Making Bible Study Easy for everyoneEnglish • Hiligaynon
Back to Nahum
Verse-by-Verse Bible Study

Nahum 1

Introduction

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Introduction…

  • Ang Bug-os nga Laygay sang Dios
    • Natapos na naton ang Micah – ang ika 33 nga libro sang Old Testament – ika 10 sang 16 ka mga libro sang propesiya sa OT…
    • Suguran naton ang Nahum – ang ika 7 sang ginatawag nga 12 Minor Prophets
  • 1st – Sin-o si Nahum…
    • Nahum (lugpay) isa ka Elkoshite – ang iya nga ngalan nasambit diri lang sa una nga verse sang iya nga libro…
    • Ang Elkosh mahimo nga isa ka syudad sa Judah nga sang ulihi gin-ngalanan Elcesi…
    • Amo nga si Nahum isa ka propeta nga halin sa Nabagatnan nga Kaharian…
    • Ang syudad nga Capernaum – ‘banwa ni Nahum’ – mahimo nga gin-ngalan para sa propeta!
  • 2nd – Tema sang libro…
    • Ang Nahum ginsulat bilang paghukom batok sa syudad sang Nineveh – Nahum 1:1
    • Nineveh (Mosul sa Iraq) nangin kapital sang ina nga tion sang superpower nga – Assyrian Empire…
    • Ang mga Assyrian mga pagano nga madamo sang mga dios-dios – may ara sila sobra sa 2400 ka mga dios sa ila nga pantheon…
    • Labi nga mapintas sila nga mga tawo– naga-usar sila sang kahadlok kag pamahog para makontrol nila ang mga bihag!
    • Ang libro ni Nahum isa ka pagpadayon sang istorya nga nag-umpisa sa kay Jonah…
    • Ginpadala sang Dios si Jonah sa Nineveh para magwali sang paghinulsol sa mga Assyrian– kag nagpamati sila…
    • Apang pagkalipas sang 100 ka tuig, sang tion ni Nahum – ang mga Assyrian nagbalik sa ila nga malaut nga pang-ginawi…
    • Si Nahum isa ka pagpahanumdum – nga bisan ang Dios handa gid nga mag bubu sang Iya bugay sa mga mapainuboson…
    • Ang tuod nga paghinulsol indi nagakatabo nga kadali lang – ini isa ka permanente nga pagliso sang ginapadulongan…
    • Kag para sa mga nagabalik sa ila nga malaut nga mga gawi – sigurado gid ang paghukom!
  • 3rd – San-o ginsulat ang libro…
    • Ang Aminhan nga Kaharian sang Israel nabihag sang Assyria sang 722 B.C.
    • Sa indi magdugay, nagmartsa ang Assyria asta sa ganhaan sang Jerusalem – 2 Cronica 32:1
    • Nagpatunga ang Dios kag naubos ang mga Assyrian army – paagi sa isa lang ka anghel
    • 2 Cronica 32:21-23
    • Apang ang Assyria nagpadayon nga isa ka mayor nga gahum asta sa mga inadlaw ni Manasseh – 2 Cronca 33:11
    • Nahum 3:8 – nasambit ang kalaglagan sang Thebes (Egypt) – nga natabo sang 663 B.C.…
    • Kag ang gintagna – Nahum 3:11 – nga kalaglagan sang Nineveh nga natabo sang 612 BC…
    • Nagapakita nga ang duwa ka hitabo ara lang sa sulod sang 50 ka tuig…
    • Nasambit man ang pagkaguba sang Thebes – apang ang pagpakaayo sini sang 654 BC wala masambit…
    • Nagapati ang mga iskolar nga ang pagtagna ni Nahum natabo sa tion nga natung-an sang 663 kag 654 BC.
    • Sa tion sang pagkahari sang malaut nga hari nga si Manasseh – samtang si Sennacherib ang nagapangulo sa Assyria!
