Making Bible Study Easy for everyoneEnglish • Hiligaynon
Back to 1 Timothy
Verse-by-Verse Bible Study

1 Timothy 5:1–16

How to treat people in the church… (4 points)

These are the original teaching notes from this passage.

Paano magtratar sang mga tawo sa simbahan… (4 punto)

  • 1st –Kita isa ka pamilya… vs. 1-2
    • Si Pablo mapadayon sa ika 4 amo ang katapusan nga topiko…
    • Gintagaan niya si Timoteo sang 3 ka leksyon- Magtudlo sang Pulong/Grasya/Pangamuyo…
      • Ginpaathag niya ang 3 ka pagsulundan sang mga -Babayi/Pastor/Deacons (Manugbulig)…
      • Ginlaygayan niya si Timoteo nga kinanglan nga DEPENDEHAN ang PAGTUO!
    • Ang sa chapter 5-6- masulat naman siya parti sa mga relasyon sa sulod sang simbahan…
      • Indi makatilingala nga ang simbahanpuno sang nagakalain lain nga klase sang tawo…
      • May mga tigulang/pamatan-on-lalaki/babayi-may asawa/single-manggaranon/pigado…
      • Si Jesus nagluwas sang tanan nga klase sang tawo-kag ang tanan ara sa Iya simbahan…
      • Ang Iya handom ng akita tanan mangin ISA- bilang PAMILYA!
      • Kon kita may PAG-ISA- mangin ihimplo kita kay Jesus sa kalibutan nga wala kilala sa Iya!
      • Juan 17:21 –  “Ginapangamuyo ko sa imo nga sila tanan mangin isa…agod ang mga tawo sang kalibutan magatuo nga ikaw amo ang nagpadala sa Akon.”
    • 1st –TIGULANG nga LALAKI kaangay sa imo Amay… vs. 1
      • TIGULANG nga LALAKI- mga may edad sa simbahan…
      • Ang aton napaminsar kon TIGUGLANG ang mga magulang sa aton…
      • Bisan tigulang ka-wala mo ginakabig nga tigulang ka na kay may mga mas tigulang sa imo!
      • Ang gintan-aw naton nga TIGULANG-ang mga may mga bata na…
      • Kon may mga apo na- amo na sila ang mga TIGULANG!
      • Indi PAGSAWAYA- paghambalan sang masakit…
      • PAGSAWAY- paghambal sang sakit nga mga sugilanon…
      • Indi man nga pawalaan ang sala sang iban!
      • Amo ini aton nadakuan ang batasan- ginalikawan ang pag prakahanay…
      • Kon may ginhimo sala ang isa- ang ginahom naton- napawalaan lang…
      • Nagalaom nga kon madugayan ok na -wala na dayon problema
      • Ang sala nagapangguba- kon indi maghinulsol sang aton sala-matig-a aton tagipusoon…
      • Ang delikado sini kay sa ulihi ipanginwala ang Dios–magakabui nalan sa sala- Hebreo 3:13
      • Kon may sala-dapat tadlungon- ang pagkabalaka sa tawo indi nga pawalaan ang sala!
      • Ang sala gaguba sang kabuhi- asta san-o pabay-an ang tawo sa pagguba sang iya kabuhi!
      • Hulubaton 27:6 “Ang masakit nga pagsabdong sang isa ka abyan may maayo nga katuyuan…”
      • LAYGAYAN kaangay sang imo Amay…
      • PAGLAYGAY- magbulig nga kaangay sang aton Tatay!
      • Nagdako kita nga indi magsabat sabat sa aton Tatay…
      • Bisan iya pa sala-maghalong ka nga maghambal sa iya!
      • Kon indi ka maghalong abi mo nagabulig ka sa TIGULANG- ginsakitan mo siya gali…
      • Indi naman nga pawalaan ang sala- pero himuon ini nga may respeto!
