These are the original teaching notes from this passage.
Magpakabakod sa Ginoo… (3 ka punto)
- 1st – Ang mabakod nga matutom nga alagad… vs. 1
- 1st –Si Pablo nagmando kay Timoteo nga mangin mabakod… vs. 1
- Mangin mabakod- ang padayon nga mando kada adlaw nga magmabakod..
- Mabaskog- diri nakuha ang pulong nga dinamita- ang nagalupok nga mabaskog!
- Amo ini ang gahom nga aton mabaton!
- Kinahanglan naton ang ini nga gahom kada adlaw pero indi ini halin sa aton!
- Tanan kita gusto magbaskog sa pagkabuhi nga nagadayaw sa Dios…
- Ang problema nga damo mga Kristohanon nga nagatinguha sa pagkabuhi sa ila kusog…
- Abi nila kon damo sila ginhimo sa Dios magtubo sila sa Iya…
- Indi nasandig sa pagbasa sang Bibliya ang pagkamaayo ukon malain nga tawo…
- Kon tinguhaan sa pagsunod sang layi- ma bag-o ang sa guwa pero dali lang…
- Delikado ini nga mga layi kay indi ini makabag-o sang aton tagipusoon!
- 2nd – Magmabakod sa grasya nga ara kay Jesu Cristo…
- Grasya- charis- 156 nasulat sa NT- regalo sang Dios…
- Ang gahom nga kinahanglan sa pagkabuhi halin sa libre nga regalo sang Dios- Iya grasya!
- Kon kita magtinguha kabuhi nga balaan- kag kon sa aton lang nga gahom- mapaslaw kita…
- Sa pagkilala lang sa Dios kay kita maluya!
- Pero sa aton kaluyahon kita nagatawag sa Dios kag makaagom kita sang gahom…
- Kon makilala naton nga kita maluya- makatuon kita magdepende sa gahom sang Dios…
- Sa kay Jesus kita mabaskog- sa Iya lang kita may abilidad nga magtindog sa Dios!
- May duha lang ka ginhalinan sang kusog sa aton pagkabuhi sa Dios…
- Ma depende sa aton kusog- magsunod sang mga layi nga daw balaan kita…
- Ukon gadepende sa kusog sang Dios- sa Iya grasya nga mangin tuod nga balaan kita!
- 2 Corinto 12:9 – “Ang akon bulig amo lang ang imo kinahanglan. Kay makita gid ang akon gahom kon maluya ka.”
- 1st –Si Pablo nagmando kay Timoteo nga mangin mabakod… vs. 1
- 2nd – Ang ihimplo nga kita mabaskog… vs. 2-7 (4 ka ihimplo)
- Si Pablo naghatag kay Timoteo sang apat ka ihimplo nga mabaskog… vs. 7
- Ang iya kaugalingon/ soldado/manudalagan/ naga panguma…
- Sa katapusan sang iya ihimplo siling niya kay Timoteo nga hunahunaon ang iya ginhambal…
- Para nga ang Ginoo makahatag sa iya paghangop sa iya ginapanghambal…
- Kay si Pablo wala nagahatag kay Timoteo sang iya ulubrahon kundi halimbawa…
- Mga ihimplo nga magamit sa kabuh kon paano magbakod sa Ginoo!
- 1st –Si Pablo ihimplo kon paano magpabakod… vs. 2
- Ang mga butang nga inyo nabatian halin sa akon kag sa iban man…
- Si Timoteo nakabati sang Pulong halin kay Pablo sang siya nandulo sa kadam-an…
- Tungod sa gahom sang Pulong sang Dios!
- Amo na nga nagahatag kita tion sa pagtuo sang Pulong- pagtudlo sang Bibliya…
- Sa Domingo sa NT/ sa Miyerkules sa OT/kag may online Bible Studies pa…
- Ginatinguhaan nga ang Pulong sang Dios mahatag sa tanan para mangin mabaskog kita!
- Roma 10:17– “…ang tawo magatuo lang kay Cristo kon makabati siya sang mensahi parte sa iya. Kag ining mensahi mabatian lang kon may ara nga magtudlo sini.”
- Si Pablo nagtudlo kay Timoteo paagi sa Pulong- pero naghatag man siya ihimplo…
- Ang ihimplo ni Pablo nga ginhatag amo ang pagkabuhi paagi sa gahom sang Dios!
- Importante nga si Pablo indi lang nagtudlo sang pulong-kundi paagi sa buhat!
- Filipos 3:17 – “Mga utod, sunda ninyo ako. May mga tawo man dira nga pareho gid sa amon ang ila kabuhi. Sunda man ninyo sila.”
