Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 1:10-17
Review…
- Ang Siudad sang Corinto…
- Ang Corinto matahom, mauswagon kag maimpluwensia nga siudad sa Emperyo sang Romano…
- Ini isa ka mayor nga ruta sang negosyo sa tunga sang nasidlangan kag nakatundan nga bahin sang Emperyo sang Roma..
- Ang Corinto bantog sa idolatriya kag pagkasalamwanan…
- Amo ini nga lugar nga kon diin si Pablo nagsugod sang simbahan!
- Pagkabati ni Pablo parte sa problema sa Corinto – nag himo siya sang sulat …
- Ang bug-os nga sulat ni Pablo naghatag sang igtalupangod tuhoy sa sini nga mga problema…
- I Corinto 1:1-9 – Ang panamyaw sa simbahan…
- Nagumpisa si Pablo sang sulat nga nagapamat-od sang Iya awtoridad – bilang apostol ni Jesu-Cristo…
- Sa simbahan sang Dios -sa Corinto – gintawag nga mangin mga santo
- Ginapalig-on niya sila – bag-o sila tadlungon – nga may Grasya sang Dios…
- 1st – Ang Bugay sang Dios – nagahatag sa imo sang paghidait sa Dios…
- 2nd – Ang bili sang Grasya okon Bugay sang Dios – ang kabuhi ni Jesus – kita malahalon GID…
- 3rd – Ang Bugay sang Dios nagakompleto sa aton – naghatag Siya sang tanan klase nga regalo/ ihibalo/ paghambal…
- 4th – Ang Bugay sang Dios nagahatag sa aton sang siguridad – Tapuson sang Dios kon ano ang iya naumpisahan sa aton kabuhi!
- Ang Una nga Problema – Ang pagbinahin-bahin…
- Ang pag–isa sang Simbahan… vs. 10 Ang una nga problema nga solusyunan – amo ang ‘pagbinahin-bahin’ nga ara sa simbahan…
- Si Pablo naghinguyang sa masunod nga 4 ka chapter patuhoy sa problema – I Corinto 1:10-4:21
- Bangod si Pablo naghinguyang sang iya tion para sa sini nga problema – nagapakita sang pagkaimportante sini…
- Lucas 11:17 – “Kon ang mga pumuluyo sang isa ka ginharian magbinahin-bahin kag mag-ilinaway, ina nga ginharian malaglag.”
- Ang pagbahinbahin sa simbahan naga tuga nga mangin indi epektibo para kay Jesus – indi kita maga uswag…
- Sa baylo nga makita ang gugma ni Jesus sa aton – ang makita sang kalibutan sa aton nagailinaway sa isa kag isa…
- Si satanas namian gid sang pag binahinbahin sa sulod sang simbahan – para indi kita makabato sa iya
- Kon kita masako/kapoy na sa pakigaway sa aton kaugalingon -wala kita nagapakigaway para sa nalaglag nga kalibutan!
- Si Pablo nag bukas sa paghambal – mga utod gusto ko nga magbulig (kari sa tupad ko)….
- Antes si Pablo mag sugid sa problema – nag una na siya sa paghatag sang solusyon…
- Sa ngalan sang aton Ginoong Jesu-Cristo – dapat wala sang pagbinahinbahin…
- Ang yabi para may pagisa sa sulod sang simbahan – sa tanan nga simbahan – amo si Jesus
- Kon naka tutok kita sa kon ano ang pareho nga may ara kita nga – si Jesus – ginapalampas naton ang magagmay nga kinatuhay!
- Kon ang isa ka simbahan na sentro kay Jesus – 3 ka butang ang matabo…
- 1st – aton halambalanon pareho – nagaugyon – magahiusa kita..
- Ang tanan nga tumulu-o dapat nagaugyon sa importante nga doktrina sang Biblia – ang kaluwasan nga halin kay Jesus!
- Sa indi-masyado ka importante nga isyu – ang tanan nga tumuluo mag sugot – nga indi mag sugot/indi mag tuga sang pag binahinbahin…
- Dapat naka sentro sa mayor nga Isyu – palampason ang indi mas importante!
- Ang trinidad nga kinaiya sang Dios /ang kaluwasan nga paagi lang sa Krus ni Jesus – bug-osa nga matuod!
