Making Bible Study Easy for everyoneEnglish • Hiligaynon
Back to 1 Samuel
Verse-by-Verse Bible Study

I Samuel 1-2

A Hiligaynon study of I Samuel 1-2 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Introduction…

  • ang bug-os nga katuyuan sang Dios
    • Amon handom nga itudlo sa inyo ang kabilugan nga Bibliya – Genesis hasta sa Pahayag
    • Binuhatan 20:27 – “Kay wala gid ako sing may gintago sa inyo parte sa bug-os nga katuyuan kag plano sang Dios.”
    • Natapos na naton ang Ruth – kag padayunon naton ang Libro sang I Samuel…
    • Na kompleto naton ang 5 ‘libro sang layi’ Genesis – Deuteronomio…
    • I Samuel ang ikaapat sa 12 ka libro sang History sang Israel sa Daan nga Kasugtanan…
    • ang ‘outline’ sang I Samuel…
    • May ara 31 ka chapters ang libro sang I Samuel…
    • Tun-an naton 1-2 ka chapter sang libro kada semana…
    • Chapters 1-8 – ang propeta nga si samuel – ang kalaglagan sang linya sang aeronic – kag pagbangon sang mga hari…
    • Chapter 9-15– haring saul – ang paghari sang una nga hari sang israel…
    • Chapter 16-31 – Ang paghari ni haring david – ginsikway sang Ginoo si Saul bilang Hari sang Israel…
      • Gingamit sang Ginoo ang bataon nga manugbantay sang karnero – kag ginpili siya bilang sunod nga Hari…
      • Pero indi magpasugot si Saul – kag gin tilawan niya nga lagson kag patyon si David…
      • ang bug-os nga libro sang i samuel…
    • Nagapadayon ang libro nga I Samuel pagkatapos sang libro nga Hukom…
      • Mga 350 ka tuig pagkatapos ang una nga pagsulod sang Israel sa Duta sa ginapangunahan ni Josue…
      • Ang libro nagsugod parte sa istorya sang duha ka ulihi nga hukom sang Israel – si Eli kag Samuel…
      • Natapos ang libro halin sa Hukom – pakadto sa Hari sang Israel…
    • Sin-o nagsulat sang libro nga I Samuel…
      • Indi si Samuel ang nagsulat sang libro – I kag II Samuel…
      • Sa pagkamatuod ang iya kamatayon nalista bilang parte sang history sa libro nga I Samuel 25…
      • Kapila makita ang iya pangalan sa libro tungod grabe siya ka makagagahum sang una…
      • Ang tunga sang I Samuel parte tanan sa propeta – kag kon paano ginpili si Saul kag David…
      • Ang bilin sng libro kag ang II Samuel gindedikar sa pagsunod kay Haring David…
      • The Latin Vulgate labels the books – the I / II / III / and IV book of Kings
    • Para kay sin-o ang ginsulat ang ini nga libro…
      • Si Samuel ang ulihi – kag basi pinakabaskog – nga hukom sang Israel…
      • Pero ang mga katawhan gusto mangin pareho sa iban nga nasyon – gusto nila sang hari…
      • I Samuel 8:5-7 – “Nagsiling sila sa iya, “Tigulang ka na; kag ang imo mga anak wala nagasunod sa imo pagginawi. Karon, hatagi kami sang har inga magpangulo sa amon, pareho sang iban nga mga nasyon nga may hari.” Pero naglain gid ang buot ni Samuel sa ila ginapangayo, gani nagpangamuyo siya sa Ginoo. Kag nagsiling ang Ginoo sa iya, “Tumana ang ginahambal nila sa imo; indi ikaw ang ila ginsikway kundi ako.”
      • Ang libro ginsulat para ipakita kon ano ang matabo kon sundon naton ang ‘iban nga nasyon’
      • Bilang isa ka kristohanon indi kita dapat pareho sa kalibutan – lain kita…
      • Ginasunod naton ang Pulong sang Ginoo – indi ang kalibutan – kag amo ini ang nagaseparar sa aton sa ila…
      • May ara gid permi sang pagsulay kon gusto naton mag-upod sa kadam-an – para batunon kita nila…
      • Gintawag kita sang Ginoo para mangin lain nga tawo – I Pedro 2:9 – indi kita dapat mag-upod sa iban!
