Hebrews 13:7–17

Ang kabuhi sang Pagtuo… (4 ka punto)

• 1^st –Magsunod sa maayo nga ihimplo… vs. 7
  • 1^st –Dumdumon…
    • Dumduma ang mga nagadumala sa inyo…
    • Dumdumon – padayon nga pagdumdom…
    • Indi ini parte sa pag gobyerno…
    • Tuod may mando sa aton nga magpasakop sa gobyerno – Roma 13:1
    • Dumdumon ang nagatudlo sa inyo sang pulong sang Dios…
    • Ini mando sa pagpadayon sa pagdumdom sa mga Espirituhanon nga lider- mga Pastor…
    • Ang mga nagatudlo sang Bibliya- ang nagahambal sang Pulong sang Dios!
    • Personal ko nga nagtindugan- tawag ko ang lima ka minute nga paghulat…
    • Kon nagapamati ko sa Pastor – kag sa 5 ka minute wala ko kabalo kon diin sa Bibliya natudlo..
    • Indi na ko mamati kay indi opinyon ukon istorya ang aton dapat pamatian- dapat Pulong!
    • Ang mga tawo nagahatag sang ila opinyon- ila pulong…
    • Damo nga mga pastor nga ginakuha ang ila sermon sa libro- imbis ang Pulong sang Dios…
    • Ang Dios wala nagpromisa nga bugayan ang pulong sang tawo- gamhanan ang Iya Pulong!
    • Dumdumon naton ang mga nagatudlo sang Bibliya- sa 2 ka rason!
  • 2^nd –Magsunod…
    • Sin-o pagtuo ang sundon…
    • Magsunod- kopyahon ko nano ang nakita!
    • Paano kita nagtuon maglakat-maghambal-maglangoy-damo kita natun-an sa kabuhi…
    • Isa lang ka rason- nagsunnod kita sa ihimplo sang iban!
    • Nagtuon kita sang mga ginsundan naton- naglakat kita sa ila mga tapak!
    • Magsunod sa Pastor nga nagatudlo sang Pulong sang Dios…
    • Ang pastor nga nagakabuhi sang iya ginatudlo…
    • Siya maayo nga ihimplo nga dapat naton sundon- gani nagatuon kita maglakat sa Pagtuo!
    • 1 Corinto 11:1 – “Gani sunda ninyo ako, kay ginasunod ko man si Cristo.”
    • Si Pablo nagkabuhi sa Pagtuo- nagdalagan sa palumba-nagkabuhi kay Jesus–2 Timoteo 4:7
    • Gani ang isa nga magsunod sa iya magakabuhi man paagi sa Pagtuo!
    • Kay kita may ginasundan- sila nagadala sa aton palapit ukon palayo sa Dios…
    • Dapat kita maghalon sa ihimplo nga aton napili nga sundon…
    • Gani magsunod sa lider nga nagahatag sang Pulong sang Dios…
    • Kay kabalo kita nga ang ila ihimplo matudlo sa aton balik kay Jesus!
  • 3^rd –Kon paano sila nagkabuhi…
    • Tan-awon ang resulta sang ila kabuhi…
    • Tan-awon – usisaa agn kabuhi sang mga Pastor…
    • Indi lang mamati sang ila mga pulong kundi paano sila magkabuhi!!
    • Antis kita magsakay sa salakyan-gusto mo mabal-an anay kon diin pakadto…
    • Antis kita magsunod sa pastor- tan-awon kon paano siya magkabuhi sang iya kabuhi!
    • Ang subo kay damo nga mga Pastor nga indi maayo nga ihimplo…
    • Insakto tanan ila nahambal- pero wala nila ginakabuhi ang ila nahambal!
    • Likawan ang mga kabuhi nga wala nagapakita sang Pulong nga ila natudlo…
    • Kay basi masulay kita sa pagsunod sang malain nga ihimplo!
    • 2 Tesalonica 3:6 – “Mga utod, sa ngalan ni Ginoong Jesu-Cristo, nagasugo kami sa inyo nga likawan ninyo ang aton mga utod nga matamad kag wala nagasunod sa mga tradisyon nga nabaton ninyo sa amon.”
• 2^nd – Magkapyot sang pulong… vs. 8-9
  • 1^st – Ang Pulong wala nagaliwat… vs. 8
    • Si Jesu-Cristo wala nagaliwat. Amo siya sang una, subong, kag sa wala katapusan…
    • Amo ini ang isa sa mga bantog nga verses sa Bibliya- si Jesus wala naga bag-o…
    • Pero tan-awa ang nasulat-parte sa Pulong sang Dios!
