Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
II Corinto 6:1-18
Introduction…
- I Corinto 1:1-2:16 – Ang kalipay ni Pablo sa paghinulsol sang simbahan …
- I Corinto 3:1-4:18 – Kabuhi sa Espirito / Panindugan sa kamatuoran …
- I Corinto 5:1-21 – Ang paglaum sang langit…
- 1st – Mabaton kita sang bag-o nga lawas – ang aton daan nga ‘tulda’ gabok na…
- Pareho sang pag baylo sang aton daan kag mabaho nga bayo – maabot ang adlaw nga baylohan ang aton lawas sang bag-o…
- Bangod ang aton lawas wala gintuyo nga magpabilin asta sano – kinanglan naton ang lawas nga para sa eternidad!
- Si Jesus nag hatag sang Iya Espirito nga amo ang garantiya para sa palaabuton…
- Gani ginapahamu-ot naton ang Dios – nakahibalo kita nga maatubang kita sa paghukom ni Cristo…
- Sa mga naluwas – ang Bema Seat /kag sa mga indi – ang Puti nga Trono!
- 2nd – Ang aton motibasyon sa tanan nga ginahimo naton amo ang Gugma ni Cristo…
- Wala kita naga padayaw sa bisan sino – nagatu-on kita agod makahatag kita sang sabat para sa aton paglaum
- Kag tungod nga si Jesus napatay para sa aton – wala na kita nagakabuhi para sa aton kaugalingon – ginbakal kita sa dako nga bili!
- 3rd – Indi na kita nagapabilin bilang isa ka‘daan nga tawo’ – kita ang ‘ bag-o nga tinuga’ sa kay Jesu-Cristo…
- Kag kita napasag-uli/ginbalik sa aton nga relasyon sa Dios…
- Gintawag Niya kita sa pag panugid sang mensahe sang pagpasag-uli – Mga embahador para kay Jesus!
- Pagwali sang Maayong Balita… (3 kabutang)
- 1st – Mabaton kita sang bag-o nga lawas – ang aton daan nga ‘tulda’ gabok na…
- 1st – Subong na ang adlaw… vs. 1-2
- Kaupod kay Cristo… vs. 1
- Base sa kamatuoran nga kita bag-o nga tinuga – kag Embahador para kay Jesus…
- Amo nga nangin kaupod kita sa trabaho upod sa Dios – kita ang kaupod niya sa pag-alagdan…
- Kita (kita kag ang Dios) pareho nga nagapakilooy sa kalibutan nga indi pag-iwalay kapuslanan ang pagbaton sang Bugay sang Dios…
- Si Jesus napatay para sa sala sang bilog nga kalibutan – Juan 3:16 – para ang tanan maluwas!
- Ini libre nga dulot/bugay halin sa Dios nga ginarepresentar ta sa tanan – apang ini ila nga pagpili…
- Pwede sila magpang-indi – ipanghiwala ang Bugay sang Dios – magsikway sang Iya kaluwasan!
- Ang adlaw sang kaluwasan – Isaias 49:8… vs. 2
- Ang laygay ni Pablo – ‘Subong ang Adlaw’ – subong ang adlaw sang kaluwasan – magtuo kay Jesus!
- Wala sang nagahunahuna sang klaro ang gusto magkadto sa empierno – ang lugar nga wala sang katapusan nga pag-antos/kag paghilayo sa Dios…
- Apang laban nga tawo wala naga hunahuna sini – ginapa-atrasar nila ang ila nga desisyon asta sa madason na lang…
- Ang Plano nga sa pag abot sang isa ka adlaw – pagkatapos nga ‘magsinadya’ – malipay sa mga ‘maayo nga butang’ sa kabuhi…
- Kag amo nga maghimo sang tion para mangin ‘insakto’ sa Dios – atubangon ang isyu sang kaluwasan…
- Ang problema ang Dios wala naga garantiya kon ano ang matabo sa buwas!
- Madamo nga tawo nga naga hulat sang alas 12:00 para batonon si Jesus – kag mapatay sila sa 11:59…
- Wala sang nagaplano nga ma heart attack/ukon ma stroke – ukon ma aksidente…
- Sa subong ang tion nga magtu-o – mag baton sang libre nga regalo/ bugay sang Dios!
