Making Bible Study Easy for everyoneEnglish • Hiligaynon
Back to Ezra
Verse-by-Verse Bible Study

Ezra 1–2

Introduction

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Introduction…

  • Ang kabug-usan kag plano sang Dios.
    • Handom ta nga tun-an ang Bible halin sa Genesis asta sa Pahayag
    • Acts 20:27 – “Kay wala gid ako sing may gintago sa inyo parte sa bug-os nga katuyuan kag plano sang Dios.”
    • Natapos na naton ang 2 Cronica – makadto na man ta sa Libro sang Ezra
    • Ang Libro gna Ezra ang isa sa pulo ka libro sang History sang Israel sa Old Testament
    • Ang libro ni Ezra…
    • 1st – Sin-o ang nagsulat sang Libro ni Ezra
      • Ang ini nga libro ginsulat sang mga pari/manunudlo sang kasuguan – kag ang spiritual lider nga si Ezra
      • Basi si Ezra man ang nagsulat sang – 1 kag 2 Cronica kag Nehemiah
      • Ginsulat man ni Ezra ang iya pangalan sa sini nga libro – Ezra 7:27-9:15…
    • 2nd – Sang san-o ginsulat ang ini nga libro
      • Ginsulat ini pagkatapos sang 70 ka tuig nga pagkabihag sang mga Israelinhon
      • May 3 ka grupo ang nagguwa pagkatapos nga ginbihag sila sang Babylon
      • Ang libro sang history sang ila pagkaguwa medyo budlay – tungod sa damo nga rason
      • Kay nakaguwa sila sa tion sang paghari sang taga Medo-Persian – 6 a hari
      • Ang problema kay ang mga hari ang iban pareho pangalan – Ahasuerus / Artaxerxes / etc.…
      • Kay may petsa sang ila paghari sa iban nga libro – nga wala nagapareho
      • Pero ginapatihan nga ang ginsulat ni Ezra – natingob sa 90 ka tuig nga history
      • May 3 ka grupo sang pagguwa kag pagbalik sa Juda – dua sa libro ni Ezra…
      • Chapters 1-6 – ang una nga grupo nga nagguwa – kag ginpangunahan ni Zerubbabel…
      • Ang plano ni Zerubbabel – nga patindugon ang liwat Templo sang Ginoo sa Jerusalem
      • Gusto niya ibalik ang religion sang Israel nga ginguba sang Babylon
      • Si Propeta Haggai / Zechariah nag tagna sini sa ula nila nga pagkabihag
      • Chapters 7-10 – ang ika-2 nga grupo nga nagguwa – kag ginpangunahan ni Ezra
      • Nabaton ang ika-2 nga pagguwa 80 ka tuig ang nagligad sang sa una nga pagguwa
      • Ang plano na man ni Ezra para sa mga tawo nga nakakaguwa halin sa Babylon
      • Plano niya nga ibalik ang mga tawo sa pagpanudlo sang Puong sang Ginoo
      • Ang ika-3 nga grupo nga nagguwa – ginpangunahan ni Nehemiah…
      • Ang iya plano ang papatukod liwat sang syudad – ang pagpatindog sang pader
      • Si Nehemiah nagbalik para itukod liwat ang panggobyerno sang Jerusalem
      • Si Propeta Malachi – ang katapusan nga propeta sa Old Testamen – nagahambal sa sini nga tion
    • Pagbalik sa nasyon… (3 things)
  • 1st – Ang 70 ka tuig… vs. 1 Read: Ezra 1:1
    • 1st – Ang pagkatuman sang tagna ni Propeta Jeremiah – Jeremiah 25:12 / 29:10…
      • Nagsulat si Jeremiah sa mga bihag nga ara sa Babylon
      • Jeremiah 29:11 – “Nahibaluan ko kon paano ko tumanon ang akon mga plano para sa inyo—plano sa pagpauswag sa inyo kag indi sa paghalit, plano sa paghatag sa inyo sang paglaom nga may maayo kamo nga palaabuton.”
      • Ini nga verse perni ni ginagamit – Ang Ginoo may para sa aton kabuhi
      • Pero wala naton ginadala ang verse 10 nga ginhambal ni Jeremiah
      • Naghambal siya – pabilin dira sa Babylon – bakal da balay / magtanon / pangasawa/pamana
      • Jeremiah 29:10 – “Ako, ang Ginoo, nagasiling nga pagkatapos sang 70 ka tuig nga pagpanakop sang Babilonia, balikan ko kamo kag tumanon ko ang akon ginpromisa nga dal-on kamo pabalik sa inyo nga lugar.”
