Making Bible Study Easy for everyoneEnglish • Hiligaynon
Back to 1 Samuel
Verse-by-Verse Bible Study

I Samuel 15-16

A Hiligaynon study of I Samuel 15-16 focusing on Holy Spirit, Israel, and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

ang bag-o nga hari sa israel… (4 ka butang)

    • 1st – Ang mga Amaleknon… vs. 1-9 basaha: I Samuel 15:1-9
    • 1st – Isa ka adlaw ginsilingan ni Samuel si Saul – pamatii ang mensahi halin sa Ginoo… vs. 1-3
      • Silutan sang Ginoo ang mga Amaleknon tungod sa ila ginhimo sa Israel…
      • Sang naghalin ang Israel sa Egipto – ginsalakay sila sang Amaleknon…
      • Gusto nila nga ipalayo sila sa Bukid sang Sinai – kon sa diin ihatag sang Ginoo sa Israel ang Layi…
      • Para indi nila mabatian ang ihambal sang Ginoo – nga mangin pinili sila nga katawhan sang Ginoo…
      • Ang Israel – nga ginapangunahan ni Josue – nagpierde sa mga Amaleknon sa inaway – Exodus 17:8-16…
      • Samtang ginbayaw ni Moises ang iya kamot – si Josue kag ang Israel mangin madinalag-on…
      • Ginbayaw ni Aaron kag Hur ang kamot ni Moises – kag sang sina nga adlaw ginhatagan sila sang Ginoo sang kadalag-an…
      • Pero nagpromisa ang Ginoo nga isa ka adlaw gub-on / dula-on Niya ang mga Amaleknon!
      • 400 ka tuig ang nagligad ginsugo si Haring Saul nga tumanon ang ina nga promisa…
      • Gub-on sila ni Haring Saul – lalaki / babayi / bata / mga sapat!
      • Ang Dios gugma – I Juan 4:8 – paano siya makamando sa Israel nga magpatay…
      • Ginhatagan sang Ginoo ang mga Amaleknon sang 400 katuig para maghinulsol…
      • Pero nangin malaot pa gid sila – padayon nga nagahilabot sa mga Israelinhon…
      • Kon magpabilin sila – dasig lang nila maimpluwensyahan ang Israel…
      • Ang ini nga mga nasyon pareho sa cancer nga masakit nga makahalit…
      • Kag pareho sa cancer ang solusyon amo dula-on / utdon ini nga masakit!
      • Ang sala nga ginapabay-an – magatulod sa iban nga sundon ina nga sala
      • Sa ‘gamay’ lang nga lunang mangin mahigko ang tubig…
      • Ang gamay nga sala madasig maglapta kag makahalit sa bilog nga pamilya ukon simbahan!
    • 2nd– Gintipon ni Saul ang 210,000 ka mga soldado sa bagatnan nga bahin sang Israel… vs. 4-6
      • Nagkadto sila sa banwa sang Amalek – kag ginsilingan ang mga ‘Kenhanon’ nga maghalin sa lugar…
      • Maayo ang mga kenhanon sa Israel sang nagguwa sila sa Egipto…
      • Pero subong naga-istar sila upod ang mga malaot nga tawo sang Amalek…
      • Kon indi sila maghalin – pareho ang ila dangatan sa ulihi – maguba sila upod ang mga Amaleknon…
      • Kon ‘mag-upod-upod’ kita sa mga indi maayo nga mga tawo – maimpluwensyahan kita sang indi maayo nila nga ginahimo…
      • Mag-andam kon diin ikaw nagakadto – kon sin-o ang imo gina updan…
      • Pilia GID sang maayo kon sin-o ang imo gina updan – kay mangin pareho kita sa ila!