    • 2nd – BATAON NGA LALAKI nga daw mga utod… vs. 1
      • BATAON nga LALAKI- mga bata pa ukon pamatan-on- siguro natumod ang ila edad sa pagtuo…
      • Hapos lang pawalaan ang mga bataon nga lalaki sa simbahan- kay abi nila wala sila nabal-an!
      • Pero dumduma ang hambal ni Pablo-indi paghikayi ang mga bataon – 1 Timoteo 4:12
      • Dapat trataron ang mga BATAON nga LALAKI bilang utod/ pareho ang pagtan-aw…
      • Ang kulang sa ila expenriensiya-pero dako naman ang ila tagipusoon kag kusog…
      • Kag basi makibot kita sang ila kaalman nga ihatag sang Dios sa ila!
    • 3rd – TIGULANG nga BABAYI kaangay sa mga Nanay… vs. 2
      • TIGULANG nga BABAYI- mga may edad nga babayi sa simbahan…
      • Ang pamangkot sin-o ang matawag nga TIGULANG nga BABAYI…
      • Indi nalang mamangkot basi maghinulsol ka lang, hahah!
      • Tratahon mo nga bilang ILOY…
      • Kaangay sa mga LALAKI- kita dapat permi magrespeto sa mga TIGULANG nga BABAYI…
      • Tratahon sila kaangay sa aton kaugalingon nga NANAY…
      • Ano ang nahambal sa BIBLIYA kon paano mga tartar sang ILOY…
      • Exodus 20:12 – “Tahura ang inyo amay kag iloy agod magkabuhi kamo sing malawig sa duta nga ginahatag ko sa inyo.
      • Makita naton nga damo mga bataon subong abi nila kabalo na sila sing tanan…
      • Ang ara sa ila GOOGLE kag YOUTUBE- abi nila may kaalam na sila dayon nga ihatag sa iban..
      • Pero ang NAHIBALUAN kag KAALAM indi pareho-KAALAM – halin sa experiensya!
      • Ang NAHIBALUAN gahambal nga init- ang KAALAM gahambal nga indi magtandog!
      • Magtahod sa TIGULANG nga BABAYI sa simbahan kay sila may KAALAM…
      • Ang mga dugay na sa kalibutan-damo na inagyan…
      • Mangin maalam kita kon mamati sa ila mga inagyan!
    • 4th – Mga BATAON nga BABAYI kaangay mga utod…vs. 2
      • BATAON nga BABAYI- mga dalaga/ siguro bag-o lang naluwas…
      • Si Pablo naga mando nga mag pakig-upod sa ila nga PUTLI ang paminsaron…
      • Ang buot silingon sini nga likawan ang paghimulos sa ila!
      • PUTLI- halin sa pulong nga BALAAN!
      • 1 Tesalonica 4:3 – “Luyag sang Dios nga ang inyo kabuhi matinlo, gani likawi ninyo ang imoral nga pagpakigrelasyon.”
      • Mga lalaki trataron nga may puno sang respeto ang mga babayi sa simbahan…
      • Halongi ang ila mga mata-indi magtulok sa mga babayi sa mahigko nga paagi – Mateo 5:28
      • Halongi ang ila buhat-indi mga palapit nga malain ang motibo sa mga dalaga…
      • Indi magsimba nga ang motibo mo makuha ang dalag- indi ina pag-alagad sa Ginoo…
      • Tratahon ang mga dalaga bilang utod-nga mga PUTLI nga tagipusoon-wala lain nga motibo!
  • 2nd –Ang mga balo sa simbahan… vs. 3 / 5–7 / 9-10
    • 1st –BALO… vs. 3
      • BALO– ka 8 nahambal sa diri nga chapter– ang nadulaan sang bana…
      • Ang Bibliya damo nahambal parti sang mga BALO!