- Damo nga mga tawo gusto magsunod sa ila nahambal indi sa ila nahimo…
- Ang ila kabuhi indi nagasanto sa ila nahambal- indi athag sa nagasunod sa ila…
- Wala kita nagatuon paagi sa pagpamati kundi sa pagtan-aw kag pagsunod sang ihimplo!
- Magsunod sa mga ihimplo nga ang ila hambal kag buhat puno sang gahom sang Grasya!
- Ang Pulong nga imo nabatian itudlo man sa iban nga mga matutom/masaligan…
- Matutom/masaligan- ma pakita nila nga sila mga matutom…
- Si Timoteo magtudlo man sang pulong sa ila-para sila man magtudlo sa iban!
- Si Pablo nagahulat nga sentensyahan- ang iya tuod sang pagpanudlo dali nalang matapos…
- Gina pasa niya ang responsibilidad kay Timoteo pero si Timoteo indi man magdugay…
- Ipasa man niya ang responsibilidad sa iban- magtudlo kon paano magbakod sa Ginoo!
- Indi lang kita magbasa sang Bibliya-magmabakod sa graysa sang Dios- ipasa naton sa iban..
- Kada generasyon dapat makatuon sang grasya sang Dios-may relasyon kay Jesus…
- Ang Dios wala apo- maghatag tion sa pagtudlo sa iban parti sa Dios!
- 2nd – Ang Maayo nga Solodado-ihimplo sang Mabaskog… vs. 3-4
- Mag-ambit sang mga pag-antos bilang maayo nga soldado ni Jesu Cristo…
- Magpadayon sap ag-antos- 4 nasulat sa NT (3 diri sa 2 Timoteo) – malaot nga pag-antos…
- Maayo nga soldado- ang isa ka tawo nga malakat sa giyera para sa maayo nga kausa!
- Sang si Hitler nagsakop sang Europe sang 1939-ang mga lalaki nagbulig bato sa giyera…
- Nag-ambit sila malaot nga pag-antos kay kabalo sila maayo ang ila napakigbatuan!
- Dapat handa kita sa pag-antos/magpabakod kita kay ara kita sa giyera…
- Ang aton nagakigbatuan ang tagipusoon kag hunahuna sang mga wala kakilala kay Jesus!
- Si satanas sang malaot nga kaaway-maghanda kita sa pag-away…
- Si satanas nagahatag sang damo nga paglalis sa kalibutan para indi makita si Jesus…
- Tanan sila isa lang ang tuyo- para indi makalakat ang mga tawo sa langit!
- Ang ginbulag ni satanas sa mensahi sang Pulong- 2 Corinto 4:4
- Ang ini nga giyera indi sa armas kag bomba kundi sa pangamuyo kag Pulong sang Dios!
- 2 Corinto 10:4-5 – “…kundi ang gahom sang Dios amo ang armas nga amon ginasaligan. Amo ina ang amon ginagamit sa pagdaog sa sala nga mga rason sang mga tawo nga bugalon kag indi magpati sa mga pagpanudlo sang Dios. Bisan ang ila sala nga mga rason nga pareho sang mabakod nga pader nga nagasablag sa ila sa pagbaton sang kamatuoran ginaguba namon. Ginahaylo namon ang ila mga hunahuna agod magmatinumanon sila sa mga sugo ni Cristo.”
- Paano mangin Maayo nga Soldado…
- Wala siya nagapasiod sang mga nagakatabo/gamit sa kabuhi…
- Wala siya nagaobra sang iban pa nga mga obra agod mapalipay niya ang iya opisyal
- Ang isa ka soldado wala nagatan-aw Tv kon maglakat sa away…
- Ukon nasigurado ang iya cell phone na charge antis maglakat sa giyera…
- Ang iya lang nga napinsar nga mahimo ang nasugo sa iya- mag-alagas sa kumander!
- Maghalong nga indi ka sa tunga-tunga- pagsunod kay Jesus ukon hampang sa kalibutan…
- Magkabuhi diri sa kalibutan kag sa Ginoo- indi ikaw matutom kay Jesus!
- Mateo 6:24 – “Wala sing tawo nga makaalagad sing dungan sa duha ka agalon…”
- May simple nga pagpili- sin-o naton nahatag ang aton kabuhi-sin-o kita naga alagad…
- Kon magkabuhi kita sa kalibutan- indi kita magbaskog kay Jesus!
- Santiago 4:4 – “Gani, kon palabihon ninyo ang mga butang diri sa kalibutan sang sa Dios, ginahimo ninyo ang inyo kaugalingon nga kaaway sang Dios.”
