Making Bible Study Easy for everyoneEnglish • Hiligaynon
Back to 2 Chronicles
Verse-by-Verse Bible Study

II Chronicles 1-4

A Hiligaynon study of II Chronicles 1-4 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Introduction…

  • Ang Kabug-usan sang Pulong sang Dios…
    • Handom naton nga matun-an ang tanan sa Bibliya – halin sa Genesis asta Pahayag..
    • Binuhatan 20:27 – “Kay wala gid ako sing may gintago sa inyo parte sa bug-os nga katuyuan kag plano sang Dios.”
    • Natapos na naton ang I Chronicles – kag magapadayon kita sa II Cronica…
    • Ang II Cronica ang ika 9 nga libro sang History sang Israel sa Old Testament…
    • Overview of the book of II Chronicles…
    • 1st – Sin-o ang nagsulat sang libro sang II Cronica
      • Ang ngalan nga Cronica ginhatag sang isa ka scholar nga si Jerome…
      • Ang buot silingon sang ini nga ngalan ‘Ang natabo’
      • Wala naton nakilal-an ang nagsulat – pero ginapatihan nga si Ezra ukon Nehemiah…
      • Ginsulat pagkatapos sang pagkabihag halin sa Babylonia – sang nakabalik sila sa Judah
    • 2nd – Ika 6 ini nga libro sang mga Hari sang Israel – I Samuel asta II Cronica…
      • Ang I Samuel natapos sa tion sang mga propeta /kag nagsugod sa paghari sang mga Hari
      • Ang II Samuel ang kabuhi ni Haring David – halin sa iya paghari asta sa iya kamatayon…
      • Ang I Hari – ang una nga 11 ka chapter ang paghari ni Haring Solomon…
      • Ang kataposan sang I Hari kag II Hari – ang natungan nga ginharian…
    • 3rd – May 4 ka parte ang libro sang I kag II Cronica…
      • I Cronica 1-9 – ang kaliwat sang Israel – halin kay Adan asta sa pagkabihag…
      • Ang mga kaliwat importante gid para sa mga Judio – para mabal-an ang ila ginhalinan!
      • Pero importante man sa aton – kay nangin kaliwat ini ni Jesus Christ!
      • I Cronica 10 – II Cronica 9 – Ang isa ka ginharian
      • Saul – ang una nga Hari sang Israel – kag nag Hari siya sang 40 ka tuig…
      • David – ang ikaduha nga hari – kag nag Hari man siya sang 40 ka tuig…
      • Solomon – ang ikatatlo nga Hari – kag naghari man siya sang 40 ka tuig…
      • II Cronica 10-28 – ang natunga nga ginharian…
      • Sang napatay si Solomon – ang ginharian natunga sa duha…
      • Ang pulo ka tribo sa babay – gintawag nga Israel – si Jeroboam ang una nga naghari…
      • Ang Juda kag Benjamin – ginatawag nga Juda – si Rehoboam ang una nga naghari…
      • Indi na mag-isa liwat ang Israel – asta sa 1948 – Ezekiel 37:21-22
      • 40 ka hari ang magahari sa duha ka ginharian – 20 sa Israel / 20 sa Judah…
      • Isa ini sa pinaka-importante / pero damo nga wala nakabalo sang sini nga History…
      • Ang tanan nga mga proteta halin sa Isaias asta sa Malacias nagtagna sini nga ginharian!
      • Natapos ini sa ginatawag nga Diaspora – ang magkalalag sang North nga ginharian…
      • Kag ang South nga ginharian naman ang ginbihag sang Babylon – sa 70 ka tuig!
      • II Cronica 29-36 – Ang pagkatapos sang pagkabihag…
      • Ang Juda nagbalik sa Israel sa tatlo ka pagbalik – kay Ezra / Zerubable / Nehemias…
      • Kag nakabalik sila – para matuman ang propisiya sa Jeremiah 29:10!
    • Ang paghari ni Solomon… (4 things)
  • 1st – Ang kaalam halin sa Ginoo… vs. 1-17 Read: II Cronica 1:1-12
    • 1st – Sa padayon nga istorya – Napatay si Harin David – si Solomon ang nagbulos sa iya… vs. 1-6
      • Nag-upod ang Ginoo kay Solomon – kag ginpakamaayo Niya siya…
      • Ginitipon ni Solomon ang tanan nga mga liders sa Gibeon para maghalad sa Ginoo…
      • Nadala na ang Kahon sang Kasugtanan sa Jerusalem – II Samuel 6:17
      • Nagpatindog na si David sang bag-o nga Payag para sa Kahon sa Syudad ni David…
      • Pero ang una nga Payag nga ginpahimo ni Moses ara sa Gibeon…
      • Naghalad si Solomon sang 1000 ka halad– kag naghambal ang Ginoo sa iya sa damgo!
