Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 10:14-33
Review…
- I Corinto 7-8 Ang una nga pamangkot – pag-asawahay / Ang ikaduwa nga pamangkot – mga dios-dios…
- I Corinto 9:1-18 – Ang depensa ni Pablo…
- May mga nagduda sa awtoridad ni Pablo kag ginatuyo nila nga mulayon siya…
- Naghatag si Pablo sang tatlo ka ehemplo sang iya nga kabuhi para sa iya nga pagdepensa – pagkaon / pag-asawa / pag-sakdag…
- I Corinto 9:19-27 – Ehemplo ni Pablo sa Simbahan…
- 1st – Ang alagad sang tanan – nangin tanan siya nga butang para sa tanan para nga may maluwas…
- 2nd – Maukod nga trabahador – apat ka ehemplo: Palumba-anay / Olympics / Boksing / Wrestling
- I Corinto 10:1-23 – Ang ehemplo sang Israel…
- Nahatag na sang Dios sa Israel ang tanan nga kianahanglanon nila…
- Ginhatagan Niya sila sang kahilwayan halin sa pagka-ulipon – bag-o nga kabuhi – bawtismo sa Pulang Dagat…
- Ginhatagan sila sang pagkaon (manna) kag tubig (halin sa bato)…
- Apang nagrebelde ang Israel batok sa Dios…
- Wala sila sang pagtuo sa Dios – wala nakasulod sa Dutang Saad – kag nagtalang sila 40 ka tuig…
- Nangabuhi para sa kalipayan imbes nga para sa Dios – Bulawan nga baka / Sala ni Balaam…
- Nagreklamo batok sa Ginoo – Nagakalayo nga mga man-og / Pagrebelde ni Korah…
- Magpalagyo palayo sa Idolatriya… (3 ka butang)
- 1st – Pag-usar sang sentido kumon.. vs. 14-25
- Nagbalik si Pablo sa isyu sang pagkaon sang mga ginhalad sa mga idolo…
- Sa kasanag sang ehemplo sang kasaypanan sang Israel – nga nagpadala sa idolatriya…
- Ang pag rebelde gamit ang bulawan nga baka – 3,000 ang napatay /Ang sala ni Balaam – 23,000 ang napatay…
- Ang kamatuoran nga sa ulihi ang idolatriya nag dul-ong sang bug-os nga paglaglag sang Israel!
- II Hari 17:12, 18 – “Nagsimba sila sa mga dios-dios bisan nagsiling ang Ginoo, “Indi kamo magsimba sa mga dios-dios. Naakig gid ang Ginoo sa mga taga-Israel kag ginpahalin niya sila sa ila lugar palayo sa iya presensya.”
- Makita naton ang malaubha nga konsekwensia sang Dios, nga Iya ginadala sa mga idolatroso…
- Indi magpadala sa idolatriya -indi mag butang sang bisan ano nga butang/ukon sino – labaw sa Ginoo sa aton kabuhi…
- Ang Idolatriya indi limitado sa pag luhod sa wala sang kabuhi nga estatwa/pagano nga dios-dios…
- Bisan ano nga butang nga ginauna naton sa aton kabuhi labaw sang sa Ginoo – ginadedikaran sang aton kabuhi – amo ang dios-dios naton…
- Ang kuwarta mahimo mangin dios-dios / kalipayan / kabantogan/aton kaugalingon pwede mangin dios-dios ta…
- Kon sino ang nagapungko sa trono sang aton tagipusoon – kon ano ang ginakabuhi naton…
- Ang bisan sino/butang maliban sang sa Ginoo – tun-i ang leksyon sang nasyon sang Israel!
- Ginahambal ini ‘ sa mga maalamon nga tawo’ – hukman ninyo – ‘Ang pagkaon nga gin halad sa mga dios-dios’…
- Bilang sa pagpatalupangod ni Pablo sa chapter 8 – kinaandan nga problema sang adlaw.
