Making Bible Study Easy for everyoneEnglish • Hiligaynon
Back to Amos
Verse-by-Verse Bible Study

Amos 1–2

Introduction

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Introduction…

  • Ang bug-os nga laygay sang Dios
    • Ang amon handum ang mag tudlo sang bug-os nga Biblia…
    • Binuhatan 20:27 – “ Kay wala gid ako sing may gintago sa inyo parte sa bug-os nga katuyuan kag plano sang Dios.”
    • Natapos naton ang Joel – ika 29 nga libro sang Old Testament – ika 6 sa 16 ka mga libro sang propesiya sa OT…
    • Masugod kita sa Amos –Ang ika 3 sang ginatawag nga 12 ka Minor Prophets
    • Ang mga Propeta…
    • Major kag Minor nga Propeta…
    • May ara nga 16 ka libro sa Old Testament – na tunga sa 2 ka bahin…
    • May ara nga 4 ka Major nga Propeta – Isaias / Jeremias / Ezekiel / kag Daniel…
    • Kag may 12 ka Minor nga Propeta – halin sa Hoseas asta Malachi…
    • Indi sila minor tungod gamay lang ang importancia – pareho lang sila ugaling manubo lang!
    • Ang Libro sang Amos – 3 ka Butang…
    • 1st – Sino ang nag sulat sang Amos…
      • Maathag gid kon sino – tan-awa ang ngalan sa ibabaw sini nga pahina!
      • Gamay lang ang binais sa kon sin-o nag sulat sini nga mga libro
      • Nagakahulugan ang iya ngalan nga – kabug-atan – nagakabagay ang ngalan nga siya may kabugatan sa pag tawag sang Israel nga magbalik sa Dios!
      • Halin siya sa tribo sang Judah – halin sa kapatagan sang Tekoah (nabagatnan nga bahin sang Jerusalem)
    • 2nd – sang sano gin sulat ang libro – si Amos isa ka propeta sa naaminhan nga Kaharian…
      • Si Amos nagpropesiya mga 750 B.C. – sadtong panahon nga si Uzia (Azarias) nag-hari / kag Jeroboam II
      • Duha ka tuig antes sang linog (760 B.C) – gin mitlang man sa Zecharias 14:5
      • 30 ka tuig antes sang kalaglagan sang Samaria kag Diaspora sang naaminhan!
    • 3rd – Ang pag pihak sang duha ka libro…
      • Chapters 1-2- Ang 8 ka nasyon paga silotan nalakip na ang Judah kag Israel
      • Chapter 3-6 – Ang 3 ka wali sang pag hukom sang Dios
      • Chapter 7-9 –Ang palananawon nga paghukom sa Israel
    • Ang sala sang mga nasyon… (4 ka butang)
  • 1st – Ang propeta nga si Amos… vs. 1-2
    • 1st –Ang Dios nag pili kay Amos… vs. 1
      • Si Amos – manugbantay sing karnero – halin sa kapatagan sang Tekoah…
      • Ang Tekoah isa ka gamay nga lugar sang Judah /nabagatnan sang Bethlehem / pakadto sa Patay nga Dagat…
      • Nag obra siya dira bilang isa ka manugbantay – ang chapter 7 naga hambal nga siya man mangangani sang bunga sing (higera)…
      • Gani indi siya propeta / ukon bata sang propeta /indi siya damo sang tinun-an…
      • Ordinaryo nga tawo lang siya manugbantay karnero kag naga pamuksi sang bunga
      • Sa pihak nga bahin si Jeroboam II isa sa pinaka-madinalag-on nga hari sang Israel…
      • Sa tion sang iya nga pag hari sang Israel pinaka-mainuswagon sa bahin sang materyal nga butang….
      • Manggaranon kaayo sa materyal nga butang -pero pinaka imol sa Espirituwal nga butang…
      • Kag gin pabug-atan sang Dios si Amos sa pag lakat kag pabugtawon sila sa espirituwal sa Dios!
      • Sa hinali lang ini nga cowboy /manug kuha bunga nag pakita sa Bethel nagahambal sa mga tawo nga maghinulsol!
      • Kon ipaanggid mo isa ka pangayaw nga trabahador nag kadto sa Washington D.C.
      • Nag-abot sa atubangan sang kongreso kag nagdeklarar sang paghukom sa imoralidad sang aton nga nasyon!
