Making Bible Study Easy for everyoneEnglish • Hiligaynon
Back to Hosea
Verse-by-Verse Bible Study

Hosea 10–11

Break up your fallow ground... (4 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Hoseas 10-11

Review…

  • Gusto sang Dios nga ayohon ang Israel – galing ang iya mga pilas (sala) madamo gid…
    • Naghatag ang Dios kay Hoseas sang 5 ka ilustrasyon para malaragway ang malala nga kahimtangan sang mga katawhan!
    • Ang Israel daw pareho sang isa ka lebadora nga nalipatan sa sulod sang pugon nga mainit – nga naglapta kag nagdagta sang bilog nga tinapay!
    • Daw hilaw pa nga tnapay ang Israel – ginsamo nila ang ila pagtuo sa mga pagtuo sang mga pagano kag nangin waay pulos!
    • Daw isa ka tigulang nga buang-buang ang Israel – nga wala kabalo nga malapit na siya mag-atubang sa Dios!
    • Daw isa ka nagatalang-talang nga pating ang Israel – Nga nagasingit tabang sa Egypto kag Assyria – Kag maglupad halin sa isa pakdto naman sa isa!
    • Daw isa ka kiwi nga baslay ang Israel –nga PIRMI lang indi maka-igo sang marka!
    • Ang resulta ang katawhan sang Dios nalipatan na ang Ginoo….
    • Ang Israel isa ka nasyon nga ginpamunoan sang mga huwad – ila mga Hari / mga prinsipe / kag mga pari…
    • Nagbuhat sila sang mga altar para sa mga dios-dios para nga magkuha sang ila nga mga sala – apang sa baylo, ini ang nagdala sa ila sa kasalanan!
    • Nagsab-og sila sa hangin – kag subong maga-ani sila sang buhawi!
    • Ang tion sa pagsilot sang Israel nag-abot na – ang adlaw sang pagbayad lapit na lang gid…
    • Ginyaguta sang Israel ang mga propeta nga ginpadala sang Dios – pareho kay Hoseas – ginatawag sila nga mga buang…
    • Ang tawo nga may Espirito (ruwach) sang Dios – ginatawag nga buang…
    • Kay ang nasyon kabalan na tungod sang sala – kag nagapakita lang sang kaakig sa Dios!
    • Indi nila gusto nga ang Dios ang magpamuno sa ila – amo na nga ang Dios gin tabog sila halin sa ila balay…
    • Ginpatapok sila sa malayo sang Dios – kag nagpanglugayawan sila sa mga nagkalainlain nga mga nasyon!

Araduha ang nagapahuway nga uma… (4 ka butang)

  • 1st – Ang peligro sang prosperidad… vs. 1-8
    • 1st -Manggaranon ang Israel – bugana ang prutas… vs. 1-2
      • Pero samtang nagadugang ang ila manggad – mas nagatahum pa gid ang mga estatwa kag mga idolo nga ila gina-obra!
      • Kahalam-utan nga istorya – sa Russia kina-andan nga magbutang sang larawan sang santo sa imo dingding para pangamuyoan…
      • Kon masabat ang imo nga pangamuyo pagapadya-an mo ang santo paagi sa pagpatahom sang iya larawan gamit ang bulawan!
      • Imbes nga pasalamatan ang Ginoo – gindayaw nila ang mga dios-dios sang pilak kag bulawan!
      • Nagatingala ka bala kon ngaa wala ginatugotan sang Dios nga mag manggaranon ang mas damo nga tawo…
      • Sigurado nga daw mas mahapos kon indi na kita magkabalaka parte sa kwarta!
      • Kon abi lang ginhatagan kita sang Dios sang isa ka milyon nga dolyares – ano ang matabo sa aton pagpangamuyo…
      • Ang realidad amo ang kon wala kita sang kinahanglanon – talagsa lang kita makahatag sang oras para sa Ginoo…
      • Tungod nga kon nagahapos ang aton kabuhi – nagabudlay para sa aton nga magdepende kay Jesus!
      • Deuteronomeo 8:10-11 – “Kon makapagusto na gani kamo kaon, dayawa ninyo ang Ginoo nga inyo Dios tungod sa maayo nga duta nga iya ginhatag sa inyo.