- 3rd – Dapat pareho kita sang manugdalagan/manughampang… vs. 5
- Kon may naga palumba- indi sa magdaog kon wala siya katapos…
- Ang nagapalumba- diri lang nahambal sa NT-nagapalumba para sa premyo…
- Korona- may bulawan nga medal sa Olympics!
- Ang Olympic nagsugod sa Greece- bantog nga tion sa kalibutan…
- Ang mga nag intra sa Olympics ginpanghanas para makuha ang korona…
- Ang ila nga padya dahon (laurel) nga korona- pila lang ka adlaw malaya na!
- Kita man naga intra sa palumba para madaog ang korona…
- 1 Corinto 9:25 – “Ginahimo niya ini para sa premyo nga umalagi lang. Pero kita nga mga tumuluo nagahimulat para sa premyo nga indi gid madula.”
- Ang iban mga Korona kuno- ang padya mga mabaton sa Bema Seat– 2 Corinto 5:10
- Ang hukom nga pulunkuan- Bema Seat- indi ini hukom sang sala…
- Ang Bema seat-diri ang mga padya ihatag sa mga naga intra sa Olympics…
- Diri mabaton ang mga maayo nga butang nga ginhimo sa Ginoo – 1 Corinto 3:13
- Ang mga butang nga ginhimo sa Dios makabaton kita korona sa langit…
- Para mahaboy naton ang mga korona sa tiil ni Jesus- Pahayag 4:10
- Ang padya sang mga korona nahambal lang ka lima sa Bibliya…
- 1 Corinto 9:25 / 2 Timoteo 4:8 / Santiago 1:12 / 1 Pedro 5:4 / Pahayag 2:10
- Ang Korona- isa lang indi damo nga mga Korona- isa lang…
- Ang Korona permi may sunod kon ano siya klase…
- Korona nga eternal/Korona (pagkamatarong)/Korona (kabuhi)/Korona (Himaya)…
- Ang ideya diri nga isa lang ka Korona aton mabaton amo ang kabuhi nga wala katapusan!
- Sang bata ukon tigulang kita naluwas-ang aton padya Langit– Mateo 20:1-16
- Basi naluwas ka nga Apostol ukon isa ka pa lang ka adlaw naluwas- langit ang padya…
- Indi sa kon daw ano kadako sang aton ginhimo sa Dios…
- Naghanas- bira obra-para matapos asta sa katapusan para maka lakat sa langit!
- Ang isa lang sa manugdalagan ang makakuha sang Korona kon magsunod siya sa mga rules…
- Si Lance Armstrong nagdaog sang Tour de France sa 7ka tuig pasunod (1999-2005) …
- Pero nadakpan nga naga gamit siya sang druga- ginkuha sa iya ang tanan…
- Kon indi ka magsunod sa rules-bisan nakatapos ka indi ka paghatagan korona…
- Indi ka na pwede kag ang imo padya kuhaon sa imo!
- Kaangay sa naga palumba- kita man ara sa palumba…
- Hebreo 12:1 – “Padayunon ta gid ang aton pagdalagan hasta sa katapusan.”
- Bisan ano nga hampang- may mga pagsulundan nga dapat sundon…
- Bilang tumuluo ni Jesus-kita ginpatawad- pero indi buot silingon indi na kita kahimo sala…
- Ang aton Espiritu bag-o nga tinuga pero ang aton lawas makasasala gihapon…
- Naga atubang kita sang mga pagtilaw- ang aton mga handom kag makasala kita gihapon…
- Kon magpadala kita sa sala-naga tig-a ang tagipusoon sa Dios- indi na kita kaintra…
- Ang delikado nga indi nakita magpadayon- mauntat nalang kita pakigbato…
- Dapat may disiplina kita-magtulok sa premyo-mangin baskog kay Jesus!
- 1 Corinto 9:27 – “Gani kon may mga malain nga handom sa akon lawas, ginahimulatan ko gid nga punggan ini kay basi kon sa tapos ko matudluan ang mga tawo, ako pa ang indi makabaton sang balos halin sa Dios.”
- 4th – Pareho sa MANGUNGUMA nga NAGAPANGABUDLAY ihimplo sang MABASKOG… vs. 6
- Ang mangunguma dapat nagapangabudlay para may anihon…
- Nagapangabudlay- graben ga kakapoy pero sige obra!
- Nagabugtaw aga pa-bira obra bilog nga adlaw asta sa gab-i…
- Paagi sa iya balhas – makita ang maayo nga patubas!