      • Ang Dios nag gamit kay Amos -tungod wala nagkuha sang maalam/gamhanan / ukon dungganon – I Corinto 1:26
      • May ara nga kinaandan nga sayop nga panghunahuna nga ang Dios naga gamit lang sang mga ‘halangdon’…
      • Amo sina ang kaalam sang tawo – kalibutanon nga idea ang naga sulod sa simbahan…
      • Indi ka makakita sang kolihiyo sa biblia ukon seminaryo sa Biblia – makita mo lang makasasala!
      • Gingamit sang Dios si Amos – tungod may tion siya – kag handa siya magpagamit sa Dios…
      • Wala nagapangita ang Dios sang sampaton gid nga mga tawo – nagatanaw Siya kon sino ang may tion
      • Nahadlokan man ko kay sa masami kon magtawag ang Dios – mas gusto ta pa mag pakunokuno nga daw wrong number…
      • Ginahunahuna naton nga indi matabo nga ang Dios gusto/ukon sa amo na nga bagay Iya kita gamiton…
      • Apang ang simple nga kamatuuran gina butang kita sang Dios sa diin Niya gusto – kag gusto Niya nga gamiton kita…
      • Ang kalipikado nga ginagamit sang Dios – handa sa pagsabat sang tawag – ‘Ari ako!’
      • Isaias 6:8 – “ Sin-o bala ang akon ipadala? Sin-o bala ang malakat para sa amon?” Nagsabat ako, “Ari ako! Ako ang ipadala.’”
    • 2nd – Gin padala si Amos nga may gahum… vs. 2
      • Nagangurob ang Ginoo halin sa Zion – ang iya tingog nagadaguhob halin sa Jerusalem…
      • Kag tungod sini nagakalaya ang mga palahalban sang mga manugbantay sang karnero/ pati ang mga tanom sa putokputokan sang Bukid sang Carmel!
      • Isa ka laragway sang Leon nga nagatiid sang iya tulukbon – nga ang iya nga ngurob naga hatag sang kahadlok sa nagapalamati…
      • Si Amos gin padala sa Judah nga may awturidad sa pag deklarar sang paghukom sa Israel…
      • Kag may rason gid nga mahadlukan ang Israel – indi tungod sa manugbantay…
      • Kundi bangod ang manugbantay nagahambal sa gahum kag awturidad sang Dios!
      • Importante nga aton gid madumduman ang gahum nga nag padala sa aton…
      • Kadamo nga tion nahuya kita magtindog para kay Jesus – may kahadlok sa kalibutan…
      • Ukon naga nagakabalaka kon ano ang ihambal – nahadlok nga wala ta sang insakto nga tinaga…
      • Pero wala kita naga lakat sa aton lang nga kusog– kundi naga-ngurob sa gahum sang Dios…
      • Kinanglan lang naton itikab ang aton baba – Ang Dios amo ang magahambal sa aton!
      • Mateo 10:19-20 – “Indi kamo magpalibog kon ano ang inyo ihambal… ang Espiritu Santo amo ang magatudlo sa inyo kon ano ang inyo isabat!”
  • 2nd – Ang unod sang Paghukom…
    • 1st -Si Amos madeklarar sang pag hukom sang Dios sa 7 ka nasyon…
      • Tagsa ka paghukom nagaumpisa sa ‘Ginasiling sang Ginoo’ – tungod ang Dios ang maga hukom!
      • Indi si Amos ang naga hukom sa Israel – nagapaandam lang…
      • Tungod nga kon indi sila mag hinulsol – Ang Dios amo ang magahukom sa ila!
      • Kalabanan sa mga Cristohanon subong nga tiempo nabudlayan sa ideya nga gintawag kita sa pagpaandam sa iban…
      • May ara kita nga sayop nga paghangop sa sini nga dinalan sa Lucas 6:37 – “Indi ninyo paghukman ang iban agod indi man kamo paghukman sang Dios.”
      • Naandan na sa aton kultura ‘indi ko pag hukmi…’
      • Apang sa pagkamatuod kita nga mga tumuluo indi maka hukom sa tagipusoon /ukon tinutuyo sang isa ka tawo…
      • Indi man buot silingon nga indi kita maka hukom sa bunga nga makita naton sa kabuhi!
      • sa tuod lang, si Jesus naghambal sini sa – Lucas 6:44 – “ Ang tagsa ka kahoy makilala mo sa iya bunga.”