- 2nd – Wala ginatago sa iban si Cristo… vs. 3-10
- Si Pablo dako ang paghalong nga indi masandad ang iban paagi sa iya nga ehemplo… vs. 3
- Indi niya gusto nga mag himo sang bisan ano nga butang nga makatuga sa tawo nga mag sikway sa mensahe sang Maayong Balita…
- Ini isa ka masubo nga panghuna-huna nga bisan ang Maayong Balita may gahom sa pagluwas sang mga nadula…
- Sa masami ang mga makadto sa empierno nag sikway sang kaluwasan – tungod sa kon sin-o ang nagpanugid sa ila!
- Kon ang isa ka persona naga binutig / nagapanglibak / pangawat / pangluib / ukon indi lang maayo nga persona…
- Dayon gulpi magliso kag maghambal tuhoy sa ‘Bugay sang Dios’ – mamati ka ayhan…
- Ang aton ehemplo mas gamhanan sang sa aton tinaga – makita sang tawo bag-o sila makabati…
- Kon wala naton ginapakita ang kabuhi nga katumbas sang aton nga mga tinaga – ngaa mamati sila
- Si Pablo naglaragway sang maayo nga ehemplo – tatlo ka nagkalainlain nga aspeto…
- 1st – Ang pagpanghangkat nga atubangon para sa Maayong Balita… vs. 4-5 (4 things)
- Ang kinahanglanon nga magpailob – ang tawo indi nagabaton sang Maayong Balita sa una nga tion…
- Sa masami kon isikway sang iban ang mensahe sang Maayong Balita – naga-untat man kita sa pagtinguha…
- Kinanglan nga magpailob – Hangpa nga kinahanglan sang tion sang isa ka tawo para magpalapit kay Jesus!
- Ang realidad sang Kapipit-an – nga may mga kinahanglanon – kag dako gid nga kabudlayan…
- Juan 15:18 – "Kon ginadumtan kamo sang mga tawo sang kalibutan, indi kamo dapat matingala tungod kay nahibaluan ninyo nga ako amo ang una nila nga ginadumtan.”
- Pareho sang suga sa kadudulman – ginpakita ni Jesus ang sala sang kalibutan…
- Bangod nga ang tawo naga HIGUGMA sang sala nagakaakig sa suga nga nagapahayag sang ila pagpakamala-ot…
- Ara si Jesus sa aton – gani nga sa pagkaakig sa kapawa – nga si Jesus – ginakaakigan man nila kita…
- Ginbutang sa prisohan – ginbunal tungod sa Maayong Balita – kinagamo sa politika…
- Si Pablo gin haboy sa Prisohan kag gin bunal tungod sa pagpanugid kay Jesus sa Filipos – Binuhatan 16…
- Siya man ang nagsugod sang kinagubot tungod sa pagsugid sang Maayong Balita sa Efeso – Binuhatan 19…
- Bisan sa subong ang Maayong Balita makadala sa imo sa pag-aresto kag pagbunal – China / Saudi Arabia…
- Gusto bala naton nga mag antos tungod sang Maayong Balita – ayhan indi kita magkadto sa prisohan…
- Apang mahimo nga madula ang mga pag-abyanay – ukon nagakahulugan nga indi kita magustohan sang mga tawo
- Sobra nga trabaho / wala sang tulog / pagpuasa…
- Nagtrabaho sang tudo si Pablo para masiguro nga madamo nga tawo ang magkadto sa langit…
- Nagakahulugan nga nagahigda ka sa kama nga nagabugtaw ka gihapon – nagakabalaka sa mga na siod sa sala…
- Nagakahulugan man nga may adlaw nga wala sang pagkaon – nagpuasa kag naga pangamuyo para sa mga nadula…
- Ano ayhan ang imo ibuy-an agod nga ang aton hinigugma sa kabuhi makadangat sa pagkilala kay Jesus…
- Gusto mo ayhan nga mag lakat nga wala sang tulog / pagkaon – naga pangamuyo para sa mga nagtalang…
- 2nd – ang manggad nga gin hatag agod nga magpalapnag sang Maayong Balita… vs. 6-7 (7 ka butang)
- Kaputli -indi na kita nagapabilin nga may dagta/ isa ka tawo nga indi matarong pareho sing una…
- Ang pinakadako nga sablag sa aton sa pagsugid kay Jesus – wala kita naga pinsar nga takos kita…
- Sino gid kita nga mag hambal nahanungod sa Dios – makita sang tanan ang deperensia kag kakulangan…
- Apang wala na kita sa aton nga daan nga pagkamakasasala – nabag-o na kita kay Jesus…
- Kag wala kita nagawali sang aton kaugalingon nga kita ang sabat – ginawali naton si Jesus!
