Making Bible Study Easy for everyoneEnglish • Hiligaynon
Back to Haggai
Verse-by-Verse Bible Study

Haggai 2

The final 3 prophecies

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Haggai – ika 37 nga libro sang Old Testament –ika 10 sa nakilala naton nga 12 Minor Prophets
    • Si Haggai – ang ngalan nga may kahulugan nga kapiestahan – propeta sang Judah sa nabilin nga kaliwat…
    • Siya ang Manalagna sa Jerusalem pag katapos nga mag balik ang mga Judio sa pagbihag sang Babilonia…
    • Siya ang una sa tatlo nga propeta matapos ang pagkabihag – ang 2 amo si Zecharias kag si Malakias!
    • Ang libro mabahin-bahin sa 4 ka propesiya ni Haggai:
    • Chapter 1:1-15 – Ang pagpangalag-ag sang Judio sa pagpatindog liwat sang Templo…
    • Chapter 2:1-9 – Ang pagtagna sang himaya sang Templo (bisan ini indi gid dako)…
    • Chapter 2:10-19 –The Saad sang pagpakamaayo sa pag tukod sang Templo…
    • Chapter 2:20-23 – Ang tawo nga ginpili sang Dios nga matukod sang Templo!
    • Ang Pagpangalag-ag…
    • Ang Pulong sang Dios nag-abot kay Zerubbabel kag Josue – sa tion sang Ika 2 nga tuig ni Haring Darius…
      • Gin-untat sang mga Judio ang pag patindog sang Templo sang 536 BC – kag gin bayaan sang 15 ka tuig!
      • Ang mga tawo nag hambal – Ang tion wala pa nag abot nga mag tukod – nagatuhoy sa katapusan sang 70 ka tuig…
      • Apang ang Dios nag pang hangkat sa ila –amo ini bala ang tion nga mag patukod sang matahom nga balay…
      • Pwerte sa ila ka sako sa ILA nga mga balay – nga wala sila SING TION nga mag tukod sang Templo sang Dios!
      • Kaduha ang pag panghangkat sang Dios sa mga katawhan nga MAG BINAG-BINAG – ang tanan nila nga paghimud-os sa ila kabuhi WALA sing pulos!
    • Ang solusyon simple lang – magbalik sa pag obra sang Templo!
      • Indi man nga kinahanglanon sila sang Dios – ang Dios wala naga kinahanglan sang balay – Isaiah 66:1
      • Apang ang Templo isa ka praktikal nga paagi agod nga ang mga katawhan makahatag sang pagtamod sa Ginoo (imbes nga sila-sila lang)
      • Gani si Zerubbabel kag si Josue kag ang nagkalabilin nga mga kaliwat nagtuman sang ginhambal sang Ginoo…
      • Kag ang Dios nag-upod sa ila – kag nag panghikot ang Iya Espiritu sa ila!

Ang katapusan nga 3 ka propesiya…

  • 1st –Ang Pagtagna – ang maghimo sang imposible… vs. 1-9
    • 1st – Pagtangis para sa Templo… vs. 1-3
      • Sa ika-pito nga bulan (Oktobre) – sa ika biente- uno nga adlaw si Haggai nag hatag liwat sang tagna…
      • Ang Ginoo nagpakighambal liwat kay Zerubbabel / Josue / kag sa mga kaliwat nga nabilin sang Judah…
      • Ginpamankot niya sila kon nakita nila ang una nga Templo – kung paano ikomparar sa bago…
      • Ang mga Judio naga obra sila sang Templo manog duha na ka bulan…
      • Apang ang mga bagay bagay wala na plastar sang maayo – Ang bag-o nga Templo isa ka landong sang sadto anay nga himaya!