      •  “Mag-andam gid kamo nga indi ninyo malimtan ang Ginoo nga inyo Dios kag indi ninyo masupak ang iya mga sugo kag mga pagsulundan nga ginahatag ko sa inyo subong..”
      • Amo nga ginaguba sang Ginoo ang ila nga mga altar / sagrado nga mga haligi…
      • Ang solusyon sa ila mga natunga nga tagipusoon – amo ang pagkakas sang mga nagatublag…
      • May kilala ako nga tawo nga nagbakal sang bag-o nga balay– nga iya usaron ‘para sa Ginoo’…
      • Apang tanan niya nga oras para sa balay na lang – kag nag-untat na siya kadto sa simbahan…
      • Nagpanugot ang Dios nga maagyan niya ang kabudlayan sa kwarta – kag nadula iya balay!
      • Kon may butang nga nagatublag sa aton palayo sa Dios – Iya ina nga kakason…
      • Pwede ina magkahulugan nga isa ka tawo nga aton ginsaligan imbes ang Ginoo…
      • Okon isa ka matahum nga butang – nga naga-ubos sang aton oras…
      • Palangga gid kita sang Dios, amo nga indi niya gusto nga may mga idolo kita sa aton nga mga kabuhi!
      • May tatlo ka mga nagatublag nga paga-kakason sang Dios:
    • 2nd – Ang pagkakas sang ila Hari… vs. 3 / 7
      • Gusto gid sang Israel nga may Hari sila – gusto nila ibutang ang ila salig sa isa ka tawo –
      • I Samuel 8:7…
      • Mas gusto sang tawo magpalapit sa isa nga ila matandog kag makit-an …
      • Amo nga mas madali para sa ila ang magsalig sa tawo kaysa magsalig sa Dios…
      • Pero wala kita gintawag sang Dios nga magpanglakaton suno sa aton makit-an – dapat kita magpanglakaton paagi sa pagtuo – 2 Corinto 5:17
      • Kay ang problema, limitado lang ang tawo – kag indi nga pirmi makabulig…
      • Limitado lang ang ila abilidad kag ikasarang – ang Dios lang ang wala sang limitasyon!
      • Ang wala sang pagkahadlok sa Dios sang Israel nagresulta sa – pagkakas Niya sang ila Hari…
      • Kakason siya nga daw isa lang ka naanod nga kahoy sa tunga sang lawud – nga indi na makit-an liwat…
      • Basi natalupangdan mo man nga indi pirmi pareho nga mga tawo ang ara sa imo kabuhi…
      • Kay may huyog kita nga magsalig na lang sa tawo imbes nga sa Dios…
      • Sa ina nga rason, lain-lainon sang Dios ang mga tawo nga naga-abot sa kabuhi mo…
      • Kay ang isa nga dapat pirmi ara sa aton kabuhi – amo si Jesu Cristo!
    • 3rd – Nadula ang ila integridad… vs. 4
      • Ang mga katawhan sang Israel mahimo sang mga sayop nga promesa nga indi man nila ginatuyo nga tumanon…
      • Ang resulta sang ila nga pagbinutig amo ang tiko nga hustisya ang nagpuno sang pungsod nga daw hilo!
      • Partikular si Haring Hoshea – ang pinaka-ulihi nga hari sang Israel – nagbutig sa Hari sang Assyria…
      • Indi siya magbayad sang buhis – amo nga ginpriso siya – 2 Hari 17:4
      • Sang una, okey na ang magkamustahanay (handshake)…
      • Apang subong kinahanglan ta na sang mga ‘’kontrata – kay ang mga tawo wala na nagasalig sa promesa…
      • Wala sang Dios ginapasapayan ang aton mga promesa – Nagapa-abot Siya nga aton tumanon ini nga mga promesa…
      • Numbero 30:2 – “Kon ang isa ka lalaki magpanaad ukon magsumpa sa Ginoo nga himuon niya ukon indi ang isa ka butang, kinahanglan nga tumanon gid niya ang tanan niya nga ginsiling.”
      • Kon indi kita mag tuman sang aton promesa – ini isa ka sala…
      • Sa tuod lang, indi kita sigurado kon masarangan naton nga magtuman sang aton promesa – mas maayo nga maghipos na lang kita…
      • Manugwali 5:5 – “Mas maayo pa nga indi ka na lang magpromisa sang sa magpromisa ka nga indi mo man lang pagtumanon.”
