Making Bible Study Easy for everyoneEnglish • Hiligaynon
Back to Judges
Verse-by-Verse Bible Study

Judges 3

A Hiligaynon study of Judges 3 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Ang mga Hukom – si Otneil / Ehud / kag Shamgar… (3 ka butang)

  • 1st – Ang Una nga Hukom sang Israel – si Otneil…vs. 1-11 Basaha: Judges 3:1-11
    • Ginbilin sang Ginoo ang iban nga mga katawhan sa Canaan… vs. 1-4
    • Ang lima ka banwa sang Filistinhon / kag Canaanhon – malapit sa. border sang Mediterranean…
      • Ang Sidonhon / kag mga Hivhanon nga nagaestar sa bukid sang Lebanon – halin sa bukid sang Baal Hermon hasta sa Lebo Hamat…
      • Ginbilin sila para ang dason nga mga henerasyon sang Israel makahibalo makipag-away sa ulihi…
    • Gusto sang Dios mahibaluan naton – nga ara kita sa inaway…
      • II Corinto 10:4-6 – “Kundi ang gahom sang Dios amo ang armas nga amon ginasaligan. Amo ina ang amon ginagamit sa pagdaog sa sala nga mga rason sang mga tawo nga bugalon kag indi magpati sa mga pagpanudlo sang Dios. Bisan ang ila sala nga mga rason nga pareho sang mabakod nga pader nga nagasablag sa ila sa pagbaton sang kamatuoran ginaguba namon.”
      • Ang aton kaaway indi ang mga makasasala sa aton palibot – bisan kon kis-a ulugtasan sila…
      • Ang matuod nga kaaway amo si Satanas – ang ginhalinan sang tanan nga kalainan sa sini nga kalibutan…
      • Sa aton kabuhi indi naton makita kon sin-o ang matuod nga kaaway – tungod nagatulok kita sa tawo…
      • Daw pareho sila sa mga puppets – nagasunod sa kon ano ang ihambal sa ila sang dios sang sini nga kablibutan…
      • Pinsara bala kon ano kabuang kon makipag-away ka sa isa ka puppet/hampangan…
      • Ang dapat naton kadtuan ang nagakontrol sa iya – ang matuod nga ginhalinan sang problema!
    • Ang aton kaaway mas kusog sang sa aton…
      • Para magdaog sa isa ka inaway – kinahanglan naton sang intsakto nga mga armas…
      • Ang aton armas sa inaway – baskog para sa Ginoo – makasarang makapierdi sang mabakod nga palanaguan…
      • Ang pinakabudlay pierdihon ang may ara sang dalagko nga mga pader – tungod handa sila mag atake bisan ano oras sa babaw…
      • Kon magdala ka lipak kag bato sa lugar nga dalagko ang mga pader – mapierdi ka gid…
      • Kinahanglan mo sang espesyal nga mga talaklasan sang pader – para mapierdi sila!
      • Kon pagpalapit kita kay Satanas paagi lang sa aton kusog – sigurado mapierdi gid kita…
      • Ang paagi lang nga mapierdi naton ang kaaway amo ang gahum sang Ginoo!
      • I Juan 4:4 – “Pero mga anak ko, kamo iya sang Dios, kag gindaog na ninyo ang indi matuod nga mga propeta; kay ang Espiritu Santo nga ara sa inyo mas gamhanan pa sang sa kay Satanas nga nagagahom sa mga tawo sang kalibutan.”
    • Ang aton armas amo ang Pulong sang Dios…
      • Efeso 6:17 – “Kag gamita ninyo bilang helmet ang pagkilala nga kamo ginluwas na. Gamita man ninyo bilang espada ang pulong sang Dios nga ginhatag sang Espiritu Santo.”
      • Ang Pulong sang Dios amo ang Kamatuoran – paagi sini mahibaluan naton ang binutig sa Kamatuoran!
      • Juan 17:17 – “Iseparar sila para mangin imo paagi sa kamatuoran; ang imo pulong amo ang kamatuoran.”