      • Ezra 3:12 – sang gin plastar ang una nga pundasyon sang Templo – ang mga katigulangan nag sugod sang pagtangis…
      • Sa mga wala nakakita sang Jerusalem – ang Templo ni Solomon – wala sila nakahibalo…
      • Apang sa mga nakakita sang pagkahalangdon sang una nga Templo – ini masubo nga talan-awon…
      • Indi lang ang kadakuon sang una nga Templo nga nadula – Ang bulawan / pilak / saway…
      • Apang ang ini nga Templo nakulangan sang pinaka importante sa tanan nga butang – Ang Kaban sang Katipan…
      • Nadula sa kasaysayan – ayhan nalubong sa idalum sang Templo / sa Etiopia /ukon gin dala sa langit!
      • Wala sing pangduhaduha nga ang mga tawo na luyahan – kay ka imposible…
      • Wala sang paagi nga ang Templo mangin pareho ka maayo sang templo sa adlaw ni Solomon…
      • Daw ka wala sang pulos – mas mahapos pa ang mag untat na lang kag mag talikod!
      • Daw makagalanyat nga mag untat tungod ang mga butang indi amo sa aton nga gina-paabot….
      • Apang ang importante nga aspeto sang aton pagtuo amo ang mangin maukod sa pagtikang – kag indi mag untat!
      • Nakita ko ang duha ka kinaiya sang mga tawo nga ginagamit sang Dios…
      • May ara sila sang pagkamapainubuson – naga reyalisar nga indi gali ini parte sa aton – kundi parte tanan kay Jesus…
      • Wala naga untat – MAG PAKABAKOD – indi mag untat sa pagpalapit kay Jesus – Juan 15:4-5
    • 2nd – Bisan pa sa kaluyahon – Gin palig-on sang Ginoo ang Israel… vs. 4-5
      • Magpaka BASKOG (x3) – gamita ang mga regalo nga ginhatag sang Dios sa imo…
      • Si Zechariah / Joshua / kag ang nabilin ginpalig-on nga mangin makusog – chazaq
      • Isa ka interesante nga tinaga – bantog nga ginagamit sa Exodo sa pag laragway sang pagpakatig-a sang tagipusoon sang paraon…
      • Naga dala sang idea nga mangin sigurado – nga pagpakatig-a – determinado!
      • Wala sang duda nga batinggilan ang Israelinhon – tig-a ang ulo!
      • Hukom 2:19 – “[Israel] Indi nila gusto nga bayaan ang ila malaot nga mga ginahimo kag ang pagkatig-a sang ila mga ulo.”
      • Apang ang Dios naghambal nga pareho nga pagpakatig-a ang gamiton sa pag tapos sang Templo!
      • Gusto sang Dios nga gamiton ang regalo nga ginhatag sa ila – para sa Iya nga tinutuyo!
      • Indi ako madali mag untat – kon gamiton ko ini nga mahamkunon, tawgon mo ako nga batinggilan.
      • Pero kon ang ini nga pareho nga kinaugali gamiton para sa Dios – mangin pursigido na – indi gusto nga mag untat…
      • Pareho nga regalo – kon gamiton sang sakto – mangin pagpakamaayo!
      • Naghatag ang Dios sa kada isa sang pinasahi nga talento / kag abilidad…
      • Abilidad nga naga labaw kag mas maayo sang sa iban – musika / pinansial / kag teknolohiya…
      • Indi kita ang nagpili sini nga regalo – ina tanan ginhatag sang Dios – Roma 12:6
      • Apang sa masami ginagamit naton para sa aton mahamkunon nga rason – imbes nga para sa Dios…
      • Ang aton nga regalo indi mangin kumpleto kag takos sa tinutuyo sang Dios kon indi ta paggamiton para sa Dios!
      • INDI MAGKAHADLOK – bangod ang Dios makahimo sang imposible…
      • Sa tuod lang ang pag tapos sang Templo daw imposible obrahon…
      • Gusto sang Dios nga madumduman sang Israel kon ano ang mga imposible nga butang nga Iya ,na nga gin himo para sa ila sing una…
      • Pareho nga Espiritu sang Dios nga nag saad nga kuha-on sila sa pagka bihag sang Egypto…
      • Kuhaon ang grupo sang mga nabihag sang Pinaka gamhanan sadto nga tion kag hatagan sang kadalag-an…
      • Paagi sa pag pihak sang dagat agod ang iya katawhan makalakat sa mala nga duta!