      • Deuteronomio 10:18 –Palangga sang Dios ang mga BALO kag nasigurado nga makabaton sila sang hustisya…
      • Deuteronomio 24:19 – Ang Ginoo ang nagahatag sa mga BALO-ang nabilin nga patubas para sa ila…
      • Mateo 23:14 – Ang Dios naghukom sa mga relihiyoso nga mga lider kay nagkawat sila sa mga BALO
      • Marcos 12:43 – Damo ang ginhatag sang BALO sa Dios mas labaw sang mga lider sang Israel…
      • Binuhatan 6:1 – Ang una nga simabahan ginsigurado nga mahatag ang kinahanglan sang mga BALO…
      • Santiago 1:27 – Ang putli nga relihiyon amo ang pagbisita sang mga wala ginikanan kag mga BALO
      • Ang punto nga ang Ginoo naga bantay sang mga balo sa simbahan…
      • Diri si Pablo mahatag sang pagsulundan kon paano mag-atipan sang mga balo!
    • 2nd –TAHURON ang mga BALO na gid…… vs. 3 / 5-7
      • TAHURON- tagaan bili kag importansya…
      • Si Pablo nagamando nga tagaan sila kwarta-ginatahod sila paagi sa paghatag sa ila!
      • Ang mga tuod nga mga BALO- wala na gid sila ginasaligan…
      • Ang nahambal diri nga napatay ang ila bana…
      • Ang simbahan mahatag lang sa TUOD nga balo- ipaathag ang lima ka butang!
      • 1 – GINBAYAAN NGA ISA NA LANG
      • NAGAISAHANON – ang tuod nga balo- naga isahanon/ginpabay-an…
      • Indi nga ginbulagan siya kundi ang nadulaan sang pamilya…
      • Wala na gid siya pamilya-bata ukon mga apo nga mag-atipan sa iya!
      • Si Pablo madugang pa gid paathag sa verse 4 kag 8!
      • 2 –NAGASALIG sa Dios…
      • NAGASALIG- ang TUOD nga balo nagabutang sang iya PAGLAOM kay Jesus…
      • Ang tuod nga balo ang isa nga nagasalig sa Dios nga mag-atipan sa iya…
      • Ang wala permi nagapangayo sa simbahan nga magbulig sa iya…
      • Wala siya naga bayo sang trapo para kaluuyan kay pigado siya…
      • Ang iya pagsalig sa Ginoo-kag nagasalig siya sa Dios nga maghatag sa iya!
      • 3 –NAGAPADAYON sa PANGAMUYO adlaw kag gab-i…
      • NAGAPADAYON- wala naga untat…
      • NAGAPANGAMUYO- siya nagapangamuyo sa kinahanglan sang iban…
      • PANGAMUYO- 37 ka beses sa NT- naga istorya sa Dios…
      • Ang TUOD nga balo ang isa nga permi nagahatag tion sa pagpangamuyo sa Dios!
      • Ang tigulang nga balo wala may dako nga ibulig sa simbahan…
      • Indi siya makasaka sang hagdan para ma minta…
      • Wala siya kwarta nga mahatag sa pagbulig sa iban…
      • Pero maka pangamuyo siya sa tanan nga ara sa simbahan!
      • May isa ka balo nga nagapangamuyo adlaw adlaw sa iya mga apo kag sa simbahan…
      • Isa ka rason nga ang isa ka apo ginbugayan sang Dios kag pastor na subong!
      • 4 –Wala nagakabuhi sa pagpangalipay…
      • PAGPANGALIPAY- ang handom sa pagpagusto pangalipay…
      • Ang simbahan indi sa pagbulig sa balo nga ang kabuhi nagapangalipay sa kalibutan…
      • Nagausik siya sang tion- patay siya sa Espiritu- indi siya TUOD nga balo…
      • Ang TUOD nga balo nagahatag sang iya kabuhi sap ag-alagad kag pagsunod sa Dios!
