Making Bible Study Easy for everyoneEnglish • Hiligaynon
Back to Judges
Verse-by-Verse Bible Study

Judges 4-5

A Hiligaynon study of Judges 4-5 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Deborah – Ang Ikaapat nga Hukom sang Israel… (5 ka butang)

  • 1st – Ang ikaapat nga tion…vs. 1-3 basaha: Judges 4:1-5
    • Sang napatay si Ehud – naghimo liwat sing malain ang mga Israelinhon sa panulok sang Ginoo…vs. 1-3
    • Pagkatapos nga nagtalikod sila sa Dios sang tatlo ka beses – makapinsar ka nga basi nagbag-o na ang Israel…
      • Pero ang tawo daw pareho sa mga karnero – nagasunod sila sa kadam-an bisan diin sila magkadto…
      • Kon ang isa ka karnero makakita sang iya upod nga naglumpat – malumpat man ini…
      • Sa aton kabuhi wala lang kita kabalo daw mga bulag na kita gali nga nagasunod sa ihemplo sang iban…
      • Nagasunod kita sa ginahimo sang iban – tungod tanan sila palareho ang ginahimo…
      • Manami gid nga mapangkot – sin-o akon ginasunod – diin sila makadto…
      • Mateo 15:14 – “Pabay-i lang ninyo sila. Mga bulag sila nga manugtuytoy. Kag kon ang bulag magatuytoy sa bulag, sila nga duha mahulog sa buho."
    • Gani ginpasakop naman sila sang Ginoo kay Haring Jabin sang Hazor…
      • Matig-a ang ulo sang mga Israelinhon – gani mas ginpabudlayan pa gid sang Ginoo ang ila sitwasyon…
      • Ang pangulo sang mga soldado ni Jabin amo si Sisera – nga nagaestar sa Haroshet Hagoyim…
      • May 900 ka karwahe nga salsalon si Jabin – Puwerte gid ang pamigos niya sa mga Israelinhon sa sulod sang 20 ka tuig…
      • Matig-a man ang aton mga ulo – wala kita dayon nagabuya sa mga sala sa aton kabuhi…
      • Bisan pa naga-atubang kita sa mga kabudlayan tungod sa sala – indi kita gihapon magbuya…
      • Pareho sa mga hubog nga pagbugtaw grabe ang suka kag sakit ulo – pero mainom naman liwat sa gab-i!
      • Makahuna-huna kita – ano gid bala ang makapabugtaw / makakuha sang aton atensyon…
      • Ginahigugma gid kita sang Dios – wala sang 'limitasyon' – ang iya himuon para lang magbalik kita sa Iya!
  • 2nd – Babayi nga Hukom sang Israel… vs. 4-5
    • Naghinulsol ang mga Israelinhon kag nagpangayo liwat sang bulig sa Ginoo… vs. 4-5
    • Ginpadala sang Ginoo si Debora – ang asawa ni Lapidot – sa ‘Paghukom' sa Israel…
      • Ang tanan nga Israelinhon nagakadto sa iya para magpahusay sang ila mga kaso…
      • Indi pareho kay Otneil / Ehud / ukon Shamgar – si Debora indi isa ka mangangaway…
      • Pero wala sing duha-duha nga ginpili siya sang Dios para mangin lider sang Iya nasyon!
    • Pwede bala mangin lider ang isa ka babayi…
      • Depende ini kon diin – sa komunidad ukon sa simbahan…
      • Ang halimbawa ni Debora nagapakita lang nga pwede mangin lider ang isa ka babayi…
      • Isa sa pinakamaayo nga mga lider sa history amo ang mga babayi…
      • Si Margaret Thatcher – Prime Minister sang England – nagbulig nga mapierdi ang mga kumonista…
      • Si Golda Meir – Prime Minister sang Israel – nagpanguna sa mga Israelinhon sang Yom Kippur war…
    • Pwede bala mangin pastor ang isa ka babayi – isa sa mga ginabaisan sang mga simbahan subong…
    • Wala naga obra ang Dios sa kagamo – ginplastar Niya ang tanan…
      • I Corinto 14:33 – “Kay ang Dios wala nagahatag sang kagamo kundi kalinong…”
      • Parte sang pasunod ang awtoridad sa sulod sang simbahan…
      • I Corinto 11:3 – “Karon gusto ko nga mahibaluan ninyo nga si Cristo amo ang ulo sang tagsa ka lalaki, kag ang lalaki amo ang ulo sang babayi, kag ang Dios amo ang ulo ni Cristo.”
