Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Review…
- Ang pagkalaglag ni Solomon…
- Pagkatapos sang 20 ka tuig nga pagpaubra ni Solomon – damo ang iya balayran…
- Namian si Solomon magpaubra – asta nga makontento siya – pero grabe ka MAHAL!
- Bisan si Solomon damo gid kwarta – mas damo pa gid ang iya gingasto!
- Pero si Solomon nakadto lang sa Templo kon kinahanglan – dioty ang iya tion sa Ginoo…
- Sako siya pangita sang damo nga kwarta – kag gastuhon ang ini nga kwarta!
- Ang Rayna nagkadto kay Solomon – para testingan ang iya kaalam…
- Natingala gid siya sang nakita niya si Solomon – ang kanami sang iya ginharian…
- Pero sa tanan nga kaalam kag manggad ni Solomon – wala siya nagtuman sa Ginoo…
- Naghigugma siya sang damo nga mga babayi – 700 ka asawa kag 300 ka asawa nga suluguon!
- Sang nagtigulang na si Solomon – ginpalayo sang iya asawa ang iya tagipusuon sa Ginoo…
- Ginsimba man niya ang dios-dios sang iya mga asawa – Deuteronomy 17:17 …
- Wala gid ibalibad si Solomon – ka duha nagpakita ang Ginoo sa iya…
- Ginpaandaman siya kag kabalo siya sang mga sugo sang Ginoo – pero nagpalyo siya gihapon!
- Tungod kay wala niya gintuman ang mga sugo – tungaon sang Ginoo ang iya Ginharian…
- Imbes nga mangin hari ang anak ni Solomon – ginhimo sang Ginoo nga Hari si Jeroboam…
- Pero tungod kay Haring David – hulton sang Ginoo asta mapatay si Solomon…
- Kag tungaon sang Ginoo ang nasyon – kag duha lang ka tribo ang mabilin kay Solomon!
- Pagkatapos sang 20 ka tuig nga pagpaubra ni Solomon – damo ang iya balayran…
Ang natunga nga Ginharian… (3 things)
2 Cronica 10:1 – 19
- 1st – Ang kalaut ni Rehoboam…
- 1st – Si Rehoboam – nagkadto sa Shekem para iproklamar nga mangin hari… vs. 1-5
- Ang Shekem capital sang Israel – sa tion sang mga hukom – Joshua 24:1
- Pero katingalahan nga ginproklamar siya sa Shekem kag indi sa Jerusalem
- Kabalo siya nga ang Israel magarebelde sa iya – te nagpalayo siya sa Jerusalem
- Si Jeroboam nagbalik man halin sa Jerusalem para magtambong sa proklamasyon
- Nagdala siya sang mga lider sang Israel kag damo sila pangabay kay Rehoboam
- Mabug-at ang ginpatuman ni Solomon – mahal ang buhis nga ginsukot niya sa tawo
- Gusto nila nga pamag-anon ini Rehoboam – kag magaalagad sila sa iya
- Nagpalayo si Solomon sa Ginoo – kag nagsimba kag gindala niya ang mga dios-dios sa Israel
- Pero ang pinsar lang ya sang mga tawo – nga maggamay ang balayran sa buhis
- Pero wala sila nagapinsar nga magbalik sa Ginoo – kag magsimba sa tuod-tuod nga Dios
- Sa aton pagboto – delikado kon basihan naton ang indi spirituhanon nga butang
- Basi nagapili kita sa mga pulitiko – nga magapanubo sang aton balayran
- Ukon basi pulitiko nga nagahambal – ubuson ko mga mga corrupt nga tawo sa goberyerno
- Pero ini tanan – wala nagapapinsar sa aton nga magpalapit kag magsimba sa Ginoo
- Kon ang nasyon magtalikod sa Ginoo – ang Ginoo magatalikod sa nasyon
- 2nd – Nag-ayo si Rehoboam sang 3 ka adlaw… vs. 6-11
- Nagkadto siya sa mga manugdumala – kag nagpangayo sang laygay…
- Kon magdali-dali kita sang aton desisyon – magabutang ini sa aton sa dilikado
- Ang problema kay kadako sang aton bugal – nga mahuya kita magpangayo laygay sa iban
- Kay tungod gapinsar kita – nga kahuluya nga mangayo kita advice sang aton problema
- Pero kon mangayo sang laygay – kag indi magdali-dali sa desisyon – mangin bugay sa aton
- Hulubaton 15:22 – “Kon indi ka magpangayo sang laygay parte sa imo mga plano, indi ka magmadinalag-on, pero kon magpangayo ka sang madamo nga mga laygay, magmadinalag-on ang imo mga plano.”
