Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
ginbalik sa israel ang kahon sang kasugtanan… (4 ka butang)
- 1st – Pagtilaw sang Kalalat-an … vs. 1-9 basaha: I Samuel 6:1-9
- 1st – Tig-a ulo ang mga Filistinhon – indi sila gusto magpasakop sa Ginoo… vs. 1-6
- Ginguba sang Ginoo ang ila duta paagi sa mga ilaga (ginpangkaon ang ila tanom) / kag nagmalasakit ang mga tawo…
- Bisan ang ila dios-dios – si Dagon – ginpi-ang sang Dios sang Israel…
- Pero ang Kahon sang Kasugtanan ara pa gihapon sa Filistinhon sa sulod sang 7 ka bulan!
- Sa ulihi nagpamangkot ang Filistinhon sa ila pari kon paano ibalik ang Kahon sang Kasugtanan sa Israel…
- Ginsilingan sang pari ang mga tawo nga ibalik ang Kahon sang Kasugtanan upod nga ‘kalinong nga halad’…
- Magporma sila sang 5 ka bulawan nga korte tumor (hemorrhoids) – kag 5 ka bulawan nga korte ilaga…
- Sa pagpakita sang kalalat-an nga nanghalit sa ila siyudad!
- Lima sila tungod sa lima ka pangulo / siyudad sang Filistinhon…
- 'Kulang' kon ibalik lang sa ila ang Kahon sang Kasugtanan – kinahanglan nila magpakita sang paghinulsol!
- Kon nakasala kita makahambal kita sorry – pero kon magpadayon kita pakasala dapat may matuod nga paghinulsol…
- Ang matuod nga paghinulsol buot silingon ginaako mo ang imo sala – sala kontra sa Ginoo…
- Ang matuod nga paghinulsol kinahnglan may upod nga ‘peace offering’ – bag-o nga tagipusuon!
- Indi na magpatig-a sang ulo – pareho sang Faraon nga hari sang Egipto (dumduman nila gihapon ini bisan 350 ka tuig ang nanligad)…
- Wala ginpagguwa sang mga Egiptohanon ang mga Israelinhon hasta nga nagkalaguba ang ila mga duta…
- Mas maayo nga ibalik na ang Kahon sang Kasugtanan subong – antis maulihi ang tanan…
- Kis-a imbes nga maghinulsol – nagapadayon kita gihapon pagpakasala…
- Ang pamangkot pila pa ka mga kabudlayan ang aton maatubang antis kita mag untat…
- Mas maayo nga magbalik na kita subong sa Ginoo – antis maulihi ang tanan!
- 2nd – Pagsulundan para sa paghalad… vs. 7-9
- Ginsilingan sang mga pari ang mga tawo nga maghimo sang bag-o nga karo kag magkuha sang duha ka inang nga baka nga wala pa gid matakdi sang gota…
- Dayon itakod nila ang karo sa mga baka, pero indi pagpaupdon ang ila mga tinday…
- Ang mga tinday ibutang sa toril – guyudon sang baka ang karo…
- Ibutang nila ang Kahon sang Kasugtanan sa karo – upod ang mga halad sa karo…
- Kon indi maghalin ang baka – kag magpabilin sa ila mga tinday – ang kalalat-an indi halin sa Ginoo…
- Pero kon magkadto ini sa Israel – ang Ginoo ang sa likod sang sini nga kalalat-an…
- Pagtilaw ini kon ang kalalat-an natabuan lang – ukon halin sa Ginoo…
- Kis a makapaminsar kita ngaa nagaatubang kita sa mga kabudlayan – sala ukon natabuan lang ini…
- Wala sang natabuan lang sa Ginoo – ginagamit Niya ang tanan nga butang sa aton kabuhi – Roma 8:28
- Ang aton kabudlayan resulta sang iban nga sala sa aton kabuhi…
- Ukon aton kabudlayan pagtilaw ini nga ginapasugtan sang Ginoo nga mag abot sa aton kabuhi – I Pedro 4:12
- Pero indi importante kon ano rason ang aton kabudlayan – ang importante ngaa…
- May mga butang sa aton kabuhi nga – ginatawag nga Maayo ukon Malain…
- Makapinsar kita nga maayo kon wala kita ginasilutan – pero indi kita makatuon…
- Basi magpinsar kita nga malain ang pag atubang sang mga pagtilaw – pero ang kamatuoran nagapakita sang aton tagipusuon…
- Ang matuod – tanan ini nagapapalapit sa aton sa kay Jesus!