      • I Corinto 15:33 – “Indi kamo magpati sa sina nga hulubaton kay pangdaya lang ina. Sa baylo, patihi ninyo ang hulubaton nga nagasiling, “Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
    • 3rd – Ginpamatay ni Saul ang mga Amaleknon sa inaway – pero wala niya sila tanan ginpatay… vs. 7-9
      • Wala niya pagpatya si haring Agag – kag ang maayo nga mga karnero / baka…
      • Sa Biblia ang ‘Amalek’ picture sang aton lawas (makasasala nga handom / makasasala nga kinaugali)…
      • Aton lawas indi gusto magpamati sa Ginoo – nagahandom ini nga magpalayo sa Ginoo…
      • May ara sang inaway sa aton sulod adlaw adlaw – ang aton makasasala nga lawas / kag aton Espiritu…
      • Inaway sang kon ano ang akon ‘nahibaluan’ nga gusto sang Ginoo – kag kon ano ang akon ‘gusto’…
      • Roma 7:15 – “Indi ko maintiendihan ang akon ginahimo. Kay ang maayo nga mga butang nga gusto ko nga himuon indi ko mahimo, pero ang mga butang nga indi ko gusto himuon amo ang akon ginahimo.”
      • Ngaa nagapadayon ako sa pagpakasala – kay gusto ko – wala may gapilit sa akon…
      • Ngaa wala ko ginahimo kon ano ang maayo kag intsakto – tungod indi ko gusto…
      • Ang inaway sa tunga sang aton lawas kag Espiritu – aton kabubut-on kontra sa kabubut-on sang Ginoo…
      • Ang sala ni Saul nga wala niya pag-ubus sa mga Amaleknon nagkuha sang iya kabuhi…
      • Si Saul ginpatay sa ulihi sang mga Amaleknon – II Samuel 1:8-12
      • Indi naton mapierdi ang aton lawas sa isa lang ka adlaw – inaway ini nga aton ginaatubang KADA adlaw…
      • And if we ‘compromise’ with the flesh – give in to our sinful desires…
      • Kag kon ‘magkompromiso’ kita sa aton lawas – magpadala sa aton makasasala nga handom…
      • That ‘one drink’ that could not possibly hurt – the one night we go to…
      • Ang ‘isa ka inom’ indi makasakit – ang isa ka gab-i nga lagaw indi makahalit…
      • Ang gamay nga ‘butig’ – ang mga butang nga ginakuha naton sa iban tungod sobra na sa ila…
      • Kon magpadala kita sa aton lawas – ang lawas nagahandom sang damo – kag mas damo pa gid…
      • Sa ulihi madagdag kita sa madalom nga buho kag makapalayo ini sa aton sa Ginoo!
      • Tungod wala naubos patay ang mga Amaleknon lapit nalang nila maguba ang nasyon sang Israel…
      • Sa libro ni Ester mabasahan naton nga si Haman kag ang Amaleknon – halos patyon nila ang tanan nga Judio!
      • Esther 3:9-10 – "Kon gusto mo, Mahal nga Hari, magmando ka nga pamatyon sila. Kag magahatag ako sang 350 ka tonelada nga pilak sa mga asministrador sang imo ginharian, agod ibutang nila ini sa talaguan sang manggad sang ginharian.” Ginkuha dayon sang hari ang iya singsing nga pangmarka kag ginhatag kay Haman nga kaaway sang mga Judio, nga anak ni Hamedata nga Agagnon.”
      • Kon indi naton mapierdi ang aton lawas – makaapekto ini sa iban – sa aton pamilya / mga abyan…
      • Ang ginikanan nga wala nagasunod sa Ginoo – ila ihemplo ginasunod sang mga kabataan…
      • Ang mga abyan nga nagahagad sa imo nga mag-inom / mag sugal / maglakat sa kasadyahan…
  • 2nd – ang pagsikway kay saul… vs. 10-35 basaha: I Samuel 15:10-26
    • 1st – Nagsiling ang Ginoo kay Samuel – naghinulsol ako nga ginhino ko si Saul nga Hari… vs. 10-11
      • Ikaduha na nga beses nga wala ginsunod ni Saul ang Ginoo – gani ginsikway sang Ginoo si Saul bilang Hari…
      • Nakasakit ini sa balatyagon ni Samuel – bilog nga gab-i ang iya pagpangamuyo sa Ginoo…
      • Mabudlay kon ang mga tawo nga aton gina higugma nagapadayon sa paghimo sang sala nga pagpili…
      • Pero ginhatagan kita sang Ginoo sang pagpili – mahimo naton kon ano ang aton gusto –maayo man ukon malain…
      • Sa ulihi matudlo lang naton ang mga tawo kay Jesus – depende sa ila kon ano ang ila pilion!
