Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Review…
- Si Amos – isa ka manugbantay sang karnero halin sa kapatagan sang Tekoa- isa ka ordinaryo nga tawo nga indi kilala…
- Ginpadala siya sa Naaminhan nga Kaharian sa tion nga bugana kag naga-uswag gid ang lugar….
- Ginpadala siya kay handa gid siya nga maglakat – ginpadala sang gahum sang Dios – ‘ang Ginoo nagangurob halin sa Zion’…
- Ginpakabalaka siya sang Dios nga maglakat kag pukawon ang katawhan sang Israel antes ulihi na ang tanan!
- Nag-umpisa si Amos sa pagpahayag sang hukom sa 7 ka nasyon nga nagapalibot sa Israel…
- Ang kada paghukom naga-umpisa sa mga tinaga nga ‘Amo ini ang ginasiling sang Ginoo’ – tungod ang Dios amo ang nagahukom!
- Kada paghukom may unod nga dinalan nga nagasiling – ‘para sa 3 ka paglapas – kag para sa 4’ – tungod nga pat-od gid ini…
- Mapintas ang Syria / ang mga Filistinhon wala kaluoy / ang Tyre wala nagtuman sang ila panaad…
- Puno sang kaakig ang Edom /Mahamkonon ang Ammon / masingki ang Moab / Ang Judah nagtalang tungod sang mga binutig
- Samtang ang Israel handa gid nga mag-ugyon sa paghukom sa ining 7 ka mga nasyon…
- Ang katuyoan sang paglista sang ila mga sala – amo nga mag pat-od sang isa ka punto…
- Gusto ipakita sang Dios ang kamatuoran nga ang ini nga mga nasyon takus nga pagahukman, pero ang Israel mas malala pa gid!
- Ginluwas sila sang Dios halin sa Egypto – ginhatagan sila sang mga Nazarites kag mga Propeta nga magpangulo sa ila…
- Apang ginpahipos nila ang mga propeta sang Dios – amo nga pagahukman sila sang Dios!
Pamatii ini nga Pulong… (3 ka mga sermon)
- 1st – Pamatii ini nga Pulong – Sa mga anak sang Israel… vs. 1-15
- 1st –Ginpili ang Israel … vs. 1-2
- Si Amos may mesahi halin sa Ginoo – para sa ‘bug-os nga pamilya’ nga ginluwas paguha sa Egypto…
- Gintutok ni Amos ang 3 ka sermon (chapter 3-5) sa Naaminhan nga Kaharian…
- Pero ginapanugyan niya man ang Judah nga magpamati man – tungod bisan indi sila pareho kalain…
- Ara man sila sa pareho nga dalanon kag nagapeligro nga mahulog man sa amo man nga kapalaran!
- Ginpili sang Dios nga isahanon lang gid ang Israel lakip sa tanan nga mga nasyon sa duta…
- Espesyal ang Israel – tungod paagi sa ila nga nagkari ang Messias – Genesis 22:18
- Apang nagapinsar ang Israel nga ang ila nga espesyal nga lugar sa plano sang Dios may upod nga mga espesyal nga mga benepisyo…
- Sila ang mga ‘mga pinili nga katawhan’ – sila lang ang mga kaliwatan ni Abraham!
- Ara sa ila ang mga mando / Kasugoan sang Dios – Nakahibalo sila tuhoy sa Ginoo!
- Mateo 3:9 – “ Indi kamo magsiling nga indi kamo pagsilutan tungod kay kamo mga kaliwat ni Abraham. Kay bisan ang mga bato nga ini sarang mahimo sang Dios nga mga anak ni Abraham.”
- Santiago 2:19 – “Nagapati ka nga may isa lamang ka Dios. Maayo gid! Pero ang mga demonyo nagapati man kag nagakurog pa gani .”
- Kon mamangkot ka sa kalabanan nga mga tawo – masiling sila sa imo nga sila Kristyano / Americano (wala kinalain)…
- Masiling sila nga nagapati sila sa Dios – ipabugal pa nila ang ila ‘pagtuo’sa Dios…
- Kon kaangay man lang kita sang mga bato okon sa demonyo nga nagapati man nga may isa lamang ka Dios – Indi ina makasarang magdala sa aton sa langit!
