These are the original teaching notes from this passage.
Stand Still… (4 points)
- 1st – Dumduma ninyo ini nga adlaw… vs. 1-16
- 1st – Nagsiling ang Ginoo kay Moises… vs. 1-2
- IDEDIKAR – [קַדֶּשׁ] – mangin BALAAN ukon separar…
- Tanan nga KAMAGULANGAN nga lalaki sang mga Israelinhon!
- 2nd – Nagsiling si Moises sa mga tawo… vs. 3-5
- DUMDUMA – ang adlaw nga ginpaguwa kamo sa Egipto…
- Bulan sang Abib (barley) – buot silingon pagpangani – ginatawag man nga Nissan…
- Ginluwas sila – INDI lang sa mga Egiptohanon – pati na sa pagkaulipon / pagkaulipon sa kalibutan!
- DUMDUMA – ang adlaw nga ginpaguwa kamo sang Ginoo…
- August 23 – 1990 – ang adlaw nga ginluwas sang Ginoo ang makasasala sa Petra nga concert sa New York!
- Basi indi mo madumduman ang intsakto nga adlaw – pero maayo nga ideya kon mahibaluan mo kon sang san-o…
- Kay maabot ang tion nga maminsar kita – ginluwas gid bala ako sang Ginoo…
- Gusto ni Satanas nga magpati kita sa iya – nga wala gid kita maluwas…
- Kon makahibalo kita – makapinsar kita kag makahambal nga – nadumduman ko gid ang adlaw!
- DUMDUMA – kay kon magsulod na kamo sa ginpromisa nga duta – kon diin nagailig ang gatas kag dugos…
- Magasulod sila sa maayo nga duta kag manggaranon…
- Pero ang delikado kay kon manggaranon na sila – pagusto na lang sila – asta MALIPAT sila!
- Deuteronomio 8:12-14 – “Kon makapagusto na gani kamo kaon kag makapatindog na sang maayo nga mga balay nga maestaran kag magdamo na ang inyo mga kasapatan, pilak, bulawan kag mga pagkabutang, mag-andam kamo nga indi kamo magpabugal kag magkalipat sa Ginoo nga inyo Dios nga nagpaguwa sa inyo sa Egipto nga sa diin gin-ulipon kamo.”
- Ang matuod – kon WALA kita sang kinahanglan – WALA problema – MALIPATAN naton ang Ginoo…
- Kon hapos ang kabuhi – sadya – wala sang ginapinsar – WALA man kita nagapangamuyo ukon gabasa Biblia…
- Basi mamangkot kita – ngaa WALA ako ginabugayan sang sang Ginoo sang DAMO nga kuwarta kag pagkabutang…
- Ang sabat grabe gid niya kita kapalangga – kay kon maluya kita – magadepende kita sa Dios!
- Kon indi kita MAGDUMDUM – kon diin kita halin – kon ano aton kabuhi kon wala kita ginluwas sang Ginoo…
- Efeso 2:1-3 – “Patay kamo sang una sa panulok sang Dios tungod sa inyo mga paglapas kag mga sala. Ginsunod ninyo ang malaot nga pagginawi sang mga tawo sang kalibutan. Sang una, sakop kamo ni Satanas nga amo ang hari sang mga espiritu nga nagagahom diri sa kalibutan. Kag siya man ang espiritu nga nagagahom sa mga tawo nga wala nagatuman sa Dios. Sang una, pareho man kita sa ila; nagkabuhi kita suno gid lang sa gusto sang aton tawhanon nga kinaugali. Ang handom sang aton hunahuna kag sang aton lawas amo lang ang aton ginsunod. Kag sa sadto nga kahimtangan naton, kaupod man kuntani kita sa ila tanan nga dapat silutan.”
- May ara tion nga kon madumduman gani naton ang natabo sang una – malipatan naton ang pagka-ulipon…
- Pero kon madumduman naton kon diin kita ginluwas – sa sala kag kamatayon – sa gahum ni Satanas…
- Mas nagapalapit kita kay Jesus – kag indi na gid magbalik sa daan naton nga pagkabuhi!
