Making Bible Study Easy for everyoneEnglish • Hiligaynon
Back to 2 Samuel
Verse-by-Verse Bible Study

II Samuel 16-17

A Hiligaynon study of II Samuel 16-17 focusing on Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • II Samuel 14-15 –Ang pagrebelde ni Absalom…
    • Si Absalom naglagyo kag nanago sa iya pagpatay kay Amnon…
      • Gusto siya makita ni David-pero kun magbalik siya sa Jerusalem patyon siya…
      • Si Joab nagsuhol sa babayi nga maistorya kay David-para mahatagan grasya si Absalom…
      • Ginpatawag ni David si Absalom-kag nagbalik siya sa syudad sang Jerusalem…
    • Guwapo si Absalom…
      • Permi siya sa gate naga abiabi sa mga tawo-gapa ngampanya na gali…
      • Apat ka tuig nagligad naglakat siya sa Hebron-handom nga pahalinon si Haring David…
    • Nabatian ni Haring David-naglakat siya halin sa Jerusalem upod ang iya mga suluguon…
      • Kag nabatian niya ang maayo nga abyan Ahitophel nagluib-nagupod kay Absalom…
      • Nagpadala siya sang isa ka manuglaygay Hushai-para punggan si Ahitophel…
      • Ang pagpangayo sang maayo nga laygay… (4 butang)
  • 1st –ang pagluib sa kabudlayan… vs. 1-14 basahon: II Samuel 16:1-12
    • 1st – Ziba – suluguon ni Mephibosheth (apo ni Saul) –ginsugata si David… vs. 1-4
      • May asno sya para sa Hari kag sa iya mga tawo/ kag pagkaon para sa ila…
      • Sang ginpamangkot ni David kun diin si Mephiboshet-siling ni Ziba nagpabilin siya…
      • Si Mephibosheth-kuno galaom mapatay si David kag ang ginharian mabalik sa iya…
      • Wala nila nausisa kun tuod ang istorya ukon indi…
      • Nagpadali dali si David sang iya desisyon-ginhatag ang duta ni Mephiboshet kay Ziba!
      • Ang problema indi tuod ang istorya-palangga ni Mephibosheth si David…
      • Ang problema nalupog siya gani indi sa kapalagyo sa siyudad– II Samuel 19:26
      • Ginsugo ya si Ziba nga sakyan iya asno-pero si Ziba naglakat kag nagbutig kay David!
      • Ginhimuslan ni Ziba ang sitwasyon para makuha ang duta kay Mephiboshet!
      • Indi kita magdali dali desisyon kun wala kita kabalo sang kabug-usan nga istorya…
      • Wala ka lang kabalo may malain sila gali nga plano-nami nami nga istorya gali butig…
      • Proverbs 18:17 – “Any story sounds true until someone sets the record straight.”
      • Ang maalam nga tawo wala lang gapamati sa isa ka bahin sang istorya kundi duha!
    • 2nd –Nag-agi si David sa siyudad sang Bahurim- sa teritoryo sang tribo ni Benjamin… vs. 5-14
      • Si Shimei-paryente ni Haring Saul-nagsugod insuto kay David…
      • Ginhaboy siya sa bato kag ginsingganan-manugpatay-dason ginbuyayaw niya siya…
      • Ang pag-agaw kuno ni Absalom sang trono-kaangay sang pagkawat ni David kay Saul…
      • Para kay Shimei si David gabayad sang iya nga ginhimo!
      • Abishai – utod ni Joab –naakig nga ginhabal ini sa iya nga hari…
      • Ginsaway ni David si Abishai-ano bi kun ang Dios nagsugo kay Shimei nga pakamauton si David…
      • Ang iya nga bata naga rebelde sa iya-gani ang pamilya ni Saul naginsulto man sa iya…
      • Kag basi kun batunon ni David ang tanan buyayaw sang tawo-bugayan siya sang Dios!
      • Kabalo si David ang tanan nga nagakalatabo resulta sang iya sala…
      • Indi ka makapugong sang pina sang Dios-para ato sa iya kaayuhan…
      • Mas maayo nga batunon-magpaubos-kag ang bugay sang Dios maabot!
      • Sa pagpaubos kag magbayad sang sala nga nahimo naton-ang bugay gasunod…
      • Hebreo 12:5 – “My son, do not despise the chastening of the LORD…”
      • Ang Dios nagapina sa aton-kay palangga niya kita-indi sa gusto nga sa sala kita…
      • Indi na kita magbato sa Dios-mangita pa lusot sa aton sala…
      • Mas maayo na batunon ang pina-dason pagpatawad kag bugay magaabot!