- Sa matuod lang, mas madako ang salabton kag paghukom sa Israel- tungod nakahibalo sila sang Pulong sang Dios…
- Nahibaloan nila kon ano ang ginapa-abot sang Dios sa ila – ang kinatuhay sang insakto kag sang sala…
- Madamo ang nagalapas sa Kasuguan sang Dios – pero wala sila naka-hibalo – Roma 2:12
- Ang nakahibalo sang sugo sang Dios – nakahibalo man sang kamatuoran sang Iya nga Pulong…
- Pero nagapili man gihapon nga magpakasala – ina ang pagrebelde batok sa Ginoo – nga mas madako gid nga sala!
- Lucas 12:48 – “Kag ang suluguon nga wala nakahibalo kon ano ang luyag sang iya agalon kag nakahimo sang mga butang nga indi maayo hanuton man, pero diutay lang. Kay ang bisan sin-o nga ginhatagan sang madamo, madamo man ang ginapaabot sa iya. Mas madamo ang ginapaabot sa tawo nga gintugyanan sang madamo.”
- 2nd – Ang mga kredensyal ni Amos… vs. 3-8
- Sigurado gid nga ginadudahan sang Israel ang mga kredesyal ni Amos…
- Sin-o ka nga magsiling nga ara kami sa idalom sang paghukom sang Dios– sin-o naghatag sa imo sang deretso…
- Wala sang tawo nga nanamian nga ipa-atubang sa ila ang ila sala – mas mahapos nga ibali-wala ang nagdala sang mensahi!
- Kon makabaton ka sang isa ka bill (Pagpanukot) nga indi mo gusto – indi nimo mabasol ang Google maill / ang Yahoo / okon ang AOL…
- Indi na ila nga sala nga mataas kaayo sang bill mo – manug-dala lang sila sang mensahi!
- Apang madamo nga tawo ang nanamian mag-atake sa manug-dala sang kamatuoran…
- Kay mas mahapos nga magbasol sa iban kaysa mag-angkon sang aton mga sala!
- Amo nga naghatag si Amos sang apat ka mga retoriko nga pamangkot para ipamat-od ang punto nga ginpadala siya sang Dios!
- Maka-inupdanay lakat bala ang duwa kon wala sila ‘nakasugtanay sang lugar kon diin sila makit-anay’?
- Sa mga tion nga indi pa uso ang cell phones – kon makig-kita ka sa isa ka tawo…
- Mahatag ka gid sang instruksion sa iya , antes pa lang, kon diin kag kon san-o kamo makit-anay
- Nakahatag sang instruksion ang Dios sa Israel – parte sa kon paano sila mag ‘pang-lakaton’ para maka-pakigkita sila sa Dios…
- Nagpadala Siya sang Iya nga mga instuksion paagi sa mga propeta – nga kaangay ni Amos…
- Pero wala nila ginhatagan importansya ang Iya nga mga Instruksion – Amo nga madangat gid sa indi sila makakita sa Dios!
- Ginpasimple lang sang Dios ang instruksion para sa kaluwasan – magtuo lang- Efeso 2:8
- Wala ginpabudlay sang Dios ang kaluwasan – Gusto Niya nga maluwas ang tanan – II Pedro 3:9
- Pero kita ang mapili– langit okon impyerno / kabuhi okon kamatayon…
- Kita ang nagapili kon magpanglakaton kita sa aton kaugalingon nga paagi / okon mag-upod na lang sa Dios!
- Madagdag bala ang pispis halin sa kahawaan kon indi ini ginsiod?
- Ang tugalbong nga tiglapak makagat bala – nga indi madakpan ang nakalapak sini…
- Ang laragway mabaskog gid – kaangay sang patibong sa oso – nga gulpi nagasira kag nagadakop sang dalakpon…
- Nag preparar ang Dios sang patibong para sa nasyon sang Israel – para dakpon sila sa ila kalautan…
- Si Amos amo ang patibong – ginpadala siya sang Ginoo para mahibal-an kon ang mga katawhan maga-rebelde okon maghinulsol…
- Kag nadakpan gid sila sang patibong – kag indi gid sila makapalagyo sa paghukom nga masunod!
- Pagahuypon bala ang trompeta sa syudad – nga indi magdala sang kakulba?
