Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 4:1-21
Review…
- I Corinto 1:1-9 – Ang panamyaw sa problemado nga simbahan…
- I Corinto 1:10-17 – Ang una nga problema – ang Pagbinahinbahin sa simbahan – pagsunod sa tawo …
- Kon may ara nga pagbinahinbahin sa simbahan – nagapugong nga mangin epektibo kita sa hilikuton para kay Jesus…
- Ang solusyon sang pagbinahin bahin – dapat nga nakatutok kita kay Jesu-Cristo – Ang isa ka butang nga may ara sa aton tanan!
- Ang una nga ginatunaan sang pagbinahinbahin – ginasunod ang tawo – Ako sa kay Pablo /Ako kay Apolo /kay Pedro / kay Jesus…
- I Corinto 1:18-31 – Ang ikaduwa nga problema – Pagbinahinbahin sang simbahan – ang kaalam sang tawo…
- Ang Kaalam sang mensae sang Dios – ang krus/ ang Kaalam sang mensahero sang Dios – ang mga buangbuang…
- I Corinto2:1-16 – Ang Pagka simple sang mensahe sang Dios…
- Determinado si Pablo nga iwali sa simbahan ang pagkalansang sa krus ni Kristo – ang simple nga Maayong Balita…
- Para ang pagtuo sang mga tumuluo nakabase sa Pulong sang Dios – indi sa pulong sang mga tawo…
- Ang nagabaton sang mensahe sang Maayong Balita nangin perfecto kag maka-intiende..
- Ginhayag sang Espirito sang Dios nga yara sa aton – nga nakahibalo sang panghunahuna sang Dios..
- Indi pareho sa mga indi magpati – indi makahibalo sang mga kamatuoran sang Dios – wala sang Balaan nga Espirito!
- I Corinto 2:1-16 – Ang ika-tatlo nga problema – Ang pagbinahinbahin sang simbahan – di-hamtong sa espiritwal…
- Ang mga tumuluo sa Corinto wala gid nagtubo sa Ginoo – nagpabilin nga mga lapsag kay Cristo…
- Makita sa ila nga pagbahinbahin – ang ila nga pagtutok sa mga denominasyon…
- Naga-gawi sila nga daw mga di-tumuluo – nalimtan nila ang paghiusa nga dapat may ara kita kay Jesus!
- Isa ang nagtanom – lain ang nagbunyag- pero ang Dios ang nagapatubo!
- Natukod ni Pablo ang simbahan nga nagatungtong sa pundasyon nga si Jesus…
- Pero ang mga nagadugang sa simbahan dapat nga maghalong…
- Ang ila nga mga obra pagatilawan sa kalayo- kon iya sang Dios / okon iya sang tawo…
- Amo nga indi ka dapat magtuga sang pagbahinbahin – indi pagtumbaha ang ang simbahan sang Dios!
Ang ehemplo ni Pablo kag ni Apollos…
- 1st – Mga alagad ni Cristo… vs. 1-6
- Imbes nga mag-binaisay ang mga santo sa Corinto nga ‘upod’ sila kay Pablo okon kay ‘Apollos’…
- Ginmandoan sila ni Pablo nga sundon ang ila nga ehemplo – upod kay Jesus!
- Tuloka kami (Paul/Apollos) bilang mga alagad ni Cristo – mga tulugyanan sang mga tanhaga sang Dios…
- 1st – Mga alagad ni Cristo – huperetes – ‘manug-bugsay sa dalom’ (diri lang gingamit ni Pablo sa NT)…
- Isa ka ulipon nga naga-obra sa Romano nga barko – sa idalom sang salog sang barko – mapisan – nagabugsay…
- Indi makita ang ‘manug-bugsay’ – manubo nga posisyon ini – wala sing kadungganan…
- Ang punto ni Pablo amo nga indi sila espesyal – gintawg sila sang Dios para mangalagad…
- Masubo hambalon nga ang simbahan subong nalipat na sina –ang ‘Minister’ nangin isa na ka titulo…
- Imbes nga mapisan nga manogg-obra para sa Dios – nagalaragway na sang isa nga nagasugo sa iban kon ano ang obrahon
- 2nd – Tulugyanan sang mga tanhaga sang Dios – Ila responsibilidad ang magpa-athag sang Pulong sang Dios…
- Sila ni Pablo/Apollos mga simple nga ‘manug-bugsay’ – indi espesyal okon importante…
- Pero sa ila ginsalig ang pinaka-importante nga obligasyon…
- Sila ang mga manug-atipan sang mga kamatuoran sang Pulong sang Dios!
