Galatians 1:10–24

Review…

• Ang mga simbahan sa galacia…
  • Indi siyudad ang Galacia- ini isa ka geographigal region…
    • Nagsulat si Pablo sa bug-os nga grupo sang mga simbahan sa rehiyon sang Galacia…
    • Ang una nga missionary journey ni Pablo – Binuhatan 13 & 14 – natabo sa rehiyon sang Galacia…
    • Ini nga mga simbahan ang pila sa mga pinakauna nga natukod ni Apostol Pablo…
  • Ang problema kay may mga di-matuod nga mga manunudlo nga ginatawag Judaismo nga amat-amat nakasulod sa simbahan…
    • Amo nga nagsulat si Pablo sang libro nga nagapalig-on sang aton nga kahilwayan sa sala nga maayong balita nga ginatawag “Legalismo”…
    • Ini nga libro nagatudlo pahanungod sa Maayong Balita sang Grasya – amo ini ang tema sang kabug-usan nga libro…
    • Capter 1 & 2 – Personal nga mga naeksperyensya ni Pablo patuhoy sa Bugay kag sa Maayong Balita…
    • Chapter 3 & 4 – Ginapa-athag ni Pablo ang doktrina sang Bugay suno sa Kasugo-an ni Moises…
    • Capter 5 & 6 – Praktikal nga ginapaathag ni Pablo ang Bugay sa pang-adlaw-adlaw nga pangabuhi sang mga tumuluo…
    • Galacia 1: 1-19 – Ang Maayong Balita sang Bugay…
  • 1^st – Pablo bilang isa ka ehemplo sang Bugay – Daw indi mapatihan nga isa ka Apostol si Pablo kay indi gid sya nagka-angay…
  • 2^nd – Ang mensahe sang Maayong Balita – Bugay kag Paghidaet pamaagi sa krus ni Cristo
  • 3^rd – Pagsikway sang Bugay – mga kasimbahanan sa Galacia nag-umpisa nga magsunod sa sa “Legalismo”…
  • 4^th – Pagsikway sa Legalismo – Nagmando si Pablo nga sikwayon nila ang iban nga mga sala nga ebanghelyo!
  • Ang mas maayo nga Maayong Balita… (3 ka butang)
• 1^st – Pag-alagad sa Diyos okon sa tawo… vs. 10-12 (3 ka butang)
  • 1^st – wala ginkabalaka ni Pablo ang pagpahamut-an sa mga tawo…
    • Antes sang kaluwasan ni Pablo – antes sang Maayong Balita sang Bugay – nangabuhi siya para magpahamuot kag mag-alagad sa tawo…
    • Nangalagad siya sa idalom sang isa ka sistema sang relehiyon nga kun sa diin sumulunod siya sa mga kasuguan sang mga tawo…
    • Nangin makugi kag matutum gid siya nga nagsunod sa mga tradisyon sang iya mga katigulangan…
    • Nanguna gid sya lapaw sa iya nga mga katubo-tubo – mapisan gid nga nagpangabudlay labaw sa ila tanan…
    • Nangin bantog gid si Pablo sa mga Judio tungod sa matutum nya nga pagsunod sa mga kasugoan…
    • Bantog gid sa mga katawhan – pero wala gid makabulig sa paging matarong sa atubangan sang Dios…
    • Ang relehiyon indi makapahamuot sa Diyos – kay ang tuhoy sang relehiyon ang magpahamuot sa mga tawo…
    • Pagsuksok sang husto nga bayo / paghambal sang husto nga tinaga / pagsunod sa husto nga mga tradisyon…
    • Tanan ini para madayaw ta sang mga nakapalibot sa aton – pero wala ini sang gahom nga makaluwas sa aton halin sa aton mga sala!