- Sang mga adlaw nga sinang-una, ang alarma para sa syudad nga nagapahibalo nga may nagapalapit nga mga kaaway amo ang trompeta…
- Kon mabatian sang mga katawhan ang huni– ini nagapa-andam nga ara na ang peligro sa ganhaan!
- Si Amos amo ang trompeta – ginapahuni niya ang alarma – ara na ang Dios sa ganhaan…
- Ginhimo Siya nga kaaway sang Israel – kag nagkari Siya para magdala sang kalamidad!
- Magangurob bala ang isa ka leon kon wala man tulukbon?
- Ginatiid sang leon ang iya tulukbon – wala nya ginapabalo ang iya nga posisyon asta sa tion na nga mag-atake siya…
- Ang mga bataon pa nga mga leon indi mag guwa sa ila nga lungib asta nga madakpan na sang ila ginikanan ang tulukbon!
- Wala sang gina-obra ang Dios nga wala niya anay ginapahibalo sa Iya nga mga propeta…
- Nakangurob na ang Ginoo, sin-o ang indi mahadlok – Nakahambal na Siya, paano pa si Amos makapangindi sa pagpropesiya!
- Nakahambal man sa aton ang Diosl – nahibal-an ta ang Iya Pulong – kabalo kita sang kamatuoran…
- Kabalo kita nga isa lang ang alagyan pakadto sa langit – kag kon indi langit – impyerno…
- Tungod nga nahibaloan naton ang kamatuoran – paano naton punggan ang pagbantala – paano kita maghipos-hipos lang!
- Jeremias 20:9 – “Kon kaisa nagasiling ako nga indi na ako maghambal parte sa imo ukon magsugid sang imo mga mensahi. Pero indi ko mapunggan, kay ang imo pulong daw sa kalayo nga nagadabdab sa akon tagipusuon kag mga tul-an. Ginakapoy na ako sa pagpugong sini.”
- 3rd – Ang paghukom sang Samaria… vs. 9-15
- Nagapanawag ang Dios sa mga nasyon nga magkari kag magtuon sang leksyon…
- Ibantala sa mga palasyo sang Egypto / Ashdod (Mga Filistinhon) – Kari kamo sa bukid sang Samaria…
- Kari kamo kag lantawa ang kalaglagan sang Israel – tungod indi sila kabalo maghimo sang matarong!
- Mapadala ang Dios sang kaaway nga magapalibot sa syudad – Assyria – II Hari 17:5
- Kaangay sang manugbantay karnero nga iya lang masapwan ang mga magagmay nga parte sang karnero halin sa baba sang leon (tiil / dalunggan)…
- Subong man nga magamay lang nga bahin sang Israel ang mabilin – diutay lang gid ang mabilin nga buhi!
- Ang kagulub-an masakop sang ila nga mga bulawan nga baka – mga altar sa Bethel…
- Kalakip na ang mga manggaranon – ang mga nakapuyo sa mga palasyo nga nahuman sa ivory!
- Ginahandom sang Dios nga usaron ang Israel bilang suga sa mga nasyon…
- Apang tungod sang ila nga rebelyon nangin pagpa-andam na lang sila – nagapakita sang paghukom sang Dios!
- Gusto sang Ginoo nga pagpakamaayohon kita – nga sobra pa sa aton nga mga hunahuna – Efeso 3:20
- Apang ina nga pagpakamaayo nakabase sa aton nga kabubot-on nga magtuman – Santiago 1:22
- Usaron gihapon sang Ginoo ang aton kabuhi – bilang ehemplo / okon bilang pa-andam – kita man gihapon ang mapili!
- Joshue 24:15 – “Pero kon indi kamo luyag nga mag-alagad sa Ginoo, magpili kamo subong nga adlaw kon sin-o ang inyo alagaron. Magaalagad bala kamo sa mga dios nga gin-alagad sang inyo mga katigulangan sa tabok sang Suba sang Eufrates, ukon sa mga dios sang mga Amornon nga ang ila duta inyo ginaestaran subong? Pero ako iya kag ang akon pamilya magaalagad sa Ginoo.”
- 1st –Ginpili ang Israel … vs. 1-2
- 2nd – Pamatii ini nga Pulong – kamo nga mga matambok nga mga baka… vs. 1-13
- 1st – Ang peligro sang manggad… vs. 1-5
- Maathag nga wala sang asawa si Amos – indi gid siya pwede makasiling sini kon may ara!
