Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 2:1-16
Review…
- Ang siudad sang Cornto…
- Matahom ang Corinto, mainuswagon, kag maimpluwensia nga siudad sang Emperyo sang Roma…
- Ang Corinto bantog sa Idolatriya kag Pagkasalamwanan..
- Ini nga lugar kon sa diin nag tukod sang simbahan si Pablo – pero nangin simbahan nga madamo sang problema!
- Gin dedikar ni Pablo ang bug-os nga sulat para atubangon ang nga mga problema sang simbahan…
- I Corinto 1:1-9 – Ang pagpanamyaw sa simbahan …
- Si Pablo nag-umpisa sang sulat nga nagapabutyag sang iya nga awtoridad – isa ka apostol ni Jesu-Cristo…
- Sa simbahan sang Dios – sa Corinto – nga ginatawag nga mangin mga santo
- Ginapalig-on sila – antes nga tadlungon sila- paagi sa Bugay sang Dios …
- I Corinto 1:10-17 – Ang Una nga problema – Ang pagbinahin-bahin sang simbahan – nagasunod sa tawo…
- Ang masunod nga 4 ka chapter ni Pablo naga patuhoy sa sini nga problema – I Corinto 1:10-4:21
- Kon may ara nga pagbinahin-bahin sa simbahan – naga pugong sa aton nga mangin epektibo para kay Jesus…
- Ang sulusyon sa pagbinahin-bahin – dapat si Jesu-Cristo ang sentro – ang isa ka butang nga may ara kita tanan!
- Sa masami naka tutok kita sa magagmay nga kinalain – imbes nga magtutok sa mga mayor nga kina-anggid
- Ang una nga ginatuna-an sang pag binahin-bahin – amo ang pag sunod sa tawo
- Ako sa kay Pablo (orihinal nga simbahan) /Ako sa kay Apollos (bantog nga simbahan)…
- Ako kay Pedro (pamilyar nga simbahan) / Ako kay Jesus (super espiritwal nga simbahan)…
- I Corinto1:18-31 – Pagbinahinbahin sa simbahan – Ang Kaalam sang Dios…
- 1st – Ang Kaalam sang mensahe sang Dios – ang krus – isa ka kabuangan para sa kalibutan!
- Ang Dios nagkari nga mapatay para sa sala sang kalibutan – isa ka kabuangan nga mensahe para sa mga nadula…
- Apang ang mga nag sikway sang mensahe sang Dios – amo ang buang-buang – amo lang gid ini ang paagi nga maluwas!
- 2nd – Ang kaalam sang mensahero sang Ginoo – ang buangbuang nga katawhan sang kalibutan!
- Gani kita kalipikado nga gamiton sang Dios – kag gamay lang ang ginapaabot Niya sa aton!
- Agod nga ang tawo makita lang si Jesus kag indi kita – agod nga ang himaya makadto lang gid sa Ginoo!
- Ang perfecto nga tawo -vs- Ang natural nga tawo…
- Ang ehemplo ni Pablo sa simbahan… (5 ka butang) vs. 1-5
- 1st -Si Pablo nag kari nga nagawali sang simple nga wali … vs. 1
- Determinado si Pablo nga magkadto sa Corinto para itudlo ang simple nga mensahe sang Maayong Balita…
- Wala siya nag kari nga may dala sang mga mabulak nga panghambal – ukon kaalam sang tawo…
- Indi mabulak nga manugwali si Pablo – nagaka-pitla siya sa iya mga tinaga – II Corinto 10:10
- Apang indi ang pulong ni Pablo ang naga dala sang kaluuwasan – kundi ang Pulong sang Dios!
- Roma 1:16 – “Wala ko ginakahuya ang pagwali sang Maayong Balita. Kay amo ini ang gahom sang Dios sa pagluwas sa tanan nga nagatuo, una sa mga Judio, kag dason sa mga indi Judio.”
- Gahom – dunamis – dinamita ~ ang naglupok nga gahom sang Dios para magluwas sa makasasala ~ Ang Maayong Balita!
- Mas maayo pa nga mag hambal sang 2 ka tinaga halin sa Bibliya – kaysa 1000 sang maalamon nga mga tinaga sang tawo!
- Masami ko ginapinsar nga wala siguro kita naga sugid sang Maayong Balita tungod nga ginahunahuna naton nga kulang kita sang sakto nga mga tinaga
- Ukon naga hunahuna kita nga ang aton kabuhi – binuhatan – wala naga linyada sa aton nga mensahe…
- Apang indi ang aton tinaga ukon binuhatan ang nagadala sang tawo sa langit…
- Ang gahom sang kaluwasan – ara sa mensahe – ang simple nga kamatuoran sang Maayong Balita!
