Colossians 1:9–14

Review…

• Colosas 1:1-2 – ang pagpnamyaw sa simbahan…
  • Si Pablo isa ka Apostol suno sa kabubut-on ni Jesu Kristo…
  • Ginpadala siya para magpalapnag sa kalibutan sang mensahe nga Maayong Balita
  • Gintukod ni Pablo ang Awtoridad nga ginhatag sa iya para pamatukan ang mga huwad nga pagtudlo sa simbahan…
  • Nagsulat siya sa mga santo sa Colosas – kag sa tanan nga matutom kay Jesus…
  • Colosas 1:3-8 – Nagapasalamat sa mga santo…
  • Pirme gid nagapangamuyo si Pablo para sa simbahan – indi tungod nga may problema – kundi tungod nagapasalamat siya!
    • Nagapasalamat si Pablo tungod sang ila Pagtuo / Gugma / kag Paglaum sa Kaluwasan…
    • May ara sila sang Pagtuo / Gugma / kag Paglaum tungod ara sila sa Pulong sang Diyos!
  • Nagapasalamat man si Pablo sa ila pastor – Epafras…
    • Kay gintudlo ni Epafras ang Pulong sa simbahan sa Colosas…
    • Kay si Epafras umalagad sang mga katawhan – nanguna sa ila pamaagi sa maayong ehemplo…
    • Tungod mapagros ang simbahan – resulta sang pagpamuno sang Diosnon nga pastor!

Pangamuyo para sa simbahan… (3 ka butang)

• 1^st – Pirme gid nagapangamuyo si Pablo para sa simbahan… vs. 9
  • 1^st – Indi ini pangamuyo nga kon may okasyon lang – pangamuyo nga sige gid nga nagapadayon…
    • Masami kun mangamuyo kita nagauntat na ta pagkatapos sang isa ka semana -isa ka bulan – okon isa ka tuig…
    • Pero wala kita ginatawag sang – Diyos nga mangamuyo lang – ginatawag niya kita nga mangin Katawhan nga Nagapangamuyo…
    • I Tesalonica 5:17 – “Magpangamuyo sa tanan nga tion…”
    • Daw pareho sang isa ka bata nga nagapangayo LIWAT-LIWAT – asta nga ihatag ta ang iya nga gusto…
    • Dapat kita mangin pinadayunon sa pagpangita sa Diyos – indi kita mag-untat!!
    • Ginahunahuna ko nga mahayanghag gid kita sa kadakuon sang obra nga gusto himoon sang Diyos sa aton kabuhi…
    • Galing wala matabo kay temprano pa nag-untat na kita pangamuyo!
  • 2^nd – Nangamuyo si Pablo indi para sa kaugalingon niya – nangamuyo siya para sa iban nga tawo…
    • May huyog kita nga mangin maiyaiyahon sa aton mga pangamuyo – nga daw aton lang tanan…
    • Wala man ginasiling nga indi kita pwede mangamuyo para sa aton mga kinanglanon – apang ginatawag kita nga mag-ulikid para sa iban…
    • Nagahikutar gid pirme ang Diyos sa aton nga palibot – sa kabuhi sang mga katawhan sa aton tupad…
    • Pero kun pirme lang ko nagatulok sa akon nga kinahanglanon – malisahan gid ako sa mga obra sang Diyos…
    • Basi aton ginapaminsar nga wala ga pang hikot ang Diyos sa kabuhi ko subong nga adlaw – Pero ang Diyos may ginaobra gid adlaw-adlaw!
    • Makita ta gid sang matu-od tu-od ang obra sang Diyos kun wala na kita nagatulok sa aton nga kaugalingon – kag nagapangamuyo para sa iban!