- Ginapa-anggid ni Amos ang mga babayi sa Israel nga kasubong sang mga matambok nga baka – (Bashan – kilala sa ila nga mga mapagros nga pinatambok nga mga kasapatan)
- Nagtambok na ang mga babayi tungod sang ila pagpamigos sang mga imol kag nagakinanglanon…
- Nagakabuhi lang sila para sa KINASADYA – nagatawag sa ila nga Ginoo (adonai) para sa dugang pa gid nga alak!
- Amo nga kon ngaa butongon sila sang Dios palayo gamit ang kaw-it sa ila mga ilong – kaangay sang isda nga nabunit!
- Paguhaon sila nga maagi sa mga gubaon nga mga dingding – ipatapok pa guwa sa ila mga balay (harmon)!
- Ang kwarta indi man malaut – pero may peligro kon damo na kwarta– malipat kita kon ano ang importante…
- Nagakasiod kita sa paglagas sang mga butang nga waay man pulos…
- Ang pinakabag-o nga fashion – ang pinaka-ulihi nga mga sine – ang mga pinakanamit nga mga restaurant…
- Sa aton nga pagkamanggaranon, mas diutay ang aton tion para sa Dios – kag nagakalipat kita sang Iya nga gin-obra para sa aton…
- Malipat kita nga ginluwas kita sang Dios halin sa sala para sa isa ka katuyoan – para mangabuhi kita para sa Iya!
- Ginapa-andaman sila sang Dios tuhoy sa ila nga padayon nga pagkabuhi sang salimpapaw nga kabuhi …
- Nagakadto sila sa Bethel (bulawan nga baka) kag magsimba – sa Gilgal para magpadamo sang sala…
- Gilgal – kon diin una nagsulod ang Israel sa Ginsaad nga Duta – Josue 5:10-15
- Nagadala sila sang ila halad kada adlaw – sang ila ikapulo kada tatlo ka tuig – Deuteronomy 14:28
- Paghalad sang sakripisyo – may lebadora nga pagpasalamat – kinabubut-on nga halad – nga ginapabugal gid nila…
- Nagakahulugan nga pang-guwa lang nga pagpakita sang pagka-relihiyoso…
- Pero daw gin-into lang nila ila lawas – ang paghukom ara na sa ila pwertahan!
- Madamo nga mga Kristyano subong nagahunahuna nga basta maayo lang pirme ang hitsura – ara ang Dios…
- Ang pamangkot, ano ang makapakunyag sa aton / ano ang aton pirme nga gina-istorya…
- Ang Plastic nga Kristyanismo manabaw lang– ang pamangkot, ano ang ara sa aton tagipusoon!
- Mateo 12:34 – “Mga kaliwat kamo sang man-og! Kag tungod nga kamo malain, paano kamo makahambal sang maayo? Kay kon ano ang ara sa tagipusuon amo man ang nagaguwa sa baba.”
- Indi kita makapangalagad dungan kay Jesus kag sa mga butang sang sini nga kalibutan – nga may tagipusoon nga di-matutom…
- Kon nagakabuhi kita para sa mga butang sang sini nga kalibutan – kag nagapakuno-kuno lang nga Kristyano – aton lang ginatonto ang aton lawas!
- 2nd – Ang katuyoan sang pagtilaw… vs. 6-11
- Sa Iya nga bugay – Wala ang Dios nagtindog-tindog lang kag nagpawala samtang ang Israel nagapadulong sa kalaglagan…
- Nagbutang Siya sang lima ka maathag nga baral sa ila alagyan – mga pagtilaw para makuha Niya ang ila igtalupangod…
- Pero bisan Iya na ginhimo ang pinakamaayo – ang resulta amo man gihapon – wala sila naghinulsol!
- 1 – Ginhatagan sila sang Dios sang matinlo nga mga ngipon – nagakahulugan nga wala sila sing makaon– pero wala sila naghinulsol…
- 2 – Ginpunggan sang Dios ang ulan – sang ginapa-abot na ang na-ulihi nga ulan (April/May)…
- Ginpa-ulan Niya sa isa ka syudad kag indi sa isa – nagapakita nga indi ini tigpalamangag – kundi paghukom!
- Mga tawo kinahanglan nga maglakbay halin sa isa ka syudad pakadto sa pihak nga syudad para lang sa tubig – pero wala sila gihapon naghinulsol!