- Ihibalo – nakabalo kita sang kamatuuran – indi na kita nabulagan…
- Kabalo kita nga isa lang ang alagyan pakadto sa langit – kag isa lang ang tal-us – empierno…
- Ang paghibalo sang matuod – paano kita makapugong sa pag sugid sa iban -paano kita nga maghipos lang!
- * Jeremias 20:9 – “Kon kaisa nagasiling ako nga indi na ako maghambal parte sa imo ukon magsugid sang imo mga mensahi. Pero indi ko mapunggan, kay ang imo pulong daw sa kalayo nga nagadabdab sa akon tagipusuon kag mga tul-an. Ginakapoy na ako sa pagpugong sini.”
- Mainantuson kag Kaayo – kabalo kita nga nagapakigaway kita para sa kaluwasan nga wala sang katapusan para sa tawo…
- Ang mga tawo nga gina lab-ot naton – sa subong nagaobra para sa aton kaaway – si satanas…
- Nagakahulugan nga mahambal kag mahimo sila sang madamo nga masakit nga butang sa aton…
- Imbes nga may reaksion – kinanglan nga mangin ma-inantuson kita – kag magpakita sang kaayuhan…
- Bangod ang kaayo sang Ginoo ang magadala sa ila kay Jesus – Roma 2:4
- Ang Balaan nga Espirito – may gahom kita sang Dios nga naga hatag sang kakusog…
- Madamo nga tion nga nahuya kita nga magpa-ambit kay Jesus – nahadlokan kita sang ihambal sang iban nga tawo…
- Apang wala kita naga lakat sa aton kaugalingon nga kusog – naga lakat kita sa gahom sang Espirito..
- Ang una nga resulta sang mapun-an sang Balaan nga Espirito – kaisog!
- Ang Pulong nga matu-od – may ara kita sang gahom sang Pulong sang Dios
- Madamo nga tion nga nahuya kita tungod indi kita kabalo sang aton ihambal…
- Apang indi aton pulong ang kinanglan nga mabatian sang tawo – kinahanglan nila ang Pulong sang Dios…
- Ang Maayong Balita amo ang may gahom sa pag pahumok sang tagipusoon sang makasasala – Roma 1:16
- Sinsero nga Gugma – ang motibasyon nga makapalitik sang matig-a nga tagipusoon…
- Antes ang mga tawo magpamati sang aton ginahambal – kinahanglan nga makita nila nga kita nagakabalaka para sa ila…
- Kon ang mga tawo naga wali sa Ceres parte sa gugma sang Dios – wala kita nagapamati.
- Bangod nga nakabalo kita sang matuod nila nga motibo nga magpasa sang sobre dugay-dugay!
- Ang armas sang pagpakamatarong – ang isa ara sa tuo nga kamot (opensa) kag ang isa sa wala (depensa)…
- Ang idea nga nagapakadto kita sa patagawayan – pagpakigaway sa pagluwas sang mga nagtalang…
- Pareho sa maayo nga soldado kinahanglan naton nga mag preparar sang aton kaugalingon sa pagpakigaway…
- * Efeso 6:13 – “ Gani gamita ninyo ang tanan nga armas nga ginhatag sang Dios…”
- Ano ang aton armas sang pagpakamatarong – si Jesus – Roma 13:14…
- Siya ang aton manog-apin (gahom sa pag luwas) – kag ang aton depensa (naga tipig sa aton)!