    • 4th – Pagkadula sang ila nga mga idolo… vs. 5-6 / 8
      • Ang mga katawhan sang Beth-Aven (Bethel) nagakahadlok sa pagdula sang ila nga bulawan nga baka (Jeroboam)…
      • Naglalaw ang mga tawo – ang mga pari nga naka ‘itom nga kunop’ (pagano) nagatawag kag nagapangita…
      • Kay kuhaon ini bilang isa ka tropeo para sa Dako nga Hari (Jareb) sang Assyria…
      • Kag mahuy-an ang Israel kay nangayo sila sang bulig halin sa isa ka waay pulos nga idolo!
      • Imo bala natalupangdan nga ang mga tawo nga indi maayo ang pagpili sa ila kabuhi…
      • Nagaupod-upod man sa mga tawo nga pareho man nga nagpili sang indi maayo nga pagpili!
      • Nanamian sila sang mga laygay nga ila mabatian – kay daw nagapatarong sang ila nga mga ginapili nga mga desisyon…
      • Pero manubo lang ang ila kompiyansa – sa ulihi ikahuya man nila ang ila nga pagpili!
      • I Corinto 3:19 – “Kay para sa Dios, ang ginakabig nga kaalam sa sining kalibutan kabuangan lang. Kay nagasiling ang Kasulatan, “Ginadakop sang Dios ang mga maalam sa ila pagkadayaon.”
      • Dayon ang mga mataas nga lugar sang Aven (vanity) paga-gub-on…
      • Mga tunok-tunok ang matubo sa lugar kon diin nila ginasimba ang bulawan nga baka…
      • Kag ang mga tawo nga nagsalig sa ila – magatawag sa mga bukid nga tabunan na lang sila…
      • Gustohon pa nila ang kamatayon kaysa kapalaran nga ila man nga ginpili – Pahayag 6:16
      • May duwa lang ka klase sang tawo para sa Dios…
      • Makasasala nga nakabaton sang libre nga regalo nga kaluwasan kay Jesus – makasasala nga wala nagbaton..
      • Makahaladlok magpensar nga isa ka adlaw matindog kita sa atubangan sang Dios…
      • Indi naton mapanago-an ang Ginoo – Kabalo Siya sang tanan ta nga gin-obra…
      • Para sa mga nagsikway kay Jesus – ang nagahulat sa ila isa ka kulolbaan nga paghukom!
      • Hebreo 10:31 – “Kag makahaladlok gid kon ang Dios nga buhi amo ang magsilot.”
  • 2nd – Buk-a ang duta nga nagapahuway… vs. 9-15
    • 1st – Amo man gihapon ang Israel halin sang mga tinion sang Gibeah… vs. 9-11
      • Sa Hukom 19 Ang mga lalaki sang syudad nagdemanda nga ila lugoson ang isa ka tawo nga Levinhon nga nagalabay lang sa Gibeah…
      • Galing ang ila nga nalugos amo ang iya nga babayi asta nga napatay ini – gin-utod-utod sa 12 ka bahin ang iya lawas kag ginpadala sa 12 ka tribo!
      • Nagatawag nga magtipon-tipon ang Israel – para makig-away sa mga katawhan sang Gibeah – ang tribo ni Benjamin…
      • Bisan wala sila maubos sadto nga tion – ang Dios indi na mangin maluloy-onsa ini nga tion!
      • Tiponon sang Dios ang mga nasyon batok sa Israel…
      • Dayon Iya sila nga disiplinahon tungod sang ila duha ka sala – nagatuhoy sa duwa ka bulawan nga baka!
      • Naging komportable na ang Israel sa mahapos nga kabuhi nga ginhatag sang Ginoo…
      • Kaangay sang isa ka bakiya nga baka nga nanamian maglinas sang uyas – mahapos nga obra – lakat-lakat palibot kag madamo pagkaon…
      • Pero subong Iya na nga higtan (yoke) ang iya matahum nga liog – kag paobrahon siya sang mabudlay nga obra…
      • Ang Israel (Ephraim / Judah / Jacob) – maga-arado sang matig-a nga duta – tapos na ang mga adlaw sang matawhay nga pangabuhi!
