Colossians 1:1–2

ANG PAGPAKILALA Sang Colossians (6 ka butang)…

• ANG BUG-OS NGA KATUDLO-AN SANG DIYOS
  • Ang aton nga ginahandum amo ang pagtudlo sang bug-os nga Bibliya Genesis asta Pahayag
  • Binuhatan 20:27 – Kay wala gid ako sing may gintago sa inyo parte sa bug-os nga katuyuan kag plano sang Dios.
  • Kay natapos ta na ang Filipos – mapadayon na kita sa Colosas…
• 1^st – sin-o ang nagsulat sang libro sang Colosas…
  • Si Pablo amo ang nagsulat sang Colosas…
  • Ang amo man mismo nga Pablo nga aton ginasundan halin pa sa Binuhatan chapter 13 asta 28…
  • Si Pablo nagsulat sang 13 ka libro sang Bag-ong Katipan (14 kun iimpon ta ang Hebrews)…
  • Ang mga kasulatan ni Pablo pwede mabahin sa 3 ka naglain-lain nga kategorya…
  • 1^st – Ang tatlo ka mas madako nga mga kasulatan ni Pablo – Roma / 1 Corinto / 2 Corinto…
  • 2^nd – Ang anum ka mas manubo nga mga sulat para sa mga nagkalain-lain nga mga simbahan…
    • Kun ang mga mas dalagko nga libro may 13-16 chapters / ining mga manubo nga libro may 4-6 ka chapters lang…
    • Galacia / Efeso / Filipos / Colosas / 1 and 2 Tesalonica…
  • 3^rd – Ang mga Kasulatan pra sa mga pastor – 1 Timoteo / 2 Timoteo / Tito / Filemon
• 2^nd – Ano ang tema sang Colosas…
  • The pinaka tema sang libro – si Jesus lang gid ang aton kinahanglan…
  • Colosas 2:9-10 – “  Ang matuod, si Cristo nangin tawo, kag bisan nangin tawo siya, ara pa gihapon sa iya ang iya pagka-Dios.  Ang bugana nga kabuhi ara sa inyo tungod nga kamo ara kay Cristo nga nagagahom sa tanan nga mga espiritu nga nagahari kag may awtoridad.”
  • Bilang mga disipulo ni Jesus, dapat nga magtubo kita kag mangin maalam sa pagkabuhi paagi sa iya nga Bugay..
  • Ang Bugay ni Kristo amo ang isa sa kinahanglanon nga butang para sadsaran sa pagtukod sang Pagtuo nga Kristohanon.
  • Dapat mahangpan ta kag maangkon halin kay Hesus tanan nga kinahanglanon ta para sa kumpleto kag abunansya nga panglakaton upod sa aton Ginoo…
  • Tanan nga ginatanyag sang Diyos para sa aton nga pagpangabuhi diri sa Kalibutan, yara sa aton Ginoong Hesu Kristo!
  • Colosas 3:4 – “Si Cristo amo ang inyo kabuhi; kag sa pag-abot sang adlaw nga igapahayag siya, igapahayag man kamo kaupod niya nga may gahom kag dungog.”
  • Sa pagtubo naton sa pagsalig kag pagsandig sa bugay nga hatag ni Kristo, – pagsunod sa iya sa aton kabuhi…
  • Si Hesus mangin aton nga tanan-tanan sa aton kabuhi. – Colosas 3:1
  • Sa kay Hesus, mahimun-an ang aton mga kinahanglan para makapangabuhi nga balaan kag matarong!
  • 2 Pedro 1:3 – “ Ang gahom sang Dios ang naghatag sa aton sang tanan naton nga mga kinahanglanon sa pagkabuhi nga diosnon paagi sa aton pagkilala sa iya nga nagtawag sa aton. Gintawag niya kita paagi sa iya makatilingala nga gahom.”
  • Basi pareho ka man sa akon, nagatingala kag nagaduwa-duwa kun kaya mo gid magpangabuhi para kay Jesus…
  • Sa kadamoon sang temptasyon sa kalibutan- sa kadamuon sang sala nga aton mabuhat…
  • Posible gid bala mangabuhi sang matarong kag balaan nga kabuhi para sa Ginoo – paano?
