Making Bible Study Easy for everyoneEnglish • Hiligaynon
Back to Malachi
Verse-by-Verse Bible Study

Malachi 1–2

Unfaithful priests... (3 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Malakias 1:1 – 2:9

  • Ang bug-os nga laygay sang dios
    • Natapos na naton ang Zacarias – ang ika 38 nga libro sang Old Testament – ika 15 sang 16 ka mga libro sang propesiya sa OT
    • Maumpisa na kita sa Malakias – ang ika 12 sang mga Minor Prophets – ang ulihi nga libro sa OT!
  • 1st – Sin-o si Malakias…
    • Ang tinaga nga Malachi nagakahulugan nga – Akon mensahero…
    • May ara sang mga pahinun-anon tuhoy sa kon ang tinaga nga Malachi isa ka ngalan okon isa ka titulo…
    • Wala gid sang iban nga nagapatuhoy sa kay propeta Malachi sa OT…
    • Ang Septuagint nagbadbad sang Malakias 1:1 – Iya mensahero (imbes nga ngalan)…
    • Malakias 3:1 naga-usar sang tinaga nga ‘Malachi’ – bilang tanan nga mensahero…
    • May ara gani sang mga nagahaumhaum nga ang nagsulat sang libro nga ini amo si Ezra ang escriba!
    • San-o ginsulat ang Malakias…
    • Sa pagpalig-on nila ni Haggai kag ni Zacarias – ang Templo nakompleto sang 516 BC…
    • Sang 458 – nag-abot si Ezra para magpabakud sang mga nagkalabilin nga mga Judio – ginpasag-uli ang pagtudlo sang Kasuguan…
    • Sang 445 BC – Ginpadala si Nehemish sa Jerusalem para itukod liwat ang mga pader…
    • Apang sang 433 BC – nagbalik si Nehemias sa Persia – Kag nagpakasala liwat ang mga Judio….
    • Pagbalik ni Nehemias sa Jerusalem iya natukiban nga wala na ginapatuman ang paghatag sang ikapulo…
    • Ang mga katawhan nagminyo sa mga taga-guwa / ang mga pari korap – Nehemias 13:7-31
    • Nagkondenar man si Malakias sang amo man nga mga sala – ini nagapanugda nga kadungan okon kontemporaryo niya si Nehemias!
  • 2nd – ang tema sang libro…
    • Ang tema sang Malakias amo ang wala nagabaylo nga katutom sang Dios…
    • Bisan nga naghatag sang mga makatilingala nga panaad ang Dios sa Israel – ang ila nga kahimtangan malala gid…
    • Ang Israel isa lang ka gamay kag indi imortante nga probinsya sa Emperyo sang Persia…
    • Ang mahimayaon nga palaaboton nga ginpalapnag sang mga propeta wala pa natuman…
    • Wala pa nakakari ang Dios sa Iya nga Templo para ibayaw ang Iya nga Kaharian sa tanan nga mga nasyon!
    • Nag-umpisa nga magduhaduha ang mga katawhan tuhoy sa higugma sang Dios – kag tungod wala na sila nagasalig sa Iya nga hustisya – nadulaan na sila sang paglaum…
    • Amo nga ila nga pagsimba nangin isa na lang ka wala unod nga relehiyon – kag wala na nila ginahatagan sang importansya ang Kasuguan!
    • Malakias 3:14 – “ Nagsiling kamo, ‘Wala sing pulos ang pag-alagad sa Dios. Ano bala ang aton makuha kon tumanon ta ang iya mga ginapatuman sa aton? Kag ano ang aton makuha kon maglakat-lakat kita nga nagapangasubo sa pagpakita sa Ginoo nga Makagagahom nga nagahinulsol kita sa aton mga sala?”
    • Ginsabat sang Dios ang ila nga pagduda paagi sa pagpasalig sa ila nga wala Siya nagabaylo – Malakias 3:6
    • Siya ang Ginoo sang Kasuldadohan – ini nagamit 24 ka beses sa 55 ka verses sang libro!
    • Ginapasalig Niya sila nga maabot ang Adlaw nga tumanon sang Dios ang Iya nga mga panaad!