- 2nd – Pagwali tuhoy kay Jesus… vs. 2
- Si Pablo nag kadto sa Corinto pagkatapos sang indi madinalag-on nga paglakbay sa Athens (Ang kapital nga Siudad sang Gresya)…
- Ang pagpangwali ni Pablo didto – sa tanan nga mga obra ni Pablo – daw amo ang pinaka-di-mabungahon…
- Atena lang ang isa ka siudad nga wala kita nakabati sang simbahan nga ginpatukod ni Pablo…
- Apang amo ini ang pinaka maathag – maalamon – kag dalayawon nga pagwali ni Pablo…
- May isa lang nga kulang – si Jesus (wala namitlang bisan kaisa sa mensahe sa Mars Hill)
- Natun-an ni Pablo ang importante nga leksyon halin sa iya naagyan sa Athens…
- Dapat magpabilin nga simple ang mensahe – siguradohon nga ang pagwali parte kay Jesus!
- Indi sa mabulak nga mga tinaga – ukon matanlas nga pantudlo ang makadala sang tawo sa kaluwasan…
- Si Jesus lang – si Jesus ang iwali – siguraduha nga ang tanan nga mensahe parte lang gid kay Jesus!
- Ang gahom sang Maayong balita sa ngalan ni Jesus
- 3rd – Pagpangwali sa tion sang kaluyahon – kahadlok – kag nagapalangurog…
- Nagkadto si Pablo sa Corinto halin sa Philippi – kon sa diin gin bakol kag gin priso siya…
- Mahimo nga tungod man nga halin siya sa Tesalonica kag Berea – kon sa diin nga gintabog siya pa-gwa sang banwa …
- Sang pag-abot niya sa Corinto – ara permi ang kahadlok sa iya kabuhi…
- * Binuhatan 18:9-10 – “Isa ka gab-i, nagpakita ang Ginoo kay Pablo paagi sa palanan-awon kag nagsiling, “Indi ka magkahadlok. Magpadayon ka sa pagwali kag indi ka mag-untat, tungod kay ako kaupod mo Madamo ang akon mga pinili sa sini nga siyudad, gani wala sing may magpangahas nga magsakit sa imo.”
- Indi dalayawon tulukon si Pablo – mapainubuson kag bu-ong nga tawo – Apang puno kay Jesus!
- II Corinto 12:9-11 – “Ang akon bulig amo lang ang imo kinahanglan. Kay makita gid ang akon gahom kay kon maluya ako, ginapabaskog ako sang Dios.”
- Ang dako nga kusog ni Pablo – amo ang indi niya pagdepende sa iya kaugalingon nga kusog – Apang sa Dios!
- Madamo na nga tinuig ang nagligad may ara ako nga kahigayunan nga mag tambong sa crusada ni Billy Graham …
- Si Billy Graham isa siya ka evangelist nga naga wali sa 250 million people!
- 110,000 nga katawhan nagdinaguso sa istadyum sa pagpamati sang iya nga mensahe sang Maayong Balita ni Jesus…
- Natingala gid ako kon daw ano ka di-organisado ang iya nga mensahe – mabudlay sundan…
- Gulpi lang – nag pangabay siya sa mga gusto makilala si Jesus nga magpalapit…
- Nag-tan-aw ako sang mga tawo nga nagpalapit – libo-libo ang nagbaton sang pagtawag!
- Kon ginapinsar naton nga may mahimo kita – nga indi mag depende sa Dios – isa ina ka kaluyahon
- Apang kon hunahuna-on ta nga indi naton mahimo – magtulok kita sa Ginoo – kag makakita kita sang matuod nga kusog!
- Wala ginagamit sang Dios ang makusog – gahimo siya sang makatilingala nga mga buhat paagi sa mga mapainubuson!
- 4th -Indi sa makabuluyok nga mga tinaga (kaalam sang tawo) – kundi sa gahom sang Iya Espiritu…
- Nahangpan ni Pablo nga ang buhat naga hambal sang mas mabaskog kaysa tinaga!
- May ara sang makahambal nga ensakto sila – apang mas may gahom kon ipakita nila sa imo paagi sa buhat!
- Ginpakita ni Pablo si Jesus sa simbahan sang Corinto paagi sa iya gawi…
- I Corinto 11:1 – “Gani sunda ninyo ako, kay ginasunod ko man si Cristo.”
- Kon may ara sang makakombinsi sa imo nga magsunod ka kay Jesus – may ara man sang makakombinsi nga magtalikod ka…
- Apang kon ila makita ang kabuhi nga dedikado sa Ginoo – makita nga si Jesus amo ang nag-bag-o sang kabuhi sang makasasala – gamhanan gid!
- 5th – Agod nga ang pagtuo sang mga taga Corinto ma-base sa Dios!
