James 2:1–13

Ang importante nga Layi…

• 1^st – Wala Pinilian… vs. 1
  • 1^st – Putli nga Pagtuo… vs. 1
    • Mga utod ko, bilang mga tumuluo sang aton makagagahom nga Ginoong Jesu-Cristo…
    • Padayon ang paathag ang pagbutang sa buhat sang Pulong-kon ano ang putli nga relihiyon.
    • Ginmanduan kita nga ang pagtuo dapat wala pilian!
    • Kay wala pinilian sa atubang sang Dios!
    • Roma 2:11 – “Kay ang Dios wala sing pinilian sa iya paghukom.”
    • Gusto sang Dios ang tanan makabati sang Maayong Balita sang Dios!
    • Pagsugod sang simbahan, ang pagpati sang mga Judio nga ang Pulong para lang sa Israel…
    • Halin sa ginsuguran gusto sang Dios ang makabati ang tanan– Binuhatan 1:8
    • Pero ang una nga 10 ka chapter sa Binuhatan ang mga Judio lang ang nagkalaluwas…
    • Asta sa Binuhatan 10 sang si Pedro ginsugo maglakat sa balay ni Cornelius-Romanhon!
    • Binuhatan 10:34 – “Gani naghambal si Pedro, “Karon klaro na sa akon nga wala pinilian ang Dios.”
  • 2^nd – Indi Hipokrito…
    • May pinilian- ginahukman ang bili sang isa ka tawo paagi sa pagtan-aw sa guwa nga kabuhi…
    • Pero may halambalanon-indi maghukom sang libro paagi sa pagtan-aw sa guwa lang…
    • Siling ni Jesus kaluluoy kamo nga mga Pariseo- ang nagatan-aw lang sa guwa nga tinlo!
    • Ang ginapanami lang ang ila kaugalingon sa guwa…
    • Kanami tan-awon sa guwa pero ang sulod dalok/malaot – Lucas 11:39
    • Kon may 2 ka baso-ang isa tinlo sa guwa pero damo lumot/higko sa sulod…
    • Ang isa higko sa guwa pero tinlo sa sulod- ano imo gamiton para mag-inom…
    • Ano man kon tinlo sa guwa pero higko sa sulod- indi naton paggamiton ini!
    • Pero ang aton napalabi ang sa guwa…
    • Basi nag-away kamo sang imo asawa pero nagayuhom kon ara na sa simbahan…
    • Ang mga kabataan grabe ang pagpakasala pero ang panugid naton ok lang sila…
    • Nagahatag sang matarong nga kabuhi pero ang aton hambal indi pareho sa sulod!
    • Ang Dios wala nalipay kon ano sa guwa- nagatan-aw Siya sa tagipusoon–1 Samuel 16:7
    • Ano man kaayo tulukon sa isa ka tawo kon ang tagipusoon indi insakato, indi ini maayo.
    • Pero kon ang aton tagipusoon insakto-ano man ang ara sa guwa -ok gid kita!
    • Sang ginluwas kita ni Jesus wala siya nagtinlo sa guwa una-Iya gintinluan ang tagipusoon…
    • Pagkatapos ang sa guwa nagapakita sang bag-o nga kabuhi nga halin sa sulod!
• 2^nd – Manggaranon kag imol… vs. 2-7
  • 1^st –2 ka tawo… vs. 2-4
    • Halimbawa sang Manggaranon kag Imol nga tawo…
    • May duha ka tawo nga magkadto sa inyo pagtilipon/ sa inyo simbahan…
    • Ang Manggaranon nga tawo…
    • Ang manggaranon may bulawan nga mga singsing kag may malahalon nga bayo…
    • Palabihon ang nagabayo sang malahalon kag hatagan ninyo sing maayo nga pulungkuan…
    • Kon ang isa nga may bulawan nga singsing- nagahambal sang damo nga manggad…
    • Kag damo sa mga alahas-pareho lang nagabayo sang Hari – Lucas 23:11
    • Buot silingon ara na sa iya ang tanan- damo kuwarta damo ang iya mahatag sa simbahan!
    • Gani dapat palabihon ang manggaranon kag tagaan pagdungog nga pulungkuan!
    • Ang Imol nga tawo…
    • Kag ang isa imol nga gisi ang iya bayo…
    • Imol nga tawo-ang pulong nagahambal nga budlay iya kabuhi..
    • Ang iya bayo gisi kag wala gid sang may matahag sa simbahan…
    • Ang ini nga tawo patindugon lang sa likod ukon sa salog!
    • Ang pagtan-aw nga ini nga tawo indi makatupong sang sa manggaranon nga tawo…
    • Makasulod siya sa simbahan pero indi siya takos sang pag-atipan kag respeto!
