Making Bible Study Easy for everyoneEnglish • Hiligaynon
Back to Esther
Verse-by-Verse Bible Study

Esther 1–3

Overview of the book of Esther

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Ester 1-3

Introduction…

  • Ang bug-os nga laygay sang Dios
    • Ang amon handum nga magtudlo sang Bug-os nga Biblia…
    • Binuhatan 20:27 – “Kay wala gid ako sing may gintago sa inyo parte sa bug-os nga katuyuan kag plano sang Dios.”
    • Natapos naton ang Nehemias – kag maga padayon kita sa Libro sang Ester…
    • Ester ang ika 12 kag katapusann nga libro sang Kasaysayan sang Israel sa Old Testament
    • Ang Kabug-usan sang libro sang Esther…
    • 1st – Sin-o nag sulat sa libro sang Ester
      • Isa sa 2 ka libro sa Bibliya nga gin ngalan sa babayi – Ester / Ruth…
      • Isa ka panaysayon nga libro – nagakahulugan wala kaliwatan /tagna /ukon doktrina nga dinalan…
      • Ang nagsulat wala mahibaluan – may ara ga hambal nga si Mordecai (pakaisa ni Ester kag manug-atipan) ang nag sulat…
      • Ginabanta sang pag sulat sini nga libro mga 470 B.C. sa Persia – si Ester nag Reyna sang 479 B.C.
      • Ang naga panguna nga bida amo sila Ester / Mordecai /Haring Ahasuerus (or Xerxes) / kag Haman (boo!!!)
    • 2nd – Ini ang ika 3 sang 3 ‘tapos sang pagbihag’ nga mga libro: Ezra / Nehemias / Ester…
      • Ang hitabo sa Ester nagluntad pagkatapos magbalik si Zerubabel sang 535 B.C.
      • Apang nag luntad antes sang ikaduha nga hugna sang pagbalik ni Ezra sang 458 B.C.
      • Bisan amo ini ang katapusan nga libro sang kasaysayan sa Old Testament…
      • Nagluntad sa tion sang paghari ni Haring Xerxes sang Persia (kilala man siya nga si Ahasuerus)
    • 3rd – Ang tema sang sini nga libro ang pagka soberano sang Dios…
      • Bisan pa interesante nga amo lang ni nga libro nga wala nagmitlang sang ngalan sang Dios…
      • May ara nga argumento nga indi dapat nalakip sa lista sang kasulatan…
      • Apang sa ginasiyasat naton ang libro – ang kamot sang Dios amo ang naga deriher nga wala ka sang maipamangkot…
      • Sa makita naton nga Kontrolado niya ang tanan nga mga kahimtangan nga matigayon ayon sa iya kabubut-on!
      • Sang si Haring Ahasuerus nagtugot kay Haman sa pagpatuman sang kasugu-an sa pagpapas sang tanan nga Judio…
      • Daw maka hambal ka nga ang Dios ginkalimtan kag ginpatumbayaan niya ang iya pinili…
      • Apang sa katapusan ang Dios nag gamit kay Ester sa pag tindog sa iya katauhan – kag nag risgo sang iya kaugalingon nga kabuhi…
      • Si Haman pagabitayon sa mismo nga gin patukod niya nga bilitayan para kay Mordecai…
      • Kag ang mga Judio pagapapason ang ila mga kaaway sa adlaw nga gintalana nga sila man pagapatyon!
      • Ang Piesta sang Purim (papalad) – tungod nga si Haman nag papalad sa pag desisyon kon ano nga adlaw ipapatay ang mga Judio…
      • Ang Piesta nga gina saulog sa Israel bisan sa subong nga mga tini-on…
      • Kon diin ang mga kabataan nga nakailis sang nami nila nga bayo pareho man kay Ester / Haman – kag naga kolekta sang dulce sa kada balay!
      • Maayo nga pagpalig-on sa aton – tungod aton kabuhi indi kontrolado naton…
      • Daw ma batyagan naton nga ang tanan kontra sa aton – kag wala sang pagla-um…
      • Apang indi naton pagkalimtan nga ang Dios kontrolado niya ang tanan – kag matigayon ang iya kabubut-on!
