Making Bible Study Easy for everyoneEnglish • Hiligaynon
Back to Job
Verse-by-Verse Bible Study

Job 1

Introduction

These are the original teaching notes from this passage.

Introduction…

  • 1st – Mabinalaybayon nga mga libro…
    • 1st – Amon handum nga itudlo ang kabilugan nga Bibliya…
      • Binuhatan 20:27 – “Kay wala gid ako sing may gintago sa inyo parte sa bug-os nga katuyuan kag plano sang Dios.”
      • Ang iban nagatudlo sang Bibliya nga may topiko – kita nagatudlo sang pasunod kag kabilugan sang Bibliya…
      • Tungod sa DUHA ka benepisyo nga aton makuha paagi sa pagtudlo sang kada verse!
      • Atun makuha ang kabilugan nga laygay sang Ginoo…
      • Kung kita magatudlo sang pila lang ka mga pulong- ukon libro – indi natun mabaton ang importante nga ginapahayag sang Ginoo sa atun…
      • May huyog kita kis-a magtudlo sang topiko nga atun lang GUSTO kag wala ginasapak ang mga pulong nga INDI naton Gusto…
      • Sang san-o ang ulihi nga tion nga nabatian mo ang pagpanudlo parte kay Obadias ukon Habakuk!
      • Pero ang kada parte sang Bibliya nagapalig-on nga mga Pulong – tanan ini kinahanglan…
      • Paagi sa pagpanudlo sang bilog nga Bibliya – kada libro – kada chapter…
      • Matun-an naton ang TANAN nga PULONG – mag pokus sa mga topiko nga ginakabig sang Ginoo nga Importante!
      • Matun-an naton ang Bibliya sa konteksto …
      • Isa sa mga kinaangdan nga pamaagi sa pagtudlo sang Bibliya ang pagpili sa pila lang ka bersikulo…
      • Ang delikado sa paghimo sina WALA ka kabalo sang KONTEKSTO sang ina nga mga bersikulo…
      • Hapos lang islan ang buot silingon sang kada bersikulo kun ini ginkuha nga wala sa KONTEKSTO!
    • 2nd – Estilo sang Pagsulat…
      • Kabalo kita nga ang Bibliya gintunga sa DUHA ka bahin – Daan nga Kasulatan/ Bag-o nga Kasulatan…
      • Pero ang Bibliya gintunga pa gid paagi sa ESTILO sa pagsulat…
      • May APAT ka Estilo sa pagsulat sa Bibliya: Kasaysayan / Binalaybay / Propesiya / Doktrina…
      • Ang Daan kag Bag-o nga Kasulatan wala nagpasunod sang mga hitabo – kundi ginplastar paagi sa ini nga mga estilo!
      • May ANUM ka mabinalaybayon nga libro sa Bibliya – tanan makit-an sa Daan nga Kasulatan…
      • Job / Salmo / Hulubaton / Manugwali / Kanta / Panalambiton…
      • Ang Binalaybay wala nagasugid sang ISTORYA – ukon nagasugid sang aton buhaton – nagapahayag ini sang EMOSYON sang Bibliya!
      • Ang Bibliya indi tulun-an nga libro – Ang Ginoo indi lang interesado sa pagsugid sa atun parte sa Iya…
      • Ang Libro sang Binalaybay nagapakighambal sa aton EMOSYON – nagapapukaw sa aton imahinasyon!
  • 2nd – Sin-o nagsulat sang Libro sang Job…
    • Dako nga inspirasyon ang Balaan nga Espiritu – Ang Balaan nga Kasulatan – II Timoteo 3:16
    • Pero kung sin-o ang tawo nga nagsulat – INDI ta sigurado…
    • Ang Jewish Talmud naghambal nga si Moses ang isa sa mga nagsulat sang libro – pero wala ini napamatud-an…
    • Ang libro ka DUHA ginsambit sa Bag-o nga Kasulatan – Roma 11:35 / I Corinto 3:19
    • Kabalo kita nga si Job MATUOD nga Tawo – Ezekiel 14:14 / Santiago 5:11
  • 3rd – Tema sang libro…
    • May DUHA ka TEMA ang Libro ni Job…
    • 1st – MALAIN nga mga butang ang nagakatabo sa MAAYO nga mga tawo…
      • Si Job maayo GID nga tawo – pero nadula ang TANAN sa iya – iya manggad / iya pamilya / iya maayong lawas…
      • Kis-a nagapamangkot kita nga-a ginatugutan sang Ginoo nga mag abot ang kabudlayan sa tawo nga palangga Niya…
      • Antes sang mga pagtilaw si Job nakabalo lang parte sa Ginoo – pagkatapos sang mga pagtilaw nakita niya mismo ang Ginoo!