      • Nagkadto si Solomon sa Ginoo para makabati – kag nabatian gid niya ang Ginoo…
      • Indi tungod sa kadamuon sang iya ginhalad / ukon tungod kay ara siya dira…
      • Nakabati siya sa Ginoo tungod kay ginpangita niya ang Ginoo nga sinsero!
      • Nagapinsar ang tawo nga kon maghatag ta sa Ginoo sabton niya kita…
      • Pero indi naton mabayaran ang Ginoo…
      • Ukon magsulod ta sa balaan nga lugar – mamati siya sa aton – pero ang Ginoo bisan diin…
      • Kon nagapangita gid kita sa Ginoo – gusto gid Niya permi magsabat sa aton…
      • Jeremiah 29:13 – “Kon magadanggop kamo sa akon sing tinagipusuon, buligan ko kamo.”
    • 2nd – Gusto sang sang Ginoo nga ihatag kay Solomon ang TANAN…vs. 7-10
      • Nagsabat si Solomon – ginhatagang sang Ginoo kaluoy si David – kag ginhimo nga Hari…
      • Kag subong ginhimo Niya si Solomon nga Hari bulos kay David…
      • Pero pamatyag ni Solomon daw bata siya nga magahari sa damo nga tawo – (daw yabok)!
      • Te – ngayo siya sang kaalam – para madumalahan niya ang Israel sang husto!
      • Tanan kita makabatyag sang kabudlay tungod sa mga nagakalatabo sa aton kabuhi…
      • Daw bata kita nga indi kita kabalo sang aton himuon – ang aton desisyon nga himuon…
      • Nagapangita kita sang mabulig sa aton – kaalam para indi magsala ang aton desisyon!
      • Ang kaalam ginahatag sang Ginoo sa mga nagapangayo sa Iya…
      • Ang kaalam sang Ginoo indi ini kaalam pareho sa kalibutan nga aton matun-an…
      • Kon gusto mo mangin maalam ma-eskwela ka – kag tudluan ka sa eskwelahan…
      • Pero bisan ang pinakamaalam nga tawo – kon kis-a kulang ang ila kaalam sa ila kabuhi…
      • Tungod kay ang kaalam indi matun-an – regalo ini sang Espiritu – I Corinto 12:8…
      • Kay ang pinakahusto nga desisyon sa kabuhi – kon may kaalam kita halin sa Ginoo…
      • Kag makuha lang naton ini – kon magpangayo lang kita sa Ginoo!
      • And the way to get wisdom – is simply to come to the Lord and ask for it!
      • Santiago 1:5 – “Kon may ara sa inyo nga kulang sang kaalam, magpangayo siya sa Dios, kag ang Dios magahatag sini sa iya nga wala sing hawid-hawid kag aligutgot.”
    • 4th – Nalipay gid ang Ginoo sa ginpangayo ni Solomon… vs. 11-12
      • Tungod kay wala siya nangayo sang kwarta/malawig nga kabuhi/kamatayon sang kaaway!
      • Ginhimo siya sang Ginoo nga pinakamaalam nga tawo nga nabuhi ukon mabuhi!
      • Kag himuon man siya sang Ginoo nga pinakamanggaranon – bisan wala niya ginpangayo!
      • Ginhatag sang Ginoo ang ginpangayo ni Solomon – kay indi gid para sa iya ang iya ginpangayo
      • Kon mangayo ang imo bata 500 para sa eskwelahan – nangduha-duha ka ayhan…
      • Kon mangayo ang imo bata 500 para para bakal lang dulce – indi mo paghatagan…
      • Sa Ginoo amo man kon mangayo ka para sa imo lang – indi gid Siya maghatag….
      • Santiago 4:3 – “Kag kon nagapangayo kamo wala kamo ginahatagi kay malain ang inyo tinutuyo. Ang mga butang nga inyo ginapangayo para lang sa inyo kaugalingon nga kalipayan.”
