Making Bible Study Easy for everyoneEnglish • Hiligaynon
Back to Judges
Verse-by-Verse Bible Study

Judges 16

A Hiligaynon study of Judges 16 focusing on Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Ang kamatayon ni Samson… (3 ka butang)

  • 1st – Samson with a prostetute… vs. 1-3 Basaha: Hukom 16:1-3
    • 1st – Si Samson nagkadto sa Gaza – isa sa lima ka dako nga siyudad sang mga Filistinhon…
      • Nagkadto siya didto sa pagpangita sang babayi nga nagabaligya sang iya lawas – kag naghulid siya sa babayi…
      • Nagapakita ini nga si Samson mahulog sa imoral nga pakig-relasyon…
      • Gindesinyo sang Ginoo ang pakighilawas para lang sa mag-asawa – Hebreo 13:4
      • I Corinto 6:15 – “Indi bala nga kita nga mga tumuluo bahin sang lawas ni Cristo? Amo ina nga indi mahimo nga ang aton lawas, nga bahin sang lawas ni Cristo, gamiton ta sa pagpakighilawas sa babayi nga nagabaligya sang iya lawas.”
      • Ang pakigrelasyon sa babayi nga nagabaligya sang iya lawas –
      • To have sexual relations with a harlot – you are making her one with Jesus!
      • Babayi nga nagabaligya sang iya lawas / ukon babayi nga indi mo asawa…
      • Kon pilion mo nga magpa kasala sing imoral – wala ka naga-isahanon – kaupod mo si Jesus…
      • Komportable ka bala nga magpakasala – kon kabalo ka si Jesus ara sa imo tupad!
      • I Tesalonica 4:3 – “Luyag sang Dios nga ang inyo kabuhi matinlo, gani likawi ninyo ang imoral nga pagpakigrelasyon.”
      • Ginbakal na kita ni Jesus paagi sa krus – ginbayad niya ang Iya kabuhi…
      • I Pedro 1:18-19 – “Nahibaluan man ninyo kon ano ang ginbayad agod matubos kamo halin… Ang gintubos sa inyo indi mga butang nga madula, pareho sang bulawan ukon pilak, kundi amo ang hamili nga dugo ni Cristo. Ang iya halimbawa pareho sang karnero nga matinlo kag wala gid deperensya nga ginhalad sa Dios.”
      • Indi na kita ang nagapanag-iya sang aton kabuhi – ginbakal na kita…
      • Ginatawag kita nga magdayaw kay Jesus paagi sa aton lawas kag Espiritu!
    • 2nd – Nabalitaan sang mga taga-Gaza nga ara didto si Samson…
      • Sigurado ako nga may mga babayi nga nagabaligya sang iya lawas sa Israel – pero nagkadto gid si Samson sa Filistin…
      • Ang rason indi niya gusto may makabalo sang iya ginahimo…
      • Ginatestingan naton tabon ang aton mga sala – basi pa lang makapalagyo kita…
      • Ang problema sa sala – bisan wala sing may nakabalo – nagaka-epektohan sini ang aton relasyon sa Ginoo…
      • Kon indi naton maintiendihan ang Pulong sang Dios – kag ang Iya ginahimo sa aton kabuhi…
      • Tungod nabulag kita sang aton mga desisyon nga ginahimo – ukon sa mga sala…
      • Ang sala nagapugong sa aton nga gamiton kita sang Ginoo …
      • Pero kon pilion gid naton magpakasala – sa ulihi mahibaluan gid ini sang tanan…
      • Pareho sa bata nga indi mag-ako nga nagkaon siya sang dulce – pero makita sa iya baba ang ebidensya…
      • Numero 32:22 – “Sigurado gid nga bayaran ninyo ang inyo sala.”
      • Indi kita makapalagyo sa sala – tungod kay gusto sang Ginoo nga maghinulsol kita…
      • Gusto Niya nga mabal-an naton ang tanan naton nga sala – para malimpyohan Niya kita!
    • 3rd – Naghulat ang mga Filistinhon kay Samson sa guwa sang puwertahan sang banwa hasta mag-aga para patyon si Samson…
      • Pero ginhukas ini ni Samson dala ang mga haligi kag mga trangka sini…
      • Ginpas-an niya ini kag gindala sa putokputokan sang bukid nga naga-atubang sa Hebron…
      • Ang Gaza isa sa pinaka-manggaranon nga siyudad sang Filistin – buot silingon dalagko ang mga puwertahan sini…
      • Halin sa mabug-at nga kahoy / salsalon nga trangka – 2000kg ang kabug-aton sini!
