Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 1:1-9
Introduction…
- Ang bug-os nga laygay sang dios
- Handom namon nga itudlo ang bug-os nga Bibliya halin sa Genesis asta sa Pahayag
- Binuhatan 20:27 – “ Kay wala gid ako sing may gintago sa inyo parte sa bug-os nga katuyuan kag plano sang Dios.”
- Natapos na naton ang Roma – mapadayon na kita sa I Corinto…
Ang libro sang I Corinto…
- Ang nagsulat sang I Corinto…
- Si Pablo – ang amo man nga Pablo nga aton ginsundan sa Binuhatan 13 asta 28
- Ang Pablo nga nagsulat sang libro sang Roma (total nga 14 ka mga sulat sa New Testament)
- Ginabuksan niya ang iya nga sulat sa pagpanamyaw – “Pablo, gintawag nga mangin apostol ni Jesu Cristo…”
- Ang siudad sang Corinto…
- Ang Corinto isa ka matahum, mainuswagon, maimpluwensya nga siudad sang Emperyo sang Roma…
- Ini isa ka siudad nga bug-os nga ginguba sang Roma sang 147 B.C.
- Ginpatukod liwat ni Julius Caesar sang 46 B.C. – nangin kapital sang Achaia (modern Greece)…
- Ini ang sentro sang kultura sang bug-os nga rehiyon – diri ginahiwat ang Corinthian games (Olympics)…
- Madako nga siudad ini nga may populasyon nga 500,000-750,000…
- Ang pwerto sang Corinto…
- 2 ka pwerto – Cenchrea sa nasidlangan (Aegean sea) / Lyceum sa katundan (Adriatic)
- Ang Corinto yara sa 4-ka milya nga kalaparon nga duta – nagatunga sang mga dagat sang Aegean kag sang Adriatic …
- Ini ang mayor nga alagyan sang komersyo sa tunga sang eastern kag western Roman Empire…
- Kon imo nga liboton ang peninsula malakbay ka sobra sa 250 ka milya – peligroso kon maglayag…
- Tanan nga mga barko nagakadto sa Corinto – imbes nga maglayag palibot – naga-agi na lang sa duta!
- Ila nga itungtong ang barko sa rollers kag butongon halin sa pwerto sang Cenchrea asta sa Lyceum…
- Sang 1893 isa ka canal ang gin-obra sa tunga sang 2 ka pwerto – 170 ft. Ang dalom – gina-usar asta subong
- Imoral nga siudad…
- Ang Corinto bantog tungod sang pagsimba sa mga idolo kag sekswal nga pagkasalamwanan…
- Sa babaw sang pinakamataas nga bungyod sa Corinto – ara ang Acropolis (2000 ft.)
- Sa ibabaw sang bungyod ara ang templo ni Aphrodite – ang diosdios sang gugma…
- Kada gab-i, 1000-sang mga temple prostitutes makadto sa siudad…
- Ang mga Griyego may tinaga nga ‘Corinthianized’ – nagakahulugan nga imoral okon malaut!
- Amo ini ang lugar nga kon diin nagpatukod si Pablo sang simbahan!
- Sang malapit na matapos ang ika 2 nga Misyonaryo nga Panglakbay ni Pablo, nag-abot siya sa he Corinto…
- Binuhatan 18:7-11 – Nagpalipas si Pablo sang 1-½ years sa Corinto nga naga-tudlo sang Pulong sang Dios…
- Sa ikatatlo nga misyonaryo nga panglakbay ni Pablo nagkadto siya sa Ephesus…
- Iya nabatian ang mga problema sa Corinto – kag iya ginsulat ang epistola – 53 A.D.
