Genesis 9–10

REVIEW

• CHAPTER 6
• KADA intensyon sang paghuna-huna – sang antis maghuna-huna – malaot na nga daan adlaw adlaw!
• Gani – Ang Ginoo naghambal nga ang Iya Espiritu indi pirme maglagas sa tawo…
• Hatagan lang Niya sila sang 120 ka tuig – kag kuhaon sang Dios ang ila mga sala paagi sa baha!
• PERO – si Noe lang ang nakita sang Dios nga matarong – kag ginsugo Niya si Noe nga maghimo sang arka!
• Chapter 7-8
• Nagsiling ang Ginoo kay Noe, “magsulod ka sa arko – tungod kay siya lang ang matarong sa iya henerasyon…
• Ginpasulod sang Ginoo ang kada pares sang tanan nga sapat kaupod si Noe (14 ka matinlo) kag ginsira ang puwertahan!
• Kag nag-awas ang tanan nga tuburan/ nag-abri ang langit/ kag nag-inulan sa sulod sang 40 ka adlaw…
• Ang tanan nga mga butang kag tanan nga naga kabuhi sa duta nagkalamatay – ang ARA LANG sa sulod arko ang naluwas!
• Wala pagkalimti sang Ginoo si Noe – kag pagkatapos sing 370 ka adlaw sa arko – gindala sila sang Dios sa mamala nga duta…
• PAGKATAPOS SANG BAHA…
• 1^st – PARTE SA MGA SAPAT… VS. 1-4
  • 1^st – Magmabinungahon kag magdamo… vs. 1
  • Ang una nga sugo sang Ginoo pagkaguwa nila sa barko – amo ang pagsulit sa una nga sugo!
  • Genesis 1:28– “Magpamata kamo kag mag damo agod ang inyo mga kaliwat magalapta kag maga gahom sa bug-os nga kalibutan. Kag gamhan ninyo ang tanan nga sapat.”
  • Ang kalibutan nga makita ni Noe lain sang sa una – pero ang sugo pareho lang!
  • Kay ang kalibutan nagabag-o – pero ang pulong sang Dios wala gid nagabag-o!
  • Lucas 21:33– “Madula ang langit kag ang duta, pero ang akon pulong indi gid madula kundi matuman gid ini.”
  • Ang aton kultura indi dapat gamiton para ipakita sa ila ang pulong sang Dios…
  • Kundi ang pulong sang Dios amo ang magapakita kon ano ang aton kultura – ang pulong sang Dios wala gid nagabag-o!
  • 2^nd – Ang grabe nga kahadlok sang mga tawo sa mga sapat… vs. 2
  • Pareho man kay Adan sang ara siya sa garden, ang Ginoo naghatag man kay Noe sang awtoridad nga labaw sa mga sapat nga ara sa kalibutan…
  • Pero sa sini nga tion ang mga sapat may kahadlok(una nga gingamit sa OT) sa tawo…
  • Kay dako ang chansa nga maghambal ang Dios nga – ang mga sapat PAGKAON!
  • Pero ang tawo may ara sang responsibilidad nga halongan ang mga butang nga ginhatag sang Ginoo!
  • Ina indi buot silingon nga simbahon ta ang mga tinuga (paghakos sa mga kahoy) – kay ina mga butang…
  • Pero kinahangalan naton nga halongan ang mga gintuga sang Ginoo tungod kita ang ginbilinan niya sini!
  • 3^rd – Ang mga sapat PAGKAON… vs. 3
  • Pagkatapos sang baha ang Ginoo nagsiling kay Noe nga ang tanan – pati mga sapat –PAGKAON…
  • Dako ang posibilidad nga ang mga tawo sang una antis sang baha wala naga kaon sing karne…
  • Kag amo ini ang una nga sugo sang Ginoo nga pwede na sila nga magkaon sang karne!
  • Ano ang pwede kaunon – kon ini naga giho – puwede ini kaunon!
  • Wala sing ginadili an nga indi puwede kaunon – tanan maayo – tanan PAGKAON!
  • I Timoteo 4:4 – “Ang tanan nga ginhimo sang Dios maayo. Gani wala sing butang nga dapat dilian kon gina baton nga may pagpasalamat…
  • 4^th – Wala labot ang dugo… vs. 4
  • Ang ISA nga ginadili-an nga paga kaunon amo ang DUGO sang sapat…
  • Ang rason kon ngaa ginadili-an sang Dios si Noe nga magkaon sing dugo – tungod kay nagadala ini sang kabuhi!
