Making Bible Study Easy for everyoneEnglish • Hiligaynon
Back to 2 Chronicles
Verse-by-Verse Bible Study

II Chronicles 36

A Hiligaynon study of II Chronicles 36 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • II Chronicles 35 – Ang paglimpyo sa Nasyon…
    • Sang na diskurihan ni Josiaha ang kasuguan
      • Kag nabal-an niya nga ang silot para sa Juda indi mapunggan
      • Si pabaskog ni Josiah ang pagbag-o kag pangguba sang mga imahen sa nasyon
      • Ginpangguba niya ang mga halaran sang dios-dios sa templo/Jerusalem/Juda/ asta Samaria!
      • Kag sang nalimpyohan na ang nasyon – nagselebrar sila sang Passover
    • Wala sang kapareho kay Haring Josiah
      • Nagdanggop siya sa Ginoo sa bug-os niya nga tagipusuon/kalag ka kusog – Deuteronomy 6:5
      • Pero bisan amo na ang ginhimo niya – ang Ginoo magasilot gihapon sa Juda
      • Nagpakig-away si Haring Neco sang Egypt kay Nabopolassar (ang tatay ni Nebuchadnezzar)
      • Nag-agi si Neco sa Via Maris – pero ginsugata siya ni Haring Josiah
      • Kag nagpakig-away siya kay Neco – nagpakuno-kuno siya kag nagkadto sa patag sang Megido
      • Kag naigo siya sang pana – kag gindala sa Jerusalem kag didto napatay

Ang katapusan nga mga hari sang Juda… (5 things)

  • 1st – Jehoahaz – ika duha nga bata ni Josiah – ika 17 nga hari sang Judah… vs. 1-4
    • 23 ang iya edad sang naghari siya – pero naghari siya sa sulod lang sang 3 ka bulan
    • Malaot ang iya ginhimo sa panulok sang Ginoo – gingamit sang Ginoo si Neco para pahalinon siya
    • Basi nagpakig-away si Jehoahaz kay Neco para magtimalos para sa iya Amay
    • Indi siya ang una nga bata – pero siya ang ginbutang sang tawo nga mangin hari bulos sa iya amay
    • Pero ginbihag siya kag gindala s Egypt bilang isa ka priso – kag didto siya napatay
  • 2nd – Jehoyakim – ang una ka bata ni Josia – ang ika 18 nga hari sang Juda… vs. 5-8
    • 1st – 25 ang iya edad sang nangin hari siya – kag 11 ka tuig ang iya paghari… vs. 5-7
      • Ang iya tuod nga ngalan si Eliakim – pero gin-ilisan ni Neco sang Jehoyakim
      • Sa una nga tuig nga paghari ni Nebuchadnezzar – ang Egypt ginsakop sang Babylon…
      • Gintapos niya ang kusog sang Egypt – kag wala na gid sila naghari sa bug-os nga kalibutan
      • Sa sina nga tion – nasakop ni Haring Neco ang Judah sa sulod sang 4 ka tuig Jeremiah 25:1
      • Te, sang nasakop ni Nebuchadnezzar ang Egpypt nadala man ang Judah
      • Amo ang una sa tatlo ka beses nga ginsakop ni Nebuchadnezzar ang Jerusalem
      • Ginpanguha niya ang tanan mga gamit nga bulawan halin sa templo kag gindala sa Babylon
      • Pareho sa mga bulawan nga baso kag pinggan nga amo man ang gamiton ni Belshazzar – Daniel 5:2
      • Sa sini man nga tion ang mga maalam kag bataon nga mga taga Juda ginbihag
      • Upod sa ginbihag ang bataon nga si Daniel kag gindala sa Babylon – Daniel 1:2
      • Sigurado sa sina nga tion – wala pa si Daniel kabalo kon ano ang nagakalatabo
      • Pero himuon sang Ginoo si Daniel nga ika duha sa Hari sang Babylon
      • Kon magfocus lang kita sa mga malain nga butang – indi ta makita ang himuon sang Dios
      • Sa tion nga kuhaon naton aton panulok kay Jesus – kag magtulok lang ktia sa aton problema
      • Kon magtulok lang kita sa mga butang nga nagakalatabo sa aton palibot – daw malumos na kita
      • Pero kon magdangop lang kita kay Jesus – dira naton makita kon ano ang himuon sang Ginoo bisan sa aton mga problema
      • II Corinthians 4:18 – “Kay wala namon ginapasulabi ang mga butang nga amon makita diri sa kalibutan, kundi ginapasulabi namon ang mga butang nga indi makita. Kay ang mga butang nga makita umalagi lang, pero ang mga butang nga indi makita wala sing katapusan.”