  • 4th – Ang Kaundan sang Nahum…
    • Ang Libro sang Nahum na parti sa tatlo ka bahin –ang kada isa naga unod sang 3 chapters…
    • Chapter 1 – Ang pat-od nga paghukom sang Ginoo
    • Chapter 2 – Ang paglaragway sang paghukom sang Ginoo
    • Chapter 3 – Ang rason sang paghukom sang Ginoo
    • Ang Pat-od nga Paghukom… (2 ka butang)
  • 1st – Ang paglaragway sang Ginoo… vs. 1-8
    • Si Nahum nag sugod sa 5 ka mabaskog nga pag laragway sang Dios…
    • Ginapabalo gid sang Assyria nga gadumot sila batok sa Juda – Ang katawhan sang Dios…
    • Kag gusto ni Nahum nga ma edukar sila tuhoy sa Dios nga ginpili nila nga mangin kaaway!
    • 1st – Ang Dios maimon – El Qanna… vs. 2
      • Pinaka siga nga bata sa kalye ang Assyria – ang tuod nga super power…
      • Mahapos para sa Juda nga magtulok kag mag hunahuna nga may sabat sila sa kabuhi…
      • Apang ang Diios indi gusto nga madagtaan sang Assyria ang Israel sang ila mga pagano nga mga ideya…
      • Maimon ang Dios para sa iya mga katawhan – kag indi niya gusto nga makita nga magdalagan sila sa sayop nga Dios!
      • Exodo 34:14 – “ Indi gid kamo magsimba sa iban nga dios kay ako, ang Ginoo, indi gusto nga may ginasimba kamo nga iban…”
      • Deuteronomio 4:24 – “ Indi gid siya gusto nga may ginasimba kamo nga iban nga dios. Kay kon magsilot ang GINOO nga inyo Dios, daw sa kalayo nga nagapang-upos.”
      • Kon hunahunaon naton ang Dios – ang pagkaimon indi amo ang aton una nga mapinsaran…
      • Apang ang Dios TUMAN kaimon – maimon siya sang aton gugma/maimon SIYA sa aton nga tion…
      • Kag indi niya itugot nga may iban nga makaagaw sang aton pagkabuhi para sa IYA…
      • Indi gusto sang Dios nga parte lang sang aton kabuhi ang ihatag sa Iya – gusto niya nga bug-os gid nga kabuhi ang itugyan sa IYA!
      • Hebreo 12:29 – “Kay kon magsilot ang aton Dios daw sa kalayo nga nagapang-upos.”
    • 2nd – Nagatimalos ang GINOO /Ginoo siya sang kaakig – baal chemah… vs. 2
      • Ang emperyo sang Assyria nag bihag kag nagpaaplaag sang Naaminhan nga Kaharian…
      • Ila nga gin paantos ang Juda kag gin yaguta ang Dios halin pa sa mga adlaw ni Hezekiah…
      • Ang dugo sang mga santos ara sa ila mga kamot – kag bug-os ang tinutuyo sang Dios nga pabayaron sila sa ila ginhimo…
      • Kag indi na malulu – buy-an Niya ang bug-os nga kaakig para sa ila!
      • Kag ang pagtimalos kag kaakig sang Dios nga PINAKA PAT-OD nga dapat nga kahadlukan…
      • Bangod nga indi lang makalaglag ang Dios sa ila – pwede gid nga ihaboy sila sa Empierno – Lucas 12:5
      • May ara lang nga duha ka klase sang tawo para sa Dios…
      • Makasasala nga nag baton sang libre nga dulot nga kaluwasan – makasasala nga wala nag baton…
      • Sa mga nagsikway kay Jesus – ang nagahulat sa ila tanan ang pat-od kag makahaladlok nga pag hukom…
      • Hebreo 10:30-31 – “‘ Kay kilala ta ang Dios nga nagsiling, “Ako ang magatimalos; ako ang magasilot sa ila.”  Kag makahaladlok gid kon ang Dios nga buhi amo ang magsilot.”
      • Wala sang duda nga ang Judah gusto mag timalos sang kasingkal sa Assyria…
      • Apang ang mga katawhan wala sang maayo nga ‘paghukom’ sa pagsilot sang mga‘makasasala’…
      • Ang matabo mangin ‘matigdas’ kita sa pag ‘tratar ’ sa ila…
      • Bisan pa nga mag pangayo sila sang pasaylo – gusto naton magpabilin sa aton hinakit – gusto naton sang ‘hustisya’!
