Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Ester 4-7
Review…
- Ang ika 12 kag katapusan nga libro sang kasaysayan sang nasyon sang Israel
- Ini ang ikatatlo sang 3 ka mga libro nga ginsulat sa tion sang natapos ang pagkabihag : Ezra / Nehemias / Ester…
- Ang mga hitabo sa Ester naluntad pagkatapos sang Zerubbabel – pero antes sange Ezra kag Nehemias
- Ang mga nagapanguna nga mga karakter amo sila ni Esher / Mordecai / Hari Ahasuerus (ukon Xerxes) / kag Haman (boo!!!)
- Ang tema sang libro amo ang pagkasoberano sang Dios!
- Hari Ahasuerus – Xerxes – nagpahanda sang maluho nga kasadyahan nga nagdugay 180 ka adlaw para sa mga dungganon kag mga prinsipe sang Persia…
- Sa katapusan nga adlaw sang fiesta – samtang hubog – ginpatawag niya si Vasti nga masuksok sang korona(korona lang gid)…
- Indi magtuman ang reyna – amo nga ginpahalin kag gintapok siya sang Hari tungod sang iya nga indi pagtuman!
- Isa ka pagpangita kag pagpili sang mga pinakamatahum kag lamharon nga mga dalaga para mangin bag-o nga rayna ang ginhiwat!
- Sa Susa may isa ka Judio nga naga ngalan Mordecai – nag adoptar kag nagpadako sang iya nga paka-isa nga si Ester…
- Napili si Ester nga mangin isa sa mga lamharon nga mga dalaga nga pa-istaron sa harem sang Hari…
- Sang nakita sang Hari si Ester– nagustuhan niya si Ester labaw sa tanan – nangin bag-o nga reyna si Ester!
- Pagkatapos sang ini nga mga hitabo – ginpasakaan sang Hari ang posisyon ni Haman para mangin pangulo sang mga prinsipe…
- Tanan nga mga alagad sang Hari nagyaub sa pagtahod kun maglabay si Haman…
- Luwas lang kay Mordecai – indi siya mag-yaub – ang huring-nuring sang iya nga pagkatampalasan nakalab-ot kay Haman…
- Apang imbes nga silotan lang si Mordecai – nagpagabutgabot siya para itakna ang adlaw nga pag-patay sa tanan nga mga Judio!
- Nagpasugot siya nga magbayad sang 10 ka libo nga talento nga pilak – $200 million – para sa pag-ubos patay sa ila!
- Gin hatag sang Hari ang iya singsing kag selyo – kag ang mando ginpadala sa tanan nga lugar sang bug-os nga emperyo!
Para sa mga Tion nga pareho sini… (4 ka butang)
- 1st – pagtindog batok sa Panghangkat… 4:1-17
- 1st – Paglikaw sa problema… vs. 1-4
- Sang nahibal-an ni Mordecai ang tuhoy sa mando – gin-gisi niya ang iya panapton kag nagsul-ob siya sang sako…
- Ang sako pwerti ka magaras kag matig-a nga materyall – ginhuman halin sa makatol kag mabaho nga buhok sang kanding…
- Wala sang may nagasuksok sini – isa ka tanda sang madako nga kapiutan kag paghalawhaw…
- Wala siya nahadlok nga ipakita sa tanan nga isa ka masiligni nga kalautan ang lapit na lang matabo!
- Nagkadto siya sa syudad – nga nagasinggit sang mabaskog – asta sa ganhaan sang palasyo…
- Ang impresyon nga madaretso siya sa Hari – galing wala siya ginpasugtan nga magsulod!
- Sang ginhambalan si Ester nga ara si Mordecai sa ganhaan – nagkalisod gid siya…
- Nagpadala siya sang mga maayo nga mga panapton para sa iya apang wala niya ginbaton !
- Interesante nga wala si Ester sang reaksion sa mando nga ipapatay ang tanan nga mga Judio…
- Sa baylo ang iya gintalupangdan amo si Mordecai – kag gusto niya nga tabunan ang gamo nga ginahimo ni Mordecai!