      • Nagapabilin ini sa Israel – kag magahatag sang gahom sa pag himo sang imposible!
      • Nagatanaw ang Israel sa ila problema – imbes nga sa Sulusyon – Ang Dios sang imposible!
      • Ang solusyon sa madulom nga kuarto indi ang magtan-aw kon ano kadulom sang kuarto…
      • Pasigaha ang suga –Amo lang na ang solusyon sang kadulom…
      • Sa tion nga pasigahon naton ang suga – ang kadulom indi na mangin problema!
      • Sa amo man nga paagi kon naka tutok kita sa aton problema – makita naton nga ara man kita gihapon sa kadulom…
      • Kahapos mag kahadlok kon mag tan-aw kita sang daw makalulumos nga kahimtangan nga naga aubang sa aton…
      • Kay kon naka tutok lang kita sa problema – wala kita nagatulok sa solusyon!
      • Apang kon kita magtulok kay Jesus – ang kasanag makita – Bangod siya ang solusyon!
      • Wala sang kinalain kon ano ang problema – Siya ang Dios sang Imposible!
    • 3rd – Ano ang naghimo sang Templo nga mangin mahimayaon … vs. 6-9
      • Isa pa gid – sa indi mag dugay – ang Ginoo iya liwaton ang pag-uyog sang langit kag sang duta…
      • Hebreo 12:26 – “ Sang una nag-uyog ang duta tungod sa tingog sang Dios…”
      • Ginuyog man sang Dios ang duta sing una – sang paghatag niya sang Kasuguan sa bukid sang Sinai…
      • Iya nga gin-uyog ang duta tungod sa una nga tion. Naka-angkon ang mga katawhan sang kasulatan sang Kasuguan sang Dios…
      • Wala na sang madamo nga rason – ang Kasuguan nagasugidl sa aton sang ginapaabot sang Dios!
      • Apang sa‘malip-ot nga tinion’ – Ang Dios liwat Niya uyogon ang duta –nga upod na si Jesus …
      • Mateo 27:50-51 – “ Liwat nagsinggit sing mabaskog si Jesus kag nabugto ang iya ginhawa.
      •   Sa amo man nga oras, napihak ang kurtina sa sulod sang templo sang Jerusalem halin sa ibabaw paidalom. Nag-uyog ang Duta…”
      • Bangod kon diin ang Kasuguan nagtukod sang pagkamatarong sang Dios…
      • Paagi lang sa Krus ni Jesus nga ang tawo maluwas – kag makabaton kita sang pagpakamatarong sang Dios!
      • Uyugon ni Jesus ang TANAN nga nasyon – kag magapalapit sila sa Ginahandum sang TANAN nga nasyon…
      • Si Jesus ang Handom sang TANAN nga nasyon – Filipos 2:10-11
      • Kag ang Dios pun-on Niya ang Templo sang Iya Himaya – indi ang himaya sang Templo ni Solomon…
      • Ang Templo mapuno sang pilak kag bulawan – mahimayaanon sa guha…
      • Apang ang Dios indi interesado sa pilak kag bulawan – kay ang tanan Iya man – Haggai 2:8
      • Ang handum sang Dios amo ang mga nasyon – TANAN NGA TAWO – nga mag kadto sa Templo kag magtuo!
      • Indi lang sa pang guha –ang Himaya nagahalin sa Maayong balita nga naga bag-o sang kabuhi !
      • Ginatawag naton sang may pag-angga ang Bible Fellowship – nga Tambobo…
      • Apang ang rason ginkuha ina nga nga ngalan tungod sang pag bakal sina – Isa siya ka TAMBOBO!
      • Sang una kon mag ulan, kinahanglan gid ang payong – bisan sa sulod!