    • 2nd – Sang 3 na katuig ang paghari sang Babylon – nagrebelde si Jehoyakim – II Kings 24:2-4
      • Nagpadala si Nebuchadnezzar sang mga army para pauntaton ang pagrebelde
      • Indi bulot silingon nga wala na nagabulig ang Ginoo sa Juda – ginpadala niya si propeta Jeremiah para magpaandam sa ila
      • Jeremiah 26:2 – “Sang bag-o pa lang naghari si Jehoyakim nga anak ni Josia sa Juda, nagsiling ang Ginoo sa akon, “Magtindog ka sa lagwerta sang akon templo kag maghambal sa tanan nga katawhan sang mga banwa sang Juda nga nagakadto diri sa akon templo sa pagsimba. Isugid sa ila ang tanan nga isugo ko sa imo, kag indi mo gid ini pagbuhinan.”
      • Pero imbes nga maghinulsol – gusto sang mga tawo nga pahipuson si Jeremiah
      • Jeremiah 26:8 – “Pero pagkatapos hambal ni Jeremias sini, ginlibutan siya sang mga pari, mga propeta kag mga tawo, kag ginsilingan, “Dapat ka nga mapatay!’”
      • Ang tagipusuon sang mga tawo nagapakita nga pareho sila kay Manase – rebel sa Ginoo
      • Tungod sina ginpadala sang Ginoo ang Babylon para magguba sa ginharian sang Juda
      • Ginagamit snag Ginoo ang mga pagtilaw para testingan kita – kon ano gid ang aton tagipusuon
      • Kabalo na ang Ginoo kon ano kita – pero gusto Niya makita naton kon akon aton tagipusuon
      • Magapadayon bala kita sa aton mga sala – ukon magpakaubos kag magpalapit kay Jesus
      • Ang pamangkot – ngaa nakahunahuna si Jehoyakim nga makapalagyo lang siya sa pagrebelde niya sa Babylon
      • Madamo sang iban nga mga propeta ang nagahambal nga padaugon sang Ginoo ang Judah kontra kay Nebuchadnezzar
        • Pero si Jeremiah nga propeta halin gid sa Ginoo – nagpaandam sa mga tawo nga ang Ginoo ara upod sa Babylon
        • Jeremiah 27:9 – “Gani indi kamo magpamati sa inyo mga propeta, mga manugpakot, mga nagasaysay sang kahulugan sang mga damgo, mga manugbabaylan ukon espiritista, nga nagasiling nga indi kamo pagsakupon sang hari sang Babilonia.”
      • Mag-andam kita kon sin-o ang aton ginapamatian – ano nga advice ang aton ginasunod
        • Mas hapos magpamati sa mga tawo nga nagahambal sang gusto naton pamatian
        • Gusto naton mabatian nga gusto sang Ginoo nga magmanggaranon ka
        • Gusto naton mabatian nga indi aton sala – kundi sala sang iban nga tawo
        • Halimbawa bala kon may ginapangita ka nga gamit – mamangkot ka kon diin ang martilyo – ang isabat sa imo – dira ko man lang ginbutang – basi ginkuha nila – dira ko lang gid to ginbutang – kay gusto ta nga indi kita ang mabasulan.
