James 5:13–20

Ang pagka importante sang pangamuyo…

• 1^st – Ang mando sa pagpangamuyo… vs. 13
  • Ang 7 ka katapusan nga mando…
  • Asta sa sini nga bahin nakabaton kita 51 ka mando kon paano maglakat kay Kristo…
  • Sa katapusan sang libro – hatagan kita sang 7 kag katapusan nga mando…
  • Pagtudlo sa aton kon paano magbulig sa isa kag isa sa simabahan!
  • 1^st –Indi mayo ang modo…
    • May ara bala sa inyo nga naga-antos- magpangamuyo siya!
    • Pag-antos- ka 4 nasulat sa NT- malaot kag ang balatyagon- indi maayo nga modo…
    • Indi ini pamangkot- nahambal nga may isa sa aton tunga nga indi mayo ang modo…
    • Kon kita ang ina nga tawo-ang mando sa aton mangamuyo!
    • Mangamuyo- magpalapit sa Dios sa pagsugid sa Iya sang aton tagipusoon!
    • Kon ang problema maabot-ang aton una nga nahimo nagalain dayon ang aton modo…
    • Kag kon indi na gani maagwanta- amo na ina ang aton pagpangamuyo…
    • Kon mangamuyo kita- ang naghatag sa aton sang indi maayo nga modo nadula…
    • Nagbag-o na ang aton palanan-awon- makita ang aton kaugalingon sa maayo nga sitwasyon…
    • Indi na makita ang aton problema- makita naton ang Dios nga dako sang sa aton problema!
    • Filipos 4:6 – “Indi kamo magpalibog sa bisan ano, kundi pangayua sa Dios ang inyo mga kinahanglan paagi sa pangamuyo nga may pagpasalamat.” 
  • 2^nd – Paano mangamuyo…
    • Indi ini pinasahi ukon dapat nga posisyon sa pagpangamuyo…
    • Makita ang ihimplo sa Bibliya sa pagpangamuyo nga nagatindog/naga pungko/ nagahigda!
    • Ang Dios wala lang nagapamati sa pangamuyo nga nagaluhod ukon nagatindog…
    • Pero kon sa akon lang ang pangamuyo nga nagahigda daw indi gid matapos-kay matulugan ka.
    • Mas maayo kon maglakat kag nagapangamuyo- ukon nagaluhod-para indi matulugan!
    • Kag indi ini sa posisyon sang aton lawas kundi sa posisyon sang aton tagipusoon…
    • Wala sang malain nga pangamuyo kon insakto ang aton tagipusoon!
  • 3^rd – Kay sin-o mangamuyo…
    • Ang pangamuyo sa Dios sa langit-aton Amay – Lucas 11:2
    • Sang si Pedro naglakat sa tubig- ginkuha ang panulok kay Jesus kag naglugdang siya…
    • Mateo 14:30 – “Gani nagsinggit siya, “Ginoo, buligi ako!”
    • Ang pinaka lip-ot nga pangamuyo sa Bibliya- nagapanawag kay Jesus nagapangayo bulig!
    • Makapalapit man kita sa pagpangamuyo sa Balaan nga Espiritu…
    • Nagapangamuyo kita sa Balaan nga Espritu sa paghatag sa aton sang gahom– Binuhatan 1:8 – pagtudlo sa aton – Juan 14:26
    • Makapangamuyo kita sa Amay/sa Anak/kag sa Balaan nga Espiritu- kay sila isa!
  • 4^th – Ano ang pangamuyuan…
    • Maayo kon isa isahon ang aton mga pangamuyo- maghatag detalye sa Dios…
    • Wala sang lipod sa Dios- bal-an Niya tanan halin sa sugod asta sa katapusan – Isaias 46:10
    • Pero ang Dios ang maga giya sang detalye- nagagamit sang paagi nga bag-ohon kita Niya…
    • Ang pangamuyo indi sa pagbaylo sang paminsaraon sang Dios- pasundon Siya sa aton plano…
    • Ang pangamuyo ang Dios nagabag-o sang aton paminsaron- mag-isa kita sa Iya plano!
    • Lucas 22:42 – “Amay, kon luyag mo, ilikaw ini nga pag-antos nga nagaabot sa akon. Pero indi ang akon luyag ang dapat matuman kundi ang imo.”