  • Ang DUGO itsura ini sang kapatawaran – nagapakita sang sakripisyo ni Jesus!
  • Ang bayad sang sala amo ang kamatayon – Roma 6:23 – pero ginpatawad kita paagi sa dugo ni Cristo!
  • Hebreo 9:22 – “Kon wala sing dugo wala sing kapatawaran [sa mga sala]…”
  • 1 Pedro 1:18-19 – “[Kita] wala naluwas paagi sa mga butang nga madula… kundi paagi sa dugo ni Cristo.”
  • Pero damo sang nagakabalaka – kay ang DUGO pagkaon sa pilipinas…
  • Buot bala silingon sala ang pag kaon sing DUGO – wala na dinuguan!
  • Mateo 15:11 – “Ang mga butang nga nagasulod sa baba sang tawo wala nagapahigko sa iya, kundi ang mga nagaguwa sa iya baba.”
  • Indi ang aton mga gina kaon ang problema – kundi ang nagaguwa sa aton mga baba…
  • Ang problema indi kon ano ang ara sa aton tiyan – kundi kon ano ang unod sang aton tagipusuon!
  • Lucas 6:45 – “…Kon ano sa tagipusuon sang tawo amo man ang naga guwa iya baba.”
• 2^nd – PARTE SA PAGKA BALAAN SANG KABUHI… vs. 5-7
  • 1^st – Ang bayad nga kamatayon… vs. 5-6
  • Antis sang baha wala pa sing gobyerno – wala sang layi…
  • Ang mga tawo pagusto lang sa paghimo sang ila luyag…
  • Bisan ang pagpatay wala sing konsekwensya ( Cain/Lamech )…
  • Ang Ginoo naghimo sang una nga layi – parte sa pagpatay…
  • Kon ang tawo – ukon sapat – magpatay sang iya isig kapareho – ang iya kabuhi paga kuhaon man…
  • Ang una nga layi nga ginhatag sang Ginoo sa mga tawo amo ang pag protekta sang kabuhi…
  • Ginhimo niya ini paagi sa paghatag sang bayad nga kamatayon…
  • Ginapakita sang Ginoo nga wala sang mas importante pa sang sa kabuhi sang tawo…
  • Ang rason – ang tawo gintuga kaangay sa hitsura sang Dios: lawas/kalag/espiritu!
  • Ang gobyerno nagadala sang espada – ang awtoridad sa paghukom – bisan bayad nga kamatayon…
  • Roma 13:4 – “Kung nakahimo ka sang malain, dapat mahadlok ka, tungod nga may gahom sila sa pagsilot sa imo…”
  • Sa kabilugan nga layi – kon maghimo ka sing malain nga butang – pagpangawat/ pagpatay/ rape/ pang-into…
  • May ara ka sang rason nga kahadlukan ang gobyerno – tungod kay dakpon ka…
  • Kag kon madakpan ka – ang gobyerno may awtoridad nga halin sa Ginoo nga sulitan ka…
  • Upod dira ang obligasyon nga pinahan ang isa ka tawo kon sila naka patay!
  • 2^nd – Mangin mabinungahon kag mag damo… vs. 7
  • Wala labot sa pagpatay (pagkuha sang kabuhi) ang sugo amo ang mangin mabinungahon (maghatag kabuhi)…
  • Daw suli ini sang sa subong, tungod may ara sang naga debate subong parte sa pagpadamo sang pamilya…
  • May kinamatarong bala ang isa ka babayi nga untaton ang iya pagbusong paagi sa aborsyon…
  • May ara 400,000 nga aborsyon ang nagakatabo sa Pilipinas kada tuig …
  • Sa kabilugan may ara sang 40 milyon nga aborsyon – ang pagpatay sa mga bata samtang ara pa sa sulod sang tiyan – kada tuig!
  • Klaro gid ang hambal sa Biblia – ang bata bisan ara pa sa sulod sang tiyan may kabuhi na – gintuga sa imahe sang Dios!
  • Kon patyon mo ang bata nga ara pa sa sulod tiyan – pagpatay ina – kag ini naga kaangay sa silot nga kamatayon!