- Kon indi kita MAKADUMDUM – aton pinsar mas maayo kita sang sa iban…
- Delikado man kon MAGKALIPAT kita nga indi kita mas maayo sang sa iban…
- Mangin manug-akusar kita sa iban – balaan sang sa iban – sobra ka espiritwal…
- Nagakalipat nga kita makasasala man – nga ginluwas paagi sa GRASYA halin sa pagkaulipon sa kalibutan!
- 3rd – Ang piesta sang Tinapay nga Wala sing Inugpahabok… vs. 6-10
- Naghatag ang Ginoo sang DUWA ka butang para indi MAGKALIPAT ang mga Israelinhon kon paano sila ginluwas sang Dios!
- UNA – Pagsaulog sang Piesta sang tinapay nga wala sing inugpahabok KADA tuig…
- Para buligan ang Israelinhon nga indi magpakasala – para PADUMDUMON sila sang dako nila nga kinahanglan sa Ginoo…
- Nagsiling ang Ginoo nga magsaulog sila sang piesta sa pagdumdom kon paano ginkuha ang ila sala…
- Sa sulod sang PITO ka adlaw indi sila pwede magkaon sang tinapay nga may inugpahabok (hitsura ini sang sala) – Galacia 5:9
- Daw pareho ini sa MARKA sa inyo mga kamot – ukon sa inyo mga agtang…
- Ang PIESTA praktikal nga pamaagi para PADUMDUMON ang mga tawo kada tuig…
- Kon paano sila ginpaguwa sang Ginoo sa Egipto / PAGKAULIPON – paagi sa Iya gahom!
- Tinapay nga wala sing inugpahabok – matzah – tig-a ini kaunon – wala ini sing sabor…
- Daw nagaantos ka gani kon isa ka semana indi ka makakaon sang namit nga tinapay…
- Indi gid mapunggan ang mga bata nga mamangkot – ngaa nagakaon kita sang tinapay nga wala sabor!
- Pinsara bala kon sa isa ka semana kada tuig indi ka magkaon sing kan-on…
- Indi gid mapunggan ang mga bata nga mamangkot – ngaa wala kita nagakaon kan-on!
- Nagahatag ini sang opurtunidad nga MADUMDUMAN nila kon ano ang ginhimo sang Dios para sa Israel…
- Istoryahi sila kon paano ginpaguwa sang Ginoo ang mga Israelinhon sa pagkaulipon!
- Ano aton himuon – paano naton masigurado nga MADUMDUMAN naton – kon ano ang ginhimo sang Ginoo para sa aton…
- Nagahiwat kita sang ULIHI nga PANYAPON – sa pagdumdum sang kamatayon ni Jesu-Cristo…
- NAGPANGAMUYO kita antis magkaon – sa pagdumdum nga magpasalamat sa Ginoo sang iya paghatag…
- Nagalakat kita sa SIMBAHAN kada domingo – sa pagdumdum kon ano ang ginahambal sang Ginoo sa aton…
- Pero madasig kita MALIPAT kon ano ang tuyo sang ini nga mga PAGPADUMDUM…
- Ang delikado sa paghimo sang sini nga mga butang – kon indi na naton madumduman kon ngaa ginahimo naton ini!
- 4th – Ang paghalad sang tanan nga kamagulangan nga lalaki… vs. 11-16
- Magasulod ang mga Israelinhon sa duta sang Canaanhon…
- Ang duta nga ginpromisa sang Ginoo nga ihatag sa ila katigulangan – Genesis 22:18 / 26:4 / 28:13
- Pero ang mga Canaanhon malaot nga mga tawo – Genesis 9:25
- Ang delikado kay kon magsulod na ang mga Israelinhon sa duta – mangduha-duha sila!
