Making Bible Study Easy for everyoneEnglish • Hiligaynon
Back to Malachi
Verse-by-Verse Bible Study

Malachi 3–4

The Coming of the Lord... (3 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Malakias 3:7 – 4:6

Review…

  • Malakias – ang ika 39 nga libro sang Old Testament -ang ika 12 kag pinaka-ulihi sang Minor Prophets!
    • Malakias – Akon mensahero – isa ka propeta sa tion sang pagkatapos sang pagbihag, propeta para sa mga nagkalabilin sa Judah…
    • Nagsulat siya para hangkaton ang mga katawhan nga naga-umpisa na magduda sa higugma sangDios!
    • Una sang Dios gipatuhoyan ang mga pari – nga wala sang pagrespetar sa Ginoo – ila nga gintamay ang Iya Ngalan…
    • Nagahalad sila sang bulag kag piang nga mga sapat sa Dios!
    • Nalimtan na sang mga pari ang katuyoan sang pagtawag sa ila – kag ila nga ginabaton ang mga nadagtaan na nga sakripisyo nga halad sang mga katawhan…
    • Nalipat sila nga sila ang mga mensahero sang Dios – sa baylo nagpahamuot sila sa mga tawo!
    • Madason nga ginpatuhoyan sang Dios ang mga katawhan – nga nag-guba sang KASUGTANAN sa duwa ka paagi…
    • Nakahimo sila sang kangil-aran tungod sang kon sin-o ang ila gin-pangasawa – ang mga nagasimba sa pagano nga mga diosdios…
    • Nakahimo sila sang pagluib paagi sa pag-diborsio nila sa ila nga mga asawa – ginhalitan ang ila nga mga pamilya!
    • Kag tungod nga indi gilayon nga nagpanghukom ang Dios – naghaumhaum sila nga ginatugotan Niya – Basi nag-baylo na ang Dios!
    • Ginpasalig sang Dios sa ila nga maabot ang paghukom!
    • Apang una Niya nga ipadala ang Iya nga mensahero– John the Baptist – para pandaman sila nga maghinulsol…
    • Tungod nga WALA naga-baylo ang Dios – kag kon magkari na Siya sa Iya nga Templo – SIN-O ANG MAKATINDOG!

Ang pagkari sang Ginoo… (3 things)

  • 1st – ginakawatan ang Dios… vs. 7-12
    • 1st – Magbalik sa Ginoo… vs. 7
      • Halin pa sa tion sang ila nga mga katigulangan…
      • Ginpa-athag sang Dios nga wala Siya nagabaylo– wala Siya nagpahanugot sang ila nga makasasala nga mga gawi…
      • Apang ang mga katawhan sang Israel wala MAN nagbaylo – pareho lang gid sila sang ila nga katigulangan!
      • Kag kaangay sang ila mga katigulangan nagpalayo sila – kag ginsikway nila ang mga mando sang Ginoo!
      • Pero ginhatagan sila gihapon sang Dios sang paglaum – kon magbalik sila sa Iya – mabalik man Siya sa ila!
      • Masami ako makabati sang mga reklamo nga diin ang Dios– nga daw ang Dios amo ang nagpalayo sa ila…
      • Wala naglakat ang Dios sa kon diin – kon magpili kita sang kasalanan – nagapalayo kita sa Dios!
      • Ang maayo nga balita amo nga ang Dios indi gid malayo sa aton – maluluy-on Siya kag Iya kita nga ginahulat…
      • Sa tion nga magliso na kita pabalik – nakahanda gid Siya nga batunon kita…
      • Bisan ano pa kalayo ang aton nga ginpalagyohan – okon bisan ano pa kadamo sang aton kapaltahan !
      • Santiago 4:8 – “Magpalapit kamo sa Dios, kag ang Dios magapalapit sa inyo. Kamo nga mga makasasala, magkabuhi kamo sang matinlo! Kag kamo nga nagapangduhaduha, tinlui ninyo ang inyo mga tagipusuon.”