      • Kon magpabilin kita kay Jesus – makapangayo kita bisan ano kag ihatag Niya – John 15:7
      • Tungod kay pangayuon ko naton ang gusto sang Ginoo nga pangayuon naton!
      • Indi lang ang Ginoo ang maghatag sang aton kinahanglan…
      • Kon mangayo ang imo bata ice cream – hatagan mo lang siya ayhan isa ka kutsara…
      • Indi, hatagan mo siya sang damo nga ice cream – basi isa gid kayahong!
      • Indi lang ang Ginoo maghatag sang aton kinahanglan – my damo pa Siya nga plano sa aton
      • Ihatag Niya ang Iya bug-os nga ginharian – labaw pa sa aton ginapinsar – Luke 12:33
      • Ang rason kon ngaa wala Niya ginhatag sa aton ang iban ky kabalo Siya indi maayo sa imo
    • 5th – Nagbalik si Solomon sa Jerusalem – kag ginpabakod ang Iya army… vs. 13-17
      • Pero daw indi ini maayo nga plano – kay ang iya paghari tion sang kalinong…
      • Nagdugang siya 1,400 karwahe – 12,000 manugkabayo – nagabantay sa bilog nga Israel
      • Ginbakal niya ini sa Egipto – kag nagsugod siya pamaligya sa Hithanhon kag Syria!
      • Pero hambal sang Ginoo indi magdugan sang kabayo – Deuteronomy 17:16…
      • Kay basi magsalig sila sa ila army imbes nga sa Ginoo
      • The concern was he would trust in his military might rather than the Lord…
      • Psalms 20:7 – “Ang iban nagasalig sa ila mga karwahe kag ang iban sa ila mga kabayo, pero kami iya nagasalig sa Ginoo nga amon Dios.”
      • Pero daw gamay lang para sa Hari – pero amo ini ang sugod pero indi katapusan…
      • Kag sa ulihi nagsugod siya palayo sa Ginoo – tungod sa una nga gamay nga sala!
      • Dapat permi kita mag-andam – panilagan naton ang gamay nga mga butang sa aton kabuhi
      • Tungod kay indi nga magbugtaw kita isa ka adlaw kay magdesisyon nga maghimo sala…
      • Ginahinay-hinay kita butong palayo sa Ginoo – nga mga gamay nga mga desisyo naton!
  • 2nd – Ang paghanda para sa Templo… vs. 1-18 Read: II Cronica 2:1-10
    • 1st – Determinado si Solomon para magpatindog sang Templo para sa Ginoo…vs. 1-2
      • Nagtipon si Solomon sang DAMO-DAMO nga manug-ubra sa Templo…
      • Damo nga mga kahoy ang ginpangtapas – 70,000 ang ginpahakot ni Solomon…
      • 80,000 ang manugbasbas sang mga dalagko nga mga tawo…
      • Ang kalabaon sang mga bato mga 10 asta 20 ka metro – 50 tonelada ang bug-at…
      • Ang mga porman 3,600 para magtan-aw kag magplastar sang damo nga mga tawo!
      • Mga 200,000 tanan katawo ang nag-ubra para sa templo…
      • Kon damo ang manug-ubra – mas mamag-an ang ubra…
      • Ang isa ka tawo gamay lang ang maubra – pero kon ang damo mag-ubra sang dungan…
      • Daw wala limit ang ubra nga ila ma-ubra kag matapos para sa Ginoo!
    • 2nd – Kag nagpangayo si Solomon kay haring Hiram sang Tyre para sa materyales…vs. 3-18
      • Kinahanglan niya sang damo nga kahoy nga sedro halin sa Lebanon…
      • Ang kahoy nga sedro sang Lebanon kilala nga dako kag bakod nga kahoy…
      • Nagataas ini asta sa 120 feet – kag pwede maglapad sa 8 feet!
      • Hard wood – bagay gid para sa mga dalagko nga mga bilding!
      • Nagsugot si Haring Hiram nga hatagan niya si Solomon sang kahoy nga gusto niya…
      • Ang iya nga tawo ang magpang-uto – himuon balsa – kag ginpalutaw pakadto sa Israel…
      • Kag halin sa Jopa – ginkuha ni Solomon kag gindala sa Jerusalem…
      • Kag ang bayad – nagpadala si Solomon sang pagkaon sa mga tawo sang Tyre…
      • 1.2 million ka gallon sang trigo kag barley / 120,000 ka gallon sang olibo kag bino…
      • Ang tanan nga materyales kag sweldo sa tawo para sa templo – billions!
