These are the original teaching notes from this passage.
Introduction… (6 ka punto)
- 1st – Sin-o nagsulat sang Libro…
- Wala sang may naka sigurado kon sin-o nagsulat sang libro nga Hebreo…
- Ang iban naghambal nga si Bernabe/ang iban si Silas/ang iban si Lucas…
- Ang kalabanan nga mga nagatuon sa Bibliya naghambal nga si Pablo nagsulat sang Hebreo!
- 1st – Kabalo kita nga si Pablo nagsulat sang damo nga mga sulat halin sa prisohan…
- Halin sa una niya nga pagkapriso- Efeso/ Colosas/ Filipos / Filemon…
- Halin sa ika 2 nga pagkapriso – 2 Timoteo
- Amo man ang nagsulat sang Libro nga Hebreo ginsulat man halin sa prisohan…
- Hebreo 10:34 – “Naluoy man kamo sa inyo kapareho nga mga tumuluo nga ginpriso…”
- Hebreo 13:19 –“Labi na gid nga ipangamuyo ninyo nga pabalikon ako sang Dios dira sa inyo sa labing madali.”
- 2nd – Ang nagsulat may relasyon nga suod kay Timoteo…
- Hebreo 13:23 – "Ang aton utod nga si Timoteo ginpaguwa na sa prisohan…”
- Ginmuno ni Pablo si Timoteo sa 10 ka beses sa iya 13 ka sulat mas labaw sa tanan…
- Possible nga ginhambal si Timoteo sa Hebreo indi pareho nga tawo…
- Siguro amo ini ang palatandaan nga si Pablo ang nagusulat sang libro!
- 3rd – Ang libro ginsulat para sa mga Judio…
- Ang nagsulat sang Hebreo nagapakita sang kaalam sang pagtuo sang mga Judio…
- Ginsulat ini sang isa ka tawo nga dalom ang pag intiendi sang Layi…
- Si Pablo nabata nga isa ka Judio/ginpadako nga Judio/nag eskwela sa Judio nga layi!
- Gintudluan siya ni Gamaliel- Binuhatan 22:3 – isa sa mga panguna nga mga pari sang una.
- Isa siya ka Pariseo – Filipos 3:5 – Siguro bahain pa sa Sandhedrin– Binuhatan 26:10
- 4th –Si Pablo may handom sa paglab-ot sang mga Judio sang Pulong sang Dios!
- Roma 9:3 – “Tungod sa akon mga kasimanwa kag kadugo. Kon mahimo lang kuntani gusto ko nga ako ang sumpaon sang Dios kag ipahamulag kay Cristo para lang nga mahilway sila sa silot.”
- Handa si Pablo magpa impierno kon ang mga Judio makapa langit!
- Indi imposible pero ang iya tagipusoon nasakitan sa iya mga tawo-handa si Pablo!
- Palangga niya ang mga Judio wala siya sang may mahimo nga maluwas sila!
- Makita naton in isa ika 3 nga missionary nga paglakat sa libro sang Binuhatan…
- Sa kada siyudad nga iya ginkadtuan- ang una nga lugar nga iya ginakadtuan amo ang simbahan sang mga Judio…
- Kabalo kita kon ano matabo sa mga wala pagtuo sa kay Jesus…
- Tani makahambal kita kaangay kay Pablo- nga himuon naton ang tanan para sila may kaluwasan…
- Mabakod bala kita sa pagtindog kay nakita naton kon daw ano ka importante si Jesus!
- 5th –Ngaa ang sulat wala ginpirmahan sang nagsulat sini…
- Kon si Pablo ang nagsulat kag nagapati kita nga siya ang nagsulat-siguro amo ini ang iya reputasayon…
- Sang nangin Kristohanon siya si Pablo indi palangga sang mga Judio…
- Damo nga mga tion nga gusto siya patyon sa damo nga mga siyudad!