      • Bangod mas maayo nga magpaandam sa mga katawhan sang maathag nga sala – ihambal ang matuod…
      • Sang sa maabot ang adlaw nga mag tindog sila sa atubang sang Dios kag hukman sila!
    • 2nd -Ang tagsa ka paghukom may unod nga dinalan – ‘ 3 ukon 4 nga mga paglapas’…
      • Ang dinalan sa hebreo nga ekspresyon nagakahulugan sa pag pakita sang pat-ud nga resulta…
      • Hulubaton 30:21 – “May tatlo ukon apat pa gani ka butang nga indi maagwantahan sang mga tawo sa kalibutan.”
      • Waay sang pamangkot nga pagahukman ang tagsatagsa ka nasyon sang ila sala!
      • Ang dinalan nagadala sang idea nga pag padayon sang pag rebelde sang nasyon…
      • Kon sayuron wala sila nakasala sa isa ukon kaduha – padayon sila sa pagpakasala!
      • Ang bugay sang Dios isa ka tumalagsahon nga butang – wala sing kon sino nga indi mapatawad sang Dios…
      • Apang ang mga naga padayon sa pagkabuhi sa sala nga wala sang paghinulsol – pagahukman!
      • Galacia 5:21 – “ Ang mga tawo nga nagahimo sining mga butang indi masakop sa paghari sang Dios.”
  • 3rd – Ang pito ka nasyon…
    • 1st –Ang paghukom sa Syria… vs. 3-5
      • Damascus – ang kapital sang Syria (Aram) – pagahukman tungod sa ginhimo nila sa Gilead…
      • Gilead – sa nasidlangan sang Jordan – nasakop na sang Syria – I Hari 22:3
      • Gani ang Dios padalan sila sang kalayo sa panimalay ni Hazael – ang palasyo ni Ben-Hadad…
      • Ang barikada sang Damascus maguba – ang ila mga ganhaan sa syudad…
      • Madula ang kontrol sang Syria sa kapatagan sang Aven /kag Bet Eden (nasidlangan nga emperyo)…
      • Kag bihagon sila kag dal-on sa Kir – nalutos sang Assyria – II Hari 16:9
      • Sa II Hari 8:8-15 – Ben Hadad – ang hari sang Syria –may balatian…
      • Ginpadala sang hari si Hazael sa pagpamangkot kay Eliseo kon maayo pa siya…
      • Ginhambalan ni Eliseo si Hazael nga hambalan ang Hari nga maayo siya sa balatian…
      • Pero ginhambalan niya si Hazael nga ang Ginoo nag pakita nga ang hari mapatay man gid…
      • Bisan pa nga ang Hari maayo sa masakit – si Hazael ang mapatay sa iya!
      • Samtang ginahambal ni Eliseo gintulok niya sang masakit si Hazael – kag nagsugod sang hibi …
      • Ang Ginoo gin pakita kay Eliseo ang makasiligni nga himuon ni Hazael…
      • Paano niya sunugon ang siudad sang Israel /kag patyon ang pamatan-on nga mga lalaki…
      • Ilampos ang mga kabataan sa bato /kag ririan ang tiyan sang mga babayi nga nagabusong!
      • Nagpamangkot si Hazael kon paano ang ‘ído’nga kaangay niya makabuhat sang sina nga mga (gadol) butang!
      • Si Hazael nag balik sa pagdulong sang mensahi ni Eliseo…
      • Apang pagka dason nga adlaw nag kuha siya sang habol kag gintumoy niya sa tubig – kag gin haplak sa guya sang hari agod nga mapatay…
      • Kag gin buslan niya ang hari kag nangin pangulo sang Syria!
      • Ayhan natulok naton mga tawo pareho kay Hazael – nga ginpahanugot sang Dios sa pag pangulo sang Syria…
      • Kag magpangalag-ag – ngaa gina pahanugutan sang Dios ang mga mala-ot nga tawo nga mag pangulo…
      • Apang ang Dios gin gamit siya sa pag silot sa mga rebelde nga mga tawo – nagtulod sa Israel nga mag hinulsol!
      • Apang indi magtalang – indi buot silingon nga si Hazael makaluwas – pat-od ang pag hukom sa iya!