      • Na-agyan mo bala nga naga-kalisod ka sa pangabuhi – kag nagapamangkot kon ngaa kabudlay gid…
      • Bisan ano imo himoon – taklaron gid gihapon – 3 ka tikang abante / 2 ka tikang paatras…
      • Indi gusto sang Dios nga mabudlay ang aton pangabuhi – gusto Niya kita hatagan sang ‘mahapos nga obra’!
      • Matthew 11:29 – “Magsunod kamo kag magpatudlo sa akon kay mabuot ako kag mapainubuson. Makapahuway kamo.”
    • 2nd – Magtanum sang pagkamatarong … vs. 12
      • Ang bulong sa mga ginapa-abot nga paghukom – amo ang pagtanum sang mga binhi sang pagkamatarong…
      • Kon obrahon sang mga katawhan – may oras pa para maka-ani sila sang padya nga bugay (kaluoy)…
      • Amo ini ang tion para pangitaon ang Ginoo – para mahimun-an sila sang pagkamatarong!
      • Hapos gid ini tani mahangop sang mga Judio – kultura sang pananum…
      • May takna gid nga tion para buk-on sang mangunguma ang duta nga tulog (mag-arado)…
      • Sa Israel may ara sila sang na-una (fall) kag naulihi (spring) nga mga ulan…
      • Kinahanglan nga matanum sang mangunguma ang iya gusto nga mga binhi antes pa lang sang nauna nga ulan!
      • Simple lang ang laragway…
      • Maghinulsol – buk-a ang tagipusoon nga ginpatig-a sang kasalanan – para ang Pulong (binhi) makasulod…
      • Kon gin-obra sang Israel, Paulanan gid sila sang Dios sang Iya grasya…
      • Kag matubo sila kag mamunga sang pagkamatarong para sa Ginoo!
      • Galing may limitasyon – maabot na ang paghukom– subong na ang tion nga pangitaon ang Dios!
      • Bisan sin-o kita / ano aton ginhalinan – pwede gid maluwas bisan sin-o – Roma 10:13
      • Pero may limitasyon sa ini nga oportunidad – wala kita kahibalo kon san-o maabot ang paghukom…
      • Madali lang nga malipat kita nga sa aton kabuhi – tanan kita isa lang ka tikang halin sa kamatayon…
      • Amo na nga importante gid nga aton mahibal-an kon diin kita padulong kon kita mapatay…
      • Ang aton problema, wala nagahatag sang garantiya ang Dios nga may buwas pa – subong amo ang sakto nga tion para magpati kag magtuo!
      • 2 Corinto 6:2 – “Sa husto nga tion nga luwason ko ikaw, sabton kag buligan ko ikaw. Gani pamati kamo! Karon gid ang husto nga tion nga luwason kita sang Dios.”
    • 3rd – Pag-ani sang mga padya para sa sala… vs. 13-15
      • Wala naghinulsol ang Israel – wala nila ginbuka ang ila mga nagtig-a nga tagipusoon…
      • Sa baylo, nag-arado pa gid sila para sa kalautan – amo na nga maani man sila sang kalautan…
      • Nagkaon sila sang mga bunga sang mga butig – nagsalig sa ila kaugalingon nga paagi / sa kusog sang ila mga soldado!
      • Ang resulta – ang ila nga pamakod salakayon kag agawon – mga babayi kag kabataan nila magkalamatay…
      • Kaangay sa ginhimo ni Shalman (Shalmaneser) sa Beth Arbel (balay sang paglusob)!
      • Maabot gid ang adlaw nga ang ila Hari – Hoshea – bug-os gid nga paga-utdon!
      • Hulubaton 14:12 – “Mahimo nga nagahunahuna ka nga ara ka sa husto nga dalan, pero gali ang padulungan sini amo ang kamatayon.”
      • Pwede nga kombinsido gid kita nga ang aton pagpili sakto gid – pero indi gali…
      • Ang mga pinakamatahum nga ideya – halin sa mga kalipikado nga mga tawo – nagatapos sa makahalansubo gid nga resulta kon wala ang Dios!
  • 3rd – May huyog nga maghimo liwat sang kalainan… vs. 1-7
    • 1st – Sang pamatan-on pa ang Israel… vs. 1-4
      • Gintawag sang Dios ang Israel paguwa sa Egypto (pagka-ulipon / kalibutan) – kag gintawag siya nga Iya anak!