      • Ang Hebron 40 km ang kalayoon halin sa Gaza – ginpas-an ini ni Samson halin sa Gaza!
      • Bilib gid ako sa mga butang nga mahimo sang tawo para lang indi sila madakpan sa ila sala…
      • Himuon sang tawo ang tanan para lang indi sila madakpan sa sala…
      • Halimbawa sang butig: Nagsugid ako sang gamay nga butig…
      • Abi ko isa lang – pero sa katapusan kinahanglan ko gali magsugid sang 42 pa gid ka butig…
      • Gin-isip ko gid hasta nga nabal-an ko ang akon ginahimo – kag nag-untat!
      • Ang resulta kon pilion sang tawo magpakasala – mangin ulipon sila sang sala – mas nagadamo pa gid ang sala…
      • Kon ituad lang naton ang aton sala – hilwayon kita ni Jesus!
      • Juan 8:34 – “Nagsiling si Jesus, “Sa pagkamatuod, ginasugid ko sa inyo nga ang bisan sin-o nga nagapakasala, ulipon sang sala.”
  • 2nd – Si Samson kag Delila… vs. 4-20 Basaha: Hukom 16:4-20
    • 1st – Naluyag si Samson sa isa ka babayi – ang iya ngalan Delila (meaning empty)… vs. 4-5
      • Wala diri ginhambal nga ginkasal sila – kundi nag-upod lang…
      • Ginkasal si Samson sa indi tumuluo – nagbulagay sila (nagpakasal liwat ang iya asawa)…
      • Nagkarelasyon siya sa isa ka babayi nga nagabaligya sang iya lawas / kag subong naga-upod siya sa babayi nga wala pa sila makasal…
      • Nagapangita siya sang kalipay sa iya mga karelasyon – pero indi sa pamaagi sang Dios…
      • Ginkadtuan mga pangulo sang Filistinhon si Delila kag ginkombinsi…
      • Ang KADA isa sa ila magahatag kay Delila sang 1,100 ka bilog nga pilak – kon isugid lang niya ang sekreto ni Samson…
      • Dasig nagsugot si Delila – nagapakita lang nga mas may labot siya sa kuwarta sang sa kay Samson!
      • Wala makita ni Samson ang gugma – si Delila ang isa pa gid ka sala nga pagpili
      • Kon ang aton relasyon nagasunod sa kalibutan – nagapadulong lang kita sa gamo…
      • Ang kalibutan nagahambal nga malipay kita sa pag-asawayhay – indi importante ang promisa
      • Ukon mag-upod bisan wala pa nakasala – ang kasal makahulat lang man na
      • Pero ang resulta kon indi kita magsunod sa plano sang Ginoo – delikado
      • Mangin wala pulos ang aton relasyon – nga indi makadala sa aton sang kalipayan
      • Sa tion lang nga sundon naton ang pamaagi sang Ginoo – dira kita bugayan
    • 2nd – Ginpamangkot ni Delila si Samson sang iya sekreto… vs. 6-9
      • Kon gapuson ako sing pito ka bag-o nga banting sang pana…
      • Gani gingapos ni Delila si Samson sang 7 ka bag-o nga banting sang pana – nga ginhatag sa iya sang mga pangulo…
      • Gintago niya ang pila ka mga Filistinhon sa pihak nga kuwarto…
      • Dayon nagsinggit si Delila 'may mga Filistinhon nga nag-abot' – pero ginpangbugto lang ni Samson ang mga banting sang pana nga daw pareho lang sa lubid nga nakatandog sa kalayo!
      • Basi matingala ka kon ngaa dasig magsabat si Samson sang pamangkot ni Delila…
      • Basi nabulag si Samson sang iya balatyagon kay Delila – kon sin-o gid tuod si Delila
      • May mga tawo nga nagahimo sang sala nga desisyon – tungod kay nagaluyagay sila
      • Ang pagdesisyon nga halin sa balatyagon – makadala sa aton sa sla nga desisyoon
      • Ang Pulong sang Ginoo ang wala nagaliwat – ang magahatag sa aton sa kasanag sa pagpili
    • 3rd – Nagsiling si Delila – ‘gin-into mo lang ako’… vs. 10-12
      • Nagbutig ka sa akon – sige na sugiri ako kon paano ka magapos…
      • Mangin luya si Samson kon gapuson siya sang bag-o nga lubid nga wala pa gid magamit…
      • Dayon nagsinggit si Delila 'may mga Filistinhon nga nag-abot' – pero ginbugto lang ini ni Samson nga daw pareho sa mga hilo…
      • Kon nagapangduha-duha si Samson sa una nga tion – sigurado subong kahibalo na siya…
      • Indi niya kaupod si Delila – kaupod siya sang mga Filistinhon…
      • Pero ginpasakayan sila ni Samson – iya pinsar nga wala gid sang may makapierdi sa iya…
      • Mangin delikado aton kabuhi kon nagapinsar ta nga husto kita pemi sa aton kabuhi…
      • Dira magaatake si Satanas – sa tion nga maluya kita…
      • Nagadepende kita sa aton kusog – wala kita nagasalig kay Jesus!