    • 2nd – Aga pa nagbangon si Samuel para magpakigkita kay Saul… vs. 12-23
      • Nakita niya siya sa Bukid sang Carmel – kon sa diin ‘nagapatindog siya sang monumento para sa iya kadungganan’…
      • Sang nakita siya ni Saul – ‘gintuman ko ang sugo sang Ginoo!’
      • Nagsiling si Samuel – ‘ti ngaa may nabatian ako nga mga karnero kag mga baka nga nagaima…’
      • Nagsabat si Saul nga ‘pinakamaayo’ ina nga mga sapat nga iya ginatigana para ihalad sa Ginoo!
      • Tama na! Sugiran ko ikaw kon ano ang ginsiling sang Ginoo sa akon kagab-i…
      • Sang ginakabig ni Saul ang iya kaugalingon nga kubos – ginpili siya sang Ginoo nga mangin Hari sang Israel…
      • Ngaa ginahuna-huna subong ni Saul nga mas maayo siya sang sa Ginoo – wala siya nagatuman sa mga sugo sang Ginoo…
      • Nagsabat si liwat Saul– pero gintuman ko ang Ginoo…
      • Ang mga Israelinhon amo ang nagkuha sang mga nabilin sa away – mga karne kad baka
      • Sang bata pa ko – nagkadto ko sa balay sang akon abyan kag ‘nanghulam’ sang gamit pero wala nag lisensya…
      • Sang nahibaluan niya DAMO ako sang balibad – 1000 nga rason kon ngaa OK lang ang akon ginhimo…
      • Pero ginsabdong niya ako – pangayo lang bala sang patawad kay patawaron ko ikaw!
      • Kon handa kita nga akuon ang aton sala – patawaron kita sang Ginoo!
      • Nagsabat si Samuel – ano ang mas makapalipay sa Ginoo – paghalad ukon pagtuman…
      • Ang pagrebelde pareho kalaot sang mga babaylan – kag ang pagkatig-a sang ulo pareho sang dios-dios
      • Ang Ginoo wala nagapangita sang balibad – ginapangita Niya ang imo pagpaubos kag pagtuman!
      • May kilala ako nga nagahatag kwarta sa simbahan – pero nagakabuhi sa sala…
      • Nagahalad sila sa Ginoo – para matabunan ang ila pagrebelde…
      • Indi gusto sang Ginoo sang halad – gusto Niya nga magtuman kita sa Iya Pulong!
      • Salmo 51:17 – “Ang halad nga makapalipay sa imo, O Dios, amo ang kabuhi nga nagapaubos kag nagahinulsol sa iya mga sala. Ini klase nga halad indi mo pag-isikway.”
    • 3rd – Tungod ginsikway ni Saul ang Ginoo – ginsikway man siya sang Ginoo bilang Hari sang Israel… vs. 24-35
      • Sang nabatian ini ni Saul 'naghinulsol' siya – gin-ako niya nga nakasala siya sa Ginoo…
      • Nahadlok si Saul sa mga tawo – ginpasugtan lang niya sila…
      • Nagpakitluoy siya kay Samuel nga patawaron ang iya sala – kag mag-upod sa iya sa pagsimba sa Ginoo…
      • Gusto ni Saul mangin maayo ang panulok sang mga tawo sa iya – nahadlok siya nga basi indi na siya pagkabigon nga Hari sang mga tawo…
      • Indi ini tuod nga paghinulsol – kay naghinulsol lang tungod konsekwensya
      • Wala may gusto sang konsekwensya – wala sang may gusto nga mag-atubang sang resulta nga ila ginhimo…
      • Wala sang bata nga silutan – kon dasig sila magsiling ‘sorry’…
      • Nagahinulsol kita sang aton ginhimo – tungod sa resulta / malain nga butang nga natabo…
      • Pero wala kita naghinulsol sa paghimo sini – kay kon hatagan sang chansa himuon naton ini liwat!
      • Sang nagtalikod si Samuel sa paglakat – ginhawiran ni Saul ang punta sang iya bayo – kag nagisi ini…
      • Nagsiling si Samuel – kuhaon sang Ginoo ang ginharian sang Israel – kag ihatag ini sa mas maayo sang sa imo…
        • Kag wala nagabaylo ang hunahuna sang Ginoo pareho sa tawo – tungod Ginoo Siya!