      • Gin tudloan Niya ang Israel (Ephraim) kon paano maglakat – gintuytoyan sang Iya kamot…
      • Kag sang nasandad kag natumba – ang Dios ang nagpudyot sa iya / nag-ayo sa iya!
      • Gintuytoyan siya sang Dios gamit ang mahumok nga lubid (child harness) – mga lubid sang higugma…
      • Ara Siya para kakason ang gota sa ‘baba’ sang Israel – himun-an sila!
      • Gina tawag kita sang Dios palayo sa pagkagapos sa sala / sa kalibutan – gintawag Niya kita nga mangin mga anak Niya!
      • Kaangay lang sang isa ka gamay nga bata nga una magtilaw lakat, indi gilayon nga makalakat na…
      • Ang ila nga mga gagmay nga mga tiil indi pa baskog – amo nga masandad kag matumba gid sila – PIRMI gid!
      • Kag wala kita nagapangakig kon matumba sila– aton sila ginapudyot para magtilaw liwat!
      • Wala nagakakibot ang Dios kon makasala kita – kabalo Siya nga makasasala kita…
      • Ang importante amo ang paghinulsol kag pagpanumbalik kay Jesus – bangon liwat!
      • Panumdomon pirme nga ang Dios indi pa tapos sa aton – sa tuod lang, nagaumpisa pa lang Siya!
      • Hulubaton 24:16 – “Kay bisan makapito pa malaglag ang matarong nga tawo, makabangon man siya gihapon. Pero kon ang malaot ang malaglag, indi na siya makabangon pa.”
    • 2nd – Balik sa Egypto (pagkagapos)… vs. 5-7
      • Apang sang mas pirme ang pagtawag sang Dios sa Israel – mas nagdalagan pa gid sila pakadto sa ila mga idolo!
      • Naghalad sila kay Baal – kag nag sindi sang mga insenso para sa mga ginhulma nga mga imahen – imbes nga sa Ginoo!
      • Amo nga ibalik sila sa pagka-ulipon – pero subong sa idalom na sang hari sang Assyria…
      • Kag ang espada matiner sa ila mga syudad – kay namati sila sa ila kaugalingon nga laygay!
      • Determinado sila nga maghimo liwat sang malain – manawag lang sila sa Dios sa tion sang problema…
      • Pero ang mga katawhan wala gid sang mga tagipusoon para sa Ginoo…
      • Amo nga sa tion nga matapos na ang pagtilaw – mabalik naman sila sa ila mga sala!
      • 2 Pedro 2:22 – “Ang ila ginahimo pareho gid sa ginasiling sang hulubaton nga, “Ang ido nagakaon sang iya suka,” kag “Ang baboy nga bag-o lang ginpaliguan nagaligid liwat sa lunang.”
      • Kon kinahanglan na mag-atubang sa konsekwensya – madasig ang tawo magdalagan sa Dios…
      • Sa tion nga nakalipas na ang problema – balik naman sila sa pagsalig sa kaugalingon!
      • Ginapreparar naton ang aton tagipusoon nga mangita sa Dios – kon magkabuhi kita adlaw-adlaw nga mapa-inuboson…
      • Wala nagasalig sa aton kaugalingon – kundi nagabaton nga padayon naton ginakinahanglan si Jesus!
  • 4th – Ang Paghigugma sang Amay… vs. 8-12
    • 1st – Indi gusto sang Dios nga gub-on ang Israel… vs. 8-9
      • Dako gid ang paghigugma sang Dios sa Iya mga katawhan – INDI Niya MASARANGAN nga patubayaan sila…
      • Indi Niya paga-gub-on sila nga kaangay sang Admah / Zeboiim (Sodom / Gomorrah) – Genesis 19
      • Indi Niya bug-os nga laglagon ang Israel (Ephraim) sa Iya kaakig…
      • Kay Siya ang Dios – indi isa ka tawo – nagakahulugan nga indi Siya magbaylo sang Iya hunahuna tuhoy sa Israel…
      • May mga promesa Siya sa Israel – Jeremiah 31:33 – kag indi Niya paga-gub-on ini…
      • Bisan ano pa ka rebelde kag makasasala ang Israel – indi magbaylo ang Dios!