- Ang kaalam sini nga panag-on – nagapadayon nga nagabaylo – ini indi malig-on nga pundasyon…
- Sang ang akon amay isa pa ka Estudyante – ang kalibutan 1 billion ka tuig ang edad – subong 20 billiones na
- Ang akon amay indi 19 billiones ka tuig ang edad – apang ang ‘kaalam’ sang tawo permi naga baylo!
- * Efeso 4:14 – “Kag kon malambot na naton ini, indi na kita pareho sa bata nga madala sa nagkalain-lain nga mga pagpanudlo sang mga tawo nga nagadaya kag nagabali sang kamatuoran.”
- Kon naga depende kita sa kaalam sang sini nga panag-on – daw mangin pareho kita sa sakayan nga gina palid sang hangin
- Kada bag-o nga idea okon ‘kamatu-oran’ – nga naga abot igahuypon kita sa bag-o naman nga direksion!
- Sa baylo kinahanglan nga ang aton pundasyon ara sa bato – Mateo 7:24-25
- Ang bagyo kag ang hangin sang kabuhi ma-abot kag madula – kag indi kita ma-isdog…
- Bangod nga ang aton pundasyon ara sa indi maisdog nga Bato nga si Jesu-Cristo!
- Ang Paghangop sang plano sang Dios… (5 kabutang) vs. 6-16
- 1st – Ginapakita sa mga Perfecto… vs. 6
- Sa mga Perfecto/ kag kompleto – Ang tanhaga sang Dios makita na…
- Daw makahaladlok- ma realisar naton tanan nga indi kita perfecto – apang indi paghangpa sang malain…
- Ang tinaga nga perfecto – teleios – halin sa pareho nga tinaga nga ginhalinan sang – telestai…
- Juan 19:30 – “Si Jesus nagsiling dayon, “Tapos na!” Dayon nagduko siya kag nabugto ang iya ginhawa.”
- Nagakahulugan sa mga ara na kay Jesu-Cristo – napatawad na – kag perfecto na sa atubangan sang mata sang Dios!
- Ang obra sang kaluwasan nahimpit na sa krus – wala na sang iban pa nga kinahanglanon…
- Sang si Jesus nag siling – tapos na – matuod gid ini!
- Ang aton lang gid nga himu-on amo ang mag tuo sa natapos nga obra ni Jesus – kumpleto/perfecto
- 2nd – Ang matalinhaga nga krus.. vs. 7-8
- Indi pagkatalinhaga sang isa ka lipod nga butang – kundi isa ka butang nga ginapahayag…
- * Colosas 1:26 – “Ini nga pulong sang Dios amo ang iya tinago nga plano nga wala niya ginsugid sang una, pero subong ginsugid na niya sa aton nga iya mga katawhan.”
- Ang pagka talinhaga sang Dios – nga sang una pa Iya na plano nga mapatay para sa sala sang mga tawo!
- Ang kordero sang Dios mapatay antes pa matuga ang Kalibutan– Pahayag 13:8
- Nahibaluan tanan sang Dios – nakita na Niya ang katapusan sa sugod pa lang…
- Nahibalo-an sang Dios nga sang pagtuga Niya sang tawo – nagakahulugan nga mapatay gid Siya – Isaiah 53:5
- Kon nakahibalo ka nga sa pag himo sang desisyon magabili ini sang imo kabuhi – himoon mo pa bala
- * Roma 5:8 – “Pero si Cristo nagpanginmatay para sa aton bisan sang mga makasasala pa kita. Sa sini nga paagi ginpakita sang Dios ang iya paghigugma sa aton..”
- Ano gid bala ka dako sang paghigugma sang Dios sa aton – Iya nga gintuga kita bisan pa nga magabili ini sang Iya kabuhi!
- Ang pagka tanhaga sang Krus – amo ang pagpahayag sang DAKO nga gugma sang Dios para sa imo kag sa akon!
- Kon nahibaluan lang sang mga nagapangulo sang sini nga kalibutan – indi nila pag-ilansang si Cristo
- Sang si Jesus gin butang sa krus – si satanas kag ang mga mala-ot nag kalipay – gin hunahuna nila nga nag daug na sila…
- Na himo nila nga mapalansang si Cristo – Gin patay nila ang Dios…
- Ang wala nila maintiendihan – apang nahibalu-an man nila sa malip-ot nga 3 ka adlaw – mangin ila ina nga kapierdihan!
- Sa krus napierdi ni Jesus si satanas / ang sala /kag kamatayon!
- I Corinto 15:55-57 – “Ti diin na ang imo kadalag-an, O kamatayon? Diin na ang imo gahom Ang kamatayon may gahom lang sa aton tungod sa sala. Pero salamat sa Dios tungod nga paagi sa ginhimo sang aton Ginoong Jesu-Cristo.”