- Nagapuyo kita sa kalibutan nga nagsikway sang Pulong sang Dios – kag nagabuhat sang makasiligni nga kalautan…
- Milyones nga mga inosente nga mga lapsag ginapalaglag kada tuig / homosekswalidad ginabaton nga normal…
- Madamo naga-andam tuhoy sa political correctness – kag nabudlayan magpanindogan sa kamatuoran…
- Pareho lang bala kita kay Ester nga nagatuga sang balod / nagapakuno-kuno nga tanan OK lang…
- Okon nagatindog para kay Cristo – magpahayag sang kamatuoran – wala nagakahadlok kon ano ang ihambal sang iban!
- Wala sang tunga-tunga – nagtindog kita para kay Jesus – okon nagatindog para sa kalibutan !
- Galacia 1:10 – “Indi kamo maghunahuna nga gusto ko lang nga dayawon ako sang tawo. Indi! Gusto ko nga ang Dios amo ang magdayaw sa akon. Indi man kamo maghunahuna nga gusto ko lang magpaayon sa mga tawo, kay kon amo ina ang akon ginahimo, indi ako matuod nga alagad ni Cristo.”
- 2nd – Maghimo sang mga balibad… vs. 5-12
- Nagpadala si Ester sang eunuco para usisaon kun ano ang natabo kay Mordecai…
- Bawal ang makigkita sa reyna – amo na nga nagakomunikar sila paagi sa eunuco…
- Nagsugid si Mordecai tuhoy sa mando ni Haman – kag kun pila ang ibayad niya para ipapatay ang mga Judio…
- Kag ginmandoan niya si Ester nga magkadto sa Hari, magpakiluoy sing hanunot para sa mga kabuhi sang iya mga kasimanwa…
- Nagsabat si Ester sang iya man nga mando– indi siya magkadto sa atubangan sang Hari…
- Nahibaloan gid sang tanan – bisan sin-o nga magkadto sa Hari nga wala ginimbitar…
- Pagapatyon gid – luwas na lang kon untayon sang Hari ang iya bulawan nga setro sa iya …
- Mga 30 na ka adlaw nga wala ginpatawag sang Hari si Ester – buot sayoron indi siya gusto makita sang Hari!
- Ang iya ginahunahuna nga kon magsulod siya – amo na ina ang pinakaulihi nga butang nga obrahon niya!
- Ang pagtindog para kay Jesus – sigurado gid – nga magahimo sa aton nga puntariya sang kalibutan …
- Juan 15:18 – “Kon ginadumtan kamo sang mga tawo sang kalibutan, indi kamo dapat matingala tungod kay nahibaluan ninyo nga ako amo ang una nila nga ginadumtan.”
- Ang kalibutan naakig kay Jesus bangod nga ginakombiktar niya ang kalibutan sang sala kag kinamatarong…
- Kon indi kay Jesus makapagusto gid ang mga tawo buhat sang ila gusto himoon nga wala sang konsekwensya…
- Tungod nga GINAHIGUGMA gid sang mga tawo ang sala, kontra nila ang suga nga nagapakita sang ila pagka makasasala – Juan 3:19-20
- Yara si Jesus sa aton – kay akig sila kay Jesus – akig man sila sa suga ni Jesus nga yara sa aton!
- Amo nga indi kamo dapat makibot kon gina-atake kita…
- Kon ginayaguta kita sang tawo – gina-atake gamit ang mga masakit nga mga tinaga – tungod kay Jesus…
- Tungod wala kita nagaobra sang mga butang nga ginaobra sang kalibutan – Kag naga kombiktar sang ila sala
- Mabudlay nga magpamati sa mga komentaryo – sa mga masakit nga tinaga nga ginahambal sang tawo…
- Samtang naga handum kita nga magkabuhi kag magtindog para kay Jesus – aton mabatyagan ang kabug-at sang kaakig sang kalibutan
- Pero wala sang pagtilaw – wala sang mga komento – wala sang ari diri nga makakumpara sa paalabuton…
- Pila sa aton ang nagpangabudlay obra – ‘nag-antos’ – para sa gamay nga sweldo…
- Kag sa indi madugay wala na ang kwarta – kinahanglan ta mag-obra liwat…
- Mas maayo pa nga ‘mag-antos’ sang madali lang – pero maka-agom sang eternal / walay katapusan nga padya!
