Making Bible Study Easy for everyoneEnglish • Hiligaynon
Back to 2 Chronicles
Verse-by-Verse Bible Study

II Chronicles 14-16

A Hiligaynon study of II Chronicles 14-16 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • The Divided Kingdom…
    • SI Abia nga anak si Rehoboam – naghari lang sang 3 katuig
      • Indi siya maayo nga hari – nagsunod siya sa sala sang iya amay
      • Wala siya nagdangop sa Ginoo – iya tagipusuon indi pareho kay Haring David
      • Pero wala siya ginpahalin sang Ginoo sa iya ginharian – tungod kay Haring David
    • Nagpakig-away si Abia kay Jeroboam – 400,000 iya soldado kontra 800,000 ni Jeroboam
      • Samtang nagapreparar ang iya mga soldado – nagtindog si Abia kag nagsinggit kay Jeroboam
      • Pero samtang nga singgit siya – si Jeroboam nagpanglipot sa iya sa likod…
      • Gin-ambus ni Jeroboam si Abia paagi sa pagpadala sang sekreto nga mga soldado sa iya likod
      • Antis nabal-an sang Juda – ginaatake na sila sa atubangan kag likod…
    • Sa kakibot – nagpangayo bulig si Abia kag ang Juda sa Ginoo…
      • Dutay lang sila (pareho lang duha kontra isa) – kag mas alam si Jeroboam sang sa kay Abia
      • Pero sang ginpatunog sang mga pari ang iya trumpeta – kag nagsininggit ang mga soldado
      • Ginperdi sang Ginoo ang Israel – basi nagsalala ang mga army ni Jeroboam
      • Ang resulta – ginpamatay sang Juda ang 500,000 ka mga Israilinhon sa giyera

Ang paghari ni Asa – ika-tatlo nga hari sang Juda… (3 things)

  • 1st – Ang kalinong sa Juda… II Cronica 14:1-15
    • 1st – Si Asa nga anak ni Abia
      • Sang naghari si Asa sa Juda – may kalinong ang Juda sa sulod sang 10 ka tuig… vs. 1-5
      • Ginpangguba niya nga mga dios-dios / mga haligi ni Ashera / kag ni Baal
      • Ang mga Canaanhon nagasimba sa 3 ka dios – Si El / Ashera / kag Baal
      • Si El ang ‘amay’ / si Ashera ang ‘nanay’ / kag si Baal ang ila ‘anak’…
      • Ginpangguba tanan ni Asa ang iya handumanan – para ang indi na matintar ang Juda
      • Ang sala makatintar gid – indi budlay nga madala kita sa temtasyon sang kalibutan
      • Indi kita maghunahuna nga indi kita madala sa mga temtasyon
      • Bisan ano kita kabaskog – madala gid kita kon makita naton ini
      • Ukon may manghagad sa aton – kinahanglan nga kuhaon ang mga temtasyon
      • I Timothy 6:11 – “Pero ikaw, bilang alagad sang Dios, likawi ina nga mga butang. Himulati nga magkabuhi nga matarong, diosnon, may husto nga pagtuo, mahigugmaon, mainantuson, kag malulo.”
      • Nagsugo si Asa sa taga Juda nga magdanggop sa Ginoo sang ila mga katigulangan
      • Kag ginsugo man niya ang mga tawo nga magpalapit sa Pulong sang Ginoo
      • Gusto permi sang Ginoo nga magpamati sa aton – gusta Niya permi nga mangita kita sa Iya
      • Kon indi kita maghatag sang tion sa Pulong sang Ginoo – kon wala kita nagapamati sa Iya
      • Indi gid kita makabati sa Iya – indi naton mabatyagan ang kalipay upod sa Iya!