- Tanan kita gintugyan man sang Pulong sang Dios – nakahibalo kita sang kamatuoran sang Maayong Balita…
- Wala kita ginhatagan sang sini nga kadungganan para aton nga hawiran (itago) para sa aton kaugalingon…
- Ginatawag kita nga magsugid sa iban – sa mga wala nakabalo/naka-intiende sang tuhoy kay Jesus!
- Ang Dios nagapangita sang mga tulugyanan nga mga matutom (Aorist/Passive/Subjunctive)
- Kon may malahalon ka nga singsing – indi mo ini pag-itugyan kag ibilin sa bata mo nga 2 years old…
- Mangita ka sang tawo nga napamatud-an – indi mahuyang – matutom kag wala nagabutig…
- Amo ini ang palamangkuton nga nagaguha sa Corinto – matutom bala si Pablo… vs. 3-4
- May mga nagapamangkot sang integridad ni Pablo – ang iya nga gugma sa mga tawo!
- Nag-akusar sila nga iya gina-usar ang iya awtoridad para maka-kwarta – II Corinto 12:13-17
- May madamo nga mga ‘manunudlo’ kag mga ‘pastor’ subong – nga may sayop nga motibo…
- Imbes nga magtatap kag pakaonon ang katawhan sang Dios – ila pa nga ginakuhaan!
- * Ezekiel 34:2 – “Silinga sila nga ako, ang Ginoong Dios, nagasiling: Kaluluoy kamo nga mga manugbantay sang Israel. Ang inyo lang kaugalingon ang inyo ginatatap! Indi bala nga ang mga manugbantay dapat magtatap sang iya mga karnero.”
- Apang si Pablo wala gid sang may ginkuha sa Corinto – naghatag lang siya sa ila…
- * II Corinto 12:14-15 – “Indi gihapon ako magpangayo sang bulig sa inyo, tungod kay indi man ang inyo pagkabutang ang akon ginapangita kundi kamo mismo. malipayon pa gani ako kon makahatag ako sa inyo, kag bisan pa ang akon kabuhi ihatag ko kon kinahanglan agod makabulig ako sa inyo. Pero ngaa nga bisan dako ang akon pagpalangga sa inyo, kadiutay gid lang sang inyo pagpalangga sa akon”
- Ang matuod nga tagipusoon sang tulugyanan/pastor – amo ang paghatag sang iya nga kabuhi sa mga karnero!
- Ang ‘opinyon ‘sang simbahan sa Corinto – okon sang mga tawo sa kabilugan – magamay ang pagkilala kay Pablo…
- May mga ideya gid pirme ang mga tawo – ila nga mga komentar- parte sa iban…
- Indi ka makahatag sang madako nga pagpati sa ila – wala ka nakabalo sang ila nga motibo…
- Mas masami nga matabo – nagahambal ang tawo para makuha nila ang ila tinutuyo…
- ‘Indi na magkadto sa simbahan, waay man pilos’- nga kon sa matuod lang nakombiktar sila nga wala sila nagakadto!
- Wala nagasalig si Pablo sa iya nga paghukom sang iya nga kaugalingon – kay indi niya man kilala ang iya nga kaugalingon…
- Maathag ang iya konsensya – pero wala kaso ina – pagausisaon siya sang Ginoo!