      • Job 42:5 – “Sadto anay nabatian ko lang sa iban ang parte sa imo, pero subong nakita ko mismo ikaw.”
      • Masami naton ginahuna-huna nga ang mga malain na butang nagakatabo lang sa mga malain na tawo – nabatun mo ang nagakadapat sa imo…
      • Pero ang matuod ginatugutan sang Ginoo ang malain nga butang nga matabu sa Maayo nga mga tawo – sa mga tawo nga PALANGGA Niya…
      • Kay kung ara kita sa kabudlayan dira kita magahibi kag magapalapit sa Ginoo!
      • Hebreo 12:6 – “Kay ginadisiplina sang Ginoo ang iya mga ginapalangga, kag ginahanot niya ang tanan nga ginakabig niya nga iya mga anak…”
    • 2nd – Ang Malain na mga butang indi perme resulta sang pagpakasala…
      • Bisan pa nakit-an naton nga ang TATLO ka abyan ni Job nagtinguha kag nagkumbinsi sa iya…
      • Nagapati sila nga ISA lang gid ka rason nga ang mga MALAIN nga butang nagakatabo – tungod sa mga SALA nga desisyon…
      • Si Job WALA may ginhimo nga malain – makita naton ini sa pagtamod halin sa Langit sa Kapitulo 1-2!
      • Ang mga Disipulo ni Jesus may pareho man nga pagpati…
      • Nakakita sila sang tawo nga bulag halin sa iya pagkatawo…
      • Juan 9:2 – “Ginpamangkot si Jesus sang iya mga sumulunod, “[Manunudlo], kay sin-o bala sala nga natawo siya nga bulag? Iya bala sala ukon sala sang iya mga ginikanan”
      • Wala sila nagsiling nga ang tawo nakasala antis pa siya matawo…
      • Ang ideya nga ang Ginoo nakabalo na sang mga sala nga himuon pa lang sang tawo –
      • The idea is God knew the sins the man would commit – amo na nga silutan na daan siya!
      • Mabudlay gid ini nga pamangkot – nga-a may mga lapsag nga nabun-ag nga may deperensiya / ukon nagakahulog…
      • Matuod gid nga ANTES mag abot sang sala sa kalibutan wala pa sang kasakit kag mga masakit…
      • Kag ina nga sala ang UGAT sang tanan nga pag antos kag mga masakit – Genesis 3
      • INDI buot silingon nga ang Ginoo nagasilot sa mga lapsag tungod sa mga sala nga ila pagahimuon pag abot sang tion…
      • Ang buot silingon sina nga ang Ginoo may plano nga indi naton pirme mahangpan…
      • Ang plano nga wala na sentro sa ini nga Kabuhi diri sa kalibutan – kundi Kabuhi nga wala sing katapusan sa Langit!
      • Ginhambalan ni Jesus ang iya mga Disipulo – para nga ang gahom sang Diyos makit-an…
      • Sa masami ginalimitahan natun ang Ginoo sa aton nga mga kaugalingon nga mga paagi- nagahuna-huna kita nga ang Ginoo nagakinahanglan sang atun desisyon…
      • Sa masami nagahuna-huna kita nga ang mga MALAIN nga butang nagakatabo lang tungod sa SALA – nabatun nimo ang nagakadapat sa imo…
      • Pero ang matuod ang Ginoo nagatugot nga ang mga MALAIN nga butang matabo sa mga inosente nga mga tawo…
      • Bangud kay ang Ginoo may mga plano – nga wala gid naton ginahuna-huna – sa IYA lang nga pamaagi indi sa aton…
      • Kung ginapanumdum naton nga ang Ginoo limitado sa aton nga mga pamaagi – magamuhan gid kita…
      • Ukon mangin wala sing pulos ang mga pagpanghikot nga ginahimo sang Ginoo sa aton nga kabuhi!