      • Ang mga tawo naga kadto sa simbahan – ginahimutaran gid sang maayo ang estilo –kag mag guha liwat!
      • Apang ang Dios wala nagadayaw sang panguha – nagatan-aw ang Ginoo sa tagipusoon– I Samuel 16:7
      • Bisan ano pa kanami tulukon ang gintukod – ang matuod nga pamangkot kon ano ang ara sa sulod…
      • Sa kalabanan nga matahom nga kasimbahanan sa kalibutan – bantog kag matahom nga buildings…
      • Patay sa sulod – kag ang iban ginahimo nga mga ilimnan!
      • Ang building nga puno sang Himaya sang Ginoo – isa ka building nga puno sang katawhan nga ginahatag ang tanan kay Jesus!
      • Ang lugar sang kalinong…
      • Ang Dios naghimo sang saad – Ang ika 2 nga Templo mas dako sang sa Templo ni Solomon!
      • Indi tungod nga mas madamo sang bulawan ukon pilak – bisan pa…
      • Dugangan ni Herod ang Templo kag ini mangin isa sa mga katilingalahan sa Kalibutan…
      • Apang ini nga Templo mangin dako -tungod maabot ang adlaw nga si Jesus ara dira!
      • Kag madala Siya sang kalinong sa tunga sang Dios kag sang tawo – Dal-on Niya ang Kaluwasan!
      • Naga tulok ang mga Judio sang mga nagligad – baylo sa magtulok sila sa palaabuton nga gusto buhaton sang Dios !
      • Sa masami malak-angan naton ang ginahimo sang Dios sa aton kabuhi – bangod nga nagalagas pa kita sang aton nga nagliligad…
      • Ukon naga pangita kita sang iban pa –ginahaumhaum kon ano ang himoon sang Dios…
      • Imbes nga magkadto sa Dios nga may ginapaabot – kinanglan naton nga mag kadto nga bukas ang tagipusoon!
  • 2nd – Ang Saad… vs. 10-19
    • 1st – Ang Layi sang pagka-di-matinlo… vs. 10-13
      • Sa ika- 24 nga adlaw sang ika siyam nga bulan (December) – sa ika- 2 nga tuig ni Darius…
      • Duha ka bulan tapos nga ang Ginoo nag tagna parte sa paghimo sang imposible…
      • Kag tatlo pa lang ka bulan ang nagligad sang ginsuguran liwat ang pahimo sang Templo…
      • Nagpamangkot ang Dios sa mga pari nahanungod sa Layi sang pagka-di matinlo – Leviticus 6:27 / 19:22
      • Kon ang pari nagadala sang ‘balaan nga karne’ kag makatandog sa iban nga pagkaon – indi ina mangin balaan…
      • Apang kon ang isa ka pari mangin di-matinlo – kag magtandog sang bisan ano nga butang – ina mangin mahigko!
      • Ang punto simple – ang pagka-di-matinlo madali ipasa kay sa pagkabalaan!
      • Kon mag tindog ako sa pulongkuan – kahapos sa akon butungon padalum – kay sa butungon ko ikaw pababaw…
      • Tungod nga may law of gravity nga nagabulig sa imo – apang ako nagakontra sa gravity!
      • Sa amo man nga bagay mahapos kita butungon sang kalibutan padalum – kaysa butongon sila pababaw!
      • Bangod ang pag kamakasasala nga kinaiya sang tawo ara upod sa ila – samtang kita nagapakig-away sa makasasala nga kinaiya…
      • Kinahanglan naton nga mag-istorya sa mga wala pa maka kilala kay Jesus…
      • Bangod nga kon indi kita mag-gwa sa kalibutan – indi naton mapakita sa kalibutan ang paglaum nga ara kay Jesus!