        • Pero kinahanglan naton mabatian ang kamatuoran – ang matudlo sa aton pakadto kay Jesus
        • Kon may makita kita nga ang iya kabuhi wala na direction – oppurtunidad ina naton nga magbulig sa sina nga tawo
        • Ang pagbulig sa ila – indi buot silingon nga pasugtan naton sila nga magpadayon sa sala
        • Ang sala makaguba sa aton kabuhi – indi gugma kon pasugtan ta sila nga magpakasala
        • Ang tuod nga abyan – ang tawo nga magahambal sa imo nga sala ang imo ginahimo
        • Proverbs 27:6 – “Ang masakit nga pagsabdong sang isa ka abyan may maayo nga katuyuan, pero ang halok sang kaaway indi masaligan.”
    • 3rd – Ang sumpa kay Jehoyakim… vs. 8
      • Ang iban pa nga istorya parte kay Jehoyakim nasulat sa libro sang kasaysayan sang mga Hari sang Israel
      • Pero gamay lang ang ginsulat diri – tungod sa iya kalaot indi nami isulat
      • Kag sa iya kalaot bilang hari – ginsumpa sang ang iya mga kaliwat
      • Jeremiah 22:30 – “Kay amo ini ang iya ginasiling: “Isulat nga ang ini nga tawo nga si Jehoyakin daw wala sing anak, kay wala sing bisan isa sa iya mga anak nga magapungko sa trono ni David bilang hari sang Juda. Ini nga tawo indi gid magmauswagon sa iya kabuhi.”
      • Ini mangin dako nga problema – II Samuel 7:16
      • Nagpromisa ang Ginoo nga ang kaliwat ni David ang permi magpunko sa trono sang Israel
      • Pero tungod kay Jehoyakim ginsumpa ang iya kaliwat – te, wala na sa iya kaliwat nga makapungko sa trono sang Israel
      • Kon tan-awon daw wala sang Ginoo ginsunod ang Iya ginpromisa kay David
      • Pero ginbutang sang Ginoo ang Hari sa trono ni David asta sa wala katapusan si Jesus
      • Katingalahan ginhimo sang Ginoo tungod kay ginsumpa na ang kaliwat ni Jehoyakim
      • Ginhatagan kita sang duha ka lista sang mga kaliwat sa New Testament
      • Matthew 1:1-17 – ang lista sang mga kaliwat ni Jose – nga nag-adopt kay Jesus
      • Luke 3:23-38 – ang mga lista sang mga kaliwat ni Mary – nga tuod nga iloy ni Jesus
      • Kon si Jesus naghalin kay Jose – indi Siya pwede nga mangin hari
      • Tungod sa sumpa wala na mga Hari halin sa linya ni David – wala na hari sa Juda
      • Pero tungod kay si Jesus gin-adopt ni Jose – si Jesus ang makaangkon sang pagkahari
      • Kag tungod kay Mary – naghalin man ginhapon si Jesus kay David pero sa isa niya ka bata nga si Natan
      • Wala si Jesus nadala sa sumpa ni Jehoyakim – nga amo ang linya sang mga Hari
      • Katingalahan nga ang Ginoo – may ara gid permi nga paagi nga indi naton makita
      • Basi ka imposible sang imo sitwasyon subong – kag wala ka sang paagi na nahibaluan
      • Dumdumon ta nga nagaalagad kita sa Ginoo sang imposible – magtuo lang kita