      • Isaias 55:8-9 – “‘Ang akon panghunahuna indi pareho sa inyo panghunahuna, kag ang akon pagginawi indi pareho sa inyo pagginawi…”
  • 4th – Lugar ni Job…
    • Job 1:1 – nagahambal sa aton nga ini tanan natabu sa duta sang Uz…
    • Uz – [עוּץ]8x sa Daan nga Kasulatan – buot silingon makahoy nga lugar…
    • Una nga ginsambit sa Genesis 10:23 – si Uz apo ni Shem (bata ni Noah) …
    • Pero iban pa dira wala ta kabalo kung sa diin nahamtang ang Uz!
    • Sa makahalam-ot nga bahin – kung magtan-aw ka Wizard of Oz sa Hebrew – ginatawag ini nga Duta sang Uz!
  • 5th – sang san-o ginsulat ang libro nga Job…
    • WALA kita nakasiguro – pero basi ini ang PINAKADAAN nga libro sa Bibliya…
    • Ang iban nagapati kay Jobab – isa pa ka ngalan ni Job – Genesis 10:29
    • Nagkabuhi si Job sing 140 pa ka tuig – Job 42:16
    • Ang kalawigon sang iya kabuhi nagsibu man sa kabuhi sang mga tawo pagkatapos sang Anaw…
    • Ginapakita sini nga si Job katubo-tubo ni Tatay Abraham!
  • 6th – nga-a ginsulat ang libro nga Job…
    • Kung ibutang naton ang aton PAGTUO sa Ginoo – Malampuwasan naton ang BISAN ANO nga mga pagtilaw!
    • Tanan kita magaagi sa mga kabudlayan sa aton tagsa ka mga kabuhi…
    • Ang pamangkot ano ang aton pundasyon – sa diin natun ginabutang ang aton PAGTUO…
    • Mateo 7:24 – “Gani ang bisan sin-o nga nagapamati kag nagatuman sang akon mga ginatudlo, pareho siya sa tawo nga maalam nga nagpatindog sang iya balay sa pundasyon nga bato…”
    • Ang mga unos hinali lang nga nagaabot – sa tion nga indi na kita makapreparar pa…
    • Ang aton na lang paglaum nga makatukod kita sang aton kabuhi sa malig-on nga pundasyon!
    • Kag kung madula ang TANAN – kabalo kita nga ang Ginoo nagaaman gid para sa aton…
    • Kag kung MAGMASAKIT kita – ang Doktor nagahatag sa aton sang indi maayo nga balita -kabalo kita kung sin-o ang Gamhanan nga Manugbulong …
    • Bisan ano man nga kabudlayan ang aton maagyan – wala kita sang dapat kahadlukan –
    • Roma 8:28
    • 7th – Outline of Job…(Mga Balayan sa pagtuon sang libro ni Job…)
      • 42 ka mga Kapitulo / 1070 ka mga bersikulo – sa libro n Job
      • Balayan – TINGUHAAN naton kag tuptupan ang 1-4 ka Kapitulo sa kada semana…
      • 1. Kapitulo 1-2 – Ang paghambalanay sa Langit…
      • 2. Kapitulo 3-37 – Ang kaalam sang tawo…
      • 3. Kapitulo 38-42 – Ang kaalam sang Ginoo!
      • Nadula ang tanan… (4 points)
  • 1st – parte kay Job… vs. 1-5
    • 1st – Ginadumtan amo ang iya ngalan… vs. 1
      • Ang ngalan nga JOB [אִיּוֹב] – buot silingon GINADUMTAN – sa Hebreo literal nga mabasa nga – Ginadumtan amo ang iya ngalan…
      • Ang pamangkot karon mangin – sin-o ang NAGADUMOT kay Job…
      • Sa una nga pagtan-aw makahuna-huna kita nga ang Ginoo INDI nanamian sa iya…
      • Makita naton – Ginatugutan sang Ginoo nga ang Malain nga mga butang matabo kay Job!
