James 4:7–17

ang kabuhi pareho sa ambon…

• 1^st – Ang dalan pakadto sa Pagpaubos… vs. 7-10
  • Ginpaathag nga ang Dios nagasumpo sa bugalon kag nagahatag sang Grasya sa mapainubuson…
  • Kon kita bugalon – delikado kita -ang away nga indi naton madaog…
  • Siguraduhon nga magpaubos kita para makabaton kita sang Grasya sang Dios…
  • Si Santiago naghatag 10 ka sugo- para ipakita kon paano kita mapaubos…
  • Ang ini nga mga sugo ka isa lang himuon…
  • Ang ini tanan nga mga sugo dapat himuon subong na!
  • Ang pagpaubos para makabaton kita sang Grasya – dapat subong na!
  • 1^st – Magpasakop … vs. 7
    • Gani magpasakop sa Dios!
    • Magpasakop – iya sang mga soldado nga mando…
    • Magpasakop kita kay ang Dios mabali sang aton bugal paagi sa mga pag-antos sa kabuhi!
    • Kon may bag-o nagsulod nga mangin soldado ang ila nahimo ginatilawan asta magsumpa…
    • Budlay kag imposible nga mga hilimuon para gub-on ang ila bugal…
    • Kay ang maayo nga soldado-amo ang nagapasakop sa may awtoridad…
    • Sa military kon ang kumander ang nagahatag sang sugo – dapat gid tumanon…
    • Wala na nagalalis pa- wala na pamangkot-sunod na dayon!
    • Kita man gintawag nga magpasakop sa Dios- kag maghimo sang Iya nahambal…
    • Ang Dios nagagamit sang mga inagyan sa kabuhi sa pagpaubos para magpasakop sa Dios…
    • Ano man ang Iya ihambal- masunod kita sa Iya sugo…
    • Binuang kon magpinsar nga ang aton paagi mas maayo sang sa Iya!
  • 2^nd – Sumpunga… vs. 7
    • Sumpunga ninyo si Satanas kag magapalagyo siya sa inyo. 
    • Sumpunga – magpamatok- kilalahon kon sin-o ang kaaway…
    • Demonyo- ang isa nga nagahatag sang mga akusasyon!
    • Pahayag 12:10 – “Ang manug-akusar sang aton mga utod sa pagtuo. Wala sing pahuway ang iya pag-akusar sa ila sa aton Dios.”
    • Sa kabuhi indi naton makita ang tuod nga kaaway- ang aton natulok ang tawo…
    • Nagaugtas kita sa mga tawo pero indi sila ang aton kaaway…
    • Ginagamit lang sila sa paghambal kag paghimo sang dios sang sining kalibutan…
    • Ang dapat nga himuon sumpungon ang naga kontrolar- ang puno amo ang atubangon!
    • Imbis maakig sa tawo-pangamuyo nga magtuo sila kay Jesu Cristo!
    • Paano mapalayo si satanas…
    • Si satanas ka 3 ginsulay si Jesus- sa pagkaon/sa pag-upod sa iya/sa pagkabantog- Lucas 4
    • Ang sabat ni Jesus kay satanas -amo ang Pulong sang Dios!
    • Kay si Jesus nagasumpo sang mga pagtilaw paagi sa Pulong-si satanas nagpalagyo!
    • Ang butang nga makatindog batok kay satanas amo ang Pulong sang Dios…
    • Wala siya kusog kon magbato kita sa iya sa gahom sang Pulong!
    • Efeso 6:12-13 – “Kay ang aton kaaway indi mga tawo, kundi ang malaot nga mga espiritu nga nagapamuno nga may gahom. Ini sila nagahari sa kalautan nga ara sa kalibutan, kag ara man sila sa ibabaw.  Gani gamita ninyo ang tanan nga armas nga ginhatag sang Dios, agod makabato kamo sa tion nga mag-abot ang kalautan; kag pagkatapos sini malig-on gihapon kamo.” 