    • Si Jesus ang Pulong – Juan 1:1
    • Gina atake ang Kamatuoran…
    • Damo nga mga pagtudlo halin sa Bibliya nga gin atake subong…
    • Ano hambal sang Bibliya sa relasyon ka babayi kag babayi/lalaki kag lalaki– Roma 1:26-27
    • Ano nahambal sang Bibliya parte sa babayi ukon lalaki– Genesis 1:27
    • Kon ang Bibliya wala nagasugot sa nahimo sang mga tawo, ginaislan nila ang Bibliya!
    • Ang ginalalisan subong nga ang Bibliya kuno nagahambal sang natabo sang una…
    • Ang kabuhi sang mga tawo sang una indi aton subong!
    • Ginapangitaan nila paagi nga indi para sa aton subong ang nahambal sang Bibliya…
    • Is a very dangerous way to interpret the Bible!
    • Delikado nga pagbasa sang Bibliya!
    • Ang Bibliya wala naga bag-o…
    • Ang pamangkot kay sin-o pagsulundan/doktrina aton ginasunod…
    • May 2 lang ka doktrina nga puwede masundan- halin sa Dios ukon sa tawo!
    • Indi importante ang nahambal sang tawo- ukon Layi nga ginapasunod– Roma 3:4
    • Ang Bibliya/si Jesus wala naga bag-o – amo lang ini ang ginhalinan sang Kamatuoran!
    • Salmo 119:160 / Juan 17:17 – “…ang imo pulong amo ang kamatuoran.”
  • 2^nd – Likawi ang nagakalain-lain nga mga pagnudlo… vs. 9
    •  Indi kamo magpadala-dala sa nagkalain-lain nga mga pagpanudlo…
    • Ano ang nagapalayo sa aton sa Pulong sang Dios- ang mga lain nga pagpanudlo/doktrina…
    • Lain-lain, mga bag-o nga mga napinsaran sang tawo nga nagapatalang!
    • May mga simbahan nga nagatudlo nga indi dapat maghinulsol para maluwas…
    • Ginapanginwala nga ang impierno indi tuod- nga ginhimo lang ini para makontrol ang tawo!
    • Ang Dios nagapalangga sa tanan kag ang tanan kuno luwas na!
    • Indi ini ang mensahi sang Pulong!
    • Ang pamaagi ni satanas sulit sulit- ginakopya lang kon ano ang iya ginhimo sang una…
    • Kon si satanas nag-into sang mga tawo sang una paagi sa paghambal kon ano ila gusto…
    • Ang iya nahimo ginahambal ang gusto nila mabatian – 2 Timoteo 4:3
    •  Indi sa pagsunod sang mga pagsulundan parte sa mga pagkaon.
    • Ginhatagan kita sang ihimplo sang mga lain lain nga doktrina- ginadili nga pagkaon!
    • Ang pagkaon indi makahimo sa aton nga balaan- indi kita matarong sa aton ginakaon…
    • Indi ang nagasulod sa aton makabalaan sa aton- kundi ang naga guwa sa aton tagipusoon!
    • Mateo 15:17-18 – “Wala bala kamo kahibalo nga ang bisan ano nga nagasulod sa baba nagaderetso sa tiyan kag sa ulihi nagaguwa sa lawas?  Pero ang nagaguwa sa baba nagahalin sa tagipusuon, kag amo ang nagapahigko sa tawo.”
    • Ano man aton kaunon- masulod sa aton tiyan dason sa CR…
    • Gani indi kita maayo nga tawo kon indi kita magkaon sang pinasahi nga pagkaon…
    • Ukon malain kon nagkaon kita sang iban nga mga pagkaon…
    • 1 Corinto 8:8 – “Kon sa bagay, ang pagkaon wala sing kahilabtanan sa aton relasyon sa Dios. Wala sing may madula sa aton relasyon sa Dios kon indi kita magkaon sini, kag wala man sing may madugang kon magkaon kita.”
    • Ang Dios naghatag sang tanan nga pagkaon kag batunon nga may pagpasalamat…
    • Ang kada sapat ginhimo sang Dios kag tanan sila maayo nga kaunon – Genesis 9:3
    • Wala sang dapat malibad kon batunon nga may pagpasalamat – 1 Timoteo 4:4
    • Kon may isa nga maghatag sa imo dinuguan – pasalamati sa Dios!