• 2^nd – Mando sa pagkanta… vs. 13
  • 1^st –Maayo nga modo
    • May ara bala sa inyo nga malipayon? Magkanta siya sang mga pagdayaw sa Dios.
    • Malipayon- ka 3 nasulat sa NT- ara sa maayo nga modo…
    • Liwat indi ini pamangkot- nagasugid sa aton nga may ara sa maayo nga modo sa aton tunga…
    • Kon maayo ang aton modo-ang mando sa aton nga magkanta sang mga Salmo…
    • Magkanta sang mga Salmo- mag himo sang tunog- maayo nga huni!
    • Kon maayo ang aton modo- kita magakanta sang pagdayaw!
  • 2^nd – Paano magkanta sang pagdayaw…
    • Efeso 5:17-20 – “Ang gusto sang Ginoo nga ipahimo sa inyo…magmapuno kamo sang Espiritu Santo. Kon nagatilipon kamo,gamita ninyo ang mga salmo kag iban pa nga mga kanta parte sa pagdayaw sa Ginoo. Kag kon magkanta kamo dapat halin gid sa inyo tagipusuon. Magpasalamat kamo permi sa Dios nga Amay sa tanan nga butang tungod kay Ginoong Jesu-Cristo.”
    • Kabubut-on sang Dios nga mapun-an kita sang Espiritu…
    • Kon puno kita sang Espritu- magahambal kita sang mga Salmo-kanta – sang Pulong…
    • May mga maayo nga tono-nagakanta sa aton tagipusoon sa Dios!
    • Ang rason nga maayo ang aton modo kay kon SIN-O ang ara sa aton…
    • Kon puno kita sang Espiritu-ang resulta makita sa aton batasan…
    • Kon may kanta sa aton tagipusoon kay tungod sa Espiritu nga ara sa aton tagipusoon!
• 3^rd –Ang mando sa pagtawag… vs. 14
  • 1^st – Ang nagamasakit…
    • May ara bala sa inyo nga nagamasakit…
    • May 3 ka paagi nga makaagi kita kabudlayan sa kabuhi…
    • Maka antos kita sa aton relasyon- sa kwarta-sa aton lawas…
    • Nagamasakit- kabug-at sang balatyagon- kulang kwarta- nagalain ang lawas…
    • Ang ini tanan nga mahambal naton nga mga pag-antos!
  • 2^nd – Magtawag sa mga nagadumala sang simbahan…
    • Magtawag siya sa mga nagadumala sa simbahan….
    • Ang mga nagamasakit mando sa pagtawag- sa mga manugdumala sang simbahan…
    • Manugdumala- ang mga may edad- hamtong sa pagtuo…
    • Mahambal naton-magtawag sa mga Pastors – mga lider sa simbahan!
    • Indi amo ini ang natudlo sa aton sang nagligad nga mga tinuig…
    • Dapat indi mag guwa sa balay kon nagamasakit- para indi malatnan ang iban…
    • Pero ang mando sa aton magpalapit sa simbahan-para makabton pag-ayo…
    • Siguro nagaduha duha kita kay indi kita sigurado nga makaayo ang Dios…
    • Naga duda kita kon ang Dios maka ayo -ano abi kon mas lala sang sa mga trankaso…
    • Pero si Jesus nag-ayo sang mga masakit/mga bulag-nakakita/lupog-nakalakat/patay-nabuhi!
    • Ang Dios wala nagbag-o- nag-ayo Siya sang tion ni Jesus-naga-ayo asta subong – Hebreo 13:8
• 4^th – Ang mando sa mga Pastor… vs. 14-15
  • 1^st – Ang Pangamuyo… vs. 14
    • Pangamuyuon sila sang mga Pastor!
    • Ang mga Pastor may mando sa pagpangamuyo sa mga nagamasakit…
    • Ang pangamuyo bala sang mga pastor mas maayo kompara sa iban…
    • Indi – ang punto nga pamilya kita kag kinanglan ang isa kag isa!
    • Kalabanan nahuya magpalapit kag maghambal nga pangamuyuan sila…
    • Indi nila gusto nga mabal-an sang iban nga may kabudlayan sila sa ila kabuhi…
    • Ang mga tawo basi maghusga sa ila- pakanubuon sila- nubo ang pagtan-aw sa ila…
    • Imbis mangayo bulig- naga antos sila nagahipos kag indi maayo ang modo…
    • Indi kita dapat mag-atubang sang kabudlayan nga naga isahanon- pamilya kita!