- Bahin sang pagsimba sang mga Griego , amo ang pag halad sang pagka-on sa ila nga mga dios-dios
- Gani kon ikaw gin agda sa balay sang indi tumuluo sa pagka-on sa ila balay…
- Ukon mag bakal sang karne sa tiendahan (kalabanan kag permi ina nahalad na)…
- Bilang isa ka tumuluo ni Jesus – pwede bala nga may maayo ka nga konsiensia magkaon sang karne…
- Si Pablo nagapanghangkat sa simbahan sang Corinto sa paggamit sang ila nga mga ulo – lohiko nga mag atubang sang isyu…
- Kalabanan ang mga Diosnon nga pagsabat sa aton nga ginaatubang sa aton kabuhi – amo ang paghunahuna…
- Ang Dios naghatag sa aton sang paminsaron – kag ginapaabot Niya nga aton gamiton ini – Isaiah 1:18…
- 2nd – Pagtan-aw sang ehemplo ni Jesus kag ang Templo… vs. 15-22
- Ang halad ni Jesus… vs. 16-17
- Sa pagpakig bahin naton sa pag-ambitanay sang (tinapay/bino) – nangin parte kita ni Cristo…
- Wala nagahambal diri si Pablo sang transubstantiation…
- Sa tion sang pag-ambitanay – ang tinapay/kag bino nangin lawas kag dugo ni Jesus…
- Sa simple nga pagpanilag mapamatud-an nga ang ginaka-on isa lang ka tinapay kag juice…
- Ang katuyuan sang pagsalu-salo indi literal nga ‘kaunon ’ si Jesus…
- Ini isa ka simbolo – paagi nga pagdumdom sang bili sang aton kaluwasan…
- Amo kon ngaa gin hambal ini ni Jesus – Lucas 22:19 – “ Himua ninyo ini sa pagdumdom sa akon…”
- Isa ka hayag nga pagpahayag sang aton pagtuo kay Cristo…
- Ang salu-salo isa ka paagi nga tingob nga naga pahayag sang aton pagtuo…
- Kita makasasala kag ang alagyan nga maluwas kita amo ang paagi kay Jesus nga amo ang’ sakripisyo…
- Ang bili sang sala amo ang – kamatayon – kag si Jesus amo ang nag bayad para sa aton…
- Ang iya lawas na guba (tinapay) – napatay siya (bino) – agod kita may kabuhi!
- Bilang isa ka pamilya sang Dios naga deklarar kita sa kada isa nga nagtan-aw -nga naga pati kita kay Jesus…
- Kon kita indi Cristohanon – kon wala kita nagatu-o – wala kita sang rason nga makig-ambit
- Gani ang ginabuhat naton nga pag-ambitanay – nagakilala sa aton – bilang Cristohanon!
- Ang sakripisyo sa halaran… vs. 18
- Sa amo man nga paagi – ang mga may pagtuo nga mga Judio – nagahalad sang dulot sa Ginoo …
- Sa tion nga gin sulat ini ni Pablo – ang Templo naga tindog pa sa Jerusalem…
- Suno sa Leviticus 3 – ang Israel dapat mag halad ‘sang sinunog sa paghidaet’ sa Ginoo…
- Ang tambok sang sapat gin sunog sa saway nga halaran – ang nabilin ipaambit…
- Ang ‘larawan’ – pagka-on upod sa Ginoo – may ara Siya sang parte /kag may ara ka man sang parte…
- Kon maghalad ka sang sinunog – isa ka matu-od nga palatandaan nga ikaw Judio…
- Pareho sang nagasuksok sang panapton sang isa ka soldado – nagabitbit M-16 – naga drive sang Jeep sang soldado …
- Ini isa ka maayo nga paghaum – mahambal naton – nga sila soldado…
- Amo ini ang punto ni Pablo – makilala mo kon sino ang tawo – paagi sa ila nga gina obra…
- Kon ang tawo naga tan-aw sang imo kabuhi – ano ang makita nila…
- Sa paglantaw naton kon diin kita nagapakadto – nakilala ka bala nga ara ka kay Jesus / ukon iya sang kalibutan…
- Mga halad sa dios dios… vs. 19-20
- Indi nga ang mga dios-dios may kapuslanan – ukon ang ginahalad sa mga dios-dios may pulos…
- Si Pablo naghimo sang pagkumpara sang sakripisyo ni Jesus / paghalad sa Templo – sa paghalad para samga dios-dios…
- Apang inkaso nga maghaumhaum ang mga tawo nga tupong lang ang mga ina – iya nga gin klaro ang kinalain..