      • Ang bugay sang Ginoo sa Israel – indi nga ara dayon maabot
      • May silot pa sila nga atubangon tungod sang sala nga ila ginhimo
      • Mangin bihag sila – pero indi asta sa katapusan – dal-on gid sila sang Ginoo sa ila balay
      • Tungod sa sala – mangin separar kita sa Ginoo – pareho lang nga nabihag kita
      • Kag nagahulat kita sa adlaw nga papulion kita sang Ginoo sa aton balay upod sa Iya
      • Pero kinahanglan naton maghula – basi ang iban sa aton mahulat 70 ka tuig
      • Samtang nagahulat kita – mangin praktikal – balay balay/tanom/pangasawa ukon pamana
      • Pero indi naton pagkalimtan ang plano sang Dios para sa aton sa ulihi
      • Plano Niya nga isa ka adlaw dal-on Niya kita balik sa aton balay – Hebrew 11:13-16
    • 2nd – Ngaa 70 ka tuig…
      • Sa Leviticus 25 – duta dapat may pahuway 1 ka tuig sa sulod sang 7 ka tuig
      • 6 ka tuig gamiton ang duta – araduhon – tanman para pagkaon kag makakwarta
      • Sa ika 7 nga tuig dapat magpahuway man ang duta – indi pagtamnan ukon bisan hilamonan
      • Pwede mo kaunon kon ano ang nagtubo – pero indi mo pwede ibaligya para makakwarta ka
      • Ngaa amo ini ang layi – 2 ka rason
    • 1st – Para makarecover ang duta – ukon basi para makacharge
      • Subong – kabalo ta nga naganubo ang minerals sang duta kon tannan ta
      • Kon kalaanan na ang tubo – naganubo ang iya katam-is bisan pa abunuhan ta pa
      • Amo ini ang pulos sang pagpahuway sang duta – para makarecover siya
    • 2nd – Para testingan ang pagtuo sang mga tawo
      • Ang pinsar sang tawo – te, ano kaunon namon kon wala kami anihon
      • Kabalo ang Ginoo nga mamangkot gid ang tawo sang amo sina – ano kaunon nanon sa ika 7 nga tuig
      • Nagpromisa ang Ginoo sang bugay sa ika 6 nga tuig
      • Ang duta magahatag sa imo sang ani nga makalambot sa sunod pa gid nga ani
      • Ang Pulong sang Dios permi nagahambal sang pagtuo – pagsalig sa Ginoo
      • Ang patilaw nga atubangon naton tanan – amo ang pagpati – nagapati bala kita sa Pulong sang Dios
      • James 1:22 – “Indi lamang kamo magpamati sa pulong sang Dios kundi dapat tumanon ninyo ini. Kay kon indi, ginadayaan lang ninyo ang inyo kaugalingon.”
      • Pero ang taga – Israel wala ginsunod ang tuig sang pagpahuway…
      • Sa sulod sang 490 ka tuig – wala gid nila ginsunod ang sugo sang Ginoo
      • Te, ginsukot sila sang Ginoo sang 70 ka tuig paagi sa pagkabihag sa Babylon sang 70 man ka tuig– II Chronicles 36:21
      • Ang leksyon – mas maayo pa nga magsunod kita sa sugo subong – sang sa dason lang
    • 3rd – Sang san-o nagsugod kag nagtapos ang 70 ka tuig nga pagkabihag
      • Amo ina ang mas budlay sabton nga pamangkot
      • Ang permi ginasabat – nagsugod sang 586BC sang ginguba ang Jerusalem kag templo
      • Kag natapos sang naghatag si Cyrus sang sugo sang 539 BC nga magbalik sila sa Jerusalem
      • Pero kon sumahon – 48 lang ka tuig indi 70 ka tuig – te, may kulang
      • Kon ang sugod sang 70 ka tuig – sang 586BC…
      • Basi pwede – kay ang ika 3 nga pag-atake ni Nebuchadnezzar sa Jerussalem grabe gid…
      • Guba na gid ang Jerusalem – wala na gid nabilin nga manug-ubra – maapahuway ang duta
      • Ang katapusan sang 70 ka tuig – sa 516BC – kag daw husto nga petsa
      • Pareho gid sa Daniel 9:1 – ang 70 ka tuig – matapos sa paghari ni Darius pagkatapos sang 522BC
      • Kag ang 516BC – amo ini ang tuig nga ang bag-o nga templo gid dedikar…
      • Te, ang 70 ka tuig pwede naton maisip – halin sa pagkaguba sang templo asta sa pagdedikar sang bag-o nga templo…