  • 2^nd – Pagbanyos sang lana… vs. 14
    • Pangbanyos sang lana sa nagmasakit sa ngalan sang Dios!
    • Pagbanyos sang lana- bahin sa pagpangamuyo- ang lana ibanyos sa nagamasakit…
    • Ang lana ginabanyos sa ila sa ngalan sang Dios…
    • Wala gahom ang lana- simbolo lang ini…
    • 1 Samuel 16:13 – “Gani ginkuha ni Samuel ang lana kag ginhaplasan niya si David sa atubangan sang iya mga utod. Kag halin sadto nga adlaw gin-gamhan si David sang Espiritu sang Ginoo.”
    • Ang lana naga representa sang Balaan nga Espiritu- Siya ang isa nga naga-ayo sa aton!
    • Wala sang tawo/pastor ang maka-ayo -ang Balaan nga Espritu ang naga obra sini…
    • Kon ang Dios mag gamit sa isa nga mag-ayo- ang mga tawo masunod sa iya sang sa Ginoo…
    • Ang Balaan nga Espiritu mahatag sang regalo sa pag-ayo sa tawo nga ayuhon…
    • Paano mabal-an kon sin-o gusto ayuhon sang Balaan nga Espritu- maglakat kag mangamuyo!
    • 1 Corinto 12:11 – “Pero isa gid lang ka Espiritu ang nagahatag sini tanan, kag ginapanagtag niya ini sa tagsa ka tawo suno sa iya gusto.”
  • 3^rd – Ang Pagtuo… vs. 15
    •  Ang pangamuyo nga may pagtuo sa Ginoo amo ang magaayo sa nagamasakit. Pabangunon siya sang Ginoo…
    • Kag patawaron sa iya mga sala kon nakasala siya!
    • Ang pulong nga pangamuyo kag masakit diri- indi pareho sa mga verses kagina…
    • Pangamuyo- ka 3 nasulat a NT- ang iban nahambal nga pagsaad sa iban nga bahin…
    • Masakit-ka 3 nasulat sa NT- maluya ang bahin sang lawas…
    • Ang saad sang pagtuo maluwas sa naluya- kag ang Dios mapabangon sa ila!
    • Paano sila naluwas…
    • Ginpabangon – pwede nga pag-ayo sang lawas- ang indi na kabangon sa hiligdaan…
    • Basi pwede man ang wala katapusan nga kabuhi- ang pagkabanhaw- kag daw amo gid ini…
    • Ginhambal sa aton- bisan nakahimo siya sang bisan ano nga sala- ginpatawad na!
    • Kay ang pinakadako nga kinahanglan sang tanan nga maayo sa mga sala!
    • Sin-o ang mahimo sang panumpa/saad…
    • Siguro nagahambal ini sa panumpa sang mga Pastor sa pagluwas sang mga nakapoy…
    • Kay sa pagtuo ginadala nila ang mga tawo sa Ginoo nga makasarang magluwas!
    • Sa pagtuo nagapalapit sila sa Pastor sang simbahan para pangamuyuan nga maluwas!
    • Ok man kon ano nga interpretasyon – wala gid sang may mas gina palabi…
    • Ang 2 nga pagtan-aw nagahambal sang pagtuo nga ara kay Jesus nga makaluwas!
    • Kulang nga Pagtuo…
    • May isa ka pagtan-aw nga indi insakto- nga kon damo imo pagtuo maayo ka!
    • Ginhambal nga si Elias nagmasakit kag mapatay na – 2 Hari 13:14
    • Ang tawo nga makaayo sang masakit/makapabanhaw sang patay…
    • Siya na subong ang nagamasakit-kag indi makabulig sang iya kaugalingon!
    • Ang iban nagahambal – kon nagamasakit kay kulang kuno ang pagtuo…
    • Pero si Elias may dako nga pagtuo- pero indi makaayo sang iya kaugalingon!
    • Cancer man ukon sip-on- ang Dios makaayo sa mga nagamasakit…
    • Pero kon nagamasakit ukon wala/ ukon ayuhon ukon indi pag-ayuhon sang Dios…
    • Indi ini nabase sa aton pagtuo- ini tanan tungod sa tuyo kag plano sang Dios!