- Kon ginluwas kita sang Ginoo sa PAGKAULIPON sa sala – nagakabuhi gyapon kita sa kalibutan…
- Dapat mangin suga kita sa kalibutan – indi magsunod sa uso sa kalibutan…
- Kon magtindog kita sa kamatuoran – hikayan kita sang mga tawo – II Timoteo 3:12
- Pero kon sundon naton ang kalibutan – sundon ang kadam-an – magsunod kon ano ang uso…
- Mas ginapili naton ang kalibutan sang sa kay Jesus – buot silingon ginasikway naton si Jesus!
- Santiago 4:4 – “Kamo nga mga indi matutom sa Dios, nga pareho sang babayi nga nagapanginlalaki, wala bala kamo kahibalo nga kon palabihon ninyo ang mga butang diri sa kalibutan, kaaway kamo sang Dios? Gani, kon palabihon ninyo ang mga butang diri sa kalibutan sang sa Dios, ginahimo ninyo ang inyo kaugalingon nga kaaway sang Dios.”
- Ang IKADUWA nga paagi para indi MALIPAT ang Israelinhon kon paano sila ginluwas sang Dios!
- Ang tanan nga lalaki nga SAPAT dapat ihalad sa Dios – sa kada KAMAGULANGAN nga LALAKi nga maluwas…
- Kay sang nagpadala ang Ginoo sang IKAPULO nga kalalat-an sa Egipto – ang anghel nga nagapamatay…
- Ginluwas sang Ginoo ang tanan nga KAMAGULANGAN nga LALAKI sang Israel paagi sa dugo sang karnero…
- Ang resulta GINLUWAS niya ang mga kamagulangan nga lalaki (tawo kag sapat)…
- Gani – and kada KAMAGULANGAN nga lalaki nga sapat dapat ihalad bilang sakripisyo para sa Dios…
- Ang kada kamagulangan nga lalaki maluwas – paagi sa sakripisyo nga ginhalad – Lucas 2:21
- Ginhimo ini sa PAGDUMDUM nga kon mag-abot ang tion nga mamangkot ang mga kabataan…
- Isugid nila kon paano sila ginluwas sang Ginoo sa PAGKAULIPON paagi sa Iya gahom!
- Mangin MARKA ini sa ila mga kamot – kag sa ila mga agtang!
- Para buligan sila nga indi magpangduha-duha – sa PAGPADUMDUM sa ila sang bayad para may kahilwayan sila!
- Pareho kay Jesu-Cristo…
- Katingalahan ang ini nga PAGPADUMDUM – kinahanglan magsakripisyo para maluwas ang KAMAGULANGAN nga mga lalaki…
- Pero nagatudlo ini sa kay Jesu-Cristo…
- Nga paagi lang sa sakripisyo sang KAMAGULANGAN nga Lalaki nga anak sang Dios – maluwas kita!
- Wala na kita nagahalad sang sapat – pero dumdumon gyapon naton nga indi magpangduha-duha…
- DUMDUMON naton kon ano ang bayad sang kaluwasan – ang KAMAGULANGAN – kinahanglan mapatay ni Jesus para maluwas kita…
- Indi lansang ang nagbutang sa iya sa krus – kundi ang aton mga sala…
- Kon pinsaron naton kon ano ang ginsakripisyo ni Jesus para sa aton – nagabulig ini sa aton nga magkabuhi para sa Iya!
- 1st – Nagsiling ang Ginoo kay Moises… vs. 1-2
- 2nd – Indi hapos nga dalan… vs. 17-22 / 1-4
- 1st – Sa Kamingawan… vs. 17-19
- Wala pagtuytuyi sang Dios ang mga Israelinhon sa laktod nga dalan nga pakadto sa mga Filistinhon…
- ONSE lang tani ka adlaw nga pagpanglakaton halin sa Egipto pakadto sa ginpromisa nga duta para sa ila – pero nangin 40 ini katuig!