- 3 – Ginpahuyopan sila sang Dios (hot east wind) sang mainit nga hangin kag nagpadala peste nga nagpalaya sang ila mga pananom…
- Kag sang nagtubo na ang mga pananom – ginkaon naman sang mga apan – pero wala sila gihapon maghinulsol!
- Ang una nga tatlo nga pagkuha sang ila igtalupangod nakatutok sa pagkaon kag sa tubig…
- Kabalo ang Dios magkuha sang aton igtalupangod – ang pinakamaayo nga paagi amo sa pagkaon…
- Kon busog kita/kag wala sang ginakinahanglan- may huyog kita nga mangin arogante – kag indi magsapak sa Dios…
- Amo nga pahanugotan sang Dios nga paagyon kita sa tig-gulutom – wala pagkaon / wala kwarta…
- Gusto sang Dios nga tudloan kita – Iya nga mga kabataan – kon paano mangabuhi sang balaan nga pangabuhi!
- 4 – Nagpadala ang Dios sang kalalat-an sa Israel – pareho sang ginhimo Niya sa Egypt…
- Ang ila nga pamatan-on nga mga lalaki napatay sa gyera – ang ila mga kabayo ginbihag…
- Napuno ang hangin sang baho sang ila nga mga patay – pero indi man sila gihapon maghinulsol!
- 5 – Ginlaglag sang Dios ang iban nila nga mga syudad pareho sang Sodom kag Gomorrah…
- Ang mga wala naubos guba – nasalbar nga daw nasunog nga lipak nga ginbutong halin sa kalayo!
- Ang panikasog sang Dios nangin mas desperado samtang mas naga-tig-a ang ila tagipusoon!
- Tungod makahalalit gid ang sala – kon mamatok kita sa paghinulsol sang aton nga sala – ina ang maguba sa aton…
- Amo na nga himoon gid sang Dios ang tanan para makuha Niya ang aton igtalupangod…
- Kon indi kita mamati sa pagtapik sang abaga – Han-usan Niya kita sang baratiha…
- Tungod nga ang kabayaran sa di-paghinulsol tam-an ka dako – eternidad nga paghamulag sa Dios!
- Hebreo 3:13 – “ Ang inyo himuon, magpadumdumanay kamo adlaw-adlaw samtang may tiyempo pa, agod indi kamo mapatalang sang sala nga makapatig-a sang inyo tagipusuon.”
- 3rd – Magpreparar nga makigkita sa imo manunuga… vs. 12-13
- Tungod nga ginsikway sang Israel ang mga propeta sang Dios – kag ang tanan nga mga panikasog para nga ila talupangdan…
- Ginhatagan sila sang Dios sang pagpanghangkat militar nga makig-away– magpreparar nga mag-atubang sa inyo nga Dios…
- Lantawon ta kon asta diin ang inyo kusog – kag kon ang inyo nga mga dios-dios – mabulig sa inyo sa pagpamatok sa Iya…
- Ang nagtuga sang mga bukid – nagtuga sang hangin – kag naga-ilis sang aga sa gab-i!
- Ang nakahibalo sang pinakadalom nga panghuna-huna sang tawo – ang ‘Ginoo sang mga Kasuldadohan’ ang Iya nga ngalan!
- Basi maham-ot kita sa ideya nga ang mga tawo’ makipag-away batok sa Dios’…
- Sa matuod lang masami kita ‘nagapamatok sa kabubut-on’ sang Dios sa aton kabuhi…
- Gusto sang Dios nga magkabuhi kita para sa Iya – kag matig-a kita nga naga-insester nga maghimo sang mga butang sa aton kaugalingon nga pamaagi…
- Kaangay ni Jacob sang nakigdumog siya sa Dios – Kag maangkon niya lang gali ang pagpakamaayo pagkatapos niya mag-ampo!
- Kon san-o nga kapoy na kita / piyerde na – nga makatulok kita sa babaw kag makit-an ang mga sabat!