    • Kay puwede ka makakaon bisan ano gusto mo- ang pagkaon dapat kaunon!
    • 1 Corinto 6:13 – “Ang pagkaon ginhimo para sa tiyan kag ang tiyan ginhimo para sa pagkaon.”
  • 3^rd – Napalig-on sa grasya … 9
    • Mas maayo nga palig-unon ta ang aton pagtuo paagi sa bulig sang Dios
    • Grasya – ka 156 nasualat sa NT…
    • Permi naton ini nagamit sa simbahan – pero ano ini…
    • Ngaa importante ini sa aton kada adlaw nga kabuhi- ano ang mahimo sin isa aton…
    • Amo ini ang aton kusog- ang gahom sa pagkabuhi kay Cristo…
    • Damo nga mga Kristohanon nga abi nila maayo ang ila kabuhi sa ila kaugalingon…
    • Abi nila damuon basa Bibliya/permi sa simabahan/pangamuyo kag maghatag…
    • Kay para batunoon sila sang Dios/bugayan sila/palanggaon sila…
    • Abi nila kon damuon ang buhat para sa Dios/mas matubo sila sa Dios!
    • Ang karusa wala nagaguyod sa karbaw- ang karbaw nagaguyod sa karusa!
    • Ang pagbasa Bibliya, magsimba-mga butang nga wala gahimo sa aton nga mag Kristohanon…
    • Indi kita ang nahalinan sang kusog- wala kita gahom sa pagbag-o sang aton kabuhi…
    • Sa aton pagpaubos dira naton makita nga kinahanglan si Jesus kag makita ang Iya grasya…
    • Kag ang Dios magamit sang aton kabuhi- Siya naga bag-o sang tagipusuoon!
    • 2 Pedro 3:18 – “Magpadayon kamo sa pagtubo sa kaayo kag kaalam nga halin sa aton Ginoo kag Manluluwas nga si Jesu-Cristo. Siya ang dapat naton dayawon subong kag sa wala sing katapusan! Amen.”
• 3^rd – Indi magakalipat sa halad… vs. 10-16
  • 1^st –Sa guwa sang banwa… vs. 10-14
    • Ang mga Judio iya nga nagahalad sa ila simbahan indi puwede nga magkaon sa aton halaran…
    • Kay ang dugo sang mga sapat nga halad ginadala sa Labing Balaan nga Lugar…
    • Paagi sang pangulo nga pari para sa sala kag didot ginsunog!
    • May 4 ka klase nga halad sa Layi sang Dios…
    • Ang sinunog nga halad- ginahalad sa Dios– Leviticus 1:3-9
    • Ang halad sang tinapay- regalo sa Dios – Leviticus 2:8-13
    • Ang halad sang kalinong- makig-upod sa Dios – Leviticus 3:1
    • Ang halad sang sala- pagpatawad halin sa Dios – Leviticus 4:13-21
    • Ang mga pari lang makakaon sang bahin sang mga halad- indi ang halad sa sala…
    • Ang tambok sang halad sang sala, ginasunog sa halaran…
    • Pero ang iban nga mga sapat gindala sa guwa kag sunugon…
    • Ang napakita nga ang sala naga separar sang aton pakigu-upod sa Dios!
    • Pareho man kay Jesus- paagi sa Iya dugo matinluan ang mga tawo- ginpatay sa guwa sang banaw…
    • Si Jesus gindala sa CALVARY- latin ini nga pulong…
    • Ang bungyod sa guwa sang Jerusalem- sa guwa sang siyudad- sa tupad sang dalan…
    • Ang publiko nga lugar sa diin ginapinahan ang mga criminal- para makita sang tanan!
    • Si Jesus naghalin sa templo- sa presensya sang Dios-kag naglakat sa guwa…
    • Nag-antos Siya kag napatay sa aton – sa guwa-para madala Niya kita balik…
    • Sa pagbalik sang relasyon sa Dios – sa pagdala balik sa presensya sang Dios!