      • Gingamit si Solomon ang dako nga manggad nga ginhatag sang Ginoo – kag ginbalik sa Iya!
      • Ang tawo nagaubra sa pila ka tuig para sa dako nga balay – para maayo ang ila retirement!
      • Mga butang nga indi man magdugay – pero wala pulos sa katapusan!
      • Pero mas maayo nga ihatag naton ang aton tion/talent/kwarta – balik sa Ginoo!
  • 3rd – Ang Pag-ubra sang templo… vs. 1-17 Read: II Cronica 3:1-17
    • 1st – Sa ika-4 nga tuig nga paghari ni Solomon / 480 ka tuig halin sa Egitpo… vs. 1-9
      • Ginsugudan ni Haring Solomon ang Templo – 7 ka tuig antis ini natapos…
      • Ang templo 90 feet ang kalabaon / 30 feet ang kalaparon / 45 feet ang kataason…
      • Kag sa atubangan sang Templo may 15 feet pa nga lagwerta…
      • Sa sulod halin sa salog asta sa kesami ginhaplakan sang puro nga bulawan –bisan ang lansang
      • Gintuyo nga kon magtan-aw kag kon dayawon naton daw pareho kanami sang langit…
      • Pero bisan ano kanami sang Templo – indi ini makapareho sa langit…
      • I Corinto 2:9 – “Wala pa sing may nakita, nabatian, ukon nahunahuna ang tawo nga sarang maikomparar sa mga butang nga ginpreparar sang Dios sa mga tawo nga nagahigugma sa iya.”
      • Ang langit indi ang pinakanami nga lugar nga aton ginapinsar – labaw pa sa aton paminsaron
      • Kinahanglan sang 1000 ka tuig para mapakita sang Ginoo sa aton kon ano ini kanami!
      • Ang tanan nga bato para sa Templo ginbasbasan sa ginkuhaan sini – I Hari 6:7-10
      • Indi mabatian ang martilyo ukon sensil sa sulod sang Templo…
        • Tanan nga bato gin-ubra sa quarry – ginpang-assemble na lang sa Templo…
        • Ang kada bato husto gid ang takos – pagtungtong sa isa kag isa igo gid dayon…
        • Indi na kinanglan bangilan/butangan pa cemento ukon basbasan liwat…
        • Asta subong makita pa ang quarry kon diin gin-ubra ni Solomon ang mga bato…
        • Sa north nga bahin sang Jerusalem – tupad sa Damascus gate!
      • Kon maghimo ang Ginoo sang balay wala siya naggamit sang kahoy ukon cemento…
        • I Pedro 2:5 – “kamo nga bilang buhi man nga mga bato ginapatindog sang Dios bilang isa ka espirituhanon nga balay…”
        • Gingamit sang Ginoo ang mas mahal nga materyales – para sa Iya balay!
        • Natingala bala kamo kon ngaa wala kita dayon gindala sa langit sang naluwas na kita!
        • Ngaa ginbilin Niya kita diri gihapon sa kalibutan para mag-antos kag matemtar pa…
        • Ang rason kay damo pa kita kiwi kag kalain nga bahin – kinanglan nga panamion…
        • Indi na kita kinanglan basbasan sa langit – diri kita dapat ubrahon sa kalibutan…
        • Ginhatagan kita sang Ginoo pagtilaw para kurtihan kita sa gusto Niya para sa aton…
        • Kag pag-abot naton sa Langit – perpekto na kita nga daan!
    • 2nd – Ang Labing Balaan nga Lugar… vs. 10-17
      • Sa sulod sang Templo – may kwarto nga 30 feet ang kalabaon para sa Kahon sang Kasugtanan
      • Ang Templo gintunga sa duha ka parte – ang Balaan / kag Labing Balaan…
        • Ang Balaan ang una nga kwarto sa templo – ang mga pari lang pwede makasulod…
        • Ang Labing Balaan ang sa sulod nga kwarto – diri nagatiner ang presensya sang Dios
        • Ang dingding may decorasyon nga mga prutas kag mga bulak…
        • Sa likod nga dingding may duha ka bulawan nga Kerubin (angel) – 15feet ang taas…
        • Ang ila pakpak nagalambot 30 feet sa bilog nga kwarto – sa babaw sang Kahon…
      • Ang Kahon ginhimo halin sa kahoy – 4’ x 2’ x 2’ – ginhaplakan tanan sang bulawan…
        • Ang sa sulod sang Kahon – ang bato nga ginsulatan sang 10 commandments…
        • Ginbutangan ini sang pinaka-importante nga manggad – ang Pulong sang Ginoo!