• 2^nd – Mahimun-an sang ihibalo sang kabubut-on sang Diyos… vs. 9
  • 1^st – Isa lang ang ginpangabay ni Pablo para sa simbahan …
    • Nangamuyo siya nga mahimun-an sila sang paghangop – Kag kaalam …
    • Tungod nga kulang ang paghangop lang – kinahanglan ta gid ang kaalam para maobra ini…
    • Nakahangop ka nga ang kalayo mainit – pero ang kaalam nagasiling nga indi na pagtanduga!
    • Nahangpan mo man ang kabubut-on sang Diyos sa kabuhi mo – pero ang Kaalam nagasiling nga sundon mo ina!
  • 2^nd – Ano ang kabubut-on sang Diyos sa aton kabuhi – kalabanan 4 ka butang…
    • Kabubut-on sang Diyos nga putli ang aton kabuhi…
    • I Tesalonica 4:3 – “Luyag sang Dios nga ang inyo kabuhi matinlo, gani likawi ninyo ang imoral nga pagpakigrelasyon.”
    • Ma-atubang kita sang madamo nga temtasyon sa aton kabuhi – pero ang temtasyon indi kasalanan…
    • Mangin kasalanan lang ang temtasyon kun mag sige ta ka tiner diri -sige ta ka panumdum sini – kag kun himuon ta na ini nga temtasyon…
    • Santiago 1:14-15 – “Ang tawo ginasulay kon ginaguyod kag ginaganyat siya sang iya malain nga handom. 15 Kag kon ang iya malain nga handom matuman, ang resulta sini amo ang paghimo sang sala; kag kon magpadayon ang tawo sa pagpakasala, ang iya padulungan amo ang kamatayon.”
    • Wala kita nagabangon isa ka adlaw kag gulpi lang mag desisyon nga magpakasala sang sekswal nga imoralidad…
    • Ginapahanugutan ta ang aton paghunahuna nga magtiner sa ini nga unudnon nga handum – kun ang ina nga handum ginobra ta na – kasalanan na…
    • Ang kabuhi nga puno sing sekswal nga imoralidad – nagapakita sang tawo nga wala nakakilala sa Diyos.
    • Kabubuton sang Diyos nga magpasalamat kita…
    • I Tesalonica 5:18 -“ Tungod nga kamo ara kay Cristo Jesus, gusto sang Dios nga magkalipay kamo permi, magpangamuyo sa tanan nga tion, kag magpasalamat bisan ano ang inyo kahimtangan.”
    • Masami gid kita nagahatag sang aton igtalupangod sa mga butang nga wala sa aton – nga sa aton paminsar kinahanglanon ta…
    • Kun aton gid ina nga kinahanglan, ihatag na sang Diyos – Lucas 12:31 – kun wala na sa aton – indi ta na kinahanglan!
    • Indi naton matalupangdan ang mga simple nga butang – pagkaon / panapton / pamilya / aton puluy-an / ang aton ikaayong lawas…
    • Apang gusto sang Diyos nga mangin pinasalamaton kita sa tanan nga butang – para sa tanan nga naobra niya para sa aton – matag-adlaw-adlaw!
    • Magtulok sa mga butang nga nahatag niya sa aton – kag indi sa mga butang nga sa aton paminsar kinahanglanon ta!
    • Kabubuton man sang Diyos nga maghimo kita sang maayo…
    • I Pedro 2:15 – “Kay amo ini ang kabubut-on sang Dios, agod kon maghimo kamo sing maayo wala sing hambalon ang mga tawo nga buang-buang nga wala pa makaintiendi sang kamatuoran.”
    • Ang kalibutan puno sing mga ideya nga kabuangan parte sa kun paano mangabuhi / kag paano magkadto sa langit…
    • Ginatawag kita nga mangin kasanag – ehemplo – para mapahipos ining mga ideya nga buang-buang!
    • Mateo 5:14 – “Pareho kamo sang suga nga nagahatag kasanag sa mga tawo diri sa kalibutan. Kag ini makita gid pareho sang banwa nga ginpatindog sa ibabaw sang bukid nga indi matago.”