- Si Rehoboam – nagpalapit sa una sa mga manugdumala nga nagaalagad sa iya amay
- Ginhambalan nila siya nga pamatian ang gina-ayo sang mga tawo sa iya nasyon
- Gusto nila nga magkabuhi ang hari para sa mga tawo kag indi para sa iya kaugalingon
- Kag ang mga tawo magaalagad/magahigugma – kag magaprotektar sa hari
- Gusto sang Ginoo nga mag-alagad ang mga lider sa mga tawo – indi nga sila ang alagaran
- Mark 10:45 – Kay bisan pa gani ako nga Anak sang Tawo wala nagkadto diri sa kalibutan agod alagaran, kundi mag-alagad kag maghatag sang akon kabuhi agod matubos ang madamo nga mga tawo.”
- Pero wala ginsunod sang ni Rehoboam ang maayo nga laygay sang mga manugdulamala
- Kundi nagkadto siya sa iya mga abyan – para mangayo sang laygay…
- Hambal nila – ang akon kamalingking mas dako pa sa hawak sang akon amay
- Kon ang akon amay nga si Solomon nagahanot sa inyo sang latigo – ako magahanot sa inyo sang putik (ukon iwi-iwi ukon scorpion) nga may mga matalom nga metal
- Ang buot silingon – mas mabug-at ako nga hari sang sa akon amay nga si Solomon
- Kinahanglan mag-andam kita kon sin-o ang aton ginapangayuan sang advice
- Kay tuod mas maayo nga mangayo kita sang advice – pero indi tanan nga advice maayo
- Indi kita mangayo advice sa mga tawo kon ano lang ang ila napinsaran
- Mangayo kita sang advice sa mga tawo nga itudlo kita sa Ginoo
- 3rd – Si Jeroboam kag ang mga tawo nagbalik sa Israel sa ika tatlo nga adlaw… vs. 12-15
- Ginhambalan sang masakit ni Rehoboam ang mga tawo
- Wala niya ginsunod ang laygay sang mga manugdumala – kundi ang iya mga abyan
- Wala namati ang hari sa mga tawo – tungod kay gusto sang Ginoo matunga ang ginharian
- Hulubaton 21:2 – “Mahimo nga nagahunahuna kita nga husto na gid ang tanan ta nga ginahimo, pero ang Ginoo lang ang makahukom kon ano gid ang aton motibo.”
- Kon kis-a mainit kita sa mga desisyon sang mga politiko kag mga lider sa gobyerno
- Ginahusgahan naton sila sa mga binuang nga mga desisyon – ginabasol sila sa mga problema
- Pero kinahanglan dumdumon naton – ang Ginoo ang nagadumala sa ila / nagacontrol sa ila
- Kay kon ang isa ka nasyon perfect – indi na kita magdangop / kag magsalig sa Ginoo
- Tungod kay indi perfect ang aton gobeyerno – dira kita magasalig sa Ginoo!
- 4th – Sang nabatian sang Israel sang desisyon sang hari – nagrebelde sila… vs. 16-19
- Wala si Rehoboam kabalo sang matabo – ginpadala niya si Hadoram para magpaobra sa tawo
- Handa na si Rehoboam nga magpabug-at sa mga tawo – kag magpilit magpa-obra…
- Pero ang mga tawo – ginbato nila si Hadoram asta nga mapatay!