    • Malachi 3:18 – “ Kag sa liwat makita sang mga tawo ang kinalain sang matarong kag sang malaot, ang kinalain sang nagaalagad sa akon kag sang wala nagaalagad sa akon.”
  • 3rd –ang pagbalay sang malakias…
    • Ang estilo sang Malakias mabinalaybayon – nagalakip sang pito ka mga pamangkot sang mga katawhan sa Dios…
    • Apang Inyo ginasiling – sa ano nga paagi nga ginhigugma mo kami – Malakias 1:2
    • Apang Inyo ginasiling – paano namon gintamay ang Imo ngalan – Malakias 1:6
    • Apang Inyo ginasiling – ngaa ginpatubayaan kita sang Ginoo– Malakias 2:14
    • Apang Inyo ginasiling – paano namon Siya ginpalapyo – Malakias 2:17
    • Apang Inyo ginasiling – paano kami magbalik – Malakias 3:7
    • Apang Inyo ginasiling – paano ka namon ginkawatan – Malakias – 3:8
    • Apang Inyo ginasiling – Ano ang ginhambal namon nga batok sa Imo – Malakias 3:13
    • Ang pagbalay sang libro gintunga sa tatlo ka simple nga bahin… 
    • Malakias 1:1-5 – Ang Katutom sang paghigugma sang Dios sa Israel napamatuoran…
    • Malakias 1:6 – 2:17 – ang pagka di-matutom sang katawhan sang Israel ginsabdong……
    • Malakias 3:1 – 4:6 – Ang pagkari sang Ginoo sang mga Kasuldadohan ginpahibalo!
    • Di-matutom nga mga pari… (3 ka butang)
  • 1st – Si Jacob kag si Esau… vs. 1-5
    • 1st – Pagduda sa higugma sang Dios… vs. 1-2
      • Ang kabug-atan sang Pulong sang Dios sa Israel suno kay Malakias…
      • Pabug-at ini tungod indi ini maayo nga balita – kinahanglan liwat nga sabdongon sang Dios ang Iya nga mga katawhan…
      • Nasulat para sa Israel – espesipiko nga para sa mga nagkalabilin sa Kadutaan!
      • Ang KABUG-ATAN nagaumpisa sa simple nga kamatuoran – Ginhigugma ko kamo…
      • Nangin matutom ang Dios sa Israel – halin pa sa umpisa (tandai ina nga panghunahuna)…
      • APANG NAGASILING KAMO– Paano Mo kami ginhigugma!
      • Sa pag-agi nila sa mga pagtilaw – nag-umpisa na nga magduda ang mga katawhan sa ina nga paghigugma…
      • Nagpaabot sila nga ang paghigugma sang Dios makit-an sa – prosperidad / gahom / prebilehiyo…
      • Kag sang nag-atubang sila sang kagutom / paghingabot / kag kahuluy-an, nagduda na sila!
      • Interesante gid para sa akon nga makit-an kon paano si Hallel magbalos sa akon nga pagpalangga sa iya…
      • Kon ihatag ko ang iya nga naluyagan – lollipop / donuts / indi pagpiliton nga mag-siesta – ‘Ginapalangga’ ko siya…
      • Pero kon mag-insister na ako nga magkaon siya sang utan / mag-siesta – indi na ako manami…
      • Ang pagtan-aw niya sang akon pagpalangga nagadepende sa iya nga naluyagan okon ekspektasyon!
      • TAM-AN ka peligroso nga butang ang magpalapit sa Dios nga may mga ekspektasyon…
      • Nagahunahuna kita nga kon palangga kita sang Dios, ihatag Niya ang aton nga naluyagan…
      • Pero kaangay sang isa ka mapinalanggaon nga amay sa isa ka ignorante pa nga bata – mas nakahibalo ang Ginoo…
      • Iya lang ginahatag ang aton nga kinahanglanon – kag ina masami kabaliktaran gid sang aton nga naluyagan!