      • Gani importante gid nga magtuon kita permi sang Biblia – para MAHIBALUAN naton ang KAMATUORAN!
      • II Timoteo 2:15 – “Himua ang imo masarangan agod malipay ang Dios sa imo, nga pareho sa manugpangabudlay nga wala nagakahuya sa iya mga ginahimo. Itudlo mo sang husto ang pulong sang Dios nga amo ang kamatuoran.”
    • Sa pagdaog sa sala nga mga rason sang tawo kag indi magpati sa pagpanudlo sang Dios!
      • Nagkabudlayan ang tawo sa mga desparates – sa mga butang nga nagakapinsaran nila…
      • Tungod sini nagakahadlok sila – hasta nga napalayo na sila ni Satanas sa Pulong!
      • Paagi sa gahum sang Pulong – mabag-o naton ang paminsaron sang mga nagtalang…
      • Mabuksan naton ila mga mata sa kamatuoran – paagi sa pagpakita sa ila sang mga kabutigan ni Satanas!
    • Ang sugod sang sala… vs. 5-11
    • Naghimo sing malain ang mga Israelinhon sa panulok sang Ginoo – nagpakasal sila sa mga tawo nga nagasimba sa mga dios-dios…
      • Sang una nagasimba man sila sa dios-dios – kag nagtalikod sa Ginoo…
      • Gani ginpabay-an sila sang Ginoo – ginpasugtan Niya nga masakop ang Israel sang Hari sang Mesopotamia…
      • Ang iya pangalan si Cushan – Rishataim – buot silingon 'grabe kalaot'…
      • Ginsakop niya sila sa sulod sang walo katuig – napilitan sila nga magbayad sang sobra nga buhis!
      • Indi kita pagpabay-an sang Dios – pero may ara kita sang pagpili nga magpalayo sa Iya…
      • Ang sala makaguba – kon indi kita maghinulsol sa aton sala – patig-ahon sini ang aton tagipusuon…
      • Indi ini buot silingon nga nag-untat ang Ginoo sa pagpakig-away para sa aton – pero maabot ang tion…
      • Kon magapadayon kita sa pagpakasala – patig-ahon ang aton tagipusuon…
      • Ihatag sang Ginoo ang aton gusto – itugyan Niya kita sa sala…
      • Genesis 6:1 – “Indi ko pagtugutan nga mabuhi ang tawo sing malawig tungod kay tawo lang sila…”
      • Gani kinahanglan nga paandaman naton ang mga tawo nga nagapadayon sa ila pagpakasala!
      • Hebreo 3:13 – “Ang inyo himuon, magpadumdumanay kamo adlaw-adlaw samtang may tiyempo pa, agod indi kamo mapatalang sang sala nga makapatig-a sang inyo tagipusuon.”
    • Naghinulsol ang mga Israelinhon – gani ginhatagan sila sang Ginoo sang isa ka tawo nga maluwas sa ila (Hebreo – shua)…
      • Ang iya ngalan si Otniel – nga anak ni Kenaz nga manghod ni Caleb…
      • Amo man nga Caleb nga nag-upod pang-espiya kay Josue – Numero 13
      • Nagapakita ini kon ano kadasig magtalikod ang mga Israelinhon sa Ginoo – isa lang ka henerasyon!
      • Ang sala traidor – madasig ini maglapta – ginpapalayo kita sini sa Ginoo…
      • Wala lang kita makahibalo maga-abot na ang resulta sang aton pagpakasala….
      • May nakilala ka ngalalaki – tabi mo nakita mo na ang langit – hasta sa ulihi nagsbuong ka…
      • Nagalagas ka sa kuwarta – hasta wala ka na sang bilin nga mga abyan…
      • Gingamhan sang Espiritu Santo si Otniel – kag ginpanguluhan niya ang Israel…
      • Nagpakig-away siya kay Haring Cushan-Rishataim – kag ginpadaog siya sang Ginoo!