      • Laban sang aton igtalupangod ara sa negatibo – kag naga resulta indi naton makita ang ginahimo sang Dios sa aton…
      • Sa tion nga madula ang imo panulok kay Jesus kay ato ka na lang nag tulok sa imo kahimtangan mabutang ka gid sa kagamo…
      • Sa masami nagakapunaw kita – puno sang pag duda kag kahadlok…
      • Kon ibutang naton aton panulok kay Jesus makita naton nga ang Ginoo may ginahimo nga makatilingala…
      • Kag ang aton kahadlok mabaylohan sa pagsaulog nga nakita naton ang Dios nga gapanghikot!
      • II Corinto 4:18 – “Kay wala namon ginapasulabi ang mga butang nga amon makita diri sa kalibutan, kundi ginapasulabi namon ang mga butang nga indi makita. Kay ang mga butang nga makita umalagi lang, pero ang mga butang nga indi makita wala sing katapusan.”
    • Ang Bag-o nga Reyna sang Persia… (3 butang)
  • 1st – Nagpang-indi sa Hari… 1:1-22
    • 1st – Isa ka salosalo nagakabagay sa Hari… vs. 1-8
      • Sang mga adlaw ni Ahasuerus…
      • Si Haring Ahasuerus –siya si Xerxes sa kasaysayan – nga nagpamuno halin 486-465 B.C.
      • Anak ni Darius – si Darius nga kakontemporaryo ukon kadungan ni Daniel – Daniel 6
      • Si Artaxerxes nga anak ni Xerxes basi amo ang nagpadala kay Ezra kag Nehemiah balik sa Jerusalem!
      • Siya ang Hari sang 127ka probinsiya sang Persia – halin sa India pakadto sa Etiopia…
      • Ang Ginharian sang Persia pinakadaku sa kalibutan nga makita sadtong mga tion…
      • Ang teritoryo nga nalupig nila may kasangkaron halin India sa nasidlangan – asta sa Africa sa katundan…
      • Ang sentro sang Emperyo sang Persia amo na subong ang ginatawag nga Iran / Persia…
      • Kag ang estorya nagsugod sa Kapital sang Susa – ang moderno nga siudad sang Susa sa Iran
      • Ang Hari nag hiwat sang galante nga salosalo sa tanan nga mga dungganon nga prinsipe sang Persia…
      • Sa pagpakita kita sang kamanggaran sang Iya Ginharian – kag ang pagkahalangdon kag kadalayawon sini…
      • Ang sinalosalo nagtapos 180 ka adlaw – kag may ara pa gid nga 7 kaadlaw nga sinalosalo para sa tanan nga mga tawo ,imol kag manggaranon nga yara sa Susa…
      • Ang luwang napunihan sang asul kag puti nga kurtina – marmol nga haligi/sulosingsingon nga pilak …
      • Bulawan kag pilak nga salaliayan kag gin butang sa luwang nga ang salog puti nga marmol perlas, kag malahalon nga mga bato nga nagkalainlain nga kolor!
      • Kag ang tanan ginapagustohan sa pag inom sang alak nga gintagay sa bulawan nga mga ilimnan!
      • Ang Hari Maathag gid nga DAMO sang kuarta – gin gamit niya ini sa pagdala sang kadayawan para sa iya kaugalingon!
      • Makita mo gid nga maayo iya kabuhi – apang ang isa ka kulang sa iya amo ang Dios…
      • Kag makita ta man diri nga iya kalipay napukan dayon – tungod nga natukod sa balas!
      • Ang kalibutan kon mag tulok sa aton gina hunahuna nila nga kabuangan ang mag salig / kag mag tulok kay Jesus…
      • Apang maabot ang adlaw nga ang tanan nila nga gina saligan marumpag nga daw isa ka tumpok nga yab-ok!
      • Mateo 7:26 – “Pero ang tawo nga nakabati sang akon mga ginatudlo pero wala nagatuman, pareho siya sa tawo nga buang-buang nga nagpatindog sang iya balay sa balas…”
    • 2nd – Pangabay sang isa ka Hubog… vs. 9-15
      • Si Queen Vasti (Guapa)may ara man nga salosalo sa mga pareho niya nga babayi sa palasyo… vs. 9-15
      • Kag sang ika-7 nga adlaw sang piesta – si King Ahasuerus malipayon sa paginom sang Bino (hubog)…
      • Nag tawag kay Vasti nga mag kari nga suksokang iya nga korona (ginahaum nga iya lang nga korona) magpakita sang iya kaanyag…
      • Apang ang reyna nag pang-indi sa pagkari nga nagahublas sa atubang sang mga hubog nga tawo (makahalangop)…
      • Bangod sa kaakig sang Hubog nga Hari ginpatawag niya ang mga mangin-alamon parahinunan-on kon ano ang dapat nga silot sa reyna!