      • Apang ginatawag kita nga mag patawad – bisan ano pa ang nahimo sa aton – Lucas 17:1-10
      • Gina sugo sang Dios sa aton nga mag higugma sa aton kaaway – kag maglaum nga mapalapit naton sila kay Jesus!
      • Siya ang mag hukom – Siya lang ang may kinamatarong nga mag hukom sang gawi sang mga tawo!
      • Roma 12:19 – “… Indi gid kamo magtimalos; pabay-i ang Ginoo nga magsilot…”
    • 3rd – Indi siya nga GINOO nga dali maakig… vs. 3
      • Amo ini ang mabudlay nga parte nga batunon sang Juda – ngaa wala pa ginsilutan sang Dios ang Assyria…
      • Si Jonas nag kadto siya sa tiyan sang dako nga Isda tungod sa sini nga isyu…
      • Kag indi lang sa Asiria nga mapailubon ang Dios – bisan pa sa tion sang Kapipit-an…
      • Ang mga ginpangpatay nga mga santo magahibi nga gasinggit ‘ asta sano nga itimalos mo kami’ – Pahayag 6:10
      • Apang ang Dios mangin mapailubon sa makasasala – sa paglaum nga mag hinulsol sila sang ila mga sala!
      • Mapailubon ang Dios saa aton – bangod nga gusto niya nga kita mag hinulsol – magako sang sala!
      • Roma 2:4 – “Wala ka bala kahibalo nga ang kaayo sang Dios nagahatag sang kahigayunan nga maghinulsol ka…”
      • APANG – indi niya pagpalampason ang mga malaot – indi niya itugot nga ang sala indi masilutan!
      • Kon mag lantaw kita sang kalaut sang aton kalibutan – ma dismaya ka…
      • Makita naton nga ang tawo naga kabuhi sa imoralidad – ginasikway ang kamatuuran sang Dios…
      • Ang malain pa kay daw maluwas pa sila sang ila mga kasalanan…
      • Wala m,an sila naga antos –daw naga umwad pa – nga daw ka wala hustisya!
      • Salmo 73:16-17 – “Karon gintinguhaan ko gid nga intiendihon ini nga mga butang
        pero binudlayan ako, hasta nga nagkadto ako sa imo templo,kag dayon naintiendihan ko kon ano ang matabo sa mga malaot.”
      • Madamo ang naga hunahuna nga okay lang sila kay wala gilayon nasilutan sang ila ginhimo…
      • Nag sala sila sa pag intiendi nga ang ‘pagpailob sang Dios ini gin baton sang Dios’…
      • Tungod nga wala pa siya naghukom sa aton – indi nagakahulugan nga luwas ka na sang paghukom – Numero 32:23
    • 4th –Ang GINOO may dako nga Gahum… vs. 3-6
      • Nag hatag si Nahum sang apat ka laragway sang gahum sang Dios sa sini nga kalibutan…
      • May ara ang GINOO nga paagi sa buhawi kag bagyo – paminsara ang bagyo / unos…
      • Ang US naigo sang wala tupong nga 2 ka kategoriya 4 nga bayo sini nga tigilinit…
      • Wala ina matabo halin nga naga himo sila sang rekord mga 150 na ka tuig!
      • Mapabagyo man ukon magbaha /ukon tigilinit ukon kagutom…
      • Nagakabagay nga tawgon naton nga ‘natural disasters’ – kag ‘ kahimuan sang Dios’…
      • Bangod nga gina gamit sang Dios ang kalamidad sa pag kuha sang aton igdulungog – sa pag tudlo sa aton sang leksion!
      • Ang GINOO naga tindog sa panganod – ina mga yabok lang sangiya tiil…
      • Ang idea nga ang Dios naga tanaw – kag nakita niya ang tanan!
      • Kadamo nga mga tawo ga hunahuna nga limitado ang Dios sa geograpiya…
      • Kon mag agi ka sa simbahan kinanglan mag pangurus ka – ang Dios naga tanaw…
      • Apang kon ara sa bar /ukon sa madulom nga kwarto – wala sang may nakakita kon ano ang gina obra…
      • Apang ang kamaturan Ang Dios ara sa bisan diin nga lugar – kag nakita niya ang tanan…
      • Ang imo buhat / tinaga / imo ginahunahuna wala sang may natago sa atubang sang Ginoo…
      • Kag sa aton mga ginahimo/tinaga/hunahuna –luwas kay Jesus -maabot ang adlaw nga hukman kita!