    • 2nd – Ang ehemplo ni Esau… vs. 3-4
      • Para pamatud-an nga ginahigugma gid sila sang Dios – ginkomparar Niya si Jacob kag si Esau…
      • Ginhimo sang Dios nga mangin kamingawan nga ginalagawan lang sang mga ilahas nga mga ido (jackals) ang ginpanubli ni Esau…
      • Kag kon ang mga katawhan sang Edom matilaw nga magpatukod liwat – Paga-gubaon liwat sang Dios…
      • Ginakilala sila nga mga katawhan sang kalautan – nga ginaka-akigan gid pirme sang Dios!
      • Napahayag nga detalyado ang paghukom sa Edom sa libro ni Obadias!
      • Ngaa ginhigugma sang Dios si Jacob kag gindumtan si Esau…
      • Roma 9:13 – antes pa lang sila natawo, nga wala pa sang na-obra nga maayo okon malain – nagpili na ang Dios!
      • Kon una naton ang talupangdan ang mga kabuhi sang sini nga mga tawo, daw makapatalang…
      • Daw kaayo man sang batasan ni Esau – mapisan nga klase nga tawo…
      • Apang kon tulukon ang kabuhi ni Jacob – Genesis 25-49 (namitlang 164 ka beses)…
      • Daw indi siya manami nga tawo – nangdaya siya kag nagbinutig sa kalabanan sang iya nga kabuhi!
      • Apang – nahibaloan sang Dios nga si Esau mangin isa ka kalibutanon nga tawo – wala sang interes sa Ginoo…
      • Nahibaloan sang Dios nga si Jacob – mangin Israel isa ka adlaw – ginadumala sang Dios!
      • Wala kita ginatulok sang Dios base sa aton nga kahimtangan subong – Ginatulok Niya kita kag makita Niya kon mangin ano kita sa palaaboton…
      • Makatilingala nga kon magtulok ang Dios sa aton, indi Siya makakita sang mga makasasala…
      • Makit-an Niya ang mga Santo nga kon ano kita mangin – paagi sa bugay sang Dios!
      • Sa madason mo nga pagtan-aw sa salamin kag magpamangkot – ngaa ako Dios…
      • Dumduma nga lain nga klase sang salamin ang ginatulok sang Dios – nagatulok Siya sa tagipusoon…
      • Nagatulok Siya sa lalaki / babayi sang Dios nga Iya ginahulma!
    • 3rd – Ang pagkumparar… vs. 5
      • Sang makit-an sang Israel ang paghukom kay Esau – ila malapit nga paryente…
      • Makasiling sila nga ang Ginoo ginpadaku – kay nakita nila ang paghukom sa Edom sa guha sang ila nga mga dulunan!
      • Wala sang duda nga ang mga kaliwat ni Edom makasasala kag mga rebelde – kag takus lang nga pagahukman…
      • Apang AMO MAN ANG ISRAEL – nangin mga rebelde man sila sa madugay na nga tion – basi mas sobra pa!
      • Apang samtang ang Edom nangin ABO na – Ang Dios nagapadayon nga nagapakita sang GRASYA sa Israel!
      • Si Herod the Great halin sa Idumea – nagakahulugan nga isa siya ka Edomite….
      • Ang pinaka-ulihi nga mga Edomites amo ang iya nga pamilya – pagkatapos sina nadula na gid sila sa kasaysayan…
      • Apang ang Israel isa man gihapon ka nasyon asta subong nga adlaw – padayon nga ginahigugma sang Dios!
      • Nagapamatuod nga kaangay sang pagpalangga sang Dios sa kay Jacob – Iya man gihapon GINPALANGGA ang mga katawhan sang Israel!
  • 2nd – Pagdagta sang Altar… vs. 6-14
    • 1st – Wala sang pagtahod… vs. 6
      • Ginliso sang Ginoo ang Iya nga igtalupangod sa mga Pari…
      • Ang anak nagahatag kadungganan sa iya nga amay – ang alagad nagatahod sa iya agalon…
      • Bisan nagasiling ang mga Pari nga ang Dios amo ang ila nga Amay kag Agalon – wala gihapon sang pagpasidungog!
      • Ang mga pari mga dapat magrespeto sa Ginoo – sa baylo nagatamay sang Iya ngalan!