    • Ini may Pinilian…
    • May pinilian kamo kag ginahukman ninyo ang mga imol suno sa inyo malain nga hunahuna.
    • Pinilian- indi maghukom sa isa paagi lang sa pagtan-aw sang hitusra…
    • Kon maghukom kita- ang paghukom paagi sa malain nga hunahuna…
    • Kay indi kita makakita sang tagipusoon sang tawo!
    • Juan 7:24 – “Do not judge according to appearance – but judge with righteous judgment.”
    • Matuod nga kita mga tumuluo indi makahukom sang tagipusoon/motibo sang isa ka tawo…
    • Permi ini nagamit sa aton tion subong- indi ako paghukmi…
    • Indi buot silingon nga indi kita makahukom sang bunga nga halin sa kabuhi!
    • Lucas 6:44 – “Ang tagsa ka kahoy makilala mo sa iya bunga.”
  • 2^nd – Ang Dios nagapili sang mga Imol… vs. 5
    • Pamati…
    • Pamati kamo mga hinigugma ko nga mga utod! Ginpili sang Dios ang mga imol diri sa kalibutan…
    • Agod magmanggaranon sila sa pagtuo kag masakop sila sa iya nga paghari nga ginpromisa niya sa mga nagahigugma sa iya…
    • Ginpaathag ni Santiago kon sin-o gid ang dapat tagaan sang respeto…
    • Ginapili naton ang manggaranon kay abi naton sila makahatag damo…
    • Pero ang Dios nagapili sang imol kay sila may mas dako nga manggad…
    • Wala sila sa sini nga kalibuitan pero manggaranon sila sa Pagtuo!
    • Kag ang pagtuo nagahimo sa ila nga manubli sang Ginharian sang Dios!
    • Ang kuwarta kon kaisa indi mangin bugay kay ini nangin dios dios…
    • Kon nagasalig sa kuwarta nga maghatag imbis nga magsalig kay Jesus…
    • Sa tuod lang bugay man kon wala ka kuwarta – mangin imol…
    • Kon wala kita kuwarta-hapos magsalig kay Jesus kay wala ka na kadtuan pa!
    • Si Chuck Smith nagtukod simbahan sa California-kag ginbutangan nila nami nga carpet…
    • Ang una nga Domingo ang mga lider nagbutang karatula- Wala sapatos-indi kasulod…
    • Damo nga mga imol ang nagakadto sa simbahan – nga nagatiniil…
    • Sang pag-abot ni Chuck- grabe iya kaakig- ginkuha niya ang carpet!
    • Kon ang bag-o nga carpet ang nagapugong sa tawo nga magpalapit- kuhaon ang carpet…
    • Ang mga imol-higko nga mga pamatan-on naluwas kag nangin lider sang mga simbahan!
    • Indi lang sa mga imol…
    • Ang ginharian sang Dios indi lang sa mga imol…
    • Ang Dios nagpromisa sa tanan nga nagapalangga sa Iya!
    • Ang masubo nga indi tanan nga manggaranon nagapalangga kay Jesus!
    • Lucas 18:25 – “Mas mahapos pa nga mag-agi ang sapat nga kamelyo sa buho sang dagom sang sa magpasakop ang manggaranon sa paghari sang Dios.” 
    • Ang iban siling– ang buho sang dagom-ang gamay nga gate sa Jerusalem…
    • Ang isa ka suludlan sang Camel kon magsulod kuhaon ang tanan sa iya likod…
    • Ang punto nga ang pamaagi sang manggaranon sa pagsulod sa langit…
    • Pagi sa pagkuha sang tanan nga manggad para makaigo siya sa gate sang langit!
    • Daw kanami pamatian-pero indi ina makita nga gate sa Jerusalem…
    • Si Jesus nagahambal sang camel nga pasudlon sa buho sang tuod nga dagom…
    • Ang punto nga imposibli sa mga nagatuo sa manggad sa pagsulod sa langit!
    • Ngaa dako ang tion nga nahatag naton sa pagpangita sang kuwarta!
    • Ang Dios nagahatag sang aton mga kinahanglan…
    • Ang bilog ta nga kabuhi ginatudluan nga magmapisan pangita kuwarta…
    • Pero ang Dios nagpromisa nga siya maatipan sa aton-maghigugma lang sa Iya!
    • Kon pamangkuton ang bana sang iya dapat himuon sa pag-asawahay- pagpangita kuwarta!
