2 Corinthians 8:1–24

II Corinto 8:1-24

Introduction…

• I Corinto 5:1-21 – Ang pagla-um sang langit…
  • Mabaton kita sing bag-o nga lawas – ang aton nga daan nga ‘tulda’ naga gabok na…
  • Indi na kita ang ‘daan nga tawo’ – kita mangin ‘bag-o nga tinuga’ sa kay Cristo Jesus…
  • Iya kita nga gin tawag nga maglakat kag magsugid sang mensahe sang pagpasag-uli – Mga Embahador ni Jesus!
  • I Corinto 6:1-18 – Magwali sang Maayong Balita…
  • 1^st – Subong ang adlaw sang kaluwasan – Ang Dios wala naga garantiya sang buwas…
  • 2^nd – Kinahanglan nga mangin maayo kita nga ehemplo para kay Jesus – indi malain nga saksi …
  • 3^rd – Indi kita magpagota sing sampihakan sa di-tumuluo…
  • I Corinto 7:1-16 – Diosnon nga paghinulsol…
  • 1^st – Ang pagtinlo – ang kalibutan naghimo sa aton nga di-matinlo kag kinanglan naton nga magpaninlo – I Juan 1:9
  • 2^nd -Diosnon nga paghinulsol – Ang simbahan nagpanumbalik pagkatapos ni Pablo magsulat sang ‘matigdas nga sulat’…
    • Ang kasubo sa paghimo sang sala kulang pa – ini ang kasubo sang kalibutan…
    • Ang Diosnon nga paghinulsol amo ang pagtalikod sa aton daan nga pang-gawi – kag nagapanumbalik kay Jesus!
  • 3^rd – Kalugpayan kag kompiansa – sa paghinusol ang simban makatubo na kay Jesus
  • Tanan ini tuhoy sa paghatag… (4 ka butang)
• 1^st – Ang regalo para sa simbahan sa Jerusalem…
  • Ang simbahan sa Jerusalem indi maayo ang pinansyal nila nga kahimtangan …
  • Binuhatan 4:34 – Ang una nga simbahan sa Jerusalem nga nagtinguha nga magporma sang sosyalismo…
    • Ang mga may duta/ pagkabutang nagbaligya kag ginhatag sa pundo para sa pagbinuligay…
    • Ang ideya nga wala sing manggaranon kag wala sang imol sa simbahan – nagapakig-ambit sang manggad…
  • Ang problema kay ang kuwarta wala nagadugay…
    • Wala nagdugay kag ang kuwarta nga gintipon – naubos gasto…
    • Ang mga may pagkabutang nagbaligya na – amo nga imol na sila tanan…
    • Sa indi madugay ang simbahan sang Jerusalem ara na sa desperado nga kahimtangan kag nagakinanglan gid sang bulig!
    • Komunismo/ Sosyalismo amo ang klasi sang pang-gobyerno nga malaglag gid…
    • Daw kanami pamatian – bahinbahinon sang pareho ang manggad – kuha-on sa manggaranon kag ihatag sa imol…
    • Apang ang sistema nagakapaslawan tungod sang kadalok kag natural nga pagkamaiya-iyahon sang mga tawo…
    • Bisan ano nga gobyerno basta nakabase sa sosyalismo magapadulong gid sa pagka bangkarote!
  • Pagbayad sang utang nga kabalaslan…
    • Ang kasimbahanan sang mga Gentil sa Gresya – sa Corinto / Filipos – gusto mag bulig…
    • Ang Maayong Balita nagpakamaayo sa ila – kag gusto nila nga ibalik ang pagpakamaayo …
    • * Roma 15:26-27 – “ Kay ang mga tumuluo sa Macedonia kag Acaya nagbuluntad nga maghatag sang bulig sa mga imol nga mga katawhan sang Dios didto sa Jerusalem. Gusto nila nga himuon ini. Kon sa bagay may kabalaslan sila sa mga tumuluo sa Jerusalem. Kay kon indi tungod sa mga tumuluo sa Jerusalem, ining mga indi Judio wala nakabaton sang mga espirituhanon nga mga pagpakamaayo. Gani dapat nga buligan sang mga indi Judio ang mga tumuluo sa Jerusalem sa ila materyal nga mga kinahanglanon.”