  • 3^rd –Magpalapit sa Dios… vs. 8
    • Magpalapit kamo sa Dios, kag ang Dios magapalapit sa inyo!
    • Ang pakadtuan sang aton kabuhi- palapit sa Dios!
    • Ano kanami nga relasyon kon wala man kita naga istorya sa aton abyan…
    • Kon indi mo man siya gani makita-isa ka oras kada Domingo lang…
    • Magpalapit kita sa Iya kag makita naton nga malapit kita sa iya!
    • Paano kita makaagom sang relasyon sa Dios- kon wala kita gahatag tion sa Iya…
    • Daw nahambalan ta pa ang Ginoo isa lang ka oras ang para sa imo ha…
    • Dapat kita ang magpalapit sa Iya kag maghatag tion sa Iya…
    • Kag dira naton makita nga Siya man nagapalapit sa aton-kag Siya mangin aton abyan!
  • 4^th – Matinlo… vs. 8
    • Kamo nga mga makasasala, magkabuhi kamo sang matinlo!
    • Kon dapat hugasan ang aton kamot buot silingon higko ini…
    • Wala ang Bibliya nagtudlo kon paano tinluan ang lawas…
    • Ang aton kamot higko tungod sa ginahimo sang aton kamot!
    • Nahambal nga kamo nga mga makasasala- ang permi nagapakasala!
    • Ang solusyon…
    • Kada adlaw nagakahigkuan kita- ang aton kamot dasig lang nagahigko…
    • Ang paagi nga matinlo ang aton higko nga kamot- manghugas nga may habon!
    • Amo man sa aton espirituhanon -nagakahigkuan kita halin sa kalibutan…
    • Siguro ang makit sa TV ukon sa aton nabatian nga ginhambal sa aton…
    • Nagapabilin sa aton ulo-basi sa tagipusuon kag nagapahigko sa aton…
    • Ang solusyon -gamiton ang espirituhanon nga habon sa paghugas sa aton!
    • 1 Juan 1:9 – “Pero kon ituad ta sa Dios ang aton mga sala, masaligan siya sa pagpatawad sang aton mga sala kag sa pagtinlo sa tanan ta nga mga kalainan. Himuon niya ini tungod nga matarong siya.”
  • 5^th – Mangin putli… vs. 8
    • Kamo nga nagapangduhaduha, tinlui ninyo ang inyo mga tagipusuon.
    • Ang aton mga kamot indi lang ang dapat tinluan-ang aton man mga tagipusoon…
    • Putli-tinlu- halin sa pulong nga mangin Balaan…
    • Ang aton tagipusuon dapat Balaan- ginpain para lang gid sa Dios!
    • Nagapangduha-duha…
    • Nagapangduha-duha- ka 2 nasualat sa NT- sa libro sang Santiago…
    • May 2 ka hunahuna-ang isa para sa Dios ang isa para sa kalibutan!
    • Damo nga mga tumuluo nga miserable-wala sila kalipay sa ila kabuhi…
    • Ang problema abi nila ang kalibutan may natigana nga maayo para sa ila…
    • Gani miserable sila sa Ginoo kay gusto nila ang kalibutan…
    • Pero indi man sila nalipay sa kalibutan kay kabalo na sila sa Ginoo…
    • Miserable sila bisan diin sila magkadto kay nagagpangduha-duha sila!
  • 6^th – Mangasubo… vs. 9
    • Magpangasubo– diri lang sa NT…
    • Halin sa pulong nga – mabug-at/pagtilaw- pagtakos sa aton paagi sa pagtilaw…
    • Ang paghatag sang tuod nga pagtakos kon sin-o kita-ang sabat indi maayo!
    • Kon mamangkot sa mga tawo kon maayo sila nga tawo – mahambal sila nga oo…
    • Ang pamangkot kompara kay sin-o…
    • Ang Dios wala gakabalaka kon sin-o maayo- ang Iya talaksan dapat perpekto – Mateo 5:48
    • Kag kompara sa Iya talaksan-ang tanan kinahanglan kay Jesus!
