Genesis 3:1–24

Genesis 2:1-25

Ang Adlaw sang Inugpahuway kag ang Kasal…

• 1^st – Ang ika 7 nga Adlaw sang Pagtuga… vs. (1-3)
  • 1^st – Ang Pagtuga sang Adlaw sang Inugpahuway… vs. 1-2
  • Tapos na ang pagtuga sang Dios sang kalangitan kag kalibutan…
    • Pagkatapos sang 6 ka adlaw sang pagtuga – nakita sang Dios ang tanan niya nga ginhimo kag maayo gid ini…
    • Wala na sang iban nga himoon – kumpletu na ang obra…
    • Gani sa ika 7 nga adlaw gintapos na niya ang iya ginhimo (asah)…
    • Nagpahuway siya – sabbath – buot silingon kon ano man ang imo ginahimo, mag untat ka!
  • Indi buot silingon nga ginkapoy na ang Ginoo – indi niya kinahanglan sang pahuway…
    • Kon gusto sang Dios, mahimo niya ang tanan sa isa ka adlaw…
    • Sa una pa lang gusto na sang Dios nga may ara sa 6 ka adlaw para sa pag-obra…
    • Pareho sa pagtuga sang Dios sang kalibutan sa sulod sang 6 ka adlaw – maga obra man kita sang 6 ka adlaw sa 1 ka semana…
    • Ang ika 7 nga adlaw para magpahuway – ginatawag ini nga Adlaw sang Inugpahuway – ang ika 4 nga sugo!
    • Exodus 20:9-10 – “Mag-obra kamo sa sulod sang anom ka adlaw, Pero ang ikapito nga adlaw amo ang Adlaw sang Inugpahuway nga inyo painon para sa akon, ang Ginoo nga inyo Dios….”
  • Ano nga adlaw sang semana ang Adlaw sang Inugpahuway…
    • Sa Hiligaynon ang Sabbath buot silingon Sabado – ang Adlaw sang Inugpahuway…
    • Ang Sabado amo ang Adlaw sang Inugpahuway sang mga Judio – halin sa pagtunod sang adlaw sa biernes asta sa pagtunod sang adlaw sa sabado…
    • Basi mamangkot kamo – ngaa nagasimba kita sa domingo nga adlaw!
    • Sa libro sang Binuhatan, nagtipon sila kag nagsimba sa domingo nga adlaw – Binuhatan 20:7
    • Sa Judio nga kalendaryo, ang domingo amo ang una nga adlaw sang semana…
    • Ginhimo nila ini sa pagdumdum sang pagkabanhaw ni Jesus – una nga adlaw sang semana – Lucas 24:1
    • Amo ina ang rason kon ngaa nagasimba kita sa domingo nga adlaw – ang aton adlaw sang inugpahuway!
  • 2^nd – Ang tuyu sang Adlaw sang Inugpahuway…
  • Ginbendisyunan sang Dios ang ikapito nga adlaw kag nangin balaan ini…
    • Pagpabalaan – separar / mangin balaan – una nga beses makita sa Biblia (sa Genesis)…
    • Balaan ang ini nga adlaw tungod amo ini ang adlaw nga nagpahuway ang Ginoo (sabbath)…
    • Sa tanan nga obra nga iya gintuga (bara) kag ginhimo (asah)!
  • Amo ini ang tuyu sang Adlaw sang Inugpahuway…
    • Ang adlaw nga ginhimo sang Dios nga Balaan – separar – para sa Iya…
    • Ang adlaw para dumdumon ang iya gin obra sa pagtuga (bara) kag paghimo (asah) sang kalibutan!
    • Madamo sang nagakabuhi kag nagapinsar nga mapuno ang kulang sa ila paagi sa kalibutanon nga mga butang…
    • Pero wala kita gintuga sang Dios para mag obra ukon magsunod kon ano ang uso sa kalibutan…
    • Gintuga kita sang Dios sa sini nga katuyuan – para makilala Siya!
    • Juan 17:3 “Kag amo ini ang kabuhi nga wala sing katapusan: nga ang mga tawo magkilala sa imo amo lamang ang matuod nga Dios kag magkilala man sa akon nga imo ginpadala.”
  • 3^rd – Ang mga layi para sa Adlaw sang Inugpahuway…
  • Suno sa kasuguan, dapat may ara Adlaw sang Inugpahuway – ang ika apat nga sugo – Exodus 20:8
    • Sa Numero 15:32 may nakita sila tawo nga nagapangahoy sa Adlaw sang Inugpahuway…
    • Ang silot sang iya ginhimo amo ang kamatayon paagi sa paghaboy sa iya sang bato!