- Dira nahibaluan ni Rehoboam nga sala ang iya desisyon – kag nagpalagyo sa Jerusalem
- Ginatawag kita nga magmatinumanon sa gobyerno – Romans 13:1
- Pero indi buot silingon nga indi kita magtindog batok sa mga malain nga nga liders
- Ang mga malain nga mga mga lider nagapagusto – kay wala sang mga nagakontra sa iya
- Kon ang gobyerno wala na nagapamati kag nagaalagad sa mga tawo
- Aton responsibilidad nga mga Christians nga magtindog batok sa gobyerno
- 2 Cronica 11:1 – 23
- 1st – Si Rehoboam – nagkadto sa Shekem para iproklamar nga mangin hari… vs. 1-5
- 2nd – Duha ka hari sa Israel…
- 1st – Ginhimo sang Israel si Jeroboam nga ila hari… vs. 1-12
- Nakatipon si Rehoboam 180,000 nga mga soldado para salakayon si Jeroboam
- Pero naghambal ang Ginoo kay Shemaya – nga indi si Rehoboam magsalakay
- Ang pagtunga sang ginharian kabubut-on sang Ginoo – magpauli na lang sila
- Nagpamati si Rehoboam sa propeta nga si Shemaya – kag nagtuman sa Ginoo
- Kag dira nagsugod nga natunga ang Israel sa duha ka nasyon…
- Ang babaw nga bahin sang Israel – 10 ka tribo ginatawag si nga Israel – Jeroboam ang hari
- Ang dalom nga bahin sang Israel – 2 ka tribo ginatawag sila nga Juda – Rehoboam ang hari
- Natunga ang ginharian tungod kay nagtalikod sila sa Ginoo!
- Nangin isa lang liwat ang Israel sang 1948 – Ezekiel 37:21-22
- Ginsilutan sang Ginoo ang Israel – pero sa katupsan nangin isa sila ka nasyon liwat
- Tungod kay plano sang Ginoo nga bugayan sang Israel – bisan sa sala nga ginhimo nila
- Plano sang Ginoo nga bugayan kita – pero indi ina rason nga magpadayon kita sa sala.
- 2nd – Ang tanan nga mga pari kag Levita nagkadto sa Judah… vs. 13-17
- Ang rason tungod kay si Jeroboan nagsikway sa pagsimba sa Ginoo…
- Nagbutang siya sang iya kaugalingon nga pari kag nagsimba sa mga kanding kag baka…
- Nagahunahuna siya nga ang mga tawo masimba sa Templo sa Jerusalem
- Ang Jerusalem sakop sang nasyon sang Juda – nga ang hari si Rehoboam…
- Kon ang mga taga Israel makadto sa templo sa Jerusalem kada tuig sa paghalad
- Basi ang mga tawo – indi na magbalik sa Israel kag magmasunod na lng kay Rehoboam
- Kag basi patyon nila si Jeroboam kag si Rehoboam na lang ang mangin hari…
- Te, nagpahimo si Jeroboam sang mga baka – I Kings 12:28
- Kag ginhambal niya sa mga tawo – nga amo ini ang ginoo nga nagluwas sa inyo sa Egypt
- Nakuha ini nga idea ni Jeroboam sang ara sila ka kamingawan hlin sa Egypt
- Exodus 32:4 – “Gintipon ini ni Aaron kag gintunaw kag ginporma nga torite nga baka. Nagsiling dayon ang mga Israelinhon, “Amo ini ang aton dios nga nagpaguwa sa aton sa Egipto.”
- Si satan ginasunod niya kon ano ang mga natabo sang nagligad
- Kag gina-into niya ang mga tawo nga amo lang ini ang matugod nga butang…
- Nga indi na naton kinahanglang ang Ginoo kag Iya pamagi kundi ang pamaagi ni satanas…
- Gintuga kita sang Ginoo nga magsimba sa Iya – pero gusto ni satanas masimba kita sa lain
- Gusto niya nga magkabuhi lang kita sa kuwarta – ukon mangin maayo lang kita nga tawo
- Pero ang tanan nga ginahimo ni satanas mga peke – ‘made in China’
- Daw original tulukon – pero peke gali – indi gid magdugay….