• 5^th –Ang mando sa Pagtuad… vs. 16
  • 1^st – Pagtuad…
    • Magtuad kamo sang inyo mga sala…
    • Magtuad- magsugid sang imo mga kapaslawan…
    • Ginmanduan kita nga indi manago sa mga sala nga aton nahimo!
    • Damo nga mga tion ang mga tawo nga nagamasakit-nagapakuno-kuno nga ok lang sila…
    • Nalikawan nila ang Doctor- nagalaom nga may milagro nga maayo lang sila…
    • Pero kay wala nila natuad/nasugid-ang ila masakit naga lala na gid!
    • Nagasimba kita kon Domingo- nagapakita nga ok lang ang tanan- plastic nga yuhom…
    • Kay gusto naton nga makita sang tanan nga ok lang gid ang tanan…
    • Pero sa isa ka tawo nga aton nainto amo ang aton kaugalingon- tanan kita napaslawan…
    • Para mag maayo kita-dapat magtuad kita sang aton mga problema!
  • 2^nd – Sa isa…
    • Kag isa…
    • Wala lang kita nagatuad sang aton mga kapaslawan sa Dios para sa kaluwasan – 1 Juan 1:9
    • Nagatuad kita sa isa kag isa para mabalik ang relasyon!
    • Kay kon may sala kita indi lang kita maapektuhan kundi ang iban man sa aton palibot!
    • Sang gamay pa ako-naglakat ako sa balay sang akon migo-ginkuha ko ang iya hampanganan…
    • Sang nabal-an niya damo pa ako balibad kon ngaa ginkuha ko ngaa wala naglisensya…
    • Pero ginsaway niya ako- mangayo nalang bala pasensya para mapatawad ta ka!
    • Nagapangita kita damo nga rason ngaa indi kita magtuad sang aton mga sala..
    • Kay insakto kita-ang iban sala-dapat pawalaan nalang kay ok lang man ang tanan…
    • Pero kon indi kita mangayo patawad- ang relasyon nga naguba indi mabalik!
    • Mateo 5:23-24 – “Gani bisan ara ka na sa halaran nga nagadala sang imo halad sa Dios kag madumduman mo nga ang imo utod may malain nga buot sa imo, ibilin mo anay ang imo nga inughalad malapit sa halaran kag kadtuan mo gilayon ang imo utod kag magpakighusay sa iya. Dayon magbalik ka sa halaran kag maghalad sang imo inughalad sa Dios.”
• 6^th – Mangamuyo sa isa kag isa… vs. 16-18
  • 1^st – Pag-ayo…vs. 16
    • Pangamuyo sa isa kag isa para mag-ayo kamo!
    • Ginmanduan kita sa pagpangamuyo sa isa kag isa para mag-ayo kita!
    • Mag-ayo-wala na sang sala- ang bug-os nga kabuhi mag-ayo na…
    • Ang pag-ayo nga nahambal diri parti sa aton relasyon!
    • Kon wala pag-ayo sa naguba nga relasyon sa simbahan- wala pag-isa/naga bahin-bahin…
    • Ang pagbahin-bahin sa simbahan indi makapanugid kay Jesus-indi kita mangin masanag…
    • Dapat makita ang gugma ni Jesus -ang kalibutan makita nga naga-away kita sa isa kag isa…
    • Manamian si satanas nga wala kita naga-isa sa simbahan- kay indi naton siya mabatuan…
    • Kay kapoy na kita away sa isa kag isa-wala na kusog sa pag-away para sa kalag sa kalibutan!
    • Lucas 11:17 – “Kon ang mga pumuluyo sang isa ka ginharian magbinahin-bahin kag mag-ilinaway, ina nga ginharian malaglag. Amo man ang matabo sa panimalay kon ang mga nagaestar dira magbinahin-bahin kag mag-ilinaway.”
  • 2^nd –Ang dako nga mahimo nga pangamuyo… vs. 16
    • Kay dako ang mahimo sang pangamuyo sang matarong nga tawo!
    • Dako ang mahimo- amo ini ang kusog…
    • Pangamuyo- ka 19 nasulat sa NT- importante/emergency nga pag-ayo sa Dios…
    • Kon may dako nga kusog kag importante nga gina-ayo sa Dios- mabaskog ini!