- I Corinto 2:9 -“Wala pa gid sing may nakita, nabatian, ukon nahunahuna ang tawo nga sarang maikomparar sa mga butang nga ginpreparar sang Dios sa mga tawo nga nagahigugma sa iya.”
- 3rd – Pagbaton sang panawagan… vs. 13-17
- Nagsabat si Mordecai kay Ester – indi ka maghunahuna nga maka-eskapo ka kay ara ka sa palasyo…
- Buot silingon – indi ka maghatag kompyansa sa imo nga posisyon nga rayna…
- Nga masalbar ka sa pagpatay sang mga Judio, tungod sa imo posisyon…
- Kinaandan nga pagpanan-aw – bisan sang mga tinion ni Jesus – nagahunahuna ang mga Judio nga indi sila pagahukman…
- Nagapamensar sila nga tungod nga Judio sila, maluwas na sila…
- Lucas 3:8 – “Indi kamo magsiling nga indi kamo pagsilutan tungod kay kamo mga kaliwat ni Abraham. Kay bisan ang mga bato nga ini sarang mahimo sang Dios nga mga anak ni Abraham.”
- Amo pa na magpamensar ang madamo nga tawo – nagapensar sila nga ok lang sila kay Americano sila…
- Nga daw makasaka lang sila sa langit isa ka adlaw nga dala ila passport…
- Kag ini ila mausar nga daw ”libre nga makaguwa sa prisohan” nga baraha – ang aton posisyon indi makaluwas sa aton sa paghukom!
- Kon naghipos-hipos lang si Ester – ang Dios mahimo sang lain nga paagi para maluwas ang Israel…
- Pero si Ester madula man gihapon – ayhan laragway nga nagatuhoy sa iya nga dungog…
- Mapatay gid man siya isa ka adlaw – kag wala sang makadumdom kon sin-o siya!
- Gina-usar kita sang Dios para magpalapnag sang Maayong Balita – Roma 10:14 – indi tungod nga kinahanglan niya kita…
- Gina-usar Niya kita tungod nga Iya kita ginahigugma – kag gusto Niya nga mangin kabahin kita sang Iya obra!
- Ang pamangkot, nagdesisyon bala kita nga makabaton sang kaayuhan paagi sa pakig-bahin sa obra sang Dios……
- Kay kon indi kita magbantala sang Maayong Balita – may iban nga gamiton ang Dios!
- Pero sa eternidad wala na sang iban nga madumdoman luwas sa kon ano ang aton gin-obra para sa Ginoo…
- Ang tawo nga ginbahinan mo tuhoy kay Jesus – nga mangin katupad mo sa eternidad!
- Sin-o kabalo kon basi ari ka para sa mga tion nga pareho sini…
- Buot silingon indi aksidente nga si Ester nangin rayna…
- Natagaan siya sang paagi nga makapalapit sa Hari – isa ka kahigayunan nga ginhatag sang Dios para makatindog siya para sa iya nga mga kasimanwa…
- Nagpasugot si Ester – kag nagpadala sang mensahe kay Mordecai nga ang tanan nga mga Judio magapuwasa kag magpangamuyo sa sulod sang tatlo ka adlaw…
- Magasulod siya sa presensya sang Hari – kun ini nagakahulugan nga kamatayon – handa na siya nga mapatay!
- Ginakahadlok ko nga masami kon manawag ang Dios –gusto naton magpakuno-kuno nga wrong number lang…
- Aton nga ginahaom nga wala gid sang rason nga gustohon sang Dios nga usaron kita / okon mapuslan Niya bala kita
- Pero ang simple nga kamatuoran amo nga ginabutang kita sang Dios sa lugar nga Siya ang nagpili – para sa mga tinion nga pareho sini…
- Kag ang isa lang gid ka kalipikasyon para mausar kita sang Dios – mangin handa sa kitapagsabat sa panawagan – ‘Ari ako!’
- Isaias 6:8 – “Dayon nabatian ko ang tingog sang Ginoo nga nagasiling, “Sin-o bala ang akon ipadala? Sin-o bala ang malakat para sa amon?” Nagsabat ako, “Ari ako! Ako ang ipadala.”