- Gindedikar ni Pablo ang bug-os nga sulat sa simbahan para atubangon ang mga problema…
- Ang mga problema sang simbahan sang Corinto – pareho man sa mga problema sang simbahan subong
- Amo nga ang pagtuon sang Epistola ni Pablo isa ka makagagahum nga paagi sa pagtadlong sang simbahan
- Overview …
- 16 ka mga Chapters / 437 verses – ang Libro sang Corinto…
- May 3 ka mayor nga tinutuyo si Pablo sa pagsulat sang epistola sa simbahan…
- 1st – para itadlong ang mga problema nga moral kag ang pagbinahinbahin nga nagaluntad sa simbahan…
- 2nd – para sabton ang pila ka mga pamangkot nga ginpadala sang simbahan sa iya sa ila nga sulat…
- 3rd – para ipat-od ang kinamatarong ni Pablo bilang isa ka apostol kag lider para tadlungon ang simbahan…
- Key Verse:
- Nangin bugalon na ang simbahan sa Corinto – napahilayo na sila kay Jesus…
- I Corinto 1:26-29 – “Ginpili sang Dios ang mga kubos kag ang mga talamayon, nga mga ginakabig nga wala sing pulos, agod ipakita niya nga indi importante ang ginakabig sang mga tawo nga importante…”
- Outline – aton nga tilawan nga matapos tunga sang chapter kada semana…
- I Corinto 1:1-9 – Introduction – Katuyoan sang sulat…
- 1st – I Corinto 1:10-6:20 – Mga problema sa simbahan…
- 1st – pagbinahinbahin sa simbahan – I Corinto 1:10-4:21
- 2nd – Kakulangan sang disiplina sa simbahan – I Corinto 5:1-13
- 3rd – Mga problema legal sa simbahan – I Corinto 6:1-8
- 4th – Ang di-pagkaputli sang simbahan – I Corinto 6:9-20
- 2nd – I Corinto 7:1-25:58 – Mga sabat sa mga pamangkot…
- 1st – Pag-asawahay – I Corinto 7:1-40
- 2nd – Mga idolo – I Corinto 8:1-11:1
- 3rd – Pagsimba – I Corinto 11:2-34
- 4th – Espiritohanon nga mga dulot – I Corinto 12:1-14:40
- 5th – Ang pagkabanhaw- I Corinto 15:1-58
- I Corinto 16:1-24 – Konklusyon…
- Ang panamyaw ni pablo sa simbahan sang corinto… vs. 1-9
- Sin-o ang nagsulat sang libro – para kay sin-o niya ginsulat… vs. 1-3
- Si Pablo gintawag nga mangin apostol ni Jesu Cristo…
- Gin-umpisahan ni Pablo ang iya nga sulat sa Corinto nga nagapakilala nga alagad siya ni Jesus…
- Maisog nga gina tuhoy niya ang iya nga kaugalingon nga isa ka apostol paagi sa kabubot-on sang Dios sa simbahan sang Corinto…
- Sa pagtinguha ni Pablo sa pagtadlong sang mga problema sang simbahan – una niya nga ginpatalupangod ang iya nga awtoridad…
- Masami nga aton ginabatyag ‘sin-o gid ako’ para maghambal sa iban tuhoy kay Jesus…
- Aton ginapensar nga kulang ang aton ihibalo – okon indi pa nagakaigo – wala sang awtoridad…
- Pero ginatawag man kita nga mangin apostol – indi “Apostol” – isa sa mga 12…
- Pero isa nga ginpadala – nga may awtoridad – para iwali ang Maayong Balita ni Jesus…
- Si Sosthenes ang aton utod – Binuhatan 18:17…
- Si Sosthenes amo ang bag-o nga nagadumala sang Sinagoga sa Corinto…
- Siya ang ginbulos sa kay Crispus nga ginpahalin tungod sang iya nga pagtuo kay Jesus…
- Sa panguna ni Sosthenes – gindala sang mga Judio si Pablo sa kay Gaius – ang Romano nga manug-dumala sang Corinto
- Gusto nila nga ipakastigo si Pablo – sa baylo sila ang ginkastigo….
- Ginsugiran kita nga ginkuha sang mga Griego si Sosthenes – kag siya ang ginbugbog (wala nila gintandog si Pablo)!
- Apang subong mabatian na naman naton ang tuhoy kay Sosthenes – nga isa na ka tumuluo ni Jesus!
- May mga tawo nga mas nabudlayan magpalapit kay Jesus kon ikumpara sa iban…
- Himoon sang Dios ang tanan – para kombinsihin ka nga kinahanglan mo si Jesus…
- Kay ang konsekwensya sang indi pagpati pwerte ka lain kon ikumpara sa bisan ano nga kabudlayan sa kabuhi ….