    •  Gani magkadto kita kay Jesus sa guwa sang banwa kag magpakigbahin sang iya mga gin-antos nga kahuy-anan…
    • Kay wala sing permanente nga banwa diri sa kalibutan  kundi nagahulat kita sang permanente nga banwa nga sa palaabuton…
    • Maglakat kita sa guwa kag magsunod kay paagi sa pagkuha sang aton krus…
    • Indi lang kita magsunod sa mga pastor sa pagtudlo sa aton sang Pulong…
    • Kita dapat magsunod kay Jesus-kay wala kita sang permanente nga balay diri sa kalibutan…
    • Ang ini nga kabuhi indi magdugay- temporaryo lang- napapangita kita sang maayo nga balay!
    • Indi kita magkapyot sing hugot sa sining kabuhi…
    • Nalipat kita nga indi ini aton balay- ang aton balay ato sa langit…
    • Dumdumon nga indi magkapyot hugot sang butang sa kalibutan- maglakat kita sa guwa!
    • Hebreo 11:13-16 – “Gin-ako nila nga sila mga estranghero lang kag indi taga-diri sa sining kalibutan. ¹⁴ Ang mga tawo nga nagahambal pareho sina nagapakilala lang nga ginapangita nila ang lugar nga puwede nila masiling nga ila gid… ang mas maayo nga lugar, kag ini wala sing iban kundi ang siyudad nga didto mismo sa langit.”
  • 2^nd – Maghalad permi sang pagdayaw… vs. 15
    • Gani paagi sa Iya magpadayon kita halad permi sa Dios…
    • Ang mga halad nga nagahalin sa aton bibig kag nagakilala kon sin-o siya
    • Gani sa tanan gna ginhimo ni Jesus sa aton- isa ka paagi sa pagkabuhi sa Iya…
    • Paagi sa aton mga Pulong- ang bunga sang aton mga bibig-ano aton mga ginahambal!
    • Ang nagsulat nagsiling – ang mga halad sang pagdayaw…
    • Pagdayaw- pagpasalamat- paghamabal sang dungan sang Iya ngalan…
    • Ang ginapakita di ang pagsimba sa Dios- ano man matabo sa aton kabuhi!
    • Kon maayo ang tanan- wala problema- masimba kita kay Jesus…
    • Kon indi maayo- kon ang tanan indi insakto- masimba kita kay Jesus…
    • Kon wala kita gana- tagaan tion kag magsimba sang tingob sa Dios…
    • Kon magsimba kita naga bag-o ang aton pagtan-aw sang mga butang kag nagatulok sa Dios!
    • Efeso 5:19-20 – “Kon nagatilipon kamo, gamita ninyo ang mga salmo kag iban pa nga mga kanta parte sa pagdayaw sa Ginoo. Kag kon magkanta kamo dapat halin gid sa inyo tagipusuon.Magpasalamat kamo permi sa Dios nga Amay sa tanan nga butang tungod kay Ginoong Jesu-Cristo.”
  • 3^rd – Maghalad sa paghatag… vs. 16
    • Indi kamo malipat nga maghimo sang maayo kag magbinuligay…
    • Ang aton buhat-maghimo sang maayo-paagi sa pagbulig sa iban…
    • Magbinuligay- magtipon kag mag-atipan sang kinahangaln sang isa kag isa!
    • Mag atipan sa isa kag isa…
    • Ang una nga simbahan-ang tanan nga tumuluo naga-isa– Binuhatan 2:44
    • Ginasigurado nila ang responsiblidad sa paghatag sang kinahanglanon sang isa kag isa!
    • Kay kita pamilya sang Dios- kita isa ka lawas!
    • Indi man nga ihatag naton ang tanan nga ara sa aton pero kon may kinahanglan mahalad kita.
    • Maghatag sa pagpakita nga nagakabalaka kita sa iban sang sa aton kaugalingon…
    • Maghatag sa pagpakita nga nagakabalaka kita sa mga butang nga maduguy sang sa umalagi…
    • Maghatag sa pagpakita nga nagasunod kita sa ihimplo ni Jesus…
    • Ang naghatag sang tanan sa aton- para nga maupod naton Siya sa wala sang katapusan!
    • 2 Pedro 1:3 – “Ang gahom sang Dios ang naghatag sa aton sang tanan naton nga mga kinahanglanon sa pagkabuhi nga diosnon…”
• 4^th – Magsunod sa mga Layi… vs. 17
  • 1^st –Magpaidalom sa mga nagadumala…
    • Tumana ninyo ang mga tumuluo nga nagadumala sa inyo kag magpasakop kamo sa ila…
    • Balik kita sa verse 7- kita magtuman sa aton mga Espirituhanon nga mga lider…
    • Magtuman- mando sa pagpadayon sa pagsunod sa mga pagsulundan…
    • Mapaidalom diri lang sa NT- buot silingon mag-untat bato!
