Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Ang sala sang israel… (4 ka butang)
- Ngaa gusto sang israel sang bag-o nga hari vs. 1 basaha: I Samuel 12:1-5
- Ginkoronahan si Saul bilang hari – tungod sa kapierdihan ni Nahash… vs. 1
- Nagkuha sang oportunidad si Samuel nga tipunon ang tanan nga Israelinhon – para hambalan ang nasyon…
- Natuman niya ang ginapangayo sang mga tawo – ginhatagan niya sila sang hari…
- Kon malaot si Samuel – ang pagpangayo sang bag-o nga hari maintiendihan…
- Sang 1986 si Ferdinand Marcos ginpahalin paagi sa 'gahom sang pumuluyo'…
- Ang rason tungod isa siya ka corrupt nga lider – nagapangawat sa mga tawo…
- Gani ang mga tawo gusto sang pagbag-o – gusto nila sang bag-o nga pangulo!
- Pero nagpangayo sila sang Hari tungod sa indi manami nga pagdumala – si Samuel MAAYO nga pangulo!
- Ginkoronahan si Saul bilang hari – tungod sa kapierdihan ni Nahash… vs. 1
- 1st – Ang pagudmala ni samuel… vs. 2-5 (4 ka butang)
- 1St – Nag-alagad si Samuel sa Israel halin sang bataon pa siya – hasta nagtigulang siya… vs. 1
- Sang bata pa si Samuel nagsugod na siya alagad sa Ginoo– sang ara siya kay Eli…
- Subong nga tigulang na siya kag bukay na ang buhok – nagasunod siya gihapon sa Ginoo…
- Nagkabuhi siya sing maayo – nangin matutom siya sa pag-alagad sa Ginoo!
- Ang pagkabuhi bilang isa ka Kristohanon pareho sa palumba – may sugod kag katapusan…
- Magasugod kita dalagan sa adlaw nga magapati kita kay Jesus – matapos ini sa adlaw nga mapatay kita …
- Gani kis-a bilang mga tumuluo maayo ang aton pagsugod – pero wala naton ini ginatapos sang maayo…
- Ginakabig naton ini nga isa ka sprint – pagkatapos dali lang kita makapoy – malingaw sa kalibutan – kag mag untat…
- Ang kabuhi sang Kristohanon indi isa ka sprint – malawig ini nga pagdalagan…
- Hebreo 12:1 – “Karon, kon parte sa aton, ang aton halimbawa pareho sa nagadalagan sa palumba nga ginalibutan sang madamo nga mga tawo nga amo ang mga nagpamatuod sang ila pagtuo sa Dios. Gani bayaan ta ang mga sala nga nagahawid sa aton, ang tanan nga butang nga nagabalabag sa aton pagdalagan. Padayunon ta gid ang aton pagdalagan hasta sa katapusan.”
- Gani matapos naton ang dalagan nga malipayon – kag makabaton sang padya nga nagahulat sa aton sa ulihi!
- 2nd – Wala ginpili si Samuel sang isa niya ka mga kabataan para mangin hari…
- Wala nagatulok si Samuel sa iya lang nga kaayuhan – kundi ang kaayuhan sang mga tawo…
- Kon nangin maiyaiyahon si Samuel – ginhimo na niya nga hari ang iya bata…
- Pero nakita niya nga ang iya kabataan indi maayo nga pilian – gani nangita siya sang mas maayo!
- Wala naghatag ang Ginoo sang awtoridad para makapagusto ang mga tawo sang ila himuon…
- May mga pastors nga ginahatag nila ang ila posisyon sa ila mga anak kon magretiro na sila…
- Indi tungod nga dapat sila sa sina nga posisyon – kundi tungod kay pamilya nila…
- Nagapinsar ang mga tawo nga ang kabuhi nagalibot lang sa ila – ang ila lang kinahanglanon ang ila ginapinsar…
- Gintawag ang mga lider para mag-alagad kag magprotekta sa iban – magtan-aw sa mga kinahanglanon sang iban!
- Filipos 2:4 – “Indi lang ang inyo kaayuhan ang inyo hunahunaon kundi ang kaayuhan man sang iban.”