    • 2nd – Ang silot sa nasyon sang Filistia… vs. 6-8
      • Ang Gaza – ang kapital sang Filistia – pagasilutan…
      • Ang Gaza amo ang puno sang 5 ka siudad – Gaza / Ekron / Ashdod / Ashkelon / Gath (wala na mitlang)
      • Sila pagasilutan bangod gin baligya nila ang mga tawo sang Juda nga mangin ulipon sa Edom…
      • Ayhan sang tion sang pag rebelde ni Haring Jehoram – II Cronica 21:16
      • Ang sabat sang Dios lamunon ang ila nga mga lugar – kag ang ila kaliwatan maubos!
      • Sang sano ka naka kita sang isa nga taga Filistia – waay ni isa – gintuman sang Dios ang tanan niya nga ginhambal!
      • Interesante kay ang – ngalan nga palestinian nag halin sa ngalan sang Filistia…
      • Sang ang Roma gin guba ang Jerusalem sa ika duha nga tion sang 132 A.D. – gin ngalanan liwat ang Judea nga Palestine!
    • 3rd – Ang silot sang Tyre… vs. 9-10
      • Tyre – ang kapital sang Phoenicia – pagasilotan…
      • Kay ang bug-os nga pumuluyo sang mga banwa ginbaligya nila nga ulipon sa Edom …
      •  Wala nila pagtumana ang ila kasugtanan sa sini nga mga tawo bilang mag-abyan…
      • Si Haring Hiram sang Tyre, suod nga abyan ni David kag Solomon – II Hari 5:2-6
      • Bangod ang Tyre nalipat sang ila kasugtanana sa Judah – ang Dios malamon sa ila…
      • Literal nga natuman sang si Nebuchadnezzar ginsalakay ang siudad sa sulod sang 13 ka tuig
      • Sa pag responde sang pumuluyo sang Tyre nag tukod sila liwat sang siudad sa isa ka Isla – ginpinsar nila nga wala na peligro…
      • Si Alexander the great umabot – gin haboy ang naguba nga siudad sa dagat – kag nag himo sang taytay…
      • Ginsunog ang syudad – wala na matukod liwat – nangin malapad nga bato para bulodbudan sang pukot!
      • Ezekiel 26:14 – “Himuon ko na lang ang inyo lugar nga isa ka malapad nga bato nga bululadan sang mga pukot. Indi na gid pagtukuron liwat ang inyo siyudad. Matabo gid ini, kay ako, ang Ginoong Dios, ang nagasiling sini.”
    • 4th – Ang silot sang Edom… vs. 11-12
      • Ang Edom – Ang kaliwat ni Esau – pagasilutan…
      • Tungod nga gin lagas nila ang Israel – nga ila kadugo – sang Espada!
      • Ginsikway nila ang kaluoy – kag sa baylo kaakig ang naglamon sa ila – nagkabuhi sila sa kaakig…
      • Naghupot sila sing kaakig nga naga balik halin pa sa tion ni Jacob kag Esau – pagkapanganay / kag pagpakamaayo!
      • Ang resulta may kalayo nga ma-abot sa siudad sang Teman / Bozrah – kag maguba sila!
      • Kon ginsakit ka sang iban – kag indi mag patawad – naga tanom sang binhi sa aton tagipusoon…
      • Mahimo ini nga magdulot sang hinakit – mahupot sang kaakig tungod sang ginhimo sa aton!
      • Kon ang aton tagipusoon indi magpatawd – indi magpamati ang Dios sa aton pangamuyo – Marcos 11:25
      • Ang sulusyon – magliso kay Jesus – tagaan Niya kita sang bugay sa pagpatawad!
      • Tungod ang pagpatawd indi lang para sa nag himo sang malain – maaplikar man sa aton…
      • Naga hilway ini sa aton – agod nga indi kita magpuyo sa nagligad – kinanglan naton nga mag abante kay Cristo!
    • 5th – Ang paghukom sa Ammon… vs. 13-14
      • Ang Ammon – kag ang kapital sang Rabbah –pagasilutan…
      • Tungod nga gin ririan nila ang mga nagabusong nga babayi sa Gilead – para lang makadaog sang teritoryo!
      • Ang Amonhon mga kaliwat ni Lot – hinablos ni Abraham – Genesis 19…
      • Pagkatapos sang pag laglag sang Sodom kag Gomorrah nag panago si Lot upod ang duha ka bata niya nga babayi…
      • Ang mga babayi niya nga anak – nagapinsar nga ang tanan nga lalaki patay na – gin hubog nila ang ila amay…
      • Naghulid sila sa ila amay kag duha sila may mga anak – ang mga Moabnon kag Amonhon!