- Ginkinahanglan nga mabugbog si Sosthenes – para iya lang marealisar nga kinahanglan niya si Jesus
- Kun kinahanglan mag-agi sa balatian – pagkaguba sang relasyon – bug-os nga kakulangan sang kwarta – tugutan ina sang Dios…
- Para makita naton nga kinahanglan naton si Jesus – para aton mahibaloan nga naluwas kita – nagapadulong sa langit!
- Para sa simbahan sang Dios sa Corinto…
- Ang simbahan sang Dios indi isa ka building – indi partikular nga denominasyon…
- Isa lang ang simbahan sang Dios- ang Lawas ni Jesus…
- Bisan ano ang ngalan – bisan ano nga tradisyon – tanan kita nalakip sa simbahan sang Dios!
- Simbahan kita sang Dios – sa bukid sang Himamaylan – kabahin sang simbahan ni Jesus!
- Sa mga ginapakabalaan – ginatawag nga mangin mga santo (upod sa tanan nga nagapanawag kay Jesus)…
- Ini nga sulat indi para lang sa simbahan sang Dios sa Corinto – para ini sa tanan!
- Ginsulat ini para sa aton tungod ginatawag kita nga mangin – ginpakabalaan nga mga santo (perfect/passive)…
- Kis-a sala ang pagka-intiende naton sang ‘santo’ (ang tinaga nagakahulugan nga balaan – okon napain)
- Abi naton nga ang mga tawo nangin santos tungod sang ila nga mga gin-obra – maayong buhat /mga milagro…
- Sa matuod lang indi tungod sang aton obra – kundi tungod sang gin-obra sang Dios nga nangin mga santo kita…
- Mga santo kita – ‘balaan’ / napain – tungod sang ginbuhat ni Jesus para sa aton sa krus!
- Hebrews 10:10 – “Kag tungod kay gintuman ni Jesu-Cristo ang kabubut-on sang Dios, ginlimpyuhan niya kita sa aton mga sala. Natabo ini paagi sa iya paghalad sang iya kaugalingon nga lawas sing makaisa gid lang.”
- Ang simbahan sa Corinto karnal – imoral – rebelyoso – pero mga santo!
- Kon magtulok ang Dios sa simbahan sang Corinto – kag makita Niya sila nga mga santo – kita may paglaum man!
- May ara man kita sang mga adlaw – nga imoral kita – rebelyoso…
- Pero ang Dios matulok sa aton – kag Iya nga makita si Jesus – kag tawgon Niya kita nga mga santos!
- Ang Grasya sang Dios… (4 ka butang) vs. 3-9
- 1st – Grasya sa inyo kag paghidaet… vs. 3
- Ang Grasya sang Dios…
- Ang Paghukom amo ang kon mabaton ko ang nagaka-angay sa akon – ang pagkaluoy amo ang indi ko mabaton ang nagaka-angay sa akon…
- Apang ang Grasya amo ang mabaton ko ang indi nagaka-angay sa akon – isa ka libre nga regalo halin sa Dios…
- Takus kita nga magkadto sa Impyerno tungod sa aton nga sala kag rebelyon – paghukom..
- Sa baylo ginhatagan kita sang Dios sang daw indi mapatihan nga regalo nga kinamatarong kag langit – tungod kay Jesus!
- Paghidait upod sa Dios…
- Antes kita ginluwas – nagakabuhi kita nga nagapaabot sang kaakig sang Dios kag Iya nga paghukom
- Wala sang kalinong sa aton kabuhi – kahadlok lang sa kamatayon – kag paghukom…
- Hebreo 10:27 – “Ang tawo nga nagapakasala nagapaabot na lang sang makahaladlok nga paghukom kag masingkal nga kalayo nga ginpreparar sang Dios para sa mga nagakontra sa iya. ”
- Kon may grasya kita sang Dios – ang libre nga dulot sang kaluwasan – may kalinong kita upod sa Dios!