- 1st – Paglikaw sa problema… vs. 1-4
- 2nd – indi makontento… 5:1-14
- 1st – Ginpakahamuot… vs. 1-3
- Sa ikatatlo nga adlaw – pagkatapos sang pagpuwasa kag pagpangamuyo nagkadto si Ester sa atubangan sang Hari…
- Ginsul-ob niya ang iya puti nga roba – Ester 8:15 – nagtindog siya sa nalusod nga luwang kag nag-atubang sa Hari…
- May bugay sa iya (pabor) ang Hari kag gin-untay ang iya nga setro –kag nag-imbitar nga magsulod si Ester!
- Namangkot siya kun ano ang gusto ni Ester – bisan tunga pa sang iya kaharian ihatag niya!
- Matahum nga laragway sang bugay sang Dios – kag sang aton kaluwasan…
- Kun nagatindog kita sa atubangan sang Ginoo sa maabot nga adlaw – nagakabagay gid kita nga pamatbatan sang kamatayon…
- Pero magakari kita nga sul-ob ang harianon nga puti nga roba – Pahayag 3:5 – sa kinamatarong ni Jesus!
- Kag ang aton Hari magahatag sang bugay sa aton – kag hatagan Niya kita sang aton palanublion sa Iya nga Kaharian!
- Tungod sang bugay ginahandum sang Dios nga ihatag sa aton ang TANAN – Iya KAHARIAN- Lucas 12:32
- Bisan asta sa pagpungko naton sa tupad ni Jesus sa Iya nga trono – Pahayag 3:21
- 2nd – Nagahulat sang perfecto nga tion… vs. 4-8
- Nag-ayo si Ester nga ang Hari kag si Haman makadto sa espesyal nga sinalosalo nga handa niya…
- Gilayon nga ginpatawag si Haman – kag nagkadto sila sa sinalosalo nga ginpreparar ni Ester…
- Apang sang namaangkot liwat ang Hari kon ano ang gusto ni Ester – asta sa tunga sang iya kaharian…
- Wala si Ester naghambal – sa baylo, nag-ayo siya nga mabalik sila sa ikaduha nga salosalo
- Ngaa naghulat pa – pwede na gid siya tani maghambal – pero indi pa ang sakto nga tion…
- May mas maayo nga plano ang Dios – indi lang sa pagluwas sang mga Judio – pati na sa paglaglag sang ila nga mga kaaway!
- Ang isa sa pinakabudlay para sa aton nga mga Kristohanon amo ang – paghulat…
- Isa sa pinakamadako nga pagtilaw nga aton maagyan sa aton nga panglakaton Cristohanon amo ang pagpailob …
- Indi ko gid gusto ang maghulat – mas gusto ko pa nga mag-obra sang bisan ano – kaysa maghulat!
- Masami nga ginatilawan ta nga manghikotar sa aton kaugalingon nga paagi / aton kaugalingon nga tion…
- Talagsa lang kita makahangop nga ang Dios may mas maayo nga plano!
- 3rd – Nagapanag-iya sang tanan nga kagamitan – pero wala gihapon sang kalipay… vs. 9-14
- Matapos ang sinalosalo naglakat si Haman nga daw nalipay gid – galing nakita niya si Mordecai sa guwa nga indi man gihapon magyaub sa iya…
- Gintawag niya ang iya asawa kag mga abyan – kag ginsugid niya ang tuhoy sa tanan niya nga manggad…
- Kun paano nga ang Hari naghatag sa iya sang posisyon nga labaw sa tanan nga mga prinsipe sang Persia…
- Kag kun paano nga bisan ang rayna nag-imbita sa iya lang gid nga mag-upod sa salosalo nila upod sa Hari…
- Galing kon makit-an niya si Mordecai – tanan nga na-agom niya sa kabuhi daw wala sing kahulugan!
- Amo nga sa pagsulsol sang iya asawa – nagpa-obra siya sang 75piye ka taas nga bilitayan para kay Mordecai!
- Nakamitlang si Haman sang isa ka madako nga kamatuoran – wala sing butang sa sini nga kabuhi nga makahatag sa aton sang bug-os nga kalipay…
- Ginpamangkot si J.D. Rockefeller – ‘Pila gid ang sakto na’ – iya sabat – ‘diyutay pa gid nga dugang’…
- Kadam-an sang mga tawo nagapensar nga ang sabat ari sa kalibutan – ginaganyat kita gamit ang mga sayop nga paglaum kag mga promesa
- Kag ginabilin kita nga haw-as gid ang sulod –wala sang kakontentohan – nagapangita pa gid sang dugang!