- 3rd – Ang kinatuhay nga pagtamod sa aton sang iban kon magsugid kita sang Maayong Balita … (8 ka butang)
- Kita mga dungganon – apang ang iban nagatilaw nga pakahuy-an kita…
- Indi ka matingala kon ang tawo mag yaguta sa imo tungod sang imo pagtu-o kay Jesus…
- Akusaran ka sang pag baylo sang imo relihiyon – ginatilawan nila nga pakahuy-an ka agod nga maghipos ka
- May maayo kita nga reputasyon – apang ang iban may ihambal gid nga malain parte sa aton…
- Ang tawo matilaw nga pakalainon kita paagi sa pagpalapta sang indi matuod nga sugid-sugid…
- Si Dave Matthews – gin akusahan nga amo ang gin tunaan sang unos nga nag igo sa Isla…
- Ang tinutuyo amo nga ma rason kon ngaa indi nila gusto mag kadto kag pagpamati…
- Kag naga tilaw nga magsablag sa iban sa pagpamati sang Maayong Balita
- May kamatuoran kita – apang ang iban mahambal nga kita naga binutig…
- Ang kada isa nagahuna-huna nga sila ang may kamatuoran – Mormons / JWs / Iglesias / Muslims…
- Kag ginakabig nila nga ang iban sala – ilabi na gid kita…
- Apang may ara kita sang naga-isahanon nga kamatuoran – ara sa aton si Jesus – Juan 14:6
- Ang mga tawo kabalo kon sino kita – apang himu-on nila ang tanan sa pag baliwala sa aton…
- Kon nagalakat ka sa dalan kag bisan ang imo pamilya nagapakuno-kuno nga wala ka…
- Indi kita ang ila ginabaliwala – kundi ang Kombiksion nga ginadala naton tungod kay Jesus!
- Gina atake kita nila/patyon – apang buhi man kita gihapon…
- Ang malala nila nga himu-on amo nga patyon kita nila – makadto kita sa langit (indi na malain)…
- Sa masami ang malala nga butang nga nagakatabo kon iwali naton si Jesus – amo ang kadlawan kita nila…
- Apang kon malikaw naton ang tawo nga magkadto sa impierno takos sa gamay nga pag yaguta – takos bisan nga ginakadlawan…
- Ginahambalan ta diri parte sa kaladtuan sang tawo sa eternidad – ang mga tawo takos nga ipakigaway!
- Nagakasubo kita tungod sang indi pagtuo sang mga tawo – apang nagakalipay kita kon may isa nga maluwas…
- 100 ka mga tawo mahimo nga mag buong sang aton tagipusoon paagi sa pagpang-indi sa matahom nga Bugay sang maayong Balita ..
- Apang kon may isa nga maghambal nga huo – bisan ang mga angel sa langit nagakasadya!
- Maimol kita – apang nagahimo kita sang madamo nga mangin manggaran paagi sa Maayong Balita…
- Ang Maayong Balita wala ginatuyo nga mag padamo sing manggad – wala kita diri para sa Kuarta…
- Wala kita nagawali para sa pagkuha – kundi sa paghatag sang manggad sang Ginharian sang Dios …
- Waay na kita sang ginapanag-iyahan – apang mga anak kita sang Hari…
- Indi naton mabaton ang padya sang aton kinabudlayan diri sa kalibutan…
- Ang aton padya mas dako – labaw sa aton ginapaabot – ang aton padya nagahulat sa aton sa langit…
- Manunubli kita sang tanan nga Iya sang Dios – pareho nga manunubli ni Jesu-Cristo – Roma 8:17
- Nagakahulugan nga ihatag sang Dios ang TANAN – Iya nga KAHARIAN – Lucas 12:32
- Tubtob sa bisan nga magpungko upod kay Jesus sa trono – Pahayag 3:21
- 3rd – Indi magpakighiusa sa mga wala nagatu-o… vs. 11-18
- Si Pablo bug-os nga bukas siya sa simbahan – madali makita… vs. 11-13
- May dako siya nga gugma sa simbahan – wala siya nagakasaktan – ukon nagakasandad sa ila…
- Apang ang simbahan naapektuhan sang impluwensya sang mga sayop nga manunudlo…
- Ini nga mga tawo natigayon nga magpatig-a sang mga tagipusoon sang mga tumulu-o batok kay Pablo…
- Gani si Pablo naglaygay sa simbahan nga mag halong kon sino ang ila ginahatagan sang ila nga tion…
- Indi makig-abyan sa indi tumuluo – indi magpagota upod sa ila… vs. 14
- Ang laragway sang gota kon ang baka kag kanding ginpares sa pag arado sang latagon..