  • 3rd – Si Jehoyakin – bata ni Jehoyakin – ang ika 19 nga hari sang Juda… vs. 9-10
    • 1st – 18 ang iya edad sang naghari siya – II Kings 24:8
      • 3 lang ka bulan kag 10 ka adlaw ang iya paghari
      • Basi ang pagrebelde ni Jehoyakim kay Nebuchadnezzar naglambot sa 4 ka tuig
      • Sang napierde na gid ang Jerusalem – ang ika 11 nga tuig sang paghari ni Jehoyakim – mapatay siya – Jeremiah 36:30
      • Kag naghari lang si Jehoyakin sa sulod lang sang 3 ka bulan – asta nga ginbihag siya
      • Pero sa lip-ot nga tion – malaot ang iya ginhimo sa panulok sang Ginoo
      • Sa verse 9 – naghari siya upod sa iya amay sang 8 pa lang siya ka tuig
      • Kag sa iya bata nga edad – na tun-an na niya ang malaot nga ginahimo sang iya amay
      • Damo na subong nga mga bata ang sagad kag tigda na maghambal sang binastos nga joke
      • Kag makahunahuna ka paano na mahambal sang bata – kay bata pa siya
      • Basi ang kahaladlukan nga pamangkot – sin-o ang iya ginatan-aw samtang nakadako siya
      • Diin ayhan ang iya amay – pero mabal-an mo gali nga ginasunod niya ang iya amay
      • Ang mga bata kay pareho sa foam – ginasuyop nila ang tanan mo nga ginahambal
      • Makabati ang mga bata sa aton ginahambal – makita ang aton ginahimo – kag sa tanan nga tion ginasunod nila
      • Pwede naton mapakita ang pamagi sang kalibutan – ukon ang Diosnon nga example
    • 2nd – Ang ika-2 nga pagkalaglag sang Jerusalem…
      • Nag-atake si Nebuchadnezzar kag ginpalibotan niya ang Jerusalem sa ika-2 nga tion
      • Nag-surender si Jehoyakin – kag gindala siya ni Nebuchadnezzar sa Babylon
      • Kag gindala man niya ang linibo nga mga bihag – ang pinakamayo nga halin sa Jerusalem
      • Upod sa ginbihag si Propeta Ezekiel – Ezekiel 1:1
      • Ang pinakapigado nga mga tawo ang ginpangbilin sa Israel
      • Si propeta Jeremiah nagsulat sa sini nga mga ginbihag – Jeremiah 29
      • Ginhambalan niya sila nga magpabilin sa Babylon – dira sila magbakal balay/magtanon/magpangasawa ukon magpamana
      • Jeremiah 29:10 – “Ako, ang Ginoo, nagasiling nga pagkatapos sang 70 ka tuig nga pagpanakop sang Babilonia, balikan ko kamo kag tumanon ko ang akon ginpromisa nga dal-on kamo pabalik sa inyo nga lugar.”
      • Kay gusto sang Ginoo nga mangin bihag sila sa sulod sang 70 ka tuig – antis sila kapuli
      • 70 ka tuig tungod kay ang mga tawo wala nila ginpapahuway ang duta sa sulod sang 490 ka tuig
      • Jeremiah 29:11 – “Nahibaluan ko kon paano ko tumanon ang akon mga plano para sa inyo—plano sa pagpauswag sa inyo kag indi sa paghalit, plano sa paghatag sa inyo sang paglaom nga may maayo kamo nga palaabuton.”