- 1st – Ang peligro sang manggad… vs. 1-5
- 3rd – pamatii ini nga pulong – ang panganduhoy sang israel… vs. 1-27
- 1st – Pangitaa ang Ginoo kag mabuhi … vs. 1-15
- Ang ulihi nga sermon ni Amos isa ka ambahanon sa paglalaw – isa ka kanta – nga ginkanta para sa isa ka ginsikway nga nasyon… vs. 1-5
- Ang birhen sang Israel natumba – nagahigda siya nga ginpatumbayaan – wala sang makabulig patindog sa iya…
- Ang Israel mahalitan gid sa gyera– ginbiyaan nga daw isa ka gamay nga bata nga bayi nga nagahigda sa duta kag wala gid sang makabulig …
- Isa ka syudad nga nagpadala sang 1000 ka mga tawo sa gyera – kag ang makabalik 100 na lang…
- Ang syudad nga nagpadala 100 – makabaton sang10 na lang nga makapuli!
- Ang solusyon simple lang – PANGITAA ang Ginoo kag mabuhi – 3 ka beses Niya ihatag ang ini nga mando…
- Indi na pagpangitaa ang Bethel – bulawan nga mga baka – tungod ang mga sayop nga mga idolo indi makaluwas sa ila…
- Indi pagpangitaa ang Gilgal – ang himaya sang nagligad na – kay ang nagligad indi na makabulig sa ila…
- Indi pagpangitaa ang Beersheba – Judah – kay ang ila utod pareho man lang sa ila!
- Kasubo – may huyog gid kita nga mangita bulig sa kon diin-diin imbes nga sa Ginoo sa tion sang problema…
- Nagahatag kita kompyansa sa Bangko / 401K / social security – nga maghimuno…
- Nagadalagan kita sa aton mga abyan / pamilya / Facebook – Instagram kag Twitter – para sa mga laygay…
- Nagatalang kag napaslawan tungod sang mga pagtilaw sang kabuhi– kag sang aton nga mga nagapadayon nga mga kapaltahan…
- Gusto naton nga magbalik sa kahapon – kaysa magsalig sa Ginoo para sa buwas…
- Samtang ang Dios mapailubon nga nagahulat kag nagahambal – PANGITAA lang ang Ginoo kag mabuhi ka!
- PANGITAA ang Ginoo kag mabuhi – antes Niya ikaw ipalamon sa kalayo… vs. 6-11
- Ikaw nga nagalubag sang hustisya pakadto sa kasakit (wormwood) – nagasikway sang kinamatarong kag ginahaboy sa duta…
- Ang Ginoo amo ang nagtuga sang Pleiades (seven sisters) kag sang Orion (constellation)…
- Ang Ginoo nga nagakambyo sang gab-i para mangin adlaw – kag sang adlaw para mangin pinakadulom nga gab-i…
- Ang nagatawag sang mga tubig nga halin sa dagat kag Iya ginabubo sa kadutaan – water cycle!
- Paulanan Niya sang kalaglagan ang makusog / bugalon – pagadugmokon ang ila nga mga pangamlig…
- Sa mga nagadumot sa mga nagatadlong sa ila – sa nagtamay sa nagasugid sang kamatuoran!
- Gani – tungod nga ginlasak niyo kag ginkawatan (tax) ang mga imol… vs. 12-15
- Ma-obra kamo sang mga balay nga bato – nga indi ninyo man maistaran / matanom sang mga ulubasan – nga indi niyo man matilawan inom…
- Kay makita sang Dios ang inyo MADAMO kag DALAGKO nga mga sala – ginapahipos ninyo ang matarong…
- Nagabaton kamo sang hamham – kag ginabalabagan niyo ang mga imol nga maka-angkon sang hustisya sa ganhaan sang syudad…
- Bisan ang mga maalam nagahipos –kay nakahibalo sila nga ang tion malaut!
- PANGITAA ang maayo (ang Ginoo) kag indi ang malaut – para mabuhi kamo / para maupod ang Ginoo sa inyo…
- Kaugoti ang malaut kag palanggaa ang maayo – kag basi ang Dios mapakita sang grasya sa mga nabilin nga mga katawhan sang Israel!
- Wala sang katapusan sa mga nagkalainlain nga mga paghangkat kag mga problema nga aton atubangon sa kabuhi…
- Kon mamangkot kita sa palibot – tanan makapaambit sang kaugalingon nga istorya – pagtilaw…
- Bisan ano ang pamangkot – ang sabat pareho – magliso halin sa kalibutan (kaugoti ang kalautan)…
- Kag PANGITAA si Jesus – Ang Iya nga bugay bastante nga makaluwas sa aton halin sa aton mga kabudlayan!