      • Pero kona ang 70 ka tuig – matapos sa pagkalaglag sang Babylon – sa 539BC
      • Ma-insakto na man sa Ezra 1:1 – sa pagpaguwa ni Cyrus sang sugo nga papulion na ang mga ginbihag
      • Ma-atras ta isip sang 70 ka tuig asta sa 609BC – kag importante man nga petsa
      • Amo ina ang tuig nga una nagsalakay si Nebuchadnezzar sa Jerusalem
      • Amo man ini nga tuig gindala si propeta Daniel bilang bihag sa Babylon – Daniel 1:1
      • Kabalo ta nga ang 70 ka tuig nagsugod sa pagkabihag sang mga Judio pakadto sa Babylon
      • Kabalo ta nagtapos ang 70 ka tuig sa pagbalik sang mga Judio sa Jerusalem
      • Ang problema kay pila ka beses sila ginbihag – kag kapila man ka beses nga nagguwa
      • Buot silingon ang wala naghatag sa aton sang klaro nga sabat – wala gid kita kabalo
    • 4th – Pagpati sa Pulong sang Ginoo
      • Daniel 9:1-3 – “Si Darius nga Medianhon nga anak ni Ahasuerus amo sadto ang hari sa bug-os nga Babilonia. Sang nahauna nga tuig sang iya paghari, nahibaluan ko sa mga Kasulatan nga magapabilin nga guba ang Jerusalem sa sulod sang 70 ka tuig, subong sang ginsiling sang Ginoo kay Propeta Jeremias. 3Tungod sadto, nagdangop ako sa Ginoong Dios sa pangamuyo. Nagpuasa ako, nagsuksok sang sako, kag nagbutang sang abo sa akon ulo.”
      • Ginbasa ni Daniel ang tagna ni Jeremiah – kag na-intiendihan niya nga lapit na lang gid matuman ang tagna
      • Sang nabasahan niya kag na intiendihan – nagpangamuyo siya
      • Kay bisan wala siya kabalo kon san-o ini matabo – gusto niya nga mangin handa
      • Kon basahon natona ang Bible – makita naton ang mga tagna natuman – lapit na lang si jesus maabot
      • Ang pamangkot – nagapati bala kita – kag nagapangamuyo pareho kay Daniel
      • Kay kon wala naton ginapaabot – si Jesus maabot pareho sang kawatan – I Thessalonians 5:2
      • Kon indi kita handa – indi kita mabilin gid kita
      • Kinahanglan mangin handa kita – kay wala sing tawo nga nakabalot kon san-o Siya mabalik – Mark 13:32
      • Kabalo kita nga kita na ang ulihi nga henerasyon – maabot si Jesus sa aton tiyempo
      • Te, mangin handa kita – magkabuhi adlaw-adlaw nga basi subong naton makita si Jesus
      • Luke 21:28 – “Kon ini nga mga butang magasugod na nga magkalatabo, maglaom kamo kag maghulat kay madali na lang ang pagluwas sa inyo.”
  • 2nd – Ang mando ni Cyrus… vs. 2-11 Read: Ezra 1:2-11
    • 1st – Sa una nga hari sang paghari ni Cyrus sang Persia… vs. 2-4
      • Nagpaguwa siya sang mando sa bilog nga kalibutan nga iya ginadumalahan
      • Nga ang tanan nga mga Judio – bisan diin man sila nga magbalik sa Jerusalem para patindugon liwat ang balay sang Ginoo
      • Kag ang tanan magbulig paagi sa paghatag sang pilak/bulawan/kasapatan
      • Basi nami nga buhat – pero ngaa ang malaot nga hari maghimo sina para buligan ang mga Judioo
      • Sang gin-agaw ni Cyrus ang Babylon – ginpatay niya si Belshazzar – Daniel 5:30…
      • Gin-agay niya ang syudad nga wala sing inaway – kay ginpalikaw niya ang tubig nga nagasulod sa syudad
      • 3 ka adlaw sang nabal-an nila nga malaglag na sila
      • Si Daniel (tigulang na sa sini nga tion) nagkadto kay Cyrus kag ginpakita ang verse sa Bible
      • Ang isa ka propeta nagsulat – 150 ka tuig sang nagligad – wala pa natawo si Cyrus
      • Isaiah 45:1 – “Amo ini ang ginsiling sang Ginoo kay Cyrus nga iya pinili, nga ang awtoridad sini iya ginpalig-on, “Sakupon mo ang mga nasyon kag pierdihon mo ang mga hari. Buksan mo ang mga puwertahan sang ila mga banwa sa pag-agaw sini kag indi na ini pagsiradhan.”