      • Kon magkabuhi kita sa kalibutan-patay kita espirituhanon- indi ina TUOD nga kabuhi
      • Ang Dios nagtuga sang pinakanami nga plano-ang pagkilala sa Iya – Deuteronomio 6:4-5
      • Kon pagkon/tulog/kalipay lang aton nalagas-indi naton mabaton ang tuod nga kabuhi!
      • 5 – WALA sing may ihambal nga malain sa atubang sing Dios…
      • Ang mando ni Pablo- ang ini nga mga butang para ang mga BALO…
      • WALA sing may ihambal nga malain batok sa iya!
      • Ang balo nga isahanon/nagasalig sa Dios/adlaw kag gab-i nagapangamuyo sa Dios…
      • Ang balo nga wala nagakabuhi sa kalibutan-wala sing malain nga ihambal kontra sa iya…
      • Ang ina klase nga balo- amo ang dapat atipanon sang simabahan!
    • 3rd –BULIG sa mga balo… vs. 9-10
      • Indi pagpabay-an ang balo…
      • Ginpaathag na kon sin-o gid ang TUOD nga balo…
      • Si Pablo naghatag sang dugang nga sulundan kon ang balo suportahan sang simbahan!
      • Kon gusto mo makabaton suporta sa gobyerno- dapat makapasar ka sa ila lista…
      • Amo man ang Dios naghatag man siya pagsulundan sa simbahan…
      • Ang listahan sang mga TUOD nga balo nga makabaton bulig sa simbahan!
      • 1 – Ang edad 60 paibabaw…
      • Ang balo nga ang edad bata pa sa 60 indi pwede madala sa lista…
      • Ang Dios indi gusto nga ang bata pa nga balo suportahan sang simbahan…
      • Ang raon ara sa veres 11-16…
      • Ang maayong balita nga ang Bibliya nagahambal nga bata pa kon indi ka pa 60!
      • 2 –Asawa sang isa ka lalaki…
      • Ang madala sa lista nga balo ang asawa sang isa ka lalaki- indi damo…
      • Indi buot silingon nga indi na siya ka pamana liwat!
      • Si Elizabeth Elliot-nakapamana ka 3 ka beses…
      • Ang una nga bana ginpatay sa Ecuador sa misyon/ ang ika 2 gin cancer…
      • Diosnon siya nga babayi kag dapat nga atipanon sang simbahan!
      • May bana siya – ang balo nga nahambal diri wala nagpanginlalaki…
      • Ang babayi nga wala kaagi pamana – indi pwede…
      • Kay ang babayi nga wala kaagi pamana-nakatuon nga mag atipan sang iya kaugalingon…
      • Pero ang nakapamana naanad nga gina-atipan sang iya bana…
      • Kay napatay na siya-wala na sang may naga atipan kay wala na siya bulig!
      • 3 –Kilala nga MAAYO ang ila nga GINAHIMO…
      • KILALA- bantog siya nga MAAYO ang BUHAT… 
      • Ang balo nga dapat buligan kilala sa iya maayo nga buhat-may 5 ka paagi diri!
      • 1 – Tungod nga ginpadako ang iya mga kabataan sa paghigugma/pagsunod sa Dios…
      • 2 – Tungod kay gin atipan niya ang mga dumuluong-naghatag sang mga may kinahanglan…
      • 3 – Tungod kay nanghugas siya sang mga tiil sang mga tumuluo-nag-alagad sa simbahan…
      • 4 – Tungod kay nabulig sa mga nasubuan- nagbisita sa hospital…
      • 5 – Tungod kay mapisan nga nagsunod sa maayo nga buhat…
      • Kay iya tagipusoon handom magbugay sa iban-ang simbahan gusto man mag bugay sa iya!