      • Gani may kalinong sa Israel sa sulod sang 40 ka tuig – kag dayon napatay si Otniel…
      • Otniel buot silingon – 'Leon sang Ginoo' – nag-abot para luwason ang Israel…
      • Kon mahulog kita sa sala – nagakatentar sang mga kalipayan diri sa kalibutan…
      • Kag ang aton kabuhi hinayhinay nga maguba – kinahanglan naton magbalik sa Ginoo…
      • Bisan ano pa ang aton ginhimo – bisan ano kadako ang aton sala sa aton kabuhi…
      • Mapadala Siya sang manluluwas – Ya-shua / Jesus – ang Ginoo ang manluluwas…
      • Siya ang 'Lion sang Ginoo' – Pahayag 5:5 – nga nagahatag sa aton sang kadalag-an batok sa sala…
      • Ginahukman niya ang sala – ginbayaran Niya ang aton kaluwasan sa krus – Colosas 2:14
  • 2nd – Ang Ikaduha nga Hukom sang Israel – si Ehud…vs. 12-31 basaha: Judges 3:12-30
    • Naghimo LIWAT sing malain ang mga Israelinhon sa panulok sang Ginoo… vs. 12-14
    • Tungod sini ginpasakop sila sang Ginooo kay Haring Eglon sang Moab (ang nasyon nga nagsugo kay Balaam nga tentaron ang Israel)…
      • Sa bulig sang Ammonhon kag Amaleknon (si Moab kag Ammon ang mga apo ni Lot)…
      • Pagkatapos maguba ang Sodom, nanago si Lot upod ang iya mga anak nga babayi sa bukid…
      • Nagapinsar ang iya mga anak nga mga babayi – patay na ang tanan nga lalaki – gani ginhubog nila ang ila amay…
      • Naghulid sila sa iya – kag nagbata sila sang lalaki – ang Moabnon kag Ammonhon…
    • Nangayo man sang bulig si Moab sa Ammonhon…
      • Ginpierdi nila ang Israel – kag gin agaw ang banwa sang Jerico…
    • Ang kada isa sa sini nga mga nasyon malapit lang sa mga Israelinhon…
      • Ang una nga atake halin sa Mesopotamia – indi kilala nga kaaway sang Israel…
      • Ang ikaduha halin sa pamilya – mga tawo nga ginsaligan sang mga Israelinhon – Deuteronomio 2…
      • Nagsugo pa gani ang Ginoo sa Israel nga indi pag-awayon ang mga kaliwat ni Esau ukon Lot…
      • Mas hapos atubangon ang problema nga halin sa mga tawo nga indi naton kilala…
      • Ang pinakabudlay nga pagtilaw amo ang halin sa aton mga hinigugma…
    • Ang mga Israelinhon maga-alagad sa ila sa sulod sang 18 ka tuig…
      • Sang una nga pagkapierdi sang Israel – nasakop sila sang 8 ka tuig…
      • Subong kay Moab – napilitan sila nga mag-alagad sa sulod sang 18 ka tuig…
      • Tungod nagapadayon sa pagpakasala ang Israel – gindugangan pa gid sang Ginoo ang silot…
      • Kon pilion naton magtalikod sa Dios – ginagamit Niya ang silot para makatuon kita…
      • Madulaan sang obra / ukon may ara tawo nga gusto kita ipabarangay…
      • Pero kon indi kita gusto mamati – kon magapadayon kita sa pagpakasala – mas dako ang silot…
      • Nagarebelde ang aton mga kabataan / aton pag-asawahay nagaka-apektuhan…
      • Himuon sang Ginoo ang tanan para makuha ang aton atensyon – para makapalayo kita sa sala…
      • Tungod kahibalo Siya nga ang sala makapadula sang aton relasyon sa Iya…
      • Wala sang balos nga sobra-sobra – silot nga lala – kon ang resulta makapabalik sa aton sa Ginoo…
    • Pagaluwason sang Ginoo ang Israel paagi kay Ehud – may ara sila sang kalinong sa sulod sang 80 ka tuig!