    • Sa aton mga pag-ginawi, ipakita ta sa ila ang matuod-tuod nga sabat– ang Pulong sang Diyos…
    • Kabubut-on sang Diyos nga mangabuhi kita sang kabuhi nga nagapakilala kay Jesus!
    • Kabubuton sang Diyos nga maagi kita sa pag-antos…
    • I Pedro 3:17 – “Mas maayo pa nga mag-antos kamo tungod sa inyo ginahimo nga maayo, kon amo gid man ina ang kabubut-on sang Dios, kaysa mag-antos kamo tungod nga nakahimo kamo sing malain. ”
    • Kun nagahimo kita sang mga butang nga ginahimo man sing kalibutan – hakuson / palanggaon gid ta nila…
    • Kun mag-upod ta pahubog / kun mag-intra kita sa sugal…
    • Kun mag kadlaw man kita sa mga mahigko nga mga paglahog / kun nagaduhol man kita sang tsismis…
    • Hakoson gid kita sang kalibutan – kay naga-upod ta sa ila – ginapakamatarong ta ang ila ginaobra…
    • Pero kun magkadto ka sa mga Bible Study – kay indi mo na gusto magkabuhi sa sala…
    • Kun indi na kita mag-obra sang ulubrahon sang kalibutan – pagpamatbat sa sala sang kalibutan…
    • Yagutaon gid kita sang mga tawo sa kalibutan – hingaboton kag insultohon – tungod kay Hesus…
    • Indi pag-ikabiga nga personal – indi kita mangakig sa mga tawo sa kalibutan…
    • Indi kita ang problema nila – indi lang nila mauyonan ang aton nga ginapanindugan – si Jesus!
  • 3^rd – Paano ta mahibaloan ang kabubuton sang Diyos sa aton Matag-adlaw-adlaw nga kabuhi…
    • Mahapos maghambal nga ang kabubuton sang Diyos amo ang mangabuhi kita nga putli / mapasinalamaton / maayo / ma-inantoson…
    • Paano ya ang kabubuton sang Diyos para sa pang-adlaw-adlaw nga mga desisyon – sa aton ulubrahan / kun ano ang ginahambal ko…
    • Roma 12:2 – “Indi kamo magsunod sa mga pagginawi sang mga tawo sa sini nga kalibutan. Tuguti ninyo ang Dios nga bag-uhon niya ang inyo hunahuna, agod mahibaluan ninyo ang kabubut-on sang Dios—kon ano ang maayo, husto, kag kon ano gid ang iya nagustuhan.”
    • Madali kita madala sang kalibutan – maghimo sang mga desisyon nga katulad man lang sang kadam-an
    • Pero kun makig-ugyon kita sa kalibutan – indi naton mahibaloan ang kabubut-on sang Diyos…
    • Kun blangko na ang aton paghunahuna – kag wala na kita nagasalig sa aton kaugalingon nga panikasog – kun puno na kita sang Balaan nga Espiritu…
    • Kon nakambyo na sang Diyos ang aton tagipusuon- ang aton mga handum – Nabag-o na kita!
    • Mahibaloan na naton ang kabubuton sang Diyos sa aton kabuhi – kay yara na na ang Espirito sang Diyos sa aton!
    • Hulubaton 3:5-6 – “Magsalig ka sa Ginoo sa bug-os mo nga tagipusuon, kag indi ka magsalig sa imo kaugalingon nga kaalam.  Dumduma ang Ginoo sa tanan mo nga ginahimo, kag tuytuyan niya ikaw sa husto nga dalan.”
    • Mahibaloan ta nga indi importante kun ano ang mga desisyon ta – kundi ang rason kun ngaa naghimo ta sina nga desisyon…
    • Masami kita maguot sa mga tuo kag wala sang pangabuhi…
    • Sa lugar kag tion nga kinahanglan ta na magdesisyon – pero wala kita kabalo kun ano ang himoon…
    • Nagakabalaka kita parte sa mga desisyon – imbes magsalig sa kun sin-o ginasaligan ta……
    • Gusto ta mahibaloan kun diin kita gapakadto – pero wala gid na kaso…
    • Ang importante amo ang kun sin-o ang ginasaligan ta!