    • Apang mas madamo gihapon ang nagapili sang ‘relehiyon’ kag ‘tradisyon’ kaysa pakig-relasyon sa kay Hesus…
    • Kay ang relehiyon nagabutang sang paghuna-huna nga maayo kag balaan kita sa atubangan sang iban…
  • 1^st – Apang ginsikway ni Pablo ang relehiyon – gingusto nya nga makapahamuot sa Dios…
    • Wala na si Pablo nagkabalaka patuhoy sa pagsunod sa mga kasugoan sang relehiyon…
    • Naintindihan nya nga ang benepisyo nga makuha mo da amo ang pagpakahamuot sa mga tawo…
    • Kun nagpadyon siya sa pagsunod sadto nga mga kasuguan – katulad sang mga ginahambal sang mga Judaizers sa mga Galaciahanon…
    • Te manug-alagad lang gid sya gihapon sang mga tawo – kag indi alagad ni Cristo!
    • Ang problema sang tanan nga relehiyon amo ang wala gid ni sila sang mahimo agud makakambyo ang tagipusuon…
    • Pwede sila makahatag sang paghuna-huna nga boot kag maayo ka sa sagwa – para maging kahamut-an ka sang mga tawo…
    • Pero ang Dios nagatulok sa tagipusuon – kag kun wala sang Bugay nga halin sa Dios – ini isa ka kagarukan kag kalainan…
    • Ang mga nagadedikar sa relehiyon – wala nagapangalagad sa kay Jesu Cristo!
  • 3^rd – Ang mensahe sang Maayong Balita nga ginatudlo ni Pablo – wala gintudlo sa iya sang tawo… vs. 11 -12
    • Nagpamatok ang mga Judaizers kontra sa Maayong Balita sang Bugay…
    • Gina pamangkot nila si Pablo kun diin nya ginkuha ini na mensahe – kun sin-o naghatag sa iya…
    • Nga kuno abi daw iya lang ni ni Pablo nga ideya – bag-o nga butang nga ginhimo-himo nya lang…
    • Apang wala si Pablo naghatag sa mga kasimbahanan sang lain naman nga relehiyon – nga halin lang sa iya panghuna-huna…
    • Relehiyon – pag-tuo sa mga kasuguan kag tradisyon – wala sang gahum para luwason ta sa impyerno…
    • Ang relehiyon isa lamang ka walay-kapuslanan kag walay-kahimpitan nga panikasog sang mga tawo para malab-ot ang Himpit nga Diyos!
    • Ginbaton ni Pablo ang Maayong Balita bilang isa ka direkta nga pahayag ni Jesu Cristo…
    • Katulad sang direkta nga pagbaton ni Pablo sang iya nga pagka-Apostol – halin kay Hesus – indi halin sa tawo…
    • Nabaton nya man ang mensahe sang Maayong Balita halin kay Hesus – indi halin sa tawo!
    • Ang mensahe nga gintudlo ni Pablo amo nga ang Diyos ang nana-og para malab-ot kita para luwason kita…
    • Ang Maayong Balita wala nagapahayag nga kinahanglan ta magsunod sa madamo nga kasugoan para mangin daw bastante na ta sa kaayuhan…
    • Ang Maayo nga Balita nagapahayag nga indi naton malab-ot ang bastante nga kaayuhan para makasulod kita sa langit…
    • Amo nga kun ngaa nana-og ang Diyos para mabayaran ang aton kautangan tungod sa kasal-anan – para maluwas kita…
    • Nagasunod bala kita sa mga ideya sang tawo – okon sa Maayong Balita sang Diyos…
    • Ang pamangkot: ano ang ginasundan ta – Relihiyon / okon ang Maayong Balita sang Bugay…
    • Ginatuman ta bala ang pahayag sang mga tawo – okon ang pahayag ni Jesu Cristo…
    • Amo ini ang pagkatuhay nga ginapahayag ni Pablo – gusto mo bala mag-alagad sa tawo okon mag-alagad sa Diyos!