- Sa Lystra ginbato siya para mapatay -Binuhatan 14:19 / Jerusalem – Binuhatan 21:31 / Caesarea – Binuhatan 23:14
- Gani ang nagasulat sini ginhatag ang sentro sa Balaan nga Espiritu nga amo ang nagsulat– 2 Pedro 1:21
- Para ang unod sang libro ang makita sang sa tawo nga nagsulat sini…
- Ang libro nagsugod hambal nga – “Ang Dios – sang una ang naghambal sa aton…”
- Indi aton pulong kinahanglan mabatian sang tawo- ang aton opinyon indi makabag-o sang kabuhi…
- Ang Pulong sang Dios ang nagabag-o – ang nagadala sang pagtuo sa nagapamati – Roma 10:17
- 2nd – Ang tema sang Hebreo…
- 1st – Ang pagkagamhanan ni Cristo…
- Ang Hebreo nagapakita nga si Jesus mas maayo sa tanan nga tawo kag mga butang!
- Makita man naton nga si Jesus mas maayo sang sa mga Anghel-kay Moses kag kay Aaron…
- Mas labaw siya sa halad-sa ila simbahan-sa ila kasugtanan…
- Mas maayo siya nga Promisa- nga Pagkabanhaw kag Paglaom…
- Si Jesus mas labaw sa tanan nga tawo kag labaw sa tanan nga butang!
- 2nd – Ang importante nga mga verses…
- Hebreo 1:2–3 – “Pero sa sining ulihi nga mga inadlaw, naghambal siya sa aton paagi sa iya Anak. Paagi sa iya, ginhimo sang Dios ang bug-os nga kalibutan, kag siya man ang iya ginpili nga mangin tag-iya sang tanan nga butang. 3 Sa iya mismo makita ang gahom sang Dios nga nagasilak, kag kon ano ang Dios amo man siya. Siya amo ang nagabuot sang tanan nga butang sa bug-os nga kalibutan paagi sa iya makagagahom nga pulong. Pagkatapos nga nalimpyuhan niya kita sa aton mga sala, nagpungko siya sa tuo sang Makagagahom nga Dios didto sa langit.”
- 1st – Ang pagkagamhanan ni Cristo…
- 3rd – Sa diin ang Hebreo ginsulat…
- 1st – Wala kita kabalo…
- Wala kita kabalo kon diin ang libro sang Hebreo ginsulat…
- Wala man kita kabalo kon ano nga siyudad ginplano nga ipadala ang nagsualat sini…
- Hebreo 13:24 – … ang nagsulat naghambal parti sa Italy…
- Nahambal nga basi ang libro ginsulat sa Italy ukon ginpadala sa mga tumuluo sa Italy!
- 2nd – Ang aton nabal-an…
- Ang libro ginsulat sang Hebreo ukon Judio…
- Ginsulat sa mga Judio nga nagatuo kay Jesus ukon sa mga magtuo kay Jesus…
- Dapat intiendihon nga si Jesus mas maayo sang sa Old Testament…
- Mas mayo sang sa halad sang mga Judio/sang sa ila simbahan/sang ila pagka pari!
- 1st – Wala kita kabalo…
- 4th – Sang san-o ginsulat ang libro…
- 1st – Antis sang 70A.D.
- Ang mga nagatuon sa Bibliya nagapati nga ang libro ginsulat siugro mga 67-69 A.D.
- Sang 70 A.D. ang general sang Roma Tito kag iya mga soldado nagsalakay sa Jerusalem…
- Sang pagka taktak sang siyudad- hindi hungod naguba nila ang templo!
- 2nd –Wala na Templo…
- Sang naguba na ang templo- ang pagka pari wala naman…
- Ang tanan nga paghalad nauntat- wala na sila lugar nga haladan-asta subong nga adlaw wala na templo!
- Kay ang nagsulat nagahambal sang paghalad kag pagka pari…
- Damo ang nagatuo nga ang Hebreo ginsulat antis naguba ang Templo!
- Dako ini nga problema sa mga Judio…
- Kay wala na templo- wala na Pari – wala naman kahon sang Kasugtanan…
- Wala naman paagi ang mga Judio nga maghalad sa pagtabon sang ila mga sala…
- Ang ila ginhimo naghimo sila sang Tradisyon- nabase sa ila buhat- solusyon sa sala!
- Basi makabulig ini sa pagpamag-an sang aton konsensya pero indi makakuha sang sala!
- 1st – Antis sang 70A.D.