- Kaangay sa mangunguma- dapat maobra ktia para may patubas…
- Ang aton gina ani amo ang kalibutan-ang mga tawo handa na sa pagpamati sang Pulong!
- Ang problema kulang manug obra- indi lang ktia mamati kundi maglakat kag manugid!
- Lucas 10:2 – “Malapad ang alanihon pero diutay gid lang ang manug-ani. Gani magpangamuyo kamo sa Ginoo nga tag-iya sang alanihon, nga magpadala siya sang mga manug-ani sa iya alanihon.
- Ang kalibutan luto na- damo nagutom sang Maayong Balita-pero sin-o malakat…
- Mangamuyo kita nga may ipadala si Jesus- indi kita mangamuyo nga ipadala ni Jesus!
- Pero ang pagsugid sang Pulong indi hapos- budlay in inga obra…
- Indi ka lang magpungko bilog nga adlaw kag maghulat nga mamangkot sila kay Jesus…
- Dapat maglakat kita kag mag arado/magtanom/mamunyag para may anihon…
- Indi sa aton kusog-kundi paagi sa pagpabakod sa Ginoo!
- 1 Corinto 3:7 – “Indi importante ang nagatanom kag ang nagabunyag. Ang Dios lang gid ang importante kay siya ang nagapatubo.”
- Dumdumon ang pagkabanhaw… vs. 8-10
- 1st – Dumdumon si Jesus… vs. 8
- Magdumdom- si Jesu-Cristo nga nabanhaw nga kaliwat ni David…
- Ang Judio nga title sa Messiah- ang promisa sang Dios kay David – 2 Samuel 7:16
- Sin-o ang nagbanhaw halin patay!
- Ang aton tawag sini – Maayong Balita-ang mensahi sang kaluwasan!
- Ang Maayong Balita nga si Jesus wala lang napatay-tanan mapatay pero Siya nabanhaw!
- Paagi sa pagtuo kay Jesus kag paagi lang sa pagtuo kay Jesus kita napatawad/ naluwas!
- Subong wala na kita nahadlok sa kamatayon- indi na maka dulot sa aton–1 Corinto 15:55-57
- Kon mapatay kita- malakat kita sa langit upod kay Jesus sa wala sang katapusan…
- Kabalo kita nga indi ini katapusan-sugod ini sang kabuhi nga wala katapusan!
- 2nd – Nag-antos tungod sa Maayong Balita… vs. 9
- Tungod sa Maayong Balita si Pablo nag-antos nga daw may malaot nga ginhimo…
- Nag-antos- amo man nga pulong sa verse 3 – sa pag-ambit sang pag-antos…
- Asta nan ga ginkadenahan siya-gipris-sa pagtinguha nga mapahipos ang Maayong Balita!
- Pero ang Pulong indi magapos/ wala sang may maka tago sang kamatuoran!
- 1 Pedro 1:25 – “…pero ang pulong sang Ginoo nagapadayon sa gihapon. Kag ini amo ang Maayong Balita nga ginwali sa inyo.”
- Lucas 21:33 – “Madula ang langit kag ang duta, pero ang akon mga pulong indi gid madula kundi matuman gid ini.”
- 3rd –Ginbatas ang tanan… vs. 10
- Gani tungod sa Maayong Balita-gin-antos ni Pablo ang tanan…
- Ang paglaom nga ang mga ginpili makabaton man sang kaluwasan nga ara kay Cristo Jesus.
- Handa si Pablo mag-antos sa prisohan kon ang resulta sini kaluwasan sang iban!
- Colosas 1:24 – “Karon malipayon ako sa akon mga pag-antos para sa inyo. Kay paagi sa akon lawasnon nga mga pag-antos nagabulig ako nga matapos ang mga pag-antos ni Cristo para sa kaayuhan sang iya lawas nga amo ang iglesya.”
- Sigurado indi kulang ang sakrispisyo ni Jesus sa krus…
- Sang tapos na ang obra ni Jesus siling Niya- ‘tapos na’- wala na sang may idugang!
- Pero wala kita kakita sang paglansang kag pagkapatay ni Jesus…
- Ang pag-antos ni Pablo para sa iban nga makita si Jesus sa iya kabuhi!
- Hapos lang magsimba kay Jesus kon ok lang ang tanan- wala sang may makakita sa imo…
- Pero kon nagamasakit/malain ang natabo- pareho tanan ang ginahimo…
- Imbis nga magreklamo sang kagamo sang kabuhi- mabaskog kita sa gahom sang Dios…
- Dira makita sang tawo si Jesus nga paagi sa imo kasakit padayon ka sa kay Jesus!
