Making Bible Study Easy for everyoneEnglish • Hiligaynon
Back to Judges
Verse-by-Verse Bible Study

Judges 6-7

A Hiligaynon study of Judges 6-7 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Si Gideon – ang ikalima nga hukom sang Israel… (5 ka butang)

  • 1st – Ikalima nga tion… vs. 1- Basaha: Judges 6:1-6
    • 1st – Naghimo liwat sing malain ang mga Israelinhon sa panulok sang Ginoo – gani ginpasakop sila sang Ginoo sa mga Midianhon sa sulod sang 7 ka tuig…vs. 1-6
      • Sa apat ka tion nga pagrebelde sang mga Israelinhon sa Ginoo – 8 hasta 20 ka tuig ang pagsakop sa ila…
      • Kada magrebelde sila nagataas man ang tuig nga masakop sila…
      • Pero bisan amo ini ang pinakalip-ot nga tion nga nasakop sila – amo man ini ang pinakabudlay…
      • Tama kapintas ang mga Midianhon – gani napilitan ang mga Israelinhon nga magpanago sa mga bukid kag kuweba…
      • Kon magpananom na gani sila – ginasalakay dayon sila sang mga Midianhon…
      • Nagasalakay sila dala ang ila tolda kag kasapatan nga pareho kadamo sa mga apan!
      • Makaluluoy ang kahimtangan sang Israel – gani nagpangayo sila sang bulig sa Ginoo…
      • Lain lain ang hitsura sang kabudlayan…
      • Ang pinakabudlay – basi indi amo ang pinakalawig…
      • Ang isa ka adlaw nga wala kaon basi mas budlay sang sa isa ka semana nga trangkaso…
      • Pero bisan ano man ang hitsura sang kabudlayan – isa lang ang tuyo sini…
      • Kuhaon ang aton atensyon – kag ibalik ang aton kabuhi kay Jesus!
    • 2nd – Nagpadala sang isa ka propeta ang Ginoo… vs. 7-10
      • Naga-istorya siya sa Ginoo para sa ila – ginapakita sa ila kon ngaa nagakagutman sila…
      • Ginluwas sila sang Ginoo sa mga Egiptohanon – kag ginhatag sa ila ang ginpromisa nga duta…
      • Pero ginpaandaman sila sang Ginoo nga indi magsimba sa dios sang mga Amornon – pero wala sila mamati…
      • Pareho sa ginpromisa sang Ginoo sa Leviticus 26 – ang balos sang ila ginahimo…
      • Haggai 1:6 – “Madamo ang inyo ginatanom, pero diutay lang ang inyo ginaani. May pagkaon kamo, pero indi bastante. May ilimnon kamo, pero kulang-kulang ini. May bayo kamo, pero indi tuman nga makakuha sang tugnaw. May ginabaton kamo nga suweldo, pero madali lang ini.”
      • Kon puro malain gani ang nagakatabo sa aton kabuhi – dasig kita mangbasol sa iban…
      • Kon madakpan na gani kita sa aton sala – nagapangita kita sang pwede mabasol…
      • Kon dutay ang aton migo/miga – basi dutay lang may namian sa aton – ginabasol ta sila…
      • Kon wala kita sang bugay – aton pinsar wala gid nagahatag ang Ginoo…
      • Mas hapos makita ang sala sang iban – sang sa aton sala…
      • Kon ang problema ara sa iban – indi naton kinahanglan magbag-o ukon maghinulsol…
      • Kon indi kita mag-ako nga kita ang problema – wala may mahimo ang Ginoo para maluwas kita!
  • 2nd – Ang paghimo sang isa ka maayo nga mangangaway… vs. 11-24 Basaha: Judges 6:11-16
    • 1st – Ang Israelinhon nga si Gideon nagalinas sadto sang trigo sa may pulugaan sang ubas vs. 11-13
      • Ang rason kon ngaa 'nagalinas' siya sa may 'pulugaan sang ubas' – nahadlok siya…
      • Malinas ka sa babaw sang bukid – para ang hangin magseparar sa trigo kag labhang…
      • Ang pulugaan sang ubas ara sa dalom – para masalud ang ginpuga…
      • Nagpakita ang anghel sang Ginoo sa iya kag nagsiling – 'Ang Ginoo kaupod mo, maisog kag makusog nga tawo!'
      • Nagsabat si Gideon – ‘Ang amon pamilya ang pinakapigaw / Ako pa gid ang labing kubos sa amon pamilya!'
