Making Bible Study Easy for everyoneEnglish • Hiligaynon
Back to Judges
Verse-by-Verse Bible Study

Judges 8-9

A Hiligaynon study of Judges 8-9 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Ang pagkalaglag sang nasyon… (4 ka butang)

  • 1st – Paglagas sa ila mga kaaway… vs. 1-21 Basaha: Judges 8:1-7
    • 1st – Ang pagbasol sang mga katawhan sang taga Efraim…vs. 1-3
      • Pagkatapos nga napierdi ang mga taga MIdianhon – nagpatawag si Gideon sang bulig para 'magpanglimpyo'…
      • Upod ang tribo ni Efraim – nga nag-upod sa inaway…
      • Ginpapierdi sang Dios sa ila ang mga pangulo sang Midianhon – si Oreb kag Zeeb…
      • Ginsukmatan sang mga katawhan sang Efraim si Gideon sa "wala pagtawag sa ila sa inaway"…
      • Indi sekreto ang ginhimo ni Gideon – may 135,000 ka mga soldado nga magapanakop!
      • Pero subong nga ginpadaog sila sang Dios – gusto sang katawhan sang Efraim mangin 'maayo' sa panulok sang iban…
      • Pero nagsiling si Gideon sa katawhan sang Efraim…
      • 'Diin kamo sang ginkontra namon ang mga soldado nga sobra 400 ang kadamuon sang sa amon!'
      • Pero kon ginhimo niya – magasugod ang giyera sa ila lugar…
      • Kon palabihon naton ang aton emosyon kada may mag akusar sa aton – nagalala lang ang sitwasyon…
      • Mas nagadako ang problema imbes nga solbaron ini – ang akig mas naakig na gid…
      • Ginsilingan ni Gideon si Efraim nga 'ang nahimo ko mas gamay sang sa nahimo ninyo' – ginpapierdi sa inyo ang mga pangulo!
      • Ang pagdayaw dasig nakapaumpaw sang ila kaakig kay Gideon…
      • Hulubaton 15:1 – “Ang mahinay nga sabat makapahaganhagan sang kaakig, pero ang matigdas nga sabat makapaibwal sang kaakig.”
      • Kon gina-akusar kita sang mga tawo – gusto naton depensahan ang aton kaugalingon…
      • Pilion naton ang aton away – indi maakig dayon kon may ihambal ang iban sa imo…
      • Labi na gid kon utod naton ini – mas maayo mangin sala – kag magpakalinong kay Cristo…
    • 2nd – Pagpili… vs. 4-9, 14-17…
      • Nagtabok si Gideon kag ang iya 300 ka tinawo sa Suba sang Jordan – kapoy na gid sila pero padayon pa gihapon ang ila paglagas sa ila mga kaaway…
      • Nangayo sila sang pagkaon sa taga Sucot – pero wala sila ginhatagan…
      • Nangayo man sila sa Penuel sang pagkaon – pero wala man sila ginhatagan…
      • Wala pa madakpan ni Gideon ang duha ka hari sang Midian- si Zeba kag Zalmuna…
      • Basi mapierdi sang mga hari si Gideon – kag balikan ang Sucot kag Penuel para gub-on…
      • Kon magsiling si Jesus nga magtindog kita para sa Iya sa atubang sang kalibutan – ano aton ihambal…
      • Sigurado kadlawan kita sang mga tawo nga wala nagtuo sa Iya…
      • Pero ang padya naton sa ulihi indi gid matungkad sang aton huna-huna…
      • Isa ka adlaw kon ato na kita sa langit mabatian naton ang isiling sang Dios…
      • Mateo 25:23 – “Maayo ka nga suluguon! Masaligan ka! Kag tungod nga masaligan ka kag maayo magpatikang sang diutay nga kantidad, karon itugyan ko sa imo ang mas dako pa gid nga kantidad. Dali, magkalipay ka upod sa akon!.”
      • Sa sini nga tion bisan ano pa ang mga kabudlayan masarangan naton!
