Galatians 3:15–29

Review…

• Galacia 1:1-2:21 – Ang Maayong Balita sang Bugay– ang mas Maayong Balita…
  • Ang mensahe sang Maayong Balita – Bugay kag Paghida-et paagi sa crus ni Jesus…
    • Pag sikway sang Legalismo – Si Pablo naga mando sa ila nga e sikway ang iban nga maayong balita!
    • Si Pablo nag lakat sa Jerusalem para depensahan ang Maayong Balita sang Bugay sa simbahan…
  • Subong nga naluwas paagi sa Bugay – nga-a gusto pa mag tubo kay Jesus paagi sa Kasuguan…
    • Ang kasuguan indi ka makalikaw sa pag pakasala – ginapakita nga ang tawo makasasala!
    • Kon tinguhaan naton nga mangin perpekto ang aton lakat kay Jesus paagi sa kasuguan -gina baliwala naton ang Bugay!
    • Galatcia 3:1-14 – magtubo sa pag tu-o…
  • Si Pablo nag pahgabay sa mga taga Galacia nga ikumpara ang Pagbuhat sa Pagtu-o…
    • Nabaton bala nila ang Balaan nga Espiritu paagi sa buhat ukon pag-tu-o – Binuhatan 8 – Simeon…
    • Nagtubo bala sila kay Jesus paagi sa buhat ukon Pag-tu-o – Roma 7 – ‘ang maayo nga butang nga gusto ko himu-on indi ko mahimo’…
    • Bisan nga gina gamit na sang Diyos – wala gid na base sa aton binuhatan/kundi sa Bugay lamang!
  • Ang pag pakamaayo sang kabuhi naghalin sa pag sunod kay Abraham -sa Pag tuo nga Ehem-plo sa aton tanan…
    • Kay bisan sin-o nga naga sunod sa kasuguan/buhat – napa idalum sa pag pakamala-ut – Deuteronomio 27:26
    • Si Jesus nangin pag pakamala-ut para sa aton – para ma hilway kita sa pag pakamalaut sang kasuguan…
    • Para nga kita makabaton sang bulahan nga kaluwasan – ang pagla-um sang Espiritu!

Ang katuyu-an sang Kasugu-an… (3 kabutang)

• 1^st – Ang Bugay nag abot antes ang Kasuguan… vs. 15-18
  • Kon nag perma ka sang kontrata – nahigut ka sa kasugtanan… vs. 15
  • Kon nag pangutang ka para mag bakal sang motor – mabayad ka kada bulan…
  • Indi mo mabag-o imo pinsar – kag mag desisyon nga mabayad ka tunga lang sa nakasugtan…
  • Sa amo man nga paagi ang Ginoo nag himo sang kuntrata nga tulumanon – nga wala sang isa nga maka lapas…
  • Ang Diyos nag hatag sang saad kay Abraham kag sa iya anak… vs. 16
  • Genesis 22:18 – “ Kag paagi sa imo mga kaliwat, pakamaayuhon ko ang tanan nga nasyon sa kalibutan, tungod kay nagtuman ka sa akon.”
  • Nadiparahan mo nga ang saad indi sa kaliwatan ni Abraham – kundi sa iya anak…
  • Ang Anak nga ginatuhoy wala na sang iban kundi si Jesu-Cristo…
  • Ang saad sang Ginoo nga ang pag pakamaayo sa bilog nga kalibutan paagi kay Jesus…
  • Si Jesus ang makakuha sang sala sang kalibutan – ang Saad amo ang Maayong Balita sa Bugay!