- Wala na sang iban nga dios – may ara isa lang Gid ka Dios- Efeso 4:6
- Mga Ginahalad sa idolo – amo ang halad para sa mga diablo…
- Pagsimba sa iban nga ‘dios-dios’ -bisan ano pa nga relihiyon – naga simba sa diablo!
- Ang tanan nga mga dios sang Griego / tanan nga nakalab-ot 6 million nga mga Hindu nga dios / Buddha / Allah – demonyo!
- May yara lang nga duha ka paagi – naga simba ka sa matu-od nga Dios…
- Ukon naga simba sa dios sang kalibutan – bisan ano man ang ngalan nga gintawag sa iya…
- May ara nga paagi para mahibaloan ang kinalain…
- Ginapahulag kita nga magsimba sa Dios paagi sa gugma – ang Dios Gugma- I Juan 4:7-8…
- Juan 3:16 – “Kay ginahigugma gid sang Dios ang mga tawo gani nga ginhatag niya ang iya bugtong nga Anak…”
- Si satanas nagapahulag paagi sa pagpahadlok – ang masami nga ginapatihan sa mga sala nga relihiyon…
- Ang tinaga nga ‘Pagka kugmat’ nagahalin sa Griego nga tinaga nga -’pan’- dios nga ara sa dalom nga kalibutan…
- Iya nga laragway nga tawo nga may sungay – ikog – kag mga tapak gina gamit para kay satanas subong!
- Indi pagpaakiga ang Ginoo… vs. 21-22
- Gani indi makigsimpon sa diablo…
- Kon magka-on sang ginhalad sa mga diosdios -nagapakilala ka nga upod ka sa ila…
- Kon may makakita sa imo nga nagakadto sa templo ni Zeus para mag-kaon…
- Ang natural nga paghunahuna amo nga ikaw tumuluo sa sala nga dios-dios..
- Mangin mahinalungon kon diin ka naga kadto – kon sa kay sin-o ka upod nga ginakilala…
- I Corinto 15:33 – “Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
- Buang buang ka kon ginahunahuna mo nga indi ka apektado sa kon sino ang ara sa imo palibot…
- Kon nagapakig-upod ka sa mga sugarol – nagahambal sang indi maayo nga sugilanon – kag naga pahubog…
- Apang gihunahuna mo sa imo kaugalingon – indi ako pareho sa ila – isa ako ka diosnon nga Cristohanon – kabuangan…
- Pilia sing maalamon kon sino ang ginahatagan mo sang imo tion – tungod nga mangin pareho ka sa ila!
- Indi ka makainon sing kupa sang Ginoo – kag kupa sang diablo…
- Ang ideya amo ang – pagkadto sa simbahan kon Dominggo kag mag ambit sang balaan nga panyapon – ‘Isa na ako ka Cristohanon’…
- Sa pag-abot sang Lunes – makadto sa templo kag mag halad sang sinunog – ‘isa ako ka pagano’…
- Gina pa ibwal naton ang kaimon sang Dios – luwas nga mag hunahuna kita nga mas mabakod kita sang sa Iya…
- Indi kita maka pangabuhi nga natunga ang aton tagipusoon – nagakabuhi para sa Dios kag para sa kalibutan…
- Sa adlaw sang Dominggo naga lakat kag nagahambal nga pareho sa Cristohanon – apang sa iban nga adlaw…
- Naga tapos kita nga maalabaab – nakabalo sang insakto nga sabat – apang ang kabuhi para sa kalibutan…
- * Pahayag 3:15-16 – “Nahibaluan ko ang inyo mga ginahimo. Nahibaluan ko nga indi kamo pareho sa mabugnaw ukon mainit nga tubig. Kuntani mabugnaw ukon mainit kamo. Pero tungod kay pareho kamo sa maalabaab nga tubig ibuga ko kamo!”