• 2^nd – Ang kaluwasan ni Pablo- sa husto nga tion sang Diyos
  • 1^st – Ang ginhalinan ni Pablo nga relihiyon sang mga Judio nahibaloan gid sang mga kasimbahanan… vs. 13-14
    • Pagpahingabot sa simbahan sang Diyos…
    • Si Pablo ( nga sang una nakilala sa ngalan nga Saulo) – nagpahanugot nga batuhon si Esteban asta mapatay – Binuhatan 7
    • Binuhatan 8: 1 – Dako gid nga halit ang nadala ni Saulo – nagalaragway sang isa ka mabangis nga sapat nga ginhatok-hatok gid ang isa pa ka sapat…
    • Kag nagdala sang pagpanghingabot – paglagas / pagpang-ayam / pag-dakop sa simbahan…
    • Makawiwili ang resulta sang Pagpahingabot – ang mga santo naglapta…
    • Ginmando ni Jesus sa mga Apostoles nga magkadto sa bug-os nga kalibutan…
    • Binuhatan 1:8 -” Pero pag-abot sang Espiritu Santo sa inyo, hatagan niya kamo sing gahom. Dayon isugid ninyo ang mga butang parte sa akon, halin diri sa Jerusalem hasta sa bug-os nga Judea kag Samaria, kag hasta sa bug-os nga kalibutan.”
    • Galing sang ina nga ti-on, ang simbahan wala pa nakalab-ot palapnag sa mga lugar nga layo sa Jerusalem…
    • Mahapos lang mangin komportable sa mga kinaandan ta na – kun kaisa gina-uyog sang Diyos ang aton kahimtangan…
    • Masiling nga laban gid siguro nga mga sumulunod wala naglakat para magpalapnag sang Maayong Balita…
    • Kun wala ginpamatukan ni Pablo ang simbahan – naghingabot sa mga tumuluo…
    • Genesis 50:20 – “ Matuod nga nagplano kamo sang malain sa akon, pero ginplano na sang Dios nga magaresulta ato sang kaayuhan…… ”
    • Ginapanahugutan sang Diyos nga makaagi kita sang mga pagtilaw sa aton kabuhi para mapukaw kita…
    • Kag mag sandig sa iya, baylo sa pagsalig sa mga kinaandan naton.
    • Ang pamangkot: Ngaa ginkaugtan gid ni Pablo ang simbahan…
    • Ang pinakamaayo nga sabat: kombiksyon – markado na tawo si Pablo
    • Kun habuyon mo sang bato ang madamo nga ido, ang matiyangak amo ang naigo..
    • Kun may abyan ka okon kapamilya nga pwerte gid mamatok kay Jesus…
    • Laban gid nga rason amo nga nagahikot ang Diyos sa ila tagipusoon
    • Matapos si Pablo makapanghingabot sa simbahan sa Jerusalem – Gusto nya makakadto sa Damasco
    • May dala sya nga sulat halin sa mga pari nga nagapahanugot sa iya sa pag-aresto sa bisan sin-o nga tumuluo kay Jesus…
    • Ang unod sang iya panghuna-huna – nagaginhawa sang pamahog kag pamatay’- Binuhatan 9:1
    • Ang iya mismo nga pag-ginhawa daw isa ka kabayo nga pang-giyera nga makasimhot sing pagpakig-away…
    • Gusto ni Saulo nga gubaon ang simbahan – mga kina-ugtan nga mga Cristyano – kay indi sila mga Judio!
    • Ang relehiyon isa ka butang nga nagapabahin-bahin – makahalalit – nagapa-away sa isa kag isa…
    • Kun indi ka kaupod sang AKON relehiyon _ sala ka kag kinahanglan mapunggan ka…
    • Nagapuyo kita sa isa ka komunidad nga madamo na ang nag-tig-a ang tagipusuon kontra sa Maayong Balita…
    • Nadoktrinahan sila sa ila bilog nga kabuhi sang ila nga mga tradisyon kag mga disparatis…
    • Kag ginapabugal nila kag ginapatihan nga bastante na ang relehiyon para magdala sa ila sa langit…
    • Kun mamatok ka sa ila mga ginapatihan, gilayon ka gid mabutang sa alang-alang…
  • 2^nd – Sang nahamuot ang Ginoo – si Jesus nagpahayag kay Pablo vs. 15-16…
    • Indi si Pablo ang nagpili sa Diyos, ang Diyos ang nagpili kay Pablo…
    • Nahangpan ni Pablo nga ang Diyos nga nagdala sa iya sa kalibutan (Pagka-bun-ag)…
    • Amo man ang Diyos nga sa natangdo nga tion – nagluwas kay Pablo paagi sa iya nga BUGAY!