      • Malakias 3:6 –  “Ako, ang Ginoo, wala nagabaylo. Gani kamo nga mga kaliwat ni Jacob wala malaglag…”
      • Dako nga pagpalugpay – ang higugma sang Dios wala nagadepende sa aton nga katutom…
      • Hebrews 12:5-8 – “Siguro nalipatan na ninyo ang laygay sang Dios sa inyo bilang iya mga anak. Indi bala nagasiling sa Kasulatan,“Anak, indi pag-ibaliwala ang pagdisiplina sang Ginoo sa imo. Indi ka magkaluya kon ginasabdong ka niya.
        Kay ginadisiplina sang Ginoo ang iya mga ginapalangga, kag ginahanot niya ang tanan nga ginakabig niya nga iya mga anak.”
      • Tuman gid ka dako sang paghigugma sang Ginoo sa aton nga indi Niya pagtugotan nga makapagusto kita sang sala – amo na nga ginadisiplina Niya kita…
      • Indi tungod nga naakig Siya sa aton – kundi tungod sang madako nga paghigugma Niya sa aton!
      • Ginahandom sang Dios nga tudloan kita – Iya nga mga anak – kon paano mangabuhi sang maputli kag balaan nga kabuhi!
      • Indi masiling nga nakaluwas ang Israel sa ila mga sala – ginlapta sila sa mga nagkalain-lain nga mga nasyon sa sulod sang 2000 ka tuig!
      • Kon ang konsekwensya sang pagpangawat sang isa ka milyon nga dolyares – amo ang magsiling ka lang nga patawara ako….
      • Madamo gid ang mangin kawatan – pero kon ang konsekwensya tinuig sa sulod sang pisohan…
      • Kon wala sang malawig nga kosekwensya ang sala – basi masulayan gid kita nga magsala liwat…
      • Pero kaangay sang bata nga isa lang ka bes makatandog sang kalayo…
      • Ang malala nga konsekwensya nagatudlo sa aton sang isa ka leksyon nga indi gid naton malipatan!
    • 2nd – Isa ka adlaw masunod ang Israel sa Dios… vs. 10-12
      • Ang Ginoo mangurob nga daw leon – nagatawag sang Iya mga anak nga mapuli na halin sa pagkabihag…
      • Maabot sila nga nagapalangurog halin sa Katundan – nagalupad nga daw mga pating halin sa Assyria (Nasidlangan)…
      • Indi kumpleto nga natuman sa Dekrito ni Cyrus nga ipanumbalik ang Jerusalem – Ezra 1:1…
      • Note: Nagasiling ang Dios nga bisan puno sang paglimbong ang Israel –Nagapanglakaton ang Judah upod sa Dios…
      • Pero ini nga mga tinaga ‘nagalakat upod sa Dios’ ginabaisan pa– indi tanan nga mga eskolar naga-ugyon sa pagbadbad …
      • Hoseas 11:12 – “ang Judah salawayon man batok saDios…” (NASB)
      • Kag madamonga mga eskolar nagapati nga ang verse 12 dapat mangin una nga verse sang chapter 12
      • Bug-os nga natuman sa katapusan sang Diaspora – May 14, 1948 – ag pagka-bun-ag liwat sang Israel!
      • Isaias 43-5-6 – “Indi ka magkahadlok kay kaupod mo ako. Tipunon ko ang imo mga kaliwat halin sa sidlangan kag nakatundan. Hambalan ko ang mga nasyon sa aminhan kag sa bagatnan nga pabay-an ang imo mga kaliwat nga magbalik sa ila duta, nga papaulion sila halin sa malayo gid nga mga lugar.  Sila ang mga katawhan nga akon gintawag; gintuga ko sila para sa akon kadungganan.”
      • Sigurado nga may konsekwensya gid ang pagrebelde batok sa Ginoo…
      • Ang Israel isa ka maathag nga laragway nga ginapakita sa aton kon ano ka dako nga halit ang konsekwensya sang pagrebelde…
      • Nagapakita man sang bugay sang Dios– wala sang makapahilayo sang Iya paghigugma sa aton– Roma 8:38
      • Sa tion nga maghinulsol kita – magliso pakadto sa Dios – Madalagan Siya para sugataon kita – Lucas 15:20