    • Nag buluntad sila nga magtipon sang pinasahi nga dulot para sa mga santos sa Jerusalem…
• 2^nd – Ang Ehemplo sang TAMA ka–imol nga kasimbahanan sa Macedonia… vs. 1-5 (4 things)
  • 1^st – Ang kasimbahanan sa aminhan nga bahin sang Gresya mas imol sang sa simbahan sa Corinto…
    • May ara nga paghaumhaum nga indi sila makahatag sang madamo sa Jerusalem…
    • Sa masami gina hunahuna naton nga tungod kita imol – wala kita sang madamo nga mahimo…
    • Apang sa masami ang mga imol nga kasimbahanan – amo ang mas dako ang mahimo nga kaayuhan…
    • Ang kubos nga simbahan sa Filipo- amo ang simbahan nga nagsuporta kay Pablo – iya ini nga gaintawag nga korona niya!
    • Ang isa sa pinaka manggaranon nga simbahan – Laodicea – napurdoy sa espirito!
    • Pahayag 3:17 – “Nagasiling kamo nga manggaranon kamo, nga ginpakamaayo kamo kag wala na sing kulang sa inyo. Pero wala kamo kahibalo nga makaluluoy gid kamo, tungod kay pobre kamo sa pagtuo, bulag sa kamatuoran, kag hublas sa panulok sang Dios…”
    • Ang pag-gamit sang Ginoo wala sang kahilabtanan sa kon ano kadamo nga kuarta may ara kita…
    • Ini tanan nahanungod sa tagipusoon nga mapainubuson – kag gusto nga mag sunod sa Ginoo!
  • 2^nd – Ang simbahan may ara sang kaugalingon nga mga kinahanglanon – wala sila sa posisyon nga mag bulig sa iban…
    • Sa masami ang mga tawo nagahunahuna nga indi sila maka-sarang mag hatag sa Ginoo…
    • Nagalantaw kita sa butang nga wala sa aton – kuwarta / pagkaon – kag nagahunahuna nga indi kita makabulig!
    • Apang ang realidad kon maghatag kita sa Ginoo – mas madamo pa ang ihatag sa aton kaysa sang naga-umpisa kita!
    • Indi kita makalabaw hatag sa Dios – Ginapakamaayo Niya kita labaw pirmi sa aton nga ginahatag…
    • Apang kon tilawan ko nga taguon ang akon kwarta/kag tion para sa akon kaugalingon – mahambal ko nga daw permi gid ginakulang!
    • * Lucas 6:38 – “Maghatag kamo agod pagahatagan man kamo sang Dios. Kon maghatag ang Dios sa inyo, ginasukob gid niya sing maayo, ginauyog, ginadasok, kag nagaawas pa antes ibubo sa inyo suludlan. Kay kon paano ang inyo paghatag sa iban amo man ina ang paghatag sang Dios sa inyo.”.
    • Wala ini naga kahulugan sa paghambal nga kon makasarang kita mag hatag sa Dios – makasarang bala kita nga indi maghatag?
    • Ang paghatag indi lang nagatuhoy sa kuwarta…
    • Ayhan may ara kita sang handom nga maghatag sa Ginoo – kag mangin parte sang obra sang Dios…
    • Ang problema nagahunahuna kita nga wala kita sang butang nga mahatag sa Ginoo – wala sang kuwarta!
    • Ang Kuwarta isa lang ka ‘alagyan’ nga makahatag kita sa Ginoo – nga mangin parte sang Iya obra…
    • Ang Dios nag hatag sa kada isa sang abilidad – makahatag kita sa Dios sang aton tion kag pagpangabudlay!