      • Nagbalik si Gideon sa sini nga mga siyudad pagkatapos niya madakpan ang duha ka hari…
      • Nakadakop sila sang isa ka bataon nga lalaki nga taga Sucot kag ginpalista sa iya ang ngalan sang 77 ka opisyal sang Sucot…
      • Kag gintudluan ni Gideon sang leksyon ang mga lider paagi sa paglatigo sa ila sang tunukon nga mga kahoy-kahoy…
      • Ginpaguba man ni Gideon ang tore sang Penuel – kag ginpamatay ang mga lalaki didto…
      • May ara gid sang konsekwensya kon ipanginwala naton si Jesus – ipanginwala man Niya kita sa atubang sang Amay…
      • May ara gid sang temptasyon kon magsunod kita sa kalibutan – para mabaton…
      • Kon indi kita handa magtindog para kay Jesus subong…
      • Indi Siya magtindog para sa aton sa 'Hukom sang Amay….
      • Lucas 12:9 – “Pero ang wala nagakilala sa akon sa atubangan sang mga tawo, indi ko man pagkilalahon sa atubangan sang mga anghel sang Dios.”
    • 3rd – Ang pagkapierdi sang taga Midian… vs. 10-13…
      • Ginpatay ni Gideon kag sang mga Israelinhon ang 120,000 ka mga soldado sa latagon sang Jezreel…
      • Pero may ara pa sang bilin nga 15,000 ka mga soldado ang taga Midian…
      • Si Gideon kag ang 300 ka mga tigulang gulpi lang ginsalakay ang mga taga Midianhon…
      • Kag napierdi nila sila – nadakop pa nila ang duha ka hari sang Midian!
      • 300 ka mga tigulang kontra sa 15,000 – daw ka imposible matabo…
      • Pero nakita na ni Gideon ang pagpierdi sang Ginoo sa 120,00 ka mga soldado – gamay na lang ang 15,000…
      • Wala siya nagatulok sa kabudlayan – nagatulok siya sa gahom sang Ginoo!
      • Ang pinakabudlay sa pagsunod kay Jesus – ang wala gid makakita sang gahom sang Ginoo…
      • Pero kon magsugod kita sunod – makita naton ang mahimo sang Ginoo – mangin hapos na lang ang tanan!
      • Kon nakita naton nga sarang ang Ginoo magbanhaw sang patay – sigurado makapaayo Siya sang trangkaso…
      • Samtang nagalawig ang aton pagpanglakaton kay Jesus – mas damo aton makita – mas dako aton paglaum…
      • Pareho kay Gideon marealisar naton nga 'wala gid sang imposible sa Ginoo!'
    • 4th – Ginpamangkot ni Gideon ang mga hari parte sa 'lalaki sa Tabor'… vs. 18-21
      • May ginpatay si Zeba kag Zalmuna nga mga lalaki sa bukid sang Tabor…
      • May ara sang pamilya si Gideon didto – kag nagapinsar siya kon buhi pa sila…
      • Gin-ako ni Zeba kag Zalmuna nga may ginpatay sila didto nga pareho sa hitsura ni Gideon…
      • May pamilya si Gideon dira – gusto niya mabal-an kon buhi pa sila…
      • Ginpamatud-an ni Zeba kag Zalmuna nga ginpatay nila ang pareho hitsura kay Gideon…
      • Pwede nga indi pagpatyon ni Gideon ang mga hari – pero para silutan sila ginpatay niya ang mga hari…