    • Nagasalig kita kay Jesus – makadto ka man sa tuo okon makadto ka man sa wala – Atipanon niya ikaw bisan diin ka!
• 3^rd – kun ara kita sa kabubut-on sang ginoo… vs. 10-14
  • 1^st – magapang lakaton kita nga takus para sa Ginoo – nagapahamuot sa Iya… vs. 10-11
    • Nahamuot ang Diyos sa aton kay mabinungahon kita sa Ginoo…
    • Ang paging mabinungahon indi nagatuhoy sa akon mga ginahimo – nagatuhoy ini sa kun sa kay sin-o ako naka-angut…
    • Kun maghatag kita sang tion– manguyapot gid kay Jesus – buhi gid kita nga tuod-tuod – kag magapamunga gid…
    • Makit-an ta nga ginahimo ta ang kagustohan sang Diyos – pakamaayohon gid kita – maayo kag abunansya nga bunga!
    • Pagpakahamuot sa Diyos tungod nga matubo gid ang aton ihibalo tuhoy sa Diyos…
    • Kun gusto mo magtubo sa pagkilala mo sa Ginoo – matutom nga basaha ang iya Pulong…
    • Amo na nga importante gid nga makasulod sa Pulong sang Diyos / Paghiliupod…
    • Malig-on kita nga natanum sa Pulong sang Diyos / kag nagahatag gid sang tion para makaupod si Jesus…
    • Ang pagtubo naton sa pagkilala kay Jesus amo ang pagbasa sang Bibliya!
    • Nagapahamuot sa Diyos tungod sang Gahum…
    • Indi kita mabaskog sa Gahum – kundi tungod sa gahum sang Diyos nga ara sa aton…
    • Ang gahum sang Diyos nagahatag sa aton pasensya sa pag-antos– para maka-angkon kita sang kalipay…
    • Nagapabugal kita sang aton kusog – pero ano ang kusog ta kun ikumpara sa kusog sang Diyos…
    • Ang kabaskug wala nagahalin sa kwarta / gahum / impluwensya / okon bisan sa kun sin-o imo kilala…
    • Ang tuod nga kabaskog maga-abot kun mahangpan ta nga wala kita kusog – sa tuod-tuod lang mahuyang kita…
    • Ang problema kay limitado kita – kulang sa oras / kulang sa talento / kulang sa kwarta / kulang sa abilidad…
    • Apang wala sang limitasyon ang aton Diyos – Iya tanan nga oras / talento / kwarta nga bisan pila pa ang kinahanglanon ta!
    • Sa paghangop sini, indi kita magsalig sa aton kusog – masalig kita sa kusog sang Ginoo!
    • Kun magtulok kita sa Ginoo– magsalig sa iya – indi kita mapunggan!
  • 2^nd – Maging mapasinalamaton kita… vs. 12-14
    • Mapasalamaton kita kay ginhatagan kita sang paagi nga makapanubli sang kabuhi nga wala-katapusan…
    • Indi ta masarangan / indi kalipikado – nga manubli sang kabuhi nga wala-katapusan sa aton kaugalingon nga ikasarang…
    • 2 Corinto 5:21 – “Si Cristo wala gid sing sala, pero siya amo ang ginsilutan sang Dios tungod sa aton mga sala, agod nga kon ara kita kay Cristo, pakamatarungon kita sang Dios.”