      • Hebreo 4:13 – “Wala gid sing may makapanago sa Dios; makita niya ang tanan kag hayag gid sa iya panulok, kag sa iya kita magapanabat.”
      • Ang GINOO naga sabdong sang dagat kag suba nga mag mala…
      • Ang malambo nga palahalalban sa Carmel kag Bashan na laya –ang bulak sang Lebanon nalayong…
      • Ginahunahuna sang Assyria nga dako sila nga nasyon bangod sang mga nalab-ot nila…
      • Pero ano ayhan sila kon tigilinit kag wala sang tubig – wala sang pagkaon – ang Ginoo ang nag himo sina tanan!
      • Maka obra kita 7 ka adlaw sa isa ka semana – 20 ka oras sa isa ka adlaw – kag magapabilin nga wala pagkaon nga kaunon…
      • Mahimo naton magtinguha sang tudo – apang luwas nga ang Ginoo ang naga pakamaayo sa aton…
      • Wala pulos ang tanan naton nga pagpangabudlay – indi naton makita ang madamo nga bunga nga halin sa aton pag pangabudlay!
      • Ang bukid mauyog/matiphag ang banglid / ang kalibutan naga uyog sa presensya sang Ginoo.
      • Ang pinaka masingki nga pwersa sa kalibutan – ang Bulkan kag linog …
      • Ang Bukid sang St. Helens nagapagwa sang 24 megatons ka TNT = 1,600 ka beses sang Hiroshima bombs
      • Ang makahalanguyos nga 9.0 na linog may kabaskugon nga 99 million tons of TNT!
      • Ang pwersa nga subong nga mga inadlaw wala gid kita sang kusog sa pagtindog batok sini!
      • Sa amo man nga paagi sino ang maka tindog batok sa gahom sang Ginoo – sino ang maka batas sang iya kaakig!
      • May mga nakilala ako nga tawo nga gahunahuna nga ‘manegusyar’ sa Dios sa adlaw sang paghukom…
      • Naga lalis nga maayo gid sila nga tawo – gani ang Ginoo pasugtan sila nga makasulod sa langit…
      • Daw naga pakiglalis ka lang sa nuclear bomb – wala ni isa ang makatindog !
    • 5th – Ang GINOO ayhan: Mabakod nga torre / UKON ang GINOO nagaawas nga baha… vs. 7-8
      • Sa Iya nga KAGAMHANAN – Ang Ginoo maayo – mabakod nga tore sa mga naga salig sa Iya!
      • Pila na ka tuig ang nag liligad nga kinahanglan ko maghimo sang isa ka desisyon…
      • Ara ako sadto sa Bible College – apang naga tinguha ako sa pagpangita sang akon katuyoan sa kabuhi…
      • Nabatyagan ko nga indi ako magamit sang Dios – kag nagabot sa akon ang kaluyahon…
      • Naguha ako upod sa iban ko nga mga classmates sa Joshua Tree sa national forest…
      • Sang pagabot namon nag taklad kami sa mataas nga bukid – kag PERTI ang hangin sa ibabaw…
      • Sang sina nga gabi nag linog sang 7.0 magnitude – ang duta naga kurog sa idalom sang amon mga tiil!
      • Pagkadason nga adlaw samtang naga tanaw ako sang pag tunod sang adlaw – daw ang itsura sang bukid nga nagadabadaba ang kalayo!
      • Pagkatapos sadto nagsaka ako sa bato kag nag pamangkot sa Dios – ano ang gusto Mo himuon sa akon…
      • Kag maygamay nga tingog sa akon tagipusoon nga naghambal sa akon nga may plano Siya sa akon kabuhi – I Hari 19:11-12
      • Sa malipot nga tion pagkatapos sadto nalakip ako sa Bible Fellowship – kag nangin pastor!