- Kahapos mag hambal nga kita may ‘pagtuo’ kag ‘nagapati’ kay Jesus – apang ang pamatu-od makita sa aton panggawi …
- Kon nagahambal kita nga Cristohanon kita – apang naga kabuhi pareho sang kalibutan – may ara gid bala kita sang pagtuo
- Matawag ta ang aton kaugalingon nga Cristohanon – apang kon nagapadayon kita sa pagpakasala – Cristohanon gid bala kita…
- Indi naton ginahambal nga bilang isa ka tumuluo wala gid kita sang kapaltahan…
- Apang bilang tumuluo – kon makasala – may ara dapat nga pagkasubo – nagatuad – kag paghinulsol…
- Apang kon wala sang kasubo – wala sang paghinulsol sa sala – may ara nga maayo nga rason nga magkabalaka…
- Gina huna-huna naton nga OK lang sa Ginoo – apang ang kamatu-oran handa na nga iluad kita!
- 3rd – Ang Solusyon… (4 ka butang) vs. 23-33
- 1st -Ang tanan nga butang ginapahanugutan – apang indi tanan makapakamaayo… vs. 23
- May ara kita nga kahilwayan kay Cristo – apang indi tanan nga butang makapakamaayo…
- Bilang isa ka tumuluo ni Jesus – diyutay lang ang indi naton mahimo…
- Apang bisan kita may kahilwayan – indi tanan nga gina obra naton ‘maayo para sa aton’…
- Ang aton ipamangkot – ginapalapit bala kita /ukon ginapalayo kita sa Ginoo…
- Kon dapat naton hibalu-on kon maayo para sa aton ang isa ka partikular nga ulubrahon…
- Ano ang mangin resulta sang aton pagpartisipar -naga pabakod bala sang aton nga panglakaton kay Jesus…
- Kon kita maminatud-on – indi mabudlay nga makita ang kinalain…
- Kon hatagan kita sing duha ka listahan – isa ka maayo kag isa ka malain – mahibal-an naton kon ano ang insakto kag ano ang malain…
- Magbasa sang Biblia / pangamuyo/magkadto sa simbahan /paghigugma sa iban / bulig sa mga nagakinahanglan…
- Pag sugal /pahubog / paglu-ib / binutig / kinasadya /inaway…
- Pili-a ang mga butang nga ‘makapamaayo sa aton’ – nagatib-ong sa aton sa Dios!
- 2nd – Mag-atipan sa isa kag isa… vs. 24
- Mag andam sang imo pagkahilway kay Cristo – indi pagpasandara ang mga maluya nga utod…
- Ang aton kahilwayan kay Cristo maka dul-ong sang aton utod sa pagpakasala!
- Nahibalu-an naton nga ang dios-dios bale wala / ang baraha /pelikula bale wala lang…
- Ayhan mahimo naton ini nga indi kita makakompromiso sa aton panglakaton kay Jesus…
- Apang kon sa hunahuna sang imo utod malain ina – para sa iya sala ina…
- Kon ang pagkaon sang pagkaon nga gin halad sa dios-dios makapasandad sa imo utod – indi mag kaon sang mga ini…
- Kon ang paglantaw sang pelikula makapa sandad sa ila – indi dapat mag tan-aw sa atubang nila…
- Kon ang paghampang sang baraha makapasandad sa iya – indi pagpakita ang baraha kon mag kadto siya…
- Panumduma ini tanan nahanungod kay Jesus – unaha ang imo utod bag-o ang imo kaugalingon…
- 3rd – Praktikal nga pagsulundan sa pagkaon sang karne… vs. 25-30
- 1st – kauna kon ano ang ginabaligya sa tindahan…
- Apang indi mag pamangkot kon ang karne gin halad sa dios-dios – para sa konsensya…
- Sa India -ara gihapon ang pag halad sang pagka-on nila sa madamo nila nga mga dios-dios
- Kon mag bakal ako sang karne – kag mabal-an ko nga gin halad kay ‘ganesh’ – ini magatublag sa akon…
- Mas maayo pa nga indi ka na lang mag pamangkot – para indi mo na pagkabalak-an ang mga ini!