    • 2nd – Ang tawo mangawat bala sa Dios… vs. 8-9
      • Pamangkot – Paano sila makabalik sa Ginoo…
      • Sabat – sa paglikaw sa pagpangawat sa Iya – sa paglikaw sang pagpanghawid sang ila IKAPULO kag HALAD!
      • Ang bug-os nga nasyon ara sa idalom sang isa ka sumpa tungod GINKAWATAN nila ang Dios!
      • Amo ni siguro ang isa sa pinaka indi-mauyonan nga verse sa Biblya – Namian ang Pastor / ginakahadlokan sang mga katawhan!
      • Apang nalimtan naton ang importante nga pamangkot – ngaa lyabe gid sa pagbalik sa Ginoo – ang paghatag sa Dios!
      • Sigurado nga indi man kinahanglan sang Dios ang aton kwarta – Siya ang nagtuga sang bug-os nga langit kag duta!
      • Pero gusto sang Dios nga magpuhunan kita sa Iya / sa Iya nga obra – Lucas 12:34
      • Kon may $1 sa imo bank account wala mo ina ginapensar – pero kon may ara ka $1 million!
      • Wala kita nagapili kon diin ang aton tagipusoon – pero aton ginapili kon diin naton ibutang ang aton manggad…
      • Kon diin naton ginabutang ang aton kwarta / tion / talento – ara man dira ang aton tagipusoon!
      • May huyog kita nga maghunahuna nga nagapamuhonan kita sa mga butang nga importante para sa aton– ‘sa aton nga tagipusoon’…
      • Apang ang aton nga tagipusoon nagasunod sa aton nga puhonan – ang aton nga pagpili amo ang naga-dikta sa kon ano ang gusto sang aton tagipusoon!
      • Amo na nga indi gid kita dapat nga magsunod sa aton tagipusoon – malimbungon ini – Jeremias 17:9
      • Sa baylo dapat nga mangin mainalamon kita sa kon diin naton ipuhonan ang aton nga tion kag manggad!
      • Pila gid ang aton dapat nga ipuhonan sa Ginoo…
      • Ang tinaga nga tithe amo ang tinaga sang Hebreo para sa ikapulo – kita ya masiling 10%
      • Pero suno sa Kasugoan may ara 3 ka nagkalainlain nga TITHES nga ginapatuman nga ihatag sang mga katawhan…
      • Numbero 18:21-24 – ang Levitical tithe para maghimuno sang kinahanglanon sang mga naga-alagad sa Ginoo…
      • Deuteronomio 14:22-26 – ang tithe sang pyesta– 10% sang patubas – ginakaon sa atubangan sang Ginoo…
      • Deuteronomio 14:28-29 – ang tithe para sa imol– para makatatap sa mga kapos palad
      • Ang tithe para sa imol kaisa lang sa kada 3 ka tuig…
      • Sa kabilogan ang mga katawhan kinahanglan nga mag TITHE sang 23% sang ila nga kita kada tuig!
      • Wala pa dira nadala ang mga halad – nga mga libre nga regalo luwas pa sa TITHE!
      • Naham-ot ako sa mga nagatudlo sang paghatag sang 10% sa simbahan (dapat gani 23%)…
      • Nagapudyot sila sining isa ka laye sa OT kag ila nga ginatudlo nga daw ara sa NT…
      • Indi pililahan sang buffet ang Kasugoan – indi ka pwede makapili kag magpudyot sang laye nga imo nga na-uyonan…
      • Ang mga nagatudlo sang paghatag sang 10% sa simbahan – dapat man nga magtudlo sang tanan nga laye sa Kasuguan!
      • Ang mando sang New Covenant amo ang maghatag tungod gusto naton – 2 Corinto 9:7…
      • Subong masami ang mga tawo nagahatag tungod sa ginabatyag nila nga obligasyon – nagahatag sila pero indi nila gusto nga maghatag!
      • Basi ginahunahuna pa nga kon indi kita maghatag – indi kita pagpakamaayohon sang Dios…
      • Nga daw aton nga ginakawatan ang Dios kon indi kita maghatag sa simbahan!