- Masami indi naton maintiendehan ang aton nga mga hulag…
- Basi balablon ta gid ang aton kaugalingon sa paghinulsol sa isa ka desisyon – sakto man okon sala…
- I Juan 3:20 – “bisan kon ginasuknaan kita sang aton konsensya. Kay nahibaluan ta nga ang Dios labaw pa sang sa aton konsensya.”
- Pero sa katapusan ang Ginoo lang gid ang nakakilala sang aton tagipusoon – Siya ang mahukom sa aton…
- Amo nga mag-andam nga indi maghukom kun wala pa nag-abot ang sakto nga tion…. vs. 5
- Hatagan sang Ginoo sang kasanag ang nakatago sa madulom / ihayah ang tagipusoon…
- Ihayag sang Dios ang mga natago nga panghunahuna sang tagipusoon – ang mga natago nga motibo…
- Ang tawo makalimbung sa iban nga tawo – pero ang tawo indi makalimbung sa Dios – kilala Niya ang aton tagipusoon…
- Ang pagdayaw mahalin sa Ginoo
- Wala nagapangita sang pagdayaw si Pablo halin sa simbahan sang Corinto / halin sa tawo…
- Matutom siya nga naga-alagad sa Ginoo – nagahulat sa pagdayaw sang Dios…
- Galacia 1:10 – “ Indi man kamo maghunahuna nga gusto ko lang magpaayon sa mga tawo, kay kon amo ina ang akon ginahimo, indi ako matuod nga alagad ni Cristo.”
- Nagakabalaka bala kita kon ano ang ginapinsar sang iban – okon ano ang ganapinsar sang Dios
- Masami naton nga ginapangita ang pagdayaw sang tawo/ila nga opinyon nga nagabaylo-baylo kag wala nagadugay
- Kon mas ginakabalaka naton ang ginapinsar sang iban – kaysa ginapinsar sang Dios
- Tawo ang aton nga gina-alagad – wala kita naga-alagad sa Dios
- Si Pablo kag si Apollos maayo nga ehemplo – nga indi magsalig sa tawo… vs. 6
- Kon talupangdan sing maayo ang Bibliya – indi ka magpabugal sang isa ka lider nga lapaw sa iban…
- Ang ehemplo sang Pulong sang Dios maathag- Nagagamit ang Dios sang mga makasasala…
- Si Moises isa ka mamamatay-tawo / si David isa ka makihilahion / si Pedro talawan!
- Indi sila dalayawon nga mga tawo – ang Dios amo ang nagaka-angay nga himayaon!
- Amo na nga indi naton pag-ibayaw ang tawo sa babaw sang pedestal – indi paghunahunaa nga espesyal sila …
- Kon ang tawo magpalapit sa aton nga nagapangita sang sabat kag bulig – mahapos nga kita ang mangin sabat…
- Kon may nagakinahanglan sang pagkaon, kwarta, okon maalamon nga paglaygay… ginatilawan ta nga mangin si Jesus
- Kag ang tawo mas gusto magpalapit sa isa nga ila matandog kag makita…
- Amo nga mas may huyog sila nga magsalig sa tawo imbes nga sa Dios
- Ang problema limitado lang kita – kag indi pirme nga makabulig sa mga nagapalapit sa aton
- Basi mabuligan ta sila kaisa – pero kon magbalik sila – liwat-liwat…
- Limitado ang aton kasarangan kag manggad – ang Dios lang ang wala sang limitasyon!
- indi mangin bugalon… vs. 7-13
- Ano ang kinalain sang isa ka tawo/nga mas maayo kaysa iban… vs. 7
- Tanan nga imo nabaton halin sa Dios – amo na nga indi mo pag-ipabugal…
- Ngaa nagatikal ka nga daw wala mo ina nabaton halin sa Dios…
- Ang imo kaalam / imo rasa / imo pamilya / imo nasyon – tanan ginhatag sa imo!
- Wala gid kita sang butang – nga indi naton ginbaton – amo nga tanan nga pagdayaw makadto sa Dios!