      • Kalabanan kon tawgon kita sang Ginoo ang aton pamangkot 'ngaa ako?'…
      • Nagatulok kita sa aton kaugalingon kag nagapinsar wala gid kita sang may mahatag sa Ginoo…
      • Pero wala kita ginatan-aw sang Ginoo kon diin kita – ginatan-aw Niya kita kon ano ang mahimo Niya paagi sa aton
      • Nagsiling pa gid si Gideon – ‘Kon ang Ginoo kaupod namon – ngaa amo ini ang amon kahimtangan’…
      • Kon naga-atubang na gani kita sa resulta sang aton ginhimo – aton pamatyag daw ginbayaan kita sang Ginoo…
      • Nadumduman ko sang bata pa ko kon makasala ako – ginabakol ako sang akon amay…
      • Akon pinsar naakig siya sa akon – sa akon man nga kaakig makasabat ako sa iya…
      • Ang matuod ginbakol niya ako tungod ginahigugma niya ako – gusto niya makatuon ako…
      • Ginadisiplina man kita sang Ginoo – tungod mga anak Niya kita – Hebreo 12:5-6
      • Handum sang Ginoo nga matudluan kita – nga Iya mga anak – kon paano magkabuhi sing putli!
    • 2nd – Dayon nagsiling ang Ginoo kay Gideon… vs. 14-16
      • Indi na 'anghel' ang nagapakig-istorya kay Gideon – kundi si Jesus na!
      • Wala lang niya nakaupod ang Dios – kundi nagapakig-istorya pa sa iya!
      • Wala kita ginbayaan sang Ginoo – indi lang naton siya makita tungod mas nagatulok kita sa mga problema…
      • Bisan sa pinakabudlay nga tion sa aton kabuhi – kon magtulok lang kita kay Jesus – makita naton siya sa aton tupad!
      • Lakat kag gamita ang bug-os mo nga kusog sa pagluwas sa Israel – Ako gid ang nagapadala sa imo!
      • Ang pinsar sang mga tawo antis ka magamit sang Ginoo – kinahanglan mo anay mangin perpekto / intsakto…
      • Antis ako magtudlo – dapat himuon ko man ang tanan ko nga ginatudlo…
      • Pero wala nagapangita ang Ginoo sang perpekto para magamit sa Iya katuyuan…
      • Pareho kay Gideon – nagapangita ang Ginoo sang handa nga maglakat…
      • Madamo ang mahimo ang Ginoo paagi sa aton – bisan ano pa kita
      • Ang makapugong lang sa Ginoo – kon wala kita kabubut-on nga magtilaw sang Iya buluhaton
    • 3rd – Pagpangita sang tanda… vs. 17-24
      • Nagpangayo si Gideon ‘tanda' para pamatud-an kon ang Ginoo ang matuod nga nagasugo sa iya…
      • Ginhambalan niya ang anghel nga indi lang anay maghalin kay may ihalad siya sa iya…
      • Naghulat ang anghel samtang nagaluto si Gideon sang kanding / sabaw kag tinapay nga wala sing inugpahabok…
      • Gintungtong ni Gideon ang pagkaon sa bato – dayon gintandog ini sang anghel – kag ginlamon ini sang kalayo!
      • Dayon nadula ang anghel – nareyalisar ni Gideon nga ang iya nakita anghel gid man sang Ginoo!
      • Nagpatindog didto si Gideon sang halaran para sa Ginoo – gintawag niya ini nga – Yahweh shalom – Nagahatag sang Kalinong ang Ginoo…
      • Kon indi kita sigurado sang pagtawag sang Ginoo sa aton – gusto naton mahibaluan kon ano ang katuyuan Niya para sa aton…
      • Ang mas maayo magtindog para sa Ginoo – testingi magtudlo – testingi magbulig…
      • Kon wala ini sang bunga – wala problema damo pa sang iban nga pwede mahimo!
      • Pero dumduma nga indi dayon mag abot ang bunga – indi ka perpekto…
      • Kon nagahimo kita sang mga butang para sa Ginoo – hayag ini sa tanan!
  • 3rd – Pagtindog para sa Ginoo… vs. 25-40 Basaha: Judges 6:25-26, 36-39
    • 1st – Nagsiling ang Ginoo kay Gideon nga gub-on ang halaran ni Baal nga ginpatindog sang iya amay… vs. 15-32
      • Ang relihiyon sang Canaan may 3 ka dios-dios – si El / Ashera / kag Baal…
      • Si El ang ‘tatay / si Ashera ang ‘nanay' / kag si Baal ang ila 'bata'…
      • Amo ni sila ang ginsimba sang mga Israelinhon imbes nga ang Ginoo…
      • Paga-islan ni Gideon ang ila altar sang iya ka Dios – paagi sa paghalad…
      • Ang kahoy para sa kalayo halin sa hulohaligi nga simbolo sang diosa nga si Ashera…
      • Gintuman ni Gideon ang ginsugo sang Dios sa iya – pero kon gab-i – nagakahadlok siya para sa iya pamilya…
      • Maluwas ni Gideon ang nasyon – pero kinahanglan nga luwason anay niya ang iya pamilya…
      • Kon magtulok kita sa kalibutan kag puno na ini sang sala – nagapinsar kita kon ano ang pwede naton mahimo…
      • Ang sabat – suguri una sa imo pamilya – dayon sa imo palibot…
      • Binuhatan 1:8 – “Pero pag-abot sang Espiritu Santo sa inyo, hatagan niya kamo sing gahom. Dayon isugid ninyo ang mga butang parte sa akon, halin diri sa Jerusalem hasta sa bug-os nga Judea kag Samaria, kag hasta sa bug-os nga kalibutan.”