      • Makatilingala kon daw ano ka malain ang desisyon nga mahimo sang tawo kon matam-an sang inom’…
      • Sa baylo nga mag baton sang indi maayo nga paghantop – nag kadto sa iban nga panugda-on sang isa man ka hubog…
      • Daku gid nga halimbawa kon ngaa nga maayo gid nga idea nga indi mag pahubog – kay maka halit gid sa mag-asawa!
      • Indi ka gid makabati nga naga siling – nga maayo ang dalagan sang pagasawahay tungod nga naga tungga.’
    • 3rd – Tanan nga babayi padunggi ninyo ang inyo mga bana… vs. 16-22
      • Memucan – isa sa mga manuglaygay sang Hari – nag hatag sang sini nga laygay …
      • Si Vasti indi lang nga gin insulto ang Hari – pero pati tanan nga principe kag mga lalaki sang Persia…
      • Tungod ang ila mga asawa mabatian nga ang Reyna wala nag tuman sa sugo sang Hari…
      • Kag ang resulta – masugod man sila sa pag tamay sa ginahambal sang ila mga bana!
      • Gani ang Hari nalig-on ang desisyon nga ipatapok si Vasti nga bilang silot sa pagkadimatinumanon…
      • Kag ang mando nga ginpadala sa bilog nga Ginharian – nga ang tanan nga babayi nga padunggan ang ila mga bana!
      • Kag ini nag pahamuot sa Hari –kag ang sulat gin padala sa tanan nga probinsya sang Persia
      • Natapos nga nangin mainit nga topiko – ilabi na gid sa moderno nga may kultura sang alalangay nga kinamatarong…
      • Apang ang gina mando sa mga asawa nga mag pasakop sa ila mga bana ara sa Biblia – Efeso 5:22
      • Ang pamangkot nga ginapangabay – ano ang buot silingon sa isa ka asawa nga mag pasakop sa iya bana…
      • Ang halimbawa nga pag padungog / mag pasakop makita sa simbahan nga nagapasakop kay Jesu-Cristo…
      • Wala naton ginahambalan si Jesus kon ano ang himoon – dapat nga bug-os ang aton pagkamatutum sa iya gina sugo!
      • Pareho man dapat sa isa ka asawa nga mag pasakop sang bug-os sa iya bana…
      • Waay man ginahambal nga mangin apa na lang ang isa ka asawa – maalam ang tawo nga ga pamati sa iya asawa!
      • Apang ang katapusan nga responsibilidad iya sang bana ang desisyon – kag ang asawa mag sunod!
      • Kag kon ang isa ka asawa nagapasakop sa iya bana – wala siya ‘nagasalig sa iya bana’…
      • Nagasalig siya kay Jesus – kapin pa gid kon ang iya bana indi maayo ang gina pili!
      • Apang kon ang isa ka asawa wala nagapasakop sa iya bana – nga daw ara siya nga nagapamalabag …
      • Mas maayo pa nga indi na lang magpamalabag-itugyan na lang sa Dios ang pag atubang sa iya bana!
      • Abi kon ang isa ka bana indi tumolu-o…
      • Mas na gid nga ang asawa mag pasakop sa iya bana…
      • I Pedro 3:1 – “ Karon, kamo nga mga asawa, dapat magpasakop kamo sa inyo mga bana, agod nga kon ang inyo mga bana wala nagatuo sa pulong sang Dios, madala ninyo sila sa Ginoo paagi sa inyo maayo nga pamatasan bisan indi na kamo maghambal…”
      • Mas maayo nga ang iya Diosnon nga halimbawa amo ang makadaug sang kalag sang iya bana kay Jesus!
      • Apang tumulo-o kag indi tumulu-o may ara importante nga butang…
      • Kon ang bana mag hambal sa iya asawa nga maghimo sang butang nga indi ayon sa Pulong sang Dios…
      • Sa amo na nga bagay ang asawa mag pasakop una sa Diyos!