      • Pero si Job INDI kaaway sang Ginoo – GINADUMTAN siya ni satanas – Tungod si Job…
      • Wala sing KASAWAYAN kag MATARONG – nagkabuhi siya sang MAAYO nga kabuhi – subong isa ka tawo [ginpadako sa Orihinal nga Hebreo] …
      • May KAHADLOK siya [adhetibo] sa GINOO – nagakahulugan nga ini iya kinaugali sa pagsimba sa Ginoo…
      • Naglikaw siya[participle] sa KALAUTAN – ginahimo niya ang iya bug-os nga ikasarang para maglikaw sa sala!
      • Bisan pa sa gihapon WALA SING PULOS – ang tinaga nga GINOO pangkabilugan nga termino [אֱלֹהִים] …
      • Si Job INDI magagamit sang personal nga pangalan para sa Ginoo [יְהוָה] asta pagkatapos nga GINTILAWAN siya!
      • Para mangin ABYAN sang Ginoo…
      • Juan 15:18 – “Kon ginadumtan kamo sang mga tawo sang kalibutan, indi kamo dapat matingala tungod kay nahibaluan ninyo nga ako amo ang una nila nga ginadumtan.”
      • Ang nagakabihi sang MAAYO nga kabuhi – GINADUMTAN sang aton nga kaaway…
      • Kinahanglan naton mabal-an – kun Nagakabuhi kita kay Jesus – GINAPUNTARIYA gid kita sang yawa!
      • Makapat-od kamo – kung kita nagatindog para kay Jesus – si satanas nakakilala kung sin-o kita…
      • Magakari siya para testingan kita – pagatilawan kita – agod makita niya kun bala yara pa kita sa Pagtuo…
      • Tinguhaan niya kag paluyahon– ipalayo niya kita kay Jesus!
    • 2nd – Wala ang AMAY… vs. 2 / 4-5
      • Si Job may PITO ka bata nga lalaki kag TATLO ka bata nga babayi…
      • Kinabatasan na sang iya mga bata nga lalaki ang magbulos-bulos hiwat sang punsyon – kag ginaimbitar ang mga utod nila nga babayi.
      • PUNSYON – [מִשְׁתֶּה] – naghalin sa tinaga nga para MAG-INOM ukon MAGPAHUBOG…
      • Nagapakita nga ang iya mga bata mahilig sa kasadyahan!
      • Ginpamatud-an sang iya ginsiling sa – vs. 5 – ang KASADYAHAN nagatapos sa pila ka mga INADLAW!
      • Si Job GINATINLUAN ang iya kabataan…
      • PAGTINLO – [קָדַשׁ] [piel] – nagahalad siya sang mga SUNOG nga halad para sa tagsa niya ka bata…
      • Mahimo ayhan – nahubog na sila– kag ginapakamalaot ang Ginoo sa ila tagipusuon…
      • MASUBO nga si Job nagtinguha nga luwason ang iya mga bata paagi sa paghalad para sa ila…
      • Sa baylo nga tudluan sila para makabalo kag higugmaon nila ang Ginoo nga MAKALUWAS sa ila!
      • Madamo ako kilala nga mga ginikanan nga NAGSAKRIPISYO para sa ila kabataan – para matagaan sila sang MAAYO nga kabuhi…
      • Pero wala nila matalupangdan ang Pinakadako nga REGALO nga pwede nila mahatag -amo ang MAKILALA si Jesus!
    • 3rd – Pinakabantog nga tawo… vs. 3
      • Si Job MANGGARANON – may ara siya MADAMO nga mga sapat…
      • 7000 ka mga Karnero / 3000 ka mga Kamelyo / 500 ka paris sang mga Baka / 500 ka Asno nga mga babayi…
      • Pinakamanggaranon[גָּדוֹל] / Pinakabantog nga tawo sa sidlangan – sa tawhanon nga pagtamod [emphasized in the Hebrew]
      • Pero aton mahibaluan –ang kuwarta INDI ang butang kun sa diin naton ibutang ang aton Pagtuo…
      • Ang kuwarta madula pareho sa kadasigon sang ini nag-abot – ang Ginoo lang gid ang BATO nga wala nagabag-o!