- 3rd – Wala gid sang may ginkuha si Samuel sa mga tawo – wala nagbaton sang lagay…
- Nagsabat ang mga tawo sa iya – ‘wala mo gid kami gindayaan'…
- Madamo sang mga lider subong nga naga-abusar sa awtoridad nga ginhatag sa ila sa simbahan…
- Ginagamit nila ang pulpit para may kuhaon sila – ginadayaan ang mga katawhan sang Ginoo…
- Ang pagtawag sa ministry indi buot silingon indi na mag obra ang lider …
- Kinahanglan nila mag obra tungod ang ila gina minister wala sang ihatag…
- Ukon para maka-intiendi man sila sa ila nga mga ginalab-ot – kag maka-intiendi man sila sa ila…
- Ukon kinahanglan nila mag-obra para magpakita sang ehemplo sa ila nga ginatudluan…
- Binuhatan 20:34-35 – “Nakahibalo gid kamo nga nag-obra ako agod may galastuhon ako sa akon mga kinahanglanon kag sa akon mga kaupdanan. Ginhimo ko ato agod nga ipakita sa inyo nga paagi sa sini nga pagpangabudlay mabuligan ang mga imol. Dumdumon ta permi ang ginsiling ni Ginoong Jesus nga mas bulahan ang nagahatag sang sa nagabaton.”
- 4th – Saksi ni Samuel ang Ginoo nga wala gid sang akusasyon ang mga tawo batok sa iya…
- Naintiendihan ni Samuel – sa ulihi sa Ginoo lang siya may salabton…
- Indi mo mabatian sa pastor nga nagahambal – ‘kinahanglan ko sang kwarta!’ / ila ginahambal – ‘kinahanglan sang Ginoo sang kwarta!’
- Kon ang pastor nagapangawat sa katawhan sang Ginoo – pinsar sang mga tawo ang Ginoo ang nagakuha sa ila…
- Indi makita sang mga tawo ang Ginoo – pero nagapamati kag nagasunod sila sa pastors/lider…
- Gani magabaton sang dako nga paghukom ang mga pastors tungod sa ila dako nga impluwensya sa iban…
- Gani pangamuyi ang mga lider – ang mga nagapangulo sa simbahan…
- Pangamuyui nga mangin matarong kag may kahadlok sila sa Ginoo – magapamati kag magsunod sila sa Ginoo…
- Pangamuyo kay kon wala sila nangin maayo – dako ang ila salabton!
- Santiago 3:1 – “Mga utod, indi lang basta-basta nga maghandom ang madamo sa inyo nga mangin manunudlo, kay nahibaluan ninyo nga mas maid-id ang paghukom sang Dios sa amon bilang mga manunudlo.”
- 1St – Nag-alagad si Samuel sa Israel halin sang bataon pa siya – hasta nagtigulang siya… vs. 1
- 2nd – ang pagkamatutom sang Ginoo… vs. 6-11 basaha: I Samuel 12:6-11
- Gani kon ang pagpangayo sang bag-o nga hari indi tungod kay Samuel – tungod bala ini sa Ginoo… vs. 6-8
- Ginsilingan ni Samuel ang Israelinhon nga magpalapit sa presensya sang Ginoo para ipadumdom sa ila ang tanan nga kaayo sang Ginoo…
- Ginpili sang Ginoo si Moises kag Aaron nga magpanguna sa mga tawo sa pagguwa sa Egipto…
- Kag nangin matutom ang Ginoo sa pagdala sa ila sa Ginpromisa nga Duta…
- Pero sang makasulod ang Israelinhon sa Duta – naga istar sila sa manami nga siyudad pero indi sila ang naghimo…
- Nagakaon halin sa uma nga indi sila ang nagtanom – nangin hapos ang ila kabuhi…
- Tungod wala na sila nagakinahanglan – madasig nila nalimtan ang Ginoo…
- Nagahunahuna ka bala kon ngaa wala ginahatag sang Ginoo ang tanan sa aton – MADAMO nga kwarta…
- Ginoo Siya – mahimo Niya ang bisan ano – ngaa wala Niya kita ginabugayan sang mga pagkabutang kag manggad…
- May ara sang maayo nga rason kon ngaa diutay lang ang mga tawo nga manggaranon…
- Kon may manggad kita dira na lang kita magadepende – magsalig sa ila imbes nga sa Ginoo…
- Kon may ara ka 1 ka kalibo – mangamuyo ka bala sa Ginoo para hatagan ka sang panyapon…
- Lucas 18-23 – ang manggaranon nga manugdumala nagtalikod kay Jesus tungod nga MADAMO ang iya kwarta!
- Gani ginatugutan sang Ginoo nga maeksperyensyahan naton ang ‘kabuganaan’ kon magdepende kita sa Iya…
- Mas maayo nga imol diri – pero manggaranon sa Langit!