      • Amo ini ang nagahatag sa aton sang oportunidad nga magsugid sa iban parte sa paglaom nga may ara kita… I Pedro 3:15

ang pagkatawo ni samuel… (3 ka butang)

  • 1st – Wala si hana sang bata… v. 1-18 basaha: I Samuel 1:1-18
    • Ang tawo nga halin sa Efraim – si Elkana – may ara duha ka asawa… vs. 1-8
    • Si Penina (alahas) kag Hana (grasya) – indi gusto ang isa kag isa…
      • Wala ginadilian sang Daan nga Kasugtanan nga mag asawa sang damo – sa Bag-o nga Kasugtanan lang – Mateo 19:5…
      • Tungod nga ang original nga plano sang Ginoo amo isa ka lalaki kag isa ka babayi – Adan kag Eba…
      • Ang pagpang asawa sang madamo nga ara sa Daan nga Kasugtanan – nagadala permi sang dako nga problema…
      • Bisan ang mga manunudlo nag abot sa pagtudlo nga ini kontra sa Layi sang Ginoo para sa mag asawahay!
      • Nalista sa Bibliya kon ano ang ang ginhimo sang mga tawo – husto ukon malain…
      • Kay tungod indi husto ang mga butang nga ara sa ‘Libro sang Kasaysayan’…
      • Dapat magtan-aw kita sa libro sang Dokrina para mahibaluan kon ano ang maayo nga ehemplo!
    • Kada tuig nagakadto si Elkana sa Shilo sa pagsimba kag paghalad sa Ginoo (piesta)…
      • Ginapartida ni Elkana ang bahin sang iya halad sa iya mga asawa kag kabataan…
      • May ara kabataan si Penina – gani magabaton siya sang madako nga bahin…
      • Si Hana wala bata – pero GINAHIGUGMA siya ni Elkana – gani ginadoble niya ang iya bahin…
      • Pero ginapaakig ni Penina si Hana – hasta nga maghibi si Hana…
      • May ara si Hana sang paghigugma – pero si Penina may ara sang kabataan – wala sa ila sang kontento!
    • Kaladlawan lang nga indi kita mangin malipay sa kon ano ang ara sa aton – kundi ang wala sa aton…
      • Basi manggaranon na kita – pero nagatulok gihapon kita sa mas manggaranon sang sa aton…
      • Imbes nga magpasalamat tungod may ara kita sang ginasuksok – mas gusto pa naton sang nami pa gid nga bayo…
      • Imbes nga mangin mapinasalamaton kita sa aton obra – gusto naton mas nami pa gid nga obra…
      • Ang kaibog parte sa pagkagusto – indi kontento sa bisan ano nga ara sa aton…
      • Kon magkaibog kita – bisan ano pa ang ara sa aton – makita gihapon naton kon ano ang wala sa aton…
      • Kon mag focus kita sa kon ano ang wala sa aton – mangin miserable ang aton nga kabuhi…
      • Kon mangin mapinasalamaton kita – bugayan kita!
    • Isa ka tuig – pagkatapos sang piesta nagkadto si Hana sa Simbahan… vs. 9-18
    • Nagpanumpa si Hana sa Ginoo – kon hatagan Niya siya sang bata – idedikar niya ini sa Ginoo…
      • Bilang tanda sang iya dedikasyon – siya mangin Nazareno – Numero 6…
      • Sa kabuhi kis-a nagahandom kita sang mga butang – pero indi naton ini gusto para intsakto nga rason…
      • Santiago 4:3 – “Kag kon nagapangayo kamo, wala kamo ginahatagi kay malain ang inyo tinutuyo. Ang mga butang nga inyo ginapangayo para lang sa inyo kaugalingon nga kalipayan.”
      • Aton matibo para lang sa aton kaugalingon – aton tagipusuon indi intsakto – gani wala ginasabat ang aton pangamuyo…
      • Pero kon magpangayo kita sa mga butang nga ihatag sang Ginoo – Salmo 37:4
      • Magpangayo sa Ginoo nga tugutan kita nga bugayan ang iban – amo ina ang pangamuyo nga sabton sang Ginoo!