        • Kag naghinulsol liwat si Saul – ‘nakasala ako’ – palihog padunggi ako sa atubangan sang bug-os nga katawhan…
        • Diri makita nga indi gusto ni Saul sang kadungganan halin sa Ginoo – kundi kadungganan halin sa mga tawo…
        • Tungod indi magbaylo ang iya hunahuna – amo man sa Ginoo!
      • Nagsugot si Samuel kag nag-upod kay Saul sa pagsimba sa Ginoo…
        • Nagsiling si Samuel – dal-a diri ang hari nga si Agag – kag ginpatay ini sa presensya sang Ginoo!
        • Wala na nagpakigkita si Samuel kay Saul liwat – pero nagpangasubo gid siya kay Saul…
      • Wala ginsikway si Saul tungod nakasala siya – kundi tungod wala siya naghinulsol…
        • Si Haring David nakasala man – sobra pa kay Saul – nagpakigrelasyon siya kay Batsheba…
        • Kag para matago ini ginpapatay niya ang bana ni Batsheba – si Uriah nga Hithanon…
        • Pero sang ginpamangkot siya wala siya nagbalibad – wala niya gintestingan nga taguon ang iya sala…
        • Gin-ako niya nga sala ang iya ginhimo – kag nagpalapit siya kay Jesus!
        • Salmo 51:1-4 – “Kaluoyi ako, O Dios, suno sa imo gugma. Panasa ang akon mga sala suno sa imo dako nga pagkabalaka sa akon. Hugasi ako sa akon kalautan; tinlui ako sa akon mga sala. Kay sa tanan nga tion ginahunahuna kag ginaako ko ang akon mga sala. Sa imo lang gid ako nakasala. Ginhimo ko ang mga butang nga ginakabig mo nga malaot. Gani husto ikaw sa imo mga ginhambal batok sa akon. Wala ka nagsala sa imo paghukom sa akon.”
        • Talikdan naton ang aton mga sala kag magpalapit kay Jesus – maghinulsol – handa ang Ginoo nga magpatawad kag magbag-o sa aton!
  • 3rd – pagpili sang bag-o nga hari… vs. 1-13 basaha: I Samuel 16:6-13
    • 1st – Nagsiling ang Ginoo kay Samuel nga untatan na ang pagpangasubo kay Saul – nakapili na ang Ginoo sang bag-o nga hari… vs. 1-5
      • Makadto si Samuel sa Betlehem – sa balay sang tawo nga si Jesse…
      • Si Jesse amo ang apo ni Boaz kag Ruth – Ruth 4:21-22
      • Pero nahadlok si Samuel – kon makabalo si Saul nga nagkadto siya sa pagpili sang bag-o nga hari – patyon niya siya!
      • Gani nagsiling ang Ginoo nga ‘maghalad’ siya sa Betlehem – para indi makabalo ang mga tawo…
      • Nahibaluan na ni Saul nga bayluhan siya – pero indi niya gusto maghalin nga tawhay!
    • 2nd – Sang nakaabot si Samuel ginpatindog ni Jesse isa isa ang iya mga kabataan… vs. 6-10
      • Sang nakita ni Samuel ang kamagulangan – si Eliab – sigurado amo na ini ang ginpili sang Ginoo…
      • Pero ginsikway siya sang Ginoo – sa pagkamatuod ginsikway sang Ginoo ang pito ka kabataan ni Jesse…
      • Nagsiling ang Ginoo kay Samuel – ang Ginoo wala nagatan-aw sa hitsura – nagatan-aw Siya sa tagipusuon
      • Ginahukman naaton ang butang paagi sa aton makita – pero ang Ginoo nagatan-aw sa sulod…
      • Makita naton ang makasasala / ukon ang guba nga kabuhi – pero makita sang Ginoo ang posibilidad kag paglaom…
      • Ginapili sang Ginoo ang wala wala – ang may tagipusuon nga maghigugma kag mag alagad sa Iya!