      • Tama ka importante nga talupangdon…
      • Ini nga mando nga ang tanan nga babayi mag pasakop sa mga lalaki – para lang sa isa ka asawa sa iya bana…
      • Kag ang mando para sa asawa – ang bana wala sang may mahimo dira….
      • Indi obra sang bana nga magpahanumdom sa iya asawa – nga magpasakop…
      • Mapasakop man bala ang asawa okon indi, ara na sa tunga sang asawa kag Gino-o!
  • 2nd – Pagpili sang bag-o nga Reyna… 2:1-23
    • 1st – Si Reyna Ester… vs. 1-11
      • Ang kaakig sang hari nag-ugdaw – naulian na – nag hinulsol sang iya nahimo… vs. 1-4
      • Apang ang kasugu-an sang Medes kag Persianhon indi na mabawi – bisan pa ang Hari…
      • Sa baylo ang mando gin hatag sa pagpili sang bag-o nga Reyna…
      • Ang pag pangita gin himo sa bilog nga emperyo para maka kita sang pinaka gwapa kag lamharon nga babayi
      • Sa Susa may isa ka Judio, ngalan niya si Mordecai – halin sa tribo ni Benjamin… vs. 5-11
      • Ang kaliwat ni Shimei – nga nag pakamala-ot kay David sang pagpalagyo niya kay Absalom – II Samuel 16:5
      • Ang ginluwas ni David sang siya nakabalik – gintugtan nga may kabataan!
      • Si Mordecai gin ayop niya ang iya pakaisa nga ilo – ang ngalan Hadassah (Myrtle)…
      • Apang ang iya ngalan gin-islan nga Esther – Bitoon – tungod nga siya matahum!
      • Isa siya sa gin pili nga pamatan-on nga babayi nga gin dala sa harem sang Hari…
      • Apang napaidalum siya sa instruksion ni Mordecai – indi siya mag hambal nga siya Judio!
      • Halin sa pagpakita sang kalooy kay David– asta sa pagpa-ilo sang isa ka batanga bayi – asta sa hinubog nga pangabay sang Hari…
      • Naga pakita lang nga ang Dios nagahikot sang tanan nga detalye sa pag preparar sa pag luwas sa iya katauhan…
      • Sa masami may ara kita nga ginatawag nga bagay sa aton kabuhi – ginatawag naton nga maayo ukon malain…
      • Tungod nga permi indi naton mahangpan ngaa ang Dios naga tugot sa mga bagay nga nagakatabo…
      • Apang wala sang natabuan lang para sa Dios – ginagamit niya ang mga bagay sa aton nga kabuhi!
      • Roma 8:28 – “Nakahibalo kita nga ang tanan nga nagakalatabo ginahimo sang Dios para sa kaayuhan sang mga nagahigugma sa iya, nga iya mga ginpili suno sa iya katuyuan.”
    • 2nd – kada isa ka mga babayi mapreparar sang 12 ka bulan para sa pakig kita sa Hari… vs. 12-20
      • Ayhan tungod madamo nga halin sa kubos – kag gusto man nga magpakita sang ila pinakamanami…
      • Pagkatapos sadto madala nila ang ila gusto para sa mapaluyag ang Hari…
      • Makadto sa iya sa Gab-i – kag sa adlaw mabalik sa ika-2 nga harem …
      • Kag indi na nila makita liwat ang Hari – luwas lang kon ipangabay sila sang Hari gamit ang ila ngalan
      • Sang si Ester nagpakita na sa Hari –ginsunod niya lang kon ano ang ginpanugda ni Hegei (pangulo sang eunuco)…
      • Kag ang Hari nag higugma kay Ester sang labaw sang sa iban nga babayi – kag siya ang nangin bag-o nga Reyna…
      • Indi tungod sa pampatahum – ukon alahas – kay ang tanan nga babayi may ara man…
      • Tungod indi lang nga matahum nga may ara siya kundi kon ano ang katahum nga ara sa sulod!
      • Ang uso subong sa mga babayi nagatutok sa panggwa nga katahum…
      • Gina tan-aw ang katahum base sa panapton – buhok / alahas / kuko / etc.
      • Ginapinsar nga amo ni makahimo sa persona nga mangin matahum -dira sila nagsala…
      • Ayhan may pinakanami nga panapton – buhok – makeup – kag tanan nga butingting…
      • Apang kon law-ay batasan kag nagapakasala – wala sang katahum – kabaliskaran!