- 5th – Ngaa ginsulat ang Hebreo…
- 1st – Paghingabot…
- Ang Roma ang nagadumala kag ginapangibot nila ang mga Kristohanon kag mga Judio…
- Pero ang mga Judio nga nagtuo kay Jesus ang mas nag antos…
- Ginpanghinagabot sila sang Roma kag sang ila mga abyan kag mga pamilya!
- Dako ang bayad kon magsunod kita kay Jesus…
- Hapos lang maghambal nga nagatuo kita sa mga tawo nga nami sa aton…
- Ano abi kon hingabuton kita nila…
- Hapos lang mag upod sa kalibutan sang sa magtindog sa Ginoo…
- Pero kon ang kalibutan ang aton sundon kag magsunod sunod sa mga tawo…
- Ginapili naton ang kalibutan sang sa kay Jesus- buot silingon napanginwala naton si Jesus!
- Santiago 4:4 – “Gani, kon palabihon ninyo ang mga butang diri sa kalibutan sang sa Dios, ginahimo ninyo ang inyo kaugalingon nga kaaway sang Dios.”
- 2nd – Magbalik sa Layi…
- Ang resulta- damo nga mga Judio ang nagasunod sa mga Layi!
- Nagtuo na sila kay Jesus pero nagdala sa pagsunod sa ila relihiyon – Judaism…
- Nagabalik sa paghalad kag ang paka pari kag ang templo indi nila mabayaan!
- Wala man nila napanginwalaan si Jesus pero may ginadugan sila kay Jesus…
- Indi kompleto sa ila ang pagtuo- ginadugangan nila damo nga mga pagsulundan!
- 1st – Paghingabot…
- 6th – Paano natunga ang ini nga libro sang Hebreo…
- 1st – Hebreo 1:1–10:18 – Ang pagka dako ni Jesus…
- Amo ini ang Doktrina nga bahin sang Libro…
- Ginplastar ang tanan nga rason nga si Jesus mas maayo sa tanan nga tawo kag butang!
- 2nd – Hebreo 10:19–13:25 – The superiority of faith…. Ang pagkadako sang pagtuo
- Ang ini nga bahin sang libro sang Hebreo magamit sa aton adlaw adlaw nga kabuhi…
- Nagatudlo sa aton kon paano ikabuhi ang doktrina nga ginhatag sa una nga bahin…
- Tingbon ang ining duha-mangin klaro nga si Jesus labaw sa tanan nga tawo kag mga butang!
- Kag ang aton kaluwasan makita sa Grasya paagi sa pagtuo sa Iya lang!
- Mas maayo sa nga propeta…
- 1st – Hebreo 1:1–10:18 – Ang pagka dako ni Jesus…
- 1st – Sang una nga panahon ang Ginoo naghambal… vs. 1
- 1st – Kon ang Ginoo maghambal sang una nga tion…
- Ang Ginoo nagahambal sa lain lain nga paagi…
- Ang Dios wala naghambal sa iya mga tawo sa isa lang ka tion- sobra 1400 ka tuig sa lain lain nga mga tawo nga nagsulat…
- Sila nagsulat sang 39 ka mga libro sa Old Testament…
- Pero indi Pulong sang mga tawo- ini ang Pulong sang Dios!
- Kon magsulat ko sa isa ka tawo- indi sila magdayaw sa papel kag lapis…
- Gingamit lang sila sa pagpadala sang menshai!
- Amo man ang Dios nag gamit sa mga tawo sa paghambal sa aton paagi sa Old Testament!
- 2 Timoteo 3:16 – “Ang bug-os nga Kasulatan ginsulat paagi sa gahom sang Dios…”
- 2nd – Paano ang Dios naghambal sang una…
- Ang Dios naghambal sa damo nga paagi- diri lang nasulat sa NT…
- Ang Dios wala nagahambal sa isa lang ka paagi- damo nga mga paagi ang iya nagamit…
- Kay Abraham iya guya Genesis 18:1 – kay Moises sa nagkalayo nga kahoy – Exodus 3:4
- Kay Elijah sa gamay nga tingog– 1 Hari 19:12 / Nebuchadnezzar sa damgo– Daniel 2:3
- May rason ngaa makita sa Bibliya ang damo klase nga paagi kon paano ang Dios maghambal…
- Kay ang Dios wala limit- makahambal Siya sa aton sa damo nga paagi!