- 3rd – Indi magsunod sa ihemplo nga ginapakita sang kalibutan…
- Gusto ni Haring David nga ibalhin ang Kahon sang Kasugtanan sa Jerusalem…
- Maayo ang iya handom – gusto niya nga dal-on ang mga tawo lapit sa Ginoo…
- Pero sa paghimo sini nagatulok siya sa ihemplo sang kalibutan – imbes nga sa Ginoo…
- Sa II Samuel 6:1-7 – Gindala ni Haring David ang Kahon sang Kasugtanan kag ginaguyod ini sang duha ka baka…
- Nagasunod siya sa ihemplo nga ginhatag sang Filistinhon – nga makasasala!
- Sa dalan – nasandad ang baka – kag ang Kahon sang Kasugtanan lapit nalang madagdag…
- Gin uyatan ni Uza ang Kahon sang Kasugtanan – gani ginpatay siya sang Ginoo!
- Tungod suno sa Pulong – ang makauyat lang sang Kahon sang Kasugtanan amo – ang mga pari…
- Tungod ginsunod ni Haring David ang ihemplo sang kalibutan – nagdala ini sang kamatayon…
- Masubo tungod subong madamo nga mga tawo tawo nagatulok sa Kalibutan sang sa Pulong…
- Ila pinsar antis sila magamit sang Ginoo kinahanglan may ineskwelahan sila…
- Para magdamo ang mga tawo sa simbahan kinahanglan palipayon ang mga tawo…
- Para makakwarta – maghiwat sang fundraisers para mapadamo ang kwarta para sa simbahan…
- Tanan ini nga ideya halin sa kalibutan – indi ini makita sa Pulong sang Ginoo…
- Ang resulta madamo nga mga simbahan ang wala nagatulok sa Ginoo/Bibliya – sa ulihi espiritohanon nga kamatayon!
- 1st – Tig-a ulo ang mga Filistinhon – indi sila gusto magpasakop sa Ginoo… vs. 1-6
- 2nd – pagbalik sang kahon sang kasugtanan… vs. 10-21 basaha: I Samuel 6:10-21
- Sang tion nga ginbuy-an ang mga baka – nagkadto ini sa Israel… vs. 10-16
- Sige lang ang ima sang mga baka – pero wala sila mag-untat…
- Nagasunod ang mga pangulo sang Filistinhon hasta sa dulunan sang Bet-Shemesh…
- Nagapangita sila sang sabat – gusto nila nga mag-untat na ang kalalat-an…
- Ang mga tawo bisan ano na lang ginahimo para makakita ang kalinong / mapatawad ang ila sala sa Ginoo…
- Ang mga Hindus nga nagaguyod sang mabug-at nga mga butang sa ila likod…
- Ang mga ‘Kristohanon’ nagapalansang sa krus (kon biyernes santo)
- Pero ideya lang ini tanan sang tawo – tanan nila nga layi kag relihiyon – magadala sa ila sang kagulub-an / impyerno!
- Bet Shemesh – ang lugar sang mga kaliwat ni Levi sa bagatnan dampi sang Israel…
- Ang mga Israelinhon naga-ani sa kapatagan sang makita nila ang Kahon sang Kasugtanan – kag nalipay gid sila!
- Nakaabot ang karo sa uma ni Josue…
- Ginkuha sang mga kaliwat ni Levi ang Kahon sang Ginoo – kag gintungtong sa bato…
- Ginbial sang mga tawo ang karo – ginhalad ang mga baka bilang halad nga ginasunog!
- Nakita ini sang mga pangulo kag nagpauli sila sa ila nga lugar…
- Maabot ang kapatawaran kon magpalapit kita sa BATO / Jesus…
- Wala sang iban nga paagi pakadto sa langit – kundi paagi lang gid sa grasya kag pagtuo kay Jesus!
- I Timoteo 2:5 – “Kay may isa lang ka Dios kag may isa lang ka manugpatunga sa Dios kag sa mga tawo. Ini wala sing iban kundi ang tawo nga si Cristo Jesus.”
- Ang krus ang gahum sang Ginoo para luwason ang mga makasasala – isa lang gid ka paagi para maluwas!