      • Ginguba ni Asa ang mga simbahan sa mataas nga lugar – nga ginasimbahan sang mga tawo
      • Budlay permi sa mga tawo nga magkadto sa templo para magsimba sa Ginoo
      • Tungod sina ang mga tawo nagakadto na lang sa mga mataas nga lugar para magsimba
      • Pero ang Layi nagahambal nga TANAN nga halad himuon sa Tabernacle – Leviticus 17:1-5
      • Gusto sang Ginoo nga magkadto sila sa Tabernacle – para didto magsimba
      • Damo sang mga tawo nagahambal nga indi ko na kinahanglan mga kadto sa simbahan
      • Pwede na man ko makasimba sa Ginoo paagi sa pagbasa Bible
      • Pero hapos lang maghimo sang malain kag papatihon ang aton kaugalingon nga maayo ina
      • Amo na gusto nga gusto sang Ginoo nga magsimba kita sang tingob – Hebrews 10:25…
      • Kag mabuligan naton ang isa kag isa – kag bisan makamusta naton ang isa kag isa…
      • Kag para mabal-an gid naton nga ang importante magdangop kita sa Ginoo
      • Ginhimo ni Asa ang maayo sa panulok sang Ginoo…
      • Ang ginharian sang Juda may kalinong – tungod nga ginkuha nila ang mga temtasyon
      • Kag naghatag sila sang tion sa Pulong sang Dios – para makilala nila ang Ginoo…
      • Kag masiguro nga nagasimba sila sa Ginoo – kag nagakamustahanay sa isa kag isa
      • Ang resulta may relasyon sila sa Ginoo – kag may kalinong sa sulod sang 10 ka tuig
      • Kon kuhaon naton ang temtasyon sang kalibutan – kag magdangop sa Pulong sang Ginoo
      • Kag palibutan naton ang aton kaugalingon sang mga Kristohanon – may kalinong kita
      • Ang tawhay nga kabuhi – maabot sa aton kon ang aton hunahuna ara permi kay Jesus
      • Sigurado may problema kita gihapon – pero makabalo kita kon ano ang aton himuon
      • Ukon makabalo kita kon ano ang aton mangin batasan kon mag-abot ang mga problema
      • Tungod kay ang aton nga kabuhi na centro kay Jesus…
    • 2nd – Ginpabutangan ni Asa sang pader ang syudad… vs. 6-8
      • May mga soldado siya – 300,000 halin sa tribu ni Juda kag 280,000 halin sa tribu ni Benjamin
      • Kay bisan may kalinong – pero kabalo siya nga indi ini magdugay
      • Sang gintentar ni satanas si Jesus sang 3 ka beses – ginperdi ni Jesus si satanas
      • Pero bisan na perdi si satana ina nga adlaw – indi ini buot silingon nga tapos nga ang giyera
      • Ang pagtilaw sa kabuhi daw pareho sa bagyo – indi tungod kay nalampuwasan mo na ang isa
      • Indi buot silingon nga wala na gid sang bagyo nga abot – mas damo pa gid gani ang masunod
      • Dapat magpadayon kita sa paghanda – preparado kita dapat permi sa mga pag-atake si satanas
    • 3rd – Nag-atake si Zera sang Etiopia – upod sa 1 million ka mga army… vs. 9-10
      • Nagplastar si Asa sa pulopatag sang Zefata malapit sa Maresha
      • Ang kaaway ni Asa damo-damo – pero tungod bala ini sa sala ni Asa ukon sang Juda
      • Pero indi sala ni Asa ukon sang Juda – gusto lang ipakita sang Ginoo ang iya gahom kay Asa
      • Kon may kabudlayan kag pagtilawa sa aton kabuhi – makita naton ang bulig sang Ginoo
      • Kon wala kita kwarta – kag magsalig kita sa Ginoo – makita naton nga nagahatag Siya
      • Kon nagamasakit kita – makita naton ang milagro nga ginaayo kita sang Ginoo
      • Kon wala kita kabudlayan – indi naton makita ang bulig sang Ginoo sa aton…
      • Kag kon mabatyagan naton nga ginaatipan kita sang Ginoo
      • Magapadayon kita sa pagdangop sa iya – kay kabalo kita nga buligan Niya kita sa sunodd…
      • Ngaa nagasalig kita nga ang adlaw mabutlak buas – tungod kay adlaw-adlaw nagabutlak
      • Nagasalig kita tungod kay ang Ginoo matutom – nakita naton ang Iya katutom