- 3rd – Ang daw indi mapatihan nga plano sang Dios para sa mga naga higugma sa Iya… vs. 9
- Indi makita sang mata – indi mabatian sang dulunggan – wala sang isa nga makahunahuna kon ano ang plano sang Dios !
- Si Pablo nag siling sa II Corinto 12:4 – nga gin dala siya pakadto sa langit…
- Kag ang butang nga iya nakita – indi niya mahambal – isa ka pagpangahas kon tilawan!
- Ang Langit indi amo ang panakamanami nga lugar nga aton maimahinar – indi matungkad sang aton hunahuna !
- Sa matuod lang madugay pa nga tion- literal nga 1000 ka tuig – sa langit nga ang Dios ang mapahayag sang tanan sa aton!
- * Efeso 2:7 -“Sa palaabuton nga mga inadlaw, ang iya indi matupungan nga bugay kag kaayo sa aton nga iya ginhatag paagi kay Cristo Jesus.”
- 4th – Ipahayag sa aton sang Espiritu – nga nakahibalo sang mga madalom nga butang sang Dios… vs. 10-13
- Pareho man nga indi naton mahibalu-an kon ano ang ara sa tagipusoon sang tawo…
- Wala sang may Idea kon ano ang ara sa akon tagipusoon – wala man ako kahibalo kon ano ang ara sa imo tagipusoon…
- Ang isa lang gid nga nakahibalo kag sigurado kon ano ang ara sa imo tagipusoon – ikaw mismo !
- Sa amo man nga paagi – wala sang may nakahibalo kon ano ang ara sa tagipusoon sang Dios – luwas sa Espiritu sang Dios…
- Bangod nga ang Balaan nga Espiritu amo ang Dios – nakahibalo Siya sang tagipusoon sang Dios -Ang ‘mga madalom nga butang ’
- Nabaton naton ang Espiritu halin sa Dios – agod nga makahibalo man kita…
- Wala sang may maka hangop sa tanhaga sang krus kon sa aton lang…
- Wala sang paagi nga makita naton ang makatilingala sa plano sang Dios para sa aton..
- Apang ang Balaan nga Espiritu mahimo Niya -kay mahimo Niya nga abrihan ang aton igtalupangod – para ma intiendihan ta man!
- Siya ang aton manunudlo – Siya ang naga pahayag sang ‘mga madalom nga butang’ sang Dios para sa aton!
- * Juan 14:26 – “ Ang Manugbulig nga amo ang Espiritu Santo amo ang ipadala sang Amay nga magbulos sa akon. Siya ang magatudlo sa inyo sang tanan nga butang, kag magapadumdom siya sa inyo sang tanan nga akon ginsiling sa inyo.”
- Ini nga mga butang nga ginahambal – indi sa kaalam sang tawo…
- Kag isugid ta man sa iban -kon ano ang ginpahayag sang Balaan nga Espiritu sa aton…
- Indi aton nga kaalam – indi sa aton tinaga – nagasugid kita kon ano ang ginpahayag sang Dios sa aton
- Indi pagkalimti ang konteksto – si Pablo naga hambal parte sa pag binahinbahin sa sulod sang simbahan…
- Kon ang mga tawo mag sugid sang ila kaalam – ina makatuga sang pagbahinbahin – mga problema…
- Apang kon magsugid kita parte sa Espiritu – may ara nga paghiusa sa simbahan!
- 5th – Ang natural nga tawo indi maka-intiende… vs. 14-16
- Ang natural nga tawo – nga wala makakilala kay Jesus – indi perfecto/kompleto…
- Nagtuga siya sang pagbinahinbahin bangod kulang siya sa paghangop…
- Wala siya makahangop sa butang nga iya sang Espiritu – bangod wala ang Espiritu sa iya…
- Ang matuod kabuangan ina para sa iya – kag indi niya mahibalu-an!
- Wala ka bala nagakatingala nga a ang tawo indi makatalupangod sang maathag nga kamatuuran
- Maathag man nga si Jesus ang sabat – paano nga indi ini matalupangdan
- Ang Dios napatay agod kita mabuhi – para nga mabuhi kinanglan ta anay nga mapatay
- Mabakod kita sa tion sang kaluyahon – kabuangan sa kalibutan!
- Naintiendihan naton indi tungod nga kita maalam – kundi ang Espiritu sang Dios nga ara sa aton!
- Bangod kita malig-on kita nga gintukod sa kay Jesus – kag may ara sang Espiritu kita sang Dios!
- Na intiendihan naton ang katanhagaan/ ang kamatuoran sang Dios – kag nagadala sang paghiusa sa Iya simbahan!