      • Binuhatan 9 – Tabitha – siguro balo-permi naga alagad sa simbahan…
      • Siya lang isa nga babayi sa Bibliya nga gintagaan ngalan nga -sumulunod ni Jesus…
      • Damo nga maayo nga butang ang iya ginhimo-matutom nga alagad didto sa Joppa…
      • Nagbulig sa mga pigado-nag panggansilyo siya mga bayo para sa mga babayi…
      • Si Tabitha nagmasakit kag napatay-ang simbahan handa maghimo bisan ano para sa iya!
      • Nagahulat kita sa iban nga mag-atipan sa aton kinahanglan/pero wala ka relasyon sa ila…
      • Kon kita mag-atipan sa iban- kag sila man magbalos atipan sa imo!
  • 3rd –Ang responsibilidad sang pamilya… vs. 4 / 8
    • 1st – Kon ang balo may mga bata/ ukon mga apo … vs. 8
      • Magtuon sila sang respeto sa balay…
      • Paano sila makapakita sang RESPETO- paagi sa pagbayad sa ila ginikanan!
      • Responisnbilidad sang mga kabataan/apo sa pag atipan sang ila ginikanan…
      • Kon magtigulang kita kag kinahanglan bulig- kita ang mahatag sa ila!
      • Mando sa aton nga mag-atipan sa ila- kay may utang kita sa ila…
      • Ang mga Nanay mga sobra 20 ka tuig ang atipan sa mga kabataan…
      • Diaper, luto, paninlo, panglaba…
      • Ang gamay nga mahimo naton sang ila amo ang pag-atipan kon magtigulang sila!
      • MAAYO ini- nabaton sa atubang sang Dios…
      • Sang napatay ang Tatay ni Pastor Dave-nabalo ang iya Nanay
      • Ang hambal nga ibutang nalan siya sa balay sang mga tigualang…
      • Pero si Pastor Dave nagdala sa iya sa Himamaylan para maatipanan ang iya Tatay!
      • Kita maatipan sang aton ginikanan- malipay ang Dios…
      • Ang ika 5 nga mando sang Dios-tahuron ang Tatay kay Nanay – Exodus 20:12
      • Bahin sang pagtahod sang Tatay kag Nanay dala dira ang pag-atipan sa ila magtigulang sila!
    • 2nd –Ang wala gaatipan sa ila paryente… vs. 8
      • Mga kabataan nga wala gabulig sa ila ginikanan…
      • Ginpanginwala ang ila PAGTUO-ang ila buhat nagapakita nga wala sila kakilala kay Jesus…
      • Mas lain pa sila sa mga indi TUMULUO- ila pamatasan malain pa sa wala kakilala sa Dios!
      • Ang mga tawo nga wala kakilala kay Jesus gani naga atipan sang ila mga tigulang…
      • Ano pa gid dapat ang mga tumuluo nga mag atipan sang ila Tatay kag Nanay…
      • Kon pawalaan naton ang aton mga ginikanan- ano ang napakita naton sa kalibutan!
      • Damo mga balibad kon ngaa wala nagabulig…
      • Marcos 7:11-12 – “Pero kamo iya nagatudlo nga kon ang tawo maghambal sa iya ginikanan nga ang bulig nga ihatag kuntani niya sa ila Korban (buot silingon, inughatag sa Dios), wala na ninyo siya ginaobligar nga magbulig sa ila.”
      • Imbis nga mag-atipan sang ila mga ginikanan paagi sa paghatag…
      • Ang mga relihiyoso nga mga lider nagtudlo sa ila nga ihatag nalang ang kwarta sa Dios…
      • Kon ihatag sa simbahan wala na sila dayon obligasyon sa ila mga ginikanan!
      • Ginsaway sila ni Jesus- kay indi ina ang sugo sang Dios – Marcos 15:6
      • Wala sang balibad ngaa indi kita mag-atipan sa aton pamilya…
      • Indi kita kasiling nga wala kita kwarta kay ang Dios nahagahatag sa aton kinahanglan…
      • Indi kita kasiling nga indi sila takos sang aton bulig-utang sa ila ang aton kabuhi…
      • Wala na balibad-bilang tumuluo ni Jesus dapat mag-atipan kita sa aton ginikanan!