- Mag Simba kon Dominggo / praise songs okon hymns /sapatos okon stinelas – masugot nga indi magsgotanay…
- 2nd – wala sang pagbinahin-bahin…
- Kinanglan naton nga magmahinalungon nga indi kita magtuga sang pag binahinbahin sa simbahan…
- Ang pananawan naton sa iban nga tumuluo kag magsiling nga indi sila insakto – tungod nga lain sila…
- Marcos 9:38-40 – “‘Nagsiling si Juan sa iya, “Manunudlo, nakakita kami sang isa ka tawo nga nagatabog sang malaot nga mga espiritu sa imo ngalan. Ginpauntat namon siya kay indi naton siya kaupod.” Pero nagsiling si Jesus, “Pabay-i lang ninyo siya. Ang bisan sin-o nga wala nagakontra sa aton nagadampig sa aton.’”
- Ang mga tawo mahilig gid mag bahin-bahin – kon indi ka sa akon grupo – nian indi ka kaupod namon…
- Tungod kay wala siya naga kadto sa pareho nga simbahan– ukon indi kagrupo…
- Wala nagakahulugan nga indi sila maluwas – Cristohanon – makakadto sa langit…
- ‘Ang Simbahan’ isa ka DAKU kag may kinatuhay – apang ang isa ka butang ang pareho – si Jesus!
- 3rd -kinanglan naton nga maghiusa sa isa kag isa…
- Dapat himpit nga nahiusa sang tingob – wala nakahigot – sa aton nga pareho nga pagtuo kay Jesus…
- * Filipos 2:2-5 – “ Gani nagapangabay ako sa inyo: para mangin bug-os gid ang akon kalipay maghigugmaanay kamo kag maghiliusa. Kabay pa nga mag-isa ang inyo mga hunahuna kag katuyuan.”
- Sa masami naka sentro lang kita sa ATON ginapatihan – ATON grupo – ATON opinyon – kag naga tuga sang pagbahinbahin…
- Kon gina-una mo ang iban kaysa kaugalingon – makita naton nga gahiusa kita kay Jesus!
- * Efeso 4:2-6 – “Magmapainubuson kamo kag magmalulo sa isa kag isa. Maghigugmaanay, magpinatawaray, kag batasa ninyo ang kakulangan sang isa kag isa.”
- ‘Isa’ kita tanan kay Jesus – kag gani mangin mapailubon sa aton nga mga kinalain!
- Ang ginhalinan sang pagbinahin-bahin – tungod nga nag sunod sa tawo… vs. 11-13
- Sa mga kapanimalay ni ‘Chloe’ – gin balita ang problema kay Pablo…
- Wala kita kahibalo sini nga babayi – naga istar siguro sa Efeso kon sa diin ara si Pablo
- Apang indi lang nga gusto niya mag bulig sa simbahan sang Corinto – nabutang gid sang iya ngalan…
- Kon may nakita kita nga may kabug-atan tungod sa sala – ginatawag kita nga mag bulig…
- Galacia 6:2 – “Magbinuligay kamo sa inyo mga problema. Tungod nga kon amo ini ang inyo himuon matuman ninyo ang sugo ni Cristo.”
- Apang madamo nga tion nga gusto sang tawo mag bulig’ – paagi sa pag-tsismis sa likod sang tawo …
- Nakabati ka sang ano… si ano bala – ka terible – dapat may maghambal sa ila – kotso kotso na!
- Laka lang gid ang tawo nga mapranka sa mga nahulog sa sala!
- Kon may magkadto sa akon kag mag hambal – nakabati ka sa sini nga persona’…
- Ang akon sabat ‘KITA’ mahambal sa ila – kinanglan naton nga mangin responsable sa aton mga tinaga!
- May ara4 ka grupo sang mga tawo sa Corinto – mga nag sunod kay – Pablo / Apollos / Pedro/ kag Jesus…
- 1st -Si Pablo – ang tawo nga nag tukod sa simbahan sang Corinto…
- Si Pablo isa ka Iskolar – sobra naabot sa edukasyon – Isa ka theologian…
- Baskog nga manunulat – grabi ang paghangop sa Pulong sang Dios…
- Apang indi siya amo na kanami maghambal – kag putot kag law-ay…
- * II Corinto 10:10 – “[Pablo] Kay ang iban dira sa inyo nagasiling nga maisog ako kon sa sulat, pero kon nagaatubang na gani maluya ako kag wala sing pulos ang akon mga ginahambal!”
- Madamo nga santo sa Corinto naga kabig nga gasunod kay Pablo – ang ‘orihinal nga grupo’
- Sa mga ara na da halin sang pag sugod sang simbahan sa Corinto…
- Madamo nga abi nila insakto nga simbahan ila gintambungan – tungod nga una nila nga gin tambungan…
- Naga upod kita sa sini nga klase nga simbahan’ bangod permi kita nagatambong sini nga simbahan’…
- Kag ang iban nga simbahan nga bago lang nag abot sayop – tungod ari na kita diri sang una pa!