- Nagpahimo si Jeroboam sang dios-dios nga baka sa Dan – I Kings 12:29-33
- Ang Dan ara ibabaw sang Israel
- Kag nagpahimo man siya sang dios-dios nga baka sa Bethel – sa dalom sang Israel
- Ginbagy-o niya ang pista sang Israel para mangin hapos sa mga tawo…
- Ginpasugtan niya ang tanan nga maghalad – indi lang ang mga pari
- Ginpasugtan man niya nga pwede mangin pari ang tanan – indi lang ang mga Levita
- Ginpahapos niya ang pagsunod sa religion – sang sa magsunod sa tuod nga Ginoo
- Ginapahapos ni satanas para sa aton ang indi pagsimba sa Ginoo
- Ginahambal niya – nga kinahanglan mo pa magkadto sa layo para magpamati sang maayo nga bible study – pwede lang sa sa bisan – palareho lang man na
- Simba ka lang kon Domingo kon tawhay ka – ukon kon makabangon ka aga pa
- Pero ang pagsunod sa Ginoo indi tawhay – kinahanglan naton magsakripisyo…
- Hatagan gid naton sang tion ang pagsimba kag pag-alagad sa Ginoo…
- Kay amo ini ang pamagi nga nagatubo kita kag magabakod nga indi madala sa sala…
- 3rd – Mag-andam kita sa example… vs. 18-23
- Sa una nga 3 ka tuig – nagsunod si Rehoboam sa Ginoo…
- Ang rason tungod kay ang mga tawo sa Israel nagasunod sa Ginoo…
- Madamo man nga mga tawo halin sa Israel nga nagasunod sa Ginoo – nagbalhin sa Juda
- Tungod sina – si Rehoboam nadala man nga magsunod sa Ginoo
- Kinahanglan nga mag-andam kita kon sin-o ang aton gina-upod…
- Kay kon sin-o ang aton upod – ang tawo mahambal kon ano kita tungod sa aton upod..
- Kon ang aton gina-upod mga palahubog kag sugarol nga mga tawo – ang tan-aw sang mga tawo sa aton – palahubog kag sugarol man
- Pero kon upod naton mga kristohanon – ang tan-aw sang tawo sa aton kristohanon man
- Mag-andam gid kita kon sin-o ang aton gina-upod – kay mapareho kita sa ila…
- Ginpangasawa ni Rehoboam si Abihail, si Mahalat, kag si Maaca – mga paka-isa niya…
- Indi pwede sa layi ni Moses ini – Leviticus 18:6-18
- Tungod kay ang bata sang magparyentihanay – may deperensiya
- Kon mag-utod/ukon mag-paka-isa nagaasawahay – ang bata abnormal
- Pero ang tanan asawa ni Rehoboam 18 kag 60 ka asawa nga suluguon…
- Pero ang damo asawa indi man pwede sa layi ni Moses – Deuteronomy 17:17…
- Pero nakatuon si Rehoboam sa iya nga amay – ginpadamo niya ang iya asawa kag wala nagsunod sa Bible…
- Mag-andam kita sa example nga ginapakita naton sa iban – kapin pa gid sa aton kabataan
- Ang aton mga kabataan nagatan-aw sa aton – kon ano ang aton ginahimo – ginasunod nila
- Daw pareho sila sang espiho – ang aton ginahimo – ginahimo man nila
- Tagaan man naton sang tion ang aton mga kabataan – tudluan ta sila parte kay Jesus!