      • Hulubaton 11:28 – “Mapaslawan ang tawo nga nagasalig sa manggad, pero ang matarong magauswag pareho sa nagalambo nga tanom.”
  • 2nd – Ang pamangkot… vs. 6-12
    • 1st – Mga Anak sang Dios… vs. 6-7
      • Ang mga Anak sang Dios nagtipon para magpresentar sang ila kaugalingon sa atubangan sang Ginoo…
      • Mga Anak sang Dios [בְּנֵי הָאֱלֹהִים] – ang tinaga gingamit sa paglaragway sa mga ANGHEL…
      • Gingamit lang sa Job 1:6 / 2:1 / 38:7 – kag sa Genesis 6:2-4
      • Nalakip sa ila si SATANAS [הַשָּׂטָן] – ANG MANUGPASIBANGOD!
      • SATANAS [שָּׂטָן] – gingamit lang 14x sa Daan nga Kasulatan para maglaragway sang aton KAAWAY – 11x sa libro sang Job!
      • Sin-o si SATANAS…
      • Ang kalabanan nga pagtan-aw kay satanas may pula nga sungay – nagauyat sang tinidor nga inugkahig – malaw-ay nga sapat..
      • Pero ang ina nga paglaragway naghalin sa Griegong dios nga si Pan -dios sa kalibutan sang mga patay…
      • Subong man si satanas nagpalapta sang ini nga pagpaanggid sa iya – para indi siya makilala sang mga tawo!
      • Si satanas indi malaw-ay – gintuga siya sang Ginoo nga nagahalimbawa sa perpekto nga pagkatahom…
      • Ezekiel 28:12 – “Sadto anay isa ikaw ka halimbawa sang pagkaperpekto. Maalam ka kag matahom gid…”
      • Bisan si Paul nagahambal nga si satanas nagapakuno-kuno nga Anghel sang kasanag – II Corinto 11:14
      • Posible man nga siya ang lider sang pagsimba sa langit– sa malip-ot lang nga tion – Ezekiel 28:13
      • Sang si LUCIFER – nagrebelde batok sa Diyos – Isaias 14:12-14
      • 1/3 sang tanan nga Anghel [stars] nagrebelde man kaupod kay satanas batok sa Diyos – Pahayag 12:4
      • Pila ka mga Anghel ang nag-upod – wala ta kabalo – pero indi maisip– Hebreo 12:22
      • Bilang resulta – gintagbong sila sang Ginoo pagguwa sa langit -kag gintapok sa kalibutan!
      • Lucas 10:18 – “[Si Jesus] nagsiling sa ila, “Nakita ko ang pagkahulog ni Satanas halin sa langit nga daw kilat kadasig…”
      • Si satanas kag ang mga anghel nga nag sunod sa iya dayun nga nag-antos sang pagtimalus tungod sang ila pagrebelde sa Ginoo…
      • Si satanas indi tupong sa Ginoo – Ang Ginoo wala sing katupong – ang Diyos ang labing gamhanan batok kay satanas!
      • Mahimo nga – si SATANAS gintugutan nga makabalik kag magduaw…
      • Ang Ginoo nagpamangkot kay SATANAS – sa diin ka naghalin…
      • Ang iya sabat – Naglibot-libot sa kalibutan – nagatan-aw sa tanan nga nagakalatabo…
      • Nagatan-aw siya – kag nagapangita – sang higayun para AKUSAHAN kita!
      • Si satanas ang aton kaaway – pareho sa nagangurob nga leon nga nagatinguha sa pagtukob sa aton – I Pedro 5:8
      • Si satanas naga-akusar sa aton – luyag niya nga makita kita nga ginasunog sa impyerno – Pahayag 12:10
      • May ara siya sang mga pamatuod – ang aton tanan nga sala – malaba nga listahan sang aton mga kapaslawan…
      • Pero si Jesus NAGTINDOG para sa aton – nag-abot para apinan kita – nagpakita siya sang simple lang nga kamatuoran…
      • Ang aton mga sala nabayaran na sing bug-os sa krus – napamatud-an nga WALA kita sala!