    • Kag gintawag si Pablo nga mangin isa ka Apostol para sa mga Gentil – Bunhatan 9:15..
    • Talagsa lang kita makapakita sang pasensya sa mga tawo patuhoy sa ila nga ginapatihan parte kay Jesus..
    • Makakita kita sang mga tawo nga nabitag na sa ila nga patay nga relehiyon – sumulunod sang mga waay-pulos nga mga tradisyon…
    • Nagapakita lang sa simbahan kaisa sa isa ka tuig, kun Paskwa sang Pagkabanhaw – para maghaluk sa tiil niHesus
    • Nagahatag sang ila pagtuo sa kahoy okon plastik nga laragway sang mga ‘santos’
    • Kanami tampaon para makabugtaw- kag makapati sa kay Jesus subong! Subong nga adlaw!
    • Pero indi mo mapwersa ang tawo nga makakita kay Hesus – ang Diyos lang ang maka-abre sang ila nga mga mata…
    • Sang pagsugat-anay ni Hesus kag ni Saulo – ‘Saulo, Saulo, Ngaa ginahingabot mo ako…”
    • Himpit gid nga nagapati si Saulo sa iya nga relihiyon – ginapatihan niya nga sakto lang nga hingaboton ‘ang simbahan’…
    • Amo nga gin-bulag ni Hesus si Saulo – para nga mapakita nga bulag sya sa iya Espiritu – Kag para ma-abrehan ang iya mga mata…
    • Juan 9:39  ”Nagsiling si Jesus, “Nagkadto ako diri sa kalibutan agod hukman ang mga tawo. Ang mga tawo nga nagakilala nga sila bulag sa kamatuoran ayuhon ko agod makakita sila. Kag ang mga tawo nga nagasiling nga sila kuno indi bulag, magaguwa nga sila amo ang bulag.” 
    • Ang mga relihiyoso nagapaminsar nga sakto sila – kay indi sila makakita sang kamatuoran…
    • Makombinsir mo ang isa ka bulag nga sala ang pagkakita nya sang mga butang…
    • Kun mapakita mo sa iya nga bulag sya…
    • Ang mga mahugot nga nagakapyot sa ila relihiyon – kinahanglan una gid nga makakita nga ang ila relihiyon indi makaluwas sa ila…
    • Kag amo dayon nga magapasugot na sila nga abrehan ang ila mga mata kag magtulok kay Jesus!
  • 3^rd – – indi gilayon si Pablo nagkadto sa Jerusalem…vs. 17-19
    • Naluwas si Pablo sa Syudad sang Damasco…
    • Pagkatapos siya makombertir , nagkadto siya sa Arabia (sa katundan) tatlo ka tuig…
    • Nagbalik sya sa Damasco sa ikaduha nga beses – Binuhatan 9: 23-26…
    • Indi si Pablo nangin sumulunod sang bisan sin-o kag wala siya gin-tudloan sang bisan sin-o nga Apostol…
    • Si Jesus ang nagtudlo sa iya kag nangin gintutun-an sya ni Hesus sa Iya Pulong…
    • Masami makapulot kita sang sala nga ideya nga indi kita makaintidi sang pulong sang Diyos…
    • Kianahanglan ta pa sang isa nga makapamatpat sini para sa aton- para magpa-athag sang Pulong sa aton…
    • Ang pamangkot: sakto ayhan sila – okon basi ila lang opinyon…
    • Nahatagan kita sang Diyos sang iya nga Balaan nga Espiritu- siya ang magatudlo sa aton…
    • Juan 14:26 – “Pero kon makahalin na gani ako, ang Manugbulig nga amo ang Espiritu Santo amo ang ipadala sang Amay nga magbulos sa akon. Siya ang magatudlo sa inyo sang tanan nga butang, kag magapadumdom siya sa inyo sang tanan nga akon ginsiling sa inyo.”