- Ginkalimtan sang Israel ang Ginoo – ang rason kon ngaa permi sila gakapierde… vs. 7-11
- Ginpierdi sila sang Filistinhon / Moabnon / kag sang iban…
- Ginbaton nila nga nakasala sila sa Ginoo – sa pagsimba sa mga dios dios…
- Kag nagpromisa nga magsimba lang sa Ginoo kon luwason Niya sila…
- Gani ginpadala sang Ginoo si Gideon / Barak / Jefta / kag Samson sa pagluwas sa mga tawo…
- Nakasala ang Israel – ginpierdi (resulta sang sala) – nangayo sang bulig…
- Gani naghatag ang Ginoo sang pangulo sa pagluwas sa ila – kag magbalik sila sa Ginoo…
- Pero wala ini nagdugay – pagkatapos sang (malip-ot) nga tion – magarebelde sila liwat…
- Pareho ini sa sala nga ginasulit-sulit naton sa aton kabuhi…
- Kon magpanglakaton kita sa Ginoo – may kadalag-an kita kag bugay sa kabuhi…
- Pero sa kadugayon nagapangduha-duha kita – mabalik sa kalibutan – sa sala…
- Indi na maayo ang aton sitwasyon – aton kabuhi puno na sang kagamo – tungod sa sala…
- Gani manawag kita kay Jesus – kag sa Iya grasya dali-dali Siya nga magluwas sa aton…
- Kag magabalik kita panglakaton sa Ginoo – sa malip-ot nga tion – hasta magsugod naman kita pakasala liwat…
- 3rd – ang sala sang israel… vs. 12-19 basaha: I Samuel 12:12-19
- May matutom nga Ginoo ang Israel – kag may maayo nga lider nga si Samuel… vs. 12-15
- Pero sang ginpahog ni Haring Nahash (ang man-og) ang Israel – wala gid sila nagpangita sa Ginoo / Samuel…
- Wala sila namati kay Samuel / kag ginsikway nila ang Ginoo – gapangita sang Hari…
- Bisan ara na ang Ginoo nga ila Hari – mas gusto pa nila sang tawo…
- Gani ginhatag sang Ginoo ang ila ginapangayo – subong si haring Saul na ang ila manugdumala!
- If Israel feared and worshiped the Lord – and did not rebel against His commands…
- Kon nagkahadlok kag nagsimba ang Israel sa Ginoo – kag wala sila nag rebelde sa Ginoo…
- Tanan tani nga nasyon nangin maayo – upod ang ila bag-o nga hari…
- Pero kon pili-on nila nga mag rebelde – kontrahon sila sang Ginoo…
- Ang ila pinsar kon may ara sila sang hari mangin maayo ang tanan…
- Pero wala sang nagbag-o – may hari ukon wala – ang bugana nga kabuhi magahalin sa pagsunod sa Ginoo!
- Nagahunahuna kita kis-a nga mas maayo ang hilamon sa pihak sang kudal…
- Kon ara lang ko sa Manila sadya ko tani / kon may ara lang ko maayo nga obra / madamo nga kwarta…
- Pero ang kamatuoran – ang kasadya indi parte sa aton sitwasyon – parte ini kay Jesus…
- Kon indi husto ang aton tagipusuon sa Ginoo – bisan diin man kita – indi kita mangin kontento!
- Pagtawag sa ulan… vs. 16-19
- Gusto ni Samuel nga pamatud-an sa Israel kon ano ka kalaot ang ila ginapangayo…
- Sa Israel wala naga ulan sa tiempo sang tig-alani sang trigo – Mayo nga bulan…
- Pareho sang tig-ilinit diri – Abril pakadto Mayo – gamay lang ang ulan…
- Para pamatud-an nga husto ang ginasiling ni Samuel – nagpangayo siya sang ulan sa Ginoo sa pagpamatuod…
- Kag ang Ginoo nagpadala sang grabe nga bagyo – hinadlukan ang mga tawo!
- Sa I Hari 17 – si Elias nga propeta nagpangamuyo nga indi mag-ulan – kag nag-untat ang ulan…
- Bisan bagyo man ini kag baha / ukon tag-init kag tigulutom…
- Maayo nga tawgon naton ini ‘natural disasters’ – kag ‘Ginhimo sang Ginoo’…
- Tungod ginagamit sang Ginoo ang mga natural disasters para kuhaon ang aton atensyon – tudluan kita sang leksyon!
- Naghilibion ang mga tawo – ‘pangamuyui kami tungod nakasala kami sa pagpangayo sang hari!’