      • I Corinto 10:12 – “Gani kon nagahunahuna kamo nga ang inyo pagtuo malig-on na, mag-andam kamo kay basi kon makasala man kamo.”
    • 4th – Mangin luya si Samson kon ihigot ang pito ka salapid sang iya buhok sa teral… vs. 13-14
      • Sang nagakatulog si Samson (ang una nga duha ka tion bugtaw) – ginhigot ni Delila ang pito ka salapid sang iya buhok…
      • Dayon nagsinggit si Delila 'may mga Filistinhon nga nag-abot' – pero ginpalos ni Samson ang iya buhok sa teral!
      • Ang una nga duha ka tion ginpasakayan lang ni Samson – pero ang ikatatlo matuod na gid…
      • Nagapangduha-duha siya / nagaluya – lapit na lang niya masugid ang iya sekreto…
      • We do not just decide one day to give in to sin – it is a gradual decline…
      • You might only sit at the table – you are not going to actually drink…
      • But next step is to have a glass in front of you – but you will not fill it…
      • Before long you find you are as drunk as the guys you are sitting with…
      • Compromise is slow process that step-by-step leads us away from Jesus…
    • 5th – Nagpangasubo si Delila – ‘siling mo ginahigugma mo ako’… vs. 15-20
      • Indi gusto ni Samson isugid ang iya sekreto – nagbinutig na siya kay Delila 3 ka beses…
      • Adlaw adlaw nagapamangkot si Delila – hasta sang ulihi natak-an si Samson…
      • Nagging will often get a husband to do what a wife wants – but there is a cost…
      • He will learn to despise his wife – sick to death of hearing her voice…
      • Isa ka Nazareo si Samson – kon guntingan ang iya buhok – madula ang iya kusog…
      • Nabatyagan ni Delia nga nagasugid si Samson sing matuod – ginsilingan niya ang mga Filistinhon nga magbalik…
      • Ginpatulog ni Delila si Samson sa iya paa – kag ginpaguntingan ang buhok sini sa isa ka tawo!
      • Delilah was one cruel / cold hearted / devious woman!
      • Sang nagsinggit si Delila 'may mga Filistinhon nga nag-abot' – tabi ni Samson makabuhi pa siya pareho sang ginhimo niya sadto…
      • WALA SIYA KAHIBALO nga ginbayaan na siya sang Ginoo – kag gindakop siya…
      • Masubo nga malayo si Samson sa Ginoo – wala siya kahibalo nga indi na niya kaupod ang Ginoo!
      • Tungod nawili na siya sa kalibutan – wala niya marealisar nga wala na gali ang Ginoo…
      • We can be so distracted by the world – we do not even realize Jesus is gone…
      • He is on the outside – knocking on the door trying to get back in – Pahayag 3:20
  • 3rd – Si Samson sa prisohan… vs. 21-31 Basaha: Hukom 16:21-31
    • 1st – Ginlukat sang mga Filistinhon ang mata ni Samson – ginpaobra nila siya sa prisohan… vs. 21-22
      • Ginkadenahan nila siya sing saway – ginhimo nga manuggaling sang uyas sa sulod prisohan…
      • Pero amat-amat nga nagtubo liwat ang iya buhok…
      • Kon nabayaran na naton ang aton nga sala – indi pa ini ang katapusan…
      • Kon magpaubos kita – ang Ginoo nagahatag sang ika-duha nga chansa!
    • 2nd – Nagtilipon ang mga pangulo sang Filistinhon para magsaulog kag magahalad sa ila dios nga si Dagon… vs. 23-30
      • Samtang wala pa gid sila mahubog – ginpaguwa nila si Samson para maglingaw sa ila…
      • Bulag kag nasakita na si Samson – sigurado wala na siya paglaum…
      • Bisan indi makasarang nga depensahan ang iya kaugalingon – amo ini ang tion nga pinakamakusog siya!