- 2nd – Apollos – isa ka gamhanan nga manug-wali nga nag kari sa Corinto… Binuhatan 18:24, 27
- Ang paglaragway sa kay Apollos eksakto nga baliskad ni Apostol Pablo…
- Indi siya maayo mag tudlo sang Pulong sang Dios – limitado ang nahibaluan…
- Apang mabaskog nga humalambal – kon mag hambal siya ang tawo mamati…
- Pati ang hitsura makadalayaw – taas / bus-ok/ guapo…
- Kadamuan sang ‘santo’ sa Corinto naga kabig nga naga sunod kay Apollos – ang ‘kilala nga grupo’…
- Gusto sang ulihi nga moda – nagasunod sa kadamuan …
- May ara nga nabatyagan nila nga naga ‘tambong sila sa sina nga simbahan’ tungod nga kilala…
- Tanan parte sang sini nga simbahan’ nian basi ‘ amo ini ang insakto nga simbahan’…
- Ibutang sa paminsaron mo nga kadamo na sa kasaysayan – kag bisan sa subong sa madamo man nga pungsod…
- Ang kilala nga relihiyon’ indi ang pagtuo kay Jesus – mag-andam sa pag sunod sa kadamuan…
- I nteresnte nga si Apollos, indi niya gusto mangin parte sang sini ngha pag bahinbahin…
- Naghalin siya sa Corinto – bangod sini nga natabo – kag indi na niya gusto mag balik pa…
- * I Corinto 16:12 – “Kon parte sa aton utod nga si Apolos, ginpangabay ko gid siya nga magbisita dira sa inyo upod sang iban nga mga utod kay Cristo. Pero indi pa siya kuno makakadto dira sa sini nga mga tinion. Makadto lang siya dira ugaling kon may kahigayunan siya….”
- 3rd – Si Apostol Pedro (Cephas) – ang lider sa simbahan sa Jerusalem…
- Si Pedro wala gid makakadto sa Corinto (that we know) apang bantog sa simbahan…
- Isa siya ka simple nga mangingisda – indi halangdon – indi man edukado – isa ka naga obra nga tawo…
- Halin siya sa Bukid’ – hapos pakisamahan – hapos sundon…
- May mga ‘santo’ sa Corinto nga naga kabig nga naga sunod sila kay Pedro – mga ‘tumandok nga grupo’…
- Gusto mag pabilin kon sino ila nahibaluan – maupod sa tawo nga mga barkada naton…
- Ini nga mga tawo abi nila ara sila upod sa ‘insakto nga simbahan’ bangod nga pamilyar/pamilya…
- May mga tawo nga madsali nga magpalapit sa tawo nga may pareho nga interes…
- Ang problema maabot kon na pinsar naton nga ang iban nga grupo sayop..
- 4th – Si Jesus – daw insakto nga sabat – apang may motibo nga sayop…
- Ang mga super-spiritual – sa mga nagahambal nga ‘wala kami naga sunod bisan sino nga tawo’ – maiyaiyahon nga motibo…
- Tanawa niyo bala ako – tanawa kon ano sa akon ka balaan kag matarong – perti sa pagbahin-bahin!
- May mga ‘santos’ sa Corinto nga naga siling nga gasunod sila kay Jesus – ang ‘espiritwal nga grupo’…
- Gusto nga mahibaluan sang iban kon daw ano sila ka balaan – nga mas ara sila sa ibabaw sang sa iban…
- May mga pila ka simbahan nga mahambal nga sila LANG ang simban…
- Sila ang matuod nga sumulunod ni Jesus – ang iban may kasaypanan…
- Espiritwal nga pabugal -nagahaumhaum nga tungod naupod sa simbahan – nga ini amo ang insakto
- Ang katalagman sang grupo-grupo…
- Wala sang malain kon may ara ka partikular nga simbahan nga komportable ka…
- Wala sang malain kon namian ka sa isa ka partikular nga pastor magtudlo…
- Ang problema maabot kon naga sugod sa pag sunod sa tawo – sa baylo nga may paghiusa kay Jesus!
- Naga sentro sa kinatuhay – imbes nga mag hugpong nga isa ka pamilya sang Dios…
- Gahimo kita sang identidad sa simbahan – relihiyon – kaysa simple lang nga si Cristo lang!
- Naga tuga sang pag binahinbahin sa simbahan sang Dios – nagabalabag sa gahom sang Maayong Balita…
- Ang problema sang pagbinahinbahin sa Corinto – pareho man sa problema sang simbahan sa subong …
- Nagakatingala kita nga madamo nga tawo wala nagasalig kay Jesus – kon ngaa ang simbahan wala unod …
- Ang simbahan sang Dios sa subong indi nakilala sa paghiusa – nakilala sa ila pagkatinuhay -tuhay…
- Ang Solusyon – si Jesus… vs. 14-17
- Si Cristo wala nabahinbahin – gani dapat indi kita mag binahinbahin!