      • Tungod sa sala – ginseparar kita sa Ginoo – ginbayaan kita sa indi aton duta
      • Kag nagahulat kita sa adlaw nga ang Ginoo magadala sa aton pabalik sa aton balay upod sa Iya
      • Pero kinahanglan naton maghulat – basi ang iban sa aton magahulat asta sa aton kamatayon (70 years)
      • Kag samtang nagahulat kita mangin practical kita – mapahimo balay/matamon/mangasawa
      • Pero indi naton pagkalimtan nga ang Dios may plano sa aton…
      • Sa tion nga magabalik na ang mga Judio pagkatapos sang 70 years – 42,000 lang ang nag-upod
      • Ang kalabanan sa ila nagpabilin – tungod kay komportable na sila
      • Samtang nagahulat kita sa aton pagpuli – hapos sa aton mangin komportable
      • Importante nga hatagan naton sang tion nga magbakod ang aton relasyon sa Ginoo
      • Hatagan naton sang tion ang Pulong sang dios – kag ang pagpangamuyo
      • Ipreparar naton ang aton kaugalingon sa adlaw nga mapuli na kita – Hebrews 11:16
  • 4th – Si Zedekiah – bata ni Josiah ang ika 20 kag katapusan nga hari sang Juda … vs. 11-21
    • 1st – Ginhimo ni Nebuchadnezzar si Mattaniah nga hari sang Juda… vs. 11-12
      • 21 ang iya edad sang naghari siya – kag 11 ka tuig ang iya paghari
      • Para makita ang gahom ni Nebuchadnezzar gin-ilisan niya ang ngalan nga Zedekiah
      • Siya ang agot sa mga bata ni Josiah nga naghari / utod siya ni Jehoahaz kag Jehoyakim
      • Malaot ang iya ginhimo sa panulok sang Dios – para kalaot sa iya mga utod – pero sa lain nga rason
      • Wala gid siya nagrebelde ssa Ginoo – pero wala siya nagtuman sa Ginoo – Jeremiah 37:1-2
      • Indi gid man kinahanglan nga deritso ang pagrebelde sa Pulong sang Dios
      • Ang matabo lang – ang indi pagtuman sa mga sugo sang Dios – amo na ang pagpakasala
      • James 1:22-25 – “Indi lamang kamo magpamati sa pulong sang Dios kundi dapat tumanon ninyo ini. Kay kon indi, ginadayaan lang ninyo ang inyo kaugalingon. Ang bisan sin-o nga nagapamati pero wala nagatuman sang pulong sang Dios, pareho siya sang tawo nga nagatan-aw sa espiho, kag pagkatapos nga makita niya ang iya hitsura, naglakat siya kag nalipatan niya dayon kon ano ang iya hitsura.”
      • Damo sang nagasimba nga nagasugot sang sa Pulong sang Dios
      • Pero pagpuli nalimtan na ang tanan nga nabatian
      • Ang Bible indi libro nga pareho sa eskwelahan – kundi manual nga dapat naton sundon
      • Bisan saulo mo pa ang tanan nga Pulong – pero kon sala ang imo buhat – wala pulos
    • 2nd – Ang ika 3 nga pag-atake sa Jerusalem… vs. 13
      • Sa ika 9 nga tuig nga paghari ni Zedekiah – nagrebelde siya sa Babylon
      • nagpromisa siya nga mangin loyal sa Hari sang Babylon
      • Pero wala niya niya gintuman ang iya promisa – nagapinsar siya nga buligan siya sang Egipto kay nagpadala siya sang mga tawo didto
      • Ang resulta sang wala niya pagtuman sa iya promisa – ginpabihag siya sang Ginoo – Ezekiel 17:13-20
      • Dasig lang magkalipat ang mga tawo sa iya promisa – wala nila ini ginaseryoso
      • Pero para sa Ginoo ginaseryoso niya ang aton ginahambal – naga-expectar siya nga tumanon naton ang aton promisa
      • Kon indi naton pagtuman ang aton promisa – sala ina – Deuteronomy 23:21
      • Te, kon indi kita sigurado nga matuman ta ang aton promise – mas maayo pa nga indi na lang kita magpromisa
      • Ecclesiastes 5:5 – “Mas maayo pa nga indi ka na lang magpromisa sang sa magpromisa ka nga indi mo man lang pagtumanon.”
