gid ni Cornelius kun ano ang iya nakita!
    • 2nd – Kinulbaan – namangkot si Cornelius kun ngaa ang Anghel nagpakita… vs. 4
      • Nagsabat ang Anghel- nakita sang Ginoo ang iya pangamuyo/nakita ang regalo sa mga pigado..
      • Pwede man mapadala sang Ginoo si Pedro indi ang anghel…
      • Ang principal sang bantog nga eskwelahan indi mamati sa nagabantay karbaw parti sa Dios…
      • Amo man sa opisyal sang gobyerno indi man mamati sa mangingisda!
      • Ginsiguro sang Ginoo ang mensahi nga gindala ni Pedro paagi sa anghel!
      • Ang Ginoo nagagamit sa aton sa pagsugid kay Jesus sa aton mapakibagayan…
      • Pero indi buot silingon nga indi kita kapanugid kay Jesus kay bisan sin-o…
      • Kun dapat gid ang Ginoo makapadala sang anghel sa pagpamatuod sang Maayong Balita!
    • 3rd – Ang Anghel nagsugid kay Cornelius nga ipasugat si Pedro sa Jopa … vs. 5-6
      • Subong kabalo na si Cornelius sang Dios sa langit…
      • Indi na kita dapat sugiran nga may Dios -kay kabalo na kita – Roma 1:19-20
        • Nasulat na sang Dios ang kaalam parti sa Iya sa aton…
        • Wala na may magsugo nga magbinutig kita/nga ang pagpangawat sala-bal-an ta na…
        • Indi na kinagnlan sugiran ang bata nga may Dios-bal-an ta na…
        • Pero kun maka eskwela na gani sila dira nagakambyo ang ila paminsaron!
      • Ang Ginoo nagapakita sang Iya kaugalingon paagi sa Iya tinuga…
        • Salmo 19:1- “Ang kalangitan nagapahayag sang gahom sang Dios
          kag nagapakita sang iya ginhimo.”
        • Ang kanami nga desenyo sang kalibutan-nagapakita nga ang manunuga pinaka sagad!
        • Kun magtangla ka sa mga bituoon kun gab-i- kag ang kanami sang pagtunod sang gab-i..
        • Sa imo tagipusoon kabalo ka nga indi aksidente-nga ang Dios ang nagtuga sang tanan!
        • Kabalo ka nga ang Dios ara-indi ka makahambal nga wala ka kabalo…
        • Sa atubang sang Dios wala may makahambal nga balibad nga wala sila kabalo!
      • Ang gusto sang Dios nga nga ihambal ni Pedro kay Cornelius ang parti kay Jesus!
      • Makita naton nga ang Ginoo wala naggamit sang Anghel sa pagsugid sang mensahi…
      • Ginpili sang Dios nga gamiton si Pedro, una sa paghatag sang Pulong sa nga Gentil…
      • Indi nga ang Anghel indi makahatag sang mensahi- Pahayag 14:6
      • Kundi ang Ginoo gusto mag gamit kay Pedro para bahi siya sa obra!
      • Ginagamit kita sang Dios sa paglab-ot sang mga nadula – Roma 10:14 – indi Niya kita kinanglan…
      • Ginagamit Nya kita kay palangga Niya kita- kag gusto nga may bahin kita sa Iya obra!
      • Kun indi kita manugid sang Pulong sa iban-makagamit ang Dios sang iban!
      • Ang pamangkot gusto naton bala naton nga mangin bahin sa naobra sang Ginoo…
      • Kun magpanawag ang Ginoo-makasabat ka bala ukon indi kay busy ka…
      • Ukon pawala lang kita kay nahadlok maghimo tikang para sa Ginoo ukon hada ka na!
  • 3rd –Indi pagtawga nga mahigko… vs. 7-20
    • 1st – Sang wala na ang Anghel-nagpadala sing 3 ka tawo si Cornelius sa pagtawag kay Pedro… vs. 7-10
      • Ang ginpadala nag-abot mga ugto na pagkadason nga adlaw…
      • Si Pedro ato sa babaw sang atop sang ila balay– nagapangamuyo…
      • Dali nalang maluto ila panyaga kag ang baho naga lab-ot sa babaw…
      • Gutom na gid si Pedro kag ang Ginoo nagpakita sa iya sang Palanan-awon sang pagkaon!
      • Abi naton ang Ginoo naga pakig istorya lang paagi sa makatingala nga butang…
      • Kun mag-obra ka sa garden-kun kaisa daw mauntat ka kun wala bunga…
      • Hilamunan kag bunyagan-pero wala gihapon nagapamunga…
      • Pero may ara gid nagatinguha nga magtubo kag nagahatag sa imo kusog nga magpadayon
      • Amo man sa simbahan daw pareho man sa garden…
      • Basi ang iban wala naga pamunga-daw mauntat ka man…
      • Pero ang iban nagatubo kag nagapabakod sa imo nga magpadayon!
      • Masarangan sang Ginoo mag gamit sang mga ordinary nga mga butang…
      • Pwede magamit sang Ginoo ang gutom nga tiyan ukon ang pag-obra sa garden…
      • Ang aton bahin amo ang paghanda permi- wala ka lang kabalo ginatudluan ka na!