- Hapos lang mag pakot kay ang Dios naghimo sa isa ka paagi basi amo lang ina isa ka paagi…
- Ang importante kon nagapamati kita- kag handa kon ano man ang Iya ihambal- mamati kita!
- 3rd – Ngaa ang Ginoo naghambal sang una nga tion…
- Mga Tatay- ang mga katigulangan sang Judio nga pagtuo…
- Abraham / Isaac / Jacob – paagi sa katapusan nga hari sang Judah antis sila ginsakop!
- Paagi sa pag gamit sang mga Propeta…
- Propeta- ang isa nga naga deklara ukon nagapakita sang Pulong sang Dios
- Ang mga propeta sang Israel ginpadala sang Dios sa pagtawag sa Israel nga mag hinulsol…
- Pero indi lang isa kundi damo nga mga propeta!
- Wala sang propeta nga nagpakita sang bilog nga kamatuoran sang parti sa Dios…
- Kay lip-ot lang ila kabuhi kay sila man makasasala!
- Ang mga tawo damo sala nga gingamit sa pagsugid sang Pulong- may mas maayo nga paagi
- 1st – Kon ang Ginoo maghambal sang una nga tion…
- 2nd – Si Jesus mas gamhanan… vs. 2
- 1st – Sa katapusan nga mga Inadlaw…
- Ang hambal nga Adlaw sang Dios-ka 32nasulat sa Bibliya – 27x sa OT / 5x sa NT…
- Halin sa libro sang Pahayag – ang katapusan sang istorya…
- Ang pulong nga Adlaw sang Dios – amo ang Katapusan nga Adlaw…
- Gingamit ni Pedro ining 2 ka Pulong sa adalw sang Pentecoste – Binuhatan 2:17-21
- Ang Katapusan nga Adlaw nagsugod sang ang Balaan nga Espritu ginbubo sang Pentecoste.
- Ang matapos sa pag Rapture sang simbahan – 1 Tesalonica 4:16
- Makita naton diri – Ining mga katapusan nga adlaw…
- Indi siguro parti sa katapusan nga adlaw- kundi mga adlaw nga nagakabuhi kita…
- Ang nahambal nga sang una nga tion- subong ang Dios naga hambal sa aton paaagi sa mas mabaskog nga paagi…
- 2nd – Ang Dios nagapakig-istorya sa aton…
- Sang una nga panahon- ang Dios wala naghambal direkta sa mga tawo…
- Nagpakig istorya siya paagi sa mga pinasahi nga propeta- nagpatunga sa Iya kag sa tawo…
- Pero subong ang Dios naga istorya direkta sa aton-sa damo nga mga paagi!
- Gani sunong may mas mabaskog nga paagi sa pagpamati halin sa Dios!
- Paano kita kabalo kon nagapamati kita sa Dios- ukon aton lang binugang nga ideya…
- Kon nagabalabag sa Bibliya- panginwala kay indi ina Iya sang Dios…
- Antis kita maghimo sang desisyon -siguraduhon nga Iya sang Dios!
- Siguraduhon nga itan-awon anay sa Pulong- hibaluon ang aton Bibliya!
- Juan 17:17 – “…Ang imo pulong amo ang kamatuoran.”
- 3rd – Paagi sa Iya Anak…
- Kon sang una ang Dios nagapakighambal nga indi kompleto paagi sa mga Propeta…
- Paagi sa Iya Anak ginhatag ang Iya kompleto nga Pulong – si Jesus…
- Si jesus ang mas gamhanan nga Pulong – kay inid Siya mapatay-kay wala Siya sala!
- Isa sa mga ngalan ni Jesus Ang Pulong sang Dios- Juan 1:14
- Si Jesus indi tunga nga pagpakilala sang Dios kundi – Siya ang kabilugan sang Kamatuoran!
- Juan 14:6 – “Ako amo ang dalan, ang kamatuoran, kag ang kabuhi. Wala sing may makakadto sa Amay kon indi paagi sa akon.”