  • 7^th – Magpangasubo… vs. 9
    • Kon marealisar nga indi kita maayo – mangasubo gid kita…
    • Kay may 2 lang ka kaladtuan kon parti sa katapusan…
    • Kag kay indi kita maayo- ang aton kaladtuan indi langit!
  • 8^th – Maghibi… vs. 9
    • Maghibi– ang resulta kon marealisar nga hukman kita!
    • Ang paghibi natural nga resulta kon maintiendihan ang kabug-at sang aton sala…
    • Kon indi kita maghinulsol sang aton sala- magahibi kita sa wala katapusan – Mateo 25:30
    • Mas mayo nga maghibi kag maghinulsol subong sa pagpangita sang sabat sa sala!
  • 9^th – Magliso… vs. 9
    • Sa baylo nga magkadlaw kamo kag magkalipay, magpangasubo kamo. 
    • Magliso – magliso sa lain nga direksyo…
    • Indi amo ini ang aton nahimo kundi resulta sa aton nga ginhimo…
    • Ang kadlaw/kalipay-mangin kasubo kag kabug-at…
    • Kon may isa nga nagatindog sa naagyan sang train – kag may train nga nagapadulong…
    • Kabuangan kon magkadlaw kag mangalipay kon delikado ang nagahulat!
    • Amo ini ang nahimo sang kalibutan- gusto lang kalipay kag napawalaan ang pina…
    • Kabuangan ang magkadlaw kag magkalipay kon may bayadan ka nga sala…
    • Kon ara na kita sa lugar nga ginpaubos kita sang realidad nga layo kita kay Jesus…
    • Gulpi lang ang sadya sadya sang kalibutan madula!
  • 10^th –Magpaubos kamo  … vs. 10
    • Magpaubos kamo sa Ginoo, kag iya kamo padunggan.
    • Ang ika 10 nga sugo- magpaubos- mabudlay ini sa aton nga himuon…
    • Resulta ini sang nahimo na nga daan- ang 9 ka butang…
    • Kon magpasakop kita sa Dios paagi sa pagsabdong sang demonyo kag pagpalapit sa Dios…
    • Gusto naton nga matinluan ang aton kamot kag mangin putli ang aton tagipusoon!
    • Kay naghinulsol na kita-nagpangasubo sang aton makasasala nga kahimtangan…
    • Nagpangasubo-naghibi kay ang aton kalipay nagbaylo sang kahuy-anan/ginpanginwala…
    • Ang katapusan ginpaubos kita sa atubang sang Dios…
    • Kon napaubos na kita-ang Dios ang magabayaw sa aton…
    • Kaya ang Dios nagasumpong sang bugalon kag nagahatag Siya sang grasya sa mapainubuson!
• 2^nd – Indi maghukom… vs. 11-12
  • 1^st – Indi kamo maghambal sang malain … vs. 11
    • Indi ang iban nga tawo…
    • Imbis nga istoryahan ang kaugalingon nga dapat magpaubos -natulok naton ang iban…
    • Sugiran ta ka indi gid man ko buot pero sila ya grabe gid ka makasasala!
    • Kon gusto mo nga taas tulukon- matindog sa nubo nga tawo…
    • Kon gusto mo gwapa tan-awon- itudlo mo ang tawo nga law-ay…
    • Amo man ang aton nahimo-gina istoryahan ang malain nga mga tawo para maayo kita!
    • Indi kamo maghambal sang malain kontra sa isa kag isa.
    • Ang nagahambal sang malain kontra sa iya utod ukon nagahukom sa iya…
    • Gani kon ikaw na ang nagahukom sa Kasuguan, indi ka na manugtuman sang Kasuguan kundi ikaw na ang hukom…
    • Indi maghambal malaot sa isa kag isa- paghukom ina sa imo utod…
    • Kon maghukom kita sa iban- ginahimo naton nga kita ang hukom…
    • Kita ang nangin Balaan nga Espiritu-kita ang nagapakita sang ila sala…
    • Kay kon kita ang nagahukom sa kasuguan- indi kita nagatuman sang kasuguan!