      • Colosas 2:13-16 – “May salabton kita kuntani sa Dios tungod nga indi naton matuman ang iya mga kasuguan. Pero gindula ini sang Dios paagi sa pagpalansang ni Cristo sa krus, gani indi na kita pagsilutan. Didto man sa krus ginpierdi sang Dios ang mga espiritu nga nagahari kag may awtoridad, kag ginpakita niya sa tanan nga sila nabihag na niya.”
    • 2nd – Pader sang pag-amlig … vs. 8-10
      • ang Ginoo Nagsiling kay satanas – Natalupangdan mo bala ang akon alagad nga si Job…
      • NATALUPANGDAN[שׂוּם] – pamangkot – gindapatan na bala nimo siya sing mapintas sang imo mga kamot…
      • Bangud – wala sing pareho sa iya sa kalibutan – wala sing kasawayan – nagakabuhi sa iya bug-os nga integridad…
      • May KAHADLOK siya sa Ginoo[אֱלֹהִים] kag nagalikaw sa paghimo sang malain!
      • Buot silingon – ang Ginoo nakabalo na nga si Job gina TARGET na ni satanas!
      • Si Job may maayo nga rason para MAGKAHADLOK sa Ginoo – nakabulig gid sa iya…
      • Ginpakita ni SATANAS nga ang Ginoo nagbutang sang PADER sang Pag-amlig sa palibot ni Job…
      • PADER [verb] – Ang Ginoo nag Pader kay Job sa tagsa ka bahin sa iya palibot – si SATANAS INDI makatandog sa iya!
      • Ang resulta GINPAKAMAAYO ang Ginoo [piel] tanan nga gintandog ni Job – ginpamanggaranon siya!
      • Ini nagasabat sa importante GID nga pamangkot – si SATANAS ayhan makapalapit sa aton / makahalit sa aton…
      • Ang MAKATILINGALA nga sabat INDI – WALA siya ginatugutan nga MAGTANDOG sa aton…
      • Bangud kay ang Ginoo para sa aton – ang aton kaaway WALA padaug sa aton– Roma 8:31
      • Bangud si Jesus ara sa aton – WALA gid sang makahalit sa aton – I Juan 4:4 / Isaias 54:17
    • 3rd – Ang Pagtilaw… vs. 11-12
      • Kuha-a ang TANAN nga ara sa iya [imperative] – kag sigurado gid nga pakamalauton ka niya…
      • Ang PAGTILAW nga ginpangabay ni satanas – para mapamatud-an ang MOTIBO sang pagkamainunungon ni Job…
      • Si Job INDI MAAYO nga tawo – nagsunod siya sa Ginoo para sa iya kaugalingon nga Benepisyo…
      • Kung kuha-on sang Ginoo ang mga PAGPAKAMAAYO –pakamalauton daun ni Job ang Ginoo!
      • Mahimo mo sya nga TILAWAN…
      • Si Satanas gintugutan nga himuon ang BISAN ANO[ibutang ang iya kamot] sa TANAN nga butang nga iya gina PANAG-IYAHAN…
      • Pero si Satanas INDI makahalit nga pisikal kay Job – para naman ina sa masunod nga inadlaw!
      • INDI ini pagkalimti – WALA sang may matabo kay Job – BATUNON naton kung ano ang gintugutan sang Ginoo…
      • Buot silingon TANAN nga nagakalatabo sa aton – salaon anay sa mga tudlo sang Ginoo!
      • WALA sang mga aksidente – wala sang butang nga natabuan lang – ang Ginoo GAMHANAN labaw sa tanan…
      • Basi gusto naton BASULON si satanas – maakig sa mga tawo sa aton palibot…
      • Pero ang kamatuoran nga ang mga butang nagakatabo sa aton – ini may PAHANUGOT halin sa Ginoo!