      • Sa tion nga maluya kita – ang Ginoo magahimo sang pinakadako nga buluhaton…
      • II Corinto 12:10-11 – “Gani malipayon ako subong sa akon mga kaluyahon, sa mga pagpasipala sa akon, sa mga kabudlayan, sa mga paghingabot, kag sa mga kapiutan tungod sang akon pagsunod kay Cristo. Kay kon maluya ako, ginapabaskog ako sang Dios.”
      • Kon aton pinsar mahimo naton ang tanan – nga wala nagadepende sa Ginoo – maluya kita…
      • Pero kon aton pinsar indi kita makasarang – magtulok kita sa Ginoo – kag makita naton ang dako nga kusog!
      • Wala ginagamit sang Ginoo ang makusog – kundi ang mga maluya para pakusugon Niya!
      • Nagsiling si Samson sa suluguon nga pauyaton siya sa haligi sang templo…
      • Ginbutang siya sang suluguon sa duha ka sentro nga haligi sang templo…
      • Sa atop lang may ara 3000 ka mga tawo – pati mga lider…
      • Nagpangamuyo si Samsin (ikaduha nga tion) – ‘ibalik ang akon kusog bisan kaisa na lang’…
      • Gusto niya magtimalos sa mga Filistinhon sa paglukat sang iya mga mata!
      • Gintulod ni Samson ang duha ka haligi – kag narumpag ang bilog nga templo…
      • Mas madamo pa ang iya napatay sang sadto nga tion sang sa nagakabuhi pa siya…
      • Ginkuha sang mga utod kag paryente ni Samson ang iya bangkay – kag ginlubong sa ginlubngan sang iya amay…
      • Kon may nakasala sa aton – indi naton gusto sang hustisya – gusto naton balos…
      • Kon may magsumbag sa imo – gusto mo mas sobra pa ang imo himuon sa iya…
      • Kay abi naton mangin manami ang aton pamatyag kon makabalos…
      • Pero ang pagtimalos indi makapaayo sang aton balatyagon – kundi makapalala pa gd…
      • Amo na ginsugo sang Ginoo sa aton nga higugmaon ang aton mga kaaway – ang pagtimalos iya lang gid sang Ginoo!
      • Roma 12:21 – “Indi kamo magpadaog sa malain, kundi dauga ninyo ang malain paagi sa paghimo sang maayo.”
    • 3rd – Ginpanguluhan ni Samson ang Israel sa sulod sang 20 ka tuig – halin sang iya kasal hasta sa iya kamatayon… vs. 31
      • Halos wala siya sing may hinimuan bilang hukom – wala gid niya nadala ang Israel sa kadalag-an…
      • Sa iya nga kusog – wala gid siya nagpamangkot sa Ginoo kon paano niya ini gamiton sa maayo…
      • Bisan hasta sa iya kamatayon – ginapinsar gihapon niya iya kaugalingon – gusto magtimalos…
      • Napatay lang siya nga wala sing anak – kag ang nasyon ginapabudlayan sang mga Filistinhon…
      • Kag dira makapinsar kita – ano ayhan ang hunahuna sang Ginoo para kay Samson
      • Sa Hebreo 11 ang lista sang mga tawo sa Daan nga Kasulatan nga may dako nga pagtuo sa Ginoo…
      • Sugod kay Noah/Abraham – asta kay Moses – hasta kay Haring David kag mga Propeta…
      • Sa sini nga lista mabasahan si Samson – may dako siya nga pagtuo…
      • Hebreo 11:32 – “Hasta na lang diri ang akon isugid sa inyo parte sa mga tawo nga nagtuo sa Dios, tungod kay kulangon kita sa tiyempo kon isugid ko pa sa inyo ang parte sa ila ni Gideon, Barak, Samson, Jefta, David, Samuel kag sa mga propeta sang una.”
      • Wala gintan-aw sang Ginoo ang ginhimo ni Samson – nakita niya ang pagtuo ni Samson…
      • Ang mga baskog nga tawo sa Bible – indi baskog kon ano ang ila ginhimo – kundi nagpati sila…
      • Wala nagalagas ang Ginoo kon ano ang mahimo naton sa iya – gusto Niya nga makilala naton siya…
      • Paagi sa pagtuo kay Jesus – pareho kay Samson – mangin baskog man kita para sa Ginoo!