    • Amo ini ang rason kon ngaa ang mga lalaki lang ang pwede mangin pastor sa simbahan…
      • I Timoteo 2:13 – “Wala ko ginatugutan ang mga babayi nga magtudlo ukon magdumala sa mga lalaki. Kinahanglan maghipos lang sila.”
      • Wala nagadepende sa mga abilidad ukon kaalam – amo lang ini ang pagplastar sang Ginoo…
      • Pero basi may rason kon ngaa amo ini ang ginhimo sang Ginoo…
      • Sa kabilugan – ang mga babayi mas dasig madala sang ila balatyagon sang sa lalaki…
      • Amo ina ang budlay sa mga babayi – kay ang balatyagon makapatalang sa aton…
      • I Timoteo 2:14 – “Kag indi si Adan ang gindayaan ni Satanas, kundi ang babayi ang gindayaan kag naglapas sang sugo sang Dios.”
      • Ginbugayan sang Ginoo ang mga babayi sa paghigugma kag pagpabakod sang Simbahan…
      • Ang pagkatig-a sang balatyagon sang mga lalaki – nagahatag sa ila sang abilidad sa pagpamuno…
    • Pero – indi importante ang mga lalaki sang sa mga babayi – Galacia 3:28…
      • Para sa Ginoo palareho lang kita tanan – makasasala kag naluwas paagi sa grasya!
      • Ginhatagan kita tanan sang Ginoo sang posisyon sa lawas ni Cristo…
      • Ginhatagan naton sang importansiya ang tanan nga posisyon – ginadayaw naton ang iban sang sa iban…
      • Pero indi buot silingon nga mas importante sang iban nga posisyon sang sa iban – tanan kita palareho…
  • 3rd – Paglakat para sa Ginoo… vs. 6-16 Basaha: Judges 4:6-9
    • Ginpatawag ni Debora si Barak (kilat) para magpanguna sa mga Israelinhon sa inaway…vs. 6-7
    • Magakuha siya sang 10,000 ka mga lalaki sa tribo ni Naftali kag Zebulun…
      • Makigkita sila kay Sisera sa Kishon nga ililigan sang tubig – kag padag-on sila sang Ginoo!
      • Indi pareho sa mga makagagahum nga mga tribo – Judah / Ephraim…
      • Ang tribo ni Naftali kag Zebulun halos indi mo mabati-an sa Biblia…
      • Pero natabo ini sa ila 'ugsaran' – gani nagpakigbato gid sila para sa ILA mga katawhan!
    • Basi indi kita maganahan nga ipakigbato ang kaluwasan sang mga tawo nga layo sa aton…
      • Pero dapat magtinguha kita nga malab-ot ang aton mga hinigugma / pamilya para may kaluwasan sila…
      • Kay kon indi kita ang magsugid sa ila parte kay Jesus – sin-o!
    • Nagsugot si Barak nga maglakat – pero kon maglakat man si Debora… vs. 8-9
    • Sa Greek nga language nahambal kon ngaa gusto ni Barak maglakat man si Debora…
      • ‘Tungod wala ako kabalo kon san-o ang adlaw magpadala ang Ginoo sang anghel sa paghatag sang kadalag-an sa akon.’
      • Kahibalo si Barak nga nakig-istorya ang Ginoo paagi kay Debora…
      • Kag indi siya gusto mag-una kon indi siya sigurado sang 'tion nga gusto sang Ginoo'…
      • Isa ka butang nga mabal-an naton kon ano ang pagtawag sang Ginoo sa aton…
      • Pero importante man nga maghulat kita sa tion sang Ginoo…
      • Isa ka butang para mabal-an naton ang tion sang Ginoo – magpangayo sang laygay sa Diosnon nga tawo…
      • Hulubaton 15:22 – “Kon indi ka magpangayo sang laygay parte sa imo mga plano, indi ka magmadinalag-on, pero kon magpangayo ka sang madamo nga mga laygay, magmadinalag-on ang imo mga plano.”