    • May ara sang mga RELIHIYOSO nga tawo asta subong nga nagahambal – kinahanglan gid ini…
    • Ang mga RELIHIYOSO nga tawo sang tion ni Jesus, amo man ang ginahambal…
  • Ang budlay – kay ang hambal sa Biblia, indi ka pwede mag obra sa Adlaw sang Inugpahuway…
    • Pero ano ini nga mga OBRA? – diri na nag intra ang mga relihiyoso nga lider…
    • Ginpakita nila kon ano gid ang buot silingon sang Ginoo parte sa Adlaw sang Inugpahuway – (39 ka indi pwede)
    • Ang mga Judio nga lider nagahambal nga pagsuway sa kasuguan ang – pagpamong it…
    • Suno sa Judio nga mga manunudlo – bisan pa ang pagpasiga sang suga obra…
    • Ang mga refrigerator sa Israel nakabalo kon Adlaw na sang Inugpahuway – indi pwede magpasiga sang suga sa sini nga adlaw…
  • Pero si Jesus nagpang-ayu (obra) sa sini nga adlaw!
    • Kon isipon, ka-pito gid nga beses nagpang ayu si Jesus sa Adlaw sang Inugpahuway – ginhimo niya ini sa isa ka rason!
    • Marcos 2:27 “Kag nagsiling pa gid si Jesus, “Ginhimo ang Adlaw nga Inugpahuway para sa kaayuhan sang tawo. Wala ginhimo ang tawo para sa kaayuhan sang Adlaw nga Inugpahuway.”
    • Wala kita gintuga sang Dios para magsunod sa Adlaw sang Inugpahuway – kundi ginhatag niya sa aton ang ini nga tion para magpahuway…
    • Adlaw ini para makapahuway kita sa tanan nga obra…
    • Kinahanglan gid bala ini – INDI – pero nami ini nga ideya…
    • Kon gintuga kita sang Dios – ginhatagan sang isa ka adlaw sa isa ka semana para magpahuway – basi kinahanglan gid ini…
    • Pero indi importante kon ano ini nga adlaw – Sabado / Domingo / Martes!
  • Ang Adlaw sang Inugpahuway nagapakita sa aton kon sin-o gid ang matuod nga kapahuwayan!
    • Hebreo 4:9-10 “Gani may kapahuwayan pa gid nga ginatigana ang Dios para sa iya mga tawo, kag ini nga kapahuwayan pareho sang pagpahuway sang Dios sa ikapito nga adlaw. Kay kon sin o nga makabaton sang kapahuwayan nga halin sa Dios makapahuway na sa iya mga obra, pareho sa Dios nga nagpahuway pagkatapos nga nahimo niya ang tanan…”
    • Kinahanglan gihapon naton mag obra – buot silingon wala pa kita maka angkon sang matuod nga kapahuwayan…
    • Ang matuod nga kapahuwayan kon makita na naton ang nawong ni Jesus – kon ato na kita sa aton matuod nga balay!
    • Ang Adlaw sang Inugpahuway nagatudlo sa aton sang paglaum sang langit – si Jesus!
  • Ang Adlaw sang Inugpahuway LANDONG ni Jesus!
    • Colosas 2:16-17 – “Gani indi kamo magpadala dala sa mga tawo nga nagasiling sa inyo kon ano ang indi dapat kaunon ukon imnon, ukon ano ang dapat himuon sa mga piesta, kon maglati ang bulan, kag sa Adlaw sang Inugpahuway. Ang mga pagsulundan nga ina landong lang sang mga butang nga ginapaabot sang una, nga amo si Cristo.”
    • Kon makita mo ang landong sang imo abyan, madalagan ka bala pakadto sa iya kag hakson ang landong…
    • Syempre indi – pero nagapakita ini nga malapit na lang ang imo abyan!
    • Gani indi pagpasugti ang iban nga maghambal sa imo kon mapahuway ka ukon indi…
    • Ang Adlaw sang Inugpahuway amo ang landong ni Jesus – siya ang matuod naton nga kapahuwayan!
    • Mateo 11:28-30 – “Palapit kamo sa akon, tanan kamo nga ginabudlayan kag ginabug-atan kag papahuwayon ko kamo. Magsunod kamo kag magpatudlo sa akon kay mabuot ako kag mapainubuson. Makapahuway kamo, kay ang akon mga sugo mahapos nga tumanon kag mamag-an lang ang akon ginapahimo.”