        • Ang taklob sang Kahon – ginatawag nga ‘Mercy Seat’ – ang tulungtungan sang Iya tiil!
        • Te, paano kita makadanggop / makabati sa Ginoo subong…
        • Paagi sa Iya Pulong – pareho sang Kahon – naga-istorya ang Ginoo sa aton sa Iya Pulong
      • Nagpahimo si Solomon sang duha ka saway nga haligi – 40 feet ang taas / 7 feet ang lapad…
      • Sa babaw may decorasyon sang bulak nga liryo – 25 tonelada ang bug-ag sang kada isa!
      • Nabutang ini sa atubangan sang Templo – sa alagyan gid pasulod…
      • Ang saway sa Bible nagarepresentar sang paghukom sang sala…
      • Te, antes ka magkadto sa presensiya sang Ginoo – atubangon mo anay imo sala! n!
  • 4th – Si Huram sang Tyre… vs. 1-22 Read: II Chronicles 4:1-10
    • 1st – Nagkuha si Solomon sang manug-ubra sang saway sa Tyre… vs. 1-22
      • Iya ngalan si Huram – iya iloy taga Israel – iya amay halin sa Tyre…
      • Naghimo si Huram sang 10 karo sang tubig / kag mga gamit halin sa saway…
      • Mga kolon/pala/yahong/tinidor – mga haligi nga may dekorasyon 400 ka pomegranate!
      • Ang kabug-aton sang mga saway bug-at gid – nga wala mahibaluan ang kabug-aton!
      • Naghimo man si Huram sang Saway nga Dagat…
      • Dako-dako nga daw yahong nga ginahugasan sang mga pari sang ila kamot kag tiil…
      • 15 feet ang lapad – 7 ½ ang kadalumon – kag 18,000 ka gallon nga tubig…
      • 12 ka saway nga baka nga nagatalikdanay ang ginatungtungan sini!
      • Ang mga pari kinahanglan manghugas antes magsulod Templo/altar – kon indi mapatay sila!
      • Ang pamangkot – nga ang tiil kag kamot lang kinanglan hugasan – ngaa indi tanan lawas!
      • Nagpamangkot man si Pedro sang amo sina sang ginahugasan ni Jesus ang ila tiil…
      • John 13:10 – “Ang nakapaligo limpyo na ang iya bug-os nga lawas, kag indi na kinahanglan nga hugasan pa luwas lamang sa iya mga tiil.’”
      • Indi buot silingon parte sa pagkalimpyo – kay kon hugasan lang imo tiil – manimaho ka…
      • Kundi parte sa Espirituhanon – ang tiil kon diin ka gakadto – ang kamot ang imo ginahimo
      • Kon limpyo imo ginakadtuan kag ginahimo – mangin limpyo ka man!
      • Kita bilang tumuluo mag-andam kon diin kita nagakadto – ka ano aton ginahimo…
      • Kon naga-upod kita sa iban nga nagakadto sa lugar nga nagahimo sang malain…
      • Pero kon mag-intra kita sa Bible studies/upod sa mga Diosnon nga mga tumuluo…
      • Mangin matinlo – kag magapalayo sa pagpakasala – magpanglakaton upod sa Ginoo!
    • 2nd – Sang natapos na ang Ginoo naghatag mensahi kay Solomon – I Kings 6:11-14
      • Nami gid Templo – pero indi gusto sang Ginoo nga magsalig sila sa Templo…
      • Gusto sang Ginoo nga dumdumon nila nga ang Templo bato lang – wala gahom…
      • Kon pinsar sang Israel tungod ky may Templo – ang Gonoo ara sa ila…
      • Kon ang ila pagtuo ara sa Templo – te ang ila pagtuo indi sa husto nga butang!
      • Ang aton problema indi nga kulang ang pagtuo – kundi sala ang aton ginabutangan…
      • Ang aton pagtuo mangin epektibo lang kon diin naton ginabutang ang aton pagtuo…
      • Para mangin epektibo lang aton pagtuo – kon ibutang naton ini kay Jesus…
      • They key to having effective faith – is putting our trust in Jesus!