      • Nag-atras si Gideon sa taga Ephraim – pero ginhukman niya ang mga hari…
      • May tion nga mag-atras – pero may tion man nga magtindog…
      • Bisan gintawag kita nga magkabuhi nga malinong – Roma 12:18
      • Indi kita mag-atras sa sala – kinahanglan atubangon naton ini – Mateo 18:15-20
  • 2nd – Pagpangita sang bag-o nga hari… vs. 22-35 Basaha: Judges 8:22-27
    • 1st – Gusto sang mga taga Israel nga ang bata/apo ni Gideon mangin ila hari… vs. 22-23
      • Pero indi magsugot si Gideon – kay ang Ginoo na ang ila hari…
      • Kag naintiendihan ni Gideon nga ang Israel may ara na sang pinakamaayo nga hari…
      • Damo sang mga tawo nga gusto nila sila ang magadumala sa ila nga kabuhi…
      • Ukon kontento na sila nga magsunod sa kalibutan – ukon magsunod sa tawo…
      • Pero may mas maayo nga plano ang Ginoo sa aton kabuhi – kon pasugtan lang naton Siya nga magdumala sa aton kabuhi…
      • Jeremias 29:11 – “Nahibaluan ko kon paano ko tumanon ang akon mga plano para sa inyo…”
    • 2nd – Ang bulawan nga aritos… vs. 24-27
      • Nagpangayo si Gideon sa iya mga soldado sang mga bulawan nga aritos halin sa soldado nga kaaway…
      • Ginhatagan nila si Gideon – kag mga 20 ka kilo ang ila natipon nga bulawan…
      • Naghimo si Gideon sang efod/espesyal nga panapton – kag ginbutang sa banwa sang Ofra…
      • Pero ginsimba ni Gideon kag sang mga tawo ang bulawan nga panapton – sang sa Ginoo…
      • Basi nagapinsar si Gideon nga ang bulawan makahatag sa iya sang kasiguraduhan sa kwarta…
      • Gani ang siya kag ang iya pamilya nagsalig sa bulawan – sang sa Ginoo…
      • I Timoteo 6:9-10 – “Pero ang mga tawo nga gusto magmanggaranon indi mahimo nga indi mahulog sa mga pagsulay. ay kon kuwarta na gani ang aton palabihon, amo ina ang halinan sang tanan nga klase sang kalainan. Ang iban nga mga tawo, sa sobra nga handom sang kuwarta, nagtalang na sa pagtuo kag napuno sang kalisod ang ila tagipusuon.”
      • Madamo sang mga tawo subong ang nagapangabudlay gid sa pagpangita sang kwarta…
      • Ila pinsar kon damo lang sila kwarta sa banko / kadutaan – okay ang tanan…
      • Pero ang kwarta ara subong kag buwas wala na…
      • Ang matuod nga kasiguraduhan sa aton kabuhi – makita kon magsalig kita sa Ginoo…
    • 3rd – May ara sang kalinong sa Israel samtang buhi pa si Gideon… vs. 28-35
      • May 70 ka kabataan si Gideon – tungod madamo ang iya asawa – malawig ang iya pagkabuhi…
      • Pero sang napatay si Gideon – nagtalikod naman ang mga Israelinhon sa Dios kag nagsimba kay Baal…
      • Ginkalimtan nila ang Ginoo nga ila Dios nga amo ang nagluwas sa ila – kag kon paano gingamit sang Ginoo si Gideon!