- Indi intersado ang Ginoo nga dal on sila sa LAKTOD nga dalan…
- Kay kon mag-abot ang KABUDLAYAN (inaway) basi magbalik sila sa Egipto…
- Gani – ginpalibot sila sang Dios – para makatuon sila nga magdepende sa Iya!
- ANG pinakanami nga dalan nga gusto sang Dios para sa aton – amo ang MALAWIG NGA DALAN…
- May ara sang PLANO ang Dios sa kada isa sa aton – pero wala siya NAGADALI…
- Antis pa himuon sang Dios ang Iya plano sa aton kabuhi – IPREPARAR pa niya kita!
- Kon isugid sang Dios sa aton kon diin niya kita dal-on – basi magtalikod kita mag magdalagan!
- Antis maghimo sing ubra ang Dios sa aton – dapat unahon niya ang aton tagipusuon!
- Ginadala kita sang Dios sa malawig nga dalan – para maghatag kita sang tion para sa Iya – magdepende sa Iya!
- Gindala ni Moises ang tul-an ni Jose – 400 katuig ang nagligad – sa pagtuman sang iya gusto – Genesis 50:25
- 2nd – GINATUYTUYAN sila sang Ginoo… vs. 20-22
- Gintuytuyan sila sang Ginoo sa kamingawan – pakadto sa Mapula nga Dagat…
- Paghalin nila sa Sucot – kon sa diin nagtinir sila sa UNA nga gabi-i sa guwa sang Egipto…
- Nagkampo sila sa Etam – sa DULUNAN sang kamingawan…
- Ginatuytuyan sila sang Ginoo sang PANGANOD kon aga – kag KALAYO kon gab-i…
- Kon maglakat ang kalayo – malakat man ang mga tawo / kon magpundo ini – amo man ang mga tawo…
- Nagakatentar kita magpinsar – nga mas maayo kon kahibalo kita permi kon diin makadto…
- Pero may ara kita sang mas maayo sang sa kalayo / panganod – may ara kita sang Espiritu Santo…
- Kon nagatulok kita kon diin kita magkadto – gusto mahibaluan kon ano ang dapat himuon…
- Kinahanglan lang nga mangin bukas kita – sa pagpamati – sa paggiya sang Espiritu Santo…
- II Corinto 5:7 – “Kay sa karon nagakabuhi kita sa pagtuo kag indi suno sa aton makita.”
- 3rd – Gindala sila sa lugar nga wala palagyohan… vs. 1-4
- Nagsiling ang Ginoo kay Moises kon ano ang iya himuon sa Israel…vs. 1-4
- Siya ang magapanguna sa mga Israelinhon halin sa Etam pakadto sa Pi Hahirot (hilamonon nga duta)…
- Sa tunga tunga sang Migdol kag sang mapula nga Dagat – sa atubangan sang Baal Zefon…
- Indi ini manami nga lugar para dal on ang MINILIYON ka tawo…
- May ara ini sang bukid sa aminhan kag bukid sa bagatnan…
- May ara lang gid sang gamay nga alagyan pabalik sa nakatundan pakadto sa Egipto…
- Kag sa sidlangan – amo ang DAKO kag DALOM nga dagat – Mapula nga Dagat!
- Gindala sang Ginoo ang mga Israelinhon sa lugar nga wala sila sang pwede nga palagyohan…
- Magahunahuna ang hari nga nagtalang-talang ang mga Israelinhon sa kamingawan…
- Dayon PATIG-AHON sang Ginoo ang tagipusuon sang hari kag lagson niya sila!
- Makahuna-huna kita kon ngaa dal-on sang Ginoo ang iya mga katawhan sa lugar nga wala sila sang palagyohan…
- Ang sabat tungod gusto sang Ginoo nga magdepende ang mga katawhan sa Iya!