      • Gusto sang Dios nga magpakighambal sa aton – gusto Niya nga himuon naton siya nga mabakod nga torre sa tion sang kabudlayan…
      • Apang malaka lang nga naga pakighambal paagi sa mabaskog nga bagyo –mabaskog nga linog – ukon kalayo man…
      • Daw ano ang tunog sang Dios – mahipos nga hutik – tingog nga malulo nga nagagiya sa aton…
      • Sa mga naga hulat kag nagapamati – makabati sang hutik sang Ginoo – sa mga nagatuo sa Iya!
      • Apang sa wala nagasalig /nagatuo – Daw naga-awas nga baha Siya…
      • Basi naga patuhoy sa pamaagi sang pag bihag sang Babylon sa Nineve – 612 B.C.
      • Ang suba sang Euphrates nagawas sa pangpang – nagbaha sa parte sang siudad kag nag rumpag sa isa ka parte sang pader…
      • Pagkatapos sini ang napungawan nga hari ginsunog niya iya kaugalingon -kag ang iya palasyo – upod ang iya manggad!
      • Bangod ano ang pulos sang manggad sini nga kalibutan – kon ang Adlaw sang Paghukom maabot!
      • Ang kabuhi regalo – nga may isa lang ka tinutuyo – naga hatag sa aton sang opurtunidad sa pagpili…
      • Diin kita makadto kon tapos na ang aton tion diri sa kalibutan – diin ka mahinguyang sang kabuhi mo sa eternidad!
      • Ang masubo madamo ang gapili sang ‘kalipayan’ ang pila lang ka tuig nga kamanggaran nga ginatanyag sang kabuhi nga ini…
      • Sa baylo nga mag hatag sang pagtamod sa eternidad sang manggad sang Dios nga gin aman para sa aton sa langit…
      • Apang ano ang maayo nga mahimo sang kwarta sang sini nga kalibutan – kon mag abot ang adlaw sang paghukom!
      • Mateo 16:26 – “Ano gid bala ang makuha sang tawo kon maangkon niya ang tanan nga butang diri sa kalibutan, pero mawala ang iya kabuhi?
  • 2nd – Ang Laragway sang Assyria… vs. 9-15
    • 1st – nagahunahuna ang Assyria – makapalno sila sang malain batok sa Ginoo … vs. 9-11
      • Naga tilaw sila nga magpadihot sang malain – agod nga mapierdi nila ang Dios…
      • Wala sang duda nga mY bug-os sila nga pilosopiya nga naga rason sang ila mga sala/ malaot nga kultura…
      • Apang ang sabat sang Ginoo – Iya sila nga laglagon – kag sa isa lang ka huyop!
      • Bisan pa nga mag hugpong sila /nasalapid nga daw mga tunok ang ila idea…
      • Ang ila nga depensa epektibo lang nga kaangay sang hubog /ang ila nga nasyon masunog nga daw sa dagami!
      • Bangod halin sa ila ng nag plano sang malain batok sa Ginoo – ang malaot nga manuglaygay!
      • Ang mga tawo gusto pa mag plano sang malain batok sa Dios…
      • Ang naandan nga kombension sa subong – kon gusto mo nga mag alam ka, eskwela sa kolehiyo…
      • Apang sa masami – ang mga unibersidad puno sang mga malaot nga manuglaygay!
      • Wala na gina tudlo ang Biblia/ ukon parte sa resulta sang sala…
      • Sa baylo ginatudluan ang mga estudyante nga wala sang insakto ukon sala – puro relative…
      • Wala sang sala – basta ginapinsar mo nga insakto – maayo na ina!
      • Hukom 21:25 – “…Nagapagusto lang ang tagsa-tagsa kon ano ang iya luyag himuon.”
      • Indi mag sala sa ihibalo kag kaalam – ayhan makahatag sang MADAMO nga ihibalo ang unibersidad…
      • Apang ang ihibalo sang tawo – malaut nga mga laygay – nagapabulag sa aton sang aton nga pagkinahanglan kay Jesus…
      • Indi ina kaalam – ina isa ka kabuangan – bangod nagapalayo sa aton sa Dios!