- Deuteronomeo 22:10 – “Indi ninyo pagpareson ang baka kag ang asno sa pag-arado.”
- Kon indi ‘balanse ang pag-gota’ ang kanding maga guyod sang baka padalom…
- Ini may gahom sa paglaragway – indi pwede nga makig-abyan ka sa indi tumuluo..
- Indi sila pareho sa inyo – ila ka nga butongon padalom!
- Si Pablo wala nagahambal parte sa paglikaw sa mga tawo nga wala nakakilala kay Jesus…
- Agod nga malikawan mo sila – kinahanglan nga biyaan mo ini nga kalibutan!
- Kinanglan man naton nga mag istorya sa mga wala naka kilala kay Jesus…
- Kon indi kita mag guha sa kalibutan – indi naton mapakita sa kalibutan ang paglaum kay Jesus!
- Apang bisan ari kita sa kalibutan – indi kita dapat nga mangin pareho sa kalibutan – Juan 17:15
- Nagahambal siya diri nga mag halong kon sino ang aton ginahatagan sang tion…
- Indi mag hatag sang tion sa ‘abyan’ kag pamilya nga wala naga sunod kay Jesus…
- Indi pagpangitaa ang ila laygay- indi ka nila pag-itudlo sa Pulong
- Ang mga tawo ipalapit ka – ukon ipalayo ka sa kay Jesus…
- I Corinto 15:33 – “…Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
- Palibuti ang imo kaugalingon sang diosnon nga mga tawo – sang mga nagapalig-on sang imo panglakaton sa Ginoo…
- Nalakip na dira nga indi magpangasawa sang indi tumuluo…
- Mag mahinalungon sa pagpili kon sino imo pakasalan – ini isa ka permanente nga desisyon…
- Kon may ara nga ‘relihiyoso’ kag nakakilala ‘parte kay Jesus’, wala nagakahulugan nga sila luwas…
- Indi magpakasal kon kay sino tungod nga gwapa – pakasali kon sino ang nagahigugma sa Ginoo…
- Magpangita sang lalaki/babayi nga naga higugma sa Ginoo – indi lang sa hambal – kundi sa ila pang gawi…
- Kon indi, basi sa ulihi butongon ka palayo sa panglakaton mo kay Jesus…
- Nalakip diri ang ka-upod sa negosyo…
- Ang indi tumuluo nagahunahuna nga okay lang ang mag ‘hatag suhol’ / ukon ‘doktoron ang libro’…
- Indi mag intra sa negosyo sang mga indi tumuluo – may kinalain kamo sa pamatasan…
- Templo kita sang Balaan nga Espirito… vs. 15-18
- Naghatag si Pablo sang lima ka mga kinalain para ilaragway ang iya nga punto…
- Paano mag-upod ang pagkamatarong kag pagkamalinapason…
- Paano magpakig-ambit ang kasanag kag kadudulman – ukon kasugtanan ni Jesus sa kay satanas…
- Ano nga bahin sang tumulu-o nagaupod sa di-tumulu-o – ukon ang Templo sang Dios upod sa mga dios-dios…
- Nagapuyo si Jesus sa aton tagipusoon – Templo kita sang Dios – kita ang iya mga katawhan!
- Gani mag guwa halin sa ila – napain – kag kita mangin mga anak sang Dios…
- Gin tawag kita para mangin Balaan – santos/hagios –nagakahulugan nga balaan – napain…
- Ginatawag kita nga santos – nagakahulugan nga napain kita sa kalibutan para sa Dios!
- Ang NT nga tinaga para sa simbahan – ekklesia – nagakahulugan nga gintawag paguha – sa kalibutan…
- Kon kita nga mga Cristohanon makita kag naga gawi kaangay sang mga wala nakakilala kay Jesus…
- Ngaa pa gustohon sang iban nga makabati tuhoy kay Jesus – kag magkadto sa simbahan…
- Kon kita BALAAN – mahimo kita nga mag banaag kag magtudlo sa ila padulong kay Cristo!