      • Bisan nga ari kita sa kalibutan – kinahanglan naton maghalong nga indi magpalapit tudo – Juan 17:15
    • 2nd – Ang mga indi matinlo nga mga katawhan … vs. 14-19
      • Ang mga tawo sang Israel mga indi matinlo – tungod nga ang ila tagipusoon indi insakto…
      • Nagpatindog sila sang malahalon nga mga balay – samtang ang Templo sang Dios ara lang nagpabilin nga guba…
      • Mas interesado sila sa pag serbisyo sa ila kaugalingon – kay sa magkabuhi para sa Dios…
      • Kag ang resulta ara sila sa idalum sang sumpa – tanan nila nga tandugon nangin di-matinlo!
      • Bisan pa nga naga halad sila sa altar – nga ginpatindog sang pagbalik nila halin sa Babilonia – nangin di-matinlo!
      • Ang resulta – antes pa lang nila mapasad ang pundasyon sang Templo – wala sang maayo nga natabo…
      • Kon ang mga tawo nagapaabot nga ang ila patubas 20 ka paniga sang trigo – 10 na lang ka paniga ang patubas!
      • Kon naga paabot sila nga may 50 gallon nga alak – ang makuha lang nila 20!
      • Gina igo sang masakit ang ila tanom /tagiptip / yelo – nagahapay sang ila patubas…
      • Para lang nga makuha ang ila igtalopangod – magtulok sa ibabaw – apang wala gid sila nag liso sa Ginoo!
      • Leviticus 26:19 – “ Dulaon ko ang ginapabugal ninyo nga gahom. Indi ko gid pagpaulanon, gani magatig-a gid ang inyo mga duta.”
      • Ang Dios kabalo gid mag kuha sang aton nga igtalupangod – ang pinakamaayo amo ang paagi sa pagkaon…
      • Kon kita busog/wala na sang kinanglan – nagakalipat kita kag wala ga sapak sa Dios…
      • Gani ang Dios ginatugot nga ang kada isa nga aton matandog daw isa ka sumpa – ang kuarata naga budlay para sa aton!
      • Ang mga tawo anay nga nagabulig sa aton – banko / credit cards – indi na kita pagpahulamon sang kwarta…
      • Ang tawo nga aton nautangan – nagademanda nga aton sila bayaran dayon!
      • Kag nagakatingala kita nga daw ang kalibutan batok sa aton – indi, gina kuha lang sang Dios ang aton igtalupangod!
    • 3rd – Ang saad sang pagpakamaayo… vs. 18-19
      • APANG – Ang Dios nagahambal nga BINAGBINAGON sa sini nga adlaw kag sa palaabuton (3x)…
      • Ang tinaga – BINAG-BINAGON – isa ka kombinasyon nga tinaga sa Hebrew – sum levav…
      • Literal nga nagakahulugan nga ‘ibutang sa inyo tagipusoon’ – pwede ta ihambal – tun-i ang leksion sang maayo!
      • Halin ika 24 nga adlaw sang ika siyam nga bulan – ang adlaw nga ang pondasyon sang Templo na tapos…
      • Bisan nga ara na ang binhi sa uma – wala pa sang nagtanom sa latagon…
      • Ang ubas / higera / olibo / kag granada wala naga pamunga sa ila mga sanga…
      • Gani wala sang may makahambal nga kon ‘maayo ang patubas’ sa madason nga tuig…
      • Apang ang Dios nag saad sa sini nga adlaw kag sa palaabuton – Iya nga pakamaayuhon sila!
      • Bangod nga sila namuhunan sa Ginoo – ila na nga mabaton halin sa Ginoo!
      • Ang pagpakamaayo sang Ginoo derikta nga resulta sa pamuhunan sa Ginoo!
      • May makatilingala nga bersyon sang Math ang Ginoo – indi pareho sa aton Math…
      • Kon may ara ako $100 – kag mahatag ako $20 sa Dios – kag may $80 ka nga mabilin…
      • Sa pareho nga hunahuna – kon may $100 kag indi mag hatag sang bisan ano nga butang – may ara nga mabilin nga $100…
      • Gani sa ulihi daw mas maayo para sa aton – nga indi mag hatag sang bisan ano sa Dios!