      • Apang ginasiling sang Dios nga maghatag sang kon ano ang gusto naton ihatag – diutay okon madamo depende sa aton nga korason…
      • Pero kon ano man ang aton ihatag – ihatag naton nga may malipayon nga tapipusoon – malipayon nga manughatag…
      • Kon nagahatag kita kay tungod nga obligasyon – waay na pulos – Indi ina gusto sang Dios!
      • Ang mga simbahan indi na kinahanglan nga maghambal sa mga tawo nga maghatag…
      • Exodo 36:4-7 – ang pagtukod sang Tabernakulo – Ginpunggan ni Moses ang mga katawhan…
      • Masami sa mga simbahan – kwarta ang ginatutokan – ikapulo / halad – ang rason…
      • May gusto obrahon ang simbahan nga ila ideya – bag-o nga building…
      • Kon aton ideya, kita dapat magbayad – kon ideya sang Dios, Siya ang mabayad!
      • Kon ang Dios ang nagaobra – Iya hikoton ang mga tagipusoon sang mga tawo…
      • Mahatag Siya sang sobrasobra – mapilitan gid sila nga magsiling sa mga tawo nga MAG-UNTAT NA hatag!  
    • 3rd – Tilawi ang Ginoo… vs. 10-12
      • Dal-a ang ikapulo sa sa mga bodega – para nga may pagkaon…
      • Tungod ang mga katawhan wala nakahatag sang ila nga ikapulo – ang mga Levinhon wala na sang makaon…
      • Madamo sa ila ang kinahanglan magbiya sa ‘ministry’ para nga makabalik sa obra – Nehemias 13:10
      • Pakamaayo sa simbahan nga maghimuno sang kinahanglanon sang Pastor agod libre na siya nga makaministro…
      • Kon kinanglan pa sang isa ka pastor nga mag-obra para suportahan ang kaugalingon – gamay na lang nga tion ang nabilin para sa simbahan…
      • Pero ang pastor INDI dapat mag demanda/bisan mangayo – sang kwarta – I Corinto9:15
      • Madamo sang mga pastor subong ang naga-abuso sang ila nga awtoridad sa simbahan…
      • Ila nga gina-usar ang pulpito para sa ila personal nga kaayuhan- nagahingalit nga himuslan ang mga tawo…
      • Ang resulta, ang mga tawo naga-andam – ang Maayong Balita nadagtaan na…
      • Ezekiel 34:2 – “Tawo, maghambal ka kontra sa mga manugbantay sang Israel. Silinga sila nga ako, ang Ginoong Dios, nagasiling: Kaluluoy kamo nga mga manugbantay sang Israel. Ang inyo lang kaugalingon ang inyo ginatatap! Indi bala nga ang mga manugbantay dapat magtatap sang iya mga karnero?”
      • Tilawi ninyo Ako sa butang nga ini – tan-awa kon indi Ko pag-abrihan ang mga bintana sang Langit!!
      • Nagsaad ang Dios nga Iya pakamaayohon sang husto ang Israel nga indi na nila masarangan taguon tanan…
      • Iya nga bantayan ang ila nga mga talamnan batok sa mga insekto (manug-ubos) kag masakit…
      • Kag ang tanan nga mga nasyon sa Kalibutan magatawag sa ila nga ginpakamaayo – isa ka makalilipay nga duog!
      • Kon indi naton kinahanglan nga maghatag – basi maminsar kita – ngaa gustohon ko pa nga maghatag!
      • Daw mas maayo para sa akon nga tagoon ko na lang ang kwarta ko – kag indi maghatag sang bisan ano…
      • Pero sa tuod lang kon maghatag kita sa iban – mas nagadamo pa gid ang nagabalik sa aton !