- 2nd – Ang Adlaw sang Ginoo… vs. 16-20
- Halin sa mga syudad(kalye) pakadto sa kabukiran (ubasan) may mga paghulat…
- Tawga tanan (mga mangunguma asta sa mga professional) nga magkari kag maghangos – kay maabot ang Ginoo…
- Makaluluoy gid ang mga naghandom sang ‘Adlaw sang Ginoo’ – kag nagahunahuna nga ang Dios ang sabat…
- Daw kaangay sang tawo nga nagpalagyo palayo sa leon – kag makasugata lang sang oso!
- Daw tawo nga nagdalagan pauli sa kahilwayan sang iya balay – kag makagat lang gali sang man-og!
- Buot silingon, ang makaluwas sa pagsilot sang Assyria– kag wala man gihapon naghinulsol…
- Mabuhi para mag-atubang sang mas malain nga pagsilot – ang Adlaw sang Ginoo!
- Akon ginakahadlok nga may iban nga tawo nagapinsar nga ‘nakapalagyo’ na sila sa paghukom sang makalampuwas sila sa mga pagtilaw sang kabuhi…
- Nakabasa ako sang tuhoy sa isa ka babayi nga nalipay nga ang iya nga bana nangaliwa…
- Ginhimo niya ang ini nga hitabo bilang isa ka motibasyon para magpaniwang, kag malab-ot 100 pounds ang gin-niwang niya – isa na siya ka motivational speaker subong…
- Nakibot gid ako sa istorya nga ini – tungod bug-os gid ang pagkalisa sini sa punto…
- Ang mga pagtilaw sa kabuhi indi paghukom – ini mga oportunidad nga makahinulsol kita…
- Kay kon indi kita maghinulso subong – atubangon ta ang kaakig sang Dios sa Adlaw sang Ginoo!
- 3rd – Ang pagkasalimpapaw sang Israel… vs. 21-27
- Gintamay sang Dios ang mga fiesta sang Israel – Indi Niya pagbatunon ang ila mga halad…
- Indi Siya magpamati sa gahod sang ila nga mga kanta – ginsira Niya ang Iya dalunggan sa ila nga mga musika…
- Ang Iya gid nga gusto amo ang magbaha sang hustisya – kag isa ka mabaskog nga suba sang Pagkamatarong!
- Galing ang Israel rebelde na halin pa sang una – halin sa sugod pa lang – 40 ka tuig sa kamingawan…
- Bisan didto ginsamo nila ang ila pagsimba sa Dios upod sa pagsimba sa mga idolo…
- Sikkuth nga inyo Hari (Sak-kut / Saturn – Babylonian God) – Chiun ang inyo estrelya!
- Si Esteban – nga nagtindog para sa kamatuoran – nagkutlo sang sini nga dinalan sa Binuhatan 7:43
- Gamit ang Septuagint translations sang mga ngalan nga Moloch (hari) kag Remphan (bitoon)…
- Ginapakita nga ang Israel mapadayon nga mangin rebelde asta maklab-ot sa NT!
- Amo na nga ipadala sila sang Dios bilang mga bihag sa unhan pa sang Damascus (Assyria)…
- Ang problema sa mga tawo – amo ang mabudlay gid mag-ilis sang pang-ginawi…
- Kaangay sang Israel, mas mahapos nga basolon ang nagadala sang mensahi – kaysa maghusisa sang aton kaugalingon…
- Madali lang makapaminsar nga tungod maayo ang hitsura sa guha – indi na importante ang tagipusoon…
- Madali lang ipakamatarong ang mga pagtilaw nga aton gina-agyan –kag ibali-wala ang mga pagpaandam…
- Madali lang malimtan nga ang isa ka leksyon nga ginatudlo sang Dios sa aton – amo nga aton Siya PANGITAON…
- Apang ang kamatuoran, wala na sang mas importante pa nga leksyon nga aton matun-an…
- Kay ang eternidad sigurado para sa tanan – kon diin kita matiner sa eternidad amo ang pamangkot…
- Maabot na ang Adlaw sang Ginoo – subong na ang adlaw nga magbaylo!
- 1st – Pangitaa ang Ginoo kag mabuhi … vs. 1-15