    • Sa kay Jesus – kalipikado kita – may deretso kita nga mag-angkon sang kabuhi nga wala-katapusan…
    • Nagapasalamat kita kay naluwas niya kita halin sa Gahum sang Kadudulman…
    • Antes kay Jesus, ara ang mga anak sang kalibutan – mga anak ni satanas – Mateo 12:30
      • Nagakadto kita sa kun diin ang kalibutan – ginapahulag ni satanas – nagasiling nga kadtuan ta…
      • Kun sayuron, antes ta makilala si Jesus, wala kita direksyon – wala katuyuan…
      • Tanan nga bag-o nga ideya – ginasunod sunod ta – nga wala ta man nahibaloan kun diin pakadto…
      • Wala nagapamensar sang konsekwensya /wala plano – sunod-sunod kay satanas nga wala gid pulupamangkot…
    • Antes kay Jesus wala gid ta kapamensar parte sa kasalanan – ginhimo ta lang ang mga gusto ta himoon…
      • Wala gid ta nakapamensar parte sa Diyos – parte sa kamatarong – nagapos kita sa kasalanan…
      • Kun makasala kita – daw sa wala ta labot – wala gid ginakabalaka…
      • Sa kada sala, nagadugang kita lubong sa ‘utang’ – kautangan nga indi ta mabayaran…
      • Nagapangabuhi lang para mangalipay – pakadto sa pag-atubang sa kasingkal sang Diyos…
    • UGALING ANG DIYOS – ini nga mga tinaga amo ang nagapatunga kun makadto kita sa langit okon impyerno…
      • Wala gid sang iban nga makaluwas sa aton – wala gid kita sang mahimo para maluwas ang aton mga kaugalingon…
      • Ang Diyos lang gid ang pwede makapatunga kag islan ang aton kapalaran – sa pagluwas sa aton sa kasalanan!
    • Mapasinalamaton kita kay ginsaylo kita sang Diyos pakadto sa Kaharian sang Iya Anak…
    • Pwede lang kita mangin banwahanon sang isa lang sa duwa ka Kaharian…
    • Pwede kita katapo sang Kaharian sang Diyos – okon katapo sang Kaharian sining Kalibutan…
    • Sang nabun-ag kita liwat – naluwas – indi na kita iban nga dumuluong…
    • Indi na kita katapo sang ini nga Kalibutan – Nagbaylo na ang aton nga pagkabanwahanon!
    • Kag mag-abot ang adlaw nga nagatindog kita sa ganhaan sang langit -Pasudlon gid kita ni Jesus!
    • Nagapasalamat kita kay natubos kita paagi sa dugo ni Jesus – napatawad kita…
    • Natubos kita ni Jesus halin sa kasalanan / kalaglagan…
      • Sa krus – ginpas-an ni Jesus ang pwerte ka bug-at nga timbang sang kasalanan sang tanan nga mga katawhan…
      • Didto ginpa-utwas sang Diyos ang bug-os niya nga kaakig kag kasingkal sa kasalanan sang mga katawhan…
      • Dako kaayo nga balor ang ginbayad para sa kapatawaran– Kabuhi gid ni Jesus!
    • Nagbayad si Jesus sang utang nga indi iya – kay may utang kita nga indi ta mabayaran.
      • I Pedro 1:18-19 – “Nahibaluan man ninyo kon ano ang ginbayad agod matubos kamo halin sa pagkabuhi ninyo nga wala sing pulos nga inyo ginpanubli sa inyo mga katigulangan. Ang gintubos sa inyo indi mga butang nga madula, pareho sang bulawan ukon pilak,[g] 19 kundi amo ang hamili nga dugo ni Cristo. Ang iya halimbawa pareho sang karnero nga matinlo kag wala gid deperensya nga ginhalad sa Dios.”
      • Subong, kun magtulok ang Diyos sa aton – indi na niya makita ang aton sala kag kapaltahan…
      • Makit-an niya lang ang himpit nga Kabuhi sang Iya Anak nga si Jesus – Makita niya kita nga perpekto kag wala sang sayop
      • Salmo 103:12 – “Subong nga malayo ang sidlangan sa nakatundan,
        malayo man ang pagseparar niya sang aton mga sala sa aton.”