  • Ang sabat – Oo – kay ginpakamaayo na kita sang Ginoo kag ginhatagan sang aton mga kinahanglanon!
• 3^rd – Diin ang Colosas…
  • Ang siyudad nahamtang sa Turkey – ang ngalan sang siyudad subong – Chonae…
  • Mga 100 ka milya halin sa siyudad sang Efeso nga yara sa patag nga malapit sa suba nga Likus…
  • Nahamtang siya sa tiilan sang Mt. Cadmus – 3000 ka metro nga bukid nga pirme may kalo nga nyebe…
  • May ara duwa pa ka siyudad sa patag – Laodicea kag Hierapolis…
  • Pahayag 3:15 – “Nahibaluan ko ang inyo mga ginahimo. Nahibaluan ko nga indi kamo pareho sa mabugnaw ukon mainit nga tubig. Kuntani mabugnaw ukon mainit kamo. Pero tungod kay pareho kamo sa maalabaab nga tubig ibuga ko kamo!”
  • Bantog nga lugar ang Colosas tungod sang iya nga mga bukal-bukal nga matugnaw nga nagahalin sa Mt. Cadmus…
  • Bantog naman ang Hierapolis tungod sang mainit nga mga bukalbukal…
  • Ang tubig nga gahalin sa Colosas kag Hierapolis naga-ilig pakadto sa Laodicea…
  • Nagaimpon ang init kag tugnaw nga tubig kag naging maalabaab lamang– indi makapaumpaw kag indi makapatawhay – idupla na lang!
  • Pahayag 3:16 – “Pero tungod kay pareho kamo sa maalabaab nga tubig ibuga ko kamo!”
  • Indi kita pwede mangabuhi nga natunga ang aton tagipusoon – tunga para sa Diyos, kag tunga para sa kalibutan…
  • Kun Domingo, nagapanglakaton kag nagapamulong nga daw Kristohanon – pero sa iban nga adlaw nagapakasala…
  • Mahangpan ta nga daw nag alabaab na kita – kag ginluad kita ni Hesus!
  • Ang tatlo gid ka siyudad naguba sang linog sang 60 A.D….
  • Ang Colosas wala gid maampawan sa dako nga halit…
  • Nangin magamay na lang siya nga siyudad sa punta sang Likus River valley…
• 4^th – San-o ginsulat ang libro…
  • Ginahuna-huna nga ginsulat ini ni Pablo sa mga tion nga 60 asta 62 A.D….
  • Sa sina nga tion , napreso si Pablo sa Roma – house arrest . Una niya nga pagkapreso…
  • Apat ka sulat ang nasulat ni Pablo samtang napreso – Efeso / Filipos / Colosas / Filemon…
  • Si Onesimus isa ka esklabo nga nakapalagyo halin Colosas nga naluwas sa Roma…
  • Si Epaphras ang nagtukod sang simbahan sa Colosas – Colosas 1:7 / 4:12
  • Ang simbahan sa Colosas nagatipon-tipon sa balay ni Filemon – Filemon 1:2
  • Nagkadto si Epaphras sa Roma para ipahayag kay Pablo ang pila ka mga problema sa simbahan…
  • Gin sulat ni Pablo ini nga kasulatan patuhoy sa mga problema – ginpadala niya ini sa Colosas paagi kay Onesimus…
• 5^th – Ngaa ginsulat ni Pablo ang libro sang Colosas…
  • 1^st – May mga huwad kag manugpatalang nga mga katudluan nga nakasulod sa simbahan…
    • Ang una nga huwad nga katudluan amo ang ‘eastern philosophy’…
    • Ang Pilosopiya nga naghalin sa Sidlangan nagatudlo sang kahadlok kag mga dispirates…
    • Nagatudlo nga tanan nga makit-an mo sa palibot – may kalautan…
    • Pero si Pablo nakigbais kag nagpahayag nga ang Diyos ang nagbuhat sang tanan nga butang sa kalibutan – Colosas 1:16 – kag tanan maayo!