      • Sa subong ang pinakaalam – pinaka edukado nga mga tawo sa kalibutan – nagapalaganap sang doktrina sang ‘Evolution’…
      • May ara lang duha ka posibilidad sang ginhalinan sang kabuhi – disenyo ukon aksidente…
      • Tungod gin pili nila nga ipanginwala ang manunuga – sa baylo nagpati sila nga ang kabuhi aksidente…
      • Gausar ako sang relo agod maka hambal ako sang oras – simple nga gamit…
      • Apang gusto ko ikaw nga kombinsihon nga ang akon relo isa lamang ka aksidente…
      • Naghaboy ako sang mga parte sini sa hangin – kag nahulog nga nagaandar na nga relo – indi bala kabuangan!
      • Ano pa gid kon maghunahuna ka nga ikaw isa ka aksidente – imo ipanginwala ang Dios nga nag tuga sa imo!
      • Salmo 14:1 – “…Nagasiling ang mga buang-buang sa ila kaugalingon,“Wala sing Dios.’”
    • 2nd – Nagahunahuna ang mga Asirianhon – nga layo sila sa peligro bangod nga madamo sila… vs. 12-14
      • Naga salig sila nga ang kadamuon sang ila suldado makahatag sa ila sang kadalagan…
      • Apang ang Ginoo maga agi sa ila – kag sila papason (utudon) nga wala sang mabilin!
      • Gintugot sang Dios nga mabaskog sila agodto nga masilutan ang Juda – apang indi na sila paga gamiton liwat!
      • Ang Ginoo amo ang mabungkag sang gota sang pagkaulipon sang Israel gikan sa Assyria…
      • Wala na sang may ma pasahan sang ila nga ngalan(sang sano ka nakasugata sang isa ka Asirianhon)
      • Gub-on sang Dios ang ila mga idolo – sa ila nga templo – wala sang may magbulig sa ila…
      • Ginpreparahan na sila sang Dios sang ila lulubngan – tungod nga sila ginsumpa (vile)!
      • Ang mga Katawhan naga huna huna gihapon nga wala sang peligro tungod sang kadamoon nila…
      • Ang mentalidad nga kon ang kada is nagahimo sini nga butang – basi INSAKTO…
      • Bisan pa nag pasa sila sang laye nga ‘legal’ ang sala – ginahimo ang kaugalingon nga maayo…
      • Apang ang pagkamatarong indi demokrasya – indi na kinanglan nga mag boto sa pag desisyon kon ano ang kamatuuran!
      • Mateo 7:13 – “Magsulod kamo sa makitid nga puwertahan, tungod kay masangkad ang puwertahan kag malapad ang dalan nga nagapakadto sa impyerno, kag madamo ang nagaagi sa sina nga dalan.”
    • 3rd – Ang maayong balita para sa Judah… vs. 15
      • Yari karon sa kabukiran – ang iya mga tiil nga naga dala sang maayong balita – madeklarar sangf kalinong …
      • Gin padala sang Dios si Nahum sa pag dala sang maayong balita para sa Judah – malaglag ang mga taga Assyria…
      • Mahilway liwat ang mga nag sunod sa Ginoo – ipadayon ang mga fiesta/magatuman sang ila pangako!
      • Ang pareho nga verse sa tinaga ni Propeta Isaias nga ginhambal ni Pablo – Roma 10:15
      • Sang nag pamangkot siya nga paano ang isa ka tawo makatuo kay Jesus – kon indi siya makabati sang tuhoy sa Iya…
      • Paano ang isa ka tawo makabati tuhoy kay Jesus – luwas kon may makadto kag maghambal sa ila…
      • Paano ang isa katawo mahambalan sa ila – luwas kon may mag tikang kag maglakat…
      • Sa kada tikang (Indicative) – luwas nga ‘lakat’ nga isa ka (Subjunctive)
      • Nagakahulugan kon may ara nga gusto nga maglakat – mga katawhan nagapati kag maluwas!
      • Ginapakamaayo ang mga tiil sang mga mensahero nga nagalatas sang mga bukid sa pagdala sang maayong balita – ginahambal halin Isaias 52:7
      • MADAMO nga mga tawo nga mga wala naga kilala kay Jesus – ano himuon naton sini
      • Gintawag kita nga ‘malakat’ – pareho kay Nahum – kag magbantala sang Maayong Balita…
      • Kahapos mag hambal nga ang mga tawo nagakinanglan kay Jesus – apang bulahan ang mga tiil sang mga nagalakat para mag bantala sa ila!