  • Salmo 139:13 – “Kilala mo ako kay ikaw ang naghimo sang akon bug-os nga kabuhi ikaw ang nagporma sa akon sa tiyan sang akon iloy.”
• 3^rd – ANG KASUGTANAN SANG GINOO… VS. 8-17 ( 3 PUNTOS )
  • 1^st – Ang Ginoo naghimo sang kasugtanan… vs. 8-11
  • Ka pito nga beses sa sini nga 10 ka verses gin gamit sang Ginoo ang word nga KASUGTANAN – PAMATI!
  • KASUGTANAN – gin gamit 284x sa OT – ang promisa sang Dios kag sang tawo…
  • Kay sin o ang promisa – Noe / iya katigulangan [binhi] – tanan nga katawhan…
  • Pati ang mga naga kabuhi – pispis/baka/dalagko nga mga sapat – kag ang tanan nga ara sa BARKO!
  • Ano ang promisa – indi na pagalaglagon sang Dios ang tanan nga nagakabuhi paagi sa grabe gid nga baha!
  • 2^nd – Ang tanda sang kasugtanan – ang balangaw… vs. 12-15
  • Ang balangaw ma porma kon ang kasanag sang adlaw magtupa sa ulan…
  • Wala gid sang ulan antis sang baha – Genesis 2:5 – wala man sing balangaw…
  • Ang Ginoo naghimo sang iya KASUGTANAN nga indi na paga baha-on ang bug os nga kalibutan – kag nagbutang siya sang pruweba sa kalangitan!
  • Nanamian kita maglantaw sang balangaw – matahom ini nga parte sang tinuga…
  • Pero waay kita naga pinsar sang KASUGTANAN sang Ginoo kon makita naton ini…
  • Pero ang Ginoo nangin matutom sa iya promisa – ang kalibutan wala na gid nagbaha sing grabe…
  • Gani kon makakita kita sing balangaw dumdumon naton ang Ginoo matutom gid sa iya mga PROMISA!
  • II Corinto 1:20 – “Paagi sa iya, tanan nga gin promisa sang Dios natuman. Gani makasiling kita nga masaligan gid ang Dios.”
  • Ang balangaw gin gamit pagid nga isa ka simbolo…
  • Natingala ako nga ang simbolo nga gina gamit sang mga agi amo ang balangaw…
  • Ginapadayaw pa nila ang ila mga sala – daw ginhangkat pa ya nila ang Ginoo!
  • Pero ini masubo kag kabuangan lang nga pakasalaon ang malawig nga pag antos sang Ginoo – para batunon Niya…
  • Pero indi tungod wala pa ang Ginoo maghukom – indi ina buot silingon nga ang Ginoo indi maghukom – Numero 32:22
  • 3^rd – Wala sing katapusan nga kasugtanan… vs. 16-17
  • Indi ini malip-ot nga promisa – ini WALA sing KATAPUSAN nga promisa…
  • Kag ang ini nga promisa sa paminsaron sang Ginoo – tapos na – NAHIMO (perpekto)
  • Indi ini ulihi nga promisa – ang Ginoo naghimo lain-lain nga KASUGTANAN kay Abraham / Israel / David…
  • Pero ang labing importante nga KASUGTANAN sa tanan – amo ang KASUGTANAN kay Jesus!
  • Pareho sa ginhatag nga KASUGTANAN sang Ginoo kay Noe nga indi na Niya liwat paggub-on ang kalibutan paagi sa baha…
  • Naghimo man siya sing KASUGTANAN nga paga kuhaon niya ang aton mga sala – Jeremias 31:21-34
  • Kag pareho sa KASUGTANAN Niya kay Noe – ini WALA INI SING KATAPUSAN nga promise – tapos na ini!
• 4^th – ANG KAHUY-ANAN NI NOE… VS.18-29 ( 5 points )
  • 1^st – Ang mga kabataan nga lalaki ni Noe… vs. 18-19
  • Ang mga bata ni Noe amo sila Shem – pangalan / Ham – init/ kag Japet – ginbuksan…
  • Sila nga tatlo ang ginhalinan sang tanan nga tawo sa kalibutan (Naglinapta) – madamo pa gid sini sa chapter 10!
  • 2^nd – Si Noe nagsugod panguma… vs. 20-21
  • Pagkatapos sing baha si Noe nagsugod panguma – nagtanom siya sing ubas – una nga beses gin gamit sa OT…
  • Dayon gin inom niya ang iban nga bino – una nga beses gin gamit sa OT – kag nahubog siya – una nga beses gin gamit sa OT!