• 2^nd – Ang Estorya parte sa Kalibutan kag sang Kalangitan… vs. 4-7
  • • 1^st – Amo ini ang estorya parte sa kalibutan kag sang kalangitan… vs. 4-6
      • ESTORYA – literal ang buot silingon sini nga generasyon – pwede man naton mahambal nga genealogy…
      • Ang bilin sang sini nga bahin / chapter magabalik sa pagtuga sang kalibutan…
      • GINTUGA – bara – naga estorya parte sa UNA nga adlaw sang pag estorya sang Dios sa kalibutan…
      • Gani pagkatapos sang una nga adlaw sang pagtuga – antis ginbutang ang tawo sa katamnan para mag obra…
      • Una nga gingamit ang tanom sa duta – indi buot silingon sa pagtuga sang mga tanom…
      • Naga estorya ang Dios nga sang una wala pa may GAPANGUMA – wala ulan / wala tawo nga mananom!
    • 2^nd – Ang Ginoong Dios ang naghimo (asah) sang KALIBUTAN (una) kag Kalangitan… vs. 5/7
      • Ang Ginoo – 6519 ka beses gingamit sa Biblia – ang ngalan sang Dios…
      • Halin ini sa Hebreo nga verb – AKO ANG DIOS – Exodus 3:14
      • Amo man ang gginhambal ni Jesus sa new testament sa ini nga verb…
      • Ako ang Dios – tinapay nga nagahatag sang kabuhi / suga nga nagahatag sang kasanag sa kalibutan / ang puertahan / maayo nga manugbantay sang mga karnero…
      • Ang ideya, ang Dios may ara sang tanan naton nga kinahanglan – kon san o naton ini kinahanglan…
      • Ang Ginoong Dios (JHVJ Elohim) gusto nga ihatag ang tanan naton nga kinahanglan subong!
    • 3^rd – Ginhimo sang Ginoong Dios ang tawo halin sa duta… vs. 7
      • Ginhimo – buot silingon ginporma sa dagway – pareho sang duta nga ginaporma sang manugkolon…
        • Halin sa duta – ginhimo sang Dios ang TAWO – halin sa higko!
        • Ang word nga duta sa Hebreo halin sa word nga TAWO (adamah)…
        • Sang nakasala si Adan – ginhambalan siya nga magabalik siya sa duta tungod sa duta man siya naghalin – Genesis 3:19
        • Intsakto gid ini – ang aton lawas may ara sang 59 ka elemento pareho sa duta!
        • Halin kita sa duta kag isa ka adlaw ang aton lawas magabalik sa DUTA – Manugwali 3:20
        • Bisan pa 50 katuig kita malubong ukon 50 minutes nga ginsunog (cremate) – pareho lang ang katapusan – DUTA!
      • Ginhuypan sang Ginoo ang duta…
        • Nangin tawo ang tawo paagi sa 59 ka element halin sa duta…
        • Ang HUYOP sang Dios nga ara sa iya nagahatag sang kabuhi…
        • Ang maayo lang sa aton sang sa duta – ang huyop sang Dios!
        • Amo na nga mas nagahatag kita sang tion sa Pulong sang Dios – nga nagahatag sa aton sang kabuhi!
        • II Timoteo 3:16 “Ang bug-os nga Kasulatan ginsulat paagi sa gahom sang Dios, kag mapuslanon sa pagtudlo sang kamatuoran, sa pagsabdong sang sala, sa pagtadlong sang sayop, kag sa pagtudlo sang matarong nga pagkabuhi.”
• 3^rd – Katamnan sa Eden… vs. 8-17
  • • 1^st – Ang Ginoong Dios naghimo sang katamnan sa Eden… vs. 8-9
      • Eden – buot silingon kalingawan / kalipay (manami gid ini nga lugar)…
      • Ginpatubo sang Dios ang tanan nga klase sang mga kahoy nga manami kag ang ila mga bunga manamit kaunon…
      • Pati na ang kahoy nga nagahatag sang kabuhi kag ang kahoy nga nagahatag sang ihibalo kon ano ang maayo kag malain…
      • Kag ginbutang niya ang Tawo sa tunga sang katamnan sa Eden!
      • Ginhatag sang Dios ang tanan nga kinahanglanon ni Adan – wala gid sing kulang – PARAISO ini!