    • Nagsugot si Debora nga mag-upod sa iya – pero ipapierdi sang Ginoo si Sisera sa isa ka babayi…
      • Daw pagsabdong ini – nga si Barak nagsala sa pagpangayo sang bulig…
      • Pero isa ka propeta si Debora – gintagna lang niya kon paano si Sisera mapatay…
      • May mga bana nga nagahimo desisyon – pero wala nagapamangkot sa ila asawa…
      • Pero ginhatagan sang Ginoo ang mga babayi sang kaalam – mas maayo kon magpamangkot sa ila…
      • Basi makita sang mga lalaki kon ano ang matabo sa ulihi – pero wala nila nakita kon ano ang sunod…
      • Pero nakita sang mga asawa – kag ang alam nga bana nagapamangkot sa iya asawa…
    • Ang pagkapierdi ni Sisera… vs. 10-16
    • Sang mabati-an ni Sisera nga nagtipon si Barak sang 10,000 ka mga tawo para sa inaway – naglakat siya sa inaway…
      • Gintipon ni Sisera ang 900 niya ka karwahe nga salsalon – kag ang tanan niya nga soldado…
      • Nagsiling si Debora kay Barak nga ‘magpreparar’ – kay amo ini ang adlaw nga padag-on ka sang Ginoo…
      • Indi naton makita ang oportunidad – tungod sa aton pangduha-duha sa Ginoo…
      • Santiago 1:6 – “Pero kon magpangayo kamo, dapat magsalig kamo nga ihatag niya ang inyo ginapangayo kag indi kamo magpangduhaduha. Kay ang tawo nga nagapangduhaduha, pareho siya sang balod nga ginahuyop kag ginapalid sang hangin.”
      • Kon mag-abot ang tion nga magpanglakaton kita para sa Ginoo – indi magpangduha-duha – lakat!
    • Nagdulhog si Barak sa bukid sang Tabor upod ang iya 10,000 ka mga soldado…
      • Taas ini nga bukid nga makita ang tanan nga ara sa palibot
      • Sa dalom sang bukid ara ang Suba ang Kishon – gamay ini kon tig-ilinit…
      • Pero kon tig-ululan – sa kadamo sang tubig – daw halos indi matabok…
      • Basi ginpilit si Sisera nga magtabok – pero nagkalamatay ang damo niya nga mga tinawo kag ila mga karwahe…
      • Hukom 5:21 – “Gin-anod sila sang Kishon nga ililigan sang tubig, ang ililigan nga dugay na.”
      • Kadasig lang napierdi si Sisera kay Barak – wala gid sing bisan isa sa ila nga nabilin!
      • Kon kaupod naton ang Ginoo – makasigurado kita sang resulta…
      • Basi ginatandog sang Dios ang imo tagipusuon – basi magpanugid parte kay Jesus…
      • Pamangkota ang mga diosnon nga tawo – pero kon mag-abot ang tion – himua…
      • Indi ka magkahadlok – ang Ginoo kaupod mo para magtudlo kon ano ang imo ihambal…
  • 4th – Ang resulta sang pagsikway sa Ginoo… vs. 17-24 Basaha: Judges 4:17-21
    • Si Heber – ang kaliwat ni Hobab – ang ugangan ni Moises…
    • Ginbayaan niya ang iya tribo – kag nagpatindo sang tolda sa Syudad sang Kedesh…
    • Si Sisera ya nagpalagyo – pakadto sa tolda ni Jael (ang asawa ni Heber)…
    • Nangayo siya sing tubig – nauhaw siya / kag ginkapoy tungod sa inaway…
    • Ginpasulod ni Jael si Sisera – kag ginpainom sang gatas – gintabunan niya siya dayon sang habol…
    • Kapoy / nangluya tungod sa pagkapierdi / ginpainom sang gatas – natulugan si Sisera…
    • Maayo ang pamatyag ni Sisera didto tungod amigo ni haring Jabin si Heber…
    • Pero sang nakita ni Jael nga ngatulugan na siya sing mahamuok – nagkuha siya sing martilyo kag palpal sang tolda kag naghinay-hinay palapit kay Sisera!