    • Ang Layi lang sang Dios- ang makatudlo nga indi kita maayo– Galacia 3:24
    • Ang Balaan nga Espiritu lang makapakita sang sala sang mga tawo– Juan 16:8
    • Kon kita ang nangin Balaan nga Espiritu-kon kita maghatag layi sa iban…
    • Indi kita maayo nga magbulos sa Balaan nga Espiritu- indi kita ang makabulig!
  • 2^nd – Si Jesus ang Hukom… vs. 12
    • Isa ang nagahatag Kasuguan…
    • Ang Dios lang gid ang nagahatag sang Kasuguan…
    • Ang nagahatag sang Kasuguan -ang isa nga nagaplastar sang layi…
    • Ang Bibliya klaro kon ano ang insakto kag ano ang malain…
    • Ang iban nga indi klaro- sin-o ang nagahimo sang layi!
    • Pwede kita ka panigarilyo-pamati sang kanta sa kalibutan-tan-aw mga pelikula…
    • Bilang tumuluo-pwede kainom kape, may tattoos-mga alahas!
    • Kon sa akon lang ya personal nga pagtandog sa Espiritu-indi magtan-aw rated R pelikula…
    • Kag kon hambalon ta man kamo magsunod sa akon-ginhatagan ko kamo sang layi…
    • Ang problema indi ko mabag-o ang inyo tagipusoon- kay gusto mo gihapon magtan-aw…
    • Gintagaan ko ikaw sang lay inga indi mo masunod- kay imo tagipusoon gusto gihapon!
    • Si Jesus lang ang may gahom…
    • [Jesus] is able to save and to destroy – who are you to judge another!
    •  Siya gid lang ang sarang makaluwas ukon makasilot sa tawo!
    • Si Jesus lang ang may gahom sa pagluwas sa aton ukon sa pagsilot sa aton…
    • Sin-o kita nga mangin Balaan nga Espiritu sa tanan nga bagay…
    • Sin-o kita nga maghatag sang aton kaugalingon nga mga layi para sundon sang iban!
    • Roma 14:4 – “Gani sin-o ka bala nga maghukom sa suluguon sang iban? Ang iya Agalon gid lang amo ang makasiling kon maayo ukon malain ang iya ginahimo.”
    • Kita dapat magdala sa iban sa isa nga nagahatag sang layi-sa Iya mamangkot sang dapat…
    • Ang Dios masugid sa aton-kag kon magsiling Siya indi- bag-uhon Niya kita!
    • Ang Dios wala lang nagahatag sang Iya Layi-Siya nagahatag kusog para makatuman kita!
• 3^rd – Pag preparara sang palaabuton… vs. 13-17
  • 1^st – Kaangay sang ambon… vs. 13-14 / 16
    • Pagsalig sa Dios kada adlaw…
    • Kamo nga nagasiling, “Karon ukon buwas makadto kami sa isa ka siyudad.
    • Didto maestar sang isa ka tuig. Manegosyo kag magtipon sang madamo nga kuwarta.” 
    • Pamati kamo – ang mga may plano…
    • Kon nagapinsar kita nga kabalo kita sang palaabuton- mga tikalon kita…
    • Nagapabugal kamo kag nagapadayaw. Ang tanan nga pagpabugal nga pareho sina malain…
    • Nagapabugal-ka 2 nasulat sa NT- pero wala ina sang ipabugal – 1 Juan 2:16
    • Ang Dios lang kabalo sang palaabuton!
    • Indi kita gani kakita sang buwas!
    • Ang matuod, wala gani kamo kahibalo kon ano ang matabo sa inyo buwas.
    • Ang aton kabuhi pareho sang ambon nga makita, kag sa indi lamang madugay madula. 
    • Wala sa aton sang may nakablo sang matabo buwas- ano pa dason nga tuig…
    • Ang aton kabuhi kaangay sa aso-makita kag gulpi lang madula…
    • Makita – indi kita ang naga kontrolar sang aton pag-abot sa kalibutan…
    • Madula- wala man kita kabalo kon san-o madula sa sini nga kalibutan…
    • Ngaa nagapinsar kita nga may kontrol kita sa mga nagakatabo samtang ari kita diri!