      • Bisan ano pa kadamo ang ginhimo sang Ginoo para sa aton – bisan ano pa kadamo ang iya bugay sa aton…
      • Hapos lang sa aton magpinsar sang nagligad – kon ano ang ginhimo sang Ginoo sa aton kabuhi sang una…
      • Pero ang aton relasyon sa Ginoo – indi parte sa kon ano ang ginhimo sang Ginoo sang una…
      • Siguraduhon naton nga ang Ginoo ang Hari sang aton kabuhi subong…
      • Kon wala kita nagaandam – madala kita sang kalibutan – kag malimtan ang Ginoo…
  • 3rd – Malain nga lider para sa malain nga nasyon… vs. 1-21 basaha: Judges 9:1-6
    • 1st – Si Abimelec – akon amay hari – isa sa mga anak ni Gideon…vs. 1-6
      • Bata siya sang suluguon – (indi ang asawa ni Gideon) halin sa syudad sang Shekem…
      • Ang Shekem ang capital sang Israel sa sini nga tion – Josue 24:1
      • Sang napatay si Gideon – nagpuli siya dayon sa iya nga lugar…
      • Mas maayo bala nga pangunahan kamo sang isa ka tawo – ukon sang 70 ka mga anak ni Gideon…
      • Nagsugot sila nga panguluhan sila ni Abimelec – ginhatagan nila siya sang kwarta para suhulan ang mga bugoy sa pagsunod sa iya…
      • Nagkadto si Abimelec sa balay sang iya amay – kag ginpamatay ang 70 niya ka utod sa babaw sang bato…
      • Ang kamanghuran lang nga bata ni Gideon ang wala mapatay kay nakapanago siya kay Abimelec…
      • Kag ang tanan nga lider sa syudad sang Shekem ginhimo nga Hari si Abimelec…
      • Kon gusto mo mabal-an kon ano nga mga tawo ang ara sa nasyon – tan-awa kon sin-o ang lider nila…
      • Ang mga lider ang ginasunod sang mga tawo – kon ano ang lider amo man ang mga tawo…
      • Sang una damo sang ‘Christians’ nga nagboto kay Barak Obama sang 2008…
      • Ang lider nga nagasuporta sa abortion / sa mga agi / kag wala nagapati kay Jesus…
      • Ngaa ginboto siya sang mga tawo – kay gusto nila nga magmanggaranon ang ila nasyon…
      • Ang rason kon ngaa ginaboto nila ang mga lider nga wala nakakilalala sa Dios tungod kay ang kwarta amo ang ila dios…
    • 2nd – Ang paandam ni Jotam… vs. 7-21
      • Sang nabatian ni Jotam – nagsaka siya sa Bukid sang Gerizim – makita ang bilog nga Shekem…
      • Naghambal siya sang estorya parte sa 'kahoy' – gusto nga dumalahan sila sang isa ka kahoy…
      • Wala nagsugot ang kahoy nga Olibo – gusto ko maghimo sang lana sang sa magdumala sa inyo…
      • Wala nagsugot ang kahoy nga higera – gusto ko magpamunga sang sa magdumala sa inyo…
      • Wala nagsugot ang tanom nga ubas – gusto ko magpamunga sang ubas sang sa magdumala sa inyo…
      • Sa ulihi ang tunukon nga kahoy-kahoy nagsugot – kay tungod wala man siya sang maayo nga bunga…
      • Ang iya lang kondisyon – nga kon ang tanan nga kahoy magpahandong sa iya…
      • Si Abimelec ang ginatumod ni Jotam…
      • Si Gideon kag ang iya mga anak – wala nagsugot nga magdumala sa Israel…
      • Sila ang mga kahoy nga Olibo/higera kag ubas…
      • Pero ginpili sang ginpili sang mga tawo ang anak sang suluguon – ang tunukon nga kahoy-kahoy nga mangin Hari nila…
      • Nagdumala siya sa ila paagi sa kalaot – ginpilit sila nga magpaidalom sa iya nga landong…
      • Testingan sang mga tawo ang magrebelde – pero sunugon sila tanan ni Abimelec…
      • Ang estorya sang kalibutan – puno sang nasyon nga nalaglag tungod sa malaot nga mga Hari…
      • Sang 1917 si Lenin nagpromisa nga ang mga manggaranon kag imol palareho nga sa Russia…
      • Daw amo gid ini ang ginahandom sang tanan nga taga Russia – ang kwarta sang mga manggaranon ihatag sa mga pigado…
      • Pero sa katapusan – si Lenin ang nagpamatay sang damo nga mga Russian kag nagpabudlay sa ila sa malawig nga tinuig…
      • Ang nagbulos kay Lenin – si Joseph Stalin – nagpagutom sa 20 million ka mga Russians!
      • Ang bisan ano nga nasyon nga magpili sang lider nga bal-an nila indi diosnon…
      • Sigurado nga maantos gid ang mga tawo sa kamot sang lider nga ila ginasunod kag ginpili…
      • Hulubaton 29:2 – “Kon ang mga matarong ang magdumala, nagakalipay ang mga tawo; pero kon ang mga malaot na gani, nagakasubo gid sila.”