- II Corinto 1:8-9 – “Mga utod kay Cristo, gusto namon nga mahibaluan ninyo ang amon naagihan nga kalisod sa probinsya sang Asia. Kay sa sadto nga tiyempo daw indi na gid kami makaantos, kag ang hunahuna namon mapatay na gid kami. Abi gani namon amo na ato ang amon katapusan. Pero natabo gali ato agod makatuon kami nga indi magsalig sa amon kaugalingon, kundi sa Dios nga amo ang nagabanhaw sang mga patay.”
- Kon makadepende kita sa aton kaugalingon – ukon sa iban – amo ina ang himuon naton…
- Maabot ang tion nga ibutang kita sang Ginoo sa posisyon sang aton kabuhi – nga wala na sing alagyan paguwa…
- Ginahimo niya ini para wala kita sang pilian kag magadepende kita sa Iya!
- 1st – Sa Kamingawan… vs. 17-19
- 3rd – Magpakalig-on kamo… vs. 5-22
- 1st – Nabalitaan sang faraon nga hari… vs. 5-22
- Sang narealisar sang hari kag sang iya mga opisyal ang ila ginhimo…
- Sa pagpalagyo sa mga Israelinhon – WALA na sila sang mga ulipon!
- Halin sa minilyon nga mga ulipon – kag subong WALA gid – gani gusto nila sila magbalik!
- Ginpreparar sang hari ang iya karwahe kag ang iya mga soldado para lagson ang mga Israelinhon…
- Naabtan nila ang mga Israelinhon sa ila ginakampuhan – sa higad sang Mapula nga dagat…
- Gindala nila ang 600 sa pinakamaayo nga karwahe sang Egipto / manugdumala sang karwahe / kag DAMO nga soldado…
- Kon tan-awon daw wala na gid sang palagyohan ang mga Israelinhon!
- Indi hapos bayaan ang aton daan nga pagkabuhi – ang kalibutan – damo ang magasiling nga magbalik na lang…
- Ang aton abyan manghagad lagaw – nga daw pareho lang sang una…
- Nagasiling sa aton nga indi na magsunod kay Jesus – kag magkabuhi na lang pareho sang una sang wala pa naton makilala si Jesus…
- Aton pamatyag wala na kita sang kadtuan – indi kita maka INDI sa aton mga abyan kag pamilya!
- 2nd – HINADLUKAN gid sila… vs. 10-14
- Sang nagapadulong ang hari kag ang iya mga soldado…
- Nakita sang mga Israelinhon ang mga soldado sang Egipto…
- Hinadlukan gid sila – nagpangayo sila sang bulig sa Ginoo – kag NAGREKLAMO kay Moises…
- WALA bala sing lulubngan didto sa Egipto nga diri mo pa kami gindala sa kamingawan agid MAPATAY…
- Indi bala nagsiling kami sa imo – nga pabay-an mo na lang kami sa Egipto!
- Mas maayo pa nga mangin ulipon sa Egipto – sang sa mapatay diri sa kamingawan!
- Wala naakig si Moises sa mga tawo – matuod man gid nga kahaladlukan ang mga soldado sang Egipto…
- Gani – nagsabat si Moises sa mga tawo – indi kamo magkahadlok…
- Ang kahadlok indi resulta sang isa ka butang – pagpili ini – depende ini sa makita naton…
- Kon nagatulok kita sa aton mga kabudlayan – ginapili naton magkahadlok…
- Pero kon magtulok kita sa Ginoo – paagi sa aton PAGTUO – wala kita sang dapat KAHADLUKAN!
- Roma 8:31 – “Karon, kon hunahunaon ta ini nga mga butang, makasiling kita nga ang Dios nagaapin gid sa aton, kag wala sing may makahalit sa aton.”
- MAGPAKALIG-ON kamo – kag makita ninyo ang PAGLUWAS sang Ginoo sa inyo…
- MAGPAKALIG-ON kamo – wala ka sing himuon…
- Kag MAKITA ninyo – ang PAGLUWAS – diri ginkuha ang ngalan ni Jesus!