    • Ang eastern philosophy nagatudlo man nga ang mga angeles / espirito amo ang naga kontrolar…
    • Pero si Pablo nakigbais gid nga nalutos kag nabihag na sang Diyos kag ni Hesus ang tanan nga espirito – Colosas 2:15
    • Horoskopyo / mga arbolaryo / disperates / panghimalad / hiwit…
    • Pakighampang ina sa mga demonyo – nagapasulod sang mga gahum sang kadudulman…
    • Nagapatalang sang aton nga pagsalig sa mga “espirito” – kag sa mga sirkumstansya – imbis nga magsalig sa Diyos…
    • Nga kuno abi, ang adlaw / bulan / mga bitoon / itlog / kuring nga itom / ukon mga linya sa kamot…
    • Mas makagagahum kaysa Diyos nga nagtuga sa tanan nga ini!
  • 2^nd – Ang ikaduwa nga huwad nga pagtudlo amo ang ‘kaugalingon nga pagkamatarong’…
    • Ang ideya sini amo nga dapat mo sundon ang mga pagsulundan okon laye
    • kag seremonyas para pwede ka mabaton sang Diyos…
      • Ang mga laye amo ang mga kudal nga nagapahilayo sang mga katawhan sa mga temptasyon kag sa sala…
      • Daw maayo man nga ideya – kag madamo nga tawo kag mga simbahan ang nagapati kag nagasunod sini…
      • Amo ini ang katalagman – makontrolar sini ang imo mga hulag, pero indi ang tagipusoon mo…
      • Colosas 2:21-23 - “Indi ka mag-uyat sini,” “Indi ka magtilaw sina,” ukon “Indi ka magtandog sina”?  Ina nga mga pagsulundan nga ginatudlo sang mga tawo himo-himo lang nila kag parte lang sa mga butang nga madula man lang matapos nga kaunon.  
      • Kon hunahunaon ta, daw husto man ang ila mga pagtudlo parte sa pagsimba nga ila naluyagan, parte sa pagpaubos kag pagpenitensya sa lawas. Pero ang matuod, ina nga mga butang indi gid makabulig sa aton sa pagpugong sang lawasnon nga mga kailigbon.”
      • Naga pinsar ang mga katawhan nga ang Laye amo ang nagapabaskog sa ila sa Ginoo…
      • Apang sa kamatuuran, ang Laye ang nagapaluya sa ila tungod sa Laye, wala na nagatulok kay Hesus ang mga katawhan….
      • Imbis nga magtulok kag mag salig sa Ginoo, Nagasalig na sila sa Laye!
    • Isa lang ka alagyan ang makasigurado sang tuodtuod nga pag-bag-o – ang kaangtanan kag relasyon sa kay Jesus…
      • Sang ginkasal ka- madamo gid sang imo nga mga pag-ginawi ang nailisan mo’…
      • Indi tungod nga may laye, kundi tungod nga ginapalangga mo ang imo asawa!!
      • Ang mga laye wala nagakambyo sang tagipusoon – ang relasyon amo ang nagakambyo sang tagipusoon…
      • Ang Diyos ang nagakambyo sang aton nga tagipusoon para indi ta na luyag nga mag-agi sa mga sala nga alagyan!
  • 3^rd – Ang ikatlo nga huwad nga pagtudlo amo nga nagasiling nga kulang pa ang Pulong sang Diyos…
    • nga may mas madalum pa nga kamatuuran nga “lapaw pa sa mga ginatudlo sang Bibliya”…
      • Damo pa ang mga tawo nga nagahambal subong nga ang Bibliya indi importante kag di-mapinuslanon.
      • Ginsulat ini duwa na ka libo ka tuig nga nagligad kag wala na sang bentaha para sa aton subong…
      • Pero wala sila makahangop sang Pulong sang Diyos, kag wala nila maagom ang gahum sang iya Pulong…
      • Wala nagabaylo ang Diyos – ang iya nga Pulong nagakaigo man gihapon subong katulad sang mga nagligad..
      • Kag ang gahom sang Diyos makalubag kag makapagbag-o sang aton kabuhi subong!