      • May pagsalig kita sa Ginoo nga maghatag sang aton kinahanglanon
    • 4th – Nangamuyo si Asa sa Ginoo… vs. 11 – 15
      • Gusto ni Asa nga mapati sa Ginoo nga makahimo Siya sang imposible nga butang
      • Tungod sina ginpadaog sang Ginoo si Asa kag ang Juda – kontra sa taga-Etopia
      • Nagpalagyo ang taga-Etiopia – kag madamo ang mga pagkabutang ang nakuha sang taga-Juda
      • Permi nita nagapinsar nga naga-isahaon kita – pero dako ang mahimo naton
      • Kay indi kinahanglan sang Ginoo ang mga army – nagapanita lang Siya sa imo
      • Sang ginhimo ni Noah ang arka – daw wala gid chansa nga maglutaw ini
      • Sang nag-away si David kag Goliath – wala gid chansa nga magdaog si David
      • Basi kon tan-aw naton nga wala gid chansa – indi buot silingon nga indi naton pagtilawan
      • Nagapanita ang Ginoo sang tawo nga gusto magtilaw sa Iya buluhaton
      • Bisan daw halos wala chansa – kon para sa aton imposible sa Ginoo wala sing imposible
      • Basi makahambal kita sa aton kaugalingon – nga wala gid chansa nga mag-alagad ko sa Ginoo
      • Pero kabay pa nga indi ina rason nga indi kita mag tilaw sa buluhaton sang Ginoo
      • Indi naton pagpungan ang mahimo sang Ginoo sa aton – kay ginahigugma ka Niya
  • 2nd – Magpabilin sa Ginoo… II Cronica 15:1-19
    • 1st – Gin-gamhan sang Espiritu sang Dios si Azaria… vs. 1-8
      • Pagkatapos sang giyera – naghatag sang mensahi si Azaria kay Haring Asa…
      • Magapabilin ang Ginoo sa inyo samtang nagapablini kamo sa iya
      • Pero kon talikdan ninyo siya, talikdan man niya kamo…
      • Bug-at ini nga mensahi para sa Hari – pero kinahaglan niya mabatian
      • Kon kis-a nahuya kita maghambal sa mga butang nga parte kay Jesus sa mga tawo
      • Tungod kay wala kita kabalo kon ano ang aton ihambal – basi indi gid man kita maghambal sa hari / ukon sa president / ukon sa mayor – pero kinahanglan nga maghambal kita
      • Indi kita magkahadlok – kay ang Balaan nga Espiritu ang magahatag sa aton sang kaisog
      • Ang himuon lang naton abrihan naton ang aton mga baba – kag ihambal ang ngalan ni Jesus
      • Luke 12:11-12 – “Kon tungod sa inyo pagtuo pagadal-on kamo sa simbahan sang mga Judio ukon sa mga manugdumala sang banwa agod imbistigaron, indi kamo magpalibog kon ano ang inyo isabat. Kay sa sina nga tion tudluan kamo sang Espiritu Santo kon ano ang inyo dapat ihambal.”
      • Sa malawig nga tion – ang Israel nagkabuhi nga wala sing matuod nga Dios
      • Kay nakita naton nga permi naga-away ang Israel kag Juda – wala kalinong sa ila
      • Pero sa paghari ni Asa naghinulsol sila sang ila mga sala – pero may kabudlayan gihapon
      • Ang importante – indi mag-untat/indi magkaluya – ang premyo nagaabot sa ulihi!
      • Ang tig-alani naga-abot pagkatapos sang pagtanom
      • Pero wala sang tawo nga nagatanom kag nagapinsar nga mangani siya sunod nga adlaw
      • Kon nagatan-aw ka sa imo ginatanom kag nagahulat nga mag-ani – matak-an ka lang
      • Dapat mangin busy kita – hilamonan naton/bungkalon – kay sa ulihi maabot ang bunga…
      • Gusto naton nga may resulta subong dayon ang aton mga ginahimo
      • Kag kon wala resulta – nagakatak-an kita/ginakapoy – tungod kay wala sang may natabo
      • Dali lang kita mainit kon palpak ang aton ginahimo bilang isa ka Kristohanon…
      • Kag ang aton pinsar – ma-untat na lang – kay wala man sang may nagakatabo
      • Pero imbes nga nagahulat kita sang resulta – mangin busy kita sa buluhaton sang Ginoo
      • Kag magpabilin sa pag-angot kay Jesus – magpabilin sa Iya Pulong…
      • Kag sa timing sang Ginoo – magaguwa sang resulta nga aton ginapaabot halin sa Ginoo!