    • 2nd –Nakakita si Pedro sang palan-awon nga daw habolnaga panaog halin sa langit… vs. 11-16
      • Ang sa sulod amo ang tinlo kag indi matinlo nga mga sapat…
      • Leviticus 11 –Ang Ginoo naghatag pagsulundan sa Israel kun ano nga sapat ang ila makaon
      • Kun ang sapat matinlo-pwede nila makaon…
      • Kun ang sapat mahigko-indi nila dapat pagkaonon..
      • Pero ang ini nga habol may damo klase nga sapat-baka/manok/pasayan…
      • Ang iban tinlo-ang iban indi matinlo-ang hambal sang Dios kay Pedro, kaunon tanan!
      • Nagbalibad si Pedro-‘indi Ginoo’-wala gid siya kaagi kaon sang mahigko nga pagkaon…
      • Ginsabdong siya sang Dios-indi dapat tawgon mahigko ang gintinluan sang Dios!
      • 1 Corinto 8:8 – “Kon sa bagay, ang pagkaon wala sing kahilabtanan sa aton relasyon sa Dios. Wala sing may madula sa aton relasyon sa Dios kon indi kita magkaon sini, kag wala man sing may madugang kon magkaon kita.”
      • Kun ano man ginkaon mo makadgto lang na sa imo tiyan kag sa diretso sa CR…
      • Ano man imo nakaon-isa lang ka lugar ang kadtuan…
      • Indi ka maayo nga tawo kun wala ka gakaon ukon nagakaon ka baboy!
      • Ka 3 ka sulit ginpakita ang in inga Palanan-awon…
      • Kun may numero siguro nga indi nanamian ni Pedro, sigurado ang numero 3…
      • Kay 3 ka beses ginpanginwala ni Pedro si Jesus sa krus…
      • Kag pagkatapos sang pagkabanhaw-ginpamangkot ni Jesus si Pedro ka 3 ka beses kun palanga niya siya…
      • Kag subong ka 3 ka beses ginprangka naman siya ka 3 ka beses- ginatawag siya sang Dios!
      • Dumdumon naton nga kinanglan tion kag pasensya para kita magtubo kay Jesus…
      • Kun kaisa dapat kita magtuon sang leksyon-indi lang kaisa asta naton maintiendihan!
      • Ang Ginoo mapinasensyahon sa aton-dapat magpasensya man kita sa pagtudlo sa iban!
    • 3rd – Wala ideya si Pedro sang buot silingon sang palanan-awon… vs. 17-19
      • Kabalo siya nga ato halin sa Ginoo-ang iya pagintiendi ang Ginoo ga istorya parti sa pagkaon…
      • Naglaom ni Pedro nga pwede siya makakaon bisan ano lang…
      • Siguro may sekreto nga handom si Pedro nga magkaon litson…
      • Pero indi amo na ang kahulugan sang palanan-awon-may dalom nga kahulugan…
      • Sang ginpamalandungan ni Pedro-ang 3 ka nag ginpadala ni Cornelius nag-abot…
      • Nagapanawag sila nga nagapangita kay Pedro pero wala sang may nagsabat…
      • Kapila na sila manawag pero wala daw wala gana si Pedro magsabat sa pwertahan…
      • Ano himuon mo kun may pulis (Romanhon nga soldado)nagapangita sa imo ngalan!
      • Gulpi lang naintiendihan ni Pedro ang palan-awon…
      • Ang butang nga gusto sang Ginoo tiluan indi ang mga sapat-ang mga tawo…
      • Ang pagpati ni Pedro nga ang mga Gentil indi maluwas…
      • Para naman sa mga rabbi ang mga gentil indi maluwas nga gatong sila sa impierno!
      • Nabudlayan si Pedro magbaton sang ideya nga palangga man sila sang Ginoo!
      • Kun padalman ni Pedro paminsar – mas nagadugan ang iya kaakig!
      • May mga butang nga ang Pulong sang Dios suli sa gintudlo sa aton halin sang una…
      • Ang kalibutan gahambal mayo kun damo ka kwarta-pero sa Bibliya bulahan ang pigado!
      • Ang kalibutan gahambal palabihon imo kaugalingon-ang Bibliya panginwala ang imo kaugalingon!
      • Ang kalibutan gahambal magpabakod ka-ang Bibliya bulahan ang maluya!
      • Budlay batunon- lain kompara sa aton natun-an!
    • 4th – Ang Espritu nagsugo kay Pedro nga maupod sa mga tawo-indi magduha-duha… vs. 20
      • Indi dapat si Pedro magduha duha- maghukom sa mga tawo kay indi sila Judio…
      • Ginpadala sila sang Dios-kag dapat maupod sila sa ila-magpangwali kay Jesus…
      • Bisan may pagduha duha si Pedro-ginpili niya nga mag tuman kag naglakat!
      • May pagduha duha kita sa kabuhi parti sa nahambal sang Ginoo-pamangkot sa Iya Pulong…
      • Basi kun kaisa may kaakig kun mabatian naton kag gusto maglalis nga indi insakto ang Dios!
      • Pero sa katapusan may pagpili kita- gusto bala naton magtuo…
      • Mamati kita sang kalibutan kag kaptan ang aton natun-an nga sala sang una pa…
      • Ukon mamati sa Pulong sang Dios kag magpagamit sa Ginoo nga magpanugid sa kalibutan!