    • Ginalantaw sang pari nga si Eli si Hana – kag iya pinsar basi hubog siya…
      • Nagatikab ang iya bibig – pero indi bation ang iya tingog…
      • Nagsiling siya – ‘Hasta san-o ka pa nga magpahubog – Abi untati na ina!’
      • Kon magpalapit kita sa Ginoo – hukman sang mga tawo ang aton motibo…
      • Akusaran nila kita nga nagakadto lang sa simbahan – para makuha kon ano ang makita mo…
      • Nagsabat si Hana nga indi siya malain nga babayi – nagapautwas lang siya sa Ginoo…
      • Dasig nga ginlain ni Eli ang iya tono – kag ginsilingan siya – ‘Kabay pa nga ang Dios sang Israel magahatag sang imo ginapangayo sa iya!’
      • Wala lang ginhatagan si Hana sang bata – kundi ginhatagan siya sang Ginoo sang anom tanan ka kabataan!
      • Sa ulihi makasiling ka kon ang tawo may ara sang matuod nga motibo sa pagpalapit sa Ginoo…
      • Hayag nga makita ang mga bugay nga ginbubo sang Ginoo sa ila kabuhi!
  • 2nd – pagdedikar sa Ginoo… vs. 1:19 – 2:11 basaha: I Samuel 1:24 – 2:1
    • Nabatian sang Ginoo si Hana – kag ginhatagan siya sang bata… vs. 21-28
    • Ginpangalanan niya ini nga Samuel (ang Ginoo nakabati) – tungod nga nabatian sang Ginoo ang iya pangamuyo…
      • Kon kis-a magpangamuyo kita – matyag naton wala ang Ginoo – wala sang sabat…
      • Kag maghunahuna kita gapamati man gid ang Ginoo – nakuha ayhan Niya ang ‘mensahe’ nga aton ginpadala…
      • Ang Ginoo permi nagapamati – sa matuod nasulat Niya ang aton mga pangamuyo – Malakias 3:16…
      • Pero indi ina buot silingon nga sabton Niya kita dayon…
      • Ang tion sang Ginoo indi pareho sa tion nga gusto naton – hulton naton ang Iya plano!
    • Naghulat si Hana hasta nga malutas na si Samuel…
      • Wala kita kahibalo sang iya edad – pero ginsilingan kita nga si Samuel bata pa…
      • Ang tradisyon sang mga Judio nagasiling nga ang bata malutas sa 3 ka tuig…
      • Ginhatag ni Hana si Samuel sa pari nga si Eli – gindedikar niya ini sa pag alagad sa Ginoo!
      • Nagakadto si Hana kada tuig sa pagbisita kay Samuel – ginahimuan niya siya sang bag-o nga kunop!
      • Ang dedikasyon ni Samuel sa Ginoo – diri naton makita ang ideya sa pagdedikar sang aton kabataan…
      • As parents it is our opportunity – responsibility – to teach them about God…
      • Bilang ginikanan aton oportunidad – responsibilidad – nga magtudlo sa ila parte sa Ginoo…
      • Idedikar naton ang aton kabataan sa Ginoo – indi para sa ila kaayohan – pero para sa aton…
      • Nagpanumpa kita sa Ginoo – nga tudluan naton ang aton mga kabataan nga magsunod kay Jesus!
      • Hulubaton 22:6 – “Tudlui ang bata sang husto nga pagginawi, kag dumdumon niya ina bisan tigulang na siya.”
      • Gani tudluan naton ang aton kabataan – tudluan sila parte kay Jesus…
      • May ara sila sang ila mga pagpili – pero hatagan naton sila sang pundasyon…
      • Efeso 6:4 – “Kamo nga mga ginikanan, indi ninyo pagpaakiga ang inyo mga kabataan, kundi sagura ninyo sila sa pagdisiplina kag pagtudlo nga halin sa Ginoo.”