    • 2nd – Nangin mabakod para sa GInoo… vs. 8-19
      • Sang nabatian ni Asa ang mensahi – nagpakaisog siya
      • Ginpakuha niya ang mga dios-dios sa Juda kag Benjamin – kag ginpakay o ang halaran sang Ginoo
      • Bisan kabalo kita sang Pulong sang Ginoo – kon kis-a nagakaluya kita
      • Kon kis-a ang kinahanglan lang naton – may magpadumdum sa aton
      • Bilang tumuluo – kuhaon naton ang tanan nga chansa para magpabakod sa aton
      • Galatians 6:2 – “Magbinuligay kamo sa inyo mga problema. Tungod nga kon amo ini ang inyo himuon matuman ninyo ang sugo ni Cristo.”
      • Sa sulod sang 15 ka tuig nga paghari ni Asa – gintipon niya ang Juda kag iban nga taga-Israel
      • Nagselebrar sila sang Pentecost…
        • Naghalad sila sang 700 ka baka kag 700 ka karnero para sa Ginoo
        • Naghimo sila sang kasugtanan – nga magdangop sa Ginoo sa ila tagipusuon kag kalag
        • Ang problema kay nagpromisa sila sa Ginoo – base sa ila balatyagon!
        • Ang problema sa promisa – budlay tumanon ang promisa
        • Kag ang promisa indi makabag-o sang aton tagipusuon
        • Ang promisa indi makapahimo sa aton nga magkabuhi sa Ginoo – Colossians 2:21-23
        • Mabag-o lang sang promisa ang aton pangguwa – pero indi ang pangsulod
      • Nagsumpa man sila nga patyon ang indi magdangop sa Ginoo!
        • Ginpilit nila ang mga tawo mga magsunod sa Ginoo – nami tani kon mapilit naton sila
        • Kon pwede lang makahambal kita nga – kon indi ka magsimba patyon ta ka…
        • Ang problema – kay indi naton mabag-o ang ila tagipusuon
        • Mapilit naton sila kaisa – pero dason indi na – wala sa ila tagipusuon ang pagsimba
        • Unahon naton ang ila tagipusuon – itudlo naton sila kay Jesus
        • Kay ang Ginoo ang magtandog sang ila tagipusuon – kag magbag-o sa ila
        • Ang Ginoo wala lang naghatag sang kasuguan – kundi nagahatag sang ikasarang para masunod naton ang kasuguan…
      • Ginpahalin man ni Asa ang iya lola nga si Maaca bilang Rayna…
      • Tungod kay nagahimo siya sang huluhaligi nga simbolo ni Ashera.