  • 4th –ang mga bataon nga mga balo… vs. 11-16
    • BATAON nga mga balo… vs. 11
    • Sa katapusan si Pablo naghambal parti sa mga BATAON nga mga BALO (bata pa sa 60)…
    • Indi sila pagsakopon sa pagsuporta sang simbahan-may 4 ka rason!
    • 1st – Magpatumbaya sila sa pag-alagad kay Cristo… vs. 11-12
      • Patumbayaan si Cristo kay ang handom nila mamana liwat…
      • Kon BALO nga nasuportahan sang simbahan- desidido mag obra para kay Jesus!
      • Pero ang mga BATAON nga BALO may handom pa sa iya balay/pamilya/gusto pa may bata…
      • Imbis nga mag-alagad sa Ginoo kag mangamuyo sa mga tumuluo…
      • Makabatyag siya rebelde sa simbahan kag basi magbiya sa iya pagtuo!
    • 2nd – MAGTUON nga MAGTINAMAD … vs. 13
      • MAGTUON- matun-an ang pagkatamaran…
      • Ang mga bataon nga balo may posibilidad gna wala ga gamit tion sa insakto…
      • Kon ang simbahan naga suporta sang bataon nga balo- indi na siya mag-obra…
      • Kay ang resulta damo siya tion nga wala na sa kabalo kon maano siya…
      • PAMALAY-BALAY- Magakutso-kutso kag magapasilabot sa iban…
      • Kutso-kutso- hala ka hambal nga dapat tani indi…
      • Magapasilabot- sako sa indi importante kag napabayaan ang importante!
      • 2 Tesalonica 3:11 – “Ini ginasiling namon tungod nga nakabalita kami nga may ara sa inyo nga mga matamad nga wala sing iban nga ginahimo kundi ang pagpanghilabot sa ginahimo sang iban.” 
      • Imbis nga mag-alagad sa Ginoo hala ka pamalay-balay kag nagkutso kutso sa simbahan!
    • 3rd – Gani kon sa akon lang mayo pa ang mga bataon nga balo mamana liwat- vs. 14-15
      • Wala sila rason nga magpabilin nga BALO- dapat mamana sila liwat…
      • Magpamata- kay may handom pa sila nga maka pamilya/ mag-atipan sang panimalay…
      • Para magsako sila sa ila balay sang sa damo sila tion nga nagamit sa indi insakto!
      • Damo nga nagahambal nga ang mga balo indi dapt mamana liwat…
      • Ang Dios wala naghimo nga mag isahanon kita sa kabuhi-normal lang nga gusto mamana..
      • Kon ang balo bata pa sa 60-ang Bibliya nagahambal nga dapat mamana siya sa Ginoo!
      • 1 Corinto 7:39 – “Kon patay na ang iya bana puwede na siya makapamana liwat. Pero kinahanglan tumuluo ang pilion niya.”
      • Para wala lugar sa pagsunod kay satanas…
      • Si satanas ang isa nga nagadala kagamo sa simbahan…
      • Ang iban nga BATAON NGA BALO nagsunod na sa iya…
      • Nagkutso-kutso kag nagpanghilabot na sila kag naga sugod sang ginamo!
    • 4th – Ang simbahan ma suporta sa TUOD nga balo… vs. 16
      • Kon may tumuluo nga pamilya nga may BALO-sila dapat masuporat sa iya…
      • Para ang simbahan maka atipan sang TUOS nga mga BALO!
      • Ang punto diri nga-kita gintawag nga mag-atipan sa isa kag isa…
      • Kon may pamilya kita nga kinahanglan sing bulig- kita maatipan sa ila…
      • Kon may isa sa simbahan nga wala sing may makabulig- kita ang iya PAMILYA!