  • 3^rd – Ang mga simbahan sa Macedonia naghatag – sang labaw pa sa ila nga masarangan…
    • Mahimo nga si Pablo nagapangalag-ag nga mag pangayo sa ila bangod sa ila nga kaimulon…
    • Apang nag liwat-liwat sila nga nag-ayo sang prebeliheyo nga magbulig sa simbahan…
    • Indi tungod nga dapat – kundi tungod sang ila kabubut-on…
    • Waay kita nagakinanglan nga maghatag sang bisan ano nga butang sa Dios – nagahatag kita tungod gusto naton…
    • Pareho sang isa ka gamay nga bata nga gusto magbulig sa iya amay – indi kinahanglanon…
    • Ang Dios wala nagakinahanglan sang aton nga kuwata – siya ang manunuga sang langit kag duta!
    • Apang gusto man Niya nga makabulig ang Iya nga mga anak sa Iya nga hilikoton!
  • 4^th – Nahayanghag gid si Pablo sa mga simbahan sa Macedonia…
    • Wala sila nagdinalok – bug-os ang pagdedikar nila sang ila kaugalingon sa Dios…
    • Bukas sila sa bisan ano nga direksyon nga ihatag sang Dios sa ila…
    • Masami nagahatag kita sa direksyon/panugda sang pastor – sala nga motibo…
    • Kon maghatag ka – ini tungod sa matinumanon ka nga nagasunod sa pagpanguna sang Ginoo – indi para nga magpahamuot sa mga tawo…
    • Mateo 6:1-4 – “ Kon nagalimos kamo, indi ninyo pagpahibalua bisan pa ang inyo suod nga abyan…”
    • Indi ka maghatag para dayawon ka sang tawo – kundi para dayawon ka sang Dios!
• 3^rd – Mangin maayo ka gid sa imo nga regalo nga paghatag… vs. 6-15 (3 things)
  • 1^st – Ang simbahan nangin maayo na sa iban nga mga dulot espiritwal… vs. 6-8
    • May mabaskog sila nga pagtuo / may maayo sila nga manunudlo / may maayo nga ihibalo sa Pulong…
    • Kag subong gusto makita ni Pablo nga mangin maayo man sila sa dulot nga padhatag…
    • Isa sa mga dulot sang espirito amo ang dulot nga paghatag – Roma 12:6-8…
    • Ang abilidad nga paghatag para makapakamaayo – nagahalin sa aton nga pagkapuno sang Balaan nga Espirito!
    • Indi tungod nga kinahanglan ka nga maghatag…
    • Wala nagamando si Pablo sa simbahan nga maghatag – kag wala si Pablo nagapangayo para sa iya nga kaugalingon…
    • Ang pastor INDI dapat nga magdemenda/bisan mangayo – sang kwarta – I Corinto 9:15…
    • Ang mga pastor nga nagapangayo sang kwarta – mahulog sa idalom sang paghukom sang Dios – Ezekiel 34:2
    • May mga nangin ‘Pastor’ tungod nga ila ginakabig ini nga isa ka trabaho -isa ka paagi nga makaganar kwarta…
    • Wala sila dira para maghigugma kag maghimuno sang mga tawo – maghatag sang ila kabuhi..
    • Kon nagadamo na ang problema – nagapalagyo sila – kay ila lang nga kaugalingon ang ginakabalak-an nila…
    • Juan 10:13 – “Ang sinuhulan nagapalagyo, tungod kay sinuhulan man lang siya kag baliwala lang sa iya kon ano ang matabo sa mga karnero..”
    • Maghatag ka tungod ini isa ka oportunidad nga makapakita ka sang paghigugma…
    • Isa ka praktikal nga paagi nga magpakita sang higugma ni Jesus amo ang pagtatap sa mga nagakinahanglan…
    • Mabudlay nga magsiling nga palangga ka ni Jesus kon ang imo nga ginahambalan natugnawan kag ginagutom – Santiago 2:16
    • Sa aton nga pagpakita sang Gugma sang Dios – may oportunidad kita nga ipa-ambit ang Higugma sang Dios!