- Ang imo mga kabataan kag pamilya ang pinaka-importante nga ministry nga ginhatag sang Ginoo sa imo…
- 2 Cronica 12:1 – 16
- 1st – Ginhimo sang Israel si Jeroboam nga ila hari… vs. 1-12
- 3rd – Ang pagkalaglag ni Rehoboam…
- 1st – Sang malig-on na ang paghari ni Rehoboam – ginsikway niya ang Ginoo vs. 1-12
- Ang resulta sa ika-5 nga tuig nga iya paghari – ginsalakay sila ni haring Shishak sang Egypt
- May dala siya 1200 karwahe/60,000 ka manugkabayo, kag pwerte kadamo nga soldado
- Pero bisan ginpaubos ni Rehoboam ang iya kaugalingon – ginsilutan sila gihapon
- Ginpasakop sila gihapon sang Ginoo sa kay Shishak – para tudluan sila sang leksyon
- Kon nagakabuhi kita sa sala mabatyagan naton nga sadya…
- Pero ang problema kon magapos kita sang sala nga indi nga makaguwa
- Sa katapusan – indi na kita maka untat sa sala – kag indi nga kita mahilway…
- Ang tawo nga nagapadayon sa pagpakasala – mangin ulipon sang sala…
- John 8:34 – “agsiling si Jesus, “Sa pagkamatuod, ginasugid ko sa inyo nga ang bisan sin-o nga nagapakasala, ulipon sang sala.”
- Ginahatagan ktia sang pagpili subong – magkabauhi kita sa sala kag magpagapos sa sala
- Ukon magkabuhi kita sa Ginoo kag magpagapos sa Ginoo…
- Romans 6:16 – “Indi bala mga ulipon kita sang bisan ano nga aton ginatuman? Gani kon nagahimo kita sang sala, mga ulipon kita sang sala kag ang resulta sini kamatayon. Pero kon nagatuman kita sa Dios, mga ulipon kita sang Dios kag ang resulta sini amo nga pakamatarungon niya kita.”
- Ginkuha ni Shishak ang tana nga manggaad sa templo – ang manggad ni Solomon…
- 500 ka taming – nga gindekorasyon sa palasyo
- Pero gin-ilisan ni Rehoboam sang peke nga saway ang ginkuha ni Shishak
- Pero lain gid ang itsura sang tuod sang sa peke
- Damo nga mga tawo ang nagapakunokuno nga Christians – ila ginahimo daw Christian
- Pero ang ila kabuhi – nagakabuhi sila sa kalibutan…
- Ang ila hunahuna – ok lang nga daw Christian – pero ang resulta indi magdugay
- Ang tuod nga kalipay ang pagsunod kay Jesus
- 2nd – Naghari si Rehoboam 17 ka tuig sa Juda… vs. 13-16
- Bisan wala gid sila ginpasakop sang Ginoo sa Egypt
- Permi naga-inaway si Rehoboam kag Jeroboam sa tion nga nagahari sila….
- Ang rason tungod kay wala sila nagahandom sa pagdangop sa Ginoo
- Ang pagkalaglag ni Rehoboam tungod sa bugal – tuod nagpakaubos siya sang nagsalakay si Shishak – pero sang natapos na ang problema – balik na man siya ka iya kabuhi
- II Peter 2:22 – “Ang ila ginahimo pareho gid sa ginasiling sang hulubaton nga, “Ang ido nagakaon sang iya suka,” kag “Ang baboy nga bag-o lang ginpaliguan nagaligid liwat sa lunang.”
- Kon ang tawo may problema dasig sila magpalapit kag magpanawag sa Ginoo
- Pero kon tapos na ang problema – nagapabalik na man sa pagsalig sa ila kabuhi….
- Magadangop kita sa Ginoo sa aton kabuhi – may problema man ukon wala…
- Indi nga magsalig lang kita sa aton kaugalingon – kundi permi sa Ginoo…
- Napatay si kag ginlubong sa Banwa ni David – si Abia ang nagbulos sa iya bilang hari…
- 1st – Sang malig-on na ang paghari ni Rehoboam – ginsikway niya ang Ginoo vs. 1-12