      • May ara lang sang 40 ka tuog nga kalinong pagkatapos ni Otniel…
      • Wala ko na madumduman ang tion nga napilas ako sang gamay…
      • Pero indi ko gid malipatan sang nabali ang akon kamot kag kinahanglan ini dal-on sa ospital…
      • Mas dako nga silot / kabudlay – mas makatuon kita…
      • Sa OT ang mga manugbantay sang karnero ginabali ang tiil sang mga karnero nga nagalagaw…
      • Dayon kuhaon nila ang karnero kag hakwaton ini hasta maayo ang tiil sini…
      • Ang tuyo sini nga matudluan ang karnero nga magdepende sa iya manugbantay!
      • Kon pilion. naton magpakasala – may ara sang konsekwensya – Galacia 6:7
      • Basi sa ulihi mabali man aton tiil – pero hakwaton kita ni Jesus…
      • Para makatuon kita nga magsalig sa Iya – kag indi na gid magpalayo sa Iya tupad!
    • Nagpangayo liwat sang bulig ang mga Israelinhon sa Ginoo – kag nagpadala Siya sang manluluwas… vs. 15-30
    • Siya amo ang walis nga si Ehud – ‘Nagapasalamat ako’ …
      • Ginpadala siya sang mga Israelinhon kay Haring Eglon sang Moab sa paghatag sang 'buhis' sang Israel…
      • Pero may nagtago siya sang isa ka sundang nga duha ang sulab – mga tunga sa metro ang kalabaon – ginhigot niya ini sa iya tuo nga paa – kag natabunan sang iya bayo…
      • Kon tuo ka – 'taguon' mo ang 'sundang' sa imo nga wala – mas hapos ini kuhaon…
      • Bilang walis si Ehud dako ang iya tsansa nga matago ang sundang – wala gid sang may makakita sang iya sundang…
    • Sigurado ginplano na ni Ehud nga patyon ang hari…
      • Pero sang nahimo na niya ang paghatag sang buhis – nagpuli siya nga daw sa wala lang…
      • Naglabay sila sa tinigban nga mga bato malapit sa Gilgal – kon sa diin nagpakigkita ang Anghel sa mga Israelinhon…
      • May nagpatindog sang simbahan didto sa pagsimba sa mga dios-dios – sa lugar kon diin nagpakigkita ang Ginoo kay Josue!
    • Naakig si Ehud sa iya nakita – gani nagbalik siya sa pakigkita kay Haring Eglon!
      • Bilang isa ka tumuluo may ara sang tion nga dapat mangakig kita…
      • Indi akig sa mga makasasala – kay kinahanglan nila ang aton nga bulig…
      • Kundi akig sa mga butang nga nagaguba sang pagtuo – kag nagapalayo sa Dios…
      • Ang pamayle 'sadya' – wala nagapinsar sang resulta – prisohan ukon ginamo…
      • May mga picture nga nagapakita nga 'sadya' kon mag inom beer kag magbayle – naakig gid ako sini…
      • Kinahanglan naton maakig kag may himuon – gakaguba ang kabuhi sang mga tawo…
    • Nagkadto si Ehud sa trono sang hari – ginsilingan niya ang hari nga may ara siya sing sekreto nga isugid…
      • Nagasalig ang hari kay Ehud nga bag-o lang naghatag sa iya sing buhis…
      • Gani ginpahalin ni Haring Eglon ang tanan niya nga suluguon – para matago ang sekreto…
      • Si Haring Eglon tambok – iya pangalan buot silingon 'pareho sa baka…
      • Nagsiling si Ehud sa Hari – ‘May mensahe ako sa imo halin sa Dios!’
      • Sang nagtindog ang Hari – gin-gabot ni Ehud ang sundang kag ginbuno ang hari sa tiyan…
      • Kag tungod matambok ang hari nagsalop pati ang ulo sang sundang – gani wala na niya paggabuta!