    • Ano color ang pinta sa simabahan, ano kantahon, ano ang mensahi sang pastor…
    • Damo nga mga opinyon kon paano ang simbahan magpalakat!
    • Ano abi kon magpagusto lang ang mga tawo sa simbahan…
    • Wala lider-wala sang may ginasunod, wala sang may nagatudlo…
    • Wala sang may nagahambal ano oras sang Biblie study- wala sang lider magsimba…
    • May kagamo kag ang pag-alagad sa simbahan indi maitiendihan!
    • 1 Corinto 14:33 – “Kay ang Dios wala nagahatag sang kagamo kundi kalinong. Kon parte sa mga babayi, himua ninyo ang ginahimo sang mga katawhan sang Dios sa tanan nga lugar kon magtipon sila.”
    • Ang Dios indi gamo- may ginplastar Siya kon paano mag-obra ang simbahan…
    • May balanse man-dapat kita mamati sa Espritu- masunod kita sa Iya…
    • Mangin maalam man kita sa paghimo sang mga plano- dapat naplastar ang tanan…
    • Ang Dios naghatag sang sulundan sa Iya simbahan- ang Pastor ang mga lider…
    • Indi kita ginagamhan sang tawo kundi nagatulok kita sa Pulong sa Dios/si Jesus aton lider…
    • Paagi sa Grasya sang Dios, ang mga lider ginbutang sa pagtudlo halin sa Pulong sang Dios!
  • 2^nd – Manabat sa Dios…
    • Kay ini sila amo ang nagaasikaso sang inyo espirituhanon nga kahimtangan…
    • Magbantay- nagapulaw -permi bugtaw sa pagbantay…
    • Tuod gid ang mga pastor-damo nga mga gab-i nga wala sila nagatulog tungod sang simbahan
    • Indi katulog kay kabug-at sang tagipusoon!
    • Ang Pastor- isa ka manugbantay sang karnero nga nagakabalaka sang mga karnero!
    • Gusto kita nga tukbon ni satanas-gusto niya ang kawaton ang mga karnero – 1 Pedro 5:8
    • Ang pastor permi nagabantay sang karnero/nagaprotekta para indi masakit sang kaaway!
    • Kay sila manabat…
    • Ang mga pastor manabat kon paano sila nagbantay sang mga karnero…
    • Ka seryoso sini- nga sila manabat sa Dios!
    • Ang mga tawo indi makabati sa Dios pero nagapamati sila sa pastor/lider…
    • Ang mga pastor may dako nga paghukom tungod sa ila impluwensya sa iban…
    • Gani magpangamuyo sa mga lider-nga sila mangin matarong nga nagakahadlok sa Dios…
    • Pangamuyo kay kon indi sila nagasunod sa Dios-manabat sila sa Iya!
    • Santiago 3:1 – “Mga utod ko, indi lang basta-basta nga maghandom ang madamo sa inyo nga mangin manunudlo, kay nahibaluan ninyo nga mas maid-id ang paghukom sang Dios sa amon bilang mga manunudlo.”
  • 3^rd – Mag-alagad nga may kalipay…
    • Magaalagad sila nga may kalipay, pero kon indi, magakasubo sila kag indi ini makabulig sa inyo…
    • Himua ini nga may kalipay-ang Pastor gintawag sang Dios sa pag-alagad
    • Wala siya pili- may kalipay ukon wala – gintawag siya nga magbantay…
    • Pero kon padayon kamo nga nagapangasubo sila kag mabudlayan…
    • Indi ini makabulig sa simabahan kay makapoyan ang inyo pastor!
    • Buligi ang inyo Pastor nga may kalipay sa pagpangulo – paagi sa pagsunod kay Jesus!
    • Pagsunod sang maayo nga ihimplo- mapadayon sa Pulong sang Dios…
    • Maghatag sang halad sang pagdayaw kag pagtipon – magkabuhi sa Dios!
    • Kay ang dako nga kalipay sang Pastor – makita ang mga karnero nagasunod sa kamatuoran!
    • 3 Juan 3:4 – “Wala na sang makahatag kalipay sa akon nga sobra pa sang mabatian ko nga ang akon mga anak sa pagtuo nagakabuhi suno sa kamatuoran.”