      • Apang may ara man nga daw balaynon – pero kon puno kay Jesus – Matahum!
      • Kag sa mga naga kabuhi sa pangguha lang nga katahum – basi makibot lang sila…
      • Wala nagadugay – bisan ano pa ang imo himoon – matigulang ka man gihapon…
      • Ang mga babayi naga gasto sang dako para lang ma punggan agod mag pabilin ang dagway nila sang pamatan-on…
      • Mabakal sang pampaguapa /pila ka oras mag tanaw sa salamin/ mapaopera…
      • Apang bisan ano pa ang ginahimo – ang edad permi gid magdaog sa ulihi!
      • Gani indi dapat e sentro sa panguha nga dagway…
      • I Pedro 3:3-4 – “ Kon gusto ninyo nga mangin matahom, indi ninyo pagpasulabihon ang pagkopyor sang inyo buhok nga ginabutangan sang malahalon nga mga alahas, ukon pagsuksok sang malahalon nga bayo, 4 kundi patahumon ninyo ang sa sulod sang inyo kaugalingon, ang maayo nga pamatasan nga wala gid nagaliwat. Magmalulo kamo kag magmabuot. Amo ini ang malahalon sa panulok sang Dios…”
      • Wala man malain sa pagpatahum’…
      • Kon kinanglan sang pinta ang balay agod nami tulukon – pintahi ang balay!
      • Apang mga babayi indi lang mag tutok sa pag patahum kon ano ang sa guha…
      • Sa baylo ibutang ang maayong buhat – ang katahum nga halin sa tagiposoon!
      • Ang pagpangita sang pangsulod nga katahum naghalin sa paghibalo kay Jesu-Cristo!
    • 3rd – Ang pahito batok sa Hari… vs. 21-23
      • Ang duha ka eunuco sang Hari nag kaakig sa Iya – kag nag plano sa pag patay sa Hari…
      • Apang nabatian ni Mordecai ang plano – kag gin pabalo si Ester – kag gin pabalo man ang Hari…
      • Ang Hari ginpabitay sila sa Kahoy (ginlansang) – ang natabo nakasulat sa libro sang kasaysayan
      • Pero wala sang may nahimo para kay Mordecai – sa sina nga punto – ang Dios nagapanghikot!
  • 3rd – Ang mando sa pagpatay sa mga Judio… 3:1-15
    • 1st – Si Haman nga taga Agagite… vs. 1-6
      • Pagkatapos sini nga butang – ang Hari gin pataas ang posisyon ni Haman nga mangin pangulo sang mga Prinsipe…
      • Ang tanan nga naga-alagad sa Hari nagayaub sa paghatag respeto kay Haman kada agi niya…
      • Luwas lang kay Mordecai – indi siya sa magsaludo – kag ini nga katampalasan nag abot kay Haman…
      • Sa baylo nga si Mordecai amo lang ang silotan – nag disisyon siya nga ipapatay ang tanan nga Judio!
      • Ngaa si Mordecai nagpangindi mag yaub- si Haman isa ka Agagite –Ang mga kaliwat sang taga Amalek…
      • Sang nag-guha ang Israel sa Egypt – Ang Amalek nag atake sa ila…
      • Indi nila gusto nga ang mga Israelinhon makasulodsa Bukid sang Sinai – kon sa diin nag hatag sang kasugu-an…
      • Para indi makapamati ang Israel sa Dios -nga mangin pinili nga katauhan sang Dios…
      • Kag ang resulta ang Dios nag saad nga iya pagapapason kag bisan ang handumanan sang Amalek!
      • 400 ka tuig ang nakaligad si Haring Saul gin manduan nga tumanon ina nga pangako – I Samuel 15:1-3
      • Ginpamatay ni Saul ang mga Amalek sa away – apang wala niya ginpatay tanan…
      • Gin bilin niya ang pinaka maayo nga karnero/ baka – Kag si Haring Agag!