- Indi kita makaangkon sa matuod nga kalinong – makapahuway sa ihibalo nga ginpatwad na kita – kon wala sang grasya…
- 2nd – Ang balor sang grasya… vs. 4
- Ang grasya libre para sa aton – pero ginbayaran ni Jesus sang bug-os Niya nga kabuhi – ginbayaran ini sang dugo ni Jesus…
- Kon nagbakal ka sang TV nga nagabalor P100 – ano ayhan ina klase nga TV…
- Pero kon magbakal ka sang TV nga naga-balor P100,000 – ano naman klase nga TV ina…
- Kon mas mahal ang isa ka butang – mas dako ang iya nga balor…
- Ginahigugma gid kita sang Dios nga wala Siya sang ginhawiran – bisan ang Iya kabuhi – nga gjnhalad para sa aton!
- Romans 8:32 – “ Wala niya ginlikaw ang iya Anak, kundi ginhalad niya para sa aton tanan. Kon ginhatag niya ang iya Anak, ihatag man niya sa aton ang tanan nga butang. ”
- PIRME gid nagapasalamat si Pablo sa Dios para sa grasya nga Iya ginhatag…
- Kon aton binagbinagon ang mga problema nga gina-atubang sang simbahan sang Corinto – MAAYO gid ang grasya…
- May ara gid sang mga tion – nga nagakasala kita – amo nga mas kinahanglan gid nga…
- Mangin MAPINASALAMATON – PERMI- para sa maayo nga grasya sang Dios nga Iya libre nga ginhatag sa aton!
- 3rd – Ang grasya sang Dios ang naga-kumpleto sa aton… vs. 5-7
- Bug-os gid kita nga mahuman tungod sang grasya sang Dios – Iya nga ginhatag ang tanan sa aton!
- Tanan nga paghambal – tanan nga ihibalo – tanan nga dulot naga-abot paagi sa grasya sang Dios!
- Ephesians 1:3 – “Dalayawon gid ang Dios kag Amay sang aton Ginoong Jesu-Cristo! Tungod nga kita ara kay Cristo, ginhatagan niya kita sang tanan nga espirituhanon nga mga pagpakamaayo. Ini nga mga pagpakamaayo halin sa langit.”
- Masami kita nga nagasalig sa aton nga mga abilidad – talento – para sa aton masarangan himoon…
- Pero kon nagatulok lang kita sa aton kaugalingon – ginalimitahan naton ang Dios…
- Ginhatag na sa aton ang tanan nga pamulong – ihibalo – mga dulot – halin sa Dios paagi sa grasya!
- Kag ginahatag sang Dios ang bisan ano nga kinahanglan naton sa tion nga kinanglan naton – paagi sa pagtuo…
- Masami sa Kristyanismo nagapabaya kita – daw liwat-liwat na lang ang ginahimo…
- Ang mabudlay obrahon sang una – pagpangamuyo sa atubangan sang iban – subong nangin mahapos kag komportable na….
- Bahin sang pagtubo sa Dios – ang pagpadayon sa pagtikang abante nga may pagtuo – paghikot sang bag-o nga hilikoton…
- Pangitaon kon ano nga bag-o nga pamulong – ihibalo – okon talento nga basi gusto usaron sang Dios sa aton kabuhi!
- 4th – Kasiguradohan tungod sang Grasya… vs. 7-9
- Nagligad – Subong – Palaabuton…
- Naluwas kita sang grasya – nagligad – tanan naton nga sala ginkuha na sang krus ni Kristo…
- Ginahatagan kita sang kusog sang Grasya – subong – TANAN ginhatag na sa aton…
- May siguridad kita sa Grasya sang Dios – palaabuton – samtang nagahulat kita sang pagbalik ni Jesus…
- Bug-os gid ang aton kalig-on samtang nagahulat sang pagsabnit sang simbahan…
- Tungod ginapahamtang kita sang Ginoo – kapyutan Niya kita asta sa adlaw nga dal-on na Niya kita pauli
- Tungod nga Iya makita nga walay-kasawayan kita – ginpatawad sang ginbuhat sa krus…
- Tungod nga matutom ang Dios – Kag wala nagapaslaw ang Dios!
- Sa pagbaton naton sang bugay sang Dios- may ara kita sang kalinong – katuyuan sa kabuhi – kag kapahuwayan…
- Tanan tungod sa ginhimo ni Jesus para sa aton sa krus – tungod sang Iya nga higugma sa aton!