    • Ang pinsar sang mga tawo makapalagyo sila sa hukom sang Ginoo…
    • Kon makasala ang isa ka tawo – nagapanago sila paagi sa pag upod-upod man sa mga tawo nga makasasala…
    • Kon ang tanan pareho lang ang ginahimo – kon tulukon daw wala lang sing malain…
    • Pero sa katapusan ang hilway nga lugar – amo ang tagipusuon nga nagahinulsol…
    • Amo nga ipanugid naton si Jesus – kay ang kabaliskaran amo ang silot sang Dios…
    • Sang pag-abot ni Barak nga nagapangita kay Sisera – ginsugata siya ni Jael kag ginpakita ang lawas ni Sisera…
    • Napierdi si Sisera kag ang iya mga soldado – naluwas ang Israel kay Haring Jabin…
    • Sa liwat may ara sang kalinong sa Israel – sa sulod sang 40 ka tuig…
  • 5th – Ang kanta ni Debora… vs. 1-31 (3 parts)
    • 1st – Nahadlok ang mga tawo bisan maguwa…vs. 1-7 Basaha: Judges 5:6-7
      • Ang nasyon nga nagkalipat sa Dios – amo ang nasyon nga may ara sing kahadlok…
      • Madamo sang tawo ang nagapahadlok sa aton – muslim/comunista…
      • Ang pagkabuhi nga may kahadlok – amo ang nasyon nga wala Jesus…
      • Pero kon nagaalagad kita kay Jesus kag nagasunod – may kahilwayan…
    • 2nd – Diutay lang ang nag-upod sa inaway… vs. 8-18 Basaha: Judges 5:15-16
      • Ang nag-upod halin sa tribo ni Efraim / Benjamin / Zebulun / kag Isacar…
      • Pero wala gid sang halin sa tribo ni Reuben / Dan / Asher / kag ang sa sidlangan sang Jordan…
      • Ginpasulabi nila ang pagsagod sang mga karnero – sako sila sa ila negosyo
      • Indi nila mabiyaan ukon masiraduhan ang ila mga tiange…
      • Ukon kinahanglan nila magpangani humay – sako sila permi…
      • Kinahanglan nila bantayan ila karabaw – wala sila tion sa Ginoo…
      • Ang mga balibad halin sang 3000 ka tuig – pareho man gihapon subong
      • Damo gid permi sa maayo nga rason – para indi kita magtindog para kay Jesus…
      • Damo gid permi sang nagasabad para indi kita maka simba / attend Biblbe study…
      • Pero wala na sang mas importante sa aton kag sa aton nasyon – kundi ang pagtindog sa aton Ginoo…
    • 3rd – Wala sang mabilin nga pagjabutang kay Sisera… vs. 19-31 Basaha: Judges 5:28-31
      • Nagkadto si Sisera sa Israel para magkuha – pero bisan siya wala gid kapuli…
      • Nagahulat ang iloy si Sisera sang iya anak nga magbalik…
      • Nagapinsar siya kon diin na ang iya anak – ngaa wala siya makabati sang iya karwahe…
      • Ang pinsar sang iloy basi nadugayan lang siguro siya sa pagpanguha kag pagpartida sang mga butang nga naagaw nila sa ila mga kaaway…
      • Nagapinsar na siya sang mga matahom nga mga bayo nga ginbordahan para sa iya…
      • Pero nagahulat lang siya sa wala – nakuha na ni Sisera ang ulihi nga 'balos' halin kay Jael…
      • O Ginoo – kabay pa nga malaglag ang tanan mo nga kaaway pareho kay Sisera – pero ang mga nagahigugma sa imo mangin pareho sa adlaw nga nagabutlak sang masanag gid!
      • Ang bugay sang Ginoo wala ginatigana sa mga tawo nga nagalagas sang manggad…
      • Ang mga nagakabuhi sa sala – wala sila sing may makuha sa ulihi…
      • Ang bugay sang Ginoo ginahatag sa mga nagatindog sa Ginoo!