      • Sa Bibliya ‘Amalek’ isa ka sahi /laragway sang aton unod (makasasala nga handum / makasasala nga kinaugali)…
      • Ang aton unod indi gusto mag pamati sa Dios – nagahandum nga ipahilayo kita sa Ginoo…
      • Nagapakig-away kita sa sulod naton kada adlaw – sa tunga sang makasasala nga unod /kag sang aton Espiritu…
      • Pakig-away sa tunga sang kon ano nahibalu-an ta nga ‘gusto’ sang Dios – kag aton ‘gusto’…
      • Roma 7:15 – “Indi ko maintiendihan ang akon ginahimo. Kay ang maayo nga mga butang nga gusto ko nga himuon indi ko mahimo, pero ang mga butang nga indi ko gusto himuon amo ang akon ginahimo.”
      • Ngaa ginahimo ko ang nahibaluan ko nga sala – tungod gusto ko – wala man sang nagpilit sa akon…
      • Nga indi ko ginahimo ang nahibaluan ko nga maayo kag insakto – kay indi ko gusto himu-on …
      • Ang pakigaway sa tunga sang unod kag Espiritu –ang aton gusto kag gusto sang Dios…
      • Ang pagkapaslaw ni Saul nga bug-os niya nga papason ang mga Amalek nagbawi sang iya kabuhi…
      • Si Saul ginpatay sang ulihi sang isa ka Amalek – II Samuel 1:8-12
      • Kag tungod ang Amalek wala napapas diutayan lang malaglag ang bilog nga pungsod sang Israel…
      • Haman kag mga Amalek (mga kaliwat ni Haring Agag) – gusto patyon ang tanan nga Judio!
      • Ang mga Amalek sa aton kabuhi indi permi hayag –daw ka mga inosente…
      • Ang isa ka pag inom-inom indi man maka halit – ang isa ka gabi nga mag guha kita…
      • Ang isa ka Domingo nga indi kita maka simba tungod nga sako kita…
      • Kon magpadala kita sa aton unod – ang unodnon nga gusto permi sige isa pa asta nga magdamo na nga isa pa…
      • Ang katapusan mabulahog ka sang madasig kag mabutang sa pagkaguba sang aton relasyon sa Ginoo!
    • 2nd – Pagpapalad… vs. 7-15
      • Sa bulan sang Nisan (Abril) si Haman nagpapalad sa pag desisyon kon ano nga bulan dulaon ang mga Judio…
      • Ang pagpapalad niya nag tupa sa ika-13 nga adlaw sa bulan sang Adar (Marso) – 12 kabulan nga pagligad…
      • Naglakat siya sa Hari kag nag hambal parte sa mga Judio – sang ila ‘lain nga mga kasugu-an’…
      • Masugot siya sa pagbayad 10k ka talanton nga pilak – $200 million – para uboson sila!
      • Ang Hari ginhatag niya ang iya singsing / selyo – kag ang mando gin padala sa kada pangsod sang Emperyo…
      • Paga laglagon / ipapatay / uboson – kada isa sang mga Judio – bata kag tigulang /lalaki kag babayi…
      • Kag kuhaon ang tanan nila nga pagkabutang kag mga duta kaangay sa pag agaw (nga mag pahulag nga magpatay)…
      • Pagkatapos ang Hari kag ni Haman nagpungko kag nag-inom – samtang ang siudad ara sa kagumon!
      • Indi mapatihan – nga si Haman magasto sang Milyon agod papason ang buhat sang Dios sa natalana nga adlaw…
      • Apang si Haman man lang ang nagadali sang tion nga siya paga hukman!
      • Ang kalibutan naga gasto sang indi na maisip nga milyones para dfulaonang Dios sa sociedad…
      • Impluwensiahan ang mga politiko / elections – kag pagkuha sang bug-os nga edukasyon sa publiko…
      • Apang sa ila nga pagpangabudlay – indi nila mapierde ang Dios – sila ang gatabog sang ila kaugalingon pakadto sa paghukom!
      • Kadamo nga mga tawo subong sige lang pangabuhi sa adlaw-adlaw – kag nabulagan sang butig…
      • Nagahunahuna nga ang kabuhi padayunon – kag buwas pareho lang sa subong nga adlaw…
      • Na realisar man nila nga si Jesus malapit na lang mag kari – ang paghukom ara naga likop sa dira nga bahin…
      • Aton oportunidad nga magsugid sa ila – kag magpaandam sa ila..
      • Ayhan paga yagutaon kita – ukon indi sila magpati – apang sa liwat basi maluwas man sila!