- 1st – Sa katapusan nga mga Inadlaw…
- 3rd –Si Jesus mas labaw sa tanan… vs. 2-3
- Indi lang si Jesus mas Labaw sa paagi sang Dios maghambal…
- Siya pinkalabaw – kay kabalo kita kon sin-o gid Siya…
- Ang nagsulat naghatag sang 7 ka paagi kon paanno makita si Jesus ang Makagagahom!
- 1st – Siya ang Manubli sang tanan… vs. 2
- Si Jesus ang Manubli- ka 15 nasulta sa NT- ang tawo nga mabaton sang tanan nga pamana…
- Ang pamana ni Jesus- ang tanan nga butang!
- Tanan nga butang ipaidalom sa tiil ni Jesus– Hebreo 2:8
- Ang tanan nga awtoridad nga ginhatag sa Iya sa langit kag sa duta– Mateo 28:18
- Tanan nga paghukom nga ginhatag sa anak– Juan 5:22
- Si Jesus ang may Ngalan labaw sa tanan nga ngalan – Filipos2:9
- Si Jesus labaw kay Siya ang Manunubli sang tanan nga butang!
- 2nd – Siya naghimo sang bug-os nga kalibutan… vs. 2
- Genesis 1:3 – ang Dios naghambal-ang Pulong sang Dios- ang kalibutan natuga…
- Indi lang ang kalibutan-pati nga bituon/galaxies/ universe…
- Indi lang mga butang nga aton makita- si Jesus nagtuga man sang mga anghel kag langit!
- Juan 1:3 – “Paagi sa Iya ginhimo ang tanan nga butang, kag wala gid sing nahimo nga indi paagi sa Iya.”
- Si Jesus Labaw sa tanan kay siya naghimo sang tanan!
- Ang Dios nagtuga sa aton nga may dako nga tuyo- gintuga kita sa pagkilala sa Iya- Juan 17:3
- Damo ang nag usik sang ila kabuhi sa mga wala pulos nga kalibutanon nga mga butang…
- Pero wala kita gintuga sang Dios sa pagkaon/suksok sang bag-o nga mga arte ang bayo…
- Si Jesus lang makabusog sang handom sang aton tagipusoon- gintuga kita sa pagkilala sa Iya!
- 3rd – Ang kasanag sang Iya Himaya… vs. 3
- Kasanag- diri lang sa NT- ang pagsilak sang kasanag…
- Si Jesus ang kasanag nga nagasilak sa kalibutan- nagapakita sang Himaya sang Dios…
- Juan 8:12 – “Ako ang suga sang mga tawo sakalibutan. Ang nagasunod sa akon, indi na magakabuhi sa kadulom, kundi masanagan siya sang suga nga nagahatag sang kabuhi.”
- Si Jesus labaw kay Siya Ang Suga nga nagasilak sa pagpakita sang dalan pakadto sa Amay!
- 4th – Sa iya makita ang gahom sang Dios… vs. 3
- Makita ang Dios sa Iya- diri lang sa NT- kaangay gid sila…
- Ang Dios indi makita- imposible nga makita ang Dios kag mabuhi – Exodus 33:20
- Si Jesus ang nagapakita sang perpekto nga kabuhi sang Dios nga indi makita!
- Insi lang si Jesus nagapakita sang Dios – Siya ang Dios nga Gamhanan!
- Ang Bibliya klaro – ang Dios kag si Jesus – Isa!
- Roma 9:5 –Bulahan nga Dios/ Hebreo 1:8 –ang Dios nga nagapungko sa Trono…
- Juan 20:28 – Aton Ginoo kag Dios/ 1 Juan 5:20 – Matuod nga Dios / Juan 10:30 / 1 Juan 5:7
- Si Jesus labaw sa tanan kay sa Iya makita ang gahom sang Dios – kay Siya ang Dios!
- 5th –Siya naga buot sang tanan nga butang… vs. 3
- Permi nagabuot- ang nagakapyot sang mga kabudlayan – sa pagpadayon…
- Ang pamangkot- ano ang nagakapyot sang bilog nga kalibutan…
- Ang sabat nga wala nahibaluan sang science- ang ila tawag kuno atomic glue…
- Ang wala nahibaluan sang science – ang Bibliya may sabat sa aton…
- Si Jesus nagakapyot sang tanan nga butang-paagi sa Pulong sang Iya Gahom!