      • Ila nga ginpadayon ang mga pang-guha nga mga tradisyon sang ila nga relehiyon – pero wala sang matuod nga kaangtanan sa Dios!
      • Indi bilang Amay – indi man bilang Agalon – sige lang sila ka padayon sang wala unod nga ralehiyon!
      • Madamo nga mga Cristiano subong nagahunahuna nga basta maayo lang ila pang-guha nga itsura – maayo ang Dios sa ila…
      • Apang ang plastik nga pagka Cristiano asta lang sa panit – wala ini sang gahom nga nagkambyo sang tagipusoon!
      • Ang Iya nga ginapamangkot, ano ang bungga sang aton nga kabuhi…
      • Nagakabuhi bala kita sang salimpapaw kag sayop nga kabuhi– okon mabinungahon kag abunansya nga kabuhi…
      • Indi gusto sang Dios nga magpakunokuno kita nga Cristyano – Luyag Niya nga mangabuhi kita sang nag-bag-o nga kabuhi!
    • 2nd – Nadagtaan nga mga halad… vs. 7-8
      • APANG NAGASILING KAMO(mga pari) – paano namon gintamay ang Imo nga ngalan …
      • Ang sabat amo ang mga nadagtaan nga mga sakripisyo nga ginhalad sang mga pari sa Dios!
      • Nagahalad ang mga pari sang mga bulag kag piang nga mga sapat para sa Dios…
      • Ginpanghangkat pa sila sang Dios – ihalad ang mga ina sa inyo nga gobernador – tan-awa kon batonon niya…
      • Paano ini mabaton nga takos nga halad para sa Ginoo sang mga Kasuldadohan!
      • Tanan nga nga sakripisyo nga ginahalad sa Ginoo dapat wala sang depekto…
      • Ang mga tinaga nga WALA DEPEKTO ginagamit 44 ka beses para maglaragway sang sakripisyo…
      • Ang mga halad nga ginapakita sa Dios permi gid dapat nga ‘perfecto’ – wala sang depekto…
      • Tungod ang mga katawhan dapat nga maghatag sang ila nga pinakamaayo para sa Ginoo – indi ang ila nga mga salin!
      • Kon nagbakal ako sang bag-o nga gym clothes – kay madaan na gid ang ginasuksok ko…
      • Kag ihatag ko sa imo ang daan ko nga bayo – kay indi ko na kinahanglan…
      • Ano ang masiling mo sa aton nga relasyon – ano ang balor nga ginahatag ko sa imo!
      • Masami gid ako nga naham-ot kon may nagadonar sa simbahan…
      • Permi gid kami makabaton sang mga pagkabutang nga daw halos indi mo gani mabaligya sa garage sale!
      • Masami nga kon maghatag kita kay Jesus – daw ulihi na lang nga nadumduman / ang mga salin…
      • Ano ang kahulugan sina sa prayoridad nga ginahatag naton kay Jesus / ang Iya nga importansya sa aton!
    • 3rd – Sirhi ang mga pwertahan sang Templo… vs. 9-10
      • Ang mga katawhan nagpalapit sa Dios nga nagapangayo sang kaluoy…
      • Kon makasala ang mga katawhan, ila nga dal-on ang ila nga sapat sa Templo…
      • Ang punto sang pagsakripisyo amo ang tabunan ang sala – ipasag-uli ang naguba nga relasyon…
      • Apang sang naghalad sila sang mga bulag kag piang nga mga sapat– nagatamay sila sang altar…
      • Ngaa pakitaan sila sang Dios sang KALUOY – kag patawaron ang ila nga sala!
      • Mas maayo na lang nga sirhan ang Templo – siradhan ang mga pwertahan – patyon ang kalayo sa Altar…
      • Wala nalipay ang Dios sa ila – INDI Niya pagbatonon ang ila nga mga halad!