      • Pero sila man ang nagpigos sa mga katawhan sang Israel – I Samuel 11:1
      • Nag demanda sila sa mga tawo sang Gilead nga lukaton nila ang ila tuo nga mata – ukon papason sila!
      • Tanan gin obra nila para lang makakuha sang duta…
      • Daw kakaladlawan kon paano ang tion daw wala nag lain – Ammon – kapital sang Jordan…
      • Kag nagapadayon sila sa pakigaway para lang makakuha sang gamay nga duta – West Bank!
      • Ang Dios magasilot gihapon sa mga nasyon nga naga pamatok sa iya mga katawhan!
    • 6th – Ang Silot sang Moabnon… vs. 1-3
      • Ang Moab –kag kapital sang Kerioth – pagahukman…
      • Bangod nga gin sunog nila ang tulan sang Hari sang Edom asta nga nag abo (puti)…
      • Ini basi reperensya sang pagka perdi sa away batok sa Judah / Israel / Edom – II Hari 3:27
      • Sang ang Hari sang Moab nag testing nga mag palagyo upod ang 700 ka pinasahi nga soldado – apang napaslawan siya sa pag palagyo…
      • Gani sa iya nga pag ka desperado gin halad niya ang iya kamagulangan nga anak sa pader sang siudad…
      • Damo sang nagahambal nga ang kamagulangan nga anak sang Hari sang Edom ang iya nga gin halad!
      • Kag ang resulta papason sang Dios ang Edom – magaguha sila nga may pagsinggit /pag patunog sang trumpeta…
      • Nagapanugda sang kamatayon paagi sa tunga sang kasinkal sang inaway!
    • 7th – Ang paghukom sa Judah… vs. 4-5
      • Ang Judah – kag kapital nga Jerusalem – pagasilutan…
      • Bangod nga gintamay ang Kasuguan sang Ginoo – kag wala nag tuman sang kasuguan…
      • Sa baylo gin sunod nila ang butig nga nag dulong sa ila nga pagtalang talang – kag gin sunod man nila ang butig sang ila mga amay!
      • Gani nag padala sang kalayo ang Dios sa palasyo sang Jerusalem – aka – Nebuchadnezzar!
      • Tungod nga ang silot indi lang napartineser sa pagano nga nasyon…
      • Bisan pa sa mga pinili nga katawhan sang Dios maapektuhan gid sa dala nga kalaglagan sang sala!
      • Ang kalibutan subong nadula sang TUMAN – ang ara sa babaw nag padalum /ang insakto nangin indi insakto – tungod nga ang sayop ang ginsunod…
      • Kag kalabanan nga nabilin nga lungo kag mag pamangkot – paano nga ang tanan nangin balingag!
      • Ang problema kon kuhaon ta na ang talaksan sang matuod – Ang Pulong sang Dios…
      • Ang Matuod nangin relatibo – indi na naton mahibaluan ang insakto kag ang indi insakto…
      • Sugod sang 1962 – ang Korte Suprema gin kuha ang pag pangamuyo sa Eskwelahan…
      • Sang 1963 – sa pareho nga korte ginapatuman nga ang Biblia wala sing kinamatarong nga ara sa eskwelahan nga pang publiko…
      • Ang resulta nag damo ang sexual promiscuity / pagpahulog /kag deborsyo…
      • Garabi ang pamintas sa Eskwelahan – tungod nga ang mga kabataan ginatudluan nga wala sang Dios – wala sang konsekwesiya…
      • Gani importante nga mag tuon sang aton Bibliya – agod MAHIBALUAN ang MATUOD – Juan 17:17
  • 3rd – Ang Paghukom sang Israel… vs. 6-15
    • 1st – Ang Katapusan nga nasyon nga paga hukman… vs. 6-8
      • Sa katapusan ang Israel sila man pagasilutan – bangod nga bug-os gid ang pag sikway nila sa Dios…
      • Gin baligya nila ang matarong sa pilak –kag ang mga imol daw ang bili pareho lang sa isa ka pares nga sandalyas…
      • Ginatapakan nila ang mga wala sang ikasarang – wala ginasapak ang mga gina pigos!