- Ang iban nga mga katawhan sang Bet-Shemesh nagtan-aw sa Kahon sang Kasugtanan – gani ginpatay sila sang Ginoo… vs. 19-21
- May ara sang binaisay kon pila gid ang napatay tungod sini…
- Sa Hebrew text nahambal nga ’70 kag 50,000 ka mga lalaki ang ginpatay sang Ginoo…
- Pero katingalahan man nga may ara sang 50,070 ka mga tawo sa isa ka gamay nga lugar!
- Ang iban nagasiling nga buot silingon sina nga 50 sa 1000 ka mga tawo ang ginpatay sang Ginoo (ukon 20%)…
- Kon ang lugar may 1,400 ka mga tawo – buot silingon 70 ka mga katawhan ang ginpatay sang Ginoo…
- Bisan ano pa ini kadamo – simple lang ang punto – damo nga mga katawo ang napatay…
- Ginadili-an ang bisan sin-o nga maghikap ukon magtan-aw sang Kahon sang Kasugtanan wala labot sa mga pari…
- Numero 4:20 – “Kay kon indi sila pag-updan, indi gid nila sila magsulod sa pagtan-aw sang balaan nga mga butang bisan dali lang, agod indi sila mapatay.”
- Ang katawhan sang Bet-Shemesh nagpamangkot – ‘sin-o bala ang makaatubang sa presensya sang Ginoo’…
- Indi mapalapitan sang makasasala nga mga tawo ang Ginoo – indi kita makatulok sa Balaan nga Ginoo…
- Kon testingan naton magpalapit sa Ginoo – paagi sa aton nga maayo nga hinimuan – mapatay kita…
- Galacia 2:21 – “Wala ko ginapakawala sing pulos ang bugay sang Dios. Kay kon ang pagtuman sa Kasuguan amo ang paagi nga pakamatarungon sang Dios ang tawo, ti, wala sing pulos ang kamatayon ni Cristo.”
- Kon aton pinsar ‘makita naton ang Ginoo’ / makasaka kita sa langit tungod sang aton ‘maayo’ nga binuhatan…
- Buot silingon indi kinahanglan mapatay si Jesus…
- Indi naton kinahanglan ang iya pagkamatarong (puti nga bayo) makahimo kita sang para sa aton…
- May duha lang ka pagpili sa kon ano ang aton ‘suksukon’ kon mag atubang kita sa Balaan nga Ginoo…
- Makaatubang kita sa aton bayo – sa aton maayo nga binuhatan – aton pagkamatarong…
- Kag hukman kita paagi sa aton hinimuan – wala kita sang may mahimo – silutan kita hasta mapatay…
- Ukon mag atubang sa pagsuksok sang pagkamatarong nga ginhatag ni Jesus sa mga nagtuo sa Iya!
- 3rd – ang paghinulsol sang nasyon… vs. 1-6 basaha: I Samuel 7:1-6
- Ginkuha sang mga taga-Kiriat Jearim ang Kahon sang Ginoo… vs. 1-4
- Ang Kiriat Jearim malapit nga siyudad sa Bet-Shemesh…
- Nagtiner didto ang Kahon sang Ginoo sa sulod sang 40 ka tuig – hasta nga nagkadto sa Jerusalem!
- Ang Kahon sang Kasugtanan ara sa Shilo sang tion ni Josue – Josue 18:1
- Pero wala na ini nabalik sa Shilo – tungod ang Israel wala sa Ginoo…
- Ang Shilo buot silingon kalinong – kon wala ang Ginoo wala sang kalinong sa Israel…
- Basta ini gani maayo ang aton relasyon sa Ginoo. – wala kita sang kalinong…
- Kon indi gani maintiendihan ang aton kabuhi – buot silingon layo kita sa Ginoo!
- Nagakasubo ang Israelinhon tungod nabatyagan nila nga ginpabay-an sila sa sang Ginoo…
- Sige ang ila pagkapierdi sa Filistinhon sa inaway – nadula sa ila ang Kahon sang Kasugtanan…
- Kag sang magbalik na ang Kahon sang Kasugtanan – nagdala ini sang kamatayon kag kagulub-an sa Israel…
- Gani ginsilingan ni Samuel ang mga tawo nga ihaboy ang ila mga dios-dios – kag sa Ginoo lang mag alagad…
- Wala ginpabay-an sang Ginoo ang Israel – ang Israel ang nagpabaya sa Ginoo!