    • Ang Bibliya wala nagahambal- dapat mag-obra kay amo ina ang sumpa– Genesis 3:19
    • Ang Dios wala naghambal nga sila mahatag-kay ang Dios ang mahatag – Lucas 12:32-33
    • Ang isa ka sugo sang Dios sa bana-ang pagpalangga sa asawa – Efeso 5:25
  • 3^rd – Ang mga manggaranon amo ang nagapigos… vs. 6-7
    • Ang kinalain…
    • Ang mga manggaranon amo ang nagapigos…
    • Ngaa ang mga manggaranon amo ang nagapigos kag nagaakusar sa inyo…
    • Nagapigos- ka 2 nasulat sa NT- ang kasakit nga dala sa mga tawo…
    • Binuhatan 10:38 – “Naglakat si Jesus sa nagkalain-lain nga lugar nga nagahimo sang maayo nga mga butang. Gin-ayo man niya ang tanan nga ginapaantos sang yawa.”
    • Ang manggaranon kaangay sang demonyo -gusto nga mapaidalom kita sa ila gahom!
    • Ginadala sila sa korte kag ginaakusar…
    • Ukon siguro daw kaangay lang nga pulong – Santiago 2:4
    • Kaangay sa paghukom sang imol -kita nahukman sang mga manggaranon!
    • Ang sa verse 13-ang napakita ni Santiago nga punto!
    • Santiago 2:13 – “Pero ang maluluy-on wala dapat kahadlukan sa oras sang paghukom.”
    • Kon maghukom kita sa iban- kita paga hukman man…
    • Kon kita sakit magtratar sa iban- mabaton man ini naton halin sa iban…
    • Mas maayo magpinsar sang maayo sa iban indi magpinsar malain sa ila…
    • Kag ang iban maayo man ang ila pinsar sa aton kag ang aton motibo!
    • Mateo 7:1 – “Indi ninyo paghukman ang iban agod indi man kamo paghukman sang Dios. 
    • Ang manggaranon man nagapigos sa aton pagtuo…
    •  Sila ang nagapakamalaot sang talahuron nga ngalan nga sa sina nga ngalan kilala kamo?
    • Wala kita nasugiran kon ano ang manggaranon magpakamalaot…
    • Imbis nga hatagan ang ang talahuron nga ngalan nga kilala kita…
    • Sila nagakuha sang padungog sa pagkabantog kag manggad…
    • Nagatulod sa aton sa pagsunod sang ila tapak para kita man mag manggaranon!
    • Ang tanan nga aton nabaton halin sa Dios- gani indi ini aton nga dapat ipabugal…
    • Ang aton kaalam/aton abilidad/aton pamilya-ini tanan ginhatag sa aton!
    • Wala kita sang ipabugal kay ginhatag ini tanan sa aton-ang tanan nga pagdayaw sa Dios!
    • 1 Corinto 4:7 – “Ano ang ara sa inyo nga wala naghalin sa Dios? Kag kon sa Dios naghalin, ti ngaa ginapabugal ninyo nga daw inyo gid?”
• 3^rd – Ang layi sang pagkahilway… vs. 8-13
  • 1^st – Maghigugma sa tupad balay… vs. 8
    • Maayo ang ginahimo…
    • Kon ginasunod ninyo ang kasuguan sang Hari, nga nasulat sa Kasulatan… 
    • Higugmaon mo ang imo isigkatawo-maayo ang inyo ginahimo.
    • Imbis may pinilian- kon magtuman kita sang kasuguan – maayo aton ginahimo!
    • Ang Layi sang Hari halin sa Bibliya – amo ang paghigugma sa isigkatawo…
    • Ang una nasulat sa Leviticus 19:18 – ginsulit ni Jesus bilang pinakadako nga sugo!
    • Mateo 22:37-40 – “Nagsabat si Jesus sa iya, “ ‘Higugmaon mo ang Ginoo nga imo Dios sa bug-os mo nga tagipusuon, sa bug-os mo nga kalag, kag sa bug-os mo nga hunahuna.’Amo ini ang labing importante nga sugo sa tanan. Kag ang ikaduha nga labing importante pareho man sini, ‘Higugmaon mo ang imo isigkatawo pareho sang paghigugma mo sa imo kaugalingon.’ Ang bug-os nga Kasuguan ni Moises kag ang mga sinulatan sang mga propeta napasad sa sining duha ka sugo.”
    • Ang bulawan nga sugo…
    • Ang bulawan nga sugo- himua sa iban ang gusto mo nga himuon sang iban sa imo…
    • Indi kita gusto butigan/kawatan/gamiton/ kag pamintaha sa aton…
    • Gusto naton nga buligan sang iban kon may kinahanglan kita kag kon wala kita kuwarta…
    • Indi kita gusto hukman sang mga tawo kay may pinilian- sa guwa nga kabuhi!
    • Amo man sa pagtratar sa iban- kon paano kita maghigugma sa iban!
    • Juan 13:35 – “Kon nagahigugmaanay kamo, ina mahibaluan sang tanan nga kamo akon mga sumulunod.”