      • Ang pagpatawad indi paagi sa ritwal okon relehiyon…
      • Madamo ang nagapinsar nga kon pangamuyoon nila ang ‘sinners prayer’ sakto na sila sa Dios…
      • Sa tuod lang ang Dios magabaton lang sang halad nga ginhatag nga may sakto nga kabubut-on sa tagipusoon…
    • 4th – Paghatag sang putli nga regalo… vs. 11-14
      • Sa pagbutlak (east) asta sa pagtunod (west) sang adlaw – mapadunggan ang ngalan Ko…
      • Ginapinsar sang mga Judio nga na solo na gid nila ang Dios – nga daw nagakinahanglan gid ang Dios sa ila…
      • Nga kon indi sila magsimba sa Dios – wala na sang iban nga masimba pa sa Dios…
      • SURPRESA – Makakita ang Ginoo sang mapasidungog sa ngalan Niya – sa mga Gentil!
      • Kag magadala sila sang PUTLI nga halad para sa Ginoo – makari sila nga may sakto nga tagipusoon!
      • Apang ang katawhan sang Dios nagdagta sang Altar…
      • Ang mga Judio nagreklamo nga pwerte kalisod (tam-an ka mahal) magdala sang mga maayo nga sakripisyo…
      • Amo nga nagdala sila sang kinawatan / piang / nagamasakit – MAAYO NA ina para sa Ginoo…
      • Nabatyagan nila nga obligado sila nga maghatag sa Ginoo – pero indi nila gusto!
      • May mga MANUMPA pa – LIBRE nga paghalad (not required) – Leviticus 22:21
      • Apang kon magdala na sila sang sakripisyo – dala nila ang mga may depekto nga mga sapat…
      • Nagapakita nga ara lang sa ila tagipusoon ang magpadayaw sa mga tawo paagi sa ila PANUMPA – indi nga magpasidungog sa Ginoo!
      • Kon gusto naton nga maghatag sa Ginoo – kinahanglan nga putli ang aton paghatag..
      • Kon nagaduwaduwa ka maghatag sa Ginoo – ‘tam-an ka mahal maghatag’…
      • Aton nga dumduon nga wala kita ginapilit nga maghatag sang bisan ano sa Dios…
      • Indi kinahanglan sang Dios ang aton kwarta – Siya ang nagtuga sang bug-os nga langit kag duta!
      • Pareho sang isa ka gamay nga bata nga gusto magbulig sa iya tatay – indi na ina kinahanglanon…
      • Apang luyag man sang Dios nga makigbahin ang Iya nga mga anak sa Iya nga mga ulobrahon…
      • Kon amo sina klase nga tagipusoon ang aton ginahatag – isa ina ka maputli nga regalo!
      • 2 Corinto 9:7 – “Ang kada isa dapat maghatag suno sa iya gusto nga ihatag. Indi nga may pagpugong ukon nga napilitan lang, kay ginahigugma sang Dios ang mga nagahatag nga malipayon.”
      • Maghatag indi tungod mangin dalayawon kita sang mga tawo…
      • Kon ang offering plate nagapalapit na, gusto gid nga magpakita ang mga tawo sang ila nga regalo…
      • Mas gusto sang mga tawo nga maghulog sang MADAMO nga mga sensilyo – para imo nga mabatian ang pagka-alwan nila !
      • Okon may ngalan nga masulat sa plake – okon pagpahibalo nahanungod sa donasyon!
      • Wala sila nagahatag sa Dios – nagahatag sila para sa kadayawan sang iban nga tawo!
      • Naghambal si Jesus nga nakabaton na sila sang ila nga padya – ang temporaryo nga pagdayaw sang iban – Mateo 6:1-4…
      • Amo sina kon ngaa wala kita nagapasa sang basket – okon ‘offering plate’ – wala ginapahibalo ang aton paghatag!
  • 3rd – Pagpa-andam sa mga pari… vs. 1-9
    • 1st – Ang sumpa sa mga pari… vs. 1-3
      • Kon wala nagapamati ang mga pari / kag ipasulod sa tagipusoon – nga maghatag sang Himaya sa Dios…
      • Ang Dios MAPADALA sang sumpa nga pakamalaut sa ila – Iya na sila nga ginsumpa…
      • Iya nga ilisan ang ila nga mga bugay para mangin mga sumpa…
      • Pakamalauton sang Dios ang ila nga binhi (kaliwatan) – paslawon ang ila nga mga pananum…
      • Kag palhitan sila sang ipot (refuse) sa ila mga guya – kag ihaboy nga daw ipot!