  • 2^nd – Ang ehemplo ni Jesus… vs. 9-11
    • Nangin ma-imol si Jesus – para mangin manggaranon kita…
    • Nakita ni Jesus nga tanan nga tawo nagapadulong sa kalaglagan – amo nga nanaog Siya para luwason kita…
    • Pwede nga nagkadto tani ang Dios sa duta sa bisan ano nga paagi- bilang isa ka mangaran nga Hari…
    • Sa baylo ginpili Niya nga magkari bilang isa ka lapsag – nga naputos sa trapo – sa isa ka bodega…
    • Ginhatag ni Jesus ang tanan nga ara sa Iya – para nga mahatag Niya sa aton!
    • Nangin mga manunubli kita sang tanan nga Iya sang Dios – pareho nga manunubli ni Jesu Cristo!
    • Buot silingon nga ginahandom sang Dios nga ihatag sa aton ang TANAN – ang Iya nga KAHARIAN – Lucas 12:32
    • Tapusa ang imo nga gin-umpisahan…
    • Mahimo nga ang simbahan sa Corinto ang una nga nag-panugda nga magbulig sa Jerusalem…
    • Apang ‘nadulaan sila sang interes’ kag daw nalimtan na lang ini…
    • Tungod sang madako nga pag-responde sang Macedonia – gusto ni Pablo nga tapuson ang obra…
    • Gusto ni Pablo nga ang simbahan sa Corinto magpakita sang ila nga madako nga paghigugma para sa iban nga mga santos!
    • Gusto niya nga mangin kaangay sila ni Jesus – maghatag para pakamaayohon ang iban!
    • Wala sa aton sang gusto nga makakita nga naga-antos ang iban – wala sang pagkaon – ginakulang sang mga kinahanglanon…
    • Madali ang magtulok sa problema – ang pamangkot, ano ang aton nga himoon…
    • Kulang nga makit-an lang naton ang problema – kinahanglan naton nga mag-guha kag magbulig nga halin sa aton kabubut-on!
    • Mangin katulad ni Jesus – kon makakita kita sang nasaktan / nagakinahanglan- pakamaayohon ta sila!
  • 3^rd – Ihatag kon ano ang imo masarangan… vs. 12-13
    • Waay kaso kon pila ang imo ihatag – may kabilihan ang paghunahuna kag pagkabalaka…
    • Marcos 12:42-44 – – ang ma-imol nga nabalo nga naghatag sang duwa ka pisitas – mga 50 sentimos…
    • Gintawag ni Jesus ang mga disipulo kag ginhambalan sila – mas madamo ang ginhatag niya kon ikumpara sa tanan nga ginhatag sang mga manggaranon!
    • Ang mga manggaran naghatag sang ila nga sobra – siya naghatag bisan nga ginagutom siya – ginhatag niya ang iya tanan!
    • Wala ini nahanungod sa kadamoon – ang paghatag sang madamo wala sang kahulugan kon daw wala man lang ini bili sa aton…
    • Nahanungod ini sa pagsakripisyo – paghatag halin sa tagipusoon – pagpakita sang aton nga paghigugma sa Dios!
    • Kon may nagakinahanglan – kag maghatag ka bisan diutay – bisan kulang pa…
    • DAKO na ina nga pagpakamaayo sa ila – tungod nahibaloan nila nga nagakabalaka ka para sa ila!
    • Indi gusto sang Dios nga magutoman ka – para makakaon ang iban…
    • Buot silingon, mangin maalam ka sa imo nga paghatag – indi ka maghatag sang labaw sang sa masarangan mo…
    • Kon ihatag mo ang imo nga panihapon – kag nagakahulugan nga indi makakaon ang pamilya mo – indi na lang pag-ihatag…
    • Kon maghatag ka sang P20 sa isa nga wala na gid – kag nagakahulugan nga indi ka maka merienda – basi maayo nga ighatag mo
    • Ibalanse ang manggad sa simbahan…
    • Suno sa ginsulat – ang nagtipon sang madamo naubsan man – Exodo 16:18…
    • Sang ara sa kamingawan ang mga anak sang Israel sa sulod sang 40 ka tuig…
    • Kinahanglan nila nga mangolekta sang manna para makakaon sila – wala sobra / wala kulang…
    • Sa lain nag tinaga, ipatag ang latagon – ang mga may madamo maghatag sa mga nagakinahanglan…
    • Kon may kwarta ka – usara ina para ipakamaayo ang iban – isa ka adlaw sila naman ang magpakamaayo sa imo!