  • Ang Maayong Balita sang Bugay gin hatag 430 ka tuig antes ang Kasuguan…
  • Kon nag perma ka sang kasugtanan- nag saad – nga mag obra sa kompaniya sa 10 ka tuig…
  • Pero 2 pa lang ka tuig ang nakaligad nag desisyon ka nga mag ilis sang trabaho – gusto mo mag perma sang bag-o nga kasugtanan…
  • Sa pag himo sini nag lapas ka sa kasugtanan sa una mo nga gin obrahan nga kompaniya…
  • Ang Diyos indi mag bungkag sang iya saad – Wala siya naga butig – Tito 1:2
  • Ang Kasuguan ginhatag paagi kay Moises – nag abot tapos sang 430 tuig nga naka ligad…
  • Indi mabaliwala ang saad sang Bugay nga gin hatag kay Abraham…
  • Ang kasuguan may katuyu-an – pero wala naga kahulugan nga makahatag sa aton kabuhi…
  • Ang aton palanubli-on indi paagi sa kasuguan…
  • Ang Diyos may plano sa pag hatag sa aton sang palanubli-on nga walay katapusan – kabuhi nga wala sang katubtuban…
  • Ara gid sa plano sang Diyos ang pag gamit sang Maayong Balita sa Bugay – Indi ang Kasugua-an ni Moises…
  • Si Abraham indi niya maganar ang Saad sang Diyos – Libre nga gin hatag sa iya..
  • Indi ta takus nga mag palangit – wala ta nag pangabudlay sang aton kaluwasan…
  • Ang Diyos gin hatag si Jesus sa pag luwas sa makasasala – indi bangud nga takus kita – pero gin hatag ang regalo nga libre!
  • Wala sang maka kadto sa langit tungod gin-pangabudlayan niya sang tudo ini – libre ini nga regalo!
• 2^nd – Ang katuyu-an sang Kasugu-an… vs. 19-25 (4 kabutang)
  • Kon ang kasugu-an wala naga hatag sang kabuhi – nga-a ang Diyos nag hatag sang kasuguan…
  • Ang Kasugu-an isa sa mga indi-mahangpan nga bahin sang Biblia …
  • Gina pakabit sa ding ding sang ila balay ang 10 ka kasuguan para masunod kag ikabuhi ini…
  • Padayon nga gina wali sa pulpito ang kasuguan – mga pamaagi sa pag kabuhi nga balaan…
  • ang kasuguan indi makabulig sa aton pag kabuhi kay Cristo – ang kahulugan sang kasuguan makapatay lang sa aton…
  • 1^st -Ang kasugu-an gin hatag para mag konsiensya sa tawo sang sala nga nahimo…
    • Si Pablo maayo nga tawo – perti ka maayo nga tawo -antes siya magTu-o kay Jesus …
    • Si Pablo naga siling sa aton sa Filipos 3:6 – Suno sa Kasuguan Siya isa ka perpekto nga tawo…
    • Buot silingon nga mahinalungon siya sa pag bantay o pag tuman sang pag sulundan sang kasuguan sang Diyos…
    • Kon may isa ka tawo nga pwede mo matawag nga “matarung” amo ini si Pablo…
    • Si Pablo naga ha-um nga siya matarung nga tawo – tubtub sang nabasa niya ang Kasuguan sang Diyos…
    • Indi magkaibog (handum sang tagiposoon sang isa ka butang nga wala sa iya)
    • Si Pablo ma punggan niya iya kaugalingon sa iya buhaton/ang iya pang gawi – pero indi niya mauntat ang gusto sang iya tagiposoon…
    • Ang kasuguan nag pakita kay Pablo kon sin-o siya -kag kon ano ang matuod nga gakatabo sa iya tagiposoon…
    • Indi gid siya maayo nga tawo –mala-ut gid siya nga tawo – ang kasuguan nag hayag sang sala ni Pablo…
    • Damo ako sang nabal-an nga ga siling nga maayo sila nga Kristiyano kay naga tuman sila sa pag sulundan
    • Nagapakita sa simbahan kada Domingo – pero ano naman ang ara sa tagiposoon….
    • Mahimo naton nga indi kita makapatay sang tawo kon kita nagakaakig…
    • Pero pila ayhan sa aton nga may kaakig nga ginahuptan sa tagiposoon para sa iban…
    • Mateo 5:22 – “Pero ako nagasiling sa inyo nga ang bisan sin-o nga nagakaakig sa iya kapareho pagasilutan. Kag ang bisan sin-o nga nagapakalain sa iya kapareho sa pagsiling ‘Wala ka sing pulos,’ dal-on siya sa korte agod silutan. Kag ang bisan sin-o nga magsiling sa iya kapareho ‘Buang,’ pagasilutan siya sa nagadabadaba nga kalayo sa impyerno.”