    • 3rd – Ang ginhimo ni Nebuchadnezzar – ginpadala niya nag tanan niya nga mga army sa pagsalakay sa Jerusalem… vs. 14-17
      • Sang January 10, 588BC – napalibutan sang mga ary ang bilog nga syudad – II Kings 25:1
      • Amo ini ang adlaw nga ginhambal ni Ezekiel nga malaglag ang syudad – Ezekiel 24:1-2
      • Amo man ang ginhatag nga mensahe kay Jeremiah – malaglag ang Jerusalem Jeremiah 34:1
      • Indi gulpi ang silot sang Ginoo – naghatag siya sang damo nga warning
      • Asta sa katapusan – ang mga propeta sang Ginoo nagapaandam sa mga tawo
      • Pero sa katapusan ang mga tawo salawayon – kag matig-a ang ila tagipusuon
      • Isaiah 65:2 – “Sige ang akon paabot nga magbalik sa akon ang akon katawhan nga mga matig-a sing ulo, nga wala nagasunod sa maayo nga pagginawi, kundi ang ila lang hunahuna ang ila ginasunod.”
      • Ang tawo matig-a – indi nila gusto makita ang paghukom nga magaabot
      • Ginabaliwala nila ang Bible – ginabaliwala nila ang warning
      • Ang mga tawo subong nagapawala lang – ginabaliwa nila ang paghukom nga maabot…
      • Abi nila damo pa sila tion sa kalibutan – ang buwas pareho lang jappon
      • Wala nila ginareyalisar nga si Jesus lapit na lang maabot – ang kalalat-an lapit na lang
      • Nagahulat ang Ginoo – nagahandom nga magpalapit ang mga tawo kay Jesus – II Peter 3:9
      • Pero maabot ang adlaw wala wala ginaexpektar – maabot ang paghukom
      • II Peter 3:10 – “Mabalik gid ang Ginoo, kag ina nga adlaw magaabot pareho sang pag-abot sang makawat nga indi mo mahibaluan kon san-o…”
    • 4th – 2 ½ years ang pagsalakay – asta sa ka 11 nga paghari ni Zedekia – vs. 18-21
      • Sang nasakop na ang syudad – nagpalagyo si Zedekia pakadto sa Jericho
      • Nadakpan siya ni Nebuchadnezzar – ginpatay ang iya 2 ka bata sa iya atubangan – kag ginbulag siya – gingapos siya dayon kag gindala sa Babylon – kag didto napatay
      • Upod sa pagkaguba sang syudad – ginsunog ang templo
      • Ang bilog nga nasyon sang Israel nagasalig sa templo – nga magaprotektar sa ila
      • Pero ang templo – bato lang kag cemento – wala sang gahom nga magluwas sa ila
      • Kalabanan sala ang ginatuohan sang tawo sa ila kabuhi – basi kwarta/tawo/religion
      • Pero ang religion indi makaluwas sa aton – ang simbahan cemento lang kag kawayan
      • Kag ang kwarta – dasig lang madula pareho sa kadasigon ang pag-abot – Haggai 1:6
      • Ginabutang naton ang aton pagtuo sa sala nga butang – dayon matingala kita kon ngaa kabudlay sang kabuhi
      • Ang aton problema indi nga kulang ang aton pagtuo – kundi sala ang aton ginatuohan
      • Kita tanan may pagtuo – ang problema wala naton ginabutang ang aton pagtuo kay Jesus
      • Mangin baskog lang ang aton pagtuo kon baskog ang aton ginatuohan
      • Wala na sang pamaagi nga makahalad – wala na sang pamaagi nga mapatawad ang aton sala
      • Wala na sang templo / wala na sang gamit / wala nga Pangulo nga Pari
      • Ginpasugtan sang Ginoo nga madula ang daan nga paagi – tungod kay handa na Siya sa Bag-o nga paagi
      • Hebrews 10:1, 12 – “Ang Kasuguan landong lang sang maayo nga mga butang sa palaabuton. Ang Kasuguan mismo indi makapakamatarong sa mga tawo nga nagapalapit sa Dios paagi sa mga halad nga ginahalad kada tuig. Kag tungod kay gintuman ni Jesu-Cristo ang kabubut-on sang Dios, ginlimpyuhan niya kita sa aton mga sala. Natabo ini paagi sa iya paghalad sang iya kaugalingon nga lawas sing makaisa gid lang.”