  • Amo ini ang una nga nahambal sang biblia parte sa pag inom…
  • Sang damo na ang iya nainom – natulugan ini nga hublas sa sulod sang iya tolda!
  • Ang iban nagalalis nga ang proseso sa paghimo sang bino bag-o lang pagkatapos sang baha!
  • Basi – ukon basi kabalo na daan si Noe kag damo lang ang iya nainom!
  • 3^rd – Ano ang ginhambal sa biblia parte sa pag-inom…
  • Ang biblia wala nagahambal nga sala ang pag-inom…
  • Kabalo kita tanan nga ang una nga milagro ni Jesus amo ang pagbaylo sang tubig sa bino – Juan 2
  • Pero indi ini pwede kon ikaw isa ka pastor – I Timoteo 3:3
  • Tungod kay ang pastor isa ka ihemplo sa sulod sang simbahan – indi siya pwede mag inom!
  • 1 – Pero indi pwede mahubog – Efeso 5:18
  • Kon mapun-an na ikaw sing ilimnon posible nga makahimo ka sing butang nga imo paga hinulsulan (indi mo madumduman dayon)
  • Kon mapun-an ka sing espiritu makahimo ka sing manami nga butang para sa Ginoo nga indi madula!
  • 2 – Indi ikaw mangin kabangdanan para magpakasala ang imo mga utod…
  • I Corinto 8:13 – “Gani kon ang akon ginakaon mangin kabangdanan nga magpakasala ang akon utod, indi na lang ako magkaon sing karne hasta san-o, agod indi magpakasala ang akon utod tungod sa akon.”
  • Kita may ara sing kahilwayan – kag pagpugong sa kaugalingon – nga mag-inom – kon may okasyon…
  • Pero kon ang akon kahilwayan sa Ginoo magadala sa iban nga magpakasala – indi nalang ako mag-inom…
  • Indi ta magamit ang aton kahilwayan sa Ginoo – para maguba ang pagtuo sang iban!
  • 3 – Himu-a kon ano ang ginhambal sang Balaan nga espiritu…
  • Pwede ka bala mag-inom – sala ina nga pamangkot / dapat ka bala mag-inom – insakto nga pamangkot…
  • I Corinto 10:23 – “Tugot sa aton ang paghimo sang bisan ano, pero indi tanan makabulig ukon makapabakod sa iban.”
  • Sa sini nga butang – pangamuyo kag pamangkot sa Ginoo kon gusto Niya kita mag-inom…
  • Kon makainom kita nga may matinlo nga konsensya – wala gid problema…
  • Pero kon ang ilimnon ang naga kontrol sa aton – kinahanglan ta na mangayo sing grasya sa Dios para mag-untat!
  • I Corinto 6:12 – “Puwede ako maghimo sang bisan ano, pero may mga butang nga indi makabulig sa imo. Gani ginatugot sa akon ang maghimo sang bisan ano, indi ako magpaulipon sa bisan ano.”
  • 4^th – Ang SUMPA sang Canaan… vs. 22-25
  • Si Ham nagsulod sa tolda kag nakita niya si Noe nga nagahigda kag hublas…
  • Nakita – basi hambalon naton nga nagtulok lang siya – indi lang ato madali nga pagtulok…
  • Nahibaluan ni Ham nga ang iya amay hubog (indi hapos itago)…
  • Nagsulod siya nga waay sing pag respeto – kag wala man nagapinsar sang dignidad ni Noe…
  • Nagkadto siya kag GINSUGIRAN iya mga utod – para Makita man nila!
  • Si Shem kag Japet may-ara sing respeto…
  • Naglakat sila nga naga isol pasulod sa tolda kag gintabunan nila ang ila amay…
  • Ginhimo nila ini sa pagpakita nga ginatahod nila ang ila amay…
  • Sang nagbugtaw si Noe kag nabal-an ang natabo…
  • Nagsiling si Noe nga paka malauton niya ang CANAAN – ang bata ni Ham…
  • Ginsumpa ang CANAAN – indi tungod kay Noe – kundi tungod sa halimbawa nga ginpakita sang iya amay…
  • Si Ham may ara malain nga tagipusuon – nga mas gustuhon niya hisa-an ang iya amay imbes na buligan!