      • Luke 6:38 – “Maghatag kamo agod pagahatagan man kamo sang Dios. Kon maghatag ang Dios sa inyo, ginasukob gid niya sing maayo, ginauyog, ginadasok, kag nagaawas pa antes ibubo sa inyo suludlan. Kay kon paano ang inyo paghatag sa iban amo man ina ang paghatag sang Dios sa inyo.”
      • Ang Laye sang pagtanum kag pag-ani…
      • Basi ang iban sa aton pamilyar sa pagpanguma – sa pagpuhonan sa patubas…
      • Mahal ang magpa-arado sang duta gamit ang tractora / magbakal sang maayo nga binhi / fertilizer…
      • Pero sa ulihi – kon mas dako ang puhunan sa pananaom – mas madako ang kita!
      • Ang ini nga prinsipyo sang pagtanom kag pag-ani matuod man sa pagpanghatag…
      • Ang aton nga regalo sa Dios – ginhatag man sa simbahan / okon sa nagakinahanglan – kaangay sangbin…
      • Kon mas madamo ang aton nga itanom – mas madamo ang aton anihon nga pagpakamaayo halin sa Dios…
      • Kon ‘barat’ kita kag magtanom lang sang diutay nga binhi – diutay man ang anihon…
      • Pero kon matanom kita sang madamo – maani man kita sang madamo!
      • Indi gid kita makahatag sang sobra pa sang ginahatag sang Ginoo – kon mas damo ang aton hatag / mas madamo pa gid ang ihatag sa aton!
      • Side note: Nahibaloan sang Dios ang motibo sang aton tagipusoon – indi ka makahatag para lang makakuha…
      • Kon may abyan ka nga ‘nagahatag’ lang sa imo tungod nagapaabot siya nga mas madako ang ibalik mo…
      • Indi magdugay nga magalikaw ka na sa ina nga ‘abyan’!
      • Kon nagahatag lang kita sa Ginoo kay nagapa-abot sang mas madako nga balik – mapaslawan lang kita!
  • 2nd – Matigdas nga mga tinaga… vs. 13-17
    • 1st – Ngaa mag-alagad sa Ginoo… vs. 13-15
      • May panumbongon ang Dios nga ang mga tawo naga-usar sang mga MATIGDAS NGA MGA TINAGA – pero namangkot sila – ano ang ila ginhambal!
      • Waay pulos ang mag-alagad sa Dios – ano ang aton naganar sa pagtuman sang Iya nga mga mando / sa paghinulsol para sa sala…
      • Mas maayo nga tawgon ang mga bugalon nga ginpakamaayo kay ang mga nagabuhat sang malain naga manggaranon!
      • Kag ang mga nagahangkat sa Dios nga silotan sila – wala nagaatubang sa konsekwensya – kag makapalagyo nga mahilway!
      • Natalupangdan sang mga tawo nga mas mahapos mangabuhi para sa kalibutan/ kaysa mangabuhi para sa Ginoo!
      • Kon aton nga tulukon ang makasasala nga kalibutan sa aton palibot – maluyahan gid kita sang boot…
      • Makita naton ang mga tawo nga nagapangabuhi nga imoral – nagasikway sang Dios…
      • Kag ang malain kay matawhay sila nga makapalagyo…
      • Wala sila naga-antos – may nagahamungaya pa – daw indi man ini makatarungan!
      • Makapanghunahuna ang tawo kon maayo gid bala ang mangabuhi para kay Jesus!
    • 2nd – Ang mga nagkalabilin… vs. 16
      • May ara pa sang diutay nga nagsunod sa Ginoo – kag tatlo ka butang ang ila gin-obra…
      • May kahadlok sila sa Ginoo…
      • Salmo 111:10 – “Kon ang isa ka tawo gusto nga magmaalamon, dapat magtahod siya sa Ginoo.
        Ang tanan nga nagatuman sang iya mga sugo may husto nga paghangop.
        Dalayawon siya sa wala sing katapusan.”