  • 3rd – pagkadula sang tanan… vs. 13-19
    • 1st – Pagkadula sang manggad… vs. 14-17
      • Si Satanas wala na nag-usik pa sang tion…
      • May mensahero nga nag-abot sa balay ni Job nga may dala nga MALAIN nga balita…
      • Mga SABEANHON [שְׁבָא] – ginkawat ang iya mga baka kag mga asno – ginpamatay man ang iya mga tinawo sa uma[suluguon] …
      • Mahimo kuntani nga ibasol ini ni Job sa iya mga TINAWO – mga malaut na tawo nga WALA nakakilala sa Ginoo!
      • May IKADUHA nga mensahero nga nag-abot samtang ang nauna nagahambal pa…
      • May KALAYO halin sa LANGIT nga nahulog kag ginsunog ang tanan nga karnero kag tanan nga manugbantay…
      • Si Job INDI makabasol sa mga TAWO – nagapakita nga halin ini sa Ginoo [langit]!
      • May IKATATLO nga mensahero nga nag-abot samtang ang ikaduha nagahambal pa…
      • Tatlo ka grupo sang mga KALDEANHON [כַּשְׂדִּים] nagsalakay kag ginpangdala ang mga kamelyo – ginpamatay ang mga suluguon!
      • Hinali lang – nadula ang TANAN kay Job – ang tanan niya nga manggad NADULA!
      • Nag-abot sa nagkalain-lain nga pamaagi – pero ang tanan ISA lang ang ginhalinan – si SATANAS!
      • Efeso 6:12 – “Kay ang aton kaaway indi mga tawo, kundi ang malaot nga mga espiritu nga nagapamuno nga may gahom. Ini sila nagahari sa kalautan nga ara sa kalibutan, kag ara man sila sa ibabaw.”[NLT]
      • Masami sa aton kabuhi gakalipat kita kung sin-o gid ang matuod nga KAAWAY – gakabuyo kita sa pagtan-aw sa iban na tawo…
      • Pero sila mga Puppet lang – ginasugo lang kung ano ang ila ihambal kag kung ano himuon sang dios sining kalibutan…
      • Ang solusyon magkadto sa kon sin-o ang nagakontrol – salakayon ang ugat sang problema!
      • Pagkuha sang matuod nga problema paagi sa pagpaguwa sang mga dalagku nga armas – amo ang Pagpangamuyo kag ang Pulong!
      • II Corinto 10:3-5 – “Kami matuod mga tawo man lang, pero sa amon pagpakig-away sa mga nagakontra sa kamatuoran, wala kami nagasalig sa amon kaugalingon nga ikasarang, kundiang gahom sang Dios amo ang armas nga amon ginasaligan. Amo ina ang amon ginagamit sa pagdaog sa sala nga mga rason sang mga tawo nga bugalon kag indi magpati sa mga pagpanudlo sang Dios.…”
    • 2nd – Pagkadula sang Pamilya… vs. 13 / 18-19
      • Ang IKAAPAT nga mensahero nag-abot samtang ang ikatatlo nagahambal pa…
      • Samtang nagapunsyon ang PULO ka mga anak ni Job [naga-inom sang alak] sa balay sang ila kamagulangan nga utod…
      • Isa ka mabaskog nga hangin [רוּחַ גְּדוֹלָה] ang nag-abot halin sa desierto – mahimo kita magsiling nga isa ka buhawi…
      • Ang balay narumpag kag napatay ang tanan nga bata ni Job!
      • Ang pagkadula sang imo tanan nga ginapanag-iyahan isa lang ka butang – pero kung madula ang imo kabataan…
      • Sa tanan nga tion mabudlay gid ini batunon –pero ginatugot sang Ginoo…
      • Ang kwarta kag ang manggad sarang maislan– asta sa ulihi nga bahin sang kabuhi Job – Job 42:12
      • Pero ang Anak INDI maislan – bisan pa Si Job may anak nga sobra pa sa NAPULO – John 42:13
      • Paano nga ang Ginoo nga nagpalangga kay Job – magatugot kay satanas nga patyon ang iya mga anak!