      • Si Jesus ang nagpabalik sa aton sa Ginoo – nagpakamatay Siya para magbayad sang aton sala
      • Ginhimo Niya sing makaisa kag para sa tanan – indi lang nga nagtabon sang aton mga sala kundi nagkuha sang aton mga sala
      • Kag gintagaan Niya kita sang bag-o nga tagipusuon – para indi na kita magpadayon sa pagpakasala.
  • 5th – Ang pagbalik sa nasyon … vs. 22-23
    • 1st – Sa una nga tuig ni Haring Cyrus sang Persia (70 years ang nagligad)…
      • Sang si Haring Cyrus sang Medo-Persia ginsakop niya ang Babylon – napatay si Belshazzar
      • Gin-agaw nila ang syudad nga wala sing inaway – paagi sa pagpalikaw sang tubig nga nagasulod sa syudad
      • 3 ka adlaw para sa iban nga mga tawo nga magpati nga ang syudad nasakop na
      • Kag si Daniel – sini nga tion tigulang na siya – ginpakita niya ang Bible kay Cyrus
      • Isaiah 45:1 – “Amo ini ang ginsiling sang Ginoo kay Cyrus nga iya pinili, nga ang awtoridad sini iya ginpalig-on, “Sakupon mo ang mga nasyon kag pierdihon mo ang mga hari. Buksan mo ang mga puwertahan sang ila mga banwa sa pag-agaw sini kag indi na ini pagsiradhan.”
      • Ginsulat ini ni Propeta Isaiah sang 150 years ang nagligad antis pa natawo si Cyrus
    • 2nd – Sang ginbasa ni Daniel – nagmando si Cyrus nga patindugon liwat ang templo – Ezra 1:2-4…
      • Mga 50,000 ka mga Judio ang nagbalik sa Israel – sa sini nga mando
      • 80 years pa gid ang nagligad – nagdala si Ezra sang gamay nga grupo para taposon ang templo
      • 13 ka tuig ang nagligad halin sa pagbalik ni Ezra – kag 93 years pagkatapos nga nagmando si Cyrus
      • Si Nehemiah – nakabati sang kabudlayan nga natabo sa Jerusalem
      • Ang syudad wala sing pader – wala proteksyon batok sa mga bandido kag mga kawatan
      • Gin-ayo niya si Haring Artaxerxes nga hari ang Persia – kon pwede makabalik siya
      • Sang March 14, 445 B.C. – nakabaton siya sang mando nga patindugon ang pader sa Jerusalem
      • Dira nagsugod ang 490 ka tuig nga ginhambal ni Daniel sa Daniel 9:24-27
      • Amo ina ang propisiya – nga para mabal-an ang adlaw kon san-o masulod si Jesus sa Jerusalem
    • 3rd – Pero ang punto dira – ang Ginoo wala pa natapos sa mga taga-Israel
      • Ang promisa sang Ginoo sa Nasyon sang Israel – nga sila permi ang katawhan sang Ginoo
      • Jeremiah 31:36 – “Samtang nagapabilin ang langit kag ang kalibutan, magapabilin man ang katawhan sang Israel hasta san-o.”
      • Basta nagabutlak ang adlaw – maybalod pa sa dagat – ang Israel nasyon sang Ginoo
      • Bisan matig-a sila sang ulo – bisan indi nila pagbatunon si Jesus – wala pa natapos ang Dios sa ila
      • Tungod kay ang Ginoo indi magbutig – ang buot silingon indi masikway sang Dios ang Israel
      • Ina magapabakod sa aton – buot silingon bisan ano pa kita kamalain nga tawo
      • Pareho ang parable sang nadula nga karnero -– Matthew 18:12 – pangitaon kita sang Dios
      • Pareho sang mga karnero ungo man kita – ginasunod naton ang mga tawo nga nagapalayo sa Ginoo
      • Pero si Jesus wala gid nagapalayo – handa Siya nga magpatawad sa aton
      • Ara Siya permi nga nga nagapangita sa aton kon magpalayo kita sa iya