      • Suguran naton sa aton ugsaran – halin diri hasta sa bug-os nga kalibutan!
      • Sang nahibaluan sang mga tawo ang ginhimo ni Gideon – gusto nila nga patyon siya…
      • Pero gindepensahan ni Joash(amay ni Gideon) si Gideon…
      • ‘Ngaa ginaapinan gid ninyo si Baal – pabay-i siya nga magdepensa sang iya kaugalingon…’
      • Halin sadto gintawag si Gideon nga ‘Jerub-baal’ – 'pabay-i nga depensahan ni Baal ang iya kaugalingon'…
      • Kahaladlokan magtindog para sa Ginoo – indi ini una magustuhan sang imo pamilya…
      • Akusaron ka nila – kag papatihon nga sala kita…
      • Pero kon kaupod naton ang Dios – may ara sang iban nga mag-tindog para sa aton!
    • 2nd – Sang naluwas na ni Gideon ang iya pamilya – tion naman para magluwas sang nasyon… vs. 33-40
      • Nagkampo ang mga Midianhon sa Kapatagan sang Jezreel (Armageddon)…
      • Gingamhan si Gideon sang Espiritu Santo kag ginpanawag niya ang mga Israelinhon sa pagpakig-inaway…
      • Pero nagapangduha-duha gyapon si Gideon – kag nagpanawag siya liwat sa Ginoo para pamatud-an ang Iya kaugalingon…
      • Nagbutang siya sang bulbol sang karnero sa duta – 'gusto niya mabasa ini sa aga bisan mamala ang duta'…
      • Pagkadason nga gab-i nagbutang siya liwat sang bulbol sang karnero sa duta – ' gusto niya magmala ang bulbol sang karnero kag mabasa sang tun-og ang duta'…
      • Ginhimo sang Dios ang ginpangabay ni Gideon – dayon nahibaluan niya nga ang Ginoo kaupod niya!
      • Maayo nga si Gideon – napun-an sang Balaan nga Espirit – pero bisan nagapangduha-duha kag kinahanglan sang pamatuod
      • Bisan dugay na kita sa Ginoo – may ang adlaw gid nga indi manami para sa aton…
      • Kag gusto sang Ginoo nga magkadto sa aton bisan ano ang aton sitwasyon – para magpabakod sang aton pagtuo…
      • Pero – ginklaro sang kasulatan – indi naton pagtestingan ang Ginoo…
      • Mateo 4:7 / Deuteronomio 6:16 – “Nagasiling ang Kasulatan, ‘Indi pagtestingi ang Ginoo nga imo Dios.”
      • Ang rason lang kon ngaa ginatestingan naton ang Ginoo – kon nagapangduha-duha kita sa Iya Pulong…
      • Kon nagapangduha-duha kita sa pagtawag sang Ginoo – indi naton kinahanglan magbutang sang balahibo…
      • Kinahanglan lang naton magbalik sa Ginoo sa Iya Pulong – nga magpabakod sa aton…
  • 4th – Pagpili sang mga soldado…vs. 1-7 basaha: Judges 7:2-6
    • 1st – Gintipon ni Gideon ang 32,000 ka mga lalaki sa Bukid sang Gilboa – sa suba sang Ein Harod…
      • Sa suba ang patag ni Jezreel makita – nga ginatawag man nga patag sang Megiddo
      • Nagsiling ang Ginoo kay Gideon kadamo sang iya upod – ang iban dapat magpuli…
      • Kon padaugon sila sang Ginoo basi maghunahuna sila nga nagdaog sila tungod sa ila ikasarang…
      • Ginpapuli ni Gideon ang mga nahadlok – 22,000 na lang ang nabilin…
      • Maintiendihan naton ini – ang ila kontra daw sa balas kadamo…
      • Kon magsulod sila sa inaway kag magdalagan sa kahadlok – mapierdi ang Israel…
    • 2nd – Nagsiling ang Ginoo – ‘madamo pa gihapon ang nabilin’…
      • Ginpainom ni Gideon ang tanan nga mga lalaki sa suba…
      • Ang nag-inom sang tubig nga nagaluhod – ginpapuli / ang nag-inom nga naglaklak sa ila mga kamot – nabilin…
      • Duha ka posibilidad – ang mga naglaklak sa ila mga kamot maayo magpanilag – maayo nga mga soldado…
      • Ukon ang mga nagluhod – tigulang na basi indi na sila maayo kaduko!