      • Wala kita kabalo kung ano ang matabo sa aton buwas – ang kabuhi LIP-OT lang – Santiago 4:14
      • Basi mapatay kita 50 ka tuig halin subong– ukon basi subong na ang aton adlaw– WALA kita nakabalo…
      • Sa ulihi ang kabuhi indi lang parte sa Pagkabuhi – indi lang ini parte sa tinion nga may-ari kita diri…
      • Ang kabuhi parte sa aton desisyon – parte ini sa aton nga desisyon kun sa diin kita magkabuhi nga wala sing katapusan!
      • II Corinto 6:2 – “Gani pamati kamo! Karon gid ang husto nga tion nga luwason kita sang Dios.”
  • 4th – nagadayaw sa ginoo… vs. 20-22
    • 1st – Hublas… vs. 20-21
      • Ang masunod isa ka dalayawon nga pag-uswag…
      • Si Job nagtindog [pagpasunod] – kag gin-gisi niya ang iya bayo sa kasubo [pagpasunod] – ginpakiskisan niya ang iya ulo [pagpasunod]
      • Naghapa siya sa duta [pagpasunod] – sa pagsimba sa Ginoo [pagpasunod]!
      • Nagkasubo gid siya sa balita nga nadula ang tanan nga mga gina PANAG_IYAHAN niya diri sa kalibutan…
      • Pero naintindihan niya ang pinaka importante nga INDI makuha sa iya…
      • Wala sang bisan sin-o nga makakuha sang Ginoo nga ara sa iya – makasimba gihapon siya sa Ginoo!
      • Ang kabuhi INDI lang parte sa kung ano ang aton mga gina PANAG-IYAHAN…
      • Natawo ako nga wala sing dala – kag mapatay man ako nga wala sing dala…
      • Ang Ginoo ang naghatag sang tanan nga ara sa akon – kag siya man ang nagkuha sini…
      • Dalayawon ang ngalan sang Ginoo!
      • Takus talupangdon – makita naton nga sa una nga higayon gingamit ni Job ang ngalan sang Ginoo [יְהוָה] …
      • Ini bangud nadula ang tanan sa iya – NAGPALAPIT siya kag nagtawag sa ngalan sang Ginoo!
      • Sang matawo kita – wala kita sing dala – kag kung mapatay kita – wala man kita sing dala…
      • Gani bisan pa may ara kita sang damo nga pagkabutang – kwarta sa kalibutan – indi ini magdugay…
      • Indi buot silingon nga indi na kita magpangabudlay – buot silingon magpangabudlay kita para sa Ginoo…
      • Magtinguha asta makuha naton ang manggad nga wala sing katapusan nga aton maagom tungod nga kita nagkabuhi para sa Ginoo!
      • Manugwali 5:15 – “Natawo kita nga wala sing dala, kag mapatay kita nga wala man sing dala. Wala gid kita sing may madala sa aton nga ginpangabudlayan.”
    • 2nd –Si Job WALA makasala… vs.22
      • Sa sining tanan nga hitabo – Si Job WALA makasala paagi sa pagbasol [binuang nga pag-akusar] sa Ginoo…
      • Panumduma maayo ini – kung si Job nagbasol sa Ginoo sa PAGTUGOT sang tanan nga MALAIN nga butang sa iya kabuhi…
      • Kuntani NAKASALA siya – binuang nga pag-akusar sa Ginoo!
      • Pero – NAGBAIS kami – ang Ginoo ang dapat sa tanan nga natabo kay Job…
      • Kung wala kuntani Niya gintugutan si satanas – wala ini tanan nagkalatabo!
      • Oo – pero ang Ginoo WALA nagsulay kay Job nga magkapasala…
      • Santiago 1:13 – “indi kita magsiling nga ginasulay kita sang Dios. Ang Dios indi masulay sa paghimo sang malain, kag wala siya nagasulay bisan kay sin-o.”
      • Ang Ginoo nagtugot nga mag-abot ining mga kalamidad kay Job – para MAKILALA niya ang Dios…
      • Ang mga kabudlayan nga gintugot sang Ginoo nga mag-abot sa aton kabuhi indi para PATIG-AHON kita…
      • Kundi para mangin MAPAINUBUSON kita – para matun-an naton magtawag sa ngalan sang DIOS!