    • Ini nga libro ginsulat para maprotektahan kita sa mga huwad nga pagtudlo…
      • Colosas 2:8 – “Mag-andam kamo sa mga tawo nga gusto maghaylo sa inyo sa ila mga pilosopiya nga wala sing pulos kag pangdaya lang. Ining mga ginatudlo nila indi halin kay Cristo kundi mga tradisyon lang sang tawo kag mga sistema nga halin lang diri sa kalibutan…”
      • Naghatag na ang Ginoo sang madamo nga paandam kag laygay sa iya Pulong para maprotektahan kita…
      • Dapat maging listo kita para wala sang makapatalang sa aton gamit sining mga huwad nga katudloan!
• 6^th – Ang outline sang Colosas…
  • 1^st – Pagpanamyaw ni Pablo sa Simbahan – Colosas 1:1-14…
  • 2^nd – Gin patuhoyan ni Pablo ang mga sala kag huwad nga tudlo – Colosas 1:15 – 2:23
  • 3^rd – Naghatag si Pablo sang mga praktikal nga mga pagtudlo para sa pagkabuhi nga para kay Jesus – Colosas 3-4
    • Pagpanamyaw sa simbahan… vs. 1-2 (3 ka butang)
• 1^st – Si Pablo nga isa ka Apostol ni Hesu Kristo…
  • Ang tinaga nga “Apostol”nangahulugan nga ginpadala para magpahayag sang Maayong Balita…
  • Nagalaragway sang isa ka ambasador – isa ka tiglawas sang Diyos diri sa Kalibutan…
  • Ginpadala para magpa-ambit sang Maayong Balita – ang paglaum sang kaluwasan paagi kay Jesus!
  • Ginatawag naton sila nga mga Misyonaryo – mga ginpadala para mag sugid parte kay Jesus!
  • Indi sa iban nga pungsod lamang (mga Apostoles nag kadto man sa Pareho nila nga Hudyo)…
  • Pat-od gid nga si Pablo ginpadala halin sa Simbahan sa Antioch – Binuhatan 13:1-5
  • Ang pagpatawag sa mga Apostol nagakatabo kag buhi gid gihapon subong- Efeso 4:11…
  • Ginpadala kita sang Diyos para magsugid sa aton palibot – aton pamilya – mga abyan sa trabaho/eskwelahan nahanungod kay Jesus!
  • Indi mga tawo ang nagtangdo kay Pablo, kundi si Jesus mismo – Binuhatan 9…
  • Ara si Pablo sa dalanon pakadto sa pagdakop kag pagpreso kag pagpatay sang mga Tumuloo, sang ginsugata siya ni Jesus.
  • Ginpili ni Jesus si Pablo bilang Apostol sa mga Gentil – I Timoteo 1:11
  • Napili siya bilang ehemplo sang gahom sang Bugay sang Diyos!
  • I Timoteo 1:16 – “Pero ginkaluoyan ako agod mapakita ni Cristo Jesus ang iya pagkamabinatason sa tanan, bisan sa pinakamakasasala. Ang ginhimo ni Cristo sa akon nagaserbi nga halimbawa sa iban nga magatuo sa iya kag magabaton sang kabuhi nga wala sing katapusan.”
  • Ginhimo sang Diyos nga personal nga ehemplo si Pablo para ipakita kun paano nagahikot ang Grasya!
  • Kun makapili ang Diyos nga magluwas sang isa ka tuman kalain nga makasasala nga kapareho ni Pablo – nga nagpamatay sang mga Kristohanon…
  • Pwede gid gali nga bisan sin-o malab-ot sang Grasya sang Diyos – Bisan sin-o pwede maluwas sang Diyos!
  • Masidla nga nagapatuhoy si Pablo sa iya nga kaugalingon nga siya isa ka apostol sa kabubut-on sang Diyos…
  • Samtang ginahikutar niya nga matadlong ang mga problema sa simbahan,
  • 1^st ginpa-athag niya gid ang iya nga Awtoridad…
    • Masami nagahunahuna kita “Sin-o ako para mag tudlo sa iban parte kay Jesus…
    • Nagapinsar kita nga kulang kita sa ihibalo – okon indi kita nagaka-angay – wala sing awtoridad…
    • Galing gintawag man kita nga maging apostol- indi ya ‘Apostol’ – nga isa sa mga 12…
    • Kag ginpadala nga may awtoridad para magpalapnag ang Maayong Balita ni Hesus…
• 2^nd – Ginpadala para sa mga santo kag nga tumuluo sa Colosas…
  • Ini nga sulat, indi lang para sa simbahan, kundi para sa tanan nga katawhan!