      • Natingala gid si Cyrus – kon ano ang gusto sang Ginoo sang Israel
      • Isaiah 44:28 – “Nagasiling ako kay Cyrus, “Ikaw ang manugbantay sang akon katawhan, kag himuon mo ang tanan ko nga naluyagan. Magamando ka nga patindugon liwat ang Jerusalem kag ang templo sini.”’”
      • Ang Ginoo naghatag sang mando kay Cyrus para patindugon liwat ang templo
      • Gusto ta makabati sang sang mando sang Ginoo sa aton
      • Tani kon abrihan ta lang ang Bible – dayon mabasahan ta aton ngalan
      • Kag nasulat kon ano ang dapat naton himuon – kag diin kita makadto
      • Psalm 119:105 – “Ang imo pulong pareho sa suga nga nagahatag kasanag sa akon alagyan.”
      • Ang flashlight amo ang nagahatag sang suga sa aton alagyan
      • Amo sina ang Pulong sang Dios – nagahatag sang kasanag as aton dalanon
      • Kay kon kabalo kita kon diin kita makadto – indi na ina pagtuo…
      • II Corinthians 5:7 – “Kay sa karon nagakabuhi kita sa pagtuo kag indi suno sa aton makita.”
    • 2nd – Pagpati sa Espiritu… vs. 5
      • Ang pangulo sang tibu ni Juda / Benjamin / mga pari / mga levita nagtindog
      • Amo ini ang mga lider sang South nga ginharian…
        • Pagkatapos sang paghari ni Solomon – natunga ang ginharian sang Israel
        • Sa South nga ginharian – ang duha ka tribo ni – Judah and Benjamin – ginatawag man nga Judah
        • Sila lang ang nagbalik halin sa pagkabihag para patindugon liwat ang templo
      • Sa North nga ginharian – 10 ka tribo – ginatatag man nga Samaria
        • Ginsakop sila sang Assyria sang 722 B.C – II Kings 17:23
        • Ginbihag sila kag ginlapta sa iban nga mga nasyon nga sakop sang Assyria
        • Kag nagkuha sila sang mga tawo sa iban nga nasyon para ipaistaron sa Israel
        • Ginpasugtan sang Assyria iban nga mga taga-Israel para magtudlo parte sa Ginoo
        • Tungod sina – nag-impon ang mga tawo – kag ginatawag sila nga mga Samariahanon sa New Testament
      • Ini nga duha ka grupo – Juda kag Samria – magailinaway sa tion nga magbalik sila halin sa pagkabihag
      • Kag ang mga nagbalik – ang gintandog sang Espiritu sang Ginoo
      • Wala sila ginpilit para bayaan ang ila nga balay para magbalik sa Jerusalem
      • Sigurado budlay ini nga desisyon – nga bayaan mo ang lugar nga kabisado mo – kag makadto ka sa lugar nga wala mo pa nakita…
      • Ang pagpanglakato indi man hapos – malakat sila 1,500km halin sa Babylon asta Jerusalem
      • Te ang naglakat lang gid – ang mga tawo nga ginpukaw sang Ginoo ang ila Espiritu
      • Ang kalibutan nagakatulog – wala sila kabalo nga ang Ginoo naghatag sang kaluwasan sa ila
      • Ang nabal-an lang nila kon ano ang makita nila sa kalibutan – ang temporaryo na kalipay
      • Para sa ila mga buang ta nga wala nagakalipay sa kalibutan – nagasunod lang kay Jesus
      • Para sa ila mga buang ta – nga nagasunod kita kay Jesus nga wala man naton nakita
      • Pero kon pilion naton ang Ginoo – pukawon Niya ang aton Espiritu – John 3:3
      • Kag mareyalisar naton nga wala sang may makapareho sa Ginoo diri sa kalibutan
      • Romans 13:11 – “Dapat ninyo himuon ini, tungod nga nahibaluan ninyo nga tion na ini nga dapat kamo magbugtaw. Kay ang kabug-usan sang aton kaluwasan mas malapit na sang sa una nga nagtuo kita kay Jesu-Cristo.”