  • Ang Canaan naimpluwensyahan paagi sa mga ginahimo ni Ham sa iya kabuhi!
  • Ang aton kabataan indi mag dako sa paghimo kon ano ang ginhambal naton sa ila…
  • Maga dako sila sa paghimo kon ano ang aton ginapakita sa ila…
  • Kon hambalon ta ang aton mga kabataan nga indi magbinutig – pero kita ya nagabinutig – maga dako sila nga butigon…
  • Kon hambalon ta ang aton kabataan nga mangin mabuot – pero kita ya pintas – maga dako sila nga malain ang ila batasan…
  • Ang aton kabataan nagalantaw – nagatuon – kon ano nga halimbawa ang ginapakita naton sa ila!
  • 5^th – Ang GRASYA ni Shem kag ni Japet… vs. 26-29
  • Si Noe ginbugayan sang Ginoo – ang Ginoo ni Shem – buot silingon si Shem nagasunod sa Ginoo…
  • Ginpadako pa gid sang Ginoo si Japet – para magpuyo sa tolda ni Shem – kag sundon ang iya halimbawa…
  • Pero ang Canaan mangin ulipon nila duwa – kapin pa sa sina nga tion!
  • Ang pagtuman sang bugay – halin kay Shem nga linya naghalin si Jesus – Lucas 3:36
  • Tungod nangin maayo nga ihemplo – si Jesus apo niya!
  • Kon mangin maayo kita nga ihemplo sa aton mga kabataan – maga dako sila nga ara kay Jesus…
  • Kon mag kabuhi kita sa kay Jesus – ang aton mga kabataan maga kabuhi man kay Jesus!
  • Ang mga kabataan nga lalaki ni Noe… vs. 1
  • Ang mga kaliwat sang mga anak ni Noe…
  • Para sa aton – lista lang ini sang mga ngalan – pero importante ini nga lista
  • Bisan ang mga indi tumuluo matingala sa husto nga lista sa Genesis 10…
  • Ang 70 ka pangalan nga ginhatag diri naga representar sa tanan nga tawo sa kada nasyon sa kalibutan…
  • Amo ini ang husto nga nalista sa mga ginhalinan sang mga nasyon sa bug-os nga kalibutan!
  • Amo ini ang naga angot sang wala pa nag-abot ang baha asta subong
  • Naka paminsar kaman bala kon diin sa mga bata nga lalaki ni Noe ikaw naghalin – makita diri naton ang sabat!
  • Ang lista ni Shem…
  • Basi si Shem ang nagtago sang lista sang ila mga kaliwat sa Genesis 10
  • Gin lista niya una ang iya mga utod nga si Japet kag Ham – pakadto sa ikaduwa kag ikatatlo nga henerasyon…
  • Nahambal nga sa sini nga tion gintukod ang tore sang Babilonia (chapter 11)…
  • Kag gin lista ni Shem ang iya mga kabataan – pakadto sa ika anom nga henerasyon!
• 5^th – MGA KABATAAN NGA LALAKI NI JAPET (ANG KAMAGULANGAN)… vs. 2-5
  • 1^st – Si Japet may-ara sing pito ka kabataan nga lalaki – ang ginhalinan sang mga tawo nga nagaistar sa EUROPE…
  • Gomer ( kag 3 ka kabataan nga lalaki – ginhalinan sang mga Germans/Scandinavian/ kag Turks)…
  • Magog ( lugar sa Gog) / Tubal / kag Meschech
  • Si Josephus naghambal nga ang Magog amo ang ginhalinan sang mga Scynthians – mga Russians ang tawag sa ila subong
  • Nahambal nga ang Tubal ginpreserve sa syudad sang Tobolsk – siyudad sang Russia…
  • Nahambal nga ang Meschech ginpreserve sa pangalan nga Muscovy – modern day Russia…
  • Ini nangin Moscow – ang capital sang Russia!
  • Madai (India kag Persians) / Javan (kag 4 ka kabataan nga lalaki – Griyego) / kag Tiras…
  • ᴑ 2^nd – Ngaa gina istoryahan ta ini nga mga pangalan…
  • Ang problema sa pangalan kay permi naton ini gina bag-o!