- Ang himuon lang sang mga tawo – MAG-UNTAT – kag ang Ginoo ang magapakig-away para sa ila…
- Pagktapos sang sini nga adlaw indi na nila makita ang mga Egiptohanon liwat!
- Ang Ginoo ang MAGAPAKIG-AWAY para sa inyo – indi na kinahanglan nga magpakig-away pa kamo…
- Efeso 6:10-11 – “Sa wala pa ako makatapos, ginabilin ko gid sa inyo nga magpakalig-on kamo sa Ginoo paagi sa iya gahom. Gamita ninyo ang tanan nga armas nga ginhatag sang Dios agod makabato kamo sa malaot nga mga pahito ni Satanas.”
- Wala naga ekspektar ang Ginoo nga magapakig-away kita – ang Iya lang nga hambal MAGPAKALIG-ON…
- Kag kon MAGPAKALIG-ON kita – MAKITA naton si Jesus – kag siya ang magapakig-away para sa aton!
- Salmo 46:10 – “Nagasiling siya, “Untata na ninyo ang pag-ilinaway.
Kag kilalaha ninyo ako nga Dios. Kamo nga mga nasyon sa bug-os nga kalibutan magadayaw sa akon.” - MAGPAKALIG-ON – magpahuway…
- Magpahuway sa aton mga pagpangabudlay – sa ATON mga solusyon – gani magtulok kita sa Ginoo para MAKITA naton siya!
- 3rd – MAGPADAYON sa paglakat… vs. 15
- Sagi panawag si Moises sa Ginoo…
- Nagsabat ang Ginoo – ngaa sagi ka pa panawag sa Akon – SILINGA ang mga Israelinhon…
- SILINGA sila nga MAGPADAYON sa paglakat!
- Indi buot silingon WALA na sing himuon ang mga tawo – kinahanglan nila IPAKITA ang ila pagtuo kag sundon ang Ginoo!
- Magtindog para kay Jesus – indi buot silingon wala na kita sing HIMUON…
- Wala kita gintawag para lang MAGPUNGKO kag maghulat sa Ginoo – gintawag kita para magsunod kay Jesus!
- II Corinto 5:7 – “Kay sa karon nagakabuhi kita sa pagtuo kag indi suno sa aton makita.”
- 4th – Napihak ang dagat… vs. 16-22
- Nagsiling ang Ginoo kay Moises – itudlo ang imo BASTON / untaya ang imo kamot sa dagat…
- Magatabok ang mga Israelinhon sa mamala nga duta…
- Pero PATIG-AHON sang Ginoo ang tagipusuon sang mga Egiptohanon – para lagson nila ang mga Israelinhon…
- Sa sini nga paagi MAPADUNGGAN Ako – MAHIBALUAN sang mga Egiptohanon nga Siya amo ang GINOO!
- Dayon ang anghel sang Dios ang nagauna…
- Ang panganod nga nagapanguna sa ila – nagsaylo sa likod – sa tunga nila kag sang mga Egiptohanon…
- Nangin panganod ini sang kadulom para sa mga Egiptohanon – pero kasanag para sa mga Israelinhon!
- Mahibaluan naton kon ano ang gusto ipahimo sang Dios sa aton – tungod GINASANAGAN niya ang aton nga dalan…
- Kon magkadto kita sa Iya Pulong – ginapasanag niya ang aton alagyan – agod makita naton kon diin kita MALAKAT paagi sa aton pagtuo!
- Katingalahan – ang pareho nga Pulong nga nagahatag sa aton sang KASANAG – amo ang nagahatag sang KADULOM sa kalibutan…
- Sang wala pa naton makilala si Jesus – wala sing pulos ang Biblia – MADULOM…
- Pero tungod sa Balaan nga Espiritu Santo – ang Pulong nangin SUGA para sa aton!
- Juan 8:12 – “Nagsiling liwat si Jesus sa mga tawo, “Ako ang suga sang mga tawo sa kalibutan. Ang nagasunod sa akon, indi na magakabuhi sa kadulom, kundi masanagan siya sang suga nga nagahatag sang kabuhi.”