      • Wala nagapili ang Ginoo sang pinakabata / pinakakusog – ginpili niya ang mga tigulang! I Corinto 1:26
      • Ang pinsar sang iban gingamit lang sang Ginoo ang mga 'manggaranon/maalam'…
      • Antis ka makawali parte sa Ginoo kinahanglan mo mag eskwela sang 4 katuig parte sa Biblia…
      • Amo ina ang kaalam sang tawo – ang pangkalibutanon nga ideya sa sulod sang mga simbahan…
      • Wala ka sang may makita nga Bible College sa Biblia – ang makita mo lang mga makasasala…
      • Ang makasasala amo ang ginapili sang Ginoo nga maglakat kag magsugid sang mensahe parte sa krus!
      • Sa ulihi 300 na lang ka mga tawo ang nabilin para magkontra sa linibo ka mga soldado…
      • Pasugtan sang Ginoo ang mga sitwasyon nga daw ka imposible sulbaron…
      • Sa sini ng paagi hatagan Niya kita sang kadalag-an – wala sang pangduha-duha nga ang Ginoo tanan naghimo!
  • 5th – Kadalag-an para sa Israel… vs. 8-25 Basaha: Judges 7:16-21
    • 1st – Damgo sang pagdaog… vs. 8-15
      • Sang gab-i nga nag-abot sila ni Gideon sa kampo sang kaaway – nakabati sila sang tawo nga naga estoryahanay…
      • May damgo ang soldado – ang tinapay nga bilog nagligid pakadto sa aton kampo kag naigo ang isa ka tolda…
      • Nagsabat ang iya upod – 'Ina wala sing iban kundi ang espada ni Gideon, padag-on siya sang Dios!'
      • Sang nabati-an ni Gideon ang kag ang kahulugan sini – nagdayaw siya sa Ginoo…
      • Indi importante ang damgo – 'pagdamgo parte sa tinapay'…
      • Ang imporante ang kahulugan sini. – nagapakita ini sang kahadlok sang kaaway!
      • Makaistorya ang Ginoo paagi sa damgo…
      • Si Jose –may ara sang duha ka damgo nga siya ang magadumala sang iya mga utod kag pamilya…
      • Si Daniel – Ginsugid niya ang kahulugan sang damgo ni Haring Nebuchadnezar – Daniel 2
      • Indi lang ini hasta sa mga tawo sa Biblia – nagsiling ang Ginoo nga hatagan niya kita sing palanan-awon…
      • Joel 2:28 – “Kag sa ulihi ihatag ko ang akon Espiritu sa tanan nga klase sang tawo. Ang inyo mga anak nga lalaki kag babayi magasugid sang akon mga mensahi. Ang inyo tigulang nga mga lalaki padamguhon ko. Ang inyo pamatan-on nga mga lalaki makakita sang mga palanan-awon.”
      • Kon nagadamgo ka halin sa Ginoo – buot silingon tigulang ka na…
      • Pero maghalong kita sa aton mga damgo…
      • Naga-istorya ang Ginoo sa aton paagi sa damgo – pero indi buot silingon nga ang tanan nga damgo halin sa Iya…
      • Manugwali 5:7 – “Ang sobra mo nga damgo kag hambal wala gid sing pulos. Gani magtahod ka sa Dios.”
      • Basi ang imo damgo kagab-i indi halin sa Ginoo – basi halin sa pancit canton…
      • Kon ang imo damgo – lain sang sa Pulong sang Ginoo – indi ina halin sa Ginoo…
      • Antis kita magdesisyon paagi sa aton damgo – siguraduhon mo nga halin ini sa Ginoo…
    • 2nd – Nagdaog nga wala sing inaway… vs. 16-25
      • Ginpartida ni Gideon 300 niya ka tinawo – ginhatagan niya ang kada isa sang budyong kag tibod nga may suga sa sulod sini…
      • Ginpalibutan nila ang kampo sang kaaway – kag sa tungang gab-i / magtunog ang ila mga budyong…
      • Ginpamuka nila ang ila mga tibod – ginpatunog ang ila mga budyong – kag nagsinggit 'Para sa Ginoo kag kay Gideon!'
      • Nagapinsar ang ila mga kaaway nga napalibotan na sila – kag sa ila kakulba nag-ilinaway ang mga tawo sa sulod sang kampo…
      • Kag ginpadaog sila sang Ginoo paagi lang sa 300 ka mga soldado!
      • Indi kinahanglan sang Ginoo sang mga soldado para magdaog – Iya kinahanglan ang handa magpakig-away para sa Iya…