  • 2nd –Ang indi diosnon nga laygay ni Ahithophel… vs. 16:15-23 Basahon: II Samuel 16:20-23
    • 1st – Si Absalom kag ang iya tinawo nagsulod sa siyudad sang Jerusalem… vs. 15-19
      • Pag-abot nila si Hushai nga abyan ni David-ato didto sa pag abi-abi sa ila…
      • Nagsumpa siya nga dampig siya kay Absalom-pero si Absalom duda sa iya…
      • Gusto niya mabal-an ngaa ang maayo nga abyan ni David maluib sa hari…
      • Ginpabakod siya ni Hushai- kun sim-o pilion sang Israel amo akon alagaron…
      • Amo man ini ang laygay niya sa iya amay-gani malaygay man siya kay Absalom!
      • Pero ini tanan diskarte ni Hushai-kay isa siya ka esphiya…
      • Ang iya pagsuporta kay David wala nagbag-o-iya tuyo mahatag sala nga laygay
      • Wala nagpinsar si Absalom nga mamangkot sa Ginoo kun si Hushai gasugid sang tuod…
      • Gasala na siya nga makakuha sang sabat-ginbaton niya biskan kay sin-o halin…
      • Ka delikado kun ang sabat ukon bulig kuhaon naton sa tawo…
      • Wala kita kabalo sang ila motibo-nga-a buligan kita nila…
      • Ang “torku” handa magbulig sa imo-pahulamon ka kwarta…
      • Wala sila gakabalaka sa imo-ang ila pinsar maka ginansiya sila sa imo!
    • 2nd – Absalom asked Ahithophel what to do next
      • Ginpamangkot ni Absalom si Ahitophel kun ano himuon… vs. 20-23
      • Dako ang salig ni Absalom kay Ahitophel…
        • Kay siya ang pinaka alam nga tawo sa Israel…
        • Ang pulong nga halin sa iya baba-daw halin kuno sa Dios…
        • Pero si Absalom nagsalig sa iya kay pareho sila may kaugot…
        • Ginkaugtan ni Absalom si David parti kay Tamar (wala niya ginpinahan si Amnon)
        • Kag si Ahitophel nagkaugot kay David parti sa natabo kay Bathsheba…
        • Ang gusto naton tawo sa aton palibot nga pareho pinsar sa aton…
        • Kun layo kita sa Dios-amo man ang ara sa palibot naton…
        • Kun mangayo kita laygay-indi sila maghatag Diosnon nga laygay!
        • Kun sa inuman ka kag kun mamangkot ka sa mga naga inom…
        • Mauntat ko inom?-siguro ang ila sabat – ngaa haw indi na kakita-ay kun untat ka…
        • Mangita kita laygay sa mga tawo nga nagasunod kay Jesus…
        • Ang ila isugid sa aton ang kamatuoran!
      • Silingan ni Ahitophel si Absalom nga maghulid sa mga babayi ni David…
        • May 10 ka babayi nga ginbilin si David pag palagyo niya…
        • Ang paghulid sa mga babayi niya dako nga insulto kay Haring David…
        • Ang tanan sa Israel wala galaom nga mag ayohay pa ang ining duhal…
      • Si Ahithophel wala nasubuan nga magsupak sa Layi sang Dios-pagpanginbabayi
        • Ang iya lang pinsar nga makuha ang gusto niya!
        • Nagtukod sila tolda sa babaw sang palasyo-kag si Absalom naghulid sa mga babayi…
        • Ang mga tawo nga wala Ginoo-nagapakasalo basta makuha ang gusto nila…
        • Indi kita mamati sang mga laygay sang mga tawo nga wala gasunod sa Dios…
        • Kay ang ila ihatag indi Diosnon nga mga laygay!
        • I Corinto 15:33 – “…bad company corrupts good character.”
  • 3rd –Hushai Ang laygay ni Hushai… vs. 1-14 Basahon: II Samuel 17:1-11
    • Siling ni Ahithophel kay Absalom-atakihon si David subong… vs. 1-4
    • 12,000 kag mga lalaki ang iya upod mag ataki kay David sa sina nga gab-i…
      • Mapalapit sila kay Davi kun kapoy kag hadlok sila…
      • Ang mga lalaki malapta – kag ang mapatay lang si David…
      • Kun wala si David ang iban ma surrender-kag mabalik buylog kay Absalom!
    • Malaot ato nga plano-pero si Absalom handa nga magsunod kay Ahithophel…
      • Sagad kita magsunod sang hambal sang iban-wala anay gapaminsar…
      • Wala gid ga pundo kay mamangkot kun sin-o ang nasundan naton…
      • Mateo 15:14 – “If the blind leads the blind, both will fall into a ditch."
      • Gintagaan kita sang Ginoo sang paminsaron-gamiton naton antis maglumpat!
      • Kun ang iban may nobyo ukon nobya/ naga tambay sa ilimnan…
      • Ang ila kabuhi indi maintiendihan-indi pagsundon ang ila ihimplo…
    • 2nd – Gusto ni Absalom mabal-an kun ano ang pinsar ni Hushai… vs. 5-14
      • Siling ni Hushai-sa sini nga tion si Ahithophel nakahimo sala…
      • Kabalo si Absalom nga gamhanan si Haring David kag ang iya tinawo…
      • Subong nagapanago siya sa kweba-nagahulat kay Absalom…
      • Kag kun mag ataki na ang ila pinaka isog malagyo…
      • Si Absalom matipon sang gamhanan nga mga tawo sa Israel…
      • Si Absalom mismo matipon sang mga soldado batok kay Haring David…
      • Pierdihon niya ang tanan nga army ni David-ang tanan nga ga suporta sa iya…
      • Kay kun kapalagyo si David sa pader-guyodon niya ang pader sa baybay!