- Mabaskog ang hangin nga halin sa sidlangan bilog nga gab-i – kag napihak ang dagat…
- Indi magpinsar nga nabaw lang ini – ang Mapula nga Dagat 5000 ft. ang kadalumon!
- Amo ini nga nahambal ang tubig daw sa PADER sa pihak kag pihak – Exodus 14:29
- PADER – 131 ka beses makita sa OT (una nga gingamit diri) – TAAS kag malig-on!
- Ang Mapula nga Dagat daw ka imposible nga problema nga daugon…
- Sigurado ako nga grabi ang kahadlok sang mga Israelinhon sang nakita nila ang Mapula nga Dagat…
- Pero nagatulok ang Mapula nga Dagat sa Ginoo – kag hinadlokan ini – wala wala ini kon ikompara sa Ginoo!
- Salmo 77: 16,19 – “Sadto nga hitabo ang mga tubig, O Dios, daw pareho sa tawo nga sang pagkakita sa imo hinadlukan kag nagkulurog. Gintabok mo ang dagat nga may dalagko nga mga balod, pero indi ka makita!”
- Permi kita nagatulok sa aton mga problema sa kabuhi – kag nagakurog kita sa kahadlok…
- Pero ang aton problema nagatulok sa Ginoo – kag nagakurog ini – wala wala ini kon ikompara sa Ginoo…
- Ginatunga niya ang dagat sang aton mga kabudlayan – ginahimo niya ini nga daw pader sa kilid naton…
- Ginadala niya kita sa alagyan nga wala may nakahibalo paagi sa aton mga pagtilaw…
- Wala ginakuha sang Dios ang aton mga problema – ginabuligan Niya kita nga makalampuwas sa problema!
- Pagtabok sa Mapula ng Dagat…
- Nabudlayan ang mga tawo magpati sa mga milagro – pareho sa PAGTUNGA sang dagat…
- Nagapangita sila sang iban nga rason – para itupong ang Dios sa tawo…
- Gani – may ara sang mga tawo nga nagasiling nagtabok sila sa Dagat sang Reeds…
- Ang Dagat sang Reeds nabaw lang (3 ft. ang kadalumon) sa aminhan sang Mapula nga Dagat!
- Kon didto nagtabok ang mga Israelinhon – wala sing milagro nga nakatabok sila sa mamala nga duta…
- Ang milagro nalumos ang mga soldado sang Egipto sa 3 ft. nga kadalumon sang tubig!
- Sa sidlangan sang Sinai Peninsula – halin sa Saudi Arabia…
- Ang dagat sa Nuweiba – dako nga dagat pero gamay lang ang alagyan – Wadi Watir…
- May duta nga taytay nga ara sa dalom tubig nga nagatabok sa Mapula nga Dagat…
- May ara sang pareho nga mga PADER sa kilid kag kilid sa Mapula nga Dagat…
- Basi ginbutang ini ni haring Solomon sa pagdumdum sang pagtabok!
- 1st – Nabalitaan sang faraon nga hari… vs. 5-22
- 4th – Ngaa sa Mapula nga Dagat… vs. 23-31
- 1st – Ang Pagkapierdi sang mga Egiptohanon… 23-31
- Ginlagas sang mga Egiptohanon si Moises kag ang mga Israelinhon sa Mapula nga Dagat…
- Ang tanan nga karwahe sang faraon nga hari / ang manugdumala sang mga kabayo / kag ang bug-os niya nga soldado nagsunod man…
- Pero GINPASALA-SALA sang Ginoo ang ila mga soldado – ang rueda sang ila mga karwahe nagkalakakas…
- Nabudlayan sila nga magpadalagan sang ila mga kabayo – labi na gid sa LUTAK!
- Nagsiling ang mga soldado – MALAGYO na lang kita sa mga Israelinhon – kay ang Ginoo amo ang nagapakig-away sa aton para sa ila!