- Ayhan may isa nga mapamangkot – indi bala tungod lang ina sang ka ignorante…
- Bisan nga wala ka pa nagpamangkot – indi bala ang karne nadagtaan – ginhalad sa sayop nga dios…
- Indi gid – tungod Iya ang kalibutan – kag ang tanan nga ara sa kalibutan – Salmo 50:12
- Ang tanan nga butang iya sang Ginoo – gani naga kaon ako sang karne sang Dios!
- 2nd -kon ang indi tumulu-o nag agda sa imo mag panihapon – lakat kag magkaon…
- Sa liwat indi magpamangkot kon ang pagkaon gin halad sa dios-dios – para sa konsensya…
- Kon may maghambal sa imo – ‘ini gina halad sa dios-dios’ – nian indi ka na magkaon sini…
- Indi para sa imo nga konsensya – kundi para sa mga nagapalibot sa imo…
- Kon may nagtanyag nga mabakal sang paniyapon – lakat kag magkalipay sa pagpakamaayo…
- Kon manugid siya nga gin kawat ang kuwarta – matinahuron ka nga mang-indi…
- Indi para sa imo – kundi para indi mo pagkonsentihon nga magpadayon siya sa sala…
- Ini nagahatag sang kahigayunan nga ipa-ambit mo sa ila ang nahanungod kay Jesus!
- 3rd – Magpasalamat sa bisan ano ang ginakaon mo…
- Bisan ano ang imo ginakaon – magpasalamat sa Ginoo sa bisan ano ang ginahatag niya…
- * I Timoteo 4:4-5 – “Ang tanan nga ginhimo sang Dios maayo. Gani wala sing butang nga dapat dilian kon ginabaton nga may pagpasalamat. Kay gintinluan ini paagi sa pulong sang Dios kag sa pangamuyo.”
- Magpangamuyo sa Bugay – bilang pagpasalamat sa Dios para sa pagkaon – kag pagpahanumdim nga Siya ang nagahimuno…
- Kag sa kahigayunan nga mag bantala sang Ginoo sa kada isa nga upod sa pagka-on!
- 4th – Himu-a ang tanan para mahimaya ang Dios … vs. 31-33
- Himu-a sa masarangan mo nga indi makapasandad sang bisan sino sa aton nga mga pang-gawi…
- Wala kita gin tawag nga mangin bastos – wala kita nagapangita nga makasandad sang iban…
- Bilang isa ka Cristohanon sa masami abi naton mas maayo kita sang sa iban’…
- Kon ikaw gin agda sa‘pagano nga sinalosalo’ – kag kinanglan nga magpang- indi…
- Indi ka dapat nga maghimo sang eksena – ‘kaugalingon nga pagkamatarong’ – nagapabatyag sa ila nga sila malain/mala-ot…
- Sa baylo tinguhaon mo nga mahamut-an ang tanan nga tawo sa tanan nga butang – agod nga maluwas man sila!
- Gamita ang kada kahigayunan sa pagsugid sang Gugma kag pag-la-um ni Jesus para sa tanan…
- Gintawag kita nga mangin separar sa kalibutan – wala kita nagapakig-impon…
- Apang dapat nga mangin kapawa kita para sa ila – ipakita sa ila ang Gugma ni Jesus!
- 1st -Ang tanan nga butang ginapahanugutan – apang indi tanan makapakamaayo… vs. 23