    • Makapaniguro gid kita nga ang ginahatag sang Balaan nga Espiritu sa aton- amo ang kamatuuran !
    • Sa ulihi, nakigkita gid man si Pablo sa mga sumulunod sa Jerusalem – Binuhata 9:26-28
    • Pero nahadlok sila makig-kita kay Pablo kay gianakahadloan sya nila…
    • Indi sila magpati nga ang tawo, nga nagpangayam sa ila asta kamatayan, nagbaylo na…
    • Bisan nahadlok ang tanan kay Pablo, si Barnabas ya nagapati nga nagbaylo na gid man si Pablo…
    • Wala gintulok ni Barnabas ang nakalipas ni Pablo – makita nya lang ang kun ano ang naubra ni Jesus sa kabuhi ni Pablo…
    • Sa relehiyon – ang aton mga ginahimo amo ang nagasaysay kon sin-o kita…
    • Pero sa kay Jesus, indi ang aton ginahimo ang nagahatag saysay sa pagkatawo ta – ang nagahatag saysay sa aton kabuhi si Jesus lang gid
    • 2 Corinto 5: 17 -”Ang bisan sin-o nga ara kay Cristo bag-o na nga tawo. Wala na ang iya daan nga pagkatawo, kundi bag-o na siya.”
    • Indi tanan nga sumulunod handa nga magbaton kay Pablo…
    • Ato lang didto si Pablo 15 ka adlaw nga kaupod si Pedro / nakita nya si Santiago (Nga utod ni Hesus)…
    • Kinahanglan ta man mahibal-an nga indi tanan makapati nga nagbaylo na nag imo pagkatawo…
    • Ang importante amo nga si Jesus ang nag baylo sa aton nga mangin isa ka bag-o nya nga tinuga
• 3^rd – Ang reaksyon sang mga simbahan sa pagkaluwas ni Pablo… vs. 20-24
  • Pagkatapos sang Jerusalem, nagbiyahe si Pablo pakadto sa Syria kag Cilicia ( Tarsus- banwa ni Pablo)…
  • Wala nagpadugay tiner si Pablo upod sa mga Apostoles sa Jerusalem…
  • Gintawag sya gilayon sang Diyos nga umpisahan ang pagpalapnag sang Maayong Balita…
  • Wala ginkinahanglan ni Pablo sang bisan sin-o nga magkalipikar sa iya para sa Pagpangalagad. Ang Diyos ang nagpreparar sa iya.
    • Kun gusto mo magtudlo sa Bible Study – okon mangalagad sa Diyos sa bisan ano nga paagi…
    • Ang mga tawo masami mangita sang diploma sa dingding- pagkakilala sang isa ka relehiyon…
    • Pero ang pamatuod sang Tawag sang Diyos wala nagadepende sa komendasyon sang mga tawo…
    • Damo ako kilala nga may mga “pastoral degree”- nga indi naman pastor!
    • Ang Tawag sang Diyos -makita sa binuhatan sang Diyos sa kabuhi sang isa ka tawo!
  • Wala gid sa mga taga simbahan sa Judea ang nakakita sang nawong ni Pablo…
  • Nabatian lang nila nga na kombertir na siya – ginluwas sang Diyos ang tawo nga nagdumut sa simbahan…
  • Ang bunga sang kabuhi ni Pablo maathag sa tanan – kag ang tanan nga santo ang naghatag himaya sa Diyos tungod sini…
  • Indi mabudlay mahibal-an kun ano ang katuyuan / tawag sang pangalagad nga ginhatag sa aton sang Ginoo sa aton kabuhi…
  • Ang kinahanglan ta lang ubrahon amo ang pagbinag-binag kun paano kita gina-gamit sang Diyos – diin ang bunga…
  • Kun ang Tawag sa imo para sa mga kabataan – makit-an mo nga malipayon ka nga mag-upod sa ila…
  • Kun gintawag ka para mangin isa ka manunudlo – makit-an mo nga may kalipay ka magtudlo kag maayo ka sa pagtudlo…
  • Indi ikaw lang ang makatalupangod sang imo nga Tawag sa Pag-alagdan – mangin maathag man sa tanan!