- Isa lang si Jesus – isa ka krus – isa lang ka kaluwasan – isa ka langit…
- Wala sang langit nga para lang sa isa ka Relihiyon – kag lain naman nga langit para sa lain nga relihiyon
- Upod kita tanan sa eternidad – umpisahe na nga makig-upod sang maayo sa iban sugod subong!
- Naghambal si Pablo sa simbahan – wala siya nalansang -wala sila na bawtisohan sa ngalan ni Pablo
- Ang punto indi ini parte sa tawo – ini tanan parte sa pag hiliusa kay Jesus…
- Wala ka na bawtisohan sa ngalan sang relihiyon – ukon iban nga tawo…
- Wala sang pastor ukon lider nga napatay sa krus sa pagkuha sang aton sala…
- Kon ang tawo masugod na nga himuon ini parte sa relihiyon – ngalan – persona- mag palayo na!
- Wala sila naga tan-aw nga dal-on ka kay Jesus – nagatinguha sila nga madala ka palayo!
- Si Pablo wala gani nag bawtiso sa bisan kay sino…
- Nag bawtiso lang siya sang diutay lang nga iya madumduman – si Crispus, Gaius – kag Stephanus…
- Ang rason nga wala siya naga bawtiso – wala siya nagatinguha nga maghimo sang mga disipulo ni Pablo…
- Gusto niya maghimo sang disipulo ni Jesu- Cristo – sa pag tudlo sa ila kay Jesus !
- Kon amg tawo makadto sa aton nga nagapangita sang sabat kag bulig – mas mahapos nga kita ang mangin sabat…
- Kon may ara nga naga kinanglan sang pagkaon, kuarta, ukon maalamon nga paglaygay – ginatinguhaan naton nga mangin Jesus man…
- Kag ang tawo mas gusto makakita sang pwede nila makaptan kag makita..
- Gani mas nahuyogan pa nila nga mag salig sa tawo imbes nga sa Dios…
- Ang problema kay limitado lang kita – kag indi kita permi makabulig sa mga naga tulok sa aton…
- Ayhan makabulig kita kaisa – pero kon mag balik sila – liwat-liwat…
- Limitado ang aton abilidad kag manggad – ang Dios lang gid ang indi limitado!
- Sa pag tudlo naton sa iban kay Jesus nga makahatag kita sang sabat
- Wala Siya sang limitasyon – tanan nga abilidad – tanan nga manggad – tanan nga gahom!
- Siya lang ang sabat nga aton kinahanglan ihatag sa mga naga kinanglan!
- Ang kahigayunan – responsibilidad – naton amo ang mangin billboard nga nagasiling – ‘Amo ini ang alagyan pakadto kay Jesus’!
- Si Pablo nagkadto para magwali sang Maayong Balita…
- Indi ini parte sa ngalan sang simbahan – grupo – nga imo ginatambongan…
- Indi man parte sa pastor/pari ukon sin-o nga gina pamati-an naton…
- Indi man ini parte kon sin-o ang nag bawtiso – paano ka gin bawtusihan – ukon na bawtisohan ka na…
- May ara nga pagbinahinbahin sa simbahan tuhoy sa paano mag bawtiso – san-o – kag ngaa…
- Ang pagbawtiso indi kinahanglanon sa kaluwasan – kon kinahanglanon nagpangbawtiso tani sa Pablo…
- Ang pag pa Bautiso isa ka pagpabutyag sang bag-o nga kabuhi nga halin sa pagtuo kay Jesus
- Ang tinag-a nga bawtiso – baptizo – literal nga nagakahulugan sa pag tum-oy sa tubig…
- Ginlubong kaupod kay Jesus(under water) – kag ginbayaw sa bag-o nga kabuhi – Roma 6:4
- Dapat bala kita ma bawtisohan – HUO- apang indi ini butang nga magbahinbahin sa aton
- Ginwisikwisik man – gintum-oy – indi importante – ang importante si Jesus!
- Pabilin nga simple – mag padayon nga naka sentro kay Jesus …
- Kon naka sentro kita kay Jesus – may ara nga paghiusa sa simbahan sang Dios …
- Wala na sang iban nga importante – ini tanan parte sa Maayong Balita ni Jesu-Cristo!
- Ang Corinto matahom, mauswagon kag maimpluwensia nga siudad sa Emperyo sang Romano…