      • Indi paagi sa paghambal – pero sa aksyon – ang aton kabataan mga magasunod sa aton mga ginahimo…
      • Labi na gid ang mga amay – magapakita sila sang maayo nga ihemplo nga sundon sang ila mga kabataan…
    • Ang kanta ni Hana… vs. 1-11
    • Ang akon tagipusuon nagakalipay sa Ginoo – wala na sang pareho sa aton Ginoo…
      • Makita naton nga wala si Hana nagkanta sang natawo si Samuel – pero sang ginhatag na siya!
      • Kon sabton sang Ginoo ang aton pangamuyo – mahapos ‘magkalipay’ para sa Ginoo…
      • Pero paano ang pagsunod naton kay Jesus – nga may upod nga kabudlayan – magakanta bala kita gihapon…
    • Indi magpadayaw – hukman ka sang Ginoo sa imo ginahimo…
      • Madamo ang mga babayi nga wala sing kabataan…
      • Nagkalipay si Hana tungod – nakita niya ang ginhimo sang Ginoo – ginhatagan siya sang bata…
      • Magakalipay man kita kon pinsaron naton – kag dumdumon ang ginhimo sang Ginoo para sa aton…
      • Kag makasigurado kita nga sarang mahimo sang Ginoo ang tanan!
    • Ginapataas sang Ginoo ang mga imol / kag ginapanubo ang mga manggaranon…
      • May mga tawo nga ginpdala sang Ginoo sa lulubngan pero ang iban ginapataas Niya – pagkabanhaw…
      • Ginaprotektahan sang Ginoo ang mga diosnon – pero ang mga malaot silutan sa kadudolman…
      • Hukman sang Ginoo ang bilog nga kalibutan – wala sang maluwas paagi sa ila nga kusog…
      • Pero ang Ginoo naghatag sang kusog sa Iya Hari – ang Messias (una nga nahambal sa Bibliya)…
      • LXX adds – indi magpakahambog sang imo kalam / manggad – kundi kilalaha ang Ginoo!
      • Si Hana nagkalipay sa tunga sang kabudlayan sa pagpalakat kay Samuel – paagi sa pagtulok kay Jesus…
      • Kon mag abot ang kabudlayan sa aton – ang aton Kalipay halin sa pagkilala sa Ginoo…
      • Ang Kasadya indi pareho sa Kalipay – ang kasadya nagadepende sa aton kahimtangan …
      • Mas dalom pagid ang Kalipay – indi ini base sa imo kahimtangan – base ini kay Jesus…
      • Si Jesus wala nagabag-o – pareho Siya Sang una / Subong / kag sa Wala sing Katapusan – Hebreo 13:8…
      • Gani bisan ano pa ang aton kahimtangan – may ara kita sang Kalipay tungod kay Jesus!
  • 3rd – ang kalaot ni hofni kag finehas … vs. 12-36 basaha: I Samuel 2:12-17
    • Malaot ang mga kabataan ni Eli – literal nga bata sang demonyo… vs. 12-17
    • Ginakuha nila ang mga karne nga mga halad nga halin sa mga tawo…
    • Nagapanginbabayi sila sa ila mga upod sa simbahan…
    • Malain sila nga mga tawo – naakig ang mga Israelinhon magpalapit sa Ginoo!
    • Kon ang mga kristohanon nga mga lider nagapalapit lang para may kuhaon sa mga katawhan sang Ginoo…
    • Butigon – wala nagahambal matuod – kag immoral – ang mga tawo nga nagalantaw nagahunahuna nga amo ina ang Ginoo…
    • Nagatulok sa mga tawo nga dapat amo ang nagarepresentar sa Dios…
    • Indi na kita matingala kon ngaa ang mga tawo indi interesado sa pagkilala kay Jesus!
    • Kag hukman sang Ginoo ang mga lider sa ila sala nga ginapakita – Santiago 3:1
    • Nahibaluan ni Eli nga nagahimo sang malain ang iya mga bata – kag wala siya may mahimo… vs. 22-27
    • Gin istorya niya ang iya mga bata – ginsilingan sila nga nakabati siya sang mga ginahambal sang mga tawo…
      • Gin paandaman niya sila nga delikado ang ila ginahimo…
      • Kon nakasala sila sa tawo – magatindog sila sa mga hukom…
      • Pero kon nakasala sila sa Ginoo – sin-o ang magatindog para sa ila!