- Kon mabatyagan naton nga wala na ang Ginoo – ang Ginoo wala nagbaya sa aton / kita ang nagbaya sa Iya…
- Ang solusyon amo ang pagpalayo sa bisan ano nga naga sabad sa aton – kag magbalik sa Ginoo!
- Gintawag ni Samuel ang tanan nga Israelinhon sa pagtipon sa Mizpa… vs. 5-6
- Gintawag Niya ang mga tawo nga magkuha sang tubig kag iula sa presensya sang Ginoo…
- Ang ila ginhimo nagapakita kon paano nila ‘ibubo ang ila tagipusuon sa Ginoo’…
- Salmo 62:8 – “Kamo nga mga katawhan sang Dios, magsalig kamo s iya sa tanan nga tion! Isugod sa iya ang tanan ninyo nga palaligban kay siya ang nagaprotektar sa aton.”
- Kon ang isa ka tawo indi gusto nga buligan – wala ka na sang may mahimo para buligan sila…
- Pero kon ang isa ka tawo gusto nga magsugid sang ila problema – may ara na sang paglaom…
- Para buligan kita sang Ginoo – dapat magsugid kita sang intsakto kag buksan ang aton tagipusuon para sa Iya…
- Ginsilingan man ni Samuel ang mga tawo nga magpuasa permi…
- Sa sini nga tion ginaako nila nga nakasala sila sa Ginoo…
- Para mahatag naton ang aton bug-os nga tagipusuon sa Ginoo – maghatag kita sang tion sa pagsugid parte kay Jesus…
- Permi kita sako kag wala na kita sang tion nga magpungko kag mag estorya kay Jesus…
- Ang pagpuasa isa ka paagi para makuha ang aton mga gina-intiendi – gani mabatian naton ang Ginoo…
- Imbes na magdali dali preparar sang kaunon – laktawan naton ini sa paghatag sang tion para kay Jesus…
- Imbes magpulaw lantaw sang tv – magbugtaw aga kag mag estorya sa Ginoo!
- 4th – Ang kapierdihan sang filistinhon… vs. 7-17 basaha: I Samuel 7:7-17
- Sang nabalitaan sang Filistinhon nga ang mga Israelinhon nagtipon sa Mizpa… vs. 7-11
- Nagpreparar sila sa pagsalakay sa Israelinhon – kag ang mga tawo hinadlukan…
- Ginsilingan sang mga Israelinhon si Samuel nga magpangamuyo sa Ginoo para sa ila – luwason sila sa mga Filistinhon…
- Gani naghalad si Samuel sang Karnero sa Ginoo – kag ginsabat siya sang Ginoo…
- Samtang nagahalad si Samuel sang Karnero nag-abot ang Filistinhon…
- Ginpadaguob sang Ginoo sing puwerte ka tunog – gani nagsinasala-sala ang mga Filistinhon…
- Naghatag ini sang kadalag-an batok sa ila kaaway – ginpanglagas kag ginpamatay sila sang mga Israelinhon!
- Naghimo si Samuel sang Ebenezer nga bato sa Mizpa… vs. 12-17
- Marka ini sang lugar kon diin ginbuligan sang Ginoo ang Israel sa pagpierdi sang ila kaaway!
- Kon maghimo sang ‘MANAMI nga butang – hapos sa aton nga mangin malipayon….
- Pero hasta san-o – dasig lang kita magkalipat sa mga ginhimo sang Ginoo…
- Kon wala kita kwarta – kag magpanawag kita sa Ginoo – kag kon himuon Niya ini…
- Sa sunod nga mawad-an kita – magapanawag bala kita gihapon sa Ginoo – ukon magsala sala…
- Kon mag abot liwat ang kabudlayan – kinahanglan naton dumdumon ang ginhimo sang Ginoo para sa aton…
- Isulat ini – magkuha sang picture – magkuha bato – bisan ano nga makabulig sa imo sa pagdumdom…
- Para sa sunod nga tion mag-abot ang kabudlyan – ang daw suba nga problema sa atubang mo…
- May ara ka sang kasiguraduhan sa Ginoo – kon nahimo Niya sang una, sigurado mahimo Niya ini liwat!
- Nagapadayon si Samuel nga pangulo sang Israel sa bug-os niya nga kabuhi…
- Kag sa bug-os niya nga kabuhi ang Filistinhon wala na gid makapalapit sa Israel…
- Samtang si Samuel ang manughukom sang Israel ang Ginoo ara sa Israel!