    • 3rd – Paghatag sang kinahanglanon… vs. 6-11
      • Ang mga Judio nga nagbalik sa Jerusalem – nagbalik sila nga damo sang dala
      • Ang ila mga kaingod – naghatag sang mga pagkabutan / ukon mga regalo
      • Bisan si Harin Cyrus gin-abrihan niya ang bodega kag ginhatag sa mga Judio ang iban nga gamit halin sa una nga templo
      • Ginhatag niya kay Sheshbazzar – amo ini ang ngalan ni Zerubbabel sa Babylon
      • Ang buot silingon – ang Ginoo ang magahatag sang aton mga kinahanglanon kon magsunod kita sa iya
      • Ang mga wala nakakilala kay Jesus – may rason gid nga magpalibot/mahadlok sa kabuhi
      • Wala sila nagasalig sa Ginoo – indi sil mga kabataan sang Ginoo
      • Pero indi naton kinahanglan magpalibog – kay ang aton Amay kabalo sang aton mga kinahanglanon
      • Kag nagapromisa Siya nga ihatag ang aton pagkaon/bayo – kag tanan nga kinahanglanon
      • Kag sa tuod lang gusto sang Ginoo nga ihatag ang Iya ginharian sa aton – Luke 12:32
      • Kon gusto Niya ihatag ang tanan – ano pa ang aton ipalibog
  • 2nd – Gin-isip ang mga tawo… vs. 1-70 Read: Ezra 2:1 / 64-65 / 70
    • 1st – Ang lista sang mga bihag nga nagbalik sa panguna ni Zerubbabel … vs. 1 – 69
      • Amo ini ang lista sang una nga nagbalik – ang ikaduha sa Nehemiah 7:6-69 – daw pareho lang
      • Ang lista gintunga sa 5 ka grupo
      • Vs. 1-35 – ang mga nagbalik halin sa tribu ni Judah kag Benjamin…
      • Vs. 36-39 – ang mga kaliwat sang mga Pari / vs. 40-54 – kaliwat sang mga Levita
      • Vs. 55-58 – ang mga kaliwat sang mga suluguon ni Solomon
  1. Vs. 59-63 – ang mga indi sigurado kon halin sila sa mga kaliwat sang mga pari…
    • Indi pareho ang pag-isip
    • Kon sumahon tanan ginlista ni Ezra – 29,818 ka tawo
    • Kon sumahon tanan ang ginlista ni Nehemiah – 31, 089 ka tawo
    • Pero ginlista ni Ezra ang 494 ka tawo nga wala ginlista ni Nehemiah
    • Pero ginlista ni Nehemiah ang 1775 ka tawo nga wala ginlista ni Ezra
    • Kon sumahon tanan upod ang wala nila nalista – pareho lang ang ila lista – 31,583 ka tawo
    • Pero nahambal man nga 42,360 ang nagbalik – 10,777 ang wala na dala sa lista
    • Ang 10,777 wala sila nalista tungod kay indi sila sakop sang taga Judah / Benjamin / mga pari / mga Levita
    • Ang mga Pari / Levita kag mga tawo ang nag-asikaso sang Nasyon
    • Upod ang mga Netinim – mga suluguon sa templo kaliwat sang mga Gibonhon – Joshua 9
    • Ang kabilogan 50,000 lang ka mga Judio ang nagbalik sa Israel halin sa pagkabihag
    • 42,360 plus 7,337 ka mga manugkanta nga lalaki kag babaye vs. 65…
    • Ang buot silingon mas damo ang nabilin sa Babylon – kay komportable na sila didto
    • Samtang nagahulat kita sa pagpuli – hapos sa aton nga mangin komportable
    • Kalabanan nagakaanad na kita sa mga pagkabutang diri sa kalibutan kag nagakalipat
    • Wala pa kita sa aton balay – wala pa naton nakita ang aton balay – sa langit
    • Kinahanglan dudumon nga indi gid kita magpadala sang mga butang diri sa kalibutan
    • Amo na nga importante pabakuron naton ang aton relasyon sa Ginoo
    • Maghatag kita sang tion kay Jesus paagi sa Iya Pulong – ang pagpangamuyo
    • Para ipreparar ang aton kaugalingon sa adlaw nga dal-on kita sa aton Babay…