    • Ang mga kabataan nga wala sang disiplina – samtang nagadako sila mangin malaot sila nga tawo…
      • Basi sa ulihi mapriso sila – sakiton – ukon mapatay…
      • Kinahanglan nga matun-an sang mga kabataan ang konsekwensya sang ila aksyon – makatuon sila nga magsunod…
      • Amo ina ang rason kon ngaa kinahanglan nga handa ang mga ginikanan nga tudluan ang ila kabataan parte sa Ginoo…
      • Hulubaton 13:24 – “Wala mo ginahigugma ang imo bata kon wala mo siya ginadisiplina. Kon ginahigugma mo siya, ginatadlong mo ang iya pamatasan.”
      • Hulubaton 22:15 – “Batasan sang mga bata ang pagbinuang, pero matadlong in inga Batasan kon disiplinahon sila.”
    • Ang tawo sang Ginoo nagkadto kay Eli sa pagpaandam sa iya… 28-36
    • Ginpili sang Ginoo ang mga kaliwat ni Aaron para ipakilala Siya sa mga tawo…
      • Pero mas ginpadunggan ni Eli ang iya mga kabataan – sang sa Ginoo nga iya ginapakilala…
      • They had become fat off of the offerings of the people of God…
      • Madamo sang mga ‘manunudlo’ kag ‘pastors’ subong – nga may ara sang sala nga motibo…
      • Imbes na magtatap kag magpakaon sa mga katawhan sang Ginoo – ginakuha nila ini sa ila!
      • Ezekiel 34:2 – “Tawo, maghambal ka batok sa mga manugbantay sang Israel. Silinga sila nga ako, ang Ginoong Dios, nagasiling: Kaluluoy kamo nga mga manugbantay sang Israel. Ang inyo lang kaugalingon ang inyo ginatatap! Indi bala nga ang mga manugbantay dapat magtatap sang iya mga karnero?.”
    • Nagpromisa ang Ginoo nga ang kaliwat ni Aaron ang magapakilala sa Iya – Exodus 40:15
      • Pero tungod ginsikway nila ang Ginoo – wala man ginbaton sang Ginoo ang mga kaliwat ni Aaron…
      • Pamatyon sang Ginoo ang panimalay ni Aaron – wala sang mabuhi sa ila hasta magtigulang…
      • Bilang tanda sang ‘promisa’ si Hofni kag Finehas mapatay sa pareho nga adlaw…
      • Kundi ang Ginoo magapadala sang matutom nga Pari – ang Messias (ikaduha tion sa Bibliya)…
      • Hebreo 7:23-26 – “Sang una madamo ang mga pari tungod kay kon mapatay ang isa mabulos naman ang isa agod makapadayon ang ila obra bilang mga pari. Pero si Jesus wala sing kamatayon, amo ina nga ang iya obra bilang pari wala ginasaylo sa iban. Gani sarang niya maluwas sa bisan ano nga oras ang bisan sin-o nga tawo nga magpalapit sa Dios paagi sa iya. Kay buhi siya saw ala sing katapusan sa pagpakitluoy sa Dios para sa ila. Gani si Jesus amo gid ang pangulo nga par inga aton kinahanglan. Balaan siya; kag wala gid siya naghimo sing malain kag wala gid siya sayop sa iya kabuhi. Ginpain siya sa mga tawo nga makasasala kag gindala sa ibabaw pa sang mga langit.”
      • Delikado magpangita sang tawo/pari/pastor para mangin koneksyon naton sa Ginoo…
      • Indi sila perpekto – kag wala sang garantiya nga kaupod naton sila naton permi…
      • Pero si Jesus ara permi sa aton bisan ano nga oras sang adlaw – bisan ano nga adlaw sang semana – bisan ano nga semana sang tuig…
      • Siya aton Mataas nga Pari – aton taytay pakadto sa Ginoo – kag Siya wala naga bag-o / pari sa wala sing katapusan!