    • Kon wala ta nakahibalo sang kasuguan sang Diyos – indi man kita makabalo nga sala gali ang maakig…
    • Ang Kasuguan sang Diyos isa ka Espiho nga makita naton nga kita makasasala…
  • 2^nd – Ang kasuguan paga hatag – paagi sa manugpatunga… vs. 20
    • Naga kinanglan lang sang manug-patunga kon ang duha ka tawo nga naga pamatok sa isa kag isa…
    • Sang ang Israelinhon nagkadto sa dalum sang bukid sang Sinai – nakita nila nga naga daguob kag nagakilat kag naga aso ang bukid…
    • Nag pangabay sila nga indi lang ang Diyos makig hambal sa ila – ukon makakita sang sang kalayo kay basi mapatay sila- Exodus 20:19
    • Naatubang nila ang Gahum kag ang Kabalaan sang Diyos – naga palangurog sila sa kahadlok!
    • Kon pakadtu-on ka sa korte – handa na nga pagapamatbatan sang Hukum…
    • Gusto mo nga may manug patunga – isa ka manugpatunga sa ulot ninyo…
    • Ang Diyos nag padala sang tiglawas niya – para mag hambal sang Iya Pulong…
    • Si Moises ang manugpatunga – Nag patunga siya sa Diyos kag sa nation sang Israel…
    • Ang kasuguan isa ka makahaladlok nga mensahe – ginapakita ang aton sala – naga kundinar sang kamatayon sa aton!
    • Roma 7:10 – “ Gani ang Kasuguan nga ang katuyuan maghatag sang kabuhi amo ang nagdala sa akon sang kamatayon.”
    • Apang ang Saad sang Bugay paagi kay Jesus naga hatag sang Pag-laum…
    • Sang nag hatag sang Saad kay Abraham – Indi na kinahanglanun sa tawo ang manugpatunga…
    • I Timoteo 2:5 – “Kay may isa lang ka Dios kag may isa lang ka manugpatunga sa Dios kag sa mga tawo. Ini wala sing iban kundi ang tawo nga si Cristo Jesus.”
    • Ilaragway ang Korte – pagabistahon ang imo sala – Ang Diyos ang hukom…
    • Si Satanas gina akusahan ka niya – Pahayag 12:10 – gusto ka niya makita nga makondinar kag mag kadto sa impierno…
    • May mga ebidensya siya sa imo – tanan nga sala/ ang imoral mo nga pang huna huna…
    • Pero si Jesus – ang aton manug Apin – magakadto sa pag luwas sa aton – may gina punto siya sa aton nga kamatu-oran…
    • Ang aton tanan tanan nga sala nabayaran na dito sa crus – nasapwan kita nga wala sang sala!
    • Ang Maayong Balita sang Bugay masyado ka daku nga balita – bisan pa nga may sala kita…
    • Kita gin Patawad na -nahilway na – gintagaan sang bag-o nga kabuhi!
  • 3^rd – ang Kasuguan bala nagasumpakilay sa Saad… vs. 21-22
    • Ang negatibo nga laragway sang kasuguan naga pinta kag gabilin nga mag palibog sa aton pang huna huna – law-ay bala ang kasuguan…
    • Bangod ang Kasuguan naga pakita lang sang aton sala – ang kasuguan bala sang Diyos malain…
      • Roma 7:7 – “ Karon basi kon may magsiling nga kon amo sina, malain gali ang Kasuguan. Wala ako nagasiling nga malain. Kay kon wala ang Kasuguan wala ako nakahibalo kon ano ang sala. Halimbawa, kon wala nagsiling ang Kasuguan, “Indi ka magkaibog,” wala ako nakahibalo nga malain ang pagkaibog. “
      • Ang kasuguan Bala-an – Ang sugo sang Diyos matarung kag maayo…
      • Ano ginhimo bala sang Diyos para sa kaayuhan- nagtuga sang sala sa akon – indi!