    • Indi nga ipahulam ang kwarta – indi ina pagpakamaayo – ‘pa-utang’ ina…
    • Roma 13:8 – “ Dapat indi kamo magpabilin nga may utang bisan kay sin-o, luwas lang sa utang nga amo ang paghigugmaanay sa isa kag isa. Ang nagahigugma sa iya isigkatawo nakatuman sang Kasuguan.”
    • Mas maayo nga ihatag na lang kon may ara ka – usara ang kwarta para sa iban…
    • Kay kon wala kita sang kwarta – ang mga ginbuligan ta amo naman ang mabulig sa aton…
• 4^th – May pananalabton… vs. 16-24
  • Ginpadala ni Pablo si Tito kag isa pa gid ka utod sa Corinto para kolektahon ang regalo…
  • Ang ‘isa ka utod’ basi si Lucas – ang manunulat sang Maayong Balita kag sang Binuhatan…
    • Isaka tawo nga kilala sa tanan nga kasimbahanan nga manugwali sang Maayong Balita…
    • Isa ka tawo nga kaupod sa paglakbay nila ni Pablo kag ni Tito…
    • Ginpili siya sang simbahan tungod sang iya maayo nga reputasyon…
    • Pero indi kita sigurado kon sin-o gid siya – wala ginsambit sa Bibliya kon sin-o siya…
  • Pagakolektahon nila ang kwarta kag dal-on sa mga santos sa Jerusalem…
    • Ang rason sang pagpadala sang duwa ka tawo – para nga may pananalabton sa kwarta…
    • Indi gusto ni Pablo nga may mga pag-akusar – mga pamangkot tuhoy sa integridad…
    • Para sa ina nga katuyoan, nagpadala pa gid si Pablo sang isa ka masaligan nga utod nga mag-upod sa ila…
    • Amo nga sa kabilogan – ang pundo/suporta pagadal-on sang tatlo ka mga tawo nga may maayo nga reputasyon…
    • Kon may mamangkot nahanungod sa mga tawo nga ini – gintawag sila ni Pablo nga mga ‘Apostoles’!
  • Kon kwarta ang paga-istoryahan – importante gid ang pananalabton…
    • Bisan ano nga ministry okon bisan sino nga pastor kinahanglan nga indi kwestyonable pag-abot sa kwarta…
    • Kinahanglan nga may kompiansa ang mga tawo nga ang ginahatag – gina-usar para sa obra sang Ginoo…
    • Kon ano ang gina-obra sang Pastor/lider sa mga ginahatag sang mga tawo – nagabanaag sa kay Jesus…
    • Kon ang pastor ginausar ini para sa iya nga garboso nga pangabuhi – kaugotan ina sang mga tawo…
    • Kon nagahatag sila halin sa ila nga mga kinahanglanon – kag ang pastor nagapahunayhunay sa maluho nga pangabuhi – indi maayo…
    • Masaylo ang ka-ugot sang mga tawo sa Dios – nga gina-representar sang pastor…
    • Amo na kon ngaa indi pwede mangin mahamkunon sa kwarta ang pastor- I Timoteo 3:3
    • Amo na kon ngaa kinahanglan nga masligan siya – kag may maayo nga reputasyon – I Timoteo 3:7
    • Ang matuod nga tagipusoon sang isa ka Diosnon nga pastor amo ang nagatinguha siya nga makahatag sa mga katawhan sang Dios…
    • * Binuhatan 20:34-35 – “Ginhimo ko ato agod ipakita sa inyo nga paagi sa sini nga pagpangabudlay mabuligan ang mga imol. Dumdumon ta permi ang ginsiling ni Ginoong Jesus nga mas bulahan ang nagahatag sang sa nagabaton.”
    • Paghatag sa mga tawo bilang ehemplo – mas maayo ang maghatag sang sa magbaton!