- Natalupangdan mo bala nga ang mga butang diri sa kalibutan nagahatag sang kalipay sa malip-ot lamang nga tion…
- Kapila ka na makasiling – ‘kun may ara lang ko sang____________ malipay gid ako’…
- Kag kun makuha ta na ang gusto ta – malipayon sa malip-ot nga tion – dayon lain naman ang gusto ta…
- Kun makainom lang gid kita sang buhi nga tubig nga ginatanyag ni Jesus– maka-agom kita sang tuod gid nga kalipay!
- 1st – Ginpakahamuot… vs. 1-3
- 3rd – Paglubag sang kapalaran… 6:1-14
- 1st – Sa nakatakna nga tion… vs. 1-3
- Sina nga gab-I , indi makatulog ang Hari – amo na nga ginbasa ang libro sang mga Rekord sa iya…
- Ayhan para makabulig sa mga ulobrahon / okon basi makatuluyo nga balasahon para matulogan siya…
- Apang nabasahan ang kasulatan tuhoy kay Mordecai nga nakasalbar sang iya kabuhi – Ester 2:21
- Kag namangkot siya kon ano nga pagpasidunggog ang nahatag kay Mordecai – ang sabat wala!
- Makadulula gid kompyansa kon wala gid sang gahatag talupangod sa mga maayo nga butang nga imo ginahimo…
- Madali kita maluyahan-buot kon nagasalig kita sa iban – kag mapaslaw sila…
- Pero indi kita dapat nagasalig sa iban – ang Dios lang gid ang indi magpaslaw sa aton!
- May kapaltahan ang mga tawo – malipaton ang tawo – ang tawo pwede nga mangin mapintas…
- Pero kon magtulok kita sa Ginoo – bisan ang mga “kapaltahan’ sang iban – bahin lang sang Iya plano…
- Kag ang Ginoo nagausar sang tanan nga butang para kumpletohon ang Iya maayo nga obra sa aton kabuhi!
- Roma 8:28 – “Nakahibalo kita nga ang tanan nga nagakalatabo ginahimo sang Dios para sa kaayuhan sang mga nagahigugma sa iya, nga iya mga ginpili suno sa iya katuyuan.”
- 2nd – Indi maghaum-haom… vs. 4-9
- Sang aga, temprano pa nga nag-abot si Haman – para pangabayon ang pagpabitay kay Mordecai…
- Namangkot sa iya ang Hari – ano ang himoon ko sa isa ka tawo nga gusto ko padunggan…
- Nagsabatl siya sa Hari – ipasakay siya sa kabayo / suksok ang imo harianon nga roba / kag ang imo korona…
- Imartsa siya sa siyudad nga ginahayag – amo ini ang matabo sa tawo nga ginapadunggan sang Hari!
- Apang naghaumhaom si Haman nga siya ang ginatuhoy sang Hari – sa bagay, siya ang pinakadungganon…
- Mainalamon gid nga mag-andam sa paghaumhaom (bisan kabalo ka nga sakto ka)…
- Ang paghaumhaom daw kaangay sang bomba – isa ka sala kag malukpan gid kita!
- Kun pwede indi lang maghaumhaom – kapin na kon indi kumpleto ang aton impormasyon
- Kon indi kita mag-andam basi mahinulsol gid kita sa aton mga ginpanghambal!
- 3rd – Indi magpamatok sa Dios (okon Iya nga katawhan)… vs. 10-14
- Nagustohan sang Hari ang ideya – kag ginmandoan niya si Haman nga obrahon ina nga pagpasidungog kay Mordecai!
- Imbes nga maaprobahan nga ipabitay niya si Mordecai…
- Napilitan si Haman nga magpasuksok sang harianon nga roba kag sang korona sa iya nga kaaway – kag pasidunggan siya sa atubangan sang tanan!