    • Damo nga mga tawo nga naga plano sang palaabuton- nga daw sigurado matabo…
    • Pero wala sila kakita sang buwas- ang aton plano mawasak…
    • Ang isa lang nga nakabalo sang palaabuton amo ang Ginoo- Siya makakita sang bwas…
    • Pero ang pagsalig sa Dios indi nga wala kita sang himuon- maayo nga may plano…
    • Ang buot silingon nga indi kita maghimo sang butang nga wala pa naton gindala sa Dios…
    • Indi kita gusto mag-una sa Dios- kay basi indi naton makita ang plano Niya sa aton kabuhi!
    • Hulubaton 19:21 – “Madamo kita sang mga plano, pero ang kabubut-on sang Ginoo amo ang matuman.”
  • 2^nd – Kon iya kabubut-on… vs. 15
    • Kon itugot sang Ginoo…
    • Kon itugot sang Ginoo, kag kon buhi pa kita, amo ini ukon amo ina ang aton himuon
    • Ginplano ni Pablo nga magbisita sa Corinto sa ika 3 nga tion – 2 Corinto 1:15
    • Pero ang iya plano nagbag-o-ang iban gintawag si Pablo nga butigon- wala nagtuman sang iya ginhambal…
    • Pero si Pablo wala nagbutig sa simbahan- wala lang siya kabalo…
    • Si Pablo naghimo sang iya plano pero nagpabilin nga handa sa pagtuman sa Ginoo…
    • Si Pablo wala kabalo sang matabo- indi siya maka garantiya sang bwas…
    • Ginhatag niya ang iya plano nga nabase sa iya nabal-an- pero ang Ginoo ang iya sundon!
    • Kon mangtinguha kag magsalig kita sa promisa sang tawo- mapaslawan lang kita…
    • Indi nga ang tanan nga tawo butigon kundi wala lang sila kabalo…
    • Ang kamatuoran nga wala kita kabalo sang matabo -dapat handa kon ano ang gusto sang Dios…
    • Makasugid kita sang aton plano pero dapat permi idugang kon kabubut-on sang Dios!
    • Ang ika onse nga sugo- bulahan ang indi handa bisan ano matabo-kay indi siya mabali!
    • Kon ang Dios maghambal…
    • Kon gusto masigurado kon ano aton himuon sa palaabuton- magpalapit sa Ginoo…
    • Siya nakakita sang tanan- halin sa ginsuguran sang tion asta sa katapusan– Isaias 46:10
    • Indi makabutig ang Dios- kag wala nagabaylo ang Iya paminsaron!
    • Numbero 23:19 – “Ang Dios indi tawo nga magbutig ukon magbaylo ang iya hunahuna. Nagahambal bala siya nga wala niya ginahimo? Nagapromisa bala siya nga wala niya ginatuman?”
  • 3^rd –Maghimo sang maayo… vs. 17
    • Kon nahibaluan sang tawo kon ano ang maayo nga dapat niya himuon, pero wala niya ginahimo, nagapakasala siya.
    • Ang sa katapusan makita ang kinalain kag ang paandam…
    • Ang mga nagpili maglakat, magbakal kag baligya para maka kwarta– Santiago 4:13
    • Kon itugot lang sang Ginoo- amo ang magtin-ad- Santiago 4:15
    • Ang pamangkot – ano ang gusto sang Dios nga aton himuon…
    • Kabalo na kita- maghimo sang maayo!
    • Magtuman sang 10 ka mando para mapaubos kita kag magbaton sang grasya halin kay Jesus…
    • Indi maghukom sa mga utod kundi dal-on sila kay Jesus!
    • Mangin handa sa isa nga nakabalo sang palaabuton- amo si Jesus!
    • Luwas sina sala ina- kay ang ina nga kabuhi mangin layo kay Jesus!