  • Nakabati na kita sang lugar nga Germany – 100 ka tuig – nga ginatawag sang una nga Prussia…
  • Turkey/ Saudi Arabia / Qatar – 80 ka tuig – nga ginatawag sang una Ottoman Empire…
  • Kon gusto sang Dios nga istoryahan ang parte sa mga lugar sa bibliya – ano nga pangalan ang Iya ginagamit…
  • Nagbalik siya sa ginsuguran – Genesis 10 – kag gingamit ang ila una nga pangalan!
  • Ang labing importante nga propesiya sa Bibliya…
  • Ezekiel 38:2-6 – Ang Ginoo naghambal sa aton parte sa mga sundalo nga maga atake sa Israel sa katapusan nga mga inadlaw…
  • Ginhatagan niya pa gid kita sang mga pangalan sang mga lugar nga magadampig kontra sa ila…
  • Amo ang – Magog / Meschech / Tubal / Persia / Cush / Put / kag Gomer…
  • Amo ini ang mga pangalan nga nalista sa Genesis Chapter 10!
  • Ginatawag subong nga – Russia / Iran / Northern Africa / Ethiopia / Turkey!
  • Ang ini nga mga nasyon nga aton pa nga ginadampigan kontra sa Israel nga nasyon!
  • Una naghambal ini sa aton nga si Jesus malapit na lang mag-abot – MAGOG antis sang Rapture!
  • Nagapakita man ini sa aton nga ang mga indi importante nga pangalan sa biblia, may pulos!
• 6^th – MGA KABATAAN NGA LALAKI NI HAM (ANG KAMANGHURAN)… vs. 6-20
  • ᴑ 1^st – Si Ham may ara 4 ka kabataan nga lalaki – amo ang ginhalinan sang mga katawhan sa AFRICA…
  • Cush – (may 6 ka kabataan nga lalaki – nag-istar Ethiopia)…
  • Kaupod si Nimrod – ang gamhanan nga tawo sa kalibutan / makagagahom nga mangangayam antis sang Ginoo…
  • Naglalapta ang mga katawhan pagkatapos sang BAHA – sila wala sing lider…
  • Nimrod nangin gamhanan – nangin lider sang mga katawhan- nag-isa sila kontra sa Dios!
  • Siya ang nagpatindog sang 4 ka mga lugar sa Sainar (Iraq)
  • Nagpatindog siya sing tore nga maga lambot sa kalangitan – makita ini sa chapter 11!
  • Mga apo nga lalaki ni Cush – Sheba kag Dedan (34x sa biblia – amo subong ang Saudia Arabia )
  • Mizraim – (7 ka kabataan nga lalaki) nag istar sa Egypt – halin sa iya bata nga si Casluhim naghalin ang Philistines…
  • Put (Libya) – settled northern Africa
  • Canaan – ( kag 11 ka kabataan nga lalaki ) ginhalinan sang tribo sang Canaanhon sa duta sang Canaan…
  • Duwa sa mga kabataan nga lalaki ni Canaan nagsaylo sidlangan – Hittite kag Sinite
  • Ang ginhalinan sang mga katawhan nga ara sa Asya (Pilipinas)
  • Hittite = Khittae – Cathay (Pacific Airlines – Singapore)
  • Sinite = Sinim – China (Sinolohiya – pag tuon sa history sang chinese)
  • ᴑ 2^nd – Pagkaguba sang Canaan…
  • Tungod sa amay sang Canaan (Ham) – ginpakamalaut siya…
  • Sa pagkamatuod – ang Canaan kag ang iya ginhalinan nangin malaot gid…
  • Ang Ginoo naghambal kay Joshua kag Israel nga paga gub-on sila tanan!
  • Deuteronomio 7:1-2 – “Kon dal-on na gani kamo sang Ginoo nga inyo Dios didto sa duta nga inyo pagasudlan kag panag-iyahan, ipatabog niya sa inyo ang pito ka nasyon nga mas madamo kag mas gamhanan pa sang sa inyo: ang mga Hithanon, mga Girgashnon, mga Amornon, mga Canaanhon, mga Periznon, mga Hivhanon, kag mga Jebusnon. Kag kon itugyan na sila sang Ginoo nga inyo Dios sa inyo kag perdihon ninyo sila, laglagon ninyo sila sing bug-os. Indi kamo maghimo sang kasulatan sa ila ukon magpakita sang kaluoy sa ila.”