- Sang nagbutlak na ang adlaw – gin-untay ni Moises ang iya kamot sa dagat…
- Nakita nila ang mga bilin nga rueda sang karwahe sa Mapula nga Dagat…
- Ginpaanod sang Ginoo ang bug-os nga soldado sang Egipto – wala gid sing bisan ISA nga nakaluwas…
- Kag nakita sang mga Israelinhon ang mga bangkay sang mga Egiptohanon nga nahamyang sa baybayon…
- Ang Egipto amo ang UNA nga may dako nga gahum sa kalibutan – PINAKABASKOG nga mga soldado sa kalibutan…
- Pero bisan ang PINAKABASKOG nga gahum sang tawo – WALA WALA kon ikompara sa gahum sang Dios!
- Ang RESULTA – HINADLOKAN ang mga tawo sa Ginoo – kag NAGTUO sila sa sumulunod nga si Moises!
- Salmo 20:7 – “Ang iban nagasalig sa ila mga karwahe kag ang iban sa ila mga kabayo,
pero kami iya nagasalig sa Ginoo nga amon Dios.” - Nagapangayo kita sang bulig sa tawo – kuwarta / sabat sang aton mga problema…
- Mas mahapos sa aton magsalig sa tawo nga makita naton – sang sa Ginoo…
- Ang problema kay ang tawo may ara sang limitasyon – kag indi sa tanan nga tion makabulig…
- May ara sang limitasyon ang abilidad sang tawo – ang Ginoo lang ang wala limitasyon!
- 2nd – Ang pagbautiso sa Israel…
- Gingamit sang Ginoo ang nasyon sang Israel bilang isa ka halimbawa sang pagpanglakaton sang isa ka kristohanon…
- Pareho nga naluwas ang mga Israelinhon bilang ulipon sa mga Egiptohanon – paagi sa dugo sang karnero…
- Kag ang UNA nila nga ginkadtuan pakadto ginpromisa nga duta – amo ang Mapula nga Dagat…
- Indi na ulipon ang mga Israelinhon sang kalibutan – isa na sila ka nasyon subong sang Ginoo…
- Ginbautisohan sila sa Mapula nga Dagat – para ipakita ang ila BAG-O nga kabuhi nga ginhatag sang Ginoo sa ila!
- I Corinto 10:2,11 – “Paagi sa sadto nga panganod kag dagat, daw pareho lang nga ginbautisohan sila tanan bilang mga sumulunod ni Moises. Ini tanan nga butang nagkalatabo agod mahibaluan ta nga ato nga mga butang indi gusto sang Dios. Kag ginsulat ato nga mga nagkalatabo sa pagpaandam sa aton nga nagakabuhi sa panahon nga madali na lang mag-abot ang katapusan.”
- Ang UNA naton nga himuon kon ara na kita kay Jesus – amo ang maghpabautiso – Roma 6:4
- Ang pagpabautiso paagi sa tubig nagapakita sang pagbag-o nga natabo sugod sang nagtuo kita – Roma 10:9-10
- UNA – ginlubong kita kaupod ni Jesus – halin sa dalom sang tubig – halimbawa nga nagapakita sang aton kamatayon…
- IKADUWA – ginbanhaw kita kaupod ni Jesus – halin sa tubig – halimbawa sang bag-o nga kabuhi!
- Ang aton daan nga pagkabuhi – ginlansang na sa krus kag ginlubong upod kay Jesus…
- Dayon ginbanhaw kita halin sa kamatayon – wala na kita nagakabuhi nga makasasala pareho sang una…
- May ara na kita sang BAG-O nga kabuhi – naluwas halin sa sala kag nagakabuhi para sa Ginoo – II Corinto 5:17
- Gintawo na kita liwat – indi para magkabuhi sa sala / kundi magkabuhi nga diosnon – Juan 3:3
- 1st – Ang Pagkapierdi sang mga Egiptohanon… 23-31