      • Kag ginbis-ak ni Asa kag ginpasunod sa Kidron nga ililigan sang tubig…
      • Damo sang mga tawo nga kon kis-a Christian kon kis-a indi man Christian…
      • Kon amo kita sina – indi kita magamit sang Ginoo – kay indi kita mabakod sa Iya
      • Dapat mangin pareho kita kay Asa – nga nagakabuhi gid sa Ginoo
      • Bisan pa ang iya pamilya lain ang ginatuohan…
  • 3rd – Ang katapusan ni Asa… II Chronicles 16:1-14
    • 1st – Sang ika 36 ka tuig nga paghari ni Asa – ginpabakod ni Haring Baasha ang Rama… vs. 1-6
      • Ang Rama border sang Israel kag Juda…
      • Ginhimo ini ni Baasha para ang mga taga-Israel indi magkadto sa Jerusalem sa pagsimba
      • Nagpanic si Asa imbes nga mangayo siya bulig sa Ginoo – nakadto siya sa hari sang Syria
      • Nagdala siya sang bulawan kag pilak haling sa Balay sang Ginoo – para kay Ben-Hadad…
      • Ginsuhol niya sa Syria – para untaton nila ang pakigdampig sa Israel kag magdampig sa iya
      • Kag ginbaton ini ni Ben Hadad – kag wala nagpadayon si Baasha sa pagpabakod sang Rama
      • Gindepensahan na lang niya ang iya kaugalingon – pero wala nalipay ang Ginoo kay Asa
      • Imbes nga magsalig siya sa Ginoo para magluwas sa iya – si Asa nagsalig sa tawo…
      • Kon maghambal ang Ginoo nga ihatag Niya ang aton kinahanglanon – magsalig kita
      • Basi indi Niya dayon ihatag – pero indi naton kinahanglan magpanic
      • Kon ibutang lang naton ang ang aton pagsalig sa Iya – indi kita magbalhi sa tawo…
      • Magtuon kita nga magdepende sa iya – indi kita magpa-into sa mga tawo…
    • 2nd – Si propeta Hanani nagkadto kay Haring Asa… vs. 7-14
      • Ginpadumdom niya si Asa kon paano siya nagsalig sa Ginoo sang una
      • Gipadumdom man niya kon paano ni Asa naperdi ang taga-Etiopia kag taga-Libya
      • Bisan damo ang army sang ila kaaway – ang Ginoo ang naghatag sa ila sang kadalag-an
      • Tungod kay ang Ginoo nagatan-aw gid sa bug-os nga kalibutan…
      • Nagatan-aw ang Ginoo kon sin-o ang nagadangop sa Iya – kag pabaskugon pa gid Niya…
      • Dasig lang kita malipay nga gusto sang Ginoo nga gamiton kita…
      • Indi importante kon sin-o kita – indi importante kon ano ang aton masaranga…
      • Ang importante kon sin-o ang ara sa aton – ang nagakusog sa aton…
      • Ang gusto sang Ginoo ang mga tawo nga mapainubuson – ang mga mapinangamuyon…
      • Ang mga tawo nga gusto nga gamiton sang Ginoo – kay Siya ang magagahom sa sa aton…
      • Tungod kay nagsalig si Asa sa tawo – permi na siya magapakig-away…
      • Ginpapriso ni Asa si Hanani – ginkontra niya ang mga nagasunod sa Ginoo
      • Kon mabaton naton ang mahal nga bill sang NOCECO – daw gusto naton sumbagon ang nagareading…
      • Pero indi ya iya sala kon mahal ang aton balayran – nagahatag lang siya sa aton sang bill…
      • Pero may mga tawo nga nagaatake sa mga tawo nga nagahatag sang kamatuoran…
      • Kay hapos lang gid ang mangbasol sang iban – sang sa akuon naton ang aton nga sala
      • Pero indi ina sala sang Ginoo – kita ya ang nagpili nga indi magmatinumanon sa Iya
      • Kon indi naton mabaton ang aton sala – indi makabulig ang Ginoo sa aton!
      • Sa ika 39 ka tuig nga paghari si Asa – nag-antos siya sang balatian sa tiil
      • Pero imbes nga mangayo siya bulig sa Ginoo – nagkadto siya sa doctor para magpabulig
      • Sa sulod sang 2 ka tuig – nag-antos siya ka napatay sa ika 41 nga tuig nga iya paghari…
      • Ginhamyang siya nga may nagkalain-lain nga mga pahamot – para indi magbaho…
      • Kag nagdabok sila sang dako gid nga kalayo – basi ginsugog ang iya nga lawas…
      • Ang sala makaguba gid kon indi naton paghinulsulan – magapatig-a sang aton tagipusuon…
      • Pero indi ina buot silingon nga ginapabay-an na kita sang Ginoo…
      • Pero kon magpadayon gid kita sa sala – kag magpili nga magkabuhi sa sala
      • Maabot ang tion nga magatig-a gid ang aton tagipusuon para sa Ginoo…
      • Ihatag sang Ginoo ang aton nga gusto – pabay-an kita Niya nga magpadayon sa sala
      • Hebrews 3:13 – “Ang inyo himuon, magpadumdumanay kamo adlaw-adlaw samtang may tiyempo pa, agod indi kamo mapatalang sang sala nga makapatig-a sang inyo tagipusuon.”