    • 2^nd – Ang apat ka suba nga nagailig sa Eden… vs. 8-9
      • Tungod nga wala sang ulan – ang katamnan may ara sang suba nga nagabunyag sa tanan nga mga tanom kag kahoy…
        • Ang main river natunga, kag nagsanga ini sang apat ka suba…
        • PISHON – para magsaka – nagailig ini sa bug-os nga duta sang Havila (bilog)…
        • Ang mga bulawan sa Havila, bediliyum (malahalon nga pahamot) kag onix (malahalon nga bato)…
        • Sang 1^st century si Josephus gin anggid ang Pishon sa GANGES river sa India…
        • GIHON – naga ilig ini sa bug-os nga duta sang Cush (Ethiopia) – siguro ang NILE…
        • HIDDEKEL – madasig – pakadto sa sidlangan sang Asyria (Iraq) – suba sang Tigris – Daniel 10:4
        • EUPHRATES – mabinungahon – ang suba nga naga ilig asta subong sa Turkey / Syria / Iraq…
      • Ang heograpiya sang 4 ka suba nga nagailig sa Eden wala na sing pulos subong…
        • Ang mga suba / duta / kag bisan pa ang katamnan sa Eden nadula sang pagbaha sang tion ni Noe…
        • Pero wala ini nagpugong sa mga tawo sa pagpangita sang mga bulawan…
        • Makahuluya ang mga tawo nga naga gamit sang Biblia para sa pagpangita sang temporaryo nga manggad diri sa kalibutan…
        • Wala sila nagatulok sa manggad nga wala sing katapusan – si Jesus – ang Biblia parte tanan sa Iya!
    • 3^rd – Ang sugo parte sa katamnan… vs. 15-17
      • Ginbutang sang Dios ang tawo sa katamnan para mag (obra / alagad) kag bantayan / protektaran ini…
        • Ginhatagan obra sang Dios si Adan – kinahanglan niya mag obra kag bantayan ang paraiso (indi pareho kabudlay sa mga obra subong)…
        • Nagpromisa ang Dios nga maghatag sang aton tanan nga kinahanglanon – pagkaon para kaunon – Mateo 6:26
        • Pero indi buot silingon nga mapungko na lang kita kag maghulat nga hatagan kita sang pagkaon…
        • Ang pinakahapos nga paagi para mahatag sang Dios ang aton kinahanglanon – mag obra kita para makakaon!
        • II Tesalonica 3:10 – “Sang kami kaupod pa ninyo dira, nagsiling kami sa inyo nga ang bisan sin-o nga indi mag-obra, indi pagpakaunon.”
      • Ang Ginoong Dios nagsugo…
        • Ang bisan ano nga kahoy sa katamnan makaon ni Adan – wala gid sa nagkulang sa pagkaon…
        • Pero INDI siya pwede magkaon sang kahoy nga nagahatag sang ihibalo kon ano ang maayo kag malain…
        • Ano ang kahoy nga nagahatag sang ihibalo kon ano ang maayo kag malain – ang magkaon sang bunga sang sini nga kahoy sigurado mapatay!
        • Kaduwa diri ginhambal ang MAPATAY – MAPATAY nga imperpekto / sigurado nga MAPATAY…
        • Kay sang tion nga ginkaon ni Adan ang prutas napatay ang iya espiritu (separar na siya sa Ginoo)…
        • Kag nag amat-amat man luya ang iya lawas – nabuhi lang siya sang 930 katuig kag napatay!
        • Tungod sa sala ni Adan – pwede man kita mapatay sang ika duwa nga beses – pero sigurado nga mapatay ang aton lawas….
        • Wala labot kay Jesus pwede man kita mapatay sang ikaduwa nga beses – separar sa Ginoo asta sa katapusan – Roma 6:23
        • Ang MAAYONG BALITA nagkadto si Jesus diri sa kalibutan para may KABUHI kita nga wala sing katapusan – Juan 10:10
      • Ngaa ginbutang sang Dios ang kahoy sa katamnan sang Eden…
        • Ngaa ibutang ang ini nga kahoy sa kalibutan nga manami – ngaa ginhatagan si Adan sang PAGPILI…
        • Ini tanan tungod sa Gugma – wala sang GUGMA kon wala kita sang PAGPILI…
        • Kon may nagpalapit sa aton nga may dala pusil kag naghambal nga higugmaon naton siya…
        • Pwede kita makahambal huo – pero sa aton tagipusuon wala gid sang GUGMA – tungod wala kita sang PAGPILI…
        • Ang matuod nga paghigugma may pagpili – gani ginhatagan sang Dios ang tawo sang pagpili…
        • Pwede nga magtuman ang tawo sa Dios (indi magkaon sang prutas sa kahoy) ukon indi magtuman (sala)…
        • May pagpili kita subong – pillion bala naton nga higugmaon ang Dios – Juan 3:16
        • Indi gusto sang Dios piliton kita magpa-langit – imo ini nga pagpili / desisyon…
        • Pero wala man ang Dios nagapadala sang tawo sa impierno – pagpili nila ina – ang pamangkot ano ang aton pillion…
        • Pillion bala naton nga isikway ang Dios – ukon ang libre nga kabuhi nga wala sing katapusan didto sa langit!