      • Ang kasuguan wala nag himo nga maibog si Pablo – nagapakita nga naga kaibog na si Pablo…
      • Ang kasuguan wala nag himo sa akon nga makasala – naga pakita nga ako nagapakasala…
    • Ang kasuguan perfecto – ang problema – wala siya sang gahum nga mangin perfecto ako…
      • Pareho sang speedometer naga pakita kon ano na ka dasig ang aton pagpadalagan – pero indi siya maka pa hinay sang pagpadalagan…
      • Ang kasuguan naga tudlo sa aton sang aton kapaltahan – nagapakita sa aton tanan nga kakulangan…
      • Ang problema wala ini sang mahimo nga makatabang nga maga bag-o kita…
      • Ang Puede niya lang mahimo nga makita ta nga ang aton gina obra malain – kag indi makahimo sang tsakto…
    • Kon matuman naton ang kasuguan tani maka hatag na sa aton sang bag-o nga kabuhi…
    • Ang problema sang kasuguan ako mismo – Indi ko mahimo mag tuman sang kasuguan …
      • Kon gatanaw kita sa kasuguan – nagasalig nga maka likaw kita sa pag himo sang sala…
      • Nagakahulugan nga naga depende kita sa aton kaugalingon nga pag paninguha nga maka kabuhi sang maayo paagi sa kasuguan…
      • May na kilala ako nga mahilig mag sigarilyo nga Kristiyano…
      • Gin hambalan ko siya nga indi siya mag sigarilyo – kay indi maayo nga Ehemplo…
      • Gin untat niya ang pag panigarilyo – pero gusto niya gid gihapon mag sigarilyo…
      • Nag hatag ako sang kasuguan sa iya – pero wala ako naka pa bag-o sang iya tagiposoon nga indi na pag gustuhon ang pag sigarilyo…
      • Kay gin hambalan ka nga himo-on ukon di pag himo-on naga base gihapon sa imo ang pag pili sang stakto…
      • Kon gusto ta mag pakasala –ang kasuguan wala sang gahum nga mag pa untat sa aton sa pag himo sang sala – ang kasuguan maka pakita lang sa aton nga ga himo kita sang sala…
    • Ang mahimo sang kasuguan sa aton ang maghimo sala – ina bala nga ka klaro gid (nagapakasala sang tudo)…
      • Ang punto ang kasuguan indi maka bulig sa aton mag kabuhi kay Jesus…
      • Kay nakahibalo kita sang kasuguan nga naga pakita kon ano kalayo sa aton sa pag sunod kay Jesus…
      • May iban nga sabat sa sini nga kinahanglanon – may ara dapat nga maayo nga pamaagi…
  • 4^th – Ang Kasuguan aton Manunud-lo… vs. 23-25
    • Sang gagmay pa kita kinanglan naton sang manunudlo nga mag tudlo sa aton…
    • Tudlu-an sa math / science / spelling -para makabalo kita mag pabilin sa pagpangabuhi…
    • Kon may ara na kita kaalam – wala na kita naga kinanglan sang manunudlo…
    • Kon na intiendihan naton nga kita makasasala – makita naton ang pag ka kinanglan naton kay Jesus nga aton manunubos…
    • Makita naton nga ang kaluwasan paagi lang gid sa pagtu-o kag natapos nga gin himo ni Jesus para sa aton – Roma 10:9-10
    • Ini isa ka bunayag nga dulot – nagakahulugan wala kita sang mahimo nga makuha naton ini sa aton nga pagpanikasog – Efeso 2:8-9
    • Wala na kita naga kinanglan sang kasugu-an – nag tuon na kita sang leksyon sa kasuguan…
• 3^rd – Wala na kita naga kinanglan sang Kasugu-an… vs. 25-29 (4 kabutang)
  • 1^st – Bangud sa Bugay – kita mga anak na sang Diyos paagi sa pag-tu-o kay Jesus…
    • Kaisa kita ‘matawo’ -nagapatuhoy sa pisikal nga pagkatawo – ang adlaw nga nabun-ag kita…
    • Pero ang natawo sang isa ka beses – anak ni satanas – Mateo 12:30
    • Atong mga natawo sa unod -mapatay sang makaduha – unod-non nga kamatayon kag kamatayon sa Espiritu…
    • Sang nabaton naton ang kaluwasan paagi sa pag tu-o – natawo kita liwat – natawo kita sa Espiritu…
    • Juan 3:3 – “ Nagsabat si Jesus, “Sa pagkamatuod, ginasugid ko sa imo nga wala sing tawo nga masakop sa paghari sang Dios[b] kon indi siya matawo liwat.”