- Si Jesus nagakapyot sang tanan nga butang-sang bilog nga kalibutan!
- Kon indi kay Jesus-ang bilog nga kalibutan mawasak!
- Isa ka adlaw pagkatapos sang ika 2 nga pagbalik ni Jesus- mawasak ini!
- 2 Pedro 3:12-13 – “Sa sina nga adlaw, sunugon ang langit kag madula ini, kag magakalatunaw sa kainit ang tanan nga ara sa duta. Pero nagahulat kita sa ginpromisa sang Dios sa aton nga bag-o nga langit kag bag-o nga duta, nga sa diin magatiner ang pagkamatarong.”
- Nagahimakas kita sa pagkuha sang mga butang- sa katapusan masunog lang man…
- Ano dapat naton nga lagson- ang pagtubo/palapit kay Jesus- asta ini sa wala katapusan…
- Kay kaangay sa isa ka atom si Jesus makabulig sa aton nga indi mawasak…
- Siya lang ang isa nga maka kapyot sang aton kabuhi nga indi mawasak!
- Si Jesus mas Labaw nga may gahom- kay Siya ang nagakapyot sang tanan nga indi mawasak!
- 6th – Siya malimpyo sang tanan nga sala… vs. 3
- Si Jesus paagi sa Iya kaugalingon – naghimo sang obra sa paglimpyo sang aton sala…
- Paglimpyo- para magtinlo- kuhaon tanan nga higko…
- Nagahambal ini sang ginhimo Niya sa krus-sang si Jesus nanginmtay para sa aton sala!
- 2 Corinto 5:21 – “Si Cristo wala gid sing sala, pero siya amo ang ginsilutan sang Dios tungod sa aton mga sala, agod nga kon ara kita kay Cristo, pakamatarungon kita sang Dios.”
- Wala ni Jesus gintabunan aton sala- kaangay sang halad sa Old Testament…
- Ang dugo sang mga baka kag kanding indi makakuha sang sala – Hebreo 10:4
- Siya nagtinlo sang aton mga sala-ginkuha Niya tanan-nga daw wala lang may natabo!
- Hebreo 10:17 – “Kag nagsiling pa gid siya, “Indi ko na pagdumdumon ang ila mga sala kag ang ila malain nga mga ginhimo.”
- Amo ini ka Makagagahom – si Jesus lang ang isa ka dalan para matinluan kita sa sala…
- Siya ang aton Paglaom-aton Kaluwasan-ang Promisa sang Dios kita napatawad!
- 7th –Nagpungko sa tuo nga trono sang Dios… vs. 3
- Nagpungko – si Jesus nagpungko kay tapos na Niya ang Iya obra…
- Sa Templo- wala pulungkuan-kay wala pa natapos ang obra…
- Pero sang si Jesus napatay sa krus siling Niya- Tapos na…
- Paagi sa krus ang Iya obra natapos- ang sala napierdi- ang kamatayon nadaog…
- Si Jesus nagbayad sang wala Niya nahimo kay indi kita kasarang magbayad sang aton sala!
- 1 Pedro 1:18-19 – “Nahibaluan man ninyo kon ano ang ginbayad agod matubos kamo halin sa pagkabuhi ninyo nga wala sing pulos nga inyo ginpanubli sa inyo mga katigulangan. Ang gintubos sa inyo indi mga butang nga madula, pareho sang bulawan ukon pilak, kundi amo ang hamili nga dugo ni Cristo. Ang iya halimbawa pareho sang karnero nga matinlo kag wala gid deperensya nga ginhalad sa Dios.”
- Sa diin si Jesus nagpungko…
- Si Jesus wala lang nagpungko bisan diin- Siya nagpungko sa tuo nga kamot sang Amay…
- Tuo nga kamot- nagahambal sang Gahom- Siya ang makagagahom kay ara sa Iya ang Tanan nga Gahom…
- Gahom labaw sa sala kag kamatayon- gahom sa pagpatawad- gahom sa pagluwas!
- Amo ini ang sugod sang libro- si Jesus dako sa tanan kag labaw sa tanan nga mga butang!