      • Apang sa realidad kon mamuhunan ka sa Ginoo – sa ulihi may mabaton ka sang mas madamo sang sa aton ginsuguran!
      • Indi ta makahatag sang labaw sa Ginoo – Iya kita pakamaayuhon labaw pa sang sa aton nga mahatag…
      • But if we try and keep all our money/time for ourselves – we always seem to be lacking!
      • BINAGBINAGA ang mga nagahatag sa Ginoo – kag tan-awa kon nagakakulangan sa bisan ano nga kinahanglanon…
      • Tan-awa ang mga nagahimud-os sa pagkuha/pag-hawid sang mga butang – kag tanawa kon ano ang kakulangan!
      • Indi palamangkoton ang kon kasarang bala kita nga mamunuhan sa Dios – ang pmangkot, maka sarang bala kita nga indi magpamuhunan sa Dios!
      • Lucas 6:38 – “ Maghatag kamo agod pagahatagan man kamo sang Dios. Kon maghatag ang Dios sa inyo, ginasukob gid niya sing maayo, ginauyog, ginadasok, kag nagaawas pa antes ibubo sa inyo suludlan. Kay kon paano ang inyo paghatag sa iban amo man ina ang paghatag sang Dios sa inyo.”
  • 3rd – Ang Tawo… vs. 20-23
    • 1st – Ang pat-in nga singsing sang Dios… vs. 20-23
      • Sa sina nga adlaw – sa ika 24 nga adlaw sang ika-siyam nga bulan – gin hatag ni Haggai ang katapusan nga propesiya…
      • Pagauyugon sang Dios ang langit kag duta – Iya nga pierdihon ang truno sang mga Kaharian – kag mga Hari…
      • Iya nga gubaon ang kusog sang mga Gentil nga Kaharian – ang ila nga mga karwahe kag mga kabayo…
      • Ang kada isa paagi sa Espada sang iya kaugalingon nga utod – sila maguba halin sa sulod!
      • Ini nagapatuhoy sa pag kalaglag sang sunod-sunod nga mga Emperyo – Medo-Persia / Gresya /Roma…
      • Emperyo – nga bisan mga nabihag – Nagkalapudpod halin sa sulod antes sang ila kalaglagan!
      • Bisan pa nga nalaglag ini nga mga Kaharian sang Gerntil…
      • Gin kuha sang Dios si Zerubbabel anak ni Shealtiel – kag ginhimoan sang singsing nga pang tanda…
      • Ang pat-in nga singsing ginagamit sang mga dumaan nga pamatu-od sang pagkatawo…
      • Ang idea bilang Dios mahimo sing marka kay Zerubbabel – tungod Siya ang nagpili sa iya…
      • Sa pag himo sang Imposible – pagbuhi liwat sang ginsikway nga katawhan / itukod liwat ang Templo sang Dios…
      • Ipadayon ang kaliwatan ni David nga mga Hari – sa ulihi dira mahalin ang Mesias…
      • Nga isa ka adlaw magahimo nga mahimaya-on ang Templo – kag mangin Handom sang TANAN nga nasyon!
      • Nakabati ako sa mga tawo parte sa pagbilin sang MARKA sa sini nga kalibutan…
      • Apang ang matuod wala kita sang mahimo – sa aton kaugalingon – nga may padayon nga epekto…
      • Kon gusto naton magbilin sang marka – maghimo sang imposible – kinanglan naton nga may ‘pat-in’ sang Dios…
      • Bangod ang IYA marka wala naga kapanas – kon ano ang ginahimo sang Dios sa aton may epekto sa eternidad!
      • Apang ang pamangkot paano mangin – pareho kay Zerubbabel – mapilian man bala kita…
      • Ang sabat simple – indi mag pahigot sa kalibutan – indi mag kompromiso…
      • Sa baylo mamuhunan sa mga butang sang Ginoo – kag magtan-aw nga may kakunyag sa pag gamit sa aton sang Dios!