      • Ang Anak kag ang Tatay naga hulid sa pareho nga nagapakighilawas sa pag simba sa ila dios dios…
      • Nagatulog sila sa mga lugar nga ila ginasimbahan  nga nagasuksok sang bayo nga ginprenda sa ila sang mga imol – Exodo 22:25-27
      • Kag nagaininom sila sang bino nga bilang bayad sang mga imol sa ila nga utang!
      • Bisan nga sila ang katapusan nga nasyon – madamo ang mahambal sang Dios batok sa ila
      • Ang matuod nga ang katuyuan sa likod sa pag lista sang sala sang 7 ka nasyon…
      • Ang tanan ginapatihan sang Israel nga dapat lang gid nga silutan…
      • Amo ang pagpamatuod nga bisan nagakadapat nga hukman – mas malala ang Israel!
      • Ang Syria mga mapintas /mga Filistia wala kalooy/ang Tyre wala sang hinambalan…
      • Ang Edom puno sang kaakig /ang Ammon dalokdalok / ang Moab Masingki…
      • Bisan ang Judah nag talang bangod sa butig nga pagpati – apang wala sang maka tupong sang kalautan sang Israel!
      • Ang sala sang iban permi mas maathag sang sa aton gina himo…
      • Gina pinsar naton nga mas bugayan kita sang Dios – bisan nga gina silutan ang sala sang iban…
      • Ngaa nga gina pinsar naton nga luwas kita sa pagsulundan!
      • II Pedro 2:4-6 – “Wala gani maluoy ang Dios sa mga anghel nga nagpakasala sadto anay… [kag]  Wala gani niya pagkaluoyi ang mga tawo sang una nga indi diosnon…  Ginsunog niya ang mga banwa sang Sodom kag Gomora bilang silot sa makasasala nga mga tawo didto…”
      • Mag andam kita nga himuon naton ang bugay sang Dios nga rason – Judas 1:4
      • Sa baylo tanawa ang resulta nga gina-atubang sang iban – kag mag tuon nga indi maglakat sang ila naagyan!
    • 2nd – Ang Gahum sang Dios ginpakita sa Israel… vs. 9-15
      • Ginlaglag sang Dios ang Amonhon – labi na gid sa mga higanti (Anak) – Numero 13:33…
      •  Bisan pa ini nga mga tawo mataas nga daw kahoy nga sedro kag mabakod nga daw kahoy nga terebinto –  Ginpanglaglag sila hasta nga wala sing may nabilin sa ila…
      • Kag nalutos ang Egypt – ang pinakagamhanan sadto nga mga inadlaw– naghimuno sa Israel sang 40 ka tuig…
      • Gin himo niya ang iban nga mga anak nga mga propeta – sa pag tudlo sang Pulong sang Dios…
      • Ang iban ginhimo nga Nazareo – Numero 6:2 – nga mangin halimbawa kon paano mag kabuhi para sa Dios!
      • Bisan ano pa ang gin obra na sang Dios para sa ila /gin hatag sa Israel – ila gihapon gin sikway Siya…
      • Ginhatagan nila sang alak ang mga Nazareo (ginadumili) – kag ginhambalan ang mga propeta nga mag hipos!
      • Gani pagadugmokon sang Dios ang Israel – pareho sang karo nga puno sang patubas nagadugmok sang duta!
      • Gani bisan pa ang madasig magdalagan sa inyo indi makapalagyo / ang makusog magaluya nga indi maluwas ang kaugalingon…
      • Bisan pa ang pinakamaisog ninyo nga tawo – magapalagyo nga hublas sa adlaw nga silutan sang Dios ang Israel…
      • Ang punto ni Amos nga ginapakita sa Israel – ang adlaw sang pagbayad maabot!
      • Kag wala sang rason – wala sang pagkamatarong – nga makaluwas sa ila ginhimo nga sala!
      • Sa pag basa ko sang 3 chapters indi ko malikawan nga mag pinsar sang aton nga nasyon – America…
      • Ang American nakita nila ang iban nga nasyon nga gin silutan sang Dios tungod sang ila mga sala…
      • Apang mas malala pa subong kaysa iban nga mga nasyon nga ginapakanubo naton…
      • Apang madamo ang ga hunahuna nga naka luwas na – nga daw libre nga tiket…
      • Kag gina pahipos nila ang mag hambal – kag ginasikway ang Pulong sang Dios…
      • Apang ang matuod maabot ang paghukom – kag wala sang balibad!
      • Apang may ara pa nga paglaum –tion nga mangin Amos – kag maisog nga magtindog para kay Jesus!