  • Buot bala silingon ginsumpa ang tanan niya nga henerasyon…
  • Exodus 20:5-6 – “Indi gid ninyo ini pag-alagaron kag simbahon; kay ako, ang Ginoo nga inyo Dios, ini gid gusto nga may ginasimba kamo nga iban. Ginasilingan ko ang mga nakasala sa akon pati ang ila mga kaliwat hasta sa ikatatlo kag ikaapat nga henerasyon…” – Deuteronomio 5:9-10
  • Note – Ang Ginoo magasilot sa sala snag Amay asta sa ikatatlo kag ikaapat nga henerasyon – PERO…
  • “ [Siya nagpakita sang] kaluoy sa linibo, sa naga higugma kag nagasunod sa akon mga sugo .”
  • Wala ini nagapakita sang paghukom sang Dios – kundi sang iya Grasya!
  • Nagabalanse ini sa pulong nga wala kita naga antos sa sala sang iban…
  • Ezekiel 18:20 – “Ang tawo lang nga nakasala amo ang mapatay. Ang anak indi dapat silutan tungod sa sala sang iya amay. Kag ang amay indi dapat silutan tungod sa sala sang iya anak. …” – Jeremias 31: 29-30 kag Deuteronomio 24:16
  • Ang manami nga interpretasyon, naga tumod sa kon ano ang pagsulundan!
  • Indi lang kita makahambal nga kon ano kita tungod sa ako mga ginikanan
  • Nagapakita ini nga sala sang aton mga ginikanan…
  • Maintiendihan ini naton kon mareyalisar naton nga kita ang manabat kon ano ang aton ginhimo
  • Paano mo malampawasan ang mga sala nga ginapakita – ukon utdon kon ano ang ginahimo sa imo henerasyon…
  • II Corinto 5:17 – “Ang bisan sin-o nga ara na kay Cristo bag-o na nga tawo. Wala na ang iya daan nga pagkatawo, kundi bag-o na siya.”
  • Bag -o na kita nga tinuga ni Cristo – waay na ang daan ta nga ginahimo – TANAN bag-o na!
  • Wala na naton ginadala ang sala sang aton mga katigulangan kay ara na kita kay Jesus!
• 7^th – ANG MGA KABATAAN NGA LALAKI NI SHEM… VS. 21-32
  • ᴑ 1^st – Si Shem may-ara 5 ka kabataan nga lalaki nga nalista (pero damo pa gid ini) – ang ginhalinan sang mga katawhan SA MIDDLE EAST…
  • Si Shem ang ginhalinan sang tanan nga Semitic nga mga tawo (Antisemitism- naga kontra kay Shem)
  • Ang amay sang tanan nga kabataan sang Eber – ginhalinan sang word nga hebreo!
  • Ang 3 ka relihiyon sa kalibutan naghalin kay Shem – Judaism / Christianity / Islam!
  • Elam / Asshur (Assyrians) / Arphaxad (Chaldeans) / Lud / Aram (Syrians)…
  • ᴑ 2^nd – Mga inadlaw ni Peleg… vs. 25
  • Nahambal sa aton nga sa adlaw ni Peleg ang kalibutan na tunga…
  • Buot silingon basi amo ini ang tion sang na tunga ang mga kontinente…
  • Ukon pareho sa Tore sang babel – ang pagkalalapta sang mga tawo sa bug-os nga kalibutan!
  • ᴑ 3^rd – Ang linya ni Hesu Cristo…
  • Sa 5 ka kabataan ni Shem ang labing importante amo si Arphaxad…
  • Sa liwat makita ta ini sa Genesis 11 – Arphaxad – Salah – Eber – Peleg… Abraham!
  • Pareho kay Canaan kag sa malain nga ihemplo nga napasa sa kada henerasyon…
  • Ang diosnon nga ihemplo ni Shem napasa man – halin kay Shem naghalin si Abraham – abyan sang Ginoo!
  • Halin kay Abraham naghalin si Jesus!
  • Ang pinaka nami nga regalo nga mahatag naton sa mga kabataan amo ang ihemplo sang aton kabuhi…
  • Kon nagakabuhi kita kay Jesus – indi lang naton ini makita sa aton kabataan…
  • Kundi pati sa aton mga apo / apo sa tuhod / kag sa tanan nga mga apo – maka benepisyo sa aton nga ihemplo…
  • Ang pagsunod kay Jesus amo ang pinaka dako nga butang nga mapasa sa kada henerasyon!