      • Ang katapusan sang hari nga nagapigos sa mga katawhan sang Dios…
      • Kon wala nagatuman ang imo mga kabataan – ginadisiplina ninyo sila para makatuon sang leksyon…
      • Pero bisan wala nagatuman ang imo mga kabataan – kon may ara iban nga madisiplina sa ila…
      • Seryoso ang Ginoo mag-abot sa Iya mga kabataan – indi paghilabti ang Iya mga kabataan!
      • Gingamit sang Ginoo ang Babilonia sa pagdisiplina sa Israel – 70 katuig sila nga nasakop sang Babilonia…
      • Pero sa ulihi ang Babilonia pagasilotan man tungod sa ila pagpigos sa Israel!
      • Jeremias 51:24, 49 – “Mga katawhan ko, ipakita ko sa inyo ang pagbalos ko sa Babilonia kag sa iya katawhan sa tanan nila nga malain nga ginhimo sa Jerusalem. Ako, ang Ginoo, ang nagasiling sini. Kinahanglan gid nga laglagon ang Babilonia tungod sa iya nga pagpamatay sa mga Israelinhon kag sa iban pa nga mga tawo sa kalibutan.”
    • Dayon nagguwa si Ehud sa kuwarto – kag ginkandaduhan niya ang mga puwertahan…
      • Abi sang mga suluguon sang hari ara lang siya sa 'kasilyas' – gani wala na lang nila pag-abrihi…
      • Pero sa ulihi – indi na sila mapahamtang gani ginkuha nila ang yabi kag gin-abrihan ini – ang hari patay na…
      • Sang sadto nga oras si Ehud nakapalagyo na – ginpatawag niya ang mga Israelinhon sa pagpakig-away sa Moabnon…
      • Tungod wala sang hari nga magagiya sa ila – hapos lang para sa mga Israelinhon nga pierdihon ang ila mga kaaway…
      • Nakapatay sila sang mga 10,000 ka Moabnon nga puro makusog kag maisog – wala gid sing may nakapalagyo sa ila bisan isa!
      • Kon magsunod-sunod lang kita sa mga ginahimo sang iban…
      • Bisan kabalo kita nga sala – aton pinsar kita man lang ang gahimo sini…
      • Isa lang ka tawo ang handa magtindog kontra sa sala – kag naluwas ang nasyon…
      • Kon 'maakig' kita sa malain sa aton nga palibot…
      • Samtang nagatindog kita para kay Jesus – gamiton kita sang Ginoo para maluwas ang nasyon…
  • 3rd – Ang Ikatatlo nga Hukom sang Israel – si Shamgar…vs. 31 Basaha: Judges 3:31
    • Ang nagsunod kay Ehud nga pangulo amo si Shamgar – ‘espada’ – nagluwas sa Israel…
    • Ang sunod nga nagpigos sa mga Israelinhon amo ang Filistinhon…
    • Ginpadala sang Ginoo si Shamgar – kag ginpatay niya ang 600 ka mga Filistinhon paagi sa sungkod nga gingamit sa pagtabog sang baka…
    • Basi si Shamgar isa lang ka simple nga mangunguma – nga wala sang iban nga armas…
    • Madamo sang nagasiling nga ang gingamit lang sang Ginoo ang mga mabaskog kag maalam…
    • Para magamit ka sang Ginoo kinahanglan mo mag eskwela 4 ka tuig…
    • Amo ina ang kaalam sang tawo – ang pangkalibutanon nga ideya nga ara sa mga simbahan…
    • Wala ka sang may makita nga Bible College ukon seminaryo sa Biblia. – ang imo lang makita mga makasasala…
    • Ginagamit sang Ginoo ang simple nga mga mangunguma / mangingisda / manugbantay sang karnero – sa pagbag-o sang nasyon…
    • Tungod indi ini parte sa aton – parte ini sa Ginoo nga gusto maghimo sang obra paagi sa aton!