- Kaladlawan lang kay wala nagbag-o ang ila hunahuna – gusto gihapon nila sang hari…
- Gusto lang nila nga pangamuyuan sila ni Samuel – agod indi sila maguba…
- Kalabanan ang mga tawo nagapalapit para pangamuyo-an sila – tungod kabalo sila nga nakasala sila…
- Basi nagaupod sila sang ila migo/miga – pero wala nakasal…
- Indi nila gusto nga intsaktohon ini – ukon magsunod sa pulong sang Ginoo…
- Gusto nila nga pangamuyuan mo sila – para makapadayon sila sa pagkabuhi sa sala…
- Oo naga-upod kami sa isa ka balay – pero ginpangamuyuan na kami sang pastor te ok kami!
- 4th Indi magkahadlok… vs. 20-25 basaha: I Samuel 12:20-25 (3 ka rason)
- 1st – Ginsilingan ni Samuel ang mga tawo nga indi magkahadlok… vs. 20-21
- Kon ano ang sa nagligad – nagligad na – kag indi ina paggamiton sang Ginoo batok sa ila…
- Ang importante amo kon ano ang sunod nila nga himuon – siguraduhon nga mag-alagad sa Ginoo…
- Kon aton bata manguha – indi naton siya pagtawgon nga kawatan sa bilog niya nga kabuhi…
- Ang importante sa aton – nakatuon siya sang leksyon kag indi na siya mangawat liwat!
- Wala ginadumdom sang Ginoo ang mga sala naton sang una – gusto Niya makatuon kita …
- Sa sini nga paagi indi na kita makahimo sang pareho nga sala sa palaabuton – nagatubo kita kay Jesus!
- Ang dangatan sang Israel magasimba sila sa mga dios dios nga indi makabulig sa ila!
- Gintuga kita para magsimba – kon indi naton simbahon ang Ginoo mangita kita sang iban…
- Magadepende kita sa mga butang/kwarta para maluwas kita – nagasalig kita nga makabulig ini sa aton…
- Sa matuod, luwas sa Ginoo wala sang butang nga makaluwas sa aton!
- 2nd – Indi gid pag-isikway sang Ginoo ang Iya katawhan – espesyal ini nga nasyon para sa Iya…
- Indi man naton gusto ang ginahimo sang aton mga kabataan – pero kabataan gihapon naton sila…
- Pareho man sa Ginoo, basi indi Niya gusto ang aton ginahimo – pero mga bata Niya kita gihapon!
- Bisan kapila pa kita makasala – ara Siya sa pagpabangon sa aton liwat…
- Kon marealisar naton nga Siya LANG GID ang sabat – magapanawag kita sa Iya – kag sabton Niya kita…
- Aton relasyon sa Iya mabalik – kag ipalayo Niya kita sa sala!
- 3rd -Padayon ang pagpangamuyo ni Samuel para sa Israel…
- Sigurado ako nga nainit na si Samuel sa mga Israelinhon – gintudluan niya sila sa bug-os niya nga kabuhi…
- Kag indi pa gid gihapon nila makuha – padayon gihapon ang ila pagsikway sa Ginoo bilang Hari…
- Pero indi siya mag-untat para sa ila – kay mangin sala ina sa iya…
- Magapadayon siya sa pagtudlo sa ila sang maayo kag intsakto…
- Ang pagsugid sa mga tawo parte kay Jesus daw pareho lang nga gaistorya ka sa bato…
- Indi gusto sang mga tawo mamati – pero indi ina buot silingon nga mauntat kita hambal…
- Jeremias 23:29 – “Indi bala gamhanan ang akon pulong? Pareho ini sa kalayo nga makasunog ukon sa martilyo nga makadugmok sang bato.”
- Ilampos sa kapila ka beses ang martilyo sa bato – kag ini magabukas!
- Para sa Israel – kinahanglan nila nga dumdumon ang Ginoo…
- Dumdumon nila ang tanan nga maayo nga butang nga ginhimo sang Ginoo – kag indi ini pagkalimtan…
- Kay kon magpadayon sila sa pagrebelde kontra sa Ginoo – kag maghimo sang malaot nga desisyon…
- Kuhaon sang Ginoo ang nasyon – kag ang ila bag-o nga hari – kag pahalinon sila!
- Ang Ginoo mapinasensyahon – gusto Niya ang tanan makakadto sa langit – pero ang sala may konsekwensya…
- Kon ang isa ka tawo magpadayon sa pagpakasala – ang Ginoo magahukom!
- 1st – Ginsilingan ni Samuel ang mga tawo nga indi magkahadlok… vs. 20-21