  • 4th – Ang pagkalaglag sang Hari… vs. 22-57 basaha: Judges 9:22-24
    • 1st – Ang pagrebelde sa Gaal… vs. 22-41
      • Sa sulod lang sang 3 ka tuig nga pagdumala sa Israel – ginpaaway sang Dios si Abimelec kag ang mga katawhan sang Shekem…
      • Si Gaal nagsaylo sa Shekem – nagsugod istorya malain parte kay Abimelec…
      • Samtang nagahiwat sila sang piesta – ang tanan nagaininom – kag ginalibak nila si Abimelec…
      • Pagkagab-i naglakat si Abimelec kag ang iya mga tinawo kag nagpanago sa guwa sang Shekem – gin-atake nila ang siyudad sang sirom…
      • Nagpakig-away si Gaal kay Abimelec – pero nagpalagyo si Gaal kag ginlagas siya ni Abimelec…
      • Ginsilotan sang Ginoo si Abimelec kag ang katawhan sang Shekem sa pagpatay nila sa mga kabataan ni Gideon…
      • Sa Amerika sobra na 40 katuig nga legal ang aborsyon – 50 milyon ka mga bata ang gina-abort kada tuig!
      • Sa Amerika may ara naman sang kasuguan nga pwede na magpakasal ang lalaki kag lalaki!
      • Pero upod man sini ang may pinakalala nga depression – kag pinakadamo nga wala obra!
      • Kon magtalikod ang nasyon sa Ginoo – talikdan man sang Ginoo ang ina nga nasyon…
      • Kalabanan ginabasihan ta ang mga butang sang pagpanglakaton sang mga politiko sa Ginoo…
      • Basi nagabase kita sa ila manggad – ukon basi tungod nga nagakontra sila sa corruption…
      • Pero indi ini makatupong kon ang mga politiko may relasyon kay Jesus…
    • 2nd – Ang pagkalaglag sang Shekem… vs. 42-49
      • Pagkasunod nga adlaw – gin-atake sang mga katawhan sang Shekem si Abimelec…
      • Isa ka adlaw ang ila inaway – pero sa ulihi nasakop ni Abimelec ang Shekem…
      • Ang mga lider (nga naghimo sa iya Hari sa sulod sang 3 ka tuig) nagpanago sa mabakod nga lugar sang templo ni El Berit…
      • Nagpangita sila sang proteksyon halin sa ila 'dios-dios' – kontra sa lider nga ginpangayo nila!
      • Si Abimelec nagpang-utod sang mga sanga sang kahoy kag gintutdan ini – gani nagkalamatay ang mga tawo didto, mga 1,000 sila tanan…
      • May mga tawo nga nagasalig sa politiko para maluwas sila sa mga politiko…
      • Kon magsalig kita sa iban nga butang luwas sa Ginoo – indi ini makaluwas sa aton…
    • 3rd – Ang pagkamatay ni Abimelec… vs. 50-57
      • Pagkatapos nagkadto sila ni Abimelec sa Tebez malapit sa Shekem kag ginsakop man nila ini…
      • May mapag-on didto nga tore nga sa diin nagpalagyo ang mga taga-Tebez – kag nagsaka sila sa atop sang tore…
      • Sunugon kuntani ini ni Abimelec – pero ginhulugan siya sang babayi sing galingan nga bato…
      • Ang manugdala sang iya espada ang nagpatay sa iya – para indi mahambal nga ang babayi ang nagpatay kay Abimelec…
      • May ara sang iban nga tawo nga ginakabig nga isa sa mga hukom sang Israel si Abimelec…
      • Wala siya nangin hukom – tungod wala niya gintudluan ang mga tawo nga magsunod sa Dios…
      • Pero gingamit siya sang Dios para tudluan ang mga Israelinhon…
      • Siguraduha nga ang ginasunod mo nga lider – nagasunod man sa Dios!