      • Madamo sa kalibutan subong ang nagayaguta sang Bibliya – kay wala sila sang kahadlok sa Ginoo…
      • Wala sila sang kahadlok sa lingkuran nga hukmanan – wala sila sang kahadlok sa Linaw nga Kalayo…
      • Pero may ara lang duwa ka klase sang tawo para sa Dios…
      • Maalamon nga mga makasasala nga may kahadlok sa Ginoo kag makakita sang ila nga pagkinahanglan kay Jesus – kag ang mga indi makakita!
      • Hebreo 10:31 – “Kag makahaladlok gid kon ang Dios nga buhi amo ang magsilot.”
      • Naga paghili-upod sila sa isa kag isa…
      • Indi makaluwas sa aton ang pagkadto sa simbahan – pero ini makabulig sa aton sa paglikaw sa pagtalang kag pagkadula sa aton panglakaton…
      • Mahapos lang ang mag-obra sang sala kag kombinsihon ang aton kaugalingon nga sakto kita…
      • Amo na nga ginatawag kita sang Dios nga maghili-upod sa simbahan – Hebreo 10:25…
      • Makabulig kita sa pagbantay sang mga kautoran – mas mabakod kita kon naga-inupdanay!
      • Nagapamalandong sila sa Iya nga ngalan…
      • Ang aton mga paghunahuna ang nagagiya sang aton nga mga pang-gawi – ang aton nga mga pang-gawi amo ang nagahulma sang aton nga karakter…
      • Wala kita nagabugtaw isa ka aga kag gulpi lang nga magdesisyon nga magpakasala – Santiago 1:14-15
      • Kon ginapasugtan naton ang aton nga pamensar nga magtiner sa aton nga naluyagan – kag kon ang ina nga luyag buhaton na – kasalanan…
      • Kon napun-an kita sang kalibutan nga ini – nagapamensar sang sala – makasala gid kita!
      • Pero kon napun-an kita ni Jesus – nagapamensar kay Jesus – ang aton nga mga buhat maangay man kay Jesus!
    • 3rd – Ang Libro sang Pagdumdom… vs. 16-17
      • Duwa ka butang ang ginhimo sang Ginoo para sa mga nagkalabilin nga matutom …
      • Ginpamatian sila sang Ginoo…
      • Psalm 66:18 – “Kon ginpabay-an ko lang ang akon mga sala wala kuntani nagpamati ang Ginoo sa akon.”
      • Ang liwat-liwat nga sala ang nagatuga nga indi kita mabatian sang Ginoo – kag indi pagsabat sang mga pangamuyo…
      • Ang aton nga mga pangamuyo nagabunggo lang sa kisame sang aton nga mga kasalanan – kag nagapakig-sugilanon lang kita sa aton kaugalingon!
      • Apang sa tion nga maghinulsol kita – kag magbalik kay Jesus – aton mahibaluan nga handa gid Siya nga magpamati / maghulag!
      • I Pedro 3:12 – “ Kay ginabantayan sang Ginoo ang mga matarong,
        kag ginapamatian niya ang ila mga pangamuyo.
        Pero nagakaakig siya sa mga nagahimo sang malain.”
      • Ginsulat ina sang Ginoo sa Libro sang Pagdumdom…
      • Sini nga mga adlaw may ara kita sang mga cellphones – para makarekord sang tanan nga mga kahalam-utan nga butang nga gina-obra sang mga anak ta…
      • 2.5 ka tuig pa lang nga ari si Hallel – may ara na kami sang 14,000 ka mga picture kag sobra 1,000 ka mga video!
      • Nga-average 14 ka picture KADA adlaw sang iya kabuhi – cell phone sang pagdumdom!
      • Amo ina nag tagipusoon sang Dios para sa Iya nga anak nga nagapalangga sa Iya…
      • Gusto Niya nga makitaNiya ang tanan nga tion – kag ginasigurado Niya nga Iya marekord tanan!
      • Tungod kita ang IYA nga mga hiyas – IYA nga mga bahandi – nga IYA ginabalor lapaw sa tanan!
      • Kag tungod kita Iya mga anak – nagaplano ang Dios nga ilikaw kita sa maabot nga paghukom!