    • 3rd – Nagpamangkot si Samuel kay Jesse – sila lang bala ang imo mga anak… vs. 11-13
      • May ara pa – ang kamanghuran – pero nagabantay siya sang mga karnero…
      • Ginpatawag nila si David – guwapo siya, manami ang iya mga mata kag mapula pula ang iya mga guya (basi 15 ang iya edad)…
      • Kag nagsiling ang Ginoo kay Samuel – siya ang akon napilian – haplasi siya sang lana!
      • Sang ginbubuan ni Samuel sang lana si Saul gingamit niya gamay nga suludlan – pero kay David dako nga sungay nga suludlan…
      • Tungod si David mangin Hari sang Israel nga mapun-an sang gahom sang Espiritu!
      • Kon magpangayo kita sang Balaan nga Espiritu – indi kita magpasugot sang gamay lang – kundi sa nagaawas-awas gid!
      • Efeso 5:18 – “Indi kamo magpahubog, kay ini pagpatuyang lang sang inyo kabuhi. Sa baylo, magmapuno kamo sang Espiritu Santo.”
  • 4th – Malaot nga espiritu… vs. 14-25 basaha: I Samuel 16:14-19
    • 1st – Naghalin ang Espirtu sang Ginoo kay Saul – kag ginpaantos siya sang malaot nga espiritu… vs. 14-15
      • Ukon nagpangasubo si Saul tungod wala na sa iya ang Espiritu sang Ginoo…
      • May kulang sa aton tagipusuon – nga ang Ginoo lang gid ang makapuno…
      • Kon pun-an naton ang aton kabuhi sang bisan ano – sa ulihi mangin masinulub-on kita!
    • 2nd – Nagpangita si Saul sang tawo nga maayo magtukar… vs. 16-23
      • Ang kanta sa pagsimba nagapadumdom sa iya sa Ginoo – kag nakakuha ini sang iya kasubo…
      • Ang rason kon ngaa gasimba kita – para indi kita maghuna-huna sang aton kaugalingon kundi kay Jesus…
      • Kon magsulod kita sa simbahan – ang aton paminsaron puno sang palaligban sa kalibutan…
      • Nagasugod kita sang mga kalantahon para magbalhin ang aton pimainsaron – halin sa kalibutan pakadto sa Pulong!
      • Ginrekomendar sang mga alagad ni Saul si David!
      • Maayo siya sa magpatukar sang arpa – maayo magpakig-away – kag gwapo pa…
      • Ang pamangkot paano nahibaluan sang korte sang Hari ang parte sa manugbantay sang karnero…
      • Ang maayo nga sabat amo ang natabo ini pagkatapos mapatay ni David si Goliat – chapter 17
      • Kilala na nga daan si David sang tanan nga Israelinhon – pati sa korte ni Saul!
    • 3rd – Ang Hari sang Israel – dutayan lang …
      • Ginpili sang Ginoo si David nga mangin bag-o nga Hari sang Israel – kag nagaalagad siya sa korte sang Hari…
      • Pero indi mangin Hari si David samtang buhi pa si Saul – 15 pa katuig!
      • Kag kalabanan sadto nga mga tinuig nagapalagyo si David kay Saul nga gusto magpatay sa iya…
      • Pero sa sadto man nga tion nakasulat si David sang pinakamatahom nga Salmo sa Biblia…
      • Kag preparasyon sa tagipusuon ni David – nga mangin Hari nga ginakalipayan sang Ginoo!
      • Long before God does a work through us – He must do a work in us…
      • Antis kita gamiton sang Ginoo – ipreparar anay Niya kita
      • Kon kis-a nagapinsar kita nga ang ginahimo sang Ginoo sa aton kabuhi – indi gid importante
      • Siguro gintawag kita sang Ginoo nga mag-obra sa kampo – ukon maghimo sang pamilya…
      • Kag indi naton makit-an kon paano ini mangin importante sa Ginharian sang Ginoo…
      • Zecarias 4:10 – "Inang pito ka suga nagarepresentar sang mata sang Ginoo nga nagatan-aw sa bug-os nga kalibutan.”
      • Bisan gamay lang ang nagakatabo sa aton nga adlaw importante ini nga preparasyon para sa aton
      • Waay kita dayon ginabutang sang Ginoo sa bisan ano nga posisyon – ginapreparar Niya kita…
      • Kon mangin matutom kita sa gamay nga butang – hatagan kita sang Ginoo sang dako nga responsibilidad!