        • Juan 20:31 “Pero ang mga nasulat diri ginsulat agod magtuo kamo nga si Jesus amo ang Cristo, ang Anak sang Dios. Kag kon magtuo kamo sa iya may kabuhi kamo nga wala sing katapusan.”
• 4^th – Ang Pagtuga kay Eva… vs. 18-25
  • • • 1^st – Indi maayo… vs. 18-20
        • Una nga beses naghambal ang Dios INDI maayo – kinahanglan ni Adan sang BULIG…
        • Gintuga sang Dios ang tanan nga klase sang sapat kag mga pispis kag gindala niya ini kay Adan…
        • Kag kon ano ang tawag sa ila ni Adan – amo na ila ngalan…
        • Indi magpinsar kabayo / ido / kuring – pinsar sang mga pangalan pareho sang David / John / Jen…
        • Gusto sang Dios nga makita ini ni Adan para indi niya mapyaran nga may kulang – KABULIG…
        • Pero wala siya sang upod nga bagay sa iya!
      • 2^nd – Ginpatulog sang Ginoong Dios si Adan sang mahamuok gid… vs. 21
        • Ginkuha sang Ginoong Dios ang isa niya ka gusok kag gintuga ang babayi…
        • Ang GUSOK lain nga translation – ang literal sini nga translation sa iya kilid…
        • Wala ginkuha ang babayi sa ulo sang lalaki – para ang lalaki ang magagahum sa babayi…
        • Ukon sa tiilan sang lalaki – para mag-alagad ang babayi sa lalaki…
        • Kundi ginkuha sang Dios ang babayi sa kilid sang lalaki para – ka-angay lang sila nga duwa!
        • Galacia 3:28 “Karon palareho na lang ang mga Judio kag ang mga indi Judio, ang mga ulipon kag ang mga indi ulipon, ang mga lalaki kag ang mga babayi. Kita tanan palareho na lang tungod nga kita ara na kay Cristo Jesus.”
      • 3^rd – Gindala sang Ginoong Dios ang babayi kay Adan… vs. 22
        • Wala si Adan naglakat para mangita sang iya asawa…
          • Kon ginpagustuhan si Adan – wala siya mayo sang pilian…
          • Kon naglalis gid siya nga siya na lang mangita sang iya asawahon – ano ang iya pilian – AMO…
          • Sang naghulat siya sa Ginoo – natulog siya – gindala sa iya sang Ginoo ang perpekto nga asawa!
          • Sa mga gusto magpakasal – indi maglakat kag mangita sang imo pangasawahon…
          • TULOG (nga may handum nga makasal) kag hulat sa Ginoo…
          • Kay ihatag niya sa imo ang perpekto nga asawa / bana sa intsakto nga tion!
          • 1 Corinto 7:27 “Gani kon may asawa ka na, indi siya pagbulagi. Kag kon wala ka pa asawa, indi ka na lang magpangasawa.”
        • Halos tanan sa aton gintawag para magpangasawa – dutay lang ang nagpili nga indi mag asawa…
          • Pero may dako man nga bugay para sa mga nagpili nga indi mangasawa…
          • 1 Corinto 7:32-33 – “Gusto ko kuntani nga mahilway kamo sa mga palaligban diri sa kalibutan. Ang wala sing asawa wala sing iban nga ginpanumdum kundi ang hilikuton sang Ginoo kag kon paano siya makahatag sing kalipay sa iya. Pero ang lalaki nga may asawa nagapanumdum pati sang mga butang diri sa kalibutan kag kon paano siya makahatag sing kalipay sa iya asawa.”
          • Kon makasal kita halos tanan naton nga tion ara sa aton nga pamilya…
          • Kon wala kita sang asawa / bana damo kita sang tion para mag alagad sa Ginoo!