- 4th –Dumdumon ang matutom nga ginasiling… vs. 11-13
- Matutom nga ginasiling- pulong nga makabulig sa aton magsalig sa gahom sang Dios…
- May 4 ka ginsiling si Pablo nga ginhatag kay Timoteo…
- Nagasugod ini sa pulong nga ‘Kon’- pero sila nga 4 buot silingon ‘Kay’!
- 1st – Kay kita napatay upod kay Jesus- magakabuhi man kita upod kay Jesus… vs. 11
- Juan 14:2 – “Magauna ako didto para magpreparar sang lugar para sa inyo.”
- Si Jesus nagbalik sa langit sa pagpreparar sang mansion para sa aton sa wala katapusan!
- Ang langit ang pinak nami nga lugar- labaw pa sa aton paminsaron!
- Isa ka libo katuig ang kinahanglan para ipakit sang Dios ang langit sa aton!
- 1 Corinto 2:9 – “Wala pa gid sing may nakita, nabatian, ukon nahunahuna ang tawo nga sarang maikomparar sa mga butang nga ginpreparar sang Dios sa mga tawo nga nagahigugma sa iya.”
- 2nd – Kay nagabatas kita sa mga kabudlayan… vs. 12
- Juan 15:4 Nahambal nga luwas kay Jesus wala kita sang may mahimo!
- Dapat magpabilin kita sa Iya para nga kita makapamunga!
- Magpabilin- mas klaro kon maghambal kita mangapyot tudo-indi magbuhi!
- Magpaidalom kag mag magpabilin…
- Ang bunga sang naangot kay Jesus!
- Ang problema kon ang aton kabuhi naangot sa kun lain lain…
- Kon isaksak ang suga sa kawayan-wala sang may matabo-kon sa saksakan masiga siya!
- Pero kita nagapangita sang gahom sa kalibutan- kag nagatingala ngaa wala kita gahom!
- Sa kay Jesus lang kita maangot kay may kasanag-kag mahatag siya sang Iya gahom!
- Kay nagabatas kita sa kabudlayan- maupod kita kay Jesus…
- May adlaw nga maabot ang mga tumuluo (simbahan)- maga dumala sa kalibutan!
- Matukod siya sang Iya Ginharian- magdumala sa 1000 ka tuig sa duta- Pahayag 20:1-7
- Kita nga Iya simbahan-maupod sa Iya halin sa langit (upod kita sa iya sa rapture)…
- Magadumala kag maghukom sang nasyon upod kay Jesus sa 1000 ka tuig– 1 Corinto 6:2
- Pahayag 5:10 – “…Kag padumalahon mo sila sa kalibutan.”
- Pahayag 2:26-27 – “Kay ang mga mandadaog kag nagapadayon sa pagtuman sang akon kabubut-on hasta sa katapusan hatagan ko sing awtoridad nga pareho sang akon nabaton halin sa akon Amay. Dumalahan nila ang mga nasyon, kag wala gid sing may makakontra sa ila pagdumala. Ang mga nasyon mangin pareho lang sa kolon nga ila pagadugmukon.”
- 3rd – Kay ginpanginwala mo si Jesus- ipanginwala ka Niya… vs. 12
- Mabaskog nga warning-sa mga manginwala kay Jesus- ipanginwala sila ni Jesus!
- Mateo 10:33 – “Pero ang bisan sin-o nga wala nagakilala sa akon sa atubangan sang mga tawo, indi ko man pagkilalahon sa atubangan sang akon Amay sa langit.”
- Si Jesus lang ang sabat-pero kon tig-a ang aton tagipusoon kag panginwala Siya…
- Wala na paglaom sang kaluwasan para sa aton- isa lang ang dalan sa langit- kay Jesus lang…
- Ang indi mapatawad nga sala amo nga mapatay nga ginpanginwala si Jesus nga Manluluwas!
- 4th – Kay indi ikaw matutom- ang Dios padayon nga matutom… vs. 13
- Kay wala kita pagtuo- ang Dios nagapabilin nga Matutom…
- Kay wala Siya gahom nga ipanginwala ang Iya ginahambal!
- Abi naton bugayan kita sang Dios bangod sa aton ginahimo…
- Pero kon indi kita matutom- kon magpakasala kita-indi maayo ang aton adlaw…
- Indi amo ina ang Ginoo-bisan indi kita matutom – padayon ang Iya bugay sa aton…
- Amo ina ang Grasya- indi sa aton hinimuan – ini tanan sa Iya kusog kag gahom sa aton!