- Nalipatan na sang simbahan sa Corinto… vs. 8-13
- Nagahunahuna kamo nga busog na kamo – manggaranon – namuno nga daw mga hari nga wala kami…
- Ang mga santo sa Corinto nagtulok sa ila mga kaugalingon kag nagpinsar nga wala na sila sang kulang…
- (Nasambit ni Pablo nga Matuod kon tani ini- makapamuno kami upod sa inyo – Pahayag 3:21)
- * Pahayag 3:17 – “Nagasiling kamo nga manggaranon kamo, nga ginpakamaayo kamo kag wala na sing kulang sa inyo. Pero wala kamo kahibalo nga makaluluoy gid kamo, tungod kay pobre kamo sa pagtuo, bulag sa kamatuoran, kag hublas sa panulok sang Dios.”
- Indi in padamo-damo pagkabutang – kwarta – kundi ang pag-angkon kay Jesus!
- Ano ang dagway sang mga naka-angkon kay Jesus – ano ang bili sang kaluwasan…
- Ang bili sang pagsunod kay Jesus…
- Kita ang ulihi – nga mga tawo nga ginakondenar sa kamatayon – Lucas 9:23…
- Ginhimo sang Dios nga ehemplo ang mga Apostoles- POWs – para makita sang kalibutan (kag mga anghel)…
- Nagasiling kita nga nagapati kita kay Jesus – pero nakabalo gid bala kita kon ano gid ang kahulugan sina
- Nagapangita bala kita sang alagyan padulong sa kaluwasan – pero nagapangabuhi sa aton kaugalingon nga paagi
- Ang pagpati kay Jesus nagakahulugan nga masunod kita sa Iya – hakwaton ang aton nga krus – kag mangin patay sa aton nga kaugalingon!
- Ginayaguta sang kalibutan…
- Ang simbahan sa Corinto ginakabig nga maalamon / kusog / kag dungganon!
- Apang ang ila nga dedikasyon kay Jesus naglarawan nga daw mga buangbuang sila / maluya / kag ginakadlawan…
- Kon dedikado kita sa Ginoo – panan-aw sang kalibutan sa aton daw mga buang…
- Nagapinsar sila nga kinahanglan naton ang saklay nga si Jesus – apang sila mabaskog amo nga indi na nila kinahanglan…
- Wala nagakabuhi para sa kinasadya sang tion…
- Asta sa subong nga oras – gutom kita / nauhaw / mahigko ang panapton / nabugbog / wala sang puloy-an…
- Nagatrabaho kita/nagapangabudlay gamit ang aton mga kamot – wala sila sang mga importante nga obra…
- Ginapakamaayo naton ang mga nagapanumpa sa aton /mapailubon kita sa mga naga-abuso sa aton…
- Kon nagapangita kita sang Maayong Balita/ nga si Jesus maghatag sang maayo nga kabuhi diri sa duta…
- Mahimo gid nga mapaslawan kita – ang Maayong Balita nagatuhoy sa kabuhi sa eternidad!
- Apang ang umalagi lang – mag-an – nga mga kabudlayan sa sini nga kabuhi indi makakumpara sa langit!
- II Corinto 4:17 – “ Ang mga kabudlayan nga amon ginaantos diri sa kalibutan umalagi lang kag indi gid mabug-at. Kag tungod sang amon mga pag-antos, may ginatigana ang Dios nga balos para sa amon nga wala sing katapusan !”
- Gina-akusar kita – ginatratar nga mahigko/basura sang kalibutan…
- Kon nanamian ang kalibutan sa imo – kon nagpinsar sila nga maayo ka – may ara sang indi sakto…
- Ang pagsunod kay Jesus nagakahulugan nga akig sa imo ang kalibutan – ginakabig nga basura ka…
- Juan 15:19 – “ Kon kaupod kamo sang mga tawo sang kalibutan, higugmaon kamo nila. Pero ginadumtan nila kamo tungod kay indi nila kamo kaupod kundi ginpili ko kamo halin sa ila.”