      • Si Absalom kag iya mga tawo nanamian sang laygay ni Hushai labaw kay Ahithophel…
      • Ang rason gusto sang Dios nga ma pierde si Absalom…
      • Kun kaisa daw piho ang aton desisyon-pero sala pa…
      • Hulubaton 14:12 – “There is a way that seems right… but its end is death.”
      • Biska ano pa kaalam nga tawo-wala ikasarang kun wala gahom sang Dios…
      • Ang wala wala nga tawo-masarangan ang tanan kun ang Ginoo ara sa ila!
  • 4th –may kasanag sa katapusan… vs. 15-29 basahon: II Samuel 17:23-26
    • 1st –Si Husahi nagpanugid kay Zadok kag Abiathar mga pari sila… vs. 15-22
      • Ginsugid ni Hushai ang laygay nga ginhatag kay Absalom…
      • Ginwarningan si Daivd nga indi pagpabilin sa Jordan-sa gab-i lang sila matabok!
      • Dapat malagyo si Harig David-samtang si Absalom gatipon pa sang iya army…
      • Ahimaaz kag si Jonathan –bata sang pari – naglakat sa pagsugid sang balita…
      • Pero ang bata naglakat kag nagsugid kay Absalom
      • Nanago sila sa bubon sang siyudad sang Bahurim…
      • Ang asawa nagtabon sa bubon-kag nagbulad humay sa babaw…
      • Sang pagbalik sang mga soldado indi nila makita ang tawo-nagbalik sila sa Jerusalem…
      • Ginwarningan nila si David-kay matabok sila sa Jordan sa sina nga gab-i!
      • Bahurim-ang siyudad nga ginpakamalaot ni Shimei si David…
      • Amo man ang siyudad nga gintago sang babayi ang Pari nga nagluwas kay David…
      • Insakto si David-ang pina sang Dios nangin bugay!
      • Kun magsalig kita sa Dios-ang problema sa aton kabuhi mangin bugay!
    • 2nd – Nasubuan si Ahithophel nga ginpanginwala ni Absalom iya laygay… vs. 23
      • Kabalo si Ahithophe nga ang iya laygay mas maayo sang sa kay Hushai…
      • Narealizar niya nga si Absalom mataktak sa posisyon kag si David mabalik nga Hari…
      • Kay ginluiban niya si David kabalo siya nga wala na sa palaabuton…
      • Nagbalik siya sa iya lugar-kag ginbitay ang iya kaugalingon…
    • 3rd –Nag-abot si David sa siyudad sang Mahinaim… vs. 24-29
      • Gintipon na ni Absalom ang army sang Israel-kag nagatabok na sila sa suba…
      • Si Amasa ang ginbutang ni Absalom bilang kumander sang iya army…
        • Si Amasa pakaisa ni Joab-amo ang kumander sang army ni David…
        • Ang kinalain lang kay si Amasa isa ka Ishmaelinhon…
      • Ishmael bata ni Abraham kay Hagar– Genesis 16…
        • Si Abram kag Sarai gasalig nga ang Ginoo mahatag sa ila kabataan…
        • Pinsar nila nga buligan ang Dios-ginhatag ni Sarai si Hagar kag Abram…
        • Nagbata si Hagar sang lalaki- si Ishmael…
        • Si Ishamel ang resulta sang paghimakas nga wala labot ang Ginoo!
      • Ari si Absalom nagasalig sa iya kaugalingon-kag mapaslawan siya…
        • Ang problema kun magsalig kita sa kaugalingon-ang resulta- Ishmael…
        • Imbis nga masolbar ang problema-nagalala-kay wala kita salig sa Dios!
      • Ang leader sang Mahinaim gin abi abi si David sa siyudad…
      • Gintagaan sila pagkaon kag hiligdaan…
      • Samtang si Absalom nagtulog sa tolda-nagasalig sa iya kaugalingon…
      • Si David kag ang iya mga tinawo-nami ang sitwasyon-nagasalig sa gahom sang Dios!
      • Kun budlay ang kabuhi-kun ang problema gaabot-sin-o aton nasaligan…
      • Nagapangyo kita sang laygay sa mga malaot-nagasalig kita kay Ahithophel…
      • Nagasalig kita kay Ishmael- gapinsar nga makasarang kita sa aton problema…
      • Ukon kaangay kay David-realizar nga ang Dios mapina sa aton mga sala…
      • Kun mapaubos kita- kag magsalig sa Ginoo-makapahuway kita sa Iya!