          • Pero kon daw gusto mo na gid maghimo sang mga butang nga para lang sa mag asawa – 1 Corinto 7:2
          • Kon bilog mo nga kabuhi nagahandum ka nga makasal ka sa ulihi…
          • Kon matyag mo may ara sang pirme nagatulok sa imo – basi siya na…
          • May ara sang dako nga tsansa nga makapangasawa ka!
          • Hulubaton 18:22 – “Kon nakapangasawa ka, nakabaton ka sing maayo nga butang, kag nagapakita ina nga maayo ang Ginoo sa imo.”
        • Indi ninyo pagpukawon ang gugma sa wala pa ang husto nga tion – Kanta 8:4
          • Mas maayo pa nga magtulog sa Ginoo – sang sa mag una-una padulong sa dalan nga isa lang ang katapusan!
          • Disenyo sang Dios ang pakighilawas sa imo asawa ukon bana…
          • Katingalahan ang pagtuga sang Dios sang kasal – regalo ini halin sa Iya – Hebreo 13:4
          • Pero kon WALA ka pa nakasal – mas maayo nga indi ka magtandog sang mga babayi – 1 Corinto 7:1
          • Amo ini ang dalan nga magadala sa imo sa paghimo sang imoralidad!
      • 4^th – Pagatawgon siya nga Babayi… vs. 23 / 25
        • Dayon naghambal si Adan – Ari na ang pareho sa akon! Tul-an nga ginkuha sa akon tul-an, kag unod nga ginkuha sa akon unod…
          • Pagatawgon siya nga Babayi – tungod ginkuha siya halin sa lalaki…
          • Nagkuha ang Dios sang isa ka butang kay Adan tungod indi maayo nga nagaisahanon lang siya…
          • Dayon ginbalik niya ini kay Adan – kag ang resulta perpekto nga pag updanay – ang DUWA nangin ISA!
          • Kag nangin hublas sila – ang lalaki kag ang iya asawa – wala sila mahuya (wala man sila sang ginatago)!
        • Isa ini sa dako nga mga kamatuoran sa Biblia – ang regalo sang KASAl…
          • Ginhatagan kita sang kasal sang Ginoo sa una pa lang – antis pa magpaka-sala si Adan kag Eva…
          • 1 – Para may ara kita sang abyan – indi maayo nga ang lalaki naga-isahanon lang…
          • Manugwali 4:9-12 – Mas maayo ang duwa sang sa isa / ang tatlo ka lubid mas mabudlay bugtuon!
          • Nahibaloan sang Dios nga indi manami kon nagaisahanon lang kita – kinahanglan naton sang kabulig!
          • 2 – Para magbata sang diosnon nga mga kabataan – Indi na sila duwa kundi isa na lang – kag nakumpletu sila paagi sa mga bata!
          • Gintuga sang Dios ang lalaki kag babayi para may ara kita sang diosnon nga mga kabataan – Malakias 2:15
          • Mga bata nga nakakilala kay Jesus / nagahigugma / kag naga sunod sa Iya – paagi sa ihemplo sang ila mga ginikanan!
          • 3 – Para ma-intiendihan naton ang Dios – naggamit siya sang 2 ka ilustrasyon sang relasyon para ipakita ang Iya paghigugma sa aton…
          • Ginakabig niya kita nga Iya mga anak / ginakabig man kita Niya nga mga asawa…
          • Paagi sa kasal makita naton kon ano kadako ang Iya paghigugma sa aton!
      • 5^th – Amo ina ang rason nga bayaan sang lalaki ang iya amay kag iloy , kag sila nga duha mangin isa… vs. 24
        • Nagahambal ini parte sa kadugayon sang KASAL – tungod asta ini sa bilog naton nga kabuhi…
        • Kon parte sa PAGBULAGAY – hambal ni Jesus – Mateo 19:4-5
        • Ang budlay sa kasal – gin upod ang duwa ka makasasala!
        • Sang indi pa kita kasal – nagapinsar lang kita sang aton kaugalingon…
        • Ang tanan naton nga desisyon intsakto – tungod ginhimo naton ini…
        • Pero pagkatapos sang kasal kinahanglan nga paminsaron man naton ang aton asawa / bana…
        • May naghambal sa akon – ang kasal nagatudlo sa imo sang pagka mapainubuson…
        • Kag ginhatagan kamo sang Dios sang kabataan para taposon ang leksyon!