    • Ano ang importante nga pangamuyo- ang pagpabalik sang isa ka utod nga nagpakasala!
    • Kon may isa nga naghimo sala kag ang tanan sa simbahan kabalo…
    • Ang ina nga tawo nasakitan-wasak ang iya kabuhi bangod sa sala-nahuya sang iya ginhimo…
    • Kag kon maglakat sa simbahan kag ang tanan nagtulok/nagahutik hutik sa iya likod…
    • Mabatyagan niya nga gintalikdan siya/ginsikway siya kag indi na magbalik sa simbahan!
    • Manamian gid si satanas nga ang makasasala indi magbalik sa grasya sang Dios…
    • Gusto niya nga magpabilin nga makabatyag nga ginasilutan kag ginabasol ang kaugalingon…
    • Indi pagsugti si satanans nga magkuha sang bata sang Dios nga ginpanginmatyan ni Jesus!
    • Kon may ara ka kilala nga napaslawan- pangamuyo sa ila kag buligan sila!
    • Indi maghutik-hutik sa ila likod- palapitan sila kag hakson kag palanggaon!
    • Pakita sa ila nga ginabaton sila sa pamilya sang Dios!
    • 2 Corinto 2:11 – “Dapat ta himuon ini agod indi kita madaog ni Satanas, kay nahibaluan ta kon ano ang iya mga pahito.”
  • 3^rd – Ihimplo ni Elijah… vs. 17-18
    • Una nga Pangamuyo…
    • Elijah-Siya tawo man nga pareho sa aton. Nagpangamuyo nga hugot nga indi mag-ulan…
    • Kag wala nag-ulan sa sulod sang tatlo ka tuig kag tunga!
    • Ginhatagan kita sa Old Testament sang ihimplo kon ano ang pangamuyo nga hugot…
    • Si Elijah- tawo nga pareho sa aton…
    • Pareho sa aton nga tawo- naga atubang sang pareho nga kabudlayan…
    • Nagkabuhi siya sa malaot nga nasyon- sa pagdumala sang malaot nga Hari- si Ahab…
    • Si Ahab kag ang iya asawa si Jezebel nagpatay sang damo nga mga propeta sang Dios…
    • Sa paghukom sang sala-si Elijah nangamuyo sang hugot…
    • Hugot sa tagipusoon nga pangamuyo…
    • Kag wala ulan sa Israel sa 3 ka tuig kag tunga – 1 Hari 17:1
    • Ang pagbalik sang relasyon indi nga pawalaan sang Dios ang sala…
    • Kundi mangamuyo kita nga ang Dios maghatag sang pagpina para mabayad ang sala…
    • Kabudlay kon makita ang isa ka tawo nga ginaguba ang iya kabuhi sa iya mga desisyon…
    • May mga tawo nga indi gusto mag-untat pakasala- gusto nila ang ila sala…
    • Maghulat lang kita asta nga sila masugod na bayad sang ila mga napanghimo…
    • Kon gusto gid nila ang sala -wala kita mahimo sa pagbulig sa ila- kundi mangamuyo!
    • Ika-duha nga Pangamuyo…
    • Si Elias nangamuyo liwat – kag ang langit naghatag ulan- kag ang duta naghatag prutas!
    • Pagkatapos 3 ka tuig kag tunga si Elias nag-atubang sa mga propeta ni Baal– 1 Hari 18
    • Siling niya makitaay sa Bukid sang Carmel para ma testingan kon sin-o ang tuod nga Dios…
    • Ang propeta ni Baal sa bilog nga adlaw nanawag nga padal-an sila kalayo sa altar-wala gid!
    • Si Elijah nagsugo sa mga tawo nga bubuan 4 ka dako nga suludlan tubig ang altar-3 ka sulit
    • Kag nangamuyo siya- gulpi ang kalayo halin sa Dios nadagdag halin sa langit…
    • Ginsunog ang halad-ang kahoy-ang bato kag ang tanan nga tubig!
    • Sang nakita sang mga tawo naghapa sila – kag naghambal ang Ginoo Siya ang Dios!