      • Deuteronomio 18:3 – ihatag sa mga pari ang mga tiyan sang mga ginsakripisyo…
      • Imbes nga hatagan sila sang pagkaon (pagpakamaayo) – ipot lang ang ila nga makuha halin sa sulod sang tiyan!
      • Isa ka bugay kon ginatawag kita sang Ginoo para mangalagad…
      • Pero may upod ina nga MADAKO nga responsibilidad – kay ikaw ang nagarepresentar kay Jesus…
      • Indi makita sang katawhan ang Ginoo – pero nagasunod sila sa mga – pastor/ lideres…
      • Kon ang ina nga tawo indi maayo ang iya adlaw – basi masal-an sang mga tawo nga amo man ang Dios!
      • Amo na nga mas dako ang paghukom sa ila – tungod sang ila nga impluwensya sa iban!
      • James 3:1 – “Mga utod ko, indi lang basta-basta nga maghandom ang madamo sa inyo nga mangin manunudlo, kay nahibaluan ninyo nga mas maid-id ang paghukom sang Dios sa amon bilang mga manunudlo.”
    • 2nd – Ang Kasugtanan ni Levi… vs. 4-9
      • Nakahatag ang Dios sang saad nga kabuhi para sa mga pari (mga anak ni Levi)…
      • Kag naghaum ang mga pari nga ila ina nga kinamatarong…
      • Pero indi ini Kasugtanan nga wala sang Kondisyon – may ara man sila sang ila katungdanan nga dapat nila tumanon…
      • Dapat nga may kahadlok sila sa Ginoo – kag maghatag sang pagtahod sa Iya ngalan sa atubangan sang mga katawhan…
      • Dapat sila mangabuhi sang Diosnon nga pangabuhi – kag buligan ang iban sa pagpalayo sa kabuhi nga puno sang sala…
      • Dapat nila itudlo sa mga katawhan ang Kamatuoran / Kasugoan – tudloan sila kon paano magsunod sa Ginoo…
      • Tungod ang mga pari amo ang mga mensahero sang Dios para sa Iya nga mga katawhan!
      • Apang ang mga pari nagpalayo na sa ALAGYAN…
      • Kag nagtuga sang pagkasandad sang madamo nga tawo – tungod ila nga ginpatiko ang Kasugtanan ni Levi!
      • Ang mga katawhan amo ang nagdala sang mga piang kag masakiton nga mga sapat para isakripisyo – indi ang mga pari…
      • Galing imbes nga ila tadlongon ang mga katawhan – nagpakita sila sang pagpasulabi…
      • Nalimtan na sang mga pari ang ila katungdanan – kag nagtugot sa mga kapritso sang mga tawo…
      • Nalipat sila nga mensahero sila sang Dios – ila na nga ginapahamut-an ang mga tawo!
      • Ang resulta sang ila nga pagduko sa kagustohan sang mga tawo – nadula na ang respeto sang mga tawo para sa ila !
      • Padayon nga nagapangita ang Dios sang mga matutom nga mga tawo para mangin mensahero Niya…
      • Ang problema , ang mga tawo subong indi gusto magpamati sa kamatuoran – tungod masakit …
      • Indi nila gusto makabati tuhoy sa sala / paghukom – mas gusto nila nga lingawon sila…
      • Tungod sini, madamo na ang mga kasimbahanan nga nag palayo sa pagtudlo sang Pulong sang Dios…
      • Ini nga mga simbahan mas interesado sa ‘pagpuno sang mga bangko’ – kaysa ‘maghimo sang mga Santo’!
      • Nagagamit sila sang gimmicks para ila makuha ang igtalupangod sang mga tawo – 2 Timoeo 4:3
      • Apang ang simbahan indi isa ka teatro / okon concert / okon hulot nga gina-istoryahan sang mga kaladlawan…
      • Ang gahom sang kaluwasan amo ang Pulong sang Dios – amo nga kinahanglan naton magsugid sang Kamatuoran!
      • Binuhatan 20:27 – “Kay wala gid ako sing may gintago sa inyo parte sa bug-os nga katuyuan kag plano sang Dios.”