    • Sing una mga kaanakan kita ni satanas – sa subong nangin anak na kita sang Diyos!
    • Bangud nga natawo na kita sa duha ka beses – sa unod kag sa Espiritu – mapatay na lang kita sang isa ka beses (sa unod)…
    • Kita mga anak na sang Diyos – magakadto kita sa langit kag mag puyo upod sa Diyos!
    • Bangud sa Bugay – kita gin Bautisohan na kay Cristo/isuklob si Cristo…
    • Ang kasuguan naga tudlo sa aton tanan sang aton mga kabulastugan – gapakita sang aton mga kakulangan…
    • Ang problema kay wala sang may mahimo sa aton. nga maka bulig sa pag bag- o sang pamatasan…
    • Ang iya lang gid nga abilidad nga mag pakita sang aton sala – indi makahimo sa aton nga matarung…
    • Si Jesus nag bag-o sang aton handum amo nga indi na ta ga pa sakop sa sala…
    • Kon ma-a-ngot kita sang aton suga sa kawayan – wala sang matabo – ang makahatag kasanag sa suga kon angtan mo ang linya sang elektrisidad…
    • Sa amo man nga bahin sang kabuhi ta gina tilawan ta gid mag-angot sa aton kaugalingon nga pag panikasog…
    • Kag mag libog ang ulo nga-a wala sang gahum ang kaugalingon mo nga pag paninguha-ngaa ara kita permi sa kadulum
    • Kon mag angot kita sa kay Jesus – ang kasanag magaluntad sa aton!
    • Bangud sang Bugay – nag hi-usa kita kay Cristo…
    • Sa kay Jesus wala na sang iban nga sahi- Judio ukon Gentil /lalaki o babayi…
    • Tanan kita alalangay tungod sa Bugay ni Cristo…
    • Ang kaluwasan indi basi kon sin-o kita – kundi kon sin-o ang aton nakilala!
    • Ang Diyos wala naga pili kon Judio ka ukon Gentil – Pinoy ukon Mexicano…
    • Bisan sino o ano pa kita isa lang ang dalan nga maluwas kita – paagi sa Pag tu-o kay Jesu-Cristo!
    • Kita tanan palareho sa atubangan sang Ginoo -tanan makasasala gin luwas sa pareho nga Bugay sang Dios!
    • Waay man pili manggaran man ukon imol…
    • Naga pamisar kita nga ang Kristiyanismo may ranggo malain/maayo/pinakamaayo…
    • Daw ang Ginoo naga tan-aw nga ang iban mas maayo sang sa iban…
    • May duha lang ka klase sang tawo sa panan-aw sang Diyos…
    • Ato ang mga nag higugma sang maayong balita sang Bugay – ang may kasiguruhan nga makadto sa eternidad sa langit..
    • Kag ato nga mga nag sikway kay Jesus -ang pagakadtu-an amo nga ma separar sila sa Diyos sa eternidad….
    • Bangud sang Bugay – nangin anak kita ni Abraham- Manunuble sang Saad…
    • Ini isa ka regalo – wala kita sang may nahimo nga mangin takus sini – pero kon mag tu-o kita iga hatag niya sa aton…
    • Mabaton naton sang libre ang saad sa kabuhi nga wala sang katapusan – naluwas bangud sang Maayong Balita sang Bugay.