- Sang nakapuli na siya – may kahuy-anan / natabunan ang ulo sa kahuya – nagsugid siya sa iya asawa / mga abyan…
- Nagpa-andam sila – kun magpadayon siya nga makig-away kay Mordecai / sa mga Judio – mangin katapusan niya na!
- Samtang nagahambal pa sila sa iya – nag-abot ang mga alagad para dal-on na siya sa ikaduwa nga pagsalo-salo upod kay Ester!
- Ang kasaysayan nagatudlo sa aton sang interesante nga leksyon tuhoy sa Israel…
- Tanan gid nga nasyon nga nagkontra sa Israel – ginpa-ubos…
- Ang Espanya gamhanan gid sa kalibutan sang 1500 – asta natabo ang inquisition – kag nadula na gid ang ila gahum
- Ang Alemanya isa man ka gamhanan sa kalibutan sang mid 20th century – nagakontrolar sang bilog nga Europa!
- Tapos natabo ang Holocaust – ang emperyo nawasak kag wala gid nagbalik ila gahum.
- Ang Englatera isa ka emperyo nga wala gina-tunodan sang adlaw – nag apin sa mga Arabo sang 1948
- Sa madali lang, nadula na sila sa entablado bilang isa ka mayor nga gahom!
- Ang Estados Unidos isa ka ginpakamaayo nga nasyon – nagasuporta sa Israel – sa subong…
- Kon mag-untat sila sa pagsuporta sa Israel – ang pagkamaayo basi mngin pagkamalaut!
- Genesis 12:3 – “ Pakamaayuhon ko ang nagapakamaayo sa imo. Pero pakamalauton ko ang nagapakamalaot sa imo. Pakamaayuhon ko ang tanan nga katawhan sa kalibutan paagi sa imo.”
- 1st – Sa nakatakna nga tion… vs. 1-3
- 4th – Ang katapusan ni Haman… 7:1-10
- 1st – Ang pangabay ni of Ester…
- Sa adlaw sang ikaduwa nga salo-salo namangkot liwat ang Hari– ano ang gusto ni Ester…vs.1-6
- Sini nga tion nagsabat siya– gusto niya ang iya kabuhi / kag ang kabuhi sang iya nga mga kapareho nga Judio…
- Tungod nga ginabaligya sila para laglagon / patyon / uboson ( mga tinaga ni Haman)…
- Pwerte ang kaakig sang Hari – sin-o ang mangahas nga magtandog sang akon Rayna – diin siya!
- Nagsabat si Ester – ang kaaway wala sang iban kundi si Haman!
- Nagtindog ang Hari sa kasingkal – kag nag-guha sa hardin…
- Kay nakita niya nga ara na siya sa problema – Naghapa si Haman sa tiil ni Ester kag nagpakitluoy sang iya kabuhi…
- Nagbalik ang Hari kag iya nakit-an nga gina-atake ni Haman si Ester – tapos na…
- Nag-ibwal siya – mangahas ka pa nga atakehon ang Reyna bisan ari pa ako sa balay!
- Gintabunan ang guya ni Haman – nagatagna sang iya sigurado nga pagbitay
- Isa ka alagad nanugid tuhoy sa 75 piye nga bilitayan nga ginpa-obra ni Haman para kay Mordecai – ang tawo nga nagsalbar sang kabuhi sang Hari…
- Nagmando ang Hari nga si Haman ang ibitay sa ini nga bilitayan !
- Manugwali 10:8 – “Kon magkutkot ka sang buho, basi kon mahulog ka…”
- Makahalam-utan nga katapusan sang isa ka malaut nga tawo…
- Siya man lang mismo ang ginbitay sa bilitayan nga iya gin-obra para kay Mordecai…
- Maathag nga laragway mga nagapakita kun ngaa indi kita dapat maghukom – kay kita man ang pagahukman – Lucas 6:37
- Kon palahukom kita sa iban – may huyog man sila nga hukman man kita…
- Kon kita madali maakig / kulang sa grasya / mapintas sa iban – amo man na ang ila pag-tratar sa aton…
- Mas maayo nga magpensar sang kaayuhan sang iban – tinguhaon nga magpakamaayo sa iban…
- Amo man nga ang iban makapamensar man sang aton nga kaayo – kag ila man tinguhaon nga paka-ayohon kita!
- 1st – Ang pangabay ni of Ester…