- Sunda ako… vs. 14-21
- Wala si Pablo nagsulat para pakahuy-an sila – pero kaangay sang mga bata – pa-andaman sila… vs. 14-17
- Ginakabig ni Pablo ang mga tumuluo sa Corinto bilang mga anak niya sa Pagtuo…
- Mahimo nga pulo ka libo ang ila nga mga manunudlo kay Kristo – pero isa lang ila amay
- Si Pablo ang una nga naghatag sa ila sang Maayong Balita!
- Wala si Pablo naakig sa simbahan – nagakabalaka siya para sa ila…
- Kon wala na kita nagatutok kay Jesus – kon nasiod na kita sang kalibutan…
- Wala nagakaakig ang Dios sa aton – nagakabalaka Siya sa aton – Kabalo Siya kon diin nagapadulong ang sala – kamatayon!
- Mahimo nga mabaskog ang Iya nga pagsabdong sa aton – kay tungod nga Iya kita nga ginahigugma – Hebreo 12:6
- Amo na nga magsunod kamo sa akon(Present/Middle/Imperative)…
- Naghimo si Pablo sang ehemplo para sa simbahan – ang modelo nga pagsulundan nila kay Jesus…
- I Corinto 11:1 – “Gani sunda ninyo ako, kay ginasunod ko man si Cristo..”
- Ginpadala ko si Timoteo (akon matutom nga anak sa Ginoo ) sa inyo – Binuhatan 19:21-22…
- Si Timoteo ang mapahanumdom sa ila sang mga ginpanudlo ni Pablo…
- Pareho man nga mga panudlo sa tanan nga mga kasimbahanan sang Dios…
- II Timoteo 3:10 – “Naobserbaran mo ang akon mga pagpanudlo, ang akon pamatasan, kag ang akon katuyuan sa kabuhi. ang akon pagtuo sa Dios, ang akon pagpasensya kag paghigugma sa mga tawo, kag kon paano ko ginbatas ang mga kabudlayan…”
- Kon masiod kita sa mga kabalak-an sang kalibutan kag kon malipat…
- Kinahanglan ta isa ka ‘Timoteo’ – Diosnon nga upod nga matupad sa aton para ipahanumdom sa aton…
- Lisuon kita palayo sa kalibutan – kaalam sang tawo – pabalik kay Jesus!
- May ara sa inyo nga nangin bugalon na… 18-21
- May ara sa simbahan nga nagapati nga indi na magbalik si Pablo…
- Pero si Pabo makari – kag atubangon ang mga nagatuga sang mga problema…
- Indi para mamati sa ila nga mga tinaga- kundi para lantawon ‘kon ano gid ang ila kusog’…
- Ang Kaharian sang Dios indi lang sa Pulong (logos) – sa gahom man (dunamis)!
- Kaangay sang isa ka maamligon nga amay – Makadto si Pablo para atubangon ang mga nagtuga sang problema…
- Madamo subong ang nagapaminsar nga indi na magbalik si Jesus…
- Nangin arogante na sila sa ila pagpakasala – nagapinsar nga wala na sang konsekwensya…
- Mateo 24:44 – “Gani magbantay gid kamo, kay sa oras nga wala ninyo ginapaabot, ako nga Anak sang Tawo magaabot.”
- Gusto mo bala sang lipak nga inog-hanot – okon gugma kag kalulo…
- Ang mga santo sa Corinto mahimo nga magpadayon sa ila nga makapagbahinbahin nga mga gawi – magpili lipak sang inog-hanot…
- Okon magpaka-ubos sila – magbalik kay Jesus – pilion ang gugma kag kalugpayan…
- Kaangay sang simbahan sa Corinto – pwede kita nga magpili – paano Niya kita matukiban…
- Makit-an bala naton ang aton kaugalingon sa dalom sang paghukom sang Ginoo – ang lipak nga inoghanot…
- Okon ipa-ubos naton aton kaugalingon- kag maangkon ang bugay kag kalugpayan sang Dios – Santiago 4:6