  • 2^nd – Indi pagsunod sang Layi… vs. 9-11
    • Pagpakita nga may Pinilian…
    • Kon may pinilian, nakasala kag dapat kamo silutan, kay ginalapas ninyo ato nga sugo!
    • Kon maghukom kita sa iban sa ila nga hitsura- nakasala kita…
    • Basi magpinsar kita nga ang sala kon may pinilian pinaka dako nga sala…
    • Sigurado may iban nga mas malain nga sala nga mahimo sang tawo…
    • May mga paglalis…
    • Kon may pinilian, nakasala kamo-sa Kasuguan dapat silutan, kay ginalapas ang sugo!
    • Bisan sundon ang iban nga sugo sang Dios – makasala gid kita bisan isa…
    • Kon may pinilian kita- wala kita naghigugma- nakasakit kita sang tawo!
    • Lucas 17:2 – “Mas maayo pa sa iya nga higtan ang iya liog sang galingan nga bato kag itagbong siya sa dagat sang sa mangin kabangdanan siya nga magpakasala ang isa sining mga kubos.”
    • Ang galingan nga bato mga 200 ka kilo ang kabug-aton
    • Ang madalom nga dagat ang nalabayan sang dalagko nga mga barko!
    • Ang Dios seryoso kon hilabtan/sakitan mo ang Iya mga kabataan…
    • Nagabantay Siya nga Amay-kag maatubang ang maghilabot sa Iya mga kabataan!
    • Nakalapas sang isa ka Kasuguan…
    • Ang nagasiling, “Indi ka magpanginbabayi ukon magpanginlalaki,” amo man ang nagasiling, “Indi ka magpatay.”^[
    • Bisan wala ka nagpanginbabayi ukon nagpanginlalaki, pero kon nakapatay ka, ginlapas mo ang Kasuguan.
    • Gintagaan kita sang kinalain sang may pinilian…
    • Ang Layi nagasugid parti sa pakighilawas ukon pagpatay– Exodus 20:13-14
    • Kon wala kita nagpakighilawas pero nagpatay- makasasala kita…
    • Indi nga wala ka naglapas sang sugo- indi ka mangin maayo nga tawo!
    • Isa lang ka sala criminal ka na- isa lang ka sala-makasasala ka na…
    • Ano man nga sala – kaangay sang may pinilian ka-mangin makasasala na kag ginahukman!
  • 3^rd – Paghukom nga wala kaluoy… vs. 12-13
    • Paghambal kag Pagginawi… vs. 12
    • Paghambal kag pagginawi, tungod nga ang Kasuguan nga nagahilway sa inyo amo man ang magahukom sa inyo…
    • Ginhatagan kita kahilwayan kay Cristo- pero ang aton kahilwayan may bayad…
    • Dapat siguraduhon ang aton pulong kag buhat nagapakita sang Gugma!
    • Galacia 5:13 – “Kamo, mga utod, gintawag sang Dios agod mangin hilway sa Kasuguan. Pero indi ninyo paggamiton ang inyo kahilwayan sa paghimo sang gusto sang inyo tawhanon nga kinaugali. Ang inyo himuon, maghigugmaanay kamo kag magbinuligay.”
    • Kon wala ang gugma naga giya sa aton– wala gugma nga nagaisa sang lawas…
    • Indi maayo ang aton padulungan tungod sa aton kadalok kag kaugalingon nga kadayawan..
    • Kon wala kita gugma ang tanan nga aton nahambal/buhat indi importante!
    • Magkaluoy indi maghukom…vs. 13
    • Sa oras nga ang Dios maghukom, indi siya magkaluoy sa tawo nga wala sing kaluoy.
    • Pero ang maluluy-on wala dapat kahadlukan sa oras sang paghukom.
    • Maghukom sa tawo sang iya pagkatawo indi may pinilian…
    • Ang nagahukom nga wala kaluoy – paga hukman nga wala kaluoy…
    • Amo man nga talaksan ang nagamit sa paghukom sa iban- kon paano kita maghukom…
    • Mateo 7:2 – “Kay kon paano ang paghukom ninyo sa iban pareho man sina ang paghukom sang Dios sa inyo. Ang basihan ninyo sa paghukom sa iban amo man ang basihan sang Dios sa paghukom sa inyo.”
    • Pero ang kaluoy/kaayo nagadaog sang paghukom…
    • Kabalo ako nga kinahanglan ko damo nga kaluoy- gusto ko man magpakita sang kaluoy…
    • Sa mga naga drive kon traffic…
    • Sa akon asawa, sa akon bata, sa mga nagapalapit sa simbahan nga gusto ko hukman!
    • 1 Pedro 4:8 – “Kay kon may paghigugma ka sa imo isigkatawo, makapatawad ka gid sa iya bisan madamo ang iya nahimo nga sala.”