    • Ginkuha nila ang mga propeta ni Baal kag ginpamatay sila tanan- Deuteronomio 18:20
    • Kag si Elijah nangamuyo liwat para mag-ulan-pero ka pito pa ka sulit antis nag-ulan!
    • Ngaa isa lang ka pangamuyo para kay Elijah sa pagpauntat sang ulan…
    • Pero ka pito nga pangamuyo para mag-ulan liwat…
    • Siguro si Elijah indi gusto nga nga mga tawo patawaron!
    • Kay hapos mangamuyo para silutan sang sa pagpabalik sa ila…
    • Kon ang mga tawo nagsakit sa aton-budlay mangamuyo sa Dios nga patawaron sila…
    • Pero kon mangamuyo nga duha duha sa una-nagasugod bag-o sa aton…
    • Ang aton pagtan-aw sa tawo indi na nasandig kon ano ang ila ginhimo…
    • Kag nagatan-aw kita sa ila paagi sa kasanag nga gusto himuon sang Dios sa ila…
    • Ang hugot nga pangamuyo nagabag-o sa aton…
    • Ang pagtan-aw naton sa mga tawo kaangay sang pagtan-aw sang Dios sa ila!
• 7^th – Ang Mando para makabalo… vs. 19-20
  • 1^st –Nagpalayo sa Kamatuoran…
    • Mga utod ko, kon may isa sa inyo nga nagpalayo sa kamatuoran, kag may isa nga magpabalik…
    • Nagpalayo- nagpalayo sa kamatuoran/ nagpalayo kay Jesus…
    • Kag ginbutang ang ila panulok sa kalibutan…
    • Ang aton handom dapat makita sila nga magbalik kay Jesus- maghinulsol…
    • Paano sila buligan sa pagbalik- dapat sila manabat sang ila nahimo!
    • Handa sa pagmangkot sang budlay nga mga pamangkot…
    • Kon nagapadala sila sa ila handom sa paghilawas- nagatan-aw sang mga indi dapat…
    • Kon may handom sila nga mag-inom- kag nagaka dala sa mga naga inom…
    • Indi nga pinahan naton sila kundi buligan nga malikawan ang mga sala!
    • Galacia 6:1 – “…kon may ara sa inyo nga nahulog sa sala,^[a] kamo nga ginatuytuyan sang Espiritu Santo dapat magbulig sa iya agod mapabalik siya sa husto nga pagkabuhi. Pero dapat himuon ninyo ini sa malulo nga paagi.”
  • 2^nd – Maluwas ang Kalag…
    • Dapat mahibaluan ninyo nga ang nagapabalik sa makasasala halin sa malain nga pagginawi…
    • Magaluwas sang kalag sang sadto nga makasasala sa kamatayon!
    • Kon makabulig kita sa isa nga maghinulsol- magbalik kay Jesus…
    • Nakabalo- nahibaluan nga naluwas ang kalag halin sa kamatayon!
    • Espirituhanon nga kamatayon- kay ang sala nagatulod sa aton palayo sa Langit!
    • Hebreo 3:13 – “…magpadumdumanay kamo adlaw-adlaw samtang may tiyempo pa, agod indi kamo mapatalang sang sala nga makapatig-a sang inyo tagipusuon.”
    • Kabudlay palapitan ang isa ka tawo parti sa iya sala-labi na gid sa aton mga palangga…
    • Naga balibad kita nga indi lang sila paghambalon sang ila pagpakasala…
    • Ang matuod kon pabay-an ang tawo sa sala- ano nalang ang ila kabuhi nga wala katapusan…
    • Gani- gintawag kita nga magbulig sa ila bisan basi masakitan sila…
    • Indi kita makapilit sa ila nga maghinulsol- ila pagpili-maka paandam lang kita sa ila…
    • Ang motibo amo ang gugma- gusto naton nga mangin matinlo sila/ginpatawad- Efeso 4:15
    • Gusto naton magliso sila-para makita naton ang pagbalik sang ila relasyon kay Jesus!
    • Kag kon indi sila pagpaandaman- sa Dios sila manabat sang ila kabuhi!
    • Ezekiel 33:8 – “Kon magsiling ako sa malaot nga tawo nga sigurado gid nga mapatay siya tungod sa iya sala kag wala mo siya pagpaandami sa pagbiya sa iya malain nga pagginawi, ikaw ang akon sukton sang iya kamatayon.”