      • I Peter 2:9 – “Pero kamo pinili nga mga tawo, mga pari sang Hari, kag mga katawhan sang Dios. Nangin iya kamo agod magbantala sang iya makatilingala nga mga binuhatan. Siya ang nagtawag sa inyo halin sa kadulom pakadto sa iya makatilingala nga kasanag.”
  • 3rd – Ang adlaw sang paghukom… 3:18 – 4:6
    • 1st – Paghantop sa mga matarong kag sa mga malaut… vs. 18-3
      • Sa adlaw nga ina, ilikaw sang Dios ang IYA mga anak – pero pagahukman Niya ang mga nagsikway sa Iya – ini mangin maathag…
      • KABUANGAN nga tawgon nga Nabugayan ang mga bugalon – hangkaton ang Dios nga magsilot – pagahukman GID sila!
      • Mangin kaangay sila sang DAGAMI – sunogon sila sang Ginoo – Wala sang ibilin nga bisan gamot okon sanga!
      • INDI wala pulos ang mag-alagad sa Dios – MADAMO ang maganar kon magtuman kita sang Iya nga mando!
      • Tungod ang ADLAW sang katarungan masaka nga may dala nga pagpa-ayo sa Iya nga mga pakpak….
      • Namian ako sang paglaragway nga ADLAW – tungod kaangay sang nagabutlak nga adlaw…
      • Bug-os ang aton nga kasiguradohan nga maabot ang adlaw nga ang ANAK magabutlak man!
      • Kag sa ina nga adlaw ipa-athag Niya ang kinalain…
      • Ang may kahadlok sa Dios mangin kaangay sang mga matambok nga baka (pagdayaw) – ginapakaon kag ginatatap sang maayo!
      • Aton nga TASAKON ang mga malaut nga nag-manggaranon – nga daw yab-ok lang sila nga aton ginalapakan!
      • Basi indi pa matabo SUBONG – pero sigurado gid nga matabo ISA ka adlaw!
      • Amo nga para sa mga luyag magkabuhi para lang sa SUBONG– ang pag-alagad sa Dios daw KABUANGAN…
      • Apang para sa mga nagatulok sa eternidad – KABUANGAN ang indi pag-alagad sa Dios!
      • Lucas 16:19-20 – istorya tuhoy sa duwa ka tawo – ang MANGGARANON nga tawo kag si Lazarus…
      • Kag ang bisan sin-o nga may sentido-kumon gustohon nga mangin manggaranon nga tawo…
      • Sin-o ang indi gusto sang manggad / hamungaya / pag uswag / madamo nga abyan – ang mahapos nga pangabuhi…
      • Wala sang may gusto nga masakiton / imol / gutom / wala gid sang abyan!
      • KON- amo lang ni ang kabuhi ta – kon indi kita mag hunahuna sang Eternidad!
      • Apang pareho nga tawo napatay – amo man ang madangatan sang tanan nga tawo – Galing si Lazarus LANG ang naluwas!
      • Ang kabuhi indi lang parte kon ano kadamo nga pagkabutang ang aton mabakal – ukon pila ka tawo ang may gusto sa aton…
      • Ang kabuhi regalo – nga may isa ka tinutuyo – nagahatag sa aton sang kahigayunan nga makapili…
      • Diin kita makadto kon ang aton tion sa kalibutan matapos na – diin padulong ang aton eternidad!
    • 2nd – Si propeta Elias … vs. 4-6
      • Gani – sa kasanagan sa kinalain sang kapalaran sang matarong kag mala-ot…
      • Dumduma ang Kasuguan ni Moses – nga gin hatag sang Dios sa Israel didto sa Bukid sang Horeb / Sinai…
      • Isa ka kritikal ang pag dumdom sang Kasuguan – bangod ara na sa Dios nga mag linong Siya
      • Para sa masunod nga 400 ka tuig wala na sang propeta ang Israel nga maghambal halin sa Dios!