  • Ini ginsulat para sa aton, kay kita mga santo / mga tumuluo kay Hesu Kristo…
  • Indi amo ang pagka intiende ta parte sa tinaga nga ‘Santo’ (ini nga tinaga nangahulugan nga balaan – okon ginpain)
  • Nagapinsar kita nga ang tawo mangin santo tungod sang iya mga naubra – Maayong buhat / milagro…
  • Sa kamatuuran, indi tungod sa aton ubra, kundi tungod sa gin-oba sang Diyos nga naging mga santos kita…
  • Kita mga santos – balaan – napain – tungod sa ginobra ni Hesus sa krus para sa aton.!
  • Hebreo 10:10 – “Kag tungod kay gintuman ni Jesu-Cristo ang kabubut-on sang Dios, ginlimpyuhan niya kita sa aton mga sala. Natabo ini paagi sa iya paghalad sang iya kaugalingon nga lawas sing makaisa gid lang.”
  • Ang aton dagway indi dapat mangin kapareho sang kalibutan, dapat kita mangin ehemplo sa kalibutan…
  • Pirme gid kita ginapalibutan sang impluwensya sang kalibutan…
  • Mga abyan – pamilya – tupad balay – mga pasayod nga nagakumbinsi gid sa aton nga sundon ang ehemplo sang kalibutan…
  • 2 Corinto 6:17 – “ Gani, magguwa na kamo kag magbulag sa ila.
    Indi kamo magtandog sa mga ginakabig nga mahigko,
    kag batunon ko kamo..”
  • Nagakabuhi kita sa sini nga kalibutan – pero indi kita dapat mangin bahin sining kalibutan …
  • Ginatawag kita nga mangin ‘Suga’ – ehemplo – sa aton palibot!
  • Mateo 5:14 – “Pareho kamo sang suga nga nagahatag kasanag sa mga tawo diri sa kalibutan. Kag ini makita gid pareho sang banwa nga ginpatindog sa ibabaw sang bukid nga indi matago. .”
  • Kun ang dagway kag hulag ta pareho man lang sa kalibutan, kun nagapahisuno man lang kita sa kalibutan…
  • Paano kita maging Suga kag ehemplo sa kalibutan…
  • Gani, mapuyo ta sa ini nga kalibutan, pero indi kita mangin kabahin sini nga kalibutan – mangabuhi ta para kay Hesus!
• 3^rd – Grasya kag Paghidaet para sa inyo…
  • Pareho nga pagpanamyaw ni Pablo sa tanan niya nga Kasulatan…
  • Ang Paghukom – amo ang pagbaton ko sang nagaka-angay sa akon.
  • Ang Kaluoy – amo ang indi ko maangtan ang nagaka-angay sa akon…
  • Apang ang Bugay/Grasya – amo ang pagbaton ko sang indi naman nagaka-angay sa akon – isa ka libre nga regalo halin sa Diyos…
  • Nagaka-angay kita sa impyerno tungod sang aton sala kag pagka rebelde – Paghukom…
  • Bisan amo sina, ginhatagan kita sang gihapon Diyos sang indi matakos nga regalo nga pagkamatarong kag sang Langit – pamaagi sa kay Hesus!
  • Paghidaet kag kalinong upod sa Diyos…
  • Antes sang aton kaluwasan – nagapangabuhi kita nga may ginapa-abot nga paghukom kag kaakig halin sa Diyos..
  • Wala sang kalinong sa aton nga kabuhi. May kahadlok sa kamatayon – May kahadlok sa pag-silot sa masingkal nga kalayo…
  • Hebreo 10:27 – “Ang tawo nga nagapakasala, nagapaabot na lang sang makahaladlok nga paghukom kag masingkal nga kalayo nga gin preparar sang Diyos para sa mga nagakontra sa iya.”
  • Kun may Grasya kita sang Diyos – ang libre nga regalo sang kaluwasan – may kalinong kita upod sa aton Diyos!
  • Wala ka sang tuod nga kalinong – pagpahuway sa paghibalo nga napatawad kita – kun wala ka sang bugay sang grasya…