      • Indi man sibu nga tawgonini nga mga tuig sang pag hipos – kay ang Dios nagahambal gihapon…
      • Nag hatag siya sang pulong Niya sa Israel – ang kinanglan lang nila himuon abrihan kag magpamati!
      • Ang Dios nagapakighambal sa Iya mga katawhan paagi sa Iya Pulong – pero ang pamangkot sino ang nagapamati…
      • Sa tion nga mag bugtaw kita – asta nga manog tulog na kasako sa aton…
      • Permi kita sako sa kabuhi talagsa sa malaka kita naga abri sang aton Biblia…
      • Tapos ma tingala kita kon ngaa kahipos sang Dios – wala Siya nagahipos /wala lang gid kita nagapamati!
      • Asta nga ang Dios mag padala sang Iya propeta nga si Elias…
      • Makari Siya antes sang DAKO (santoss) kag MAKAKULOGMAT (makasasala) sa Adlaw sang Ginoo…
      • Sa mga nagtuo – si Juan nga manug-bautiso nga nagkari sa Espiritu ni Elias – Mateo11:14
      • Sa mga wala nag tuo kay Jesus si Elias manog abot pa lang…
      • Pahayag 11:3 – isa sa 2 ka saksi nga magatindog sa paghukom sang kalibutan!
      • Si Moses nag sulat sang una ka 5 ka libro sang Biblia – nagarepresentar sang Kasuguan sang Dios
      • Si Elias nagarepresentar sang mga Propeta – wala siya kaagi kamatayon – II Hari 2:11
      • Naga representar sila sang testimoniya sang Kasuguan kag mga Propeta! -ginatudlo ang mga katawhan sa kay Jesus
      • Sa 2,400 ka tuig ang mga Judio nagapaabot kay Elias…
      • Kada tuig sang Paskua (Holy Friday) naga butang sila sang pulungkoan sa lamesa para sa Iya!
      • Lisuon ni Elias ang tagipusoon sang mga amay – kay basi iguon sang Dios ang kalibutan sang sumpa…
      • Ini nga verse kontobersyal kag mabudlay badbaron…
      • Posible nga ginaisturyahan ang pagpasag-uli kag paghiusa sa mga nabuong nga panimalay…
      • Pero base sa Lucas 1:17 – nagapakita nga may lain nga kahulugan…
      • Luke 1:17 – “Pabalikon niya ang kalulo sang mga ginikanan sa ila mga kabataan, kag pabalikon man niya ang mga tawo nga wala nagatuman sa Dios sa matarong nga panghunahuna.”
      • Iya nga ipasaguli ang tagipusoon sang mga tatay (Abraham / Isaac / Jacob) sa mga anak sang Israel…
      • Baylohan ang di-matinumanon nga paghunahuna para makabaton sang Diosnon nga kaalam…
      • Sa malip-ot nga tinaga Iya luwason ang Israel – agod nga indi Niya na pagwasakon sila gamit ang Sumpa!
      • Iteresante nga ang katapusan nga verse sa OT amo ang ‘sumpa’ – bangod nga ang Kasuguan indi makaluwas…
      • Ang paglaum lang sang Israel amo ang pag baylo sang Tagipusoon – ang ila pagka dimatinumanon nga panghuna-huna…
      • Kon sa diin ang dason nga verse ang masunod – Mateo 1:1 – ang pagabot ni Jesu-Cristo!
      • Jeremiah 31:33 – “Magaabot ang tion nga magahimo ako sang bag-o nga kasugtanan ibutang ko ang akon mga sugo sa ila hunahuna, kag isulat ko ini sa ila tagipusuon. Ako mangin ila Dios, kag sila mangin akon katawhan.”
      • Ang Bag-o nga Kasugtanan indi parte sa kon ano ang aton buhaton -kundi ano ang himuon sang Dios para sa Aton!
      • Si Jesus lang ang gadala sang pagbag-o – nabag-o nga tagipusoon kag bag-o nga kabuhi…
      • Sa pag